هل رجع حاتم إبراهيم ليكتب باسم جديد ومن الماسنجر ولا أنا ضهبان

04:46 PM December, 08 2019 سودانيز اون لاين



عاطف عمر محمد علي
تابعوا يا شباب تعليقات هذا اللخو المتزايدة على البوستات
من خرم الماسنجر
لكن الغريبة الزول البكتب المرة دي كوز عدييييييل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
غايتو البدمن على البورد دا
ما بقدر يخليه بأخوي وأخوك

أنا محتار شنو البدفع الناس لإستخدام أسماء وهمية
زمان كان الناس بقولوا عشان حماية الكاتب من إنتقام أمن النظام
أها النظام وسقط
فما هي المآرب الأخرى

*

ضهبان الشوية دي!
شكلك ما متابع عاطف عمر ولا عارف اتجاهاته
دة سلفي كوز عديل كدة

خش يا قلب :)
انت اكتب وانا برفع
وأهو فرصة ذاتو نكمل ونستنا بيجاي بعيد من جماعية اينشتاين

Quote: لكن الغريبة الزول البكتب المرة دي كوز عدييييييل ... يا عبد الغني كوز يعني شنو؟ وما هي صفات الكوز؟ عشان نشرب ونقارن!

بس عليك الله ساعدني بالألفاظ
مافي داعي للشتائم :)

Quote: مننو الإبتزاك باختك يا اللخو؟ براك ابتزيتها،،ووالله صحي! قلتا بتتلومها! د قبل ما حبر حكمتك يجف الحكمة شنو: بتحترم التنوع والتعدد! ههههههههههههههههه يا اللخو الحصة لا فيها دين لا فيها رسول! براك بتلخ في روحك وبتتجلبط بي طينك! ووالله صحي!

أنا ما عندي أييييييي مشكلة في إنك تلخني
لكن بس بي فهم عليك الله
تعال قول لي التناقض في احترامي للتنوع بدون تحدي المجتمع أو استفزازه

Quote: طيب امشي قول الكلام دا في البوست داك! مالك خايف من شنو؟ بس تكتيك الجهلول شاتم الرسول،دا ما بمش فيني! تكتب كلام في بوست وضده في بوست تاني!

هو كان ياتو بوست؟
نعلك قايل عندي ذاكرة قدر حقتك :)
غايتو البتذكرو في بوست الديفرينش أنا كنت مع الحريات والبهجة والمسرة للطيش :)

Quote: والملامة ما عشان أنا ما مقتنع بحريتها لكن لأنها عايشة في مجتمع شبه قروي .. نحن عرب جزيرة *ساي وأهلنا لسة فهمهم بعيد عن قضايا الحريات بشكل عام https://sudaneseonline.com/cgi-bin/sdb/2bb.cgi؟seq=msg... .... المكانيكي كتب شنوو في بوست اللحسناء: (بالله لسة في ناس شايفين المرأة عورة مفروض ندسها جوة البيت!) https://sudaneseonline.com/cgi-bin/sdb/2bb.cgi؟seq=msg... هههههههههههههههههههههههه ووووو مافي بت في الدنيا* بتزعل لما يقولوا عليها حلوة https://sudaneseonline.com/cgi-bin/sdb/2bb.cgi؟seq=msg... ..... ههههههههه اها يياا بتاع جزيرة* اورانوس كفاك ولا نزيدك؟

أنا عارفك أصلاً لو مسكت في الموضوع تكمل اللبانة وما تكملو :)
هاك ليها كاملة

Quote: Quote: لو واحد فيكم كانت هذه صورة أخته او زوجته وحدثت مثل هذه الإيحاءات التافهة لقلب الدنيا! كلامك دة تقولوا لإخوانها هي أنا لو اختي عملت جلسة تصوير ونشرتها في الفيسبوك ممكن ألومها لكن ما ممكن ألوم المعجبين والمعلقين لأنه دي طبيعة السوشيال ميديا بلوم اختي لكن ما بلوم بنات الناس لأنه بيئتي ليست الأصل زي ما في بيئات محافظة وبتخاف على البنات من عيون الناس في بيئات بترى حرية بناتها من التحضر وانا ما بفرض ثقافة بيئتي على كل السودان .. احترام التنوع دي حاجة أساسية في أي انسان متعلم ومنفتح على العالم فيا خوي عليك ببناتك ودع بنات الناس لست عليهم برقيب ولست والد الجميع

الملخص يا خلف الله احترام التنوع بخليك ما بتعاين للبنات كلهن بنظرة واحدة ولا تعتبر التربية نظرية واحدة ولا تفترض إنه ثقافتك وقناعاتك هي الأصل والمفروض تمثل السودان وإنه عقد المجتمعات المقفولة - زي حقنا - لا تنفي وجود مجتمعات أخرى متحررة من هذه القيود وسودانية مية المية وليها كامل الحق في التمتع بطريقة حياتها

يا حتومي كوز يعني كتابته بتصب في خط الكيزان
مرجعية الدين السياسية وضرب العلمانية

Quote: ضهبان الشوية دي! شكلك ما متابع عاطف عمر ولا عارف اتجاهاته دة سلفي كوز عديل كدة

سلفي وبتاع إنشتاين مش كدا ههههههههه
بكرة حتجيك مداخلة في الترجمة وتانية في خطوط العرض والطول
ولله يا أحمد محمد عمر لقيتك زول طيب خلاص
_____________________

بالمناسبة يا حتومي سر الاسم الجديد دا شنو
كلمني عليك الله

انت يا حاتم إبراهيم مش كان عندك حاجة اسمها أشواق طيبة
ولا طيبة شنو كدا ما عارف
الحاجة المستغرب ليها ليه ما دام انت توجهاتك كيزانية وسلفية
ليه غشيت علينا وعملت فيها ملحد بهناك هههههههههه
غايتو فطن لحقيقتك ودالمدير بس أنا ما صدقته في الأول
لكن إستغربت إنك نهائي ما دعمت الإنتفاضة والثورة
بل كنت دايماً بتضربها من تحت الحزام
وتبحث عن ثغراتها وتضخمها
ولو متذكر حاولت تعزف على وتر الفتنة بأن الثوار عنصريين
مش كدا

وحاة الله يا عبد الغني مافي أيييي علاقة بين الشخصيتين ديل :)
أنا الاتنين حافظهم .. والله صحي
هسة عليك الله جنس العبارة دي :(ضرب العلمانية) ممكن تتلبس لي حاتم !

بالمناسبة اعفي لي ياخ
انا احتليت البوست بوضع اليد
بحب اتشعلق في بوستات الناس اكتر من فتح البوستات
لأنه لما البوست يكون ما حقك بتقدر تزوغ في أي وقت بدون ما زول يعتبرك ملزم بردود وكدة

سلامات عبد الغني ..
عاطف عمر ما كوز لكن سلفي ربما ..
ولا هو حاتم إبراهيم ..
حاتم إبراهم هو أحمد محمد عمر ذاااتو

براحتك يا أحمد عمر البوست بوستيك
قلت كدا يا مولانا الملك
كويس الأيام هي الفيصل
بس إتوقع إنه يعمل حمية ويقلل أكتر وأكتر مما يربط بينه وبين الشخصية السابقة
المستغرب ليه إنه السلفيين ما قاعدين يكتبوا بمعرفات مزيفة !!!!!!!!!!!!!!!!!

بعدين يا مولانا شوف السلفي متعمق في فيزياء الضوء قدر كيف في الرابط أدناه

لو سايق عربيتك بسرعة الضوء ثم فتحت النور ؛ منو يصل اول؟لو سايق عربيتك بسرعة الضوء ثم فتحت النور ؛ منو يصل اول؟

Quote: بعدين يا مولانا شوف السلفي متعمق في فيزياء الضوء قدر كيف في الرابط أدناه

متعمق دي حلوه ..
كان هو متعمق أنا ذاتي متعمق
أي زول بعرف بفك الخط الانجليزي ممكن يعمل اقتباسات وعمك قوقل سحارتو ملانة ..

Quote: When you're seeing the star, it might actually be dead. But what you're observing is the light emitted by that star millions of years ago , and not now, i.e. you're looking into the past. The astronomers would witness the entire lifespan of the star as long as it emitted radiation continuously until it dies in a supernovae. It wouldn't simple disappear in the nightsky.

يخليل لي الجزئية دي هي الخلتك تفترض إنو دا حاتم.

Quote: حاتم إبراهم هو أحمد محمد عمر ذاااتو

لقد قفعنا في الوخ
أووووبس لقد وقعنا في الفخ

يا مولانا الملك غايتو تعليقاته على المداخلات بتاعت سرعة الضوء في البوست دا
ما تعليقات زول مسطح زي كدا
إمكن انت عندك شوية خلفية في موضوع سرعة الضوء
عشان كدا قادر تحكم على مستوى مداخلاته
بس أنا الكلام بالنسبة لي ولا حتى بفكر أفهم فيه

يا عبدالغنى عاطف عمر شخصية معروفة لدى معظم عضوية سودانيز اون لاين منذ سنوات طويلة
وانا احدهم اعرفه منذ فترة طويلة حيث انه يداوم على الكتابة من خلال نافذة الفيس بوك قبل ايقاف النافذة
والآن بعد عودة النافذة . وهو ســلفى من جماعة انصار السنة . وشخصية مختلفة عن شخصية حاتم ابراهيم .


هو انتا اسمك ايه !؟

Quote: حاتم إبراهم هو أحمد محمد عمر ذاااتو

ههههههههههه ..
أيوه يامولانا قنطرو للجماعة يجوا يلخوهو ...
وبعدين شنو أيام هوجة حاتم في المنبر ..
كان بيجي بيدافع عن نفسه معانا ..
داير يغشنا الوهم ده ...
ـــــــــــــــــــــــــــــــــــــــــــــــــــــــــــــــــــــــــ
يا عد الغني ما عندهم علاقة بي بعض وحاتك ..
لكن أمسك في كلام مولانا ده كلام نجيض ..
ولو ملاحظ (هو) في الشخصيتين (بحبو) الأفلام والآكشن ..

يا أبو حميد الجاتك في شخصيتك سامحتكـ ..
أرخي جسمك للرش الجاييكـ ساااي .. ههههههه

تصحيح : عبد

.
الحاتمفوبيا ......
.
..
.

أهو دة رفعت يدي فوق واستسلمت من أول شلوت

أيام الثانوي عندي صاحبي انضم للحزب الشيوعي وقبضوهو في المظاهرات
دخلوهو المكتب من الباب قال ليهم الخلية فيها فلان وفلان وفلان والتعليمات بتجينا من فلان
الأمنجية بقوا يضحكوا قالوا ليه يا زول اخد ليك كفين تلاتة حتى تتكلم
قال ليهم انا في الزنزانة شايف المناضلين الكبار شغالين لينا ما تتكلموا واستحملوا التعذيب
الواحد يدخل مكتبكم 10 دقايق نسمع الكواريك يا يمة ويا حبوبة وانا حبوبتي ميتة

بالمناسبة . معليش يا اخوي احمد محمدعمر..الجاتك في حاتمك
انتوا الحاصل شنو اي زول اسمه احمد في المنبر تتهموا انه حاتم ابراهيم بالذات
انا شخصيا تعرضت للاتهام دا وطلعت بوستات وفيها حلفان باغلظ الايمان
مع انه ( ايمانهم ضعيف ) وجابوا الدليل والبراهين والاثباتات والمتشابهات والمشتبهات
وقعدت احلف ليهم واشهد الله باني لست حاتم ابراهيم .وكان الرد انني احلف وانا ملحد
احتسبت امري الى الله وسكت..الى ان جعل الله الحل في يد مولانا محمدعلي طه الملك
( ود العمدة) ويعتبر اكثر من قريبي ...وتداخل وحل الموضوع . والحل التاني كان على يد صديقي
دكتور سيف النصر محي الدين الذي شهد بانه يعرفني شخصيا وعشنا فترة سويا.
انا ما زعلت من قولهم باني حاتم ابراهيم الزعلني انه انا ما زول مشاكل ولا عندي اسماء اخرى
وبعد شهادة مولانا والدكتور...ظهرت بوستات الاعتذارات وبرضو فيها مشاكل.

هييييييع
أخوك شيال تقيلة يا ابو حميد
دي سيبها علي :)
حاتم حاتم
وانا لاقي!

هسة بجهز في بوست اسمه فيزياء الكوانتوم في الكاونتربوينت

انتو بالمناسبة الكوانتوم دة شنو؟ أوعى يكون عندو علاقة بالكوندوم!

Quote: هييييييع أخوك شيال تقيلة يا ابو حميد دي سيبها علي حاتم حاتم وانا لاقي

اها ها ها
صراحة انا برضو اكتشفت فيك سر خطير جدا جدا
اكتشاف تاريخي منقطع النظير حيعمل رجة في جنبات المنبر
قعدت احلل واقارن شهور طويلة ورجعت لالاف البوستات والردود
كانت حصيلة الاكتشاف الرهيب العجيب انه
احمد محمد عمر
و
احمد عمر محمد
فيةتشابه كبير في الاسم

الخوف احمد عمر محمد يعمل واحد من بوستاته الرايقة المحترمة ديك يقوم يتلخ على إنه حاتم ابراهيم

Quote: يا مولانا الملك غايتو تعليقاته على المداخلات بتاعت سرعة الضوء في البوست دا ما تعليقات زول مسطح زي كدا

قرقرقرقرقر يا عملات بشاشا

يا عبد الغني ياخي عمك عاطف عمر في الفيزيا دي السطحيبة فايتها بعدد من السنين الضوئية
ياخي أنا الإقتباس الجابو مولانا دا لمن قريتو في محلو هناك تحوقلت وتشهدت ثم كتمت الضحك
لأنه لا يجوز الضحك على الإبتلاء في مثل ذلك المقام

بإختصار
منقولات عاطف عمر في ذلك البوست لا علاقة لها بموضوع البوست.
للحد الذي يدل على أنو ما فاهم موضوع البوست وما فاهم هو بينقل في شنو.

انتو المحتفى به أو عليه غتس وين ؟
كل مرة انزل واطلع خاوي الوفاض ..
عبد الغني زادك شبرين ونص تجي تقول ليهو كوز يعني شنو؟
هسه دا سؤال يا عاطف ياخي ؟
وين رسايلك وين دحكاتك إلي؟
ما يكون مولاهم الذي غشاهم وميكانيكي الدفرنشيات كملو مروتك ؟
صنتك دي تخوّف

يا شباب هوي احمد محمد دا صاحبي ..
صحي هو في مرحلة الطلب كعادة أولاد الضهاري كانت الغنماية بتاكل عشاه ..
بس هسه بقى تفتيحة ولا يقل علما ومهنية وسخرية عن حاتم ..
ويمكن يفوقة لانو هو بكرتونه وحاتم بدون.

طبعاً طلعتوني فارة وما ناقش ولله خا يف إنكم في النهاية إنتو التطلعوا فارات
حاتم حازق ويكون مستمتع هسة بضهبنتكم دي وإلا إنتو متخيلنه متواضع الذكاء
عشان يعملها ليكم ظاهرة ومكشوفة
قالوا ولله عاطف عمر بكتب من سنين
وانتو متخيلين حاتم ولد أمبارح في النت
ياما تجول بعدة أسامي وفي عدة مواقع وعدة شخصيات وإهتمامات متضادة
ولا نسيتوا
صحيح أنا ما بعرف في الفيزياء لكن ما قادر أصدق إنه التعليقات العملها
في بوست النصري أمين عن سرعة الضوء دي تعليقات زول مسطح في الفيزياء
أتمنى الناس الشطار تتعمق أكتر في الحاجات الماممكن الزول مهما إتخفى في كتابته يخفيها
الشولات والوقفات والمفردات البتتكرر بدون وعي
وشوفوا حتصلوا لشنو؟
عمركم شفتوا ليكم إنصار سنة بكتب اسم رباعي مغشوش
ولا فاكرين في شخصية حقيقية اسمها عاطف عمر محمد على أشجار طيبة ههههههه

انا امس كتبت بوست ابري نفسي من ظن احمد ياسين بالانجليزي
والغريبة ما لقيتوا قلت ممكن حذفوه من اللخبطة مشيت على ناس اينشتاين
وقلت ليهم في بوستات اتلطشت، ولمن اعدت البصر كرتين لقيت روحي لايص
بين بوستات لا مداخلة لي فيها.
عموما انا واحمد محمد عمر نتفق في الاسم الاول والتخصص وعاملين swapping
في اسم الاب والجد، وحاتم وانا مشتركين في ألـ IT and Linguistics
يعني يا احمد محمد عمر ما بعيد الرشاش يوم يدور علي، على اني انا هو وهو انا
وعلى قول قسم الفضيل الحاتموفوبيا

إتمنى إنه الناس طيبة النية زي مولانا الملك وحافظ يكونوا بعد دا إقتنعو
إنه عاطف عمر محمد علي ما هو إلا معروف أبوالحسن أو دكتور منو داك أو أشجار طيبةحاتم
المعرفات الكتيرة للشيطان حاتم إبراهيم
واللسة متردد وبقول عاطف عمر دا سلفي من زمان بكتب
ومختلف كتابته عن حاتم وما بفهم في الفيزياء
بقول للجميع يزور البوست

لو سايق عربيتك بسرعة الضوء ثم فتحت النور ؛ منو يصل اول؟لو سايق عربيتك بسرعة الضوء ثم فتحت النور ؛ منو يصل اول؟


ويقرأ تعليقات عاطف عمر (الاسم البكتب بيه حاتم) وإنتبهوا إنه لمن تقرأ التعليقات كلها
في تعليقات مخفية فما عليك إلا تدوس على إظهار 10 تعليقات أخرى وهكذا حتى
تكشف له كل التعليقات
وا أسفي على من ساند حاتم على أنه مناضل وضد الكيزان والسلفية
وهاهو يظهر صورة أخرى مخفية عنه
وما معروف المخفي تاني شنو

عبدالغني يااااخ سلامات اولا
انا بكتب وضارباني طراوة وفوق عليها المكيف هابي هب الجن
وثانيا اعتذر ليك عن اسلوب مخاشنة قديم في المنبر
الله يلعن دين الطراوة قول آمين
فتك بي عافية

آمييييين
بس ما بتاعة طراوة
ومعاها إعتذار عن المخاشنة
وعن التحليل الذي أعترف أنه جانبه الصواب
في ربطي بينكم وبين حاتم إبراهيم
ومن حقكم يا سيدي في إختياراتكم
وما أحلاك يا طراوة
تصفي النفوس والقلوب

أمرك عجيب يا أشجار طيبة

من انت؟
هل كنت زول واحد ولا مكتب
وليه فجأة إختفيت من المنبر بعد نجاح الثورة
وخليت معرف واحد ينشط نشاط عجيب بعد الثورة
عاطف عمر محمد علي
ما أحلاك من اسم
الغريبة لما مشيت صفحتك في الفيسبوك
لقيتك زول حقيقي عنده أهل بعرفوه وزملاء دراسة وعمل
السودانيين ديل كلهم أهل تاريهم
ولا شنو يا عاطف أبوالحسن

عبدالغني ازيك ياخ
برهانك الوحيد انه عاطف عمر محمدعلي ادلى بمعلومات قوية وتنم عن معرفة بالفيزياء
وانت ربطت بينه وبين حاتم فقط من مداخلاتو في بوست (لو سايق عربيتك بسرعة الضوء.....)
وهل دا يعتبر دليل مادي قوي ؟
لكن مع دا لقيتك (بحات)
ممكن طلب بسيط لو سمحت ظروفك عايزك تساعدني بى رايك السديد لانه في سؤال محيرني
حاتم ابراهيم له بوستات مهمة في الموسيقى واجرينا حوارات طويلة عريضة مع استاذنا المحترم
يوسف الموصلي في ردهات المنبر دا . هل وجدت او صادفت اي من المعلومات الموسيقية البتمتع بيها حاتم ابراهيم
في اي مداخلات لعاطف عمر محمد علي ؟
طالما الفيزياء التي برع فيها حاتم ظهرت عند عاطف ..

ما صادفتني مداخلات عن الموسيقى
ومافي أي بوستات عن الموسيقى عشان يتداخل فيها
وكمان حتى لو في ما ممكن يعملها ظاهرة للدرجة دي
وأنا ما بالبلادة البقول ما دام كتب في الفيزياء هو حاتم
انا ذاتو ما بعرف في الفيزياء
لكن زي ما بقولوا
الكرُّ كَرُّ البلقاء ، والضرب ضرب أبي محجن
انت عارف الكتابة نفس
يعني لو دققت في نفس الكتابة حتلقى حاتم نايم في معرف عاطف
زي ما نام ابوالحسن في أشجار طيبة

الاخ الفاضل عبدالغني
اسمح لي بس اراك عيان
صراحة انت رجل ذكي جدا جدا بامانة يعني ، بس راسك ما يكبر ويطرشق .. لانه محتاجين لى راسك الغليد دا
وبكل امانة المدعو/ عبدالغني محمند الحاج المفروض ياخد شهادة تاريخية سيكلوجية معتبرة مصدقة وموثقة من الامم المتحدة

سلام يا أحمد ميوزك
أنا عارف إني ما أخصائي نفسي
رغم إني خريج آداب الخرطوم لما كانت جميلة ومستحيلة
ولا أنا قطعت بإنه عمر هو حاتم
بل تساءلت هل ظني في محله
لأنه كل زول عنده أدواته وذكائه في قراية ما تخفي السطور
وحاتم ثبت إنه إستعمل 4 معرفات مختلفة على الأ[قل
ليوهم بها الناس من قبل..يعني الفعلة ما غريبة عليه
زيد على ذلك إختفاءه المفاجيء
وإتهام أعضاء في المنبر كالمدير له بالكوزنة
فليه ما يكون إختفى بمعرف معين
ليفعّل معرف آخر مناسب لما يريد كتابته الأن
شوف المثال دا
عاطف كتب تحت هنا من الماسنجر

Quote: حاتم إبراهيم ما عنده حاجة اسمها: سيستم أُف ريفرنس! والله صحي! بلخ من طرف

أنا شخصياً ما فاهم الكلام دا معناه شنو

لكن المعرف عاطف واضح إنه فاهم المعرف حاتم جداً
هل صادف أي زول المعرف عاطف
ينتقد المعرف حاتم ؟
رغم إنه حاتم كتاباته في كثير منها مثال للحاجات البتهيج المعرف عاطف هنا
وكمثال ليها إشارته للإلحاد؟
لكن ربما هي كانت إشارة بلعب بيها لزوم التكاتيك
أنا ما جبت نقده التحت لطريقة إستخدام حاتم للمراجع
لأنه شعرت إنها من أجل التمويه