في الذكرى الأولى لانطلاق الثورة: العام ٢٠١٢ باركت انتخاب الخطيب بشعارها المجيد

03:52 PM December, 08 2019

سودانيز اون لاين
عدلان أحمد عبدالعزيز-
مكتبتى
رابط مختصر

التحيات الطيبات تغشينكم جميعاً وتجدكم بخير،

لسنواتِ خلت شغلتني منابر أخرى عن هذا المنبر الرائد ولكني ما انقطعت عن المُتاوقة فيه من وقت لآخر. هذا الصباح تذكرت كلمات كنت قد كتبتها في المنبر بمناسبة انتخاب الأستاذ محمد مختار الخطيب سكرتيراً عاماً للحزب الشيوعي السوداني في سبتمبر ٢٠١٢ حيث كتبت مخاطباً إياه:

"سنسندك ما التزمت مصالح شعب السودان الكادح وحقه في الحرية والسلام والعدل الاجتماعي"
وذلك في الرابط:
https://sudaneseonline.com/board/127/msg/1356323327.html
فهل كان ذلك سبقاً في صك شعار حرية سلام وعدالة، أمّ هي أشواق عبر عنها آخرون في وقت سابق أيضاً؟ لا أدري.


عدلان

Quote: فهل كان ذلك سبقاً في صك شعار حرية سلام وعدالة، أمّ هي أشواق عبر عنها آخرون في وقت سابق أيضاً؟ لا أدري.

سلام يا حبيبنا عدلان ومنور المنبر،
ناس اللغة زي ناس الخواض بسموهو تناص
وناس الفلسفة زي ناس السناري بسموهو توارد خواطر
أما بقية العنقالة الزي دي بسموهو عقل جمعي، أحكي ليك القصة دي:
عندنا واحد صاحبنا من أولاد الأبيض حكى قال:
في حلتهم في الأبيض دائما العصرية بطلعوا يتفرجوا لتمارين الكرة في ميدان الحلة، لاحظوا أي زول بخش الميدان بدندن بأغنية: بحبك جوة جوة جوة ويردد هذا المقطع ويقعد
في البداية كان بضحكوا من هذه الظاهرة الغريبة، بعد شوية دخلتهم خوفة وقالوا دا جن مسك الحلة 😁😁
وما لقوا تفسير لسبب ترديد الناس لا شعورياً لهذا المقطع
المهم في النهاية إكتشفوا في الزقاق المدخل للميدان أحدهم قد كان كتب في الحائط: بحبك جوة جوة جوة 😁😁
في حاجات بتدخل المخيخ من غير الزول ما يلاحظ ليها.
شركة الكوكولا أكتر شركة استفادت من هذه الخاصية في عرض أفلام السينما وبعد الفاصل المشاهدين يشربون الكوكاكولا لا شعورياً.

الأخ العزيز باشمهندس النذير،

Quote: أما بقية العنقالة الزي دي بسموهو عقل جمعي

أها في دي.. أنا معاك

افتقدنا طلاتك في مناسبات المنطقة، كُن بخير.