Post: #2 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-08-2019, 01:51 AM Parent: #1
نعيد السؤال ؛ سايق عربيتك بمزاج بسرعة الضوء ؛ قمت فتحت نور العربية الإمامى ؛ منو يصل لل destination اول ؟ العربية ام نور العربية ؟
Post: #3 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-08-2019, 01:54 AM Parent: #2
البوست ده فى بالى ليه فترة طويلة لكن قبل شوية مرت على تويته فى تويتر تقول :
New Research Shows That Time Travel Is Mathematically Possible
Post: #4 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-08-2019, 01:58 AM Parent: #3
بالرغم انى مافاهم حاجة لكن تشد انتباهى مصطلحات مثل الأكوان المتوازية .قدر ما احاول افهم يغلبنى ..بلاده شديدة ..ما عارفين نعمل شنو فى الرغبة فى معرفة حقيقة الأشياء!!!!!
Post: #5 Title: Re: لو سايق عربيتك بسرعة الضوء ثم فتحت النور ؛ Author: Sinnary Date: 12-08-2019, 02:28 AM Parent: #4
السلام نصري لا تستطيع الأجسام المادية الحركة بسرعة الضوء ولا يمكن لنا رؤية أي شيء يتحرك بسرعة الضوء
Post: #6 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-08-2019, 03:05 AM Parent: #5
اهلا سنارى السؤال طبعا افتراضى .
Post: #19 Title: Re: لو سايق عربيتك بسرعة الضوء ثم فتحت النور ؛ Author: طاهر بدر Date: 12-08-2019, 02:55 PM Parent: #2
بسم الله الاجابة : العربية تصل اول لو راجعة حركة ورا الضوء يصل اول لو ماشه حركة قدام ... يصلوا مع بعض لو العربية زاحفة حركة يمين او شمال
Post: #7 Title: Re: لو سايق عربيتك بسرعة الضوء ثم فتحت النور ؛ Author: عبدالله محمد أحمد Date: 12-08-2019, 06:35 AM Parent: #1
اي كتلة اذا سارت بسرعة الضو سوف تتحول الى طاقة. يعني انت و عربيتك اصبحتما في خبر كان. لكن نفترض انك و عربيتك لم تتحولا الى طاقة، فان الصؤ المنبعث من سيارتك ستصبح سرعته ضعف سرعة الضوء (سرعة عربيتك + سرعة الضوء)، عليه انك لن تلحق الضوء ابدا. لو انك راكب على سيارة مكشوفة تسير بسرعة 100 كيلومتر في الساعة ثم قذفت حجرا في نفس الاتجاه الذي تسير فيه السيارة، فان سرع الحجر ستصبح 100 زايد السرعة التي قذفتها به.
Post: #8 Title: Re: لو سايق عربيتك بسرعة الضوء ثم فتحت النور ؛ Author: muntasir Date: 12-08-2019, 06:51 AM Parent: #7
يا النصري ذكرتني أيام سوداء بتاعت تحرك قطار من نقطه أ بسرعة شنو كده وقطر ب بسرعة شنو لو جدعت حجر أسرع القطر ولا أحلى السكر أيام الله لا عادها ياخ ،المهم الإجابة باي نق طربيع
Post: #9 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-08-2019, 07:01 AM Parent: #8
بتصلوا سوا يا النصري وإذا داير تغالت غالت آينشتاين.
الأكوان الموازية بنجيها بعدين
Post: #10 Title: Re: لو سايق عربيتك بسرعة الضوء ثم فتحت النور ؛ Author: مدثر صديق Date: 12-08-2019, 07:01 AM Parent: #8
بصل اول نور العربية ...لانو نور العربية اصلا هو امام العربية ...و سرعة العربية و سرعة النور متساويات ...يبقي بعد البفرق هو مكان نور العربية ......... و طبعا الاجابة دي حسب افتراض انوا العربية ممكن تمشي بسرعة الضوء ........
Post: #11 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-08-2019, 07:05 AM Parent: #10
Quote: لانو نور العربية اصلا هو امام العربية
إذا العربية ماشة بسرعة الضو نور العربية من لمبتو ما بيمرق.
Post: #12 Title: Re: لو سايق عربيتك بسرعة الضوء ثم فتحت النور ؛ Author: Sinnary Date: 12-08-2019, 07:48 AM Parent: #11
كلما تزيد سرعة أي مركبة حسب إنشتاين بيحصل العكس بالنسبة للزمن المسجل فيها، حيث يبدأ الزمن في التقلص والسير ببطء كلما إقتربت المركبة من سرعة الضوء، وكما قلت سابقاً أنه مبدئياً لا يمكن لجسم مادي السير بسرعة الضوء، إلا إذا تحول لشيء لا كتلة له، مثل الفوتونات، ولكن لو تخيلنا أن المركبة تحولت بالفعل لفوتونات ووصلت سرعتها لسرعة الضوء، ستتفاجأ المركبة بأن الزمن يتجمد عندها، أي يصل التقلص في الزمن حسب السرعة إلى نهايته أي التجمد، حيث لا زمن في سرعة الضوء، فلا تصل المركبة ولا نورها قبل الآخر، لأن ه ببسشاطة لا يوجد زمن لتحدد فيه أيهما يصل أولاً، زائداً عن أن النور لن يخرج أصلاً من اللمبة كما قال الأخ حافظ. فلا يوعى من في المركبة بأنفسهم ولا من هم خارج المركبة يمكن أن يرونهم
Post: #13 Title: Re: لو سايق عربيتك بسرعة الضوء ثم فتحت النور ؛ Author: Biraima M Adam Date: 12-08-2019, 08:35 AM Parent: #12
النصري، سلام .. في الحالات العادية يصل ضوء العربة قبل العربة .. للأسباب الأتية، أولاً: ضوء العربة يسير بسرعة الضوء لأنه من جنس الضوء .. ثانياً: العربة لأنها مادة سوف تسير بسرعة أبطأ من سرعة الضوء .. سرعة المادة أبداً لا تصل سرعة الضوء ..
نأتي إلي الغلوطية، وهى افتراضك أن العربة تسير بسرعة الضوء .. فالضوء هنا لم يخرج من العربة لأن العربة تسير بسرعته .. فأصبحت العربة والضوء جسم واحد .. وبالتالي ح يصلوا الأثنين مع بعض .. دي زي قصة القرادة التي جابت السمسم من القضارف مع الجمل.!
أها الما في شنو؟
بريمة
Post: #14 Title: Re: لو سايق عربيتك بسرعة الضوء ثم فتحت النور ؛ Author: عمر نملة Date: 12-08-2019, 09:42 AM Parent: #13
سلام
ولكن لو تخيلنا أن المركبة تحولت بالفعل لفوتونات ووصلت سرعتها لسرعة الضوء، ستتفاجأ المركبة بأن الزمن يتجمد عندها، أي يصل التقلص في الزمن حسب السرعة إلى نهايته أي التجمد، حيث لا زمن في سرعة الضوء، فلا تصل المركبة ولا نورها قبل الآخر، لأن ه ببسشاطة لا يوجد زمن لتحدد فيه أيهما يصل أولاً، زائداً عن أن النور لن يخرج أصلاً من اللمبة كما قال الأخ حافظ. فرريلا يوعى من في المركبة بأنفسهم ولا من هم خارج المركبة يمكن أن يرونهم شكر سناري.... في قصة عرش بلقيس وضعت احتمالات كتيرة ولم أضع احتمال تقلص الزمن... سألت احد المشايخ عن كيفية دخوله الي أحلامي.. فقال خلينا من دخول الاحلام.. في ضريح شيخ في مستشفى الخرطوم من اكتر من ٢٠٠ سنة... انا شفت الشيخ دا عيانا في التمانينات
Post: #15 Title: Re: لو سايق عربيتك بسرعة الضوء ثم فتحت النور ؛ Author: أحمد محمد عمر Date: 12-08-2019, 11:05 AM Parent: #14
تعال هنا يا عاطف عمر بي هناك دينق بكفرني الليلة عندي ليك مزاج ما عارف ليه :) وأصلاً البوست طلس ساي لا في زول ولا عربية بيوصلوا سرعة الضوء النصري وباقي الجادين فطوني عادي ما تشتغلوا بمشاركاتي اعتبروها up البرفعوا بيها البوستات ديك :)
Quote: مكانيكي الدفرنشات ما شرفتا ورشة العروس المغربية!!
قلتا شنو بتحترم التنوع ووالتعدد
وبتلوم اختك؟ ههههههههههههههههههههه انتو الجابركم علي جنس دا شنوووو؟
فهمتا ولا نجييب ليك فهامة يا كمبيوترجي؟ طبعن اللخو دا ما فاهم اي حاجة! والله صحي! البكتبه ما فاهمه! وتحول مؤخراً لحمل أباريق القحاتة بعد أن كان نفاخ نار للجهلول شاتم الرسول!
شفت يا عاطف السلفي موضوع الابتزاز بالأخت دة أصلو ما بمشي فيني أيوة أترضاه لأختك دي في فهمي ما عندها معنى .. أيوة جات في الحديث بسياق زماني ومكاني واجتماعي مختلف لما كانت المرأة كيان تابع والرجل بتحكم في كل تفاصيلها ومن ثم مسؤول عن التفاصيل دي في زمنا الحالي البنت بقت كائن مستقل وممكن تصرف أمورها بدون وصاية من الرجل يعني هل بتفتكر ممكن الواحد يتحكم في قرارات اخته وهي بي زوجها وعائلتها ومصدر دخلها وتعليمها الممكن أعلى من تعليمه ووعيها أفضل من وعيه أنا قلت ممكن ألوم اختي ما قلت بديها كفين وأمسح فيسبوكها .. غير الملامة الحنينة ما عندي ليها حاجة والملامة ما عشان أنا ما مقتنع بحريتها لكن لأنها عايشة في مجتمع شبه قروي .. نحن عرب جزيرة ساي وأهلنا لسة فهمهم بعيد عن قضايا الحريات بشكل عام لما تعيش في استراليا مثلاً بعد كدة ما بلومها
وشة العروس المغربية دي بي وين؟ ألحقني بيها سريع انت ما عارفني بحب قلة الأدب :) تصحيح بسيط : أنا ما بتاع ديفرنشيات .. داك الزبير أنا دخلت مجاملة ساي أنا بتاع طبلونات
منو الشتم الرسول؟ وقال شنو بالضبط؟ أنا برجح إنك قاصد حاتم لكن عاوزك تجيب لي الكلام بالنص
Post: #25 Title: Re: لو سايق عربيتك بسرعة الضوء ثم فتحت النور ؛ Author: عبدالله محمد أحمد Date: 12-08-2019, 05:12 PM Parent: #15
ارجعوا الى قطار انيشتين. القطار طوله 186 الف ميل و به بابان واحد في مؤخرة القطار و الاخر في مقدمته. يفتح البابان من حساس يفعله ضوء مصباح مثبت في منتصف القطار. القطار يسير بسرعة الضوء. بالنسبة لشخص يقف على الرصيف و شخص اخر جالس في منتصف القطار، متى يفتح البابان بالنسبة لكل من الشخصين؟
Post: #65 Title: Re: لو سايق عربيتك بسرعة الضوء ثم فتحت النور ؛ Author: حامد ساكن حامد بشير Date: 12-12-2019, 07:39 AM Parent: #7
اي كتلة اذا سارت بسرعة الضو سوف تتحول الى طاقة. يعني انت و عربيتك اصبحتما في خبر كان. لكن نفترض انك و عربيتك لم تتحولا الى طاقة، فان الصؤ المنبعث من سيارتك ستصبح سرعته ضعف سرعة الضوء (سرعة عربيتك + سرعة الضوء)، عليه انك لن تلحق الضوء ابدا. لو انك راكب على سيارة مكشوفة تسير بسرعة 100 كيلومتر في الساعة ثم قذفت حجرا في نفس الاتجاه الذي تسير فيه السيارة، فان سرع الحجر ستصبح 100 زايد السرعة التي قذفتها به. يازول انت متأكد ممكن تسبق الحجر ويقوم يفلقك بالميت يكسر ليك قزاز العربية
Post: #16 Title: Re: لو سايق عربيتك بسرعة الضوء ثم فتحت النور ؛ Author: محمد حيدر المشرف Date: 12-08-2019, 11:39 AM Parent: #1
نور العربية لا ينقذف .. النور يصدر ويتحرك بسرعة الضوء
سيصلان في نفس الوقت ..
Post: #17 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-08-2019, 12:53 PM Parent: #16
سلام يا النصرى.. و الإجابة تعتمد على نظام الإسناد بتاعك.. System of reference و انت قاعد تقيس من وين. لو انت السواق و قاعد جوة العربية وولعت النور فسوف ترى ان النور يصل قبلك و هو بسرعة الضوء و انت سرعتك صفر. (ما فى سرعة بدون الاعتماد على نظام اسناد) اما لو كنت واقف فى رصيف كونى خارج العربية فسوف لا ترى ضوءا اساسا لأن الضوء و العربة يسافران سويا و بذات السرعة. كما ورد فى صحيح آينشتاين
Post: #18 Title: Re: لو سايق عربيتك بسرعة الضوء ثم فتحت النور ؛ Author: Biraima M Adam Date: 12-08-2019, 02:22 PM Parent: #17
Quote: كما ورد فى صحيح آينشتاين
مدد يا أهل الله ..ما فضل إلا تقول رحم الله الشيخ أينشتاين .. !
دا شنو يا بشامهندس أبو الريش .. ! .. العلوم التطبيقية لا تحمل معيار الإصحاح .. فهي علوم تحتمل الخطأ والصواب .. وبالتالي أينشتاين وقرنق لن يكون لهم صحاح ..
أقول قولي هذا وللحبيب أبو الريش جواز خطأ رأيه مع احتمال الصواب.
بريمة
Post: #20 Title: Re: لو سايق عربيتك بسرعة الضوء ثم فتحت النور ؛ Author: Mohd Ibrahim Date: 12-08-2019, 03:03 PM Parent: #18
بعتمد انت جاري نور طويل ولا قصير.. ههه
Post: #21 Title: Re: لو سايق عربيتك بسرعة الضوء ثم فتحت النور ؛ Author: عبدالغني محمد الحاج Date: 12-08-2019, 03:18 PM Parent: #18
أكبر المفاجاءات التي سيكتشفها البورداب برة موضوع البوست إنه حاتم إبراهيم إتضح إنه كوز كوز إختفى بسقوط الحكومة من حوش البورد وبقى يتاوق باسمه الجديد وحقيقة إنتمائه من النافذة كائن حلزوني شماتتي في ناس ساندوه من قبل وبقى يشوتهم هسة بالاسم الجديد
Post: #22 Title: Re: لو سايق عربيتك بسرعة الضوء ثم فتحت النور ؛ Author: Gafar Bashir Date: 12-08-2019, 03:21 PM Parent: #21
العربية بتصل اول لانو اللميات ما خاتينها في الصدام يعني صدام العربية حايقص الشريط قبل الضوء
المهم دي عرفناها بس دي الما عرفتها
Quote: دي زي قصة القرادة التي جابت السمسم من القضارف مع الجمل.!
Post: #24 Title: Re: لو سايق عربيتك بسرعة الضوء ثم فتحت النور ؛ Author: Asim Ali Date: 12-08-2019, 05:02 PM Parent: #22
سلام عليكم رد الاخ سنارى التانى قدم اجابه عميقه ومفهومه لكل الاطياف .لكن يا انصرى كدى اسال شيخ قوقل حول نفس الموضوع عن (Twin Paradox) وتمدد وانكماش الزمن
Post: #26 Title: Re: لو سايق عربيتك بسرعة الضوء ثم فتحت النور ؛ Author: Sinnary Date: 12-08-2019, 05:36 PM Parent: #22
الأخ عاطف من نافذة البوست وجهت لك أسئلة في بوست (مقال منصور خالد لمصطفى الجيلي) ولم ترجع رجوتك أن تترك المشاغبات غير العملية من النافذة وسأساعدك في الحصول على فرصة الكتابة في المنبر تحت أي اسم لأن التعليقات من النافذة مزعجة ولا يستطيع كل متداخل الإنتباه لها والتعاطي معها رجاءاً أترك الممحكات من النافذة وتعال بالباب العديل حتى ناخد وندي معاك أياً كنت أو كانت آراءك بالنسبة لسخريتك من جملتي (إلا إذا تحولت لشيء لا كتلة له) ثم إلحاق ذلك بجملة ساخرة (لا كتلة له أم كتلة لا نهائية) طبعاً لا كتلة له لأن الكتلة اللانهائية حتجيب ليها طاقة من وين تحركها بسرعة الضوء قاما حتحول ليك الكتلة لكتلة نسبية ويتجمد الزمان والمكان يجب أن تقرأ جيداً وبعينين مفتوحتين أنا قلت إذا تحول جسم إلى طاقة إلى فوتونات يمكن حينها التحرك بسرعة الضوء ولكن لم أقل أن أي جسم مادي متحرك سيتحول لفوتونات عند سرعة الضوء يا سيدي يجب أن تنتبه للفرق بين الحركة في سرعة تقترب جداً من سرعة الضوء والسير في سرعة الضوء فانت موهوم إذا ظننت أن كتلة لا نهائية تسير في سرعة الضوء بينما الفوتونات ولأنها لا تمتلك كتلة بل هي موجات ضوئية كهرومغناطيسية يمكنها فعلاً الحركة بسرعة الضوء لأنها كما تتصرف كجسيم تتصرف أيضاً كموجات هذا ما قلته أن لا شيء يمتلك كتلة يسير في سرعة الضوء فلوستوب ولكن لو تخيلنا أن هذا الشيء تحول لطاقة، لفوتونات يمكنه إذن فعلها وأكرر أنه مع زيادة الحركة للمركبة بإتجاه الوصول لسرعة الضوء يبطئ الزمان ويتقلص المكان تدريجياً بينما تتعاظم كتلة المركبة تدريجياً حتى يتوقف الزمان والمكان في النقطة التي تصل فيها المركبة لسرعة الضوء إذ لا ينفصل الزمان عن المكان في نسبية إنشتاين
Post: #23 Title: Re: لو سايق عربيتك بسرعة الضوء ثم فتحت النور ؛ Author: عبدالله محمد أحمد Date: 12-08-2019, 05:00 PM Parent: #1
اي كتلة اذا سارت بسرعة الضو سوف تتحول الى طاقة. يعني انت و عربيتك اصبحتما في خبر كان. لكن نفترض انك و عربيتك لم تتحولا الى طاقة، فان الصؤ المنبعث من سيارتك ستصبح سرعته ضعف سرعة الضوء (سرعة عربيتك + سرعة الضوء)، عليه انك لن تلحق الضوء ابدا. لو انك راكب على سيارة مكشوفة تسير بسرعة 100 كيلومتر في الساعة ثم قذفت حجرا في نفس الاتجاه الذي تسير فيه السيارة، فان سرع الحجر ستصبح 100 زايد السرعة التي قذفتها به.
Post: #27 Title: Re: لو سايق عربيتك بسرعة الضوء ثم فتحت النور ؛ Author: فيصل محمد خليل Date: 12-08-2019, 05:39 PM Parent: #23
العربية تقول للضوء أقابلك في زمن ماشي وزمن جاي و زمن لسه.
قوم بول
Post: #28 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-09-2019, 01:59 PM Parent: #27
شكرا يا شباب على المعلومات... طيب نغير شوية فى صيغة السؤال
لو راكب نفس العربية بسرعة الصوت و دايس البورى بصورة مستمرة و ضاغط على الابنص فى (يعنى سرعة العربية فى زيادة ) فى اى سرعة العربية و صوتها يصلوا فى نفس الوقت .
Post: #29 Title: Re: لو سايق عربيتك بسرعة الضوء ثم فتحت النور ؛ Author: Asim Ali Date: 12-09-2019, 05:02 PM Parent: #28
طالما سرعه العربيه اقل بكتير من سرعه الضوء يمكن للسياره ان تصل مع صوت البورى اذا (اخترقت حاجز الصوت) اى وصلت سرعتها سرعه الصوت
Post: #30 Title: Re: لو سايق عربيتك بسرعة الضوء ثم فتحت النور ؛ Author: Asim Ali Date: 12-09-2019, 05:05 PM Parent: #29
Post: #31 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-09-2019, 07:30 PM Parent: #30
طيب يا النصرى.. ما دام الكل جربندية هنا اقول ليك ما حتسمع صوت البورى لان صوت اختراق حاجز الصوت بتاع العربية يصم الاذان.
واحد ودا عرببتو للميكانيكى.. قال ليه العربية دى أى حتة فيها تعمل صوت ما عدا البورى
Post: #32 Title: Re: لو سايق عربيتك بسرعة الضوء ثم فتحت النور ؛ Author: Asim Ali Date: 12-09-2019, 08:07 PM Parent: #31
السؤال كان ببساطه
Quote: فى اى سرعة العربية و صوتها يصلوا فى نفس الوقت .
مش سماعو وموانع سمعو
Post: #33 Title: Re: لو سايق عربيتك بسرعة الضوء ثم فتحت النور ؛ Author: Ahmed Yassin Date: 12-09-2019, 09:21 PM Parent: #32
هو في عربية بتطير بسرعة الضو؟ وهي اصلا ماشة وين؟
Post: #34 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-09-2019, 09:35 PM Parent: #32
Quote: لو انت السواق و قاعد جوة العربية وولعت النور فسوف ترى ان النور يصل قبلك و هو بسرعة الضوء و انت سرعتك صفر.
يا أبو الريش إجابتك دي إجابة جربندية جداً في المكانيكا غير النسبية السرعات تضاف لبعض ببساطة ككميات متجهة يعني لو إنت سايق عربية كوريلا في الطريق من الخرطوم لمدني بسرعة س كلم/ساعة وجا بص في نفس الإتجاه بسرعة ص كلم/ساعة سرعة البص بالنسبة ليك (ك) = (ص - س) كلم/ساعة
في النسبية الخاصة، السرعات لا تضاف بهذه البساطة بل تدمج بالنسبة لسرعة الضوء بالصيغة الآتية: ك = (ص - س)/(1+ (س x ص/ع^2)) بحيث أن ك هي سرعة البص بالنسبة للشخص داخل العربة س هي سرعة العربة الكوريلا ص هي سرعة البص ع هي سرعة الضوء
لو س و ص هي سرعات قليلة بالنسبة لسرعة الضوء فالحساب بالصيغة النسبية والغير نسبية سيعطي نفس النتيجة
ولكن لو أن س هي سرعة عربة النصري محور البوست ص هي سرعة الضوء المنبعث منها بالنسبة لشخص خارج العربة ك هي سرعة الضوء المنبعث من العربة بالنسبة للشخص داخل العربة في هذه الحالة فإن ص = صفر/صفر بمعنى أن سرعة النور المنبعث من كشاف العربية ليس بسرعة الضوء بالنسبة للشخص داخل العربة ولا هو سرعته صفر بالنسبة لنفسه بل كلاهما كميات غير معينة (صفر/صفر)
__________
عاطف عمر عليك الله إنت فاهم كلامي دا؟😝
Post: #35 Title: Re: لو سايق عربيتك بسرعة الضوء ثم فتحت النور ؛ Author: أحمد محمد عمر Date: 12-09-2019, 10:24 PM Parent: #34
غايتو يا عاطف انت زول ظريف وأي حاجة لكن وحاة الله معادلات مولانا دي لا بتقدر ليها ولا حاجة أعمل نايم بنضحك يومين ونقول بن علي هرب وبننسى الموضوع وتعال بعد شهر راجع وناقر عادي نحن نساااااااايييين ما زي الأطرش بتاع النكتة
Post: #36 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-10-2019, 01:18 AM Parent: #35
الشبح حافظ بشير حيرتنا عديل ما عارفنك دكتور و لا مهندس ولا محامى.. شغل نضيف لكن
Post: #37 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-10-2019, 04:09 AM Parent: #36
يا حافظ كلامك دا حافظينو فى خلوة الشيخ أينشتاين.. و انت عارف النسبية الخاصة لكنك دقست.. لان كلامك ذا كله يكون صحيح و انت قاعد فى الكرسى جنب النصرى. لكن مجرد ما تنزل من العربية نتيجة معادلتك ستتغير.. المعادلة نفسها لكن النتيجة تتغير بتغير نظام الاسناد الذى كان العربية و الان صار الرصيف الانت واقف فيه. سرعة الضوء ليست ثابتة فحسب و لكن فوق ذلك تحكم سرعات كل الأجسام. يعنى لو انت سايق بسرعة الضوء و النصرى برضو بنفس السرعة.. ولكن فى اتجاهين معاكسين تماما.. فان قوانين نيوتن الواحد عشان يصل السرعة النسبية بياناتهم يقوم ببساطة يجمع السرعتين و يمشى أقرب ستاربكس يشرب قهوة ولكن فى الفيزياء الحديثة معقدة شوية اكتر.. لانه لو انت ماشى بسرعة الضوء و النصرى برضو.. فان السرعة النسبية بيناتكم ستكون ضعف سرعة الضوء!! و هدا ضد قانون النظام العام الذى وضعه عمنا أينشتاين.. لانه حسب الفيزياء الحديثة لا يمكن لأى جسم ان يسافر باسرع من سرعة الضوء حتى عن طريق جمع السرعات.. يعنى تلاعب بالألفاظ ما ينفع.. لذلك اينشتاين وضع الفورمولا الجديدة لجمع السرعات وهى.. السرعة النسبية بين جسمين (الف و باء) يسيران عكس بعضهما تساوى الف زائد باء مقسومة على 1 ناقصا افتح قوس الف مضروبة فى باء و الناتج مقسوم على مربع سرعة الضوء.. ]
Post: #38 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-10-2019, 05:03 AM Parent: #37
فى أنتظار فى حافظ لتفنيد حججك يا محمد ... السؤال موضوع البوست جاء فى تعليق لاحدهم فى تويته عن الفيديو ادناه
حاجة غريبة فعلا
Post: #39 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-10-2019, 05:15 AM Parent: #38
عاوز تفند حججى ليه يا النصرى؟ قنعت منها خلاص؟ قول يجى يبدى رأيه فيها و اللا حاجة.
القيديو الفوق بتاع الزول البينط.. دا برضو فيه حيلة فيزيائية.. المفورض هو كل نطة تكون أقصر من سابقتها لأنه فى طاقة مفقودة نتيجة مقاومة الهواء و خشونة المرتبة.. لكن لاحظ صاحبو الواقف.. ضربة صاحبه على المرتبة برجله تزيد طاقته للإندفاع مرة أخرى بنفس الطاقة القدية لأن ضربة المرتبة بالرجل تعوض الطاقة المفقودة. و فى الحالة دى the kinetic energy always = the potential energy
Post: #40 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-10-2019, 05:56 AM Parent: #39
يا محمد .. انا يخربنى كان فاهم فى معادلات الفيزياء دى لكن واضح فى خلاف بينك و بين الشبح 🙂 قلنا نعمل المديدة حرقتنى.
بالنسبة الفيديو ؛ مشكلتنا موش فى الطاقة المفقودة ، مشكلتنا لمن ينط ، وهو فى الهواء ؛ العربية اتحركت من مكانها ؛ يفترض يقع فى الواطه و ما يقع فى نفس المكان الذى نط منه .
Post: #41 Title: Re: لو سايق عربيتك بسرعة الضوء ثم فتحت النور ؛ Author: احمد عمر محمد Date: 12-10-2019, 09:05 AM Parent: #40
Post: #42 Title: Re: لو سايق عربيتك بسرعة الضوء ثم فتحت النور ؛ Author: Asim Ali Date: 12-10-2019, 10:30 AM Parent: #40
Quote: مشكلتنا لمن ينط ، وهو فى الهواء ؛ العربية اتحركت من مكانها ؛ يفترض يقع فى الواطه و ما يقع فى نفس المكان الذى نط منه .
الزول دا بما انو راكب على جسم متحرك ...عندو سرعه افقيه (سرعه الجسم المتحرك/التركتر والترله بحاجاتا ) ولما يقفز راسيا لاعلى بيكون مكتسب لسه نفس السرعه الافقيه وسرعتو النسبيه للجسم المتحرك = صفر (سرعه نسبيه بالمعنى النيتونونى مش بالمعنى الاينشتاينى)
Post: #43 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-10-2019, 02:04 PM Parent: #42
يا عاصم كلامك ممكن نفهمه لو الزول ده داخل طيارة مثلا . لكن هو فى الهواء الطلق ؛ يفترض لمن ينط يفقد علاقته بالترله و يهبط هبوط ناعم فى نفس النقطه الذى قفز منها
Post: #44 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-10-2019, 03:13 PM Parent: #43
العربية ماشية بالراحة يا النصرى.. و بكدا اكيد بيرجع بوصة او بوصتين و يصلحها قبل القفزة التانية.. بس خلى السواق يسرع شوية و شوف لو ما انتفض
Post: #45 Title: Re: لو سايق عربيتك بسرعة الضوء ثم فتحت النور ؛ Author: امتثال عبدالله Date: 12-10-2019, 03:36 PM Parent: #43
الله يجازيكم .. عملتو لي صداع....وهسع قاعدة في الفصل وأفكر بعد التضريبات الحسابية الكثيرة لحافظ وعاصم وأبو الريش ونظريات أينشتاين الما بتتفهم دي وأفكر هل العربية بتصل اول ام الضوء....!!؟
Post: #46 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-10-2019, 03:51 PM Parent: #45
يا امتثال لو الزول داخل العربية بيشوف الضوء يصل اولا. ولو خارج العربية بيشوف الاتنين يصلوا مع بعض. و الاتنين كلامهم صاح 100%
بعدين انتى فى الحتة الكان شغال فيها أينشتاين زاتو. و العمل فيها الآبرى
Post: #47 Title: Re: لو سايق عربيتك بسرعة الضوء ثم فتحت النور ؛ Author: Asim Ali Date: 12-10-2019, 04:07 PM Parent: #43
ظاهريا بعينك المجرده بتشوفو اتحرك عموديا لاعلى (خط مستقيم) لكن الحقيقه انو مسار (اشبه بمسار مقذوف/منحنى) بسبب السرعه الافقيه لرحله الرجل فى الهوا
Post: #48 Title: Re: لو سايق عربيتك بسرعة الضوء ثم فتحت النور ؛ Author: Gafar Bashir Date: 12-10-2019, 04:14 PM Parent: #47
Quote: في المكانيكا غير النسبية السرعات تضاف لبعض ببساطة ككميات متجهة
يا مولانا انت علاقتك شنو بالميكانيكا انا وخوي ود البشري تبع الميكانيكا قلت رايي ومنتظر ود البشري يعني ما جربندية البتعمل فيهو انت ده حتي لو ( تدثر بالرداء العلمي) برضو جربندية
Post: #49 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-10-2019, 04:56 PM Parent: #48
Quote: ما عارفنك دكتور و لا مهندس ولا محامى..
وما تنسى جربندي كمان😂
كلو من السينما والأفلام يا النصري من حضرت زمااان The Thirteenth Floor وأنا شاكي في أي شي قلت أقرا لي شوية فيزيكس يمكن ترجع تطمني لمن وصلت الdouble-slit experiment القصة جاطت نهائي وغلبني ألمها
Post: #50 Title: Re: لو سايق عربيتك بسرعة الضوء ثم فتحت النور ؛ Author: Ahmed Yassin Date: 12-10-2019, 04:58 PM Parent: #48
الفيزياء دي عايزة اخونا وحبيبنا ( منير) ود الشعبية ياها دي شغلتو
Post: #51 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-10-2019, 05:31 PM Parent: #50
سلام يا أبو الريش
Quote: السرعة النسبية بين جسمين (الف و باء) يسيران عكس بعضهما تساوى الف زائد باء مقسومة على 1 ناقصا افتح قوس الف مضروبة فى باء و الناتج مقسوم على مربع سرعة الضوء
دي نفس الفورميولا الأنا إستخدمتها في فوق وخلينا ننسى فكرة العربية ونعيد حساب سرعة الفوتون بالنسبة لأخيه الفوتون بإستخدام الفورمولا حتلقى إنو السرعة النسبية للفوتون بالنسبة للفوتون الآخر هي كمية غير معينة. ودا نفس كلام سناري أنا بس عبرت عنو بطريقة رياضية وسناري عبر عنو بطريقة تانية.
Quote: حيث لا زمن في سرعة الضوء، فلا تصل المركبة ولا نورها قبل الآخر، لأنه ببساطة لا يوجد زمن لتحدد فيه أيهما يصل أولاً
إختلافي معاك في إنك قلت "لو انت السواق و قاعد جوة العربية وولعت النور فسوف ترى ان النور يصل قبلك" والكلام دا غير صحيح بحسب نسبية آينشتاين
Post: #52 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-10-2019, 05:37 PM Parent: #50
يا شباب ممكن تقولوا أى شئ بس عمنا أينشتاين دا ما تهبشوه.. بعد شوية ننزل العفش
بعدين بالله عليكم نبعد من حكاية مؤهلاتك شنو و علاقتك شنو بالميكانيكا .. وبدل ذلك نناقش ما يطرحه الشخص.
Post: #53 Title: Re: لو سايق عربيتك بسرعة الضوء ثم فتحت النور ؛ Author: امتثال عبدالله Date: 12-10-2019, 05:52 PM Parent: #52
سالت زميلة طالبة أمريكية إذا كانت ممكن تفهمني نظرية أينشتاين "النسبية " خطوة خطوة، فقالت احسن واحد يقدر يفهمك طلبك هو دكتور توماس أينشتاين وهو يقيم في مدينة سانتا مونيكا في ولاية كاليفورنيا....وهو حفيد ألبرت أينشتاين....ولذلك وفي الصيف وقبل السفر السودان سوف نزور حفيد أينشتاين ونفهم منه المسألة وأن شاء الله نقدر نرد على سؤال النصري في هذا البوست العلمي المعقد ....
Post: #54 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-10-2019, 06:24 PM Parent: #53
"والكلام دا غير صحيح بحسب نسبية آينشتاين"
لا الكلم دا صحيح حسب نسبية اينشتاين
أقول ليك شنو يا حافظ... ما خليت لى إلا أقول صدق الله العظيم. القرارات الجمهورية دى أحسن نخليها للسياسيين.. و نناقش بمنطق و تسبيب و تبيين.
Post: #56 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-10-2019, 06:27 PM Parent: #54
"دي نفس الفورميولا الأنا إستخدمتها في فوق"
نعم و دا الكلام القلتو ليك فوق.. راجعه باللاى. قلت ليك اوردتها لكن ما التزمت بيها و التفصيل فى الرد زاتو
Post: #64 Title: Re: لو سايق عربيتك بسرعة الضوء ثم فتحت النور ؛ Author: محمد الأمين موسى Date: 12-12-2019, 07:05 AM Parent: #53
Quote: وفي الصيف وقبل السفر السودان سوف نزور حفيد أينشتاين ونفهم منه المسألة وأن شاء الله نقدر نرد على سؤال النصري في هذا البوست العلمي المعقد ....
بالله لو زرت الود توماس قولي ليهو جدّك العامل زي كمال شداد دا، مالو كان ما بيحلق شعرو؟
Post: #55 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-10-2019, 06:24 PM Parent: #52
Quote: البتعمل فيهو انت ده حتي لو ( تدثر بالرداء العلمي) برضو جربندية
😂 يا باشمهندس مكانيكتكم إنت وود البشرى بتاعة المنطقة الصناعية دي ما عندها علاقة بالبوست دا إلا كان تتشعلقوا في عربية النصري بس أبعدوا من الفوتونات
Post: #57 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-10-2019, 06:34 PM Parent: #55
سلام يا أبو الريش تنزيل العفش دا زاتو ياهو المطلوب وأكيد حيكون مكسب كبير ونحن المستفيدين طبعاً كلامك غير صحيح حسب فهمي أنا وقولي دا زاتو قابل للصاح والخطا و أنا ما قلت كلامك غير صحيح وسكت أنا دعمت موقفي بمنطق رياضي وحساب وتاني بقول ليك سرعة الفوتون بالنسبة للفوتون وحسب الفورميولا بتاعة آينشتاين بتساوي صفر/صفر وهي كمية غير معينة. لو عندك وجهة نظر مختلفة أدينا ليها عشان نتعلم حاجة جديدة بدل تهرشنا وتتهمنا بعدم المنطق بدون دليل.
Post: #58 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-10-2019, 06:44 PM Parent: #57
Quote: نعم و دا الكلام القلتو ليك فوق.. راجعه باللاى. قلت ليك اوردتها لكن ما التزمت بيها و التفصيل فى الرد زاتو
أبداً يا أبو الريش مافي تفاصيل في ردك بتوضح عدم إلتزامي بفورميلا دمج السرعات يا ريت يا أبو الريش عشان ندفع بالحوار للأمام توريني أنا وعزيزك القارئ كيف تطبق الفورميولا بتاعة جمع السرعات لحساب سرعة فوتون بالنسبة لفوتون تاني.
Post: #59 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-10-2019, 07:09 PM Parent: #58
هلا حافظ
"وتاني بقول ليك سرعة الفوتون بالنسبة للفوتون وحسب الفورميولا بتاعة آينشتاين بتساوي صفر"
طيب هذا كلامى زاتو.. سواق العربية الماشية بسرعة الضوء، و عشان هو جوة العربية (الفوتون) تكون صفر.. لذلك لما يولع النور يشوفه ماشى قدامه بسرعة الضوء C و لذلك قلت ليك انك ما التزمت بالفورمولا. ما عملت أى إعتبار لعامل نظام الإسناد بتاع المراقب
Post: #60 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-10-2019, 07:30 PM Parent: #59
يا أبو الريش أنا ما قلت بتساوي صفر أنا قلت بتساوي صفر/صفر
الفورميولا كالآتي ك = (ص - س)/(1- (س x ص/ع^2))
ك هي سرعة الفوتون بالنسبة للفوتون التاني س هي سرعة الفوتون الأول و ص هي سرعة الفوتون التاني بالنسبة لنقطة إسناد خارجية س - ص = صفر وبما إنو س و ص الإتنين بيساوا سرعة الضو (ع)، إذن (س x ص/ع^2) = 1 1 -1 = صفر إذن ك = صفر/صفر سرعة الفوتون بالنسبة للفوتون التاني كمية غير معينة ويمكن أن تتخذ أي قيمة
Post: #61 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-10-2019, 10:51 PM Parent: #60
اسف للتكرار
Post: #62 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-10-2019, 10:51 PM Parent: #60
يا حافظ معادلتك دى من شكلها تشبه تقلص الطول مع السرعة .. لو تكرمت ممكن تترجمها لينا بالإنجلزى عشان نتابع معاك
Post: #63 Title: Re: لو سايق عربيتك بسرعة الضوء ثم فتحت النور ؛ Author: Salah Zubeir Date: 12-11-2019, 06:16 AM Parent: #62
Quote: تصحيح بسيط : أنا ما بتاع ديفرنشيات .. داك الزبير أنا دخلت مجاملة ساي .. أنا بتاع طبلونات
انا زاتي بديت أقتنع إنك حاتم ابراهيم الحرامي ... 😜😜😀😀 بوست معنون بالحسناء المستوزرة التي تجد صورتا في متن البوست ... دخلتا انا فيهو بالغلط وسألت في موضوع الميكانيك واعتذرت لصاحب البوست لحرف البوست ... بعضهم أو جلهم ربط بين استفساراتي وموضوع البوست وانا اعتبرهم من شذاذ الفهم الأعوج إذ لا علاقة بين الموضوعين حتي بالأماره أسأل قريبي شانتير ....
Post: #66 Title: Re: لو سايق عربيتك بسرعة الضوء ثم فتحت النور ؛ Author: عمر نملة Date: 12-12-2019, 07:59 AM Parent: #63
بشوف في فيديو ل د مصطفى محمود عليه الرحمة قال( اذا انطلق النهار دا بسرعة أعلى من سرعة الضوء بيوصل امبارح. لانه عند سرعة الضوء يتوقف الزمن وسرعة أعلى منه يتراجع الزمن)
Post: #67 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-12-2019, 08:24 AM Parent: #66
"ك = (ص - س)/(1- (س x ص/ع^2))"
باللاى عليك يا حافظ ترجم المعادلة المدغمسة دى بالإنجليزى.. أو ممكن تبحث فى قوقل بالإنجليزى فى وضع images و حتلقاها كصورة.. ودى افضل. و بصراحة معادلتك الفوق دى ما فهمتها. (ما أدونها ليها).. يكون الاستاذ أداكم ليها فى الفسحــة.
بعدين فيها 3 متغيرات.. يا ريت لو شرحتهم.. و اسم القانون شنو (جمع سرعات، تقلص الزمن، تقلص الطول...الخ)
Post: #68 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-12-2019, 09:51 PM Parent: #67
Quote: باللاى عليك يا حافظ ترجم المعادلة المدغمسة دى بالإنجليزى.. أو ممكن تبحث فى قوقل بالإنجليزى فى وضع images و حتلقاها كصورة.. ودى افضل. و بصراحة معادلتك الفوق دى ما فهمتها. (ما أدونها ليها).. يكون الاستاذ أداكم ليها فى الفسحــة.
بعدين فيها 3 متغيرات.. يا ريت لو شرحتهم.. و اسم القانون شنو (جمع سرعات، تقلص الزمن، تقلص الطول...الخ)
عارف يا ابو الريش ما كنت داير ارد ليك لأنو فوق هناك إنت كتبت الفورميلا دي وأنا قلت ليك دي نفس الفورميولا بتاعتي وإنت قلت عارف لكن جاني شيخي نيلز بور حلمني في المنام وقال لي وليدات خلوة شيخ آينشتاين ديل إتوصى بيهم وناقشهم بحنية.
طيب يا أبو الريش اول حاجة شيخك آينشتاين ما عندو قانون إسمو جمع السرعات. جمع السرعات دا هناك عند ناس أبونا الشيخ جاليليو. آينشتاين الفورميولا بتاعتو إسمها قانون دمج السرعات (The velocity-composition law) وليست جمع السرعات عشان نكون دقيقين. والقانون يسري كالآتي: إذا كان الجسم أ (الفوتون الصادر من الفانوس الأمامي لعربية النصري) يتحرك بسرعة v بالنسبة للجسم ب (عربية النصري)، والجسم ب يتحرك بسرعة u بالنسبة للجسم ج (مشاهد خارجي، أبو الريش مثلاً)، فإن سرعة الجسم أ بالنسبة لسرعة الجسم ج (w) يمكن حسابها بالمعادلة التالية:
في الحالة دي طبقنا القانون لحساب سرعة الفوتون المنطلق من عربية النصري بالنسبة للمشاهد الخارجي (أبو الريش ). وبالحساب ستكون سرعة الفوتون بالنسبة لأبي الريش هي 2c/c = c و بالتالي يمكن القول بأن سرعة الضوء بالنسبة لأي مشاهد تظل ثابتة على c. وبما أن سرعة عربية النصري بالنسبة لأبي الريش مساوية لسرعة الضوء (حسب الإفتراض الأساسي للنصري في بداية البوست) فإن أبا الريش سيرى أن عربية النصري ستصل للdestination في نفس زمن وصول النور. وهي إجلبتي في بداية البوست كمشاهد خارجي. وطالما أن عربية النصري نفسها يمكن إعتبارها فوتون فيمكن القول بأن الفوتنات المنطلقة من أي جسم مضيء في نفس الزمن ستصل إلى أي نقطة معلومة في نفس الزمن. وهذا ما نشاهده في حياتنا الطبيعية اليومية واللحظوية.
سرعة الفوتون بالنسبة لأخيه الفوتون الآخر او سرعة الفوتون من منظور النصري الجالس داخل عربته: بالنسبة للنصري سرعة الفوتون هي v ولإيجاد قيمة v نعيد صياغة قانون دمج السرعات ليصبح كالآتي: وبما أن u = w فإن w-u = 0 وبما أن w = u = c فإن wu/c^2 = 1 وبالتالي 1 - 1 = 0 إذن v (سرعة الفوتون بالنسبة للنصري) = 0/0
رسم توضيحي
Post: #69 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-12-2019, 10:35 PM Parent: #68
تصحيح
Quote: سرعة الفوتون بالنسبة لأبي الريش هي 2c/c = c
سرعة الفوتون بالنسبة لأبي الريش هي 2c/2 = c
Post: #70 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-13-2019, 01:36 AM Parent: #69
حافظ انتهى منك يا محمد عثمان 🙂
Post: #71 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-13-2019, 02:45 AM Parent: #70
ههههه النصرى بطل المدايد الحارة دى عارف كلام حافظ دا ما فيه معادلة مفيدة واحدة.. على غرار جملة مفيدة. و جاى ليك يا حافظ .. دا ما رد..
Post: #72 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-13-2019, 03:00 AM Parent: #71
Quote: ههههه النصرى بطل المدايد الحارة دى عارف كلام حافظ دا ما فيه معادلة مفيدة واحدة.. على غرار جملة مفيدة. و جاى ليك يا حافظ .. دا ما رد..
😂😂😂 إذا هظرنا معاك يا أبو الريش بتزعل وفي كل الأحوال منتظرك وأخد وقتك عشان تذاكر كلامي دا كويس وتجي وإذا عايز نصيجتي، كبر اللفة ولغاية ما تجي إنت بالنسبة لي كديسة شرويدنغر 😂😂😂
Post: #73 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-13-2019, 03:09 AM Parent: #72
Quote: وإذا عايز نصيجتي، كبر اللفة ولغاية ما تجي إنت بالنسبة لي كديسة شرويدنغر 😂😂😂
طبعاً المقصود طالما إنك مكبر اللفة حتكون بالنسبة لي كديسة شرودينغر في صندوق
Post: #74 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-13-2019, 03:18 AM Parent: #72
Quote: وإذا عايز نصيجتي، كبر اللفة
و انا اقول ليك اطمئن يا حافظ.. انا احترم ناس ود الماحى و ريفى الحاج عبد الله.
Post: #75 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-13-2019, 04:14 AM Parent: #74
Quote: Atif Omer Mohamed Ali لو انك راكب على سيارة مكشوفة تسير بسرعة 100 كيلومتر في الساعة ثم قذفت حجرا في نفس الاتجاه الذي تسير فيه السيارة، فان سرع الحجر ستصبح 100 زايد السرعة التي قذفتها به. ... يا عبد الله كلامك سليم حسب قانون مولاكم نيوتن Relative velocity=u+v ...... لكن مولاكم أينشتاين اقترح قانون جديد بالنسبة للسرعات العالية جداً( سرعة الضوء):
Relative velocity={u+v \over 1+(u×v)/c^2} طيب الفرق شنو؟ الفرق في السرعة بس! يعني القانونين في السرعات العادية بدونا نفس النتيجة تقريباً!!
يا عاطف ياخي أقسمبلاي أنا مبسوط منك شديد كونك خيبت ظن أبوحميد الذي قدر إنك حتحتاج إسبوع كامل من القوقلة وهو لا يدري أنك تسطيع إنجازه في اربعة أيام بلياليها فقط.
أهم حاجة بعد مذاكرتك دي كلها تكون عرفت إنو كلامك بتاع النجوم بتاعك داك كلام خارم بارم وما عندو علاقة بموضوع البوست. والأهم من ذلك تكون إتعلمت إنك تقرا وتفهم الموضوع في الأول قبل ما تبدأ الطربقة
Quote: Atif Omer Mohamed Ali Stars and other objects beyond our solar system lie anywhere from a few light-years to a few billion light-years away. Thus, when astronomers study objects that lie a light-year away or more, they are seeing it as existed at the time that light left it, not as it would appear if they stood near its surface today.
Post: #76 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-13-2019, 04:37 AM Parent: #75
Quote: لو انك راكب على سيارة مكشوفة تسير بسرعة 100 كيلومتر في الساعة ثم قذفت حجرا في نفس الاتجاه الذي تسير فيه السيارة، فان سرع الحجر ستصبح 100 زايد السرعة التي قذفتها به.
غير صحيح.. يكون صحيح لو الحجر الذى رميته فيه محرك خاص به.. Propeller غبر كدا و من اللحظة التى رميته فيها يحصل ليه ديسلريشن.. عكس اكسلريشن.. يللا أمشى الكالكلوس بتاعك و أحسبها براك انا ادبتك راس الخيط.
و يا حافظ راجع ليك بعد اصل الكمبيوتر.. الكتابة فى التلفون ما تنفع هنا
Post: #77 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-13-2019, 05:58 AM Parent: #76
Quote: غير صحيح.. يكون صحيح لو الحجر الذى رميته فيه محرك خاص به.. Propeller غبر كدا و من اللحظة التى رميته فيها يحصل ليه ديسلريشن.. عكس اكسلريشن.. يللا أمشى الكالكلوس بتاعك و أحسبها براك انا ادبتك راس الخيط.
يا أبو الريش ركز الكلام بتاع لو راكب عربية مكشوفة دا كلام عبد الله و تحتو رد عاطف عمر وكلاهما صحيح الغلط كلامك بتاع الديسيلريشن دا لأنو المقصود إنو لحظة إنطلاق الحجر تكون سرعته بالنسبة للمشاهد الخارجي بتساوي سرعة السيارة + السرعة التي قذفه بها الشخص داخل السيارة.
ما يحدث للحجر بعد ذلك من ديسيليريشن او اكسيلريشن يعتمد على عوامل ثانية لم يذكرها لا عاطف ولا عبد الله مثلاً لو أن العربية منحدرة مت الجيل فإن سرعة الحجر ستتزايد يعني حيحصل ليهو آكسيلريشن وليس ديسيلريشن زي ما قلت إنت. ودي سيمبل دايناميك ما داير ليها كالكولس ذاتو، جعفر وود البشرى بتاعين الهندسة الميكانيكية ديلك عارفين الكلم دا😜 ولو ما عندي ليك معزة خاصة أقسمبلايأنا موضوع زي دا زاتو ما بتكلم فيهو لكن لو داير تغالط بنوصلك الحد في الكالكلوس. أبرى قلمك وتعال
Post: #78 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-13-2019, 06:47 AM Parent: #77
حافظ
سؤال بس.. الزمن دا كله و نحن نفترض الأحوال المثلى.. طيب الجاب منحدر الجبل دا شنو.. و برضو بإفتراض المنحدر السرعة سوف تتزايد فإن جمع السرعتين البسيط لن يفيدك هنا أيضاً بعين بصورة قروية قلت (لحظة) إنطلاق الحجر.. طيب باللاى عليك ورينا الديسلريشن يبدأ من الثانية رقم كم؟ عشان نفهم معاك و منكم نتعلم. تقول لى ابرى قلمك و تعال؟ داير تلخبط فى الكالك زى ما لخبطت فى معادلات الفيزياء؟
وأنا هسى أجهز الرد على المعادلات الفشنك الجبتها فوق. و أنا أقول ليك جيب إستيكة معاك.. ما قلم. كفاية الشخبطة الحاصلة.
و لسة ما نزلنا العفش.
Post: #79 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-13-2019, 08:10 AM Parent: #78
Quote: و برضو بإفتراض المنحدر السرعة سوف تتزايد فإن جمع السرعتين البسيط لن يفيدك هنا أيضاً
😹😹😹
يا أبو الريش يقولوا ليك سرعة العربية 100 كلم تقول لي جمع السرعتين البسيط ما بفيدني 😹😹😹😹😹😹 يا بكري ويا ناس المنبر هوي إخرجوا لنا نظرائنا
يا النصري ياخي لو سمحت أبو الريش دا إذا ما دفع الرسوم و جاب كراس وقلم وقعد مربع يدينو ما تخليهو يخش الفصل دا تاني
Post: #80 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-13-2019, 10:37 AM Parent: #79
Quote: ما يحدث للحجر بعد ذلك من ديسيليريشن او اكسيلريشن يعتمد على عوامل ثانية لم يذكرها لا عاطف ولا عبد الله ههههههههههههه طيب وين انتا ولا النصري ذكرتوا الفراغ*؟ ههههههههههههه ما سرعة الضوء برضو بتعتمد على عوامل تانية! ههههههههههههه
عجبني للمارقوت😂😂😂 يا عاطف زمان قريت ليك مداخلة مداخلتين ولما لقيتك ما عندك موضوع ما دخلتك دائرة إهتماماتي وبعدها النافذة بتاعة الفيسبوك قفلت لكن من بوست زواج الصغيرة داك أعدت إكتشافك ولقيتك زول لزيز شديد وحتى في البوست داك أنا أشرت لإعجابي بخفة دمك
هسه عليك الله اللخة اللخيتني ليها في الإقتباس الفوق دا في ألز منها؟ يا إبني وين المشكلة في إنكم إنت وعبدالله والنصري ما ذكرتو العوامل الأخرى؟ المشكلة يا إبني إنو أبو الريش إفترض عوامل من عندو، لكن مافي أبداً مشكلة في إنكم ما ذكرتوها لأنو أصلاً القاعدة الإنتو إستندتوا عليها غير متعلقة بالعوامل التي إفترضها ابو الريش.
المهم يا عاطف أنا بشكر إهتمامك الشديد بمداخلاتي وتخصيص جزء كبير من مداخلاتك الفيسبوكية (حتى الآن في البوست دا 19 مداخلة من مجموع 27) في متابعتي والإهتمام الكبير دا أنا ما لاقي ليهو تفسير غير إنو ريدة الشيء الذي جعلني أشك في إنك جكسوية مكسرة فيني ومتخفية.🤔
Post: #81 Title: Re: لو سايق عربيتك بسرعة الضوء ثم فتحت النور ؛ Author: tabaldy Date: 12-13-2019, 02:36 PM Parent: #80
سلام الفيديو التحت دا ما عارف عندو علاقة بالبوست ولا لا لكن القناة مفيدة وبتشرح بي طريقة مبسطة اساسيات الفيزياء والنسبية
معضلات نظرية النسبية الخاصة
Post: #82 Title: Re: لو سايق عربيتك بسرعة الضوء ثم فتحت النور ؛ Author: جلالدونا Date: 12-13-2019, 03:14 PM Parent: #81
يا النصري لو حصل ركبت قطر ركاب قبل كده و ركّت فى ايدك ضبّانة و طارت و تابعت حركتها ... على اى تجاه طارت ,,, بتلقى اجابة سؤالك ده
Post: #83 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-13-2019, 04:35 PM Parent: #82
حافظ باللاى تانى لما تكتب حاجة ارسل معاها مذكرة تفسيرية..
تقول: Quote: يا أبو الريش يقولوا ليك سرعة العربية 100 كلم تقول لي جمع السرعتين البسيط ما بفيدني
ما قلت ليك انا.. قلته انت براك هنا Quote: لأنو المقصود إنو لحظة إنطلاق الحجر تكون سرعته بالنسبة للمشاهد الخارجي بتساوي سرعة السيارة + السرعة التي قذفه بها الشخص داخل السيارة.
نبقى ليك ذاكرة؟
برضك ما جاوبت على السؤال: متى التسارع و التباطؤ بعد رمى السواق للحجر؟ ياخ بلاش.. خلينى اشرح ليك.. الحجر ما فيه قوة دفع ذاتى، و حركته بالإنيرشيا فقط.. و هذه فى دنيانا الفانية دى تتاثر بالمقاومة و اشياء اخرى تجعلها تتباطأ. لذك فى كل ثانية سراعها تتغير، و لذلك أيضا لازم تصلح كلامك و تقول أن جمع السرعات ليس أ + ب، و إنما أ + (ب فى الزمن الحالى) 1 + (ب فى الزمن الحالى) طبعا معادلة خاصة.. و لو حبيت تعممها عشان تنطبق على كل قيم ب فعليك بالكالكلوس.. ما حاقوم بالهوم وورك بتاعك.
Post: #84 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-13-2019, 05:07 PM Parent: #82
يا جلالدونا .. مافهمت السؤال اعد صياغته (لكن للضمان ؛ اتخيلت ضبانه داخل طيارة سرعتها الف ميل فى الساعة ؛ الضبانه طارت فة اتحاه كبينة القيادة .. سرعتها بتختلف حسب الزول البعاين ؛ لو داخل الطيارة سرعة معينة ؛ و لو خارج الطيارة بافتراض الطيارة من الزجاج الشفاف ، الزول واقف فى المدرج بشوف الضبانه سرعتها مختلفة
Post: #85 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-13-2019, 06:00 PM Parent: #84
النصرى
بلا ضبان بلا انت كالكلب فى الحفاظ على الود.. اديك مثل ديسنت شوية.. قول عربيتك طويلة جداً طولها مليون ميل.. و انت سايقها بسرعة الضوء.. طيب.. واحد راكب ورا فى اخر كرسى.. قام ولع بطارية فى إتجاه المقدمة إنت الماشى بسرعة الضوء .. زولك الورا حيشوف الضوء ماشى قداموه بسرعة الضوء.. و خلى بالك من الجاية دى!! الزول اللى على الرصيف خارج العربة حيشوف الضوء برضو ماشى بسرعة الضوء .. دى الحاجة الغربية فى النظرية النسبية.. تؤمن بيها بس.
Post: #86 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-13-2019, 07:13 PM Parent: #85
يفترض الزول الواقف فى الرصيف يشوف الضوء يساوى سرعة القطار زائد سرعة نور البطارية. ( وطالما القطر ماشى بسرعة الضوء معناه المحصلة : سرعة الضو تربيع
دا المجنن حنانا زاتو.. عمك اينشتاين حالف بدينو وإيمانو ما يزيد سرعة اى جسم اكتر من سرعة الضوء تحت أى ظرف ولو ميل واحد.
Post: #88 Title: Re: لو سايق عربيتك بسرعة الضوء ثم فتحت النور ؛ Author: محمد على طه الملك Date: 12-13-2019, 10:31 PM Parent: #87
الفيديو طويل لكن المهم من الدقيقة 51/8 ..
Post: #89 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-14-2019, 04:09 AM Parent: #88
أهلا محمد على طه الملك.
شكرا و لكن هذا لا علاقة له بموضوع البوست.. دى عملية synchronization .. برضو فى بطارية خاصة ممكن تستعملها فى مروحة السقف فى البيت تشوفها واقفة.. أو حتى تمشى بالعكس.. فى حالة مروحة البيت فإن لمبة البطارية LED تفتح و تقفل بسرعة .. وحين تكون سرعة الفتح و القفل تساوى سرعة دوران المروحة تشوفها زى الواقفة.. لأن الضوء يسقط عليها كلما دارت 360 درجة يعنى بعد كل دورة واحدة كاملة للمرحة يسلط عليها الضوء فتشوف الريش كأنها لم تغادر مكانها، لأنها فى الاماكن التانية ما تشوف المروحة عشان مافى ضوء. لكن لأن السرعة عالية جدا فما تلاحظ الطفيان لأن الإستجابة للذبذبة للعين البشرية بطيئ جدا.. بالنسبة للهلكوبتر، فإن الموضوع مختلف و لكن الفكرة واحدة.. و هى ان التحكم هذا المرة فى سرعة اخذ اللقطات، فلو كانت نفس سرعة دوران ريش المروحة فسترى نفس التاثير حسب الشرح اعلاه.
Post: #90 Title: Re: لو سايق عربيتك بسرعة الضوء ثم فتحت النور ؛ Author: محمد على طه الملك Date: 12-14-2019, 04:14 PM Parent: #89
شكرا أبو الريش على الرد العلمي .. طبعا أنا ما زول فيزكس ولا الكترونيات ولا رياضيات .. لكن بالمنطق المجرد اذا كانت سرعة العربية هي نفس سرعة الضوء.. يبقى اذا في ضوء أو مافي ضوء سيان .. بمعنى الضوء والعربة الاتنين حاجة واحدة لانو اصلا مافي عربة.
Post: #91 Title: Re: لو سايق عربيتك بسرعة الضوء ثم فتحت النور ؛ Author: جلالدونا Date: 12-14-2019, 04:20 PM Parent: #90
غايتو يا مولانا جطتها لكن تحت المادة كم!!!؟ من القانون التفسيري قووول انتا بأه
Post: #92 Title: Re: لو سايق عربيتك بسرعة الضوء ثم فتحت النور ؛ Author: محمد على طه الملك Date: 12-14-2019, 04:35 PM Parent: #91
هههه يا جلالدونا كيفن ما اجوطا .. ليكم اسبوع ساكين ليكم لمبة مع أن النصري ذاتو من أول كلمتين قال ليكم قوقلوا زي ما عايزين .. يبقي إذن في الاساس ما ح تكون في عربية في ضوء بس.. كان مغالتني راجع المادة البتقول دخلت نملة اخدت حبة ومرقت .
Post: #93 Title: Re: لو سايق عربيتك بسرعة الضوء ثم فتحت النور ؛ Author: جلالدونا Date: 12-14-2019, 04:44 PM Parent: #91
يا نصرينا خلينا نزح الضّبانة شوية و نمسك فيك انت راكب القطر و قاعد فى مقعد الزول الواقف برة القطر بشوفك متحرك بى سرعة القطر مع انك فى حالة ثبات جوه القطر ليه الكلام ده لانو الزول القاعد معاك جوة القطر بشوفك فى حالة ثبات مع انو انت و هو متحركين بى سرعة القطر يلّا يبقى عندنا حالة ثبات متحركة المتولهم يفتينا فى الحتة دى و على قول احونا داك ... لنزداد عجبا ,,, و اضيف فى رجبا
Post: #94 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-14-2019, 04:54 PM Parent: #93
يا شباب ما دامت الحكاية بقت جربندية خلونى اسأل؟ لو انت راكب قطر فى المحطة. و جنبه قطر تانى.. الاتنين واقفين.. فجأة القطر التانى اتحرك.. موش تشوف انو قطرك هو الاتحرك؟
و تيب!
Post: #95 Title: Re: لو سايق عربيتك بسرعة الضوء ثم فتحت النور ؛ Author: جلالدونا Date: 12-14-2019, 05:04 PM Parent: #94
ههها اها يا مولانا نمسك قوى فى المادة دى نملتين داخلات وكل واحدة مستقلة بى حركتا و بى نفس السرعة الاجابة بيصلو فى نفس الوقت دى حسب قانون السرعة مثبوتة و ناخذا كمعطى ... 1... سبحان الله !!! البوست وصل مرحلة النمل
Post: #96 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-14-2019, 05:06 PM Parent: #93
طيب يا جلالدونا ..بنفس المنطق كل شي فى القطر ثابت و غير متحرك (الأبواب والمقاعد و النوافذ و الجدران الخ) الشيء الوحيد المتحرك هو عجلات القطر لانها هى الوحيدة التى تدفع القطر للأمام..
(ما عارف التعليق الفوق ده هدفه شنو و داير يثبت شنو 😉)
وبالمناسبة كلام مولانا الملك هو اقرب شي للمنطق (فى نظرى) ذكرني حادثة حصلت ونحن طلبة فى سنة أولى محاسبة فى معهد الكليات. بعد اسبوعين فقط من بداية الدراسة ؛ و نحن مافاهمين اى حاجة ؛ الأستاذ (نفخو) حدد اختبار فى فى المادة..انا ما فاهم اى حاجة ..طلبت من زميل شاطر ؛ خريج تجارية ثانوية ؛ يقعد جنبى للمساعدة... من اول خمسة دقائق الأستاذ لاحظ و فرقنا من بعض ، بقيت قاعد فى ركن و ما فاهم اى شء ....قررت استخدم المنطق البسيط common sense فى الإجابة. و كانت المفاجأة ..احرزت اعلى النتائج فى الامتحان.. نفس الشيء ...حافظ و ابريش و سنارى يلتو و يعجنو ، شء اينشتاين و شي معادلات معقدة .. فى النهاية ..مولانا الملك جاب النجيضه بال common sense
Post: #97 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-14-2019, 05:13 PM Parent: #96
يا ابريش خليك من القطر .. والله بتحصل لى طوالى .. انا واقف فى الإشارة، امامى سيارة.
لمن تتحرك السيارة على يمينى للامام ؛ يخيل لى ان سيارتى اتحركت و تكاد تصدم السيارة امامى؛ بدون وعى اضغط على الفرامل لمنع الحادث لأكتشف ان سيارتى ثابته و انى ضاغط الفرامل للنهاية من اساسو . المتحركة هى السيارة على يمينى .
لاحظت الحادثة دى بتحصل لمن يكون عقلى مشغول بأمر ما distracted
انا متأكد الحاجة دى تحصل لناس كتار
Post: #98 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-14-2019, 05:50 PM Parent: #97
انا زاتى يا النصرى.. و ادوس و افك و ادوس تانى.. افتكر الفرامل فكت.. بالمناسبة انتو ال common sense دا قاعدين تلقوه وين؟ غايتو فى أمازون مافى
Post: #99 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-14-2019, 08:04 PM Parent: #98
يامحمد ..واحدة من افضل طرق الوصول لل common sense هو باختصار العودة للابجديات basics
اضرب ليك تمثال المشهد السياسي السودانى الحالى رغم تعقيداته الظاهرة لكنه (بالعودة للابجديات) و اصل الأشياء ان هناك تنظيم سياسى اشتغل عشرات السنين يجهز للسيطرة على السلطة و عندنا نجح فى ذلك و سيطر على الحكم تلاتين سنة ، افسد و دمر وحطم كل شي مما دفع الشعب لازاحته من الحكم .
هذا كل الموضوع..ده ال basics فى قمة صفاءه ... غير كده تفاصيل بس .
(دايرين نكمل مئة مداخلة فى البوست عشان نقرض على كده)
Post: #100 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-14-2019, 08:17 PM Parent: #99
Quote: (دايرين نكمل مئة مداخلة فى البوست عشان نقرض على كده)
تقرض وين يا عمك؟ هو غلى كيفك؟ أبو الريش لسه ما فرش العفش
Post: #101 Title: Re: لو سايق عربيتك بسرعة الضوء ثم فتحت النور ؛ Author: Gafar Bashir Date: 12-14-2019, 08:48 PM
100
Post: #102 Title: Re: لو سايق عربيتك بسرعة الضوء ثم فتحت النور ؛ Author: امتثال عبدالله Date: 12-14-2019, 10:35 PM Parent: #101
اظن انك تخليهم ٢٠٠ أو قول ٥٠٠ لغاية ما نقابل حفيد أينشتاين ونفهم منه نظرية النسبية ونجي نشارك معاكم وبعد داك ممكن تعرش على كده بعد أن نصل لإجابة مقنعة ومفهومة للعامة ولعلماء الفيزياء...
Post: #103 Title: Re: لو سايق عربيتك بسرعة الضوء ثم فتحت النور ؛ Author: Sinnary Date: 12-14-2019, 10:48 PM Parent: #101
معقولة يا النصري تطلعنا لتانة وعجانة بعد ما حولنا ليك بيت المأتم لزفة عروس تشمت فينا أبله ظاظا من أول مداخلة شلنا الفاتحة في المرحوم لكن لكزتنا باركوها يولاد الحلال ياخي إفترضوا إفتراضاً وإفترضنا وإتلولحنا يحليلك يا قلم الرصاص أب إستيكة
Post: #104 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-14-2019, 11:14 PM Parent: #103
قلت تعرش على 100؟
الله شاف لحافظ أظن أهله صالحين
Post: #105 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-14-2019, 11:43 PM Parent: #104
هههه يا سنارى ...حرقتك الجملة دى
Quote: نفس الشيء ...حافظ و ابريش و سنارى يلتو و يعجنو ، شء اينشتاين و شي معادلات معقدة .. فى النهاية ..مولانا الملك جاب النجيضه بال common sense
؟ ياخ اعفو لينا ..والله حاولنا المستحيل نفهم (او نحاول فهم) معادلاتكم (انت و حافظ و ابريش وآخرين ) غلبنا ...لاحظ انى اعترفت فى مداخلة سابقة انى احرزت 18 من 100 فى امتحان الفيزياء فى الشهادة السودانية.. عشان كده ..كوننا لسه بنتحاوم معاكم هنا ..دى حاجة كتيرة جدا مننا . مجهود خرافى دافعه الوحيد هو الفضول.
بالمناسبة ..اظنك واحد من فضل كتاب المنبر تذكرنى بعضو المنبر المختفى عجب الفيا..نفس الإمكانيات رغم إختلاف المجال ...
Post: #106 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-14-2019, 11:45 PM Parent: #105
حافظ و ابريش عندى ليكم فيديو هدية .. دقائق البس السفنجة اجيبو من دكان اليوتوب
Post: #107 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-14-2019, 11:48 PM Parent: #106
هههههههه ههههه
Post: #108 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-15-2019, 04:57 PM Parent: #107
فى حسابه فى تويتر كتب (فيزياء و علم الكونيات) اليوم ما يلى :-
تخيل لو كنت تتحرك بسرعة الضوء ماذا سترى أمامك؟ لن ترى شيء ولن تشعر بشيء! المسافة أمامك ستنكمش إلى صفر والزمن يتوقف عن الحركة عليك! لا مكان ولا لحظات من الزمن. انظر إلى الضوء .. هذا هو الكائن الوحيد في الكون الذي يعيش في اللامكان واللازمان!
/
Post: #109 Title: Re: لو سايق عربيتك بسرعة الضوء ثم فتحت النور ؛ Author: عبدالغني محمد الحاج Date: 12-15-2019, 05:45 PM Parent: #107
ههههههههههه فيديو مضحك أظن ديل كلاب حناكيش تربية بيوت تذكرني بشكل المصريين أحلف يمين كلاب السودانية ما زي كدا
Post: #110 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-15-2019, 07:44 PM Parent: #109
الهدية مقبولة يا النصري سلوك الكلاب غريب لأنو الطبيعي هو أن تشتبك الكلاب مع بعض بإستخدام ايديهم وأسنانهم كأدوات لحسم الخلاف بيناتهم. وغريب أن يكتفوا بتبادل النباح والفيديو لذيذ وفيه طرافة ومفارقة. لكن ما فهمت علاقتي أنا وأبو الريش بالفيديو شنو. هل كان متوقع أن نشتبك بأيدينا وأسناننا لحسم الخلاف بيننا؟ أم أن الحوار بيننا بالنسبة لك كان مجرد نباح؟
Post: #111 Title: Re: لو سايق عربيتك بسرعة الضوء ثم فتحت النور ؛ Author: امتثال عبدالله Date: 12-15-2019, 09:00 PM Parent: #110
اظنكم يا حافظ فهمتوا فيديو النصري غلط لانه احتمال بقصد أنكم لا تريدون في الحقيقة المشاجرة أو الغلاط الذي يؤدي إلى زعل ولكنكم تريدون إيصال المعلومة للقارئ بأسهل الطرق لهذه المسألة المعقدة ، ،،،
Post: #112 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-15-2019, 09:55 PM Parent: #111
الفيديو يوضح إنو الطرفين جبنا ء لان البوابة فاتحة و برضو يتعاركو من خلال السور
Post: #113 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-15-2019, 10:36 PM Parent: #111
يا حافظ خلى الحركات .. انت اكتر زول فى المنبر ده بتطاعن الناس و نهاية الجملة تضع وجه ضاحك للمخارجة .
الفيديو واضح انه هزار و مكاواة ليك و لمحمد عثمان ابريش (وليس ابو الريش) والذى أعرفه منذ 1991 و مستحيل اوصف نقاش معه بأنه نباح كلاب ؛ خلى ابريش ؛ انت المابعرفك ما ممكن اوصف مداخلات لك بنباح كلاب .
فعليك آلله خلى الحركات ، انت اذكى من ان تتظاهر بالزعل من فيديو ساخر.
فكرة الفيديو ببساطة انتو الاثنين مختلفين مع بعض و كل شوية واحد يكتب يقول انا منتظر التانى يأتي بدليله ..و نحن منتظرين .
Post: #114 Title: Re: لو سايق عربيتك بسرعة الضوء ثم فتحت النور ؛ Author: عبدالغني محمد الحاج Date: 12-15-2019, 11:26 PM Parent: #113
النصري زول فاكهة بورد وكل مداخلة يكتبها بتنعشنا وسناري في مداخلته واضحة روح الفكاهة مع النصري وكذلك مولاكم الذي غشاكم وأبوالريش ناس بالها واسع فيا النصري واصل انت مهما كتبت الناس عارفين شنو الجوة قلبك فواصل مداعبات ومداخلات وبوستات جديدة
Post: #115 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-16-2019, 02:18 AM Parent: #114
يا النصري أنا زعلت لكن ما حردت وكيفن ما أزعل وإنت بعد تسخينتنا أنا وأبوالريش لبوستك الكلو جربندية دا جايي تشبهنا بكلاب حناكيش خارجة عن طبيعتها.
________________
النصري ياخي زعل شنو؟ أقسمبلاي كانت عندي خطة لنقلك من بتاع مدايد لعمق الآكشن لكن حسيت بيها بعداك حركة ما حلوة.
Post: #116 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-16-2019, 02:29 AM Parent: #115
سلام يا إمتثال
Quote: اظنكم يا حافظ فهمتوا فيديو النصري غلط لانه احتمال بقصد أنكم لا تريدون في الحقيقة المشاجرة أو الغلاط الذي يؤدي إلى زعل ولكنكم تريدون إيصال المعلومة للقارئ بأسهل الطرق لهذه المسألة المعقدة ، ،،،
النصري داير يسخن البوست لذلك سعى في البوست دا بشديدو ومديدو إنو يدور الآكشن بيني وبين ابو الريش.
رغم إنو كلام أبو الريش في البوست دا غير صحيح لكن مؤكد أبو الريش معلم كبير في فهمو لنسبية آينشتاين وهو متخصص وأنا في النهاية جربندي ساي.
Post: #117 Title: Re: لو سايق عربيتك بسرعة الضوء ثم فتحت النور ؛ Author: امتثال عبدالله Date: 12-16-2019, 01:29 PM Parent: #116
والله يا حافظ انتو ما جربندية ، لمن نقرأ المسائل المعقدة العسيرة على الفهم الكاتبنها في البوست بنفتكر أنكم أساتذة في المعاهد التابعة ل وكالة الفضاء الأمريكية ناسا ...وبالمناسبة في سودانية عالمة فضاء شغالة في ناسا ،، والنصري صاحب البوست ، والعامل نفسه مسكين زينا وما فاهم هو ذاته عالم، هسه انت قرأت المسألة الأخيرة دي الكتبها في المداخلة الأخيرة!؟دب ما يكتبها إلا عالم أو حفيد أينشتاين الذي سوف نزوره في الصيف قبل توجهنا السودان العزة والكرامة والخالي من اللصوص والحرامية...
Post: #118 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-16-2019, 01:46 PM Parent: #117
"و لمحمد عثمان ابريش (وليس ابو الريش) "
عارف يا النصرى انت اول زول فى أمريكا الشمالية ينطق أسمى صاح. المعنى طبعا واحد لكن اهلنا ينطقوها كدا. و ابريش هو لقب جدنا السابع لان شعره كان طويل خصوصا لما يطلع من الغار بعد زمن. محمد عثمان..سليمان..على..كرار..محمد نور..احمد نور..الشيخ سليمان..ابو حوة. (الشيخ سليمان هو ابريش).
بالمناسبة اعمل حسابك و انت سايق عربيتك دى.. لما تقرب من المريخ قلل السرعة عشان ناس المريح حيدوك مخالفة.
Post: #119 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-16-2019, 01:51 PM Parent: #118
و يا امتثال ما تتعبى لملاقاة حفيد أينشتاين.. لانه لا يتفق مع جدة فى ميكانيكا الكموم.. لغاية مرة سخنوا مع بعض.. اينشتاين قال لابوه ان الله لا يلعب النرد (الدمنة)
Post: #120 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-16-2019, 03:27 PM Parent: #119
شكرا الاخ الفاضل عبدالغني على الكلمات الطيبة .. و نحن من النوعيه التى لو شكروها ؛ ما بترقد ، بتدمع بس رغم ال dry eyes الذى نعانى منه من فترة طويلة
Post: #122 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-16-2019, 03:37 PM Parent: #120
بصراحة يا امتثال ؛ انا مافاهم معظم ما جاء فى البوست من مواد علمية لكن مجتهد افهم الحد الادنى . غايتو بعد معافرات و شد و جذب قدرت افهم النظرية النسبية بتتكلم عن شنو 🙂.
بعدين حب الاستطلاع ده ممكن يحصل للإنسان فى اى وقت كانه got hit by a bus .. موش الفيزياء بس ؛ تولد عندى السنين الاخيرة رغبة فى معرفة التاريخ و قعدت عدة سنوات أقرأ عن التاريخ الإسلامى منذ وفاة النبى صلى الله عليه وسلم الى دولة العثمانيين .
not good at all
موش تاريخ وبس برضه الادب عشان كده مرات تلاقيتى فى بوستات كنت مستحيل ادخلها قبل سنوات مثل بوستات الأدباء البرنس و الخواض .
خلاص يا حافظ نقرض على موضوع الفيديو ؛ و حقيقة انا كنت بسخن فى الدلوكه لاستخراج افضل ما عندكم انت و ابريش لغاية ما اصابعينى اتورمت و لم نحصل منكم الا على القليل
نرجع للموضوع .. شوفوا التويته عجيبة كيف
Post: #121 Title: Re: لو سايق عربيتك بسرعة الضوء ثم فتحت النور ؛ Author: محمد على طه الملك Date: 12-16-2019, 03:30 PM Parent: #119
شكرن شعبي ـ مين الالف العبارة الغبية دي ؟ بلاش منها .. يا النصري ؟ ياخي ( كمان قالو ما تقولوها ) سناري دا هو الـ Driver الفتح النور ذاتو .. تقوم تختو معانا نحن الجربندية ديل ! هسه براك شوف بعد فاتنا استلمونا حافظ وابريش.. ؤ معاهم عاطف عمر يضري لاقي الهوا صلاح .. مافي وااااحد فيهم داير يرفع الراية البيضا عشان نعرف البيضة من الجدادة .. انت الظاهر عامل شعار البوست ثورتنا دي ما بتقدرا..
Post: #123 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-16-2019, 03:41 PM Parent: #121
التويته من نفس الحساب فى تويتر باسم (فيزياء وعلم الكونيات) جاء فيها :-
هذه هي أغرب نتيجة شاهدتها في العلم كله! داخل الثقب الأسود ينقلب المكان (الخطوط السوداء) إلى زمان (الخطوط الزرقاء)! وفوق ذلك عندما تسقط إلى مركز الثقب فلن تسقط إلى مكان، بل تسقط في زمان إلى مستقبلك المحتوم أو إلى سقوط لا نهاية له دون أن تصل إلى قاع!!
http://
Post: #124 Title: Re: لو سايق عربيتك بسرعة الضوء ثم فتحت النور ؛ Author: امتثال عبدالله Date: 12-16-2019, 04:02 PM Parent: #123
ابو الريش ، أو قل كما قلت ابريش ، ، كنا قررنا نسمع كلامك وما نتعب نفسنا ونسافر إلى كاليفورنيا لمقابلة حفيد أينشتاين لكي نفهم نظرية النسبية ، relativity theory , ولكن بروفيسور في الجامعة التي ندرس بها والذي شاورناه اليوم عن نظرية النسبية قال لنا أن احد احفاد أينشتاين سيزور نيويورك في منتصف شهر يونيو القادم ، ومع اني حجزت تذكرني للسودان من الآن في ٢٨ مايو القادم ، لكني اجلت السفر حتى ٢٠ يونيو عشان نفهم نظرية النسبية من أصحابها...طبعا نحن بنحجز تذكرة السفر من قبل شهور عشان التذكرة بتكون رخيصة، طبعا لو قلنا ليك التذكرة ب ٧٠٠ دولار ما حتصدق ، ..طبعا انا بسافر بالدرجة السياحية ما بالدرجة الأولى ام ٣ الف دولار زي المسنوحة البرجوازية، المفلقصة ، صاحبتنا، زي ما بقول ود الأمير، ،، وعندما نتعمق في نظرية النسبية بجيكم صادة ان شاء الله اذا صاحب البوست ما عرش البوست الوقت داك ،،،ونرد ليكم السؤال الصعب ...تابعونا ....هههههههه
Post: #125 Title: Re: لو سايق عربيتك بسرعة الضوء ثم فتحت النور ؛ Author: محمد على طه الملك Date: 12-16-2019, 04:50 PM Parent: #124
Quote: If photons have zero mass, why do they feel the effects of gravity؟ يا مولانا الملك جيب مولاهم الذي غشاهم وكابتن ماجد السناري وافتح بوست عن هذا السؤال! بشرط رفع كامل مداخلاتي! وشوف كيف يتعلم مولاناتكم الحلاقة في شعيرات اليتامى! السؤال الفوق دا علاقته(اسباطية) بهذا البوست وبتعليق النصري الأخير:
غايتو يا عاطف برفع ليك سؤالك وبلصقو هنا .. بس كمان إنت متلح نفرين تلاتة وبتخلط السياسة مع العلم .. يا تتلحنا كلنا أو بلاش على قرار المساواة في الظلم.. الباقي ما عندي قدره عليهو لكن خيار الاجابة متروك لمن يريد.
Post: #126 Title: Re: لو سايق عربيتك بسرعة الضوء ثم فتحت النور ؛ Author: محمد على طه الملك Date: 12-16-2019, 04:55 PM Parent: #125
يا النصري ياخي نحن طايرين في الهوا ما رسينا على بر لامن تغتس بينا في سابع أرض؟ أنا غايتو رفعت الراية.
Post: #127 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-16-2019, 05:20 PM Parent: #126
يا الملك ؛ تذكر ان هذه المسائل فى ناس صرفوا فيها عشرات السنين عشان يفهموا طبيعتها ؛ ما ممكن انا و انت نجى ساكت كده و نفهما من قولة تيت . الحل ؛ فى نظرى ؛ ليس فى البل ؛ الحل ان تتعاطى هذه الامور فى شكل سندوتشات صغيرة او snacks اثناء حوامتنا فى الوسائط الاجتماعية..
يعنى مثلا ..لو انت من هواة الفيسبوك ؛ فى صفحات (او حسابات) كتيرة تقدم مواد علمية معقدة جدا فى شكل مبسط ، نفس الشيء فى تويتر فى حسابات كتيرة متخصصة فى مثل هذه الخدمات.
شوية شوية ..الواحد مداركه بتتوسع و يطلع من حته (ما ناقش حنانه) الى مرحلة الجربندية وهى مرحلة متقدمة بعض الشء لان الامور عند الجربندى طشاش طشاش و ليس عمى كامل. .دعنا نسعى معا للوصول لمرحلة الجربندية العلمية التى سبقنا الينا اخونا حافظ.
Post: #129 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-16-2019, 09:01 PM Parent: #127
Quote: ما ممكن انا و انت نجى ساكت كده و نفهما من قولة تيت
ليه ما ممكن ياهو دا عاطف عمر في اربعة أيام فهم معادلة دمج السرعات وبس إنتكس بعدها طوالي وجايي يسأل If photons have zero mass, why do they feel the effects of gravity عمك فهمو للجاذبية لسه محصور في نفس فهم نيوتن وداير يتعامل بيها مع فوتون آينشتاين.
يا عاطف أمشي ذاكر النسبية العامة وعلاقة الجاذبية بإنحناء الزمكان وتعال بعد اربعة أيام مردف
Post: #128 Title: Re: لو سايق عربيتك بسرعة الضوء ثم فتحت النور ؛ Author: Sinnary Date: 12-16-2019, 08:57 PM Parent: #125
ممنون يا النصري ويا مولانا الملك على التحفيز علي التعاطي مع الموضوع الذي ألج إليه من باب فلسفة العلوم عوضاً عن الفيزياء والفلك وسؤال عاطف عن تأثر الضوء بالجاذبية تيمناً بمقولة مبدأ التكافؤ النسبي لا تعني بأن للضوء كتلة سكونية رغم أن له طاقة طاقة تكافئ الكتلة السكونية حسب معادلة إنشتاين الأشهر وهنا يتبادر السؤال عن مفهوم الجاذبية؟ أو ما هو الفرق بين جاذبية نيوتن وجاذبية إنشتاين؟ الفرق تجده في آخر سطر في مداخلتي قبل السابقة يا عاطف في مركب الزمكان. حيث التآثر بين الزمان والمكان الناتج من فعل الكتلة الشمسية على الأرض يخلق ما يعرف بالمنحنى الزمكاني وهذا المنحنى هو التعبير الجديد عن الجاذبية هذا التآثر بين الزمان والمكان يختلف l من موقع لآخر ومن مركز إسناد لآخر لو جدعت حجر من عمارة حيسقط على الأرض ولن تجد له أثر إلا في الأرض طيب ولع ضوء في سطح العمارة وخليه يسقط على الأرض ويتحول السطح مباشرة إلى ظلام دامس لا يتحرك الضو بفعل الطاقة الحركية ولكنه داخل جغرافيا الأرض يتحرك الضوء وفق معطيات المنحنى الزمكاني ويستخدم أقصر الطرق الجيوديسة في مساراته وفي هذه المسارات يفقد من تردد الموجات وتتعرض الموجات للتشتت حسب ما يعترضها أو ما تقطعه من مسافات لذا لا يحتاج الفوتون لكتلة حتى يتأثر بمنحنيات الجاذبية الأرضية لكنه كطاقة يخضع في مساراته لمحدداتها وقوانين التكافوء بين والطاقة والكتلة في حالة السكون تختلف عن تلك التي تحكم حركة الضوء لأنه كما كتبت في مداخلتي قبل السابقة بأن قاما حتحول ليك الكتلة المتحركة في سرعات كبيرة لكتلة نسبية ومعادلة إنشتاين الشهيرة الطاقة = الكتلة في مربع السرعة دي بتصدق للكتلة في وضع السكون هل يمكن أن تصادف ضوء في وضع سكون يا عاطف ولا حتحول المعادلة بإعتبار أن أي كتلة مع الحركة تتحول لكتلة نسبية ولطاقة حركية (لممنتوم) فالكتلة في الحركة ليست هي مادة فقط بل هي طاقة حركية أيضاً لذا زيادة الحركة بإتجاه الوصول لسرعة الضوء هو زيادة في الطاقة الحركية للكتلة وليس ثقلها كما يفهم البعض ويصبح الأنسب E=PC وليسE =MV لا تمتلك الفوتونات أي كتلة يا عاطف وذلك لأنها تتحرك بسرعة الضوء وأي شيء يتحرك بسرعة الضوء لا يملك كتلة سأعود لمناقشة المسألة بتفاصيل أكثر عن التغير في الموجة وترددها وتشتتها وتأثير ذلك على لون الضوء أو ما يعرف بالإنزياح الأحمر بفعل الجاذبية وكيف نرى الشمس محمرة عند الشروق والغروب وكذلك مسألة الثقب الأسود وهل هو ظاهرة زمانية تمثل الأحداث التي يعايشها من هو بداخل الثقب أم ظاهرة مكانية كما يبدو للناظر من خارج الثقب الأسود
Post: #130 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-16-2019, 09:56 PM Parent: #128
ما شاءالله الفتاوى كترت.. ما مقصود انت يا سنارى. و يا امتثال نصيحة ما تضيعى وقتك مع حفيد الشيخ اينشتاين.. كفاية الطائفية العندنا.. و بس لو لابد .. أساليه هل يعتقد ان حركة الوجود منظمة ام عشوائية و لو يعرف انجليزى تسألين عن ال quantum mechanics و موقفه منها.. لو قال هو يؤمن بالعشوائية قولى ليه شكرا و ما بتقصر.. و شيلى شنطتك و على المطار طوالى.
Post: #131 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-16-2019, 10:07 PM Parent: #130
Quote: ما شاءالله الفتاوى كترت.. ما مقصود انت يا سنارى.
أكيد مقصود مولانا الذي زكانا، محمد على طه الملك، اوفي رواية أخرى مولاهم الذي لخاهم أصلو غير المولانات مافي زول بيصدر فتاوى 😹😹😹
Post: #132 Title: Re: لو سايق عربيتك بسرعة الضوء ثم فتحت النور ؛ Author: محمد على طه الملك Date: 12-16-2019, 11:27 PM Parent: #131
Quote:
أكيد مقصود مولانا الذي زكانا، محمد على طه الملك، اوفي رواية أخرى مولاهم الذي لخاهم أصلو غير المولانات مافي زول بيصدر فتاوى
يا حافظ أنا رفعت الراية أبريش لا داير يرفعا ولا داير يقنعكم
Post: #133 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-18-2019, 08:01 AM Parent: #132
معليش يا سنارى ؛ مداخلتك الاخيرة كترت ليها المحلبية 🙂 (ان جاز التعبير) قرأتها مرتين تلاته لكنها بصراحة out of my league.
---------- واضح من عدد المطالعات للبوست ان هناك جمهور huge يقرا ما ينشر هنا . شكرا حمدوك 🙂 دى المدنية الدايرنها .. المهم اتمنى ان تتابعوا معى هذه التغريدة و الردود عليها :-
كتب السيد صاحب حساب (فيزياء وعلم كونيات) ما يلى :-
لو طاردت الضوء بسرعة الضوء ستجد أن الضوء يبتعد عنك بسرعة الضوء!
http:// إنتهت التغريدة
هنا بعض الردود
Post: #134 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-18-2019, 08:06 AM Parent: #133
تخيل أنك في سيارة سرعتها ٩٠ كم/س وقدامك سيارة سرعتها ١٢٠ كم/س. سوف تلاحظ أن السيارة التى أمامك تبتعد عنك بسرعة ٣٠ كم/س، بمعنى سرعتها بالنسبة لك صارت أقل من ١٢٠ كم/س لأنك سريع نوعاً ما فتلاحظ سرعتها فقط ٣٠ كم/س. لكن الضوء سرعته ثابتة سواء لحاله أو بالنسبة لك مهما أسرعت نفس الشي!
علق احدهم على هذآ الكلام بالاتى :
طيب لو انت بنفس سرعة السيارة؟ هل راح تسبقها؟ لانه بالمعلومة يقول لو ان سرعتك بنفس سرعة الضوء
جاءالرد كما يلى:-
ماراح تسبق السيارة لو كنت بنفس سرعتها، بتظل المسافة بينكم ثابتة يعني السيارة لن تبتعد عنك أكثر. عكس موضوع الضوء فالضوء راح يبتعد عنك كأنك ثابت بمكانك رغم أنك سريع جداً.
Post: #135 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-18-2019, 12:01 PM Parent: #134
Quote: فتلاحظ سرعتها فقط ٣٠ كم/س
كيف جات 30؟ ليه 30 و ما 150؟
Post: #136 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-18-2019, 01:59 PM Parent: #135
Quote: تخيل أنك في سيارة سرعتها ٩٠ كم/س وقدامك سيارة سرعتها ١٢٠ كم/س. سوف تلاحظ أن السيارة التى أمامك تبتعد عنك بسرعة ٣٠ كم/س، بمعنى سرعتها بالنسبة لك صارت أقل من ١٢٠ كم/س لأنك سريع نوعاً ما فتلاحظ سرعتها فقط ٣٠ كم/س.
عاطف يا إبني تفتكر إني ما عارف إنو 30 كلم/ساعة دي جات كيف ولّ تفتكر إني ما قادر أحسبها وأعرف إنها صحيحة؟ لو شغلت دقنوسك دا وخليت الإستعجال والحكم على الأشياء حسب القائل كان فهمت الغرض من السؤال
Post: #137 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-18-2019, 03:25 PM Parent: #136
Quote: كيف جات 30؟ ليه 30 و ما 150؟
آسف كيف جات 30؟ ليه 30 و ما 210؟
Post: #138 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-18-2019, 03:48 PM Parent: #137
Quote: بالمناسبة في ناس بتسوق البوست بالكليات والمقاصد والأهداف! والبعض هدفه الإستعراض والشو والمعادلات التي تهدم بنيان البدايات!
ما تستعجل على رزقك يا عاطف جاييك للكليات والمقاصد والأهداف بس اول تفهم معادلة دمج السرعات وتطبيقها وليك علي أفهمك الفكرة من أساسها بس بشرط: تربع يديك وتقعد ساكت
Post: #139 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-18-2019, 05:29 PM Parent: #138
يا حافظ و الله ماعارف مداخلات الفيسبوك التحت دى فيها شنو (النظر ضعيف و خطوط مداخلات الفيسبوك متعبه جدا للعيون)
لكنك سالت سؤال و يبدو انك تعرف الإجابة. ممكن تشرح ليه 30 كيلو فى الساعة و ليست 150 !!
Post: #140 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-18-2019, 09:38 PM Parent: #139
عمك المغرد دا يا النصري قال لو طاردت الضوء بسرعة الضوء ستجد أن الضوء يبتعد عنك بسرعة الضوء! و ضرب مثل كالآتي: تخيل أنك في سيارة سرعتها ٩٠ كم/س وقدامك سيارة سرعتها ١٢٠ كم/س. سوف تلاحظ أن السيارة التى أمامك تبتعد عنك بسرعة ٣٠ كم/س، بمعنى سرعتها بالنسبة لك صارت أقل من ١٢٠ كم/س لأنك سريع نوعاً ما فتلاحظ سرعتها فقط ٣٠ كم/س. لكن الضوء سرعته ثابتة سواء لحاله أو بالنسبة لك مهما أسرعت نفس الشي! لو إستخدمنا معادلة دمج السرعات بنفس الطريقة الإستخدمها بيها المغرد لحساب سرعة العربة القدام المغرد بالنسبة للمغرد داخل عربته سنخرج بالآتي
طيب ليه الغلط دا؟ لأنو ببساطة كدا ما ختينا السرعات دي في مكانها الصحيح في المعادلة ونفس الخطأ ينطبق على طريقة إستخدامه لها في إيجاد سرعة الضوء المُطارَد (العربة الأمامية) بالنسبة للمُطارِد (عربة المغرد)
وأظن دا نفس الخطأ البكون وقع فيهو أبو الريش وبغالط على أساسه
تابعونا
Post: #141 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-18-2019, 10:26 PM Parent: #140
العربة A هي غربة المغرد والعربة B هي العربة التي تسير أمامه و C مُشاهِد خارجي
ولإستخدام معادلة دمج السرعات، يجب وضع السرعات في المعادلة كالآتي
والآن يمكنك أن تحسب سرعة العربة أمام المغرد بالنسبة للمغرد بوضع v موضع القانون لتصبح المعادلة كالآتي:
جرب تحسب وستحصل على نتيجة 30 كلم/ساعة
تابعونا
Post: #142 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-18-2019, 10:33 PM Parent: #141
كل صور images المعادلات غير ظاهرة (من زمان المشكلة دى موجودة فى مداخلاتك)
Post: #143 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-18-2019, 11:06 PM Parent: #142
الحلقة الأخيرة عن معادلة دمج السرعات
في معادلة الزميل آينشتاين، تكون لهذه السرعات هذه المواضع <>>
ولو حسبنا سرعة الفوتون بالنسبة للنصري سنضع v موضع القانون لتصبح المعادلة كالآتي
وبما أن سرعة عربية النصري = سرعة الضوء = c إذن
Post: #144 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-18-2019, 11:15 PM Parent: #143
Quote: كل صور images المعادلات غير ظاهرة (من زمان المشكلة دى موجودة فى مداخلاتك)
ما عارف المشكلة شنو يا النصري الغريبة أنا عندي ظاهرات يمكن المشكلة في براوزرك
كدي إحتياطياً كدا لو عندك أجدع ليك موقع نقدر نرفع فيه الصور
Post: #145 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-18-2019, 11:26 PM Parent: #144
انا بستخدم موقع imgbb لكن بعدل فى الكود بحذف موقع التحميل
imgbb.com
Post: #146 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-18-2019, 11:52 PM Parent: #145
موقعك سريع النصري لكن ملان ads كدا كيف بعد التعديل وإعادة رفع الصور؟
Post: #147 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-19-2019, 01:19 AM Parent: #146
مجهود خرافى مولانا حافظ . جد I'm very impressed
ماشاء الله .. ماشاء لله.
Post: #148 Title: Re: لو سايق عربيتك بسرعة الضوء ثم فتحت النور ؛ Author: Sinnary Date: 12-19-2019, 07:19 AM
أكرر يا شيخ عاطف رجائي بأن تترك المشاغبات غير العملية من النافذة وسأساعدك في الحصول على فرصة الكتابة في المنبر تحت أي اسم لأن التعليقات من النافذة مزعجة ولا يستطيع كل متداخل الإنتباه لها والتعاطي معها رجاءاً أترك المماحكات من النافذة وتعال بالباب العديل حتى ناخد وندي معاك أياً كنت أو كانت آراءك ثم حاجة تانية وهي إنك رجل متدين فالأولى بك أن تحترم الناس وتحرص أكثر من غيرك على تجنب الكذب ومشتبهاته إنتبهت لجملة كتبتها تسخر فيها مما إدعاءات تحاول بأقصى ما تملك من جهد نسبها إلي وتقول فيها
Quote: يا ابا الريش ما تبقا زي الكارثة سناري! الطول ببقا صفر لمن الجسم سرعته تحصل سرعة الضوء! ... سناري وافق النصري على فرضية تحول سرعة عربته لسرعة الضوء! وخالف انشتاين في قانونه الذي يقول بزيادة كتلة جسم العربة حتى تصير كتلة لا نهائية’عندما تكون سرعة العربة هي سرعة الضوء!
فسميتني بالكارثة لأنه حسب جملتك (الطول ببقا صفر لمن الجسم سرعته تحصل سرعة الضوء!) أرجو أن ترفق أي فقرة أنا إدعيت فيها غير ذلك ولو أتعبت نفسك بالتركيز في مداخلتي الثالثة من 5 مداخلات في البوست لما ورطت نفسك في هذا الإفتراءات يا مولانا وهنا سأنقل لك مداخلتي الثالثة ثم أعلق على مزايداتك بعدها
Quote: الأخ عاطف من نافذة البوست وجهت لك أسئلة في بوست (مقال منصور خالد لمصطفى الجيلي) ولم ترجع رجوتك أن تترك المشاغبات غير العملية من النافذة وسأساعدك في الحصول على فرصة الكتابة في المنبر تحت أي اسم لأن التعليقات من النافذة مزعجة ولا يستطيع كل متداخل الإنتباه لها والتعاطي معها رجاءاً أترك الممحكات من النافذة وتعال بالباب العديل حتى ناخد وندي معاك أياً كنت أو كانت آراءك بالنسبة لسخريتك من جملتي (إلا إذا تحولت لشيء لا كتلة له) ثم إلحاق ذلك بجملة ساخرة (لا كتلة له أم كتلة لا نهائية) طبعاً لا كتلة له لأن الكتلة اللانهائية حتجيب ليها طاقة من وين تحركها بسرعة الضوء قاما حتحول ليك الكتلة لكتلة نسبية ويتجمد الزمان والمكان يجب أن تقرأ جيداً وبعينين مفتوحتين أنا قلت إذا تحول جسم إلى طاقة إلى فوتونات يمكن حينها التحرك بسرعة الضوء ولكن لم أقل أن أي جسم مادي متحرك سيتحول لفوتونات عند سرعة الضوء يا سيدي يجب أن تنتبه للفرق بين الحركة في سرعة تقترب جداً من سرعة الضوء والسير في سرعة الضوء فانت موهوم إذا ظننت أن كتلة لا نهائية تسير في سرعة الضوء بينما الفوتونات ولأنها لا تمتلك كتلة بل هي موجات ضوئية كهرومغناطيسية يمكنها فعلاً الحركة بسرعة الضوء لأنها كما تتصرف كجسيم تتصرف أيضاً كموجات هذا ما قلته أن لا شيء يمتلك كتلة يسير في سرعة الضوء فلوستوب ولكن لو تخيلنا أن هذا الشيء تحول لطاقة، لفوتونات يمكنه إذن فعلها وأكرر أنه مع زيادة الحركة للمركبة بإتجاه الوصول لسرعة الضوء يبطئ الزمان ويتقلص المكان تدريجياً بينما تتعاظم كتلة المركبة تدريجياً حتى يتوقف الزمان والمكان في النقطة التي تصل فيها المركبة لسرعة الضوء إذ لا ينفصل الزمان عن المكان في نسبية إنشتاين
فكما تلاحظ أن الكارثة سناري كانت آخر جملة له في المداخلة: (يبطئ الزمان ويتقلص المكان تدريجياً بينما تتعاظم كتلة المركبة تدريجياً حتى يتوقف الزمان والمكان في النقطة التي تصل فيها المركبة لسرعة الضوء إذ لا ينفصل الزمان عن المكان في نسبية إنشتاين) إنه الزمان والمكان (ولا الطول ما مكان) يتناقصان مع زيادة السرعة وعندما تصل السرعة لسرعة الضو يتجمد الزمان والمكان ماذا تفهم من تجمد الزمان والمكان؟ أليس هو أن الزيادة في الطول أو الزمن تصبح صفر؟؟؟؟
نجي لإفتراءك الثاني على الكارثة سناري والذي تقول فيه (سناري وافق النصري على فرضية تحول سرعة عربته لسرعة الضوء!) بينما أول مداخلة لي ولوحدها تكفي للرد على هذا الإفتراء وسأكوتها هنا
Quote: السلام نصري لا تستطيع الأجسام المادية الحركة بسرعة الضوء ولا يمكن لنا رؤية أي شيء يتحرك بسرعة الضوء
\ الإفتراء الثالث حسب الكوت أعلاه تقول فيه مخاطباً أبريش أو أبوالريش (وخالف انشتاين في قانونه الذي يقول بزيادة كتلة جسم العربة حتى تصير كتلة لا نهائية’عندما تكون سرعة العربة هي سرعة الضوء)
بينما في المداخلة الثالثة المنقولة أعلاه واضح ما كتبته عن تغير الكتلة مع السرعة ويمكنك الرجوع للمداخلة في كوتها أعلاه والتركيز على الجملة: (يبطئ الزمان ويتقلص المكان تدريجياً بينما تتعاظم كتلة المركبة تدريجياً) ولتأكيد أن السيارة لا يمكن أن تسير بسرعة الضوء بسبب تعذر إمكانية أي طاقة أو قوة دفع لتحريك جسم ذو كتلة لا نهائية كتبت:
Quote: يا سيدي يجب أن تنتبه للفرق بين الحركة في سرعة تقترب جداً من سرعة الضوء والسير في سرعة الضوء فانت موهوم إذا ظننت أن كتلة لا نهائية تسير في سرعة الضوء بينما الفوتونات ولأنها لا تمتلك كتلة بل هي موجات ضوئية كهرومغناطيسية يمكنها فعلاً الحركة بسرعة الضوء
وأختم مداخلتي بالحديث الذي أخرجه الخرائطي عن عبد الله بن جراد أنه سأل النبي صلى الله عليه وسلم فقال: " يا نبي الله ، هل يزني المؤمن؟ قال: ( قد يكون من ذلك )، قال : يا رسول الله، هل يسرق المؤمن؟ قال: ( قد يكون من ذلك )، قال: يا نبي الله هل يكذب المؤمن؟ قال: (لا)، ثم أتبعها رسول الله صلى الله عليه وسلم فقال (إنما يفتري الكذب الذين لا يؤمنون)
Post: #149 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-19-2019, 02:08 PM Parent: #148
يا سنارى ايش رايك فى معادلات حافظ ؟
Post: #150 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-19-2019, 05:09 PM Parent: #149
Quote: يا سنارى ايش رايك فى معادلات حافظ ؟
😂😂😂 كدا يا النصري إنت بقىت زيك وزي عاطفز عاطف بتحت يستجدي في سناري عشان يختلف معاي
غايتو إنت هدفك واضح المديدة والآكشن والإنبساطة عاطف ما عندو هدف ______________
بس يا عاطف خليك أمين في حواراتك العلمية او الدينية وخليك أمين بقولها وفي رأسي إنك ممكن تكون ما فارز الأمانة من عدمها.
أنا قلت إنو كلامي هو نفس كلام سناري في جزئية محددة متعلقة بالعلاقة بين الفوتون والفوتون الآخر
Quote: حتلقى إنو السرعة النسبية للفوتون بالنسبة للفوتون الآخر هي كمية غير معينة. ودا نفس كلام سناري أنا بس عبرت عنو بطريقة رياضية وسناري عبر عنو بطريقة تانية. Quote: حيث لا زمن في سرعة الضوء، فلا تصل المركبة ولا نورها قبل الآخر، لأنه ببساطة لا يوجد زمن لتحدد فيه أيهما يصل أولاً
أما مسألة بيصلوا سوا دي فمتعلقة بعلاقة المشاهد الخارجي لعربية النصري يا عاطف حكاية إنو في عربية ماشة بسرعة الضوء دي فرضية رغم إنها معروف إستحالتها ولكنها معطى أساسي في مسألة النصري ولذلك هي خارج موضوع الحوار.
عملت لينا شنو في موضوع ؟why do photons feel the effects of gravity😂
Post: #151 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-19-2019, 08:09 PM Parent: #150
1. يا حافظ باخ كلمة الفوتون دى عملت لينا طشاش عيون.. ليه ما تسميه بإسمه و تقول الضوء؟.. خايف من ناس الأمن؟ 2. بعدين قانون جمع السرعات ليه تسميه دمج السرعات؟ ام هذا تعريف مجمع اللغة العربية؟ و جمع السرعات ما بالضرورة يديك 1 + 1 = 2.. النتيجة حسب المعادلة المطبقة..
Post: #152 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-19-2019, 09:02 PM Parent: #151
Quote: 1. يا حافظ باخ كلمة الفوتون دى عملت لينا طشاش عيون.. ليه ما تسميه بإسمه و تقول الضوء؟.. خايف من ناس الأمن؟
يا أبو الريش كلمة فوتون ما بتعمل طشاش عيون، إلا أكان مطشش بيك شيتن تاني. وكلمة فوتون مختلفة من كلمة ضوء فالفوتون كم ضوئي light quantum بينما كلمة ضوء لا تعبر عن كمومية وأنا أستخدم كل واحدة للتعبير عن شيء محدد
Quote: 2. بعدين قانون جمع السرعات ليه تسميه دمج السرعات؟ ام هذا تعريف مجمع اللغة العربية؟ و جمع السرعات ما بالضرورة يديك 1 + 1 = 2.. النتيجة حسب المعادلة المطبقة..
لأنني أتحدث عن قانون دمج السرعات وهو قانون محدد وأنا أسميه بإسمه أما جمع السرعات فله عدة قوانين منها تحويل جاليليو ونيوتن وتحويل لورينتز
أها كدا رديت ليك على أسئلتك يا أبو الريش يلا خش في الموضوع ونزل العفش😂😂😂
Post: #153 Title: Re: لو سايق عربيتك بسرعة الضوء ثم فتحت النور ؛ Author: HAIDER ALZAIN Date: 12-19-2019, 09:18 PM Parent: #152
وانا اقول ابو حسين ما معلق في البوست دا لي شنو ؟
قولتو لي فوتون ههههههههههههههههه
المهم استخلصت من البوست دا انك اذا سايق عربيتك بسرعة الضوء فإنك لا تحتاج لفتح النور لأنك عندها ستكون قد تحولت لفوتون ..!
بالدارجي يعني حا تبقى كابتن مارفل ..
ــــــــــــــــــــــــــ سلام عليكم يا شيخ عاطف
Post: #154 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-19-2019, 10:53 PM Parent: #153
خمسة الف مطالعة للبوست فى عشرة أيام فقط معظمها بدافع الفضول العلمى
http://
Post: #155 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-20-2019, 00:22 AM Parent: #154
"وكلمة فوتون مختلفة من كلمة ضوء فالفوتون كم ضوئي light quantum بينما كلمة ضوء لا تعبر عن كمومية"
يا حافظ بالله هدى بالك شوية.. لأنو لو ما هدأت بالك حتطبز .. اولا الضوء ليس سوى فوتونات.. اما الفوتون فإن له خاصية الكم و خاصية الموجة فى ذات الوقت.. و انت ذكرت الكم فقط.. بعدين شنو يعنى تتمسك بالكم فى حين انك ما مستفيد منها. كان موجة أو particle الفوتون يسافر بذات السرعة.. فشنو الفهم؟
Post: #156 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-20-2019, 00:38 AM Parent: #155
يا محمد عثمان طبعا نحن ما وصلنا مرحلة نفتى فى خلافاتكم لكن اظن اجد نفسى متفق مع حافظ ... الفوتونات هم الحاجات الصغيرونى البتتحرك كما فى الصورة ادناه
https://imgbb.com/
Post: #157 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-20-2019, 02:04 AM Parent: #156
شكر الله سعيك يا النصرى..
لفترة من الزمن العلماء كانوا يتناقشوا فى هل الفوتون موجة ام جسيم.. حتى وصلوا النتيجة انو عمك عنده الخاصيتين.. يتصرف كموجة و برضو يتصرف كجسيم.. لكن لا تستطيع مراقبته الا بواحدة فى الوقت الواحد. هسى شايف اخونا حافظ عنده مفهوم جديد .. الضوء غير الفوتونات..
Post: #158 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-20-2019, 05:48 AM Parent: #157
Quote: الضوء غير الفوتونات
يا أبو الريش أنا قلت كلمة فوتون كلمة مختلفة عن كلمة ضوء ولم أقل أن الضوء مختلف عن الفوتونات.
Quote: اما الفوتون فإن له خاصية الكم و خاصية الموجة فى ذات الوقت.. و انت ذكرت الكم فقط
الكم (quantum) لا تعني جسيم و وأظنك تقصد أن تقول أن تقول "اما الفوتون فإن له خاصية الجسيم و خاصية الموجة فى ذات الوقت.. و انت ذكرت الكم فقط" وبعدها ستجد أن قولك بأنني "ذكرت الكم فقط" ليست لها معنى. لأن الكمومية لا تلغي الطبيعة الموجية للفوتون.
Quote: فشنو الفهم؟
الفهم إنو النصري في البوست دا طرح سؤال معقد جداً ويمكن التعامل معه كتجربة فكرية والتعقيد ليس في الوصول لإجابة من سيصل اولاً فسؤال النصري ليس عن عربية النصري فمفهوم للجميع أن عربية النصري، بمفهومنا العادي عن العربية، لن تسير بسرعة الضوء وأن لا شيء غير الضوء يمكن أن يسافر بسرعة الضوء. إذن هنالك فرضية أساسية في السؤال هي أن عربية النصري ليست سوى قطعة من الضوء* (فوتون). وموضوع البوست ليس عن تحول العربية لفوتون ولكنه عن تحول الفوتون لمشاهد او مراقب (observer)
بفهمي لموضوع البوست أنا محتاج أتحدث عن الضوء كوحدات او قطع صغيرة (Quanta) تراقب بعضها البعض لذلك أنا أستخدم كلمة فوتون للتعبير عن هذه الوحدات او القطع.
كنت ناوي أبدأ الحديث عن الفكرة الأساسية وراء البوست في صفحة 9 من البوست بعد عمل تمهيد في ال8 صفحات الأولى. لكن بطريقتك دي لي صفحة 15 ما بنصل الموضوع الأساسي.
______________
يالنصري ياخي ما تحسب عدد القراء الآن، البوست دا حسب التقديرات الأولية حوالي 21 صفحة
Post: #159 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-20-2019, 09:48 AM Parent: #158
حافظ.. واحدة واحدة. اولا انت نصصت عبارة * "الضوء غير الفوتونات" لتظهر و كأنى من قال ذلك.. انت لا تقصد ذلك و لكن أرجو التقيد بقواعد التنصيص. ثم انك تقول: "وبعدها ستجد أن قولك بأنني "ذكرت الكم فقط" ليست لها معنى. لأن الكمومية لا تلغي الطبيعة الموجية للفوتون."
طيب دا الكلام الأنا قلته ليك. و أنا من ذكر الطبيعة المزدوجة للفوتون (أولا) حين رأيت انك تجاهلتها. لا أدرى ما هو اعتراضك على كلمة جسيم.. طيب ما هو المقابل العربى لكلمة particle؟
Post: #160 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-20-2019, 10:26 AM Parent: #159
Quote: أرجو التقيد بقواعد التنصيص
قواعد التنصيص محفوظة وأي قارئ جيد سيفهم أنك قلت "الضوء غير الفوتونات" على لساني وقوَّلتني ما لم أقل. وسيفهم القارئ أنني في مداخلتي أشير إلى أن الخلاف بيننا يجب أن ينحصر في الفرق بين كلمة الفوتون وكلمة الضوء حيث لا يوجد خلاف حتى الآن بيننا حول الفرق بين الفوتون والضوء.
Quote: لا أدرى ما هو اعتراضك على كلمة جسيم
لا يوجد لدي أي إعتراض على كلمة جسيم بل العكس نماماً أنا نبهتك لأن كلمة جسيم هي الكلمة الأنسب من كلمة "كم" في عبارتك التالية: "اما الفوتون فإن له خاصية الكم و خاصية الموجة فى ذات الوقت" وذلك لأن الطبيعة الموجية والطبيعة الجسمية متقابلتان ولا تشترك الكمومية معهم في هذا التقابل.
___________
يا أبو الريش في إحتمال النقاش بيناتنا حول النسبية وفيزياء الكموم يكون منتج ومثمر فأنت لا بأس بك. ولكن هنالك إستحالة أن يكون النقاش بيناتنا حول اللغة والإستخدام المنطقي لها مثمر وذلك بسبب البون الشاسع بيننا. عشان كدا أحسن تخش في الموضوع وتنزل العفش😂😂😂
Post: #161 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-20-2019, 06:59 PM Parent: #160
"فالفوتون كم ضوئي light quantum بينما كلمة ضوء لا تعبر عن كمومية"
دا موش كلامك يا حافظ؟ و بعد دا تقول انى اقولك ما لم تقله.؟ الفوتون ليس كم ضوئي فحسب.. بل هو ايضا و بذات القدر موجة.. دى الحتة الانت ما داير تقولها .. ليه الله وحده يعلم. ثم انا قلت ليك الضوء هو عبارة عن مجموعة فوتونات.. لذاك هو فى حد ذاته ليس كيانا مستقلا.. مثل التراب مكون من ذرات التراب فهو ليس غيرها.. و مجموعة بتاعة افراد يسموهم ناس.. هذا هو الضوء. لذلك الضوء ممكن تراقبه كفوتونان (كتاحة) او موجات..
اما باقى مداخلاتك الفوق ديل تستحق عليهم على الاقل 3 او اربعة مخالفات. و مع الأسف إلا بالكمبيوتر.. بالتلفون الكتابة الطويلة صعبة.
Post: #162 Title: Re: لو سايق عربيتك بسرعة الضوء ثم فتحت النور ؛ Author: مرتضي عبد الجليل Date: 12-20-2019, 10:17 PM
فى البوست العجيب دا ,عينك ماتشوف الا النور !
Post: #163 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-21-2019, 00:23 AM Parent: #162
نسبية و كمان باللغة الانجليزية.. بايظة بايظة
Post: #164 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-21-2019, 01:30 AM Parent: #163
فيديو ممتع يا محمد عثمان ياريت يقع فى ايدى المترجمين المتخصصين عشان تعم الفائدة
Post: #165 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-21-2019, 02:57 PM Parent: #164
فيديو ممتاز يا أبو الريش ولو من اول البوست كنت إيجاب كان البوست مشى أحسن من كدا
Quote: "فالفوتون كم ضوئي light quantum بينما كلمة ضوء لا تعبر عن كمومية"
دا موش كلامك يا حافظ؟ و بعد دا تقول انى اقولك ما لم تقله.؟ دا موش كلامك يا حافظ؟ و بعد دا تقول انى اقولك ما لم تقله.؟
يا أبو الريش الله يرضى علينا وعليك
كلمة تراب لا تعبر عن كمومية كلمة ذرة تراب تعبر عن كم
كلمة ضوء لا تعبر عن كمومية كلمة فوتون تعبر عن كم
كلمة ناس لا تعبر عن كم كلمة شخص او فرد تعبر عن كم
كلمة مياه لا تعبر عن كم كلمة كوب من الماء تعبر عن كم
كلمة بصل لا تعبر عن كم كلمة شوال بصل تعبر عن كم
كلمة فول لا تعبر عن كمومية كلمة طلب فول تعبر عن كم
يا أبو الريش عذبتنا
Post: #166 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-21-2019, 03:09 PM Parent: #165
Quote: الفوتون ليس كم ضوئي فحسب.. بل هو ايضا و بذات القدر موجة.. دى الحتة الانت ما داير تقولها .. ليه الله وحده يعلم.
هنا دا قولتها "اما الفوتون فإن له خاصية الجسيم و خاصية الموجة فى ذات الوقت"
أنا صلحت ليك جملتك وإستبدلت* كلمة جسيم بكلمة كم وتركت كلمة موجة كما هي لأنها ليست موضع النقاش.
يا أبو الريش إنت ما قاعد تقرأ او قاعد تكلفت القراية. وبالمناسبة أنا فوق جبت سبرة الdouble slit experiment ولو إنت بتعرف الdouble slit experiment ما كان جيت تكلمني عن الطبيعة الموجية والجسمية للفتون
______________
*عشان ما يحصل غلات إستبدلت دي تُفهم كما إستخدمت في أتستبدلون الذي أدنى بالذي هو خير. غير أني إستبدلت الذي هو خير بالذي هو أدنى.
Post: #167 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-21-2019, 04:07 PM Parent: #166
Quote: كلمة تراب لا تعبر عن كمومية كلمة ذرة تراب تعبر عن كم
كلمة ضوء لا تعبر عن كمومية كلمة فوتون تعبر عن كم . .
القرارات الجمهورية دى فى نقاش زى دا ما بتقسم يا حافظ. انا قلت الضوء ليس سوى مجموعة من الفوتونات.. فوتونات بس لذلك تستطيع التعرف على خواصة الموجية و خواصه الجسيمية.. يعنى تستطيع دراسته كموجة (أو) كجسيمات.. (Logical OR)
بعدين سيادتك تقول:
Quote:
Quote: الفوتون ليس كم ضوئي فحسب.. بل هو ايضا و بذات القدر موجة.. دى الحتة الانت ما داير تقولها .. ليه الله وحده يعلم.
هنا دا قولتها "اما الفوتون فإن له خاصية الجسيم و خاصية الموجة فى ذات الوقت"
أنا صلحت ليك جملتك وإستبدلت* كلمة جسيم بكلمة كم وتركت كلمة موجة كما هي لأنها ليست موضع النقاش.
كيف الطبيعة الموجية للفوتون ليست موضوع النقاش و نحن نناقش موضوع الضوء؟ اللهم لا اعتراض على حكمك.
Post: #168 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-21-2019, 04:40 PM Parent: #167
Quote: القرارات الجمهورية دى فى نقاش زى دا ما بتقسم يا حافظ.
قرارت شنو يا أبو الريش إنت يا كافي البلا وحايد المحن في الإنجليزي دا ما مرت عليك countable و uncountable nouns ؟ وما مرت عليك حاجة إسمها quantized expression؟
طيب يا أبو الريش إلتزاماً بقراراتك الجمهورية أنا حأخلي كلمة photon وإستخدم بدلها كلمة piece of light كويس معاك؟
Post: #169 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-21-2019, 06:30 PM Parent: #168
"طيب يا أبو الريش إلتزاماً بقراراتك الجمهورية أنا حأخلي كلمة photon وإستخدم بدلها كلمة piece of light كويس معاك؟"
حافظ ياخ استهدى بالله و خت الرحمن فى قلبك.. منو اعترض على كلمة فوتون؟ انا اعترضت على ترجمتك لها .. بعدين piece of light ليست ترجمة للفوتون و لكن لإحدى خواصه و هى الجسيمية.. لأنك اول ما تقول piece خلاص دخلت فى القياس الكمى. وهدا لا يصف الفوتون حصريا. ياخ والله ما قادر تواصل من التلفون او ارجو لوك الصبر شوية اليوم استلم شاحن اللابتوب بتاعى.
Post: #170 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-21-2019, 10:30 PM Parent: #169
يحلنا الشربكنا
Quote: حافظ ياخ استهدى بالله و خت الرحمن فى قلبك.. منو اعترض على كلمة فوتون؟
إنت إعترضت على كلمة فوتون وقلت: "يا حافظ باخ كلمة الفوتون دى عملت لينا طشاش عيون.. ليه ما تسميه بإسمه و تقول الضوء؟"
Quote: انا اعترضت على ترجمتك لها .. .
أنا ما حصل ترجمت كلمة photon. زيي وزيك شلت نفس الكلمة وكتبتها بحروف عربية.
Quote: بعدين piece of light ليست ترجمة للفوتون و لكن لإحدى خواصه و هى الجسيمية.. لأنك اول ما تقول piece خلاص دخلت فى القياس الكمى. وهدا لا يصف الفوتون حصريا.
أنا ما قلت piece of light هي ترجمة لفوتون. الpiece of light بتاعتي دي إعتبرها قدر عربية النصري😂 أما الكمومية فهي لا تخص الجسيمات وحدها يا أبو الريش يا متعلم يا بتاع المدارس معقولة بس يا أبو الريش لا بتعرف ثابت بلانك ولا ساي كدا قادك الفضول في يوم عشان تعرف حاجة عن نموذج بور للذرة المبني على فكرة طاقة الإلكترون المكممة. ولمعلوميتك اول من إستخدام لكلمة quantum في مجال الفيزياء هو هيلموتز وإستخدمها في توصيف الطاقة الحرارية.
يا أبو الريش ياخي أنا ببحث عن حوار ذكي وما مكن تكون داير تحاورني في بدائيات زي الطبيعة المزدوجة الجسيمية والموجية للفوتون. دا موضوع خليهو يقزقزو بيهو ناس عاطف تحت😂 إنت أكبر من مثل هذا الحوار يا أبو الريش ياخي نزل العفش* وسيبك من الحوارات الميتة دي
___________________
خوفي بس يكون عفشك كله يكون ياهو فكرة إنو الفوتون ممكن يكون جسيم وممكن يكون موجة😖😖😖
Post: #171 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-21-2019, 10:53 PM Parent: #170
يا حافظ.. إنت سموك الزئبق؟
المهم العفش حينزل بس أنا أومن ببيت الشعر.. (سيروا بسيرى فإنى ضعيفكم... و راحلتى بين الرواحل ضالع) لذلك لازم من تدريج من أحاورهم.. و لو نزلت العفش حأكسر ليك الكوانتوم الفرحان بيه دا فوق رأسك. و سأنتقم لنبى الله أينشاين الذى إحتقره دواعش الفيزياء مثلك!!
Post: #172 Title: Re: لو سايق عربيتك بسرعة الضوء ثم فتحت النور ؛ Author: محمد على طه الملك Date: 12-22-2019, 02:42 AM Parent: #171
الشعاع الشعااااااااااااااع انقليزي تعرفو أربي ما تعرفو؟
Post: #173 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-22-2019, 02:55 AM Parent: #172
"الشعاع الشعااااااااااااااع انقليزي تعرفو أربي ما تعرفو؟"
لاحظ اللغات المعتمدة هنا العربية و الإنجليزية فقط!!
Post: #174 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-23-2019, 03:29 AM Parent: #173
نقرض ؟
Post: #175 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-23-2019, 04:03 AM Parent: #174
Quote: نقرض ؟
لا لسة يا حاج.. لو ما جاء حافظ انا أخت العفش و ممكن بعد داك نعرش طوالى. حافظ ناولنى كتير.. و لما قلت ليه عبارة واحدة حرد البوست هههههه (لى أه.. على لا)
Post: #176 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-23-2019, 05:28 AM Parent: #175
بدل ننزل العفش بحثت عن افضل إجابة للسؤال و هذه ترجمتها.. و بذلك أنا أعرش على هذه.
تعرف يا النصرى ، أنت طرحت سؤال ليس له إجابة واحدة أو بسيطة أو عملية ، نظرًا لأن الكائنات ذات الكتلة المحدودة لا يمكن أن تنتقل إلى C. Phrased بشكل مختلف ، فالأجسام التي تسافر في سرعة C( الفوتونات) ليس لها كتلة. المشكلة هي النسبية. يواجه السائق الذي يتحرك بسرعة C تمددًا لا نهائيًا. وبالتالي ، في حين أن الفوتونات المنبعثة من المصابيح الأمامية "يجب" أن تسير بسرعة قبل السيارة وتصل أولاً ، سوف يستغرق الأمر وقتاً لا نهائيا لكي تظهر موجات ضوء المصباح. وبالتالي ، ستصل السيارة بينما تكون موجات المصباح في طور الظهور بمعدل صغير بلا حدود ، و يمكن فهم ذلك على أن السيارة تصل في وقت واحد مع حزمة المصباح. عشان نكون منصفين ، خلينا نقول شعاع المصباح يسافر مسافة صغيرة (بلا حدود) قبل وصول السيارة. لذا فإن السؤال هو "هل صغيرة بلا حدود دى معناها صفر؟ هناك طريقة أخرى للنظر إليها: فإن سرعة الضوء ثابتة، بغض النظر عن النقطة المرجعية التي يتم قياسها فيها (نظام الإسناد). وهكذا ، بالنسبة للمراقب من خارج السيارة ، يسافر ضوء مصباح عربيتك بسرعة C، و تسير عربيتك برضو بسرعة C.. و هذه هى المفارقة فى الفيزياء الحديثة.. الما فهمها عليه الإيمان و العقيدة فى سيدنا أينشتاين.
Post: #177 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-23-2019, 07:11 AM Parent: #176
مداخلة أخيرة نقرض عليها..
أمسك رأسك قبل مشاهدة الفيديو...
Post: #178 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-25-2019, 00:18 AM Parent: #177
Quote: نقرض ؟
وتنفس أبو الريش الصعداء😂
شكراً جزيلاً أخي العزيز أبو الريش على الحوار وعلى تحملك لنا وتحمل المهاترات والإستفزازات التي لم يكن الغرض منها سوى رفع درجة حرارة النقاش وأرجو قبول إعتذاري إذا كنت قد تجاوزت الحد المسموح به ولك كامل إحترامي وتقديري.
Post: #179 Title: Re: لو سايق عربيتك بسرعة الضوء ثم فتحت النور ؛ Author: محمد على طه الملك Date: 12-25-2019, 00:40 AM Parent: #178
دا اسمو كلالام .. هسه يا مولانا أنت وابريش شادننا عشرمية مداخلة وعاطف عمر عسم رقبتنا طالعين نازلين .. عشان تجو تقولو الفرق ياهو المسافة بين الجالس على مقود القيادة وفانوس العربية ؟
Post: #180 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-25-2019, 00:50 AM Parent: #178
مداخلة اخيرة
شكراً جزيلاً النصري على البوست
خلاصة ما أردت قوله أن الفوتون او أي شيء يسير بسرعة الضوء لا يمكنه إستقبال أي إشارة من مصدر آخر يسير بنفس سرعته وقيمة سرعة الفوتون بالنسبة للفوتون الآخر تساوي صفر على صفر. وهي كمية غير معيتة وتعني ببساطة أنه لا يمكن التواصل بين فوتون وفوتون آخر وبالنسبة لأي فوتون تكون الفوتونات الأخرى في حالة العدم. او بمعنى آخر الفوتونات لا تسير في قطيع ولكن كل فوتون يسافر في رحلته (الأبدية بالنسبة له) وحيداً
نظرية النسبية الخاصة كلها تقوم على تعزيز مبدأ السببية (causality) ولغاية بوست تاني قادم عن النسبية هاكم الفيديو دا الفيديو صعب شوية لكن مفيد جداً
Post: #181 Title: Re: لو سايق عربيتك بسرعة الضوء ثم فتحت النور ؛ Author: النصرى أمين Date: 12-25-2019, 12:30 PM Parent: #180
شكرا للجميع خاصة ابريش و حافظ ؛ بالجد بوست مفيد ، قرات واستمتعت بكل كلمة فيه (بصراحة عندى عادة سيئة فى متابعة البوستات و هى الفط ؛ مرات فط مداخلات كاملة و مرات بفط أجزاء من مداخلات بسبب الملل ، لكن فى هذا البوست تابعت و تمعنت و واستمتعت لكل كلمة و فيديو و رسم (ماعدا فيديو حافظ الاخير ، شاهدت نصفه وتوقفت بسبب صعوبة المحتوى).
شكرا با شباب ، اعتقد ان مداركى فى المسألة دى توسعت جدا بعد البوست و ممكن لو لقيت جماعة يتغالطوا تحت شجرة فى أم درمان عن سرعة الضوء ؛ يمكنني و بكل ثقة المشاركة فى النقاش و ما بعيد نفر او نفرين ينبهروا بسعة معلوماتى و لن يعرفوا ابدا انى احد تلاميذ الظاهرة العلمية الجديدة التى تسمى (الجربندية العلمية) كل الود و التقدير للجميع والى لقاء آخر فى بوست عن الأكوان الموازية
Post: #182 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-25-2019, 01:51 PM Parent: #181
Quote: والى لقاء آخر فى بوست عن الأكوان الموازية
موش قلت ليكم النصرى دا راقدلو فوق رأى؟ !!
بعدين حافظ رجل عالم كبير و نحن جربندية.. لكن مرات أسأل الجربندى و لا تسأل شنو كدا ما عارف.. زمان الفقهاء يقولوا أحذر صاحب الكتاب الواحد.. يعنى لو فى فقيه متخصص فى "متن العشماوية" و ما عنده كتاب غيره، دا يكون مجضمو
Post: #183 Title: Re: لو سايق عربيتك بسرعة الضوء ثم فتحت النور ؛ Author: امتثال عبدالله Date: 12-25-2019, 04:20 PM Parent: #182
شكرا النصري على هذا البوست الساعة البسيط المبسط ..هههههههههه.. لكن يا ابو الريش ، والله يجازي محنك، مسكنا راسنا وشاهدنا الفيديو الاخير ،، وهسه ماسكني صداع شديد ، قلت اطلع أفتش ستاربكس مفتوح وافتش محل تاني اشتري منه حبوب للصداع ،،،مع اني عارفة أن معظم المحلات اليوم مقفلة بمناسبة الكريسماس.... ويا النصري ،انت قرض الموضوع على كده، لكن بالنسبة لي الموضوع مستمر لغاية ما اقابل حفيد أينشتاين في الصيف القادم أن شاء الله .. Merry Christmas و happy new year
Post: #184 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-25-2019, 05:00 PM Parent: #183
Merry Xmas and Happy New Year
Quote: لكن بالنسبة لي الموضوع مستمر لغاية ما اقابل حفيد أينشتاين في الصيف القادم أن شاء الله ..
المرحوم عنده حفيده عنده 7 عيال.. أظن 2 منهم فى أمريكا .. واحد طبيب و التانى يبيع عناقريب و بنابر Furniture و كدا.. ما أظنهم حيفيدوك بشي إلا دايرة تأخدى البركة.
Post: #185 Title: Re: لو سايق عربيتك بسرعة الضوء ثم فتحت النور ؛ Author: امتثال عبدالله Date: 12-25-2019, 11:10 PM Parent: #184
اها ..الطبيب المقيم في كاليفورنيا ده جاي بنفسه إلى نيويورك في شهر يونيو.... وما دام هو طبيب لازم بيكون فاهم نظرية جده فهم تمام ويشرح لينا خطوة بخطوة وبلغة مبسطة وسهلة وما بلغة علمية معقدة . وبعد داك لكل حادث حديث ، ونجي نفتح البوست من جديد ونواصل الحدوتة ان شاء الله.
Post: #186 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 12-26-2019, 00:55 AM Parent: #185
لو جاى لنيويورك انا زاتى عندى ليه سؤال
Post: #187 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 12-31-2019, 07:44 PM Parent: #186
Twin paradox is an example of how special relativity can be misunderstood
Post: #188 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 01-01-2020, 01:40 AM Parent: #187
طيب يا حافظ.. ما دام جيت للفلسفة ممكن تورينا البارادوكس دى برضو.. أنا ما عارف حلها..
لو الكونتينيوم الزمكانى يتحرك فى درب منحنى، فما هو البعد الخامس الذى يحصل هذا الإنحناء فيه؟ و هل لهذه المنحنيات و الأبعد نهاية؟
Post: #189 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 01-02-2020, 01:22 AM Parent: #188
وين البارادوكس يا أبو الريش؟ مثلاً سطح الأرض فيه كثير من الإنحناءات التي لا تخرج من الثلاثة ابعاد المكانية. فلماذا تتعامل مع الزمكان بتصورات الهندسة الإقليدية؟
Post: #190 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 01-02-2020, 01:35 AM Parent: #189
Quote: مثلاً سطح الأرض فيه كثير من الإنحناءات التي لا تخرج من الثلاثة ابعاد المكانية.فلماذا تتعامل مع الزمكان بتصورات الهندسة الإقليدية؟
بسم الله الرحمن الرحيم.. يا زول إت جادى
Post: #191 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 01-02-2020, 01:53 AM Parent: #190
هاك قزقز بدى لغاية ما نفضى ليك
Three Logical Proofs: The Five-Dimensional Reality of Space-Time West Virginia University at Parkersburg Physics, 300 Campus Drive Parkersburg, West Virginia 261 04 e-mail: mailto:[email protected]@aol.com Abstract-A century and a half ago, a revolution in human thought began that has gone largely unrecognized by modern scholars: A system of non-Euclidean geometries was developed that literally changed the way that we view our world. At first, some thought that space itself was non-Euclidean and four-dimensional, but Einstein ended that 'speculation' when he declared that time was the fourth dimension. Yet our commonly perceived space is four-dimensional. Einstein unwittingly circumvented that particular revolution in thought and delayed its completion for a later day, although his work was also necessary for the completion of that revolution. That later day is now approaching. The natural progress of science has brought us back to the point where science again needs to consider the physical reality of a higher-dimensional space. Science must acknowledge the truth that space is four-dimensional and space-time is fivedimensional, as required by accepted physical theories and observations, before it can move forward with a new unified fundamental theory of physical reality.
Post: #192 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 01-02-2020, 01:56 AM Parent: #190
يا أبو الريش كدي أشرح لينا فكرتك عن الإنحناء الزمكاني عشان نفهم ضرورة البعد الخامس دي
Post: #193 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 01-02-2020, 02:00 AM Parent: #192
Quote: يا أبو الريش كدي أشرح لينا فكرتك عن الإنحناء الزمكانيعشان نفهم ضرورة البعد الخامس دي
أقرأ الكلام الفوق البلنجليزى .. هو سعادتك ما عارف المستمر الزمكانى منحنى؟
Post: #194 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 01-02-2020, 03:14 AM Parent: #193
يا أبو الريش الكلام الفوق دا قال إنو الزمكان خماسي الأبعاد لكن ما قال هو خماسي لأنو البعد الخامي هو البعد البينحني فيه الزمكان.
يعني نحن ما حنختلف في إنو الوجود ممكن يكون متناهي الأبعاد، منها ما نستطيع أن ندركه ومنها ما لا نستطيع. نقطة الإختلاف هي ربطك لضرورة وجود البعد الخامس بإنحناء الزمكان.
Post: #195 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 01-02-2020, 04:04 AM Parent: #194
Quote: يعني نحن ما حنختلف في إنو الوجود ممكن يكون متناهي الأبعاد، منها ما نستطيع أن ندركه ومنها ما لا نستطيع. نقطة الإختلاف هي ربطك لضرورة وجود البعد الخامس بإنحناء الزمكان.
اولا كويس انك اخيرا اعترفت بإنحناء الزمكان.. غموتى كدا بدون تصريحات صحفية.. طيب يا معلم الزمكان المنحنى دا ممكن تورينا منحنى فى شنو؟ فى باب قطية؟
Post: #196 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 01-02-2020, 04:16 AM Parent: #195
Quote: وين البارادوكس يا أبو الريش؟ مثلاً سطح الأرض فيه كثير من الإنحناءات التي لا تخرج من الثلاثة ابعاد المكانية. فلماذا تتعامل مع الزمكان بتصورات الهندسة الإقليدية؟
اعلاه المداخلة التى أنكرت فيها انحناء الزمكان
Post: #197 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 01-06-2020, 09:26 AM Parent: #196
Quote: Quote: وين البارادوكس يا أبو الريش؟ مثلاً سطح الأرض فيه كثير من الإنحناءات التي لا تخرج من الثلاثة ابعاد المكانية. فلماذا تتعامل مع الزمكان بتصورات الهندسة الإقليدية؟
اعلاه المداخلة التى أنكرت فيها انحناء الزمكان
سلام يا أبو الريش وإن شاء الله طيب معليش اليومين ديل في حالة سفر ونادر ما القى وقت اتصفح البورد. فمعذرة على التأخر في الرد.
أنا أبداً ما أنكرت إنو الزمكان منحني ولا أي واحدة من مداخلاتي تشير لذلك. أنا أنكرت الترابط بين كون الزمكان منحني وضرورة وجود بعد خامس لحدوث هذا الإنحناء.
يا أبو الريش الزمكان ليس كائناً ماديا مجسم ليحتاج إلى بعد آعلى لينحني فيه. بل هو محاور القياس التي نقيس بها الأشياء ونفسر على أساس هذا القياس الظواهر الفيزيائية المختلفة. فالإنحناء هنا هو إنحناء الإحداثيات وليس إنحناء في الكون الذي نعيش فيه مثلاً. لذا إنحناء الإحداثيات الأربعة لا يتطلب وجد محور خامس لحدوث هذا الإنحناء.
أنا لم أنكر إنحناء الزمكان ولا أستبعد وجود بعد خامس وسادس وسابع إلى ما لا نهاية. أنا أنكرت المنطق الذي يحتم وجود بعد خامس لينحني فيه الزمكان.
______________________________
عاطف عمر ياخي بدل ما تقعد تكرر في الكلام بدون معنى شوف لينا كلامنا عن نسبية آينشتاين دا نقلي ول منقول😜😜
Post: #198 Title: Re: لو سايق عربيتك بسرعة الضوء ثم فتحت النور ؛ Author: Abureesh Date: 01-06-2020, 07:25 PM Parent: #197
Quote: يا أبو الريش الزمكان ليس كائناً ماديا مجسم ليحتاج إلى بعد آعلى لينحني فيه. بل هو محاور القياس التي نقيس بها الأشياء ونفسر على أساس هذا القياس الظواهر الفيزيائية المختلفة.
لقد اسمعت لو ناديت غشيما.. و لكن لا غشامة لمن تنادى.
طبعا بالبعد الخامس نحن الان نخرج من النظرية النسبية الخاصة الى النسبية العامة ومعادلات ماكسويل و الديناميكية الكهربائية و نظرية الحقل الموحد Unified Field Theory التى استشهد أينشتاين قبل إتمامها.. بصراحة يا أخ حافظ لأستباب كتيرة منها الزمن يبدو أنى ما حأقدر اواصل فى القريب المرئى.. و النقاش فعلا كان سمينا و ثمنيا,, شكرا للنصرى و لك و لكل من شارك. و تمنياتى لكم بندوة علمية خصبـة.
تحياتى
Post: #199 Title: Re: لو سايق عربيتك بسرعة الضوء ثم فتحت النور ؛ Author: Hafiz Bashir Date: 01-07-2020, 06:15 AM Parent: #198
سلام يا ابو الريش
طالما أن الحديث عن إنحناء الزمكان فهو من المؤكد حديث عن النسبية العامة. فالنسبية الخاصة تحدثت عن السرعات المنتظمة فقط.
عموماً ارى أن هذا البوست لن يتسع ليستوعب نقاشاً حول النسبية العامة والحقل الموحد وأرى ضرورة بوست منفصل في وقت لاحق لإتمام ما بدأناه هنا.
سعدت كثيراً بالحوار معك. فشكراً لك وشكرا للنصري وشكراً لكل المشاركين
