مسابقة لجمال الكلاب بالخرطوم

07:49 PM December, 07 2019

سودانيز اون لاين
Asim Ali-
مكتبتى
رابط مختصر

مسابقة لجمال الكلاب بالخرطوم
ديسمبر 7, 2019
الخرطوم: الانتباهة أون لاين

تابع قطاع عريض من الشباب مسابقة الكفاءة والجمال للكلاب التي أقيمت ظهر السبت بالحديقة الدولية، برعاية النادي السوداني للكلاب (SKC). وقال متابعون أن الفعالية تعد الثالثة في هذا المجال، والتي أقيمت تحت تحكيم دولي وهذه المرة بعضوية كاملة في الاتحاد الدولي لتنقية سلالات الكلاب (FCI). وشاركت في المسابقة فصائل مختلفة من الكلاب الأصيلة تحت اشراف الحكم الدولي Natasa Davidovic من دولة صربيا.

الناس فى شنو والحسانيه فى شنو ؟؟!!!!
وين من الهم العام ؟
وين من هم المواطن اليومىيه ؟
وين من مستحقات الثوره ؟

سلامات عاصم،

Quote: وشاركت في المسابقة فصائل مختلفة من الكلاب الأصيلة

غايتو الموضوع لو مافيهو عنصرية
انا حاجز ملكة جمال الكلاب،
أقصد السيدة/ الملكة، (احسن تكون مشمولة في قرار ابجوخ ولا حاجة)
بشرط انها تكون اصيلة وبت ناس

عاصم سلام


يا جماعة ممكن نشترك بكلبتنا لوسي ولا خلاص الموضوع خلص
ووين بعملوا اعلاناتهم الجماعة ديل
لازم يدوا الناس وقت
عشان الواحد من بدري بدري يفتش الكلبة دي راقدة في ضل ياتو جزارة
ويرشها بخرطوش موية وشوية معطر
مش قالوا القرد في عين امه غزال
عسى ولعل ربنا يكتب لينا رزقاً ما طارينه

مرحب الاخوه عمر التاج وعبدالغنى
بالمناسبه فى ناسمن بيحبو يحاكو الخواجات شخصيا فى المنطقه حولنا اتنين مربين كلاب من فصيله الكلاب (البوليسيه) المخيفه) وواحد عندو واحد نت النوع الصغير وكلو صوف ابيض
ديل عندهم مزاج يحومو بكلابهم دى من غير (سلسله )- ماعدا الكلب الصغير- وطبعا شوف بيعملو شنو فى الاطفال والناس فى الشارع باثاره الخوف وارباك حركتهم واصحابهم كانهم يستتمتعو بالقصه دى

مرة قابلنا في الشارع طالبة في كلية البيطرة و معاها كلب ووقفنا نتونس معاها وقلنا ليها يا سلام كلبك لطيف وودود اشتريتيه بكم ؟ فقالت ده ما كلبي لكن صاحبه هو مايك بلومبيرغ ، الملياردير الأمريكي وعمدة نيويورك السابق ، والمرشح الذي سيترشح ضد ترامب في الانتخابات الرئاسية القادمة، وسالناها وانتي قريبته ولا شنو ؟ قالت لا انا شغالة مربية للكلب ومهمتي كل يوم اجي افسح الكلب لمدة ساعتين في الشارع بعد ما ارجع من الجامعة ومرتبي ٣ الف دولار كل اسبوعين ، يعني ٦ الف دولار في الشهر، ،،
...وما دام وصلنا لمرحلة إجراء مسابقة لجمال الكلاب في الخرطوم ....فمعنى هذا ...نصل لمرحلة ندي مرتبات لمربية الكلاب ...
معقولة نحن وصلنا لمرحلة الرخاء والازدهار لغاية ما نعمل مسابقة لجمال الكلاب ...والناس ما لاقية رغيف تاكل ...يا ما نسمع عجايب...

مرحب امتثال
رغم انو الواحد مرتبط بالخرطوم منذ الميلاد وشفت مفارقات كتيره على اساس المستوى الاقتصادى لكن كانت تظل المفارقات دى محصوره فى اطر ضيقه لكن بعد الثوره بدت تظهر حاجات تستعجل حريات ومظاهر/مبادرات (كماليه) على السطح وكان فعلا الواجب توجيه الطاقات والاهتمام بولويات اكثر اهميه وملامسه لواقع وقضايا المجتمع السودانى ككل.
-سباق للسلاحف في السودانسباق للسلاحف في السودان
-فيديو لملهى ليلى والشباب فرقانين طرب ورقص
-انتشار المقاهى المفتوحه مع الشيشه
-سمعت حديث عن شروع البعض فى انشاء بارات
ربما لو كنت كثير الحركه فى الخرطوم لرصدت مظاهر اخرى
.
كل دا بيشير الى ركون كتير من الشباب للجانب الرخو(الاسترخاء والترفيه والترف ) من مكتسبات الثوره دون المكتسبات الاخرى المفروض تحسب كاداه لتنميه السودان واعمارو واقالتو من عثرتو زازماتو (خارج العاصمه قبل داخل العاصمه)
غايتو ماغريب بعد شويه تظهر مهن طفيليه زى المثال الذكرتيهو وعاد ممكنطالب بيطره يكون مربى (Pet) لاسره ثريه بدلا عن دور وطنى تجاه الثروه الحيونيه للبلد فى المناطق النائيه واعتقد انو الضائقه الاقتصاديه حتكون اكبر دافع لظهور المهن دى

ابوحسين مايكون من العنوان حسبت البوست بتاعى من ال(7up) ؟

Wasil Ali - واصل علي
@wasilalitaha
-------------------------
لانعليق