أثارت صورة وزير الشؤون الدينية والأوقاف ” نصر الدين مفرح”، مع حسناء خلال الزيارة التي يقوم بها بصحبة رئيس مجلس الوزراء إلى الولايات المتحدة الأمريكية، أثارت ضجة في أوساط مواقع التواصل الاجتماعي. وبدأ (مفرح) مرهقاً بعيون محمرة، بجانب سيدة سودانية لم يكشف عنها في صورة ودية. وأثارت اللقطة العديد من التعليقات مابين متسائل وساخر، فيما علق أحدهم ( اخشى أن يعود مفرح من امريكا بقرار جعل التربية المسيحية مادة أساسية من الروضة). وتعد زيارة رئيس الوزراء د. عبد الله حمدوك إلى الولايات المتحدة هي الحادية عشرة له خارجياً منذ أدائه اليمين الدستورية في ٢١ أغسطس الماضي، وقد بدأها بالجنوب، مصر، نيويورك، فرنسا، السعودية، الإمارات، إثيوبيا، بلجيكا، إريتريا، إثيوبيا للمرة الثانية. وفي سابقة من نوعها بحسب محللين تغيب عن هذه الزيارة الخارجية، وزيرة الخارجية وكذلك وكيل الخارجية، بل حتى ممثل للوزارة المعنية بالملف الخارجي.
Post: #2 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 09:35 AM Parent: #1
أولاً .. أنا زول تربال ما عــــــــــــــأرف أنـــــــــــــــزل الصــــــــــــورة ( النحدة ، المروة يا شباب ، الصورة مهمة )
Post: #3 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 09:38 AM Parent: #2
إبننا ده أجمل وزير أوقاف في تاريخ الاسلام الحديث حقيقة يبدو الارهاق والسهر في عيونه حمدوك ذكي جداً .. استصحبه دورة تدريبية يبدو لي كأنه وزير اعلام .. وفيصل وزير الأوقاف
Post: #4 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 09:40 AM Parent: #3
ولدنا ده يمكن يرجع زمنا الجميل داك
آه يا زمن ..
Post: #6 Title: Re: صورة وزير الاوقاف مع حسناء .. يا سلام عليك . Author: Salah Zubeir Date: 12-04-2019, 09:51 AM Parent: #4
يا حبيبنا علي عبدالوهاب ... دي الصورة ... والحسناء دي بتكم الكوشية الناشطة عزاز شامي ... تحياتي ...
Post: #5 Title: Re: صورة وزير الاوقاف مع حسناء .. يا سلام عليك . Author: walid taha Date: 12-04-2019, 09:51 AM Parent: #1
علي أمبس برون سيه ؟
Post: #7 Title: Re: صورة وزير الاوقاف مع حسناء .. يا سلام عليك . Author: ABUHUSSEIN Date: 12-04-2019, 09:59 AM Parent: #5
اخونا علي عبدالوهاب سلام الحسناء دي عزاز شامي عضوة سودانيز اون لاين يعني زميلة ... 😂
Post: #10 Title: Re: صورة وزير الاوقاف مع حسناء .. يا سلام عليك . Author: عمر التاج Date: 12-04-2019, 10:06 AM Parent: #7
صورة معبرة عن مرحلة الشباب حبيبنا علي وزير الاوقاف ماشاء الله عليه، شباب واناقة والأوقاف زاتها ماشاء الله عليها، حسن وعلم وثقافة تحية لك يا علي ولكل العزاز علينا
Post: #13 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 10:12 AM Parent: #10
صورة معبرة عن مرحلة الشباب
================ الحبيب ود التاج .. ده كان السودان زمان .. عادي بدون أي تعقيد ونحن ترابله نحش القش في حوض واحد مع الاخوات الموضوع كان عادي ..
شكراً الحبيب ودالتاج
Post: #8 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 10:00 AM Parent: #5
والحسناء دي بتكم الكوشية الناشطة عزاز شامي ..
=================== حبيبنا ودالزبير .. شكرا يا جميل على الصورة نحن طبعاً ناس الحداثة .. أول مرة اسمع بها ( عزاز ) .. ما شاء الله الكنداكة
شكراً الحبيب ودالزبير ..
Post: #9 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 10:05 AM Parent: #8
اخونا علي عبدالوهاب سلام الحسناء دي عزاز شامي عضوة سودانيز اون لاين يعني زميلة
============== حبيبنا أبوحسين .. تحياتي ..
الف تحية لإبنتنا عزاز شامي .. صورة أصدق من الف مقالة نقلة نوعية للوزير
ما شاء الله عليها .. رسالة واضحة
Post: #11 Title: Re: صورة وزير الاوقاف مع حسناء .. يا سلام عليك . Author: Salah Zubeir Date: 12-04-2019, 10:07 AM Parent: #8
Quote: وبدأ (مفرح) مرهقاً بعيون محمرة، بجانب سيدة سودانية لم يكشف عنها في صورة ودية.
Post: #14 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 10:15 AM Parent: #11
ناس النيلين ديل عليهم جنس زقيل ..... هههههه ... قربو يقولو مولانا الوزير طاشم ============== الحبيب ود الزبير .. مودتي يا جميل احتمال فرق التوقيبت بين أمريكا والسودان ( النوم) لكن حتى طاشم .. نعتبرها قيمة اضافية للوظيفة السبب الاساسي لضياع حكومة نميري ( قفل البارات) الناس رجعوا للواقع ..
تحياتي الحبيب ودالزبير نورت البوست
Post: #16 Title: Re: صورة وزير الاوقاف مع حسناء .. يا سلام عليك . Author: Hani Arabi Mohamed Date: 12-04-2019, 11:49 AM Parent: #8
زميلة المنبر عزاز شامي ابنة عبري تبج
Post: #17 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 11:57 AM Parent: #16
زميلة المنبر عزاز شامي ابنة عبري تبج
================= هاني أننقا .. مسكاقمي .. معروف ناس السكوت أصلهم خلطة جمال ورقة وفن خليل فرح ‘ وردي ، دهب حتى في تعامل رقة وسلاسة .. أيام البرقيق الاميرية الوسطى زمان أجمل واحسن ناس كانوا أهل السكوت بعيدين عن جلافة وطبعاً صاي وصواردة عاصمة المعلمين ..
تستاهل الكنداكة .. بهذه الصورة .. عبرت الكثير عن مستقبل السودان القادم
Post: #12 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 10:08 AM Parent: #5
الحبيب وليد أمبس .. الوزير ده بقى اشهر من حمدوك عرف كيف يجذب الأضواء
مودتي وليد أمبس
Post: #15 Title: Re: صورة وزير الاوقاف مع حسناء .. يا سلام عليك . Author: بشير حسـن بشـير Date: 12-04-2019, 10:50 AM Parent: #12
زميلة المنبر عزاز شامي
من الاقلام التي تسببت في مغادرتها للمنبر سيئة الذكر تراجي مصطفي
Post: #18 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 12:00 PM Parent: #15
من الاقلام التي تسببت في مغادرتها للمنبر سيئة الذكر تراجي مصطفي
=========
حبيبنا بشير .. تحياتي .. يا ريت ترجع وتحكي لينا عن هذه الصورة
تحياتي الحبيب بشير
Post: #19 Title: Re: صورة وزير الاوقاف مع حسناء .. يا سلام عليك . Author: muntasir Date: 12-04-2019, 12:58 PM Parent: #18
يا علي اختا صلاح الزبير ده ولا بيجي شانتير ببشتنك 😂
Post: #20 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 01:09 PM Parent: #19
يا علي اختا صلاح الزبير ده ولا بيجي شانتير ببشتنك
=========================== حبيبنا منتصر .. تحياتي يا جميل .. صدقني شرفت البوست بتعلقاتك المختصرة ومركزة حبيبنا ود الزبير .. حاضر البديهة .. ضليع في العامية السودانية سودانيز بدون ودالزبير بلا طعم ..
تحياتي الحبيب منتصر
Post: #21 Title: Re: صورة وزير الاوقاف مع حسناء .. يا سلام عليك . Author: ABUHUSSEIN Date: 12-04-2019, 01:20 PM Parent: #20
Quote: يا علي اختا صلاح الزبير ده ولا بيجي شانتير ببشتنك 😂
انت بس اقعد لي جنس دا ...... 😂
Post: #22 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 01:23 PM Parent: #21
حبيبنا أبوحسين .. تحياتي ما شاء الله منتصر فاكهة المنبر .. له نكهة خاصة في البوستات ..
مودتي الحبيب أبوحسين ..
Post: #23 Title: Re: صورة وزير الاوقاف مع حسناء .. يا سلام عليك . Author: بشير حسـن بشـير Date: 12-04-2019, 01:26 PM Parent: #20
سلام من الله علي الحبيب علي عبد الوهاب عثمان
واعتذر لك لعدم القائي السلام عليك وعلي ضيوفك الكرام
اما عزاز شامي فهي صاحبة قلم لا يشق له غبار
ولكني اعتذر عن الكلام عنها لخوفي من التقصير في حقها واترك ذلك للاخ ابو حسين فهو اقدم مني هنا واقدر مني ايضا
ودي وتقديري لك
Post: #24 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 01:34 PM Parent: #23
واعتذر لك لعدم القائي السلام عليك وعلي ضيوفك الكرام اما عزاز شامي فهي صاحبة قلم لا يشق له غبار ولكني اعتذر عن الكلام عنها لخوفي من التقصير في حقها واترك ذلك للاخ ابو حسين فهو اقدم مني هنا واقدر مني ايضا ============================= حبيبنا بشير .. تحياتي يا جميل .. معليش ما في داعي للاعتذار نحن هنا عالم أخوى أعلى من إلقاء السلام زمان أهلنا الترابلة ( السلام كان للغريب ) ود الساقية بدون سلام على طول وتحياتي للحبيب أبوحسين .. مودتي الحبيب بشير
Post: #25 Title: Re: صورة وزير الاوقاف مع حسناء .. يا سلام عليك . Author: ABDALLAH ABDALLAH Date: 12-04-2019, 02:36 PM Parent: #24
تحياتى أحى العزيز الأستاذ على عبدالوهاب نحن فى واشنطن من أكثر الناس سعادةً بزيارة الدكتور حمدوك ووفده المرافق ومن ضمنه الوزير مفرح لواشنطن ومعلوم أن الزياره بطلب من الإداره الأمريكيه مبديةً تأييدها لحكومة حمدوك عامةً ولسياسة وزير الشئون الدينيه مفرح المتسامحه والمنفتحه تحديداً . وتشبيهاً لإمامته لصلاة الجمعه للمعتصمين أمام القياده فمن ضمن برنامجه أن يؤم المصلين يوم الجمعه فى أحد جوامع منطقة واشنطن وبعون الله سنكون من مرافقيه . بخصوص الكنداكه والأميره المناضله عزاز الشامى فكم آزرتنا بمواقفها الصلبه وخطابها المتميز والمعبر دائماً عن النهج الوطنى الثورى ورافقتنا عدة مرات فى ترحالنا حول بعض الولايات الأمريكيه ولا أنسى خطاباتها الناريه وبالذات فى الندوات والتى إقمناها فى واشنطن وفيلادلفيا ونيويورك . أستاذى على أكرر تحياتى ولك كل الود وللأخ الوزير نصرالدين مفرح وللكنداكه والمناضله عبر السنين معنا فى الغربه الأستاذه عزاز الشامى .
Post: #26 Title: Re: صورة وزير الاوقاف مع حسناء .. يا سلام عليك . Author: Abureesh Date: 12-04-2019, 03:01 PM Parent: #25
"ونحن ترابله نحش القش في حوض واحد مع الاخوات الموضوع كان عادي ."
يا اخ على نحن كنا نلعب مع البنات فى الوادى خارج القرية حتى مطلع الفجر.. لحد ما يطلع كوكب الزهرة. أيه رأيك.. و ما كان شي يدور فى روسينا من سفاهات هذا الزمن الغابر.
Post: #28 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 04:20 PM Parent: #26
ا اخ على نحن كنا نلعب مع البنات فى الوادى خارج القرية حتى مطلع الفجر.. لحد ما يطلع كوكب الزهرة. أيه رأيك.. و ما كان شي يدور فى روسينا من سفاهات هذا الزمن الغابر. ================= حبيبنا أبوالريش .. تحياتي لا أعرف كيف تغير البشر موضوع يحتاج إلى دراسة اختلاط في السواقي ، حتى البنت كانت تخوض في الموية والرضاعة كانت في أي مكان بدون أي تحفظ ( الصدر لم يكن ضمن الاثارة )
تحياتي الحبيب أبوالريش .. حضور جميل
Post: #27 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 03:20 PM Parent: #25
بخصوص الكنداكه والأميره المناضله عزاز الشامى فكم آزرتنا بمواقفها الصلبه وخطابها المتميز والمعبر دائماً عن النهج الوطنى الثورى ورافقتنا عدة مرات فى ترحالنا حول بعض الولايات الأمريكيه ولا أنسى خطاباتها الناريه وبالذات فى الندوات والتى إقمناها فى واشنطن وفيلادلفيا ونيويورك . أستاذى على أكرر تحياتى ولك كل الود وللأخ الوزير نصرالدين مفرح وللكنداكه والمناضله عبر السنين معنا فى الغربه الأستاذه عزاز الشامى . == ============================= حبيبنا عبدالله .. تحياتي ياجميل .. التحية للكنداكة عزاز الشامي .. لم أكن أعرف انها عضوة في سودانيز إلا من مداخلة الحبيب أبوحسين بل وأنها من أرض السكوت أصل النوبة بلد وردي والخليل .. بصراحة يا عبدالله الاخوان في أمريكا لم يقصروا أبداً في كانوا من اسباب سقوط الانقاذ وما هذا المنبر إلا واحد من أكبر العوامل التي ساعدت في صحوة الشعب أنتم لم تقصروا في أنهاض الهمم واشعال الثورة وهذه نتيجة سنوات طويلة من كفاحكم هذا الشاب وزير الاوقاف نموذج للسودان الجديد ( الاعتدال والوسطية ) الشكر لكم الحبيب عبدالله وكل الاخوان في المهاجر البعيدة ونحن أيضاً في انتظار حراك مكثف لإزالة إسم السودان من قائمة الارهاب فأنتم الأقرب والأعلم بالسياسة الامريكية
تحياتي الحبيب عبدالله من بين حروفك أحسست بالفرحة التي تغمركم ما شاء الله البنت من عندينا وأنا أقول حسناء .. أيوة حسناء كمان .. التحية لهذه الكنداكة الاميرة ..
شكراً كثير الحبيب عبدالله فلتدوم أفراحنا والقادم أجمل .. وحمدوك أصبح في قلوب كل السودانيين
Post: #29 Title: Re: صورة وزير الاوقاف مع حسناء .. يا سلام عليك . Author: Mahjob Abdalla Date: 12-04-2019, 07:27 PM Parent: #27
Post: #30 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-04-2019, 08:26 PM Parent: #29
حبيبنا محجوب .. اهلا بيك يا جميل احتمال السفن اب وارد الجيل الجديد بعد نميري ما عندهم ثقافة عن المياة المقطرة صلاح الزبير حبيبنا زول جميل اضاف طعم للبوست احبابنا في واشنطن مطلوب حضوركم أنا رجعت أتأمل في الصورة مرة اخرى ههههه
تحياتي الحبيب محجوب ..
Post: #31 Title: Re: صورة وزير الاوقاف مع حسناء .. يا سلام عليك . Author: علاء سيداحمد Date: 12-04-2019, 10:05 PM Parent: #30
سلام يا على عبدالوهاب سرناقمندو ويبومى
عزاز شامى ناشطة واعلامية كان لها مواقف واضحة وصلبه ضد النظام السابق وزميلة منبر .. وزير الاوقاف شاب انصارى متعلم وفاهم ايضا كان له مواقف صلبه ضد النظام البائد . الدماء الشابه لها وجود طاغى فى المشهد السياسى السودانى وهذا التواجد من ثمرات الثورة .
Post: #32 Title: Re: صورة وزير الاوقاف مع حسناء .. يا سلام عليك . Author: حمد إبراهيم محمد Date: 12-04-2019, 11:25 PM Parent: #31
اخونا الاكبر علي، وليد العلامة الاقتصادي الدكتور عثمان الذي اصلح ولاول مرة اقتصاد السودان المعوج منذ الازل ولا زال، عندما تقلد منصب وزير وزارة المالية في السابق، لم يكمل رؤاهو الرائدة في الاصلاح عندما بان له انقسام الصف، فغادر في صمت، فخسر السودان ابنا بار بوطنه لم تبطره الوظيفة والمكانة الاجتماعية، فله الرحمة والمغفرة من رب كريم بعباده المخلصين.
* اما زميلة المنبر العام عزاز شامي فكانت ناشطة وتتحدث بمعرفة في معظم المواضيع الاجتماعية والادبية والرياضية، وتنتقد بدون هوادة كل ما ينتقص من قيمة الانسان، من ذلك انتقادها لاعلان في قناة النيل الازرق عن – دهانات "بوهيات" شركة معينة؟، يعرض الاعلان صورة رجل وامراة ابيضاء البشرة من دولة مجاورة، يقذفون فتاة سمراء من خلال شباك شقتهم المطلية بالوان قوس قزح، فاثارها هذه العمل العنصري المشين فكتبت تندد به في مداخلة ساخنة بحرقة شديدة تنم عن فهم وموقف انساني يمر عليه كثيرون دون التفات..! * مرت عليها اوقات عصيبة عندما هكر احدهم/ن حسابها في المنبر العام وكتب ما لم يدور بخلدها، وتحسرت، حتى اتتها كما قيل (منحة او لوتري) لا ادري، من جهة امريكية لمواصلة دراستها هناك. * في احدى المداخلات (كاويتها) بمطلع أغنية حقيبة الفن – يا عزا ز انا نومي خزاز ) لكنها كانت مندمجة في الحديث عن مباراة – (الهلال والمريخ) معية اعضاء المنبر، والاخطاء المرتكبة من الحكم واللاعبين. ولي اسع اردد بعفوية ساذجة – "يا عزازانا نومي خزاز".
حمد
Post: #33 Title: Re: صورة وزير الاوقاف مع حسناء .. يا سلام عليك . Author: حمد إبراهيم محمد Date: 12-04-2019, 11:28 PM Parent: #32
المؤلف العبادي أغنية الحقيبة : جدي العزاز.. *** جدي العَزاز الجيدو قزاز ياعُزاز انا نومي خَــــزاز تسعة الحزَّاز والرقبة قزاز حُقّ الأبزاز بالمــــرَّة لُـذاذ أحور وافقل ان شفتو وقل طيّو مَــــرقَّل شيش يتنقل الخصرو هضيم لا جوع لاضيم خـاتــي عِضَيم المـا نِضِّـيم من تبَّ حشيم المـاهوغشيم فيه رشـــيم لقلوبنا يشـيم لونه تبـر في صفارنا قبر يا لمابي تبر انا جنِّي كبر .******
Post: #34 Title: Re: صورة وزير الاوقاف مع حسناء .. يا سلام عليك . Author: حمد إبراهيم محمد Date: 12-04-2019, 11:33 PM Parent: #33
إبداع :
Post: #36 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-05-2019, 07:38 AM Parent: #33
حبيبنا حمد .. تحياتي .. يا سلام عليك إزدان البوست بوجودك الكنداكة تستاهل .. ما شاء الله على هذا الجيل الصلب يا ريت كانوا من بعد الاستقلال شكراً على الاثراء يا جميل ..
تحياتي الحبيب حمد
Post: #35 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-05-2019, 07:34 AM Parent: #31
عزاز شامى ناشطة واعلامية كان لها مواقف واضحة وصلبه ضد النظام السابق وزميلة منبر
================== علاء أننقا .. مسكاقمي الصورة كانت متداولة في التواصل الاجتماعي .. ما شاء الله عليها بنتنا عزاز الله يحفظها في مداخلة الحبيب هاني .. هي من السكوت عبري دي مفروض تبقى وزيرة أوسفيرة
تحياتي الحبيب علاء شكراً على المعلومات
Post: #37 Title: Re: صورة وزير الاوقاف مع حسناء .. يا سلام عليك . Author: فيصل محمد خليل Date: 12-05-2019, 08:20 AM Parent: #35
شطة
مالو ما يتصور معاها
نحن ذاتنا لو لاقين كنّا بتصوّر معاها
اجي يا الحصان
Post: #38 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-05-2019, 08:30 AM Parent: #37
يا علي ،ذكر بشاشا ان مجرد ذكر اسم الأم عيب في ثقافة نوبة الشمال! فهل هذا صحيح؟
===================== حبيبنا عاطف .. من الفيسبوك نعم زمان كان عيب اضافة اسم الام حتى مناداة الام يا أمي بالنوبية (يو) كان يندرج تحت قانون العيب خاصة بالنسبة للذكور .. رغم قداسة الانثى في التراث النوبي حبيبنا عاطف أذكر استغراب أهلنا عندما ظهرت أغنية (( يا يمة )) محمد كرم الله .. ولكن مع مرور الزمن تغير الوضع واصبح عادي جداً ذكر إسم الاسم .. مع أن المرأة كانت شريكة في النشاط اليومي في السواقي في الزراعة وجمع المحاصيل .. إلخ وهي التي كانت تقوم بالتسوق يوم سوق قرية كانت تشتري كل الالتزامات البيت
مع التحية الحبيب عاطف ( معليش لم انتبه للمداخلات عبر الفيسبوك ))
Post: #40 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-05-2019, 08:35 AM Parent: #38
مالو ما يتصور معاها نحن ذاتنا لو لاقين كنّا بتصوّر معاها ================== فيصل أننقا .. مسكاقمي ووو أشري طبعاً الصورة الذهنية لوزير الأوقاف من حيث الشكل والمضمون مختلف عن وزيرنا الحالي .. وكمان التصوير إلا مع الذكور وكمان شوية حمرة في العين يبدو أنه كان مرهق ..
صدقني يا فيصل ما كنت عارف عزاز دي من سكوت
التحية وو اشري ..
Post: #39 Title: Re: صورة وزير الاوقاف مع حسناء .. يا سلام عليك . Author: محمد البشرى الخضر Date: 12-05-2019, 08:34 AM Parent: #35
سلامات علي يا عمّك دا تعليق عزاز على الخبر
Post: #41 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-05-2019, 10:35 AM Parent: #39
سلامات علي يا عمّك دا تعليق عزاز على الخبر
===============
ودالبشرى الحبيب .. تحياتي شكرا على المداخلة .. دائماً ما تظهر الحق ما كنت عارف دي عزاز .. دي بنتنا من عمق سكوت
ما شاء الله عليها هي حسناء كمان ..
تحياتي ودالبشرى .. شكرا كثير على المداخلة
Post: #42 Title: Re: صورة وزير الاوقاف مع حسناء .. يا سلام عليك . Author: محمد مجيدو Date: 12-05-2019, 10:48 AM Parent: #1
وووو أأألي ... مسكاقمي ...
كيف ما بتعرف قريبتنا يااخ .....؟؟ دي علم" على نور ... التحية للكنداكة بت بلدي عزاز ...
عاالم بطاالــــــــــــــــــة ,,,
Post: #43 Title: Re: صورة وزير الاوقاف مع حسناء .. يا سلام عليك . Author: علي عبدالوهاب عثمان Date: 12-05-2019, 12:14 PM Parent: #42
كيف ما بتعرف قريبتنا يااخ .....؟؟ دي علم" على نور ... التحية للكنداكة بت بلدي عزاز .
====================
ميمد مجيدووو ... ووو أشري .. مسكاقمي تعرف أحلى ناس في النوبيين ناس السكوت ثقافة ورقة وفن وشكل وعلم ( وردي ، خليل ، دهب .. إلخ ) يكفي بس صاي وصواردة
