Post: #2
Title: Re: andquot;بشكليك أنا يا زمناandquot; .. عبقرية أديب مث�
Author: نادر الفضلى
Date: 11-28-2019, 00:36 AM
Parent: #1
دكتور كمال عبد الماجد بقناة النتيل الأزرق فى برنامج ريحة البن أكتوبر 2015
نموذج للأديب المثقف الذى ببراعة وبيسر ينشر رسالته للأجيال الجديدة
فتكون دافعاً لهم .. ولعلها ساعدت فى وعى الشباب وتحفيزهم على الثورة
بدون أى إدعاء للنضال والبطولات .. بدون خطابة ثورية .. بدون حمل السلاح
بأسلوب ذكى .. قال شعراً أقرب للنثر المقفى .. يتحسر على زمن جميل رخى مضى
ليس فيه معاناة معيشة أو أى هموم ..
هذه الرسالة مرت من الرقابة الصارمة وهنا تستبين براعة الأديب ودوره فى التعبير
عن الأمة وإنارة طريقها
|
Post: #3
Title: Re: andquot;بشكليك أنا يا زمناandquot; .. عبقرية أديب �
Author: نادر الفضلى
Date: 11-28-2019, 00:40 AM
بشكليك أنا يا زمنا من زمن شال المحنة ..
الوداد كان بشكل الأواصر ..
والبلاد كانت رخية لا كلاش لا بندقية ..
القروش تكفى وتفضل حتى لو كانت شوية ..
وما فى زول ساكى المعايش .. والأكل ما كان قضية ..
كانت الناس بالعواطف والمشاعر جد غنية ..
لا بتجيك من زول أذية لا بتواجهك يوم أسية ..
ظل الإبداع زمنا وطالت أشجارو ندية ..
والثقافة قطوفة دانية والشعر كان بالسجية ..
كل يوم أكتب قصيدة كل يوم أشعار جديدة ....
وصح زمنا الزاهى مرا وفضل الذكرى الحبيبة
نارا توقد مرة مرة
|
Post: #4
Title: Re: andquot;بشكليك أنا يا زمناandquot; .. عبقرية أديب �
Author: نادر الفضلى
Date: 11-28-2019, 01:39 AM
Parent: #3
الزمان الزاهى مرا .. وعدت أيام المسرة ..
فضلت الذكرى الحبيبة نارا توقد مرة مرة ..
حار خلاص الشفنا هسة .. خوفنا بكرة نشوف أحرا ..
هسة ما طايقين مرارته كيف مع الجاى الأمرا ..
أسدل الإبداع فضولو وما فضل يس غير طلولو..
العمالقة إتفضوا فاتوا وإبتدوا الأقزام يطولو ..
يا وطن أيه النقولو مسرح تضحك فصولو ..
يا وطن مالك ملكلك ومالو أمرك ما بيسلك ..
كل ما نقوم بيك تقعد ..وكل ما نحييك تهلك
عاد نقول نضب المعين وفننا إندثرت عقولو ..
أم نقول كملو البغنو أم كملو البقولو
|
Post: #5
Title: Re: andquot;بشكليك أنا يا زمناandquot; .. عبقرية أديب �
Author: عبد الصمد محمد
Date: 11-28-2019, 04:52 AM
Parent: #4
سلام يا نادر
الشاعر هو كامل عبدالماجد ما كمال
ثانياً كامل عبدالماجد هو صديق حميم للإنتهازي سبدرات
ثالثاً بدعم من سبدرات إنغمس في الإنقاذ حتى أذنيه
فكيف تكتب أن مثله من الممكن أن يعتد الشباب به في الثورة
في الإنقاذ تم تعينه معتمداً لبارا بشمال كردفان، ثم لرشاد بجبال النوبة
ثم للقطينة بالنيل الأبيض، ثم اً كتم بولاية شمال دارفور
وبعدها تم تعينه مستشاراً للمجلس الوطني، ومستشاراً لوزير الثقافة
ولديه شركة خاصة الآن.
|
Post: #6
Title: Re: andquot;بشكليك أنا يا زمناandquot; .. عبقرية أديب �
Author: نادر الفضلى
Date: 11-28-2019, 05:49 AM
Parent: #5
سلام عبد الصمد
شكراً للمعلومات .. لا علم لى بماضيه، والغريبة هذه الفيديو متاول هذه الأيام ووصلنى اليوم فى الفيسبوك
كلمات القصيدة أدهشنى أنها مرت على رقابة التلفزيون إبان العهد البائد. ما قلته عنه يفسر لماذا مرت
فقط وثوقا فى انه تبعهم .ز ولكن الكلمات مشحون فيها الكثير المحبط لعهد الإنفاذ منها ما إقتطفته
فى مداخلات أعلاه. فالرجل إما قاصد ما يقول، وإما عندما يشعر غصبا عنه يقول صدقاً
بغض النظر عن مناصبه وشخصيته فالكلمات صدرت فى عهد الإنقاذ قيل ثلاث سنوات
من إشتعال الثورة .. فهى تعبر عن واقع الحال بين عهد الإنقاذ السئ وما قبله من زمن جميل
|
|