بهدوء كدة يا قراي

05:31 AM November, 25 2019

سودانيز اون لاين
عبدالحفيظ ابوسن-no where
مكتبتى
رابط مختصر

بدل السلم التعليمي 6 3 3
اعملو 4 4 4
اصلا عندك اقل شي في اي مدرسة اساس 8 فصول
اقسم ال8 خليهم 4 4
واضف فصل للثانوي
لأنو حكاية انك تعمل مرحلة في النص صعبة جدا
ما بتلقا المكان المناسب ولو لقيتو ما بتلقي التمويل مع الظروف الحالية
حاليا في طلاب بقروا تحت شدرة وواحدين في رواكيب ومدارس متهالكة

كلام منطقي عمدة النيل الابيض لكن اخد معاك معلومة 54% من ميزانية 2020 للصحة والتعليم بالاضافة لمنظمات عالمية وعدت بالدعم الكامل للتعليم

أتفق معك تماما.. و القراى نفسه قال نعود للسلم القديم.. و السلم القديم هو 4 4 4 .. هذا هو السلم الذي تعلمنا فيها (القراى و انا)

لأ القراي قاصد 6 3 3
وأصلاً هو ما قرار القراي بالمناسبة وإنما القرار تم اتخاذه في الوزارة قبل أكتر من سنة يعني من أيام البشير
بالنسبة للمدارس أصلاً كانت في مدارس متوسطة زمان يا إما ترجع المتوسطات لوضعها الأصلي بدلاً من مدرسة أساس أو ثانوي يا إما ناس المتوسطة يختوهم في مدرسة الأساس إلى حين توفير مدرسة منفصلة

نعم يا اخ احمد.. ترجع سيرتها الأولى
4 سنة أولية
4 سنى وسطى
4 سنة ثانوية

Quote: لنسبة للمدارس أصلاً كانت في مدارس متوسطة زمان

ههههه
دي حولوها جامعات ( مثل دارمالي الوسطى صارت كلية الزراعة بجامعة وادي النيل)

السلم 6 3 3 يمكن اقامته بنفس فكرة الأخ" بهدوء"

كيف؟

فصل حوش او قسم للمرحلة المتوسطة مع فصلين وبناء الفصل التالت.

بالنسبة للموازنة : اليوم السودان استلم قرض بحوالي 120 مليون دولار من السعودية لانفاقها على التعليم والصحة.
يعني تقريبا ميزانية التعليم مدبرة سلفا.


باقي ميزانيتنا نحن ناس الصالح العام (ههههههههههههههههههه)


أبو ريش اتاريك عجوز غابرين !

السلم التعليمى السودانى الأصلى والذى تميزت به الشهادة السودانية والخريجين السودانيين هو السلم 4:4:4 , أما السلم 6 : 3 : 3 فهو سلم إنقلاب نميرى مايو 69 والذى أقتبسه دكتور محى الدين صابر من النظام المصرى وزرعه فى السودان , ومنذ ذلك التاريخ وحتى اليوم لم يذق التعليم فى السودان طعم العافية .
أرى أن يعود الناس لنظام 4:4: 4 والرجوع للحق فضيلة .

سلام عليكم
بالمناسه قرار تحويل السلم ل (6+3+3) لتخذوهو الكيزان فى السنوات الاخيره ومفروض كان يدخل حيز التنفيذ من سنتين او تلاته لكن يبدو انو الوضع الاقتصادى منع عمليه اعاده تاهيل وتقسيم المدارس وتغيير المناهج حسب التقسيم الجديددا غير طبعا اعاده توزيع المعلمين على الاساس المتوسط .
طبعا دى كانت واحده من جلطات الكيزان يتخذو القرار ويروجو ليهو اعلاميا قبل ما يستوفى الدراسات والتخطيط والشروع فى التنفيذ.
.
المدارس المتوسطه الاتحولتلاغراض اخرى )للجامعات مثلا) دى المدارس على الطراز العتيق الكبيره من زمن الانجليز واجيانا بكون فيها داخليات .اما اغلب المدارس الابتدائيه اتحولت لاساس والمتوسطه اتحولت لثانوى

تحياتي للجميع
وكتر خيركم للاضافات
انا اقترحت اقتراح مغاير لوزير التربية لأني معايش الحاصل بشكل قريب جدا
معظم المدارس العليا والمتوسطة بقت جامعات او مصالح حكومية . وعملو فيها تعديلات .
عشان تستعيدها تبقي مشكلة حد الاستحالة
المدارس فقيرة جدا . مدارس في نص المدن لافيها سور ولا مراحيض وبعض فصولها آيل للسقوط
عشان تقومها ولا تصينها محتاج قروش ضخمة
ال8 فصول لو قسمتها علي 6 2 صحي بتحتاج لنفس الفصل الداير تضيفو هناك في العالي . لكن شكل البناء مابسمح بالقسمة بشكل يحفظ استقلالية الفصلين الباقيات عشان يبقن ثانوي عام الا بمعالجات
التمنية قسمتهن دايرة سور بس فاصل
دة في تقديري
قبل كم سنة كان في مبادرة وكنت متابعها عملت كتاب عديل لمدارس كوستي . التقرير كان كارثة
شخصيا قمت بتوزيع ادوات مدرسية وملابس علي مدي سنوات لمدارس بكوستي وشفت العجب
كنا بنسلم يد بيد برانا . وشفنا مدارس لا تصلح للدراسة ولا اللعب زاتو
القصد انو نبطبق سلم مجرب سابقا وفقا للظروف الراهنة