قالوا في مرا في الحِلة شرآنية لدرجة مُبالغ فيها هارشة نسوان الحِلة ؤ مخوفاهن خوف شديد، أها يوم النسوان مِتلمات في قعدة جبنة ؤ وآحدة منهن شغالة في المرا الشرانية دي نتف شديد تقطع فيها ما خلتلها صفحة ترقد عليها، والشرانية فجأة جات دآخلة وقفت وراها ؤ دي شغالة ؤ باقي النسوان يغمزلها ؤ هي شغالة، فجأة إتلفتت لقتا وراها، إتهجمت ؤ قالت بدون وعي جنيّت ؤ قلت، اللعوج بيقولوا والعديل بيقولوا .
دحين أنا جنيت ؤ قُتَ ولكم أن تنتفوا ريشي، بلآ حمدوك بلآ قرف ...
فردتنا في الجامعة.. بعد التخريج ظبط معاهو كيس لجوء ودافر وعافر واندمج وعرس ليها بيضاء من العالم الأول .. داك اليوم جاء اجازة للعالم الرابع وقعدنا نتخابر ونتسامر .. واحد شليق من الشلة تطرق للانتخابات القادمة وسياسات العالم الاول صاحبنا رد علينا بالحقيقة الناصعة .. صراحة انا ما بقدر اتناقش معاكم ولا بقدر افهمك لاختلاف المفاهيم ونمط التفكير ما بين المستوى الاول والمستوى التالت.. قال لينا انتو في طور التشكل ونحن ناس العالم الأول عبرنا شدييييييييد ..
فمابنقدر نستورد لو ما تشكلنا في الاول .. خلي ود المدير يشكلنا في اللول ولنستمع تحت شعار
قربيا بوعي الثورة نتجاوز كاريزما الاشخاص ويكون التركيز على السياسات .. ننتظر بوعي كبير أن نرى سياسات وندرك حجم التحديات ولذلك نغفر بعض الهنات ولا نسعجل النتائج .. التحية لكاتب البوست والضيوف
Quote: شخصية باهتة لا ترقى لِمستوى ثورة كانت حديث العالم كلو ...
يا ودالمدير مرحلة الشخوص والقائد الملهم الشعب السودانى قد تجاوزه واصلاُ حمدوك قال فى اول تصريح له بعد اداء القسم على انّ العمل سيكون جماعياُ . وللآن هناك عراقيل من عسكر السيادى بالتعاون مع الدولة العميقة ( الثورة المضادة ) وتفكيك الدولة العميقة ماضية فى تحقيق الغايات لكنها بطريقة بطيئة لان العسكر والدولة العميقة هم الذين يضعون العراقيل امام الحكومة المدنية وحمدوك وخاصة فى الجوانب الاقتصادية وذلك لاظهار الحكومة وكأنها عاجزة عن المعالجات الاقتصادية تحديداُ . ولاتنسى ابداُ وضع السودان فى قائمة الدول الراعية للارهاب والحظر الاقتصادى الامريكى المصاحب لهذا الوضع .
ما اود ان اقوله : حمدوك والحكومة المدنية محاصرين بالمشكلتين المذكورتين اعلاه ولو لم يتم حل المشكلتين اعلاه وبالتوافق مع كافة الاطياف داخليا ( عدا الفلول ) والعمل على رفع اسم السودان من اللائحة الامريكية المذكورة ورفع الحظر الاقتصادى سيدور السودان فى نفس الفلك ولو الى حين .
Quote: سيف الدين بابكر لا شمال بعد اليوم يملك ويحكم. فليقرر أهل ولايتي نهر النيل والشمالية مع من هم: مع شرق السودان أم مع غرب السودان...فنهر النيل حد فاصل بين حضارتين مختلفتين منذ قديم الزمان. فما زال الصراع الحقيقي على أرض النيلين .. صراع الجلابة والغرابة محتدم .. ما زال تاريخ الجلابة يطارد حاضرهم والضحايا تتزايد والنار وصلت إلى عقر دارهم في الشمال .. والشرق قرر.. ولا عودة البتة ...لقد قرر الأمريكان والأوروبيون تقسيم الدول التي صنعوها بأنفسهم ومنها السودان. وبالفعل قسموه شمال وجنوب. واليوم يسيرون في طريق تقسيمه شرق وغرب. الحل في تفكيك هذه الفسيفساء البشرية التي لم يوحدها أعظم دين .. فلن يوحدها أي شيء آخر في دولة واحدة أبد الدهر.. الدولة المسماة زوراً (السودان) التي صنعها الانكليز (وورثها الأمريكان)، ورسموا حدودها ووضعوا دساتيرها وسنوا قوانينها وكونوا جيوشها وأرسوا حكوماتها ودجنوا شعوبها ودبروا انقلاباتها وزوروا انتخاباتها وأوقدوا ثوراتها ... ثم أعادوا رسم حدودها من أجل مصالحهم هم لا مصالحنا (نحن المسلمين). ثم بعد أن تطلبت مصالحهم هذه إعادة تقسيم هذه الدولة المسماة زوراً (السودان)، قاموا بتقسيمها فعلاً إلى شمال وجنوب. والآن هم في طريقهم إلى تقسيمها إلى شرق (أولاد البحر) وغرب (أولا الغرب).. شرق النيل ، وغرب النيل.. فالشرق شرق العربان والغرب غرب السودان .. السودان العرق لا الدولة ... فسادة العالم هم من قرر وهناك من ينفذ الآن.. هم من يقول ويفعل ونحن من يردد قولهم ويقبل فعلهم _طوعاً أو كرهاً.. فحسب ولا خيار .. فمن شاء أن يؤمن ومن شاء أن يكفر.
سيف الدين بابكر سلآمات ؤ ليك الشوق . تعال فوق عشان أركبك الوآطة، ههه .
والله العظيم أنا معاك 100% الفسوة دي لآزم تتقسم، يأخ نحن فترنا من حمل أوذار غيرنا ؤ رضانا بالهم القسم ؤ جزم ما يرضى بينا، الناس يا سيف رِضو أم أبو الحل مافِ البل الحل في التقسيم ...
Quote: ود المدير اديه 30 سنه بظبط الموضوع تشييد صرح فساد في 30 سنه عاوزه يبني صرح عداله في يومين
يا الختمي أخوي حكاية الـ30 دي قماش رتينة حاتي، بالله العظيم فتحت خشمك ينطو فيك بمكنة الـ30 !، كأنها وُلدت مع حمدوك السجم دا تقول هو لآمن وافق يمسك ما كان عارف في سجمين سنة قبلو !. بني أُمية صاطو الدنيا والعالمين ؤ ركبو الناس لآمن سخنوا جا عمر بن عبد العزيز في سنتين وخمسة أشهر وأربعة أيام خلآ الناس في بحبوحة من العيش .يعني من يومو المسك ضائقة الناس إتحلّت لا قال 30 سنة لا قال آحححححح ...
Quote: قال لينا انتو في طور التشكل ونحن ناس العالم الأول عبرنا شدييييييييد .. فمابنقدر نستورد لو ما تشكلنا في الاول .. خلي ود المدير يشكلنا في اللول ولنستمع تحت شعار # ودالمدير خير من يُشَكلُنا # هاشتاق - دوت كوم
سوّي الهاشتاق والله أشُككم جِنِس شك !!! أحيّر حنانكم . هسّع حمدوك دا ما زي زوّلك العرس البيضا دا، فرقو شنو يعني ؟، ما عتلتو جبتيهو من برّا بس عشان ما قالكم إنتو لسّع في طور اليرقة . يا ود الزين الثورة ثورة جِياع ما ثورة فُل سُوّت ؤ طيارات ...
Post: #22 Title: Re: بلآ حمدوك بلآ قرف ... Author: Osman Musa Date: 11-26-2019, 04:34 PM Parent: #21
يا ود المدير سلامات عان . والله اليومين دي تقول الكلام ده عند اهلك بي هناك الا يجدعوك من البنطون . ياخ الزول ده دخل قلوب الناس،من طرف . محبة شديدة . والله يا ود المدير الناس بتتحدث حتي في جهاتك ديك عن نجاح الزراعة المطرية بي صورة قالوا ما شافوها الا في عهد ابراهيم عبود . الناس بقت تقول شيخ حمدوك ود المبروك . ياخ في عطبرة الكمونية بي المتر رجعت تاني .
يلا بلا ود المدير ولا قرف أصلا انت كوز بس خاتيك لليوم الأسود زى دك عشان تظهر على حقيقتك يا عدو الوطن يا انقاذى حمدوك راجل عالم وترك الوظيفة من اجل الوطن وحمدوك يمثل الثوار انت لا تمثل إلا نفسك الخبيثة حرية سلام وعدالة والحرية والتغير تمثل الشعب السودانى ما عليك إلا إن تدخل أولى سياسية
هم لسع ما بدو ونحن ما عارفين بيبدو طريق النجاح متين؟! ولو بدو أول خطوة في الطريق الصحيح سيصلوا بسرعة الصاروخ هم يبدو بس دا لو عارفين أصلاً البداية الصحيحة تكون كيف!. عموما لا زالت الرؤية إما أنها غير واضحة أو ليس هناك ما يرى..
Quote: قربيا بوعي الثورة نتجاوز كاريزما الاشخاص ويكون التركيز على السياسات .. ننتظر بوعي كبير أن نرى سياسات وندرك حجم التحديات ولذلك نغفر بعض الهنات ولا نسعجل النتائج .. التحية لكاتب البوست والضيوف
حياك الغمام يا حجاج، وإنت إن شاء الله تحج البقيع . كلآمك سمح بالحيل لكنا الآن نحتاج لشخص صاحب كاريزما ونحن في غِناً عن همبول، ثورة بهذا الحجم يقود برنامجها زول ميتان زي حمدوك دا !!!...
Quote: يا ودالمدير مرحلة الشخوص والقائد الملهم الشعب السودانى قد تجاوزه واصلاُ حمدوك قال فى اول تصريح له بعد اداء القسم على انّ العمل سيكون جماعياُ . وللآن هناك عراقيل من عسكر السيادى بالتعاون مع الدولة العميقة ( الثورة المضادة ) وتفكيك الدولة العميقة ماضية فى تحقيق الغايات لكنها بطريقة بطيئة لان العسكر والدولة العميقة هم الذين يضعون العراقيل امام الحكومة المدنية وحمدوك وخاصة فى الجوانب الاقتصادية وذلك لاظهار الحكومة وكأنها عاجزة عن المعالجات الاقتصادية تحديداُ . ولاتنسى ابداُ وضع السودان فى قائمة الدول الراعية للارهاب والحظر الاقتصادى الامريكى المصاحب لهذا الوضع .
ما اود ان اقوله : حمدوك والحكومة المدنية محاصرين بالمشكلتين المذكورتين اعلاه ولو لم يتم حل المشكلتين اعلاه وبالتوافق مع كافة الاطياف داخليا ( عدا الفلول ) والعمل على رفع اسم السودان من اللائحة الامريكية المذكورة ورفع الحظر الاقتصادى سيدور السودان فى نفس الفلك ولو الى حين .
سلآمات يا علاء . يأخوي أنا نسيت نضارتي في أمريكا والكتابة الكتيرة دي بقيت ما عندي ليها لياقة. أبداً يا علاء ما قتل الثورة إلآ غياب القيادة ذآت الشخصية القوية لذلك سرح ومرح في البلد المتردية والنطيحة والموقوذة، ؤ حمدوك دا قولو عمل جماعي كيف مع زول فطيس زيّك ! قال جماعي قال !. العراقيل دي تمشو تسألوا منها الناس القبلو التفاوض مع حميدتي والبرهان وأشركوهم في الحكم، بعدينك يا علاء وهمة الدولة العميقة دي هي بنقو الشعب السوداني البيشرب فيهو ليل نهار، عميقة يعني كم راجل كِدا ؟. الحصار دا مضروب ليهو 30 سنة وكل ما نحتاجه إكتفاء ذاتي ؤ دا بيحتاج لقيادة ذآت شخصية تحرك الثوار وتقنع الأطراف المتحاربة وحمدوك لا يمكن أن يكون هذه الشخصية، فدحين شيلوا سواءتكم دي وأروها الثرى ...
Post: #33 Title: Re: بلآ حمدوك بلآ قرف ... Author: خالد العبيد Date: 11-28-2019, 05:06 AM Parent: #32
ود المدير ماشي على خطوات وايقاع ودالباوقة !
Post: #34 Title: Re: بلآ حمدوك بلآ قرف ... Author: adil amin Date: 11-28-2019, 05:12 AM
Quote: يلا بلا ود المدير ولا قرف أصلا انت كوز بس خاتيك لليوم الأسود زى دك عشان تظهر على حقيقتك يا عدو الوطن يا انقاذى حمدوك راجل عالم وترك الوظيفة من اجل الوطن وحمدوك يمثل الثوار انت لا تمثل إلا نفسك الخبيثة حرية سلام وعدالة والحرية والتغير تمثل الشعب السودانى ما عليك إلا إن تدخل أولى سياسية
صديق والله بردت بطني https://up.top4top.net/
كان كوز لكمن مشا كندا بقى قصرية ...مباري نجلت الخرطوم والثورة دي بين بعاعيت مايو 1969 وايتام الترابي 1989
ودلالين المشروع الامريكي الخمسة
تباور الناس ليه هم ارجل منكم ولي شنو ؟؟ بارو مشروع رؤية لن تموت واركزو عليها صبة جون قرنق في السودان وجقود في البورد شنو الجقلبة هسة شكرا يا صديق بالله ما تخلي كلو كلو ...اثبت لينا انه كوز
Post: #35 Title: Re: بلآ حمدوك بلآ قرف ... Author: adil amin Date: 11-28-2019, 05:16 AM Parent: #34
طبعا البندول مهم جدا قبل تفرو من البوست كغرائب الابل ... https://up.top4top.net/
انا جيت اشوف بس خالد العبيد كتب شنو قال عليك اتفنست ذى ما بقولو الشيوعيين زمان اصلو الشيوعيين تفوتهم جقك راح ادي حبتين معاك لي خالد وحيدر الزين العواليق بالله البندول مهم في المرحلة دي
Post: #36 Title: Re: بلآ حمدوك بلآ قرف ... Author: MOHAMMED ELSHEIKH Date: 11-28-2019, 07:07 AM Parent: #35
في كل الأحوال الشمومة متوسطة عموما , وخفيفة من عادل لود المدير ( عشان عطبرة)
عادل لو جبنا ليك علم الاستقلال وموسيقى نشرة ستة ونص ممكن توافق على استمرار حمدوك لتطبيق بقية المطلوبات من محكمة دستورية ووو.........؟
لانو الفوق ديل هينات
Post: #37 Title: Re: بلآ حمدوك بلآ قرف ... Author: adil amin Date: 11-28-2019, 07:52 AM Parent: #36
Quote: عادل لو جبنا ليك علم الاستقلال وموسيقى نشرة ستة ونص ممكن توافق على استمرار حمدوك لتطبيق بقية المطلوبات من محكمة دستورية ووو.........؟
لانو الفوق ديل هينات
فصك لو العلم وموسيقي الساعة عشرة اكبر همي ومبلغ علمي لكن مخك ما بقدر يستوعب البرنامج البتحرك فيه في البورد ده في حدود ايناير 1956 والازمة ليس في الوعي في سعة المخ والفرق النوعي بين السودانيين في الاقليم الستة وناس المركز انا قلت ليك مباري رؤية وانت مباري زول ...ومنتظر الزول ده يحل كل مشاكل السودان بي برنامج لا يكاد يبين وسبب الانزعاج لناس كثيرة هنا وفي السودان هل حمدوك ده اذكي او اوعي من جون قرنق ؟؟؟ ده حدو قرود السيرك الخمسة مصر السعودية والامارات وباقي قطر وتركيا والبنك الدولي وكيسو فاضي وفي البورد ده انا شغال بي وعي الناس وليس هم منو ولي من وين
Post: #38 Title: Re: بلآ حمدوك بلآ قرف ... Author: MOHAMMED ELSHEIKH Date: 11-28-2019, 07:56 AM Parent: #37
Quote: فصك
بيعلم الله انا من جماعاتك ههههههه
وقالوا ضرب الحبيب احلى من الذبيب . / الختمية / الأنصار / جون قرنق / الجمهوريين
Quote: سلامة الطلة يا ود المدير , يا خوى إنت معاوية ودالمدير سيد الأسم البنعرفو ولا ده زول سرق منك الباسويرد ؟ ده ما عهدنا بيك .
تسلم من كل شر وبلاء يا قلقو . إياني ود المدير اللِيلكُوم زاتو، لكن منوم تقاسمو السُلطة مع حميدتي والبرهان بطني طمّت ؤ بقيت ما شايف شي غير لِعِب وعبث بدماء الشهداء ...
Quote: يا ود المدير سلامات عان . والله اليومين دي تقول الكلام ده عند اهلك بي هناك الا يجدعوك من البنطون . ياخ الزول ده دخل قلوب الناس،من طرف . محبة شديدة . والله يا ود المدير الناس بتتحدث حتي في جهاتك ديك عن نجاح الزراعة المطرية بي صورة قالوا ما شافوها الا في عهد ابراهيم عبود . الناس بقت تقول شيخ حمدوك ود المبروك . ياخ في عطبرة الكمونية بي المتر رجعت تاني .
سلامات يا قريبي . يا عثمان الناس حالتهم خليها علي الله، حمدوك دا في وادي والناس في وادي تاني خالص ...
Quote: يلا بلا ود المدير ولا قرف أصلا انت كوز بس خاتيك لليوم الأسود زى دك عشان تظهر على حقيقتك يا عدو الوطن يا انقاذى حمدوك راجل عالم وترك الوظيفة من اجل الوطن وحمدوك يمثل الثوار انت لا تمثل إلا نفسك الخبيثة حرية سلام وعدالة والحرية والتغير تمثل الشعب السودانى ما عليك إلا إن تدخل أولى سياسية
طق طق طق طرآق، أها صفقتلك يا شفت يا وطني يا غيور علي الوطن والمرّة الجاية لآمن أجي أريزونا بجيبلك معاي حلآوة مصاصة عشان إنت فالح ؤ شاطر، طق طق طق طرآق ...
أنا أترفع في أن أخوض في نقاش مع أمثالك فأنت إنسان لا عِرض لك تصونه، و إعتديت علي بشتم أهلي وأنا هنالك ألآف الموانع تقف بيني وشتم أهلك، فهوّن علي نفسك لن أرد عليك بعد اليوم ...
Quote: هم لسع ما بدو ونحن ما عارفين بيبدو طريق النجاح متين؟! ولو بدو أول خطوة في الطريق الصحيح سيصلوا بسرعة الصاروخ هم يبدو بس دا لو عارفين أصلاً البداية الصحيحة تكون كيف!. عموما لا زالت الرؤية إما أنها غير واضحة أو ليس هناك ما يرى..
ليس هُنالك ما يُرى يا منتصر، حمدوك دا لا ترجو مِنّو خيّر ...
Quote: سلام معاويه المدير الإحباط ما يسيطر عليك دعنا نأمل ونعمل وتدعم حكومه الانتقال تحياتي لكل ناس كالجاري
سلامات يا طلعت . تقبل عاطر التحايا من كالجري وفي إنتظار طلتك . والله ما أخفي عليك مُنتهى الإحباط ؤ مافِ حتي بصيص أمل عشان الناس تتشبث بيهو ...
Post: #46 Title: Re: بلآ حمدوك بلآ قرف ... Author: adil amin Date: 12-03-2019, 04:22 AM Parent: #45
Quote: سلامات يا طلعت . تقبل عاطر التحايا من كالجري وفي إنتظار طلتك . والله ما أخفي عليك مُنتهى الإحباط ؤ مافِ حتي بصيص أمل عشان الناس تتشبث بيهو ...
البندول ومصحة جقود يا قاعدة يا مهبب وسريرك مجهزو ليك من زمان كان راقد فيه فرانكلي وخرجناه عشان تكون رقم وليك موقف خلي حمدوك في حالة يلهث ورا امريكا والبنك الدولي أي حملة تضامن انسانية تخص اليمن تسمع بيها في محل في كندا شيل علم الاستقلال الاصلي واقيف مع اليمنيين وسجل موقف بتبقي كويس