العملة السودانية صارت مثل الكائن الحي الذي إذا مات لا يعود للحياة مرة أخرى في هذه الدنيا!

08:51 PM November, 25 2019

سودانيز اون لاين
منتصر عبد الباسط-
مكتبتى
رابط مختصر

من الحاجات العجيبة في السودان التي صنعها عهد الكيزان
الذي لم يتم اجتثاث ما زرعه حتى الأن!
أن العملة السودانية لا يتم استبدال التالف منها عبر البنوك
بعملة جديدة بديلة للتالف!!!
والبتتلف له عملة أو تتمزق وتبدأ تنهرد وبها النمر وكل شيْ
البنوك لا تقبلها ولا تستبدلها!!!

يعني البتتشرم ليهو عملة إلا يرميها في برميل الزبالة
بالله دي دولة ودا نظام؟!

تحياتي يا منتصر.

أقوم باستبدال الأوراق النقدية التالفة التي في حوزتي (على قلتها وصغر عددها وقيمتها) من بنك السودان فرع الخرطوم. وهو يقع في شارع عثمان دقنة الذي يبدأ من تقاطع شارع النيل مع كلية الهندسة - جامعة الخرطوم ويتواصل جنوباً مروراً بوزارة الصحة ومكتب القبول في مؤسسات التعليم العالي.

ويوجد في الفرع نافذة مخصصة لاستبدال العملات التالفة.

عشان الحاجات الزي دي وجدت صفحات مثل وصّف لي في الفيس بووك عشان الواحد يسأل و يعرف قبل يدوّر الكيتة

حياك الله يا أخ هاني عرابي وشكراً لك
صحيح كثير من البنوك تدلك على بنك السودان
ولكن ما قصدته أنه المفروض تبديل العملة التالفة يتم بشكل تلقائي
عبر كل البنوك ولا يقتصر الأمر على بنك السودان فقط فتقوم بعد ذلك البنوك عبر دورتها
الطبيعية المتصلة ببنك السودان أو بأي طريقة أخرى تستبدل تلك العملة من بنك السودان
يعني كل البنوك المفروض تقبل استلام العملة التالفة من المودعين على الأقل ليتم استبدالها بشكل تلقائي
وهي تقوم بدور استبادالها عبر بنك السودان.
زمان أذكر كانوا بقوليك العملة لو نمرتها موجودة أي واحد عادي يقبلها
لأنها ستأخذ دورتها الطبيعية عبر كل البنوك ثم بنك السودان ثم تعود مستبدل تالفها لكل البنوك
الأن صار أي بنك خلاف بنك السودان لا يقبل ما كان يقبل المواطن في الماضي
لأنه في السابق كانت العملة التالفة تستبدل بصورة تلقائية عبر المودعين في كل البنوك .
الأن ربما لأن البنوك صارت تستخدم النقد من الوارد للصادر بشكل مباشر.
ربما هذا يعطي بعض العذر لكن لا يكفي كعذر كامل.
.