نسأل الله له الرحمة والمغفرة وأن يسكنه عالي الجِنان ...
Post: #2 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-24-2019, 02:03 PM Parent: #1
قال ثُمّ وردي قال ثُمّ محمد سعيد دفع الله
نسأل الله لهم الرحمة والمغفرة ...
Post: #3 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-24-2019, 02:04 PM Parent: #2
Post: #4 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-24-2019, 02:11 PM Parent: #3
رحم الله أخونا وزميل المنبر عبد الرحمن (مامان) ذكره محمد سعيد دفع الله في هذا اللقاء، وحسب ما علمت من بعض الصِحاب أخونا مامان كان عازف ماهر للطمبور، تكلمت معه عبر الهاتف لكنني لم أسألة من الطمبور وتمنيت كانت تكون لي معاهو قعدة عِلآ الله ماآرآد ...
Post: #5 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-24-2019, 02:22 PM Parent: #4
هنا نموذج لعزف الشاعر محمد سعيد دفع الله وإفتكر النعام أورده من البارعين في عزف الطمبور علي سبيل المجاملة، كلآمي دا خايف يجيب لي لوم من أهلنا الشوايقة . محمود آدم النعام يجيد العزف علي الطمبور مع اللعب بألة الطمبور كما يلعب بها النعام ...
Post: #6 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-24-2019, 02:31 PM Parent: #5
محمد وردي مافِ شك عازف ماهر علي الطمبور ...
Post: #8 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-24-2019, 02:40 PM Parent: #6
أنا كان نضمي ما بجيبلِي لوم بضع محمود النعام في المرتبة التانية قبُل وردي ؤ محمد سعيد دفع الله ...
Post: #7 Title: Re: النعام آدم في تسجيل نادر يقول أنا أُستاذ ا Author: كمال عباس Date: 11-24-2019, 02:38 PM Parent: #3
النعام هو الرائد وهو من وضع أغنية الطمبور بشكلها الحالي علي خارطة الوطن - وإستحدث نظام الكورس والشياليين في فن الطمبور - ولكن الأفضل في عزف الطمبور هو - علي الإطلاق هو الفنان محمد جبارة هوالأبرع والأكثر إجادة. الشاعر سيد أحمد عبد الحميد أجود من الشاعر محمد سعيد دفع الله -ووردي .. في " دق" الطمبور
Post: #9 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-24-2019, 02:51 PM Parent: #7
Quote: ولكن الأفضل في عزف الطمبور هو - علي الإطلاق هو الفنان محمد جبارة هوالأبرع والأكثر إجادة. الشاعر سيد أحمد عبد الحميد أجود من الشاعر محمد سعيد دفع الله -ووردي .. في " دق" الطمبور
سلامات يا كمال . محمد جبارة لو خُيرت أنا ما بضعو ولا في ذيل القائمة لأنو محمد جبارة طمبوره مُستحدث حيث أدخل عليهو توصيلآت كهربائية علي ما أعتقد .
يا ريت لو تلقالنا مقطع للشاعر سيد أحمد عبد الحميد ينقرش أو يدق فيهو الطمبور ...
Post: #10 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-24-2019, 02:57 PM Parent: #9
Post: #11 Title: Re: النعام آدم في تسجيل نادر يقول أنا أُستاذ ا Author: كمال عباس Date: 11-24-2019, 03:02 PM Parent: #9
سلام ود المدير
Quote: حمد جبارة لو خُيرت أنا ما بضعو ولا في ذيل القائمة لأنو محمد جبارة طمبوره مُستحدث حيث أدخل عليهو توصيلآت كهربائية علي ما أعتقد .
ود جبارة عزف علي الطمبور المعروف وهو الأبرع فيه -- نعم صحيح إنه أدخل بعض المعالجات ولكنها محدودة جدا - سيد أحمد عبد الحميد هو شاعر رمال حلتنا وللأسف لا أملك له تسجيلات
Post: #12 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-24-2019, 03:43 PM Parent: #11
الشاعر سيد أحمد عبد الحميد رائع، رائع جداً يا كمال، لكن عليك الله خليني من ود جبارة أرحم الطمبور يا زول ...
Post: #13 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-24-2019, 03:46 PM Parent: #12
يا سلآم يأخ ...
Post: #14 Title: Re: النعام آدم في تسجيل نادر يقول أنا أُستاذ ا Author: وضاحة Date: 11-24-2019, 04:04 PM Parent: #13
النعامة التسكك علي قول جدي انت وين يا😂 مشتاقين يا ناس البرد 😂 عساك عافية 🌹
Post: #15 Title: Re: النعام آدم في تسجيل نادر يقول أنا أُستاذ ات Author: كمال عباس Date: 11-24-2019, 04:38 PM Parent: #14
والله يا ود المدير ودجبارةً لا جاء زيو ولا بحي زيو ! كدي امشي برواقة اسمع بت البلد -نورا -جلابة -تراب بلدي -الرتاين بس كمثال وكمان شريط أغاني السيرة دا زول مبدع وعميق لحد النخاع بقعد الكلام علي اصولو وبحافظ علي إيصال الإيقاع وله قدرة مهولة علي التطريب - شجن وحنين وحب ! الزول دا عندو القدرة علي ربطك بجدك الخامس إبداعياً وعلي نبش درر التراث والإرث التليد -شكل مع الشاعر السر عثمان الطيب ثنائي نادر المثال ! ياريت طارق جبريل يدي البوست دا طلة
Post: #17 Title: Re: النعام آدم في تسجيل نادر يقول أنا أُستاذ ا Author: خضر الطيب Date: 11-24-2019, 05:05 PM Parent: #15
سلام ودالمدير يا سلااام و يا للروعة الرحمة و المغفرة للفنان النعام آدم مالك نسيت محمد النصري هاك دي شوف السؤال و الجواب يا ريت اخونا المبدع احمد ياسين يكون حاضر
Post: #16 Title: Re: النعام آدم في تسجيل نادر يقول أنا أُستاذ ا Author: امتثال عبدالله Date: 11-24-2019, 05:00 PM Parent: #11
والله يا ود المدير انت ظلمت محمود النعام ظلم الحسن والحسين ....كيف تضعوا في المرتبة الثانية وهو بهذه البراعة والمهارة في العزف....ده مرتبته قبل الأولى.....
Post: #18 Title: Re: النعام آدم في تسجيل نادر يقول أنا أُستاذ ا Author: Abdullah Idrees Date: 11-24-2019, 05:13 PM Parent: #16
النعام ادم فنان في اي حاجة ، غناي غنا قاطع والحانو سهلة وجميلة جدا مؤسف ان الاجيال الجديدة بعيدة كل البعد من صديق احمد واليمني ومحمد جبارة والنعام ادم .. محمد وردي ايضا قامة كبيرة في الشايقي
Post: #19 Title: Re: النعام آدم في تسجيل نادر يقول أنا أُستاذ ا Author: محمد على طه الملك Date: 11-24-2019, 05:28 PM Parent: #16
يا سلالام يا ود المدير .. على كدا تستاهل يرجعو ليك نضارتك .. التحية لزوارك وزائراتك .. محمد سعيد دفع الله شهادتي فيهو مجروحة .. عشنا سنوات في عهد الطلب يضمنا مسكن واحد .. وهو عازف وشاعر وملحن بارع .. عايشت معه أغنيته التي اكتسب بها شهرته الأولى( حتى الطيف رحل خلاني) .. القصيدة ومناسبتها ولحظات تلحينها عايشناها معه لحظة بلحظة وهي تتولد وترى النور .. اغترب لسنوات والحمد الله عاد الآن لحضن الوطن ليواصل ابداعاته .. أتمنى له المزيد من النجاح وأسأل الله أن يمد في أيامنا لألتقيه من جديد.
Post: #20 Title: Re: النعام آدم في تسجيل نادر يقول أنا أُستاذ ا Author: كمال عباس Date: 11-24-2019, 05:37 PM Parent: #19
محمد سعيد دفع الله والسر عثمان الطيب. والمرحوم مامان وإستاذهم حسن الدابي أهل ومن منطقة واحدة عاصرهم حميد من نوري ومحمد جبارة. -من الضفة الشرقية ومحمد كرم الله وصديق احمد والشاعر عبدالله محمد خير من مناطق الدبة والبديربة ! النعام غني لمحمد سعيد الشاب بعدها تغني محمد كرم الله بشعر محمد سعيد أما السر عثمان فمعظم شعره تغني به محمد جبارة الذي تغني ايضا بكلمات حميد !
Post: #21 Title: Re: النعام آدم في تسجيل نادر يقول أنا أُستاذ ا Author: امتثال عبدالله Date: 11-24-2019, 05:37 PM Parent: #19
وهل محمود النعام هو ابن النعام آدم، ام اسم على اسم !؟ واظنكم نسيتو فنان آخر ماهر جدا جدا في عزف الطنبور وهو محمد النصري ... وممكن يكون في المرتبة الثانية بعد محمود ...
Post: #22 Title: Re: النعام آدم في تسجيل نادر يقول أنا أُستاذ ا Author: علاء سيداحمد Date: 11-24-2019, 06:17 PM
ياسلااااام ياودالمدير ياخ على هذا الجمال الباذخ محمد جبارة لايُعلى عليه وهو رقم من الصعوية تجاوزه ودالنصرى ايضاُ من الفنانين الشباب والذين حافظوا على الق الاغنية الشايقية -( اغنية الطمبور ).
النسايم - كلمات الشاعر سيداحمد عبدالحميد
سلامك : كلمات الشاعر معتصم فضل المولى
Post: #23 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-25-2019, 01:10 AM Parent: #22
Quote: النعامة التسكك علي قول جدي انت وين يا😂 مشتاقين يا ناس البرد 😂 عساك عافية 🌹
نعامة ود عُمرآن تزوزيبِك يا بركة الشيخ الجعلي، إنت غاتسة وين مسوية خليقتك المسنوحة دي ؟. وحات الله شوقنا طمبورو يقدح في القلب، كِدي إتهكري فِطن الوآطة دي وأسمعي النعام دا بيسوي شِنو في الطمبور ...
Post: #24 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-25-2019, 01:30 AM Parent: #23
Quote: والله يا ود المدير ودجبارةً لا جاء زيو ولا بحي زيو ! كدي امشي برواقة اسمع بت البلد -نورا -جلابة -تراب بلدي - الرتاين بس كمثال وكمان شريط أغاني السيرة دا زول مبدع وعميق لحد النخاع بقعد الكلام علي اصولو وبحافظ علي إيصال الإيقاع وله قدرة مهولة علي التطريب - شجن وحنين وحب ! الزول دا عندو القدرة علي ربطك بجدك الخامس إبداعياً وعلي نبش درر التراث والإرث التليد -شكل مع الشاعر السر عثمان الطيب ثنائي نادر المثال ! ياريت طارق جبريل يدي البوست دا طلة
يا كمال كلآمك القُتو فوق دا كُلّو صُح، بس لآمن النضمي يكون عن عزف الطمبور ود جبارة يشيل مسخو المشوّه دا ؤ يقعد هِنوّك ما عندنا ليهو خانة . ود جبارة مع محمد كرم الله قفذوا بأُغنية الطمبور قفذة عالية في السبعينيات وكانوا إمتداد ناجح للنعام وجيله بس أنا في رِويحتي دي صوت محمد جبارة لا يستهويني وأحب جداً رائعته والسر عثمان الطيب بحر المودة وحتي اللحظة لو سمعتها تبكيني، بحر المودة لوحة طبيعية فيها تصوير ما عادي وهي مناسبة جداً لصوت محمد جبارة ولا يمكن فنان يأديها مثل أداءه. قايمة الصباح مِتكفلِتي شايلة الحليلة علي المُرآح هذا المقطع بيذكرني حبوبتي فاطنة بِت ميدوب وهي قايمة الصباح متقرقِبة ؤ شايلة الحِليلي علي المرآح التِحِت حرازتا ؤ كل الطبيعة متجاوبة معها، شقشقة العصافير، وهديل القماري، وسغاء الشياه، وصوت الأبقار في الجزيرة، وأصوات الترابلة والمزارعين، وآه يا زمن ؤ يا حليل الباوقة ؤ حبوبتي بِت ميدوب لها الرحمة والمغفرة من الخالق المعبود ...
بحر المودة ...
Post: #25 Title: Re: النعام آدم في تسجيل نادر يقول أنا أُستاذ ا Author: muntasir Date: 11-25-2019, 03:48 AM Parent: #24
البوست ده داير منير أكان ما الخواجات ديل غتسوا في المريخ ولا بلوتو، وجعلني هذا البوست أتذكر زميلنا الراحل مامان نسأل الله له الرحمة والمغفرة والفردوس مستقراً له انه مجيب الدعاء
Post: #26 Title: Re: النعام آدم في تسجيل نادر يقول أنا أُستاذ ا Author: بابكر قدور Date: 11-25-2019, 07:00 AM Parent: #25
دا شنو دا ياود المدير؟ أول ماجيت المكتب الليلة الصباح لقيت لي فجة دخلت المنبر قلت أشوف الأخبار سريع جداً وأعرف الحاصل شنو لقيت بوستيك دا عتر لي لامن كفاني في الواطة علي وشي وقلت تتجازى ياود المدير .. وحتلت في البوست .. طفت من الشماليةومشيت الشرق ودخلت إثيوبيا ولفيت لغاية أمريكا ذاتا ياود المدير ..الله يجازيك .. خلاصة أقولا ليك ولي الحضر في البوست دا يكلم الماحضر .... تلاتة نفر على ظهر الكرة الأرضية .. ملكوا أنامل ماملكهاغيرهم .... أبدعوا فيها بالعزف على آلة وترية ما أبدع فيها مثلهم ... ولوتمت مقارنتهم بكارلوس سانتانا ذات نفسو لبقي سانتانا في الدرجةالثانية .... هؤلاء المبدعين الثلاثة هم على التوالي مغني الطمبور النعام آدم في السودان .... مغني البلوز الأمريكي بدي قاي .. ولديه مساجلة في العزف مع كارلوس سانتانا غاية في الروعة .... ثالث الثلاثة هي مغنيةالبلوز الأمريكية بفرلي إتكن التي وضعت الجيتار على رقبتها وهي تعزف عليه بمنتهى الروعة تماماً كما يفعل النعام آدم .. وعندما طار لب الجمهورتبسمت وهي تعزف قائلة لهم .... أنا والجيتار أصدقاء .... تحس أن الطمبور بين يدي النعام آدم جزء لا يتجزأ منه.. إن غاب عنه الطمبور .. تحس بأنه مبتور ..هناك فيديوهات تدعم ما أقول لكنها تحتاج لبحث في بحر اليوتيوب ولكني سأعود بها لاحقاً بمشيئة الله .. تعظيم سلام ياود المدير فلقد ملأت يومي عظمة وفخامة وفخاراً ورحم الله النعام آدم رحمة واسعة .... تعديل أخطاء مطبعية ....
Post: #27 Title: Re: النعام آدم في تسجيل نادر يقول أنا أُستاذ ا Author: عبيد الطيب Date: 11-25-2019, 08:09 AM Parent: #26
الله الله شكرا بسماحة الريف ياودالمدير وتحياتي وسلامي من القلب لك ولضيوفك جمعا رحم الله المغنّي المبدع النعام أدم الزول دي بحسسني أنُّو بكرمني بسماعي لغناه حتي إحترافيته تجيك منسابة بعفوية وتلقائية ماعندي علاقة بالموسيفى لامن بعيد ولامن قريب لكن النعام ادم بطربني طرب عجيب كطرب (غنا الجراري وطق توية ونمّة بخيت)
Post: #28 Title: Re: النعام آدم في تسجيل نادر يقول أنا أُستاذ ا Author: بدرالدين بابكر مصطفى Date: 11-25-2019, 11:44 AM Parent: #27
Quote: الشاعر سيد أحمد عبد الحميد أجود من الشاعر محمد سعيد دفع الله -ووردي .. في " دق" الطمبور
بالضبط .. لا يوجد أبرع من سيد أحمد في عزف الطمبور، مع إنو محمد سعيد دفع الله برضو فنان في الطمبور والاتنين ملحنين بارعين ولابد للملحن من أن يكون عازف ماهر
بالنسبة للنعام قيمته لا تقتصر فقط على إنو ملك أو أستاذ الطمبور يا جماعة الزول دا زي انشتاين بالنسبة لي غناء الطمبور، يعني هو الخته ليهم نظريتو النسبية قيمة النعام تكمن في إنو استمر وبذل مجهود خرافي حتى تصل غنوة الطمبور للسودان كلو .. حتى انو بعد مرات بضطر يعمل حركات يائسة زي يخت الطمبور على ضهرو ويعزف، بس عشان يلفت نظر الناس وهو القدر يكون كورس من الصفاقين الماهرين والقادرين على أداء حركات جماعية بانسجام وبراعة ودي حاجات كانت مفقودة في الغناء الحديث في الوسط.. النعام آدم هو القدر يحافظ على غنوة الطمبور وأبقاها حية، يعني فرش ارضية ناعمة للأجيال الجات بعدو ولامن جوا ناس صديق احمد لقوا الناس مستعدين لسماعهم
Post: #29 Title: Re: النعام آدم في تسجيل نادر يقول أنا أُستاذ ا Author: بدرالدين بابكر مصطفى Date: 11-25-2019, 11:47 AM Parent: #28
Quote: النعام غني لمحمد سعيد الشاب بعدها تغني محمد كرم الله بشعر محمد سعيد
اتخيل طالب في الثانوية يشيل غنوة ويوديها للنعام (أظنها غنوة الزول الوسيم) ما قال ليهو يا ولد أمشي اجري العب بعيد أنا بغني لود الدابي
لو النعام صدم محمد سعيد في اليوم داك ربما انتهى شاعر وملحن عبقري للأبد النعام والله عظيم وكبير فعلاً
Post: #30 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-25-2019, 12:16 PM Parent: #29
Quote: سلام ودالمدير يا سلااام و يا للروعة الرحمة و المغفرة للفنان النعام آدم مالك نسيت محمد النصري هاك دي شوف السؤال و الجواب يا ريت اخونا المبدع احمد ياسين يكون حاضر
سلآمات خِدِر .
محمد النصري أنا قلت عليهو إنّو وُلد عملاقاً علي مهد الطمبور، والنصري برضو يجيد العزف علي الطمبور وإستطاع أن يفرد له مساحة ليست بالساهلة في وسط الغُنا المواكب لزماننا هذا ساعده شعراء فحول أمثال خالد شقوري . الزميل أحمد ياسين يبدو إنو غير موجود في المنبر هذه الأيام وإلآ كان ظهر ...
Post: #31 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-25-2019, 12:29 PM Parent: #30
Quote: والله يا ود المدير انت ظلمت محمود النعام ظلم الحسن والحسين .... كيف تضعوا في المرتبة الثانية وهو بهذه البراعة والمهارة في العزف....ده مرتبته قبل الأولى.....
حباب إمتثال .
يا زولة كِدي ما تستعجلي محمود زول عزآف أي نعم لكن النعام وكما قال عن نفسه هو أبرع من عزف الطمبور، كِدي لآمن نجيب نماذج للنعام أنسي الكلمات ؤ ركزي في العزف بتلقي النعام ما قال كلآمو دا من فراغ وإنت زولة بتاعت مزيكا . محمود عازف بارع لكنو ما غناي ويجيد اللعب علي الهرمونيكا ...
Post: #32 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-25-2019, 12:56 PM Parent: #31
Quote: النعام ادم فنان في اي حاجة ، غناي غنا قاطع والحانو سهلة وجميلة جدا مؤسف ان الاجيال الجديدة بعيدة كل البعد من صديق احمد واليمني ومحمد جبارة والنعام ادم .. محمد وردي ايضا قامة كبيرة في الشايقي
حبابك ود إدريس .
صدقت يا عبد الله النعام Legend وله صوت جميل، والنعام يقوقي زي الدباس أحياناً وتجد هذا القوقاي في الزول الوسيم . لا أفقه في علم الأصوات لكن سمعت من خبير في هذا الضرب من العلوم قال طبقة الصوت التي يغني بها النعام يستعملها الفنانين للطلعات في الغُنا ومن الصعب جداً علي أجعص فنان أن يغني بها غنوة كاملة والنعام هو الفنان الوحيد البيغني بيها الغنوة من الأوّل للآخر .
هنا قوقاي النعام رغم تقدُم العُمر .
ممكن تتابعي العزف هنا يا إمتثال ؤ ركزي علي النغمات عشان حا أعرض نموذج لغنية النعام تفرّد فيها بسر يعرفو برآهو ...
Post: #33 Title: Re: النعام آدم في تسجيل نادر يقول أنا أُستاذ ا Author: امتثال عبدالله Date: 11-25-2019, 01:08 PM Parent: #32
بابكر قدور بدر الدين تعليقكم اوسكار خمس نجوم ... وخلوني هسع اسمع النعام في اغنية الوسيم وأقارن بينه وبين ولده محمود في العزف على الطمبور واجيكم صادة برأيي...
Post: #34 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-25-2019, 01:23 PM Parent: #33
Quote: وهل محمود النعام هو ابن النعام آدم، ام اسم على اسم !؟ واظنكم نسيتو فنان آخر ماهر جدا جدا في عزف الطنبور وهو محمد النصري ... وممكن يكون في المرتبة الثانية بعد محمود ...
يا إمتثال محمود هو شقيق النعام آدم ولشهرة النعام الناس قالوا محمود النعام، والزول القدمو هو دكتور عبد المطلب الفحل زول وناس ؤ عندو حكاوي جميلة وهو رجل كان إعلآمي نجيض شكل وجداننا مع المرحومة الإعلآمية البارعة رجاء حسن حامد وبرنامج (صباح الخير يا وطني )...
Post: #35 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 11-26-2019, 02:06 PM Parent: #34
Quote: يا سلالام يا ود المدير .. على كدا تستاهل يرجعو ليك نضارتك .. التحية لزوارك وزائراتك .. محمد سعيد دفع الله شهادتي فيهو مجروحة .. عشنا سنوات في عهد الطلب يضمنا مسكن واحد .. وهو عازف وشاعر وملحن بارع .. عايشت معه أغنيته التي اكتسب بها شهرته الأولى( حتى الطيف رحل خلاني) .. القصيدة ومناسبتها ولحظات تلحينها عايشناها معه لحظة بلحظة وهي تتولد وترى النور .. اغترب لسنوات والحمد الله عاد الآن لحضن الوطن ليواصل ابداعاته .. أتمنى له المزيد من النجاح وأسأل الله أن يمد في أيامنا لألتقيه من جديد.
حباب الملك ود الملوك، والله شوقنا ليك كتير بالحيّل .
النضارة بالحيّل مغرود فيها، ربنا يجمعك بصاحبك محمد سعيد دفع الله . يقال في السبعينيات علي شمو كان وزير الثقافة والإعلآم وفي مرور دآخل مباني الإذآعة والتلفزيون صادف محمد كرم الله بيسجل في حتي الطيف فإنتبه ؤ قعد يستمع، لآمن إنتهي التسجل أصدر أمر إنو حتي الطيف يجب أن تبث مرتين في اليوم من خلآل الإذآعة .
يا ملك في وآحدة من مشياتي السودان صادفت تكريم الشاعر الرآحل عبد الله محمد خير وكان محمد كرم الله موجود وأيامو ديّك كان وآقف من الغنا وعبد الله محمد خير أصرّ لآزم محمد كرم الله يغني الطيف، فوافق وكان يوم شفت فيهو العجب . صعد محمد كرم الله المسرح ؤ معاهو وآحد عازف طمبور وبصعوده المسرح الناس كلهم وقفو علي حيلهم وغني الطيف وسط طرب ودموع وفي الختام ترك العازف يعزف وهرب من المسرح وسط صياح وهياج الناس . هاك الرآبط دا، Re: حـتـى الـطـيـف... كـتـابـة عـلـي جِـدار الـحـنـيـن...Re: حـتـى الـطـيـف... كـتـابـة عـلـي جِـدار الـحـنـيـن...
كدي هآك أسمع محمد كرم الله دا فلتة ...
Post: #36 Title: Re: النعام آدم في تسجيل نادر يقول أنا أُستاذ ا Author: امتثال عبدالله Date: 11-26-2019, 03:27 PM Parent: #35
النعام آدم ملك الطمبور ولا شك ... براعة ومهارة عجيبة في العزف ،،
Post: #37 Title: Re: النعام آدم في تسجيل نادر يقول أنا أُستاذ ا Author: إدريس محمد إبراهيم Date: 11-27-2019, 03:43 PM Parent: #36
سلام أخوي معاويه وضيوفه الكرام ....
عارف يا معاويه أنا زول محسي من قلب المحس وصوت الطمبور بيعمل فيني عمايل ... وتخيل رغم ذلك فأنني أفضل غناء الشايجيه على المحس .. لأن الشايجيه ما زالوا متمسكين بالطمبور بينما هجره الجيل المتأخر من فناني المحس والدناقله واستبدلوه بآلة الأورج ... وشتان ما بين هذا وذاك ... الطمبور عالم من الشجن الدافيء الشجي لا يعلى عليه أبدا ويزخر بالحنيه المتفرده الجميله ....
محمد جباره اعترف أساطين العزف على الطمبور بإجادته التامه في العزف عليه ... ومن الجيل الجديد محمد النصري الذي بدأ حياته الفنيه كعازف طمبور للفنان القامة عثمان اليمني .. كما ذكر في أحد اللقاءات الفنية ...وبالطبع لولا اجادته التامه لذلك لما أختاره اليمني ....
صراحه بوست في منتهى المتعة والجمال ... فشكرا لك أخي معاويه على منحنا كل هذاالجمال ....
مع خالص ودي وتقديري ؛؛؛؛
Post: #38 Title: Re: النعام آدم في تسجيل نادر يقول أنا أُستاذ ا Author: إدريس محمد إبراهيم Date: 11-27-2019, 03:56 PM Parent: #37
Post: #39 Title: Re: النعام آدم في تسجيل نادر يقول أنا أُستاذ ا Author: ابو جهينة Date: 11-27-2019, 06:05 PM Parent: #38
تحياتي استاذ معاوية
رحم الله الفنان النعام آدم والفنان وردي كلاهما وضع بصمة في العزف على الطنبور
Post: #40 Title: Re: النعام آدم في تسجيل نادر يقول أنا أُستاذ ا Author: إدريس محمد إبراهيم Date: 12-03-2019, 12:46 PM Parent: #39
فوق
Post: #49 Title: Re: النعام آدم في تسجيل نادر يقول أنا أُستاذ ا Author: كمال عباس Date: 12-12-2019, 04:31 PM Parent: #3
...
Post: #41 Title: Re: النعام آدم في تسجيل نادر يقول أنا أُستاذ ا Author: أبوذر بابكر Date: 12-03-2019, 02:20 PM Parent: #1
السلام عليكم أجمعين
معاوية والطنابير الترن
قبل ما نبدا النضمى
داير اقول انى بتفق و اوكد على كلام أخونا كمال عباس أنه محمد جبارة فعلا هو الأول فى إجادة العزف على الطمبور
ود جبارة متمكن لدرجة ما عادية فى العزف ومتبحر فى تقنيات العزف وما أظن فى أى شخص غيره بقدر يعزف زيه والكلام ده شهادة من معظم مطربى وعازفى الطمبور نفسهم
النعام آدم سيد الطرب صوتا وأداء وحضورا والحين
وهو يمكن ال بتحس عنده بطعم ومذاق اغنية الشايقية الحقيقى وبعده بجو ناس اسحق كرم الله و محمد كرم الله و عثمان اليمنى و صديق
النعام عنده حاجه بتفرد بيها هو وحده وهى نوع من العبقرية الفذة
وهى انه هو الوحيد البكون بعزف فى نفس لحن الكلمات أثناء الأداء الصوتى بتاعه
بمعنى
معظم الفنانين البكونو بعزفو فى آلة موسيقية ، وغالبا طبعا عندنا فى السودان بتكون العود أو الطمبور ، غالبا لما يكونو بقولو فى الكلام العزف بتحول وبقى عبارة عن حاجه بعرفوها ناس الموسيقى اسمها "مسك الزمن" يعنى العود أو الطمبور بكون ماسك شغل الإيقاع فقط
إلا النعام آدم نفس اللحن الكلامى البقول فيهو بكون بعزف فيه فى الطمبور وإخوانا الشايقية السميعين اكيد بكونو عارفين الشى ده عند النعام
بالله اسمع اغنية
مكتوب لى مقدر من كلمات خدر محمود
أو اسمع اغنية
كيفن القليب بيطيب مادام انت ياكا طبيب
شوف الكلام كيف واللحن كيف والأداء كيف عند النعام
بعدين النعام عنده شى تانى ما عند اى زول تانى
فى نهاية كل اغانيه البديعة
وبعد كل شى يقيف النعام بعمل ليه خاتمه وديعة و بديعه ب الطمبور
زى الإمضاء أو التوقيع
بالله زول ينزل لينا رائعة محمد سعيد
لا شوفتن تبل الشوق
محمد سعيد ده كمان موضوع تانى
Post: #42 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 12-04-2019, 11:59 AM Parent: #41
Quote: ياسلااااام ياودالمدير ياخ على هذا الجمال الباذخ محمد جبارة لايُعلى عليه وهو رقم من الصعوية تجاوزه ودالنصرى ايضاُ من الفنانين الشباب والذين حافظوا على الق الاغنية الشايقية -( اغنية الطمبور ).
سلآمات يا علاء .
طبعاً محمد جبارة رقم لا يمكن تجاوزه في قائمة أهل الطمبور وساعد مع محمد كرم الله وصديق أحمد علي حمل الرآية بعد النعام آدم، لكن أنا أسقطته من قائمة العازفين لأنّ طمبوره هجيّن . النصري نقل أغنية الطمبور إلي رحاب أوسع ...
Post: #43 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 12-04-2019, 12:07 PM Parent: #42
Quote: البوست ده داير منير أكان ما الخواجات ديل غتسوا في المريخ ولا بلوتو، وجعلني هذا البوست أتذكر زميلنا الراحل مامان نسأل الله له الرحمة والمغفرة والفردوس مستقراً له انه مجيب الدعاء
رحم الله أخونا مامان كان مرجع في الطمبور، وحفظ الله أخونا منير فهو برضو ماهو زولاً ساهل . أتمني حضوره .
حبابك يا منتصر ...
Post: #45 Title: Re: النعام آدم في تسجيل نادر يقول أنا أُستاذ ا Author: معاوية المدير Date: 12-04-2019, 12:38 PM Parent: #43
Quote: دا شنو دا ياود المدير؟ أول ماجيت المكتب الليلة الصباح لقيت لي فجة دخلت المنبر قلت أشوف الأخبار سريع جداً وأعرف الحاصل شنو لقيت بوستيك دا عتر لي لامن كفاني في الواطة علي وشي وقلت تتجازى ياود المدير .. وحتلت في البوست .. طفت من الشماليةومشيت الشرق ودخلت إثيوبيا ولفيت لغاية أمريكا ذاتا ياود المدير ..الله يجازيك .. خلاصة أقولا ليك ولي الحضر في البوست دا يكلم الماحضر .... تلاتة نفر على ظهر الكرة الأرضية .. ملكوا أنامل ماملكها غيرهم .... أبدعوا فيها بالعزف على آلة وترية ما أبدع فيها مثلهم ... ولوتمت مقارنتهم بكارلوس سانتانا ذات نفسو لبقي سانتانا في الدرجةالثانية .... هؤلاء المبدعين الثلاثة هم على التوالي مغني الطمبور النعام آدم في السودان .... مغني البلوز الأمريكي بدي قاي .. ولديه مساجلة في العزف مع كارلوس سانتانا غاية في الروعة .... ثالث الثلاثة هي مغنيةالبلوز الأمريكية بفرلي إتكن التي وضعت الجيتار على رقبتها وهي تعزف عليه بمنتهى الروعة تماماً كما يفعل النعام آدم .. وعندما طار لب الجمهورتبسمت وهي تعزف قائلة لهم .... أنا والجيتار أصدقاء .... تحس أن الطمبور بين يدي النعام آدم جزء لا يتجزأ منه.. إن غاب عنه الطمبور .. تحس بأنه مبتور ..هناك فيديوهات تدعم ما أقول لكنها تحتاج لبحث في بحر اليوتيوب ولكني سأعود بها لاحقاً بمشيئة الله .. تعظيم سلام ياود المدير فلقد ملأت يومي عظمة وفخامة وفخاراً ورحم الله النعام آدم رحمة واسعة .... تعديل أخطاء مطبعية ....
سلآمات بابكر قدور .
نعم يا قدور الطمبور جزء لا يتجزاء من النعام آدم، والنعام أوّل من عزف الطمبور علي رقبته جارآه في ذلك محمود أخوه ولم يعزف أحد غيرهما الطمبور بهذه الطريقة، والنعام عزف الطمبور بطريقة فريدة وخبر سلوكه وطوعها ليخرج منها نغمات تتماشي مع خضرة الجروف وأنين السواقي وغناء الرواويس، وأضفى عليها صوته القوقاي فحرك الوجدان وأهاج الأشجان، وأطلّ علينا من ربوع السودان في ذلك الزمان الجميل ليرسم علي ليالينا الهادئة أروع وأجمل اللوحات ظلت عالقة في جدار الذكريات ما زلنا نتأملها حتي اليوم فنكتشف فيها الجديد المثير ...
Post: #44 Title: Re: النعام آدم في تسجيل نادر يقول أنا أُستاذ ا Author: علي عبدالوهاب عثمان Date: 12-04-2019, 12:18 PM Parent: #42
حبيبنا معاوية .. بوست جميل .. أنا عندي خلفية عن الموسيقى .. لكن ملاحظ عزف الطنبور في منطقة أهلنا الشايقية على وزن صفقة الدليب .. عزف سريع .. عكس المناطق النوبية مثلا وردي لأن الغناء عندنا فيه بطء أحياناً فقط ( يوتر بالاصابع ) بدون ريشة وهذا النوع من العزف هو الصعب .. والصفقة بتكون هادئة جداً .. وأهلنا الشايقية تجد الطنبور عندهم صغير الحجم ( هنا الصوت بيكون أكثر حدة ) كلما الطنبور كبير كلما كان الصوت الهاديء وحنين .. لاحظ وردي في أغنية الود مع اندريه رايدر فقط ( يوتر بالاصابع ) أنا عشت في نوري سنوات ( معلم ) أهلي الشايقية ديل أجمل ناس في الفن والعزف حساسهم عالي جداً .. والبيئة جميلة تساعد على الابداع
استاذنا أحمد ياسين مهم حضوره في البوست
تحياتي الحبيب معاوية .. تعرف أسهل عزف بالطنبور ( أغنية حمد الريح .. إنت كلك زينة ) وكمان برضو في البوري بتاع اللواري ( إنت كلك زينة )
شكراً معاوية الطنبور جزء ومكون أساسي بالنسبة لنا .. في ليالي القرية في الرمال كان نغمات الطنبور ( رمال حلتنا ) أجمل أغنية ولكن اليوم معظم فناني المنطقة عندنا في الامتداد النوبي أصبح الاورغن بدل الطنبور ( عشان عداد الحفلات )
بوست جميل .. يا ريت أحمد ياسين يحضر
Post: #46 Title: Re: النعام آدم في تسجيل نادر يقول أنا أُستاذ ا Author: طارق جبريل Date: 12-07-2019, 11:59 AM Parent: #44
على سبيل التحية
Post: #47 Title: Re: النعام آدم في تسجيل نادر يقول أنا أُستاذ ا Author: كمال عباس Date: 12-08-2019, 01:09 PM Parent: #46
تحياتي وإعزازي أخونا طارق ود جبرين - لازمك دخول بالباب وتعليق وهيط فأنت من أهل التخصص والدراية
Post: #48 Title: Re: النعام آدم في تسجيل نادر يقول أنا أُستاذ ا Author: محمد بدرالدين Date: 12-08-2019, 02:29 PM Parent: #47
و الحبيب يحي قبانى ... الجميل ود المدير لا يخرج منه الا كل ما هو جميل و اول جمالياته بعد احساسه اصدقاؤه مستمتعين معاكم والله وزنتو و دوزنتو المنتدى بارك الله فيكم مودتى و تقديرى