هو المناضل الثائر صاحب أقوي المواقف من داخل الوطن ووكيل لكافة قطاعات الشعب وسمسارأحزاب قديم وخاصة في مسألة ترشيح العضوية ومهندس علاقات عامة وبعرف كل المناضلين الكانو في المعتقل واللي جايين من خارج السودان خليك من دا الزول والله جامع تبرعات لا لا ما بتقدرتعرف القروش دي كم زي المطريفتح القروب تندفق التبرعات وخاصة من خارج الوطن مرة في ساعتين لمه زي تلاتماية مليون والرقم ماشي قال دي بس موية لمدة اسبوع منجزات لاحصرلها وكان أيام الاعتصام أحسن واحد عندو خيمة قريبة من خيمة أهل الشيء أقصد المهنيين وكمان تعال شوف الصرف علي الجكس ومافي جكسويه بكت قالت موبيلي راح الزول ماوفرموبيل جديد خلال نص ساعة بالعكس مرات يشيل الشرائح من تلفونو الايفون ويقدموهدية قال شنو دي لحظة أنكارالذات للوطن والثورة وعليه عظمة غريبه علي حد تعبير خالدة المجنونة وقالت راجل نفخة كاضبة ساي وأسطورة مؤقتة بكرة تموت وتشبع موت وداحال بلدنا كان في ثورة ولا قيامة رابطة ظاهرة كدا ما بتنتهي ولم ولن تنتهى إنه المناضل العصري من داخل جهمورية الضبان الذى يناقش فيما لا يفهم ويصدقه الناس كلهم ويتعاملون معه علي أنوشخص فاهم كل حاجة هو أكبر زرطه في التاريخ سوف تشعرون به فى العديد من التجمعات متحدث وسوف تحسون أنو روحو خلف العديد من القرارات الهامة وسوف ترونه فى كواليس السلام التى تشاهدونها فى التليفزيون وسوف تجدونه حاضرًا فى أمور التعليم والصحة وسوف تجدونه ضيفًا رئيسيًّ فى معظم برامج القنوات الفضائية يتحدث عن دوره النضالي مرة بصفتو خبير استراتيجي ومرة بصفتو سياسى فاهم فى الشأن العام ومرة بصفتو باحثً اقتصادي ومرة بصفتومثقفً كبير لا يشق له غبار ومرة بوصفه راجل مهم وخلاص وبدون ما تعرف مهم ليه وعشان شنو الاهمية دي المهم قالوا لينا دا شخصية العام ولاكلمة أنتو ما بتعرفو قصة صناعة النجوم أنتظروا في أول عيد للثورة ح يكون هو نجم الشاشة وشخصية العام ياجماعة مافي طريقة تغييروا الزول دا قالوا كوو حاجة مللة جدا مجتمع النفاق الاعلامي دا@
11-23-2019, 09:19 AM
عمر التاج عمر التاج
تاريخ التسجيل: 02-08-2008
مجموع المشاركات: 5337
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
عمر التاج
فيس بوك
تويتر
انستقرام
يوتيوب
بنتيريست