اندي المكسيكي الامريكي المربرب والمترهل كان مزهل في الجولة السابعة وحير المتابعين بي مطر اللكمات المتتالية في حلبة الميدسون اسكوير . كيف دي جات ؟ كيف اندي قدر يستعيد وعيو بعد الترتحة من الخطافية القوية من البطل جوشوا . علي كل حال نزال التحدي التاني حيكون في السعودية يوم 7 شهر 12 من هناك العالم حيتابع العراك العجيب .
Post: #2 Title: Re: يا جماعة كيف اندى رويز المترهل قدر يهزم ا� Author: Osman Musa Date: 11-22-2019, 05:47 PM Parent: #1
Post: #3 Title: Re: يا جماعة كيف اندى رويز المترهل قدر يهزم ا� Author: معاوية المدير Date: 11-23-2019, 01:16 AM Parent: #2
يا عثمان الشافع إيدينو زي مكوك المكنة، ؤ عندو جآب زي المُسمار، أنا خايفو يطبق لجشوا. بعدين عندو 22 KO
Deontay Wilder vs. Luis Ortiz II هسّع أنا دآير الكوبي أورتيز يدمر الأمريكي ديونتي ...
Post: #4 Title: Re: يا جماعة كيف اندى رويز المترهل قدر يهزم ا� Author: Osman Musa Date: 11-23-2019, 12:10 PM Parent: #3
عان يا معاوية اندى حرقتو رمية الهووك الاولانية حقت جوشواء ولو لاحظتو قمز بعد مسافة مدروخ وكان بعاين لي جوشواء بي عين فاحصة . بس بعد قمز من الوقعة وجمع عزيمو كان ند خطير للبطل جوشواء . وكالو بي السبعة ضربات الكانت سبب ربكة جوشواء وهزيمتو الحزينة .
Post: #5 Title: Re: يا جماعة كيف اندى رويز المترهل قدر يهزم ا� Author: Osman Musa Date: 11-23-2019, 01:47 PM Parent: #4
الاسبانيول في المكسيك وسنترال وثاوث اميركا كلهم متحمسين ومشجعين لي اندى الملقب بي الجاموس الهايج . لكن في الضلفة التانية من القارة العجوز يقيف البطل جوشواء الملقب بي مطر الحجارة . علي كل حال السعودية حتكون مشتاقة للنزالات القوية وطبعا معروف انو السعودية ليها زمن من العراكات التاريخية . واخر نزال في السعودية كان نزال عنتره بن شداد
Post: #6 Title: Re: يا جماعة كيف اندى رويز المترهل قدر يهزم ا� Author: معاوية المدير Date: 11-24-2019, 01:25 PM Parent: #5
يا عثمان الزول الأهوج دا تاني هزم أُورتيز !!!...
Post: #7 Title: Re: يا جماعة كيف اندى رويز المترهل قدر يهزم ا� Author: Osman Musa Date: 11-24-2019, 03:52 PM Parent: #6
انت عارف يا معاوية المخضرم اورتيز ده طريقتو زي مايك تايسون لو ما خبت الخصم في الجولتين الاولانيات تاني ما بكون بي نفس حماسو وقوتو اول ما ينزل . مسكين اورتيز تاني ما عندو فرصة .
Post: #8 Title: Re: يا جماعة كيف اندى رويز المترهل قدر يهزم ا� Author: Osman Musa Date: 11-24-2019, 07:25 PM Parent: #7
علي كل حال العالم علي موعد مع جوشواء في نزال السعودية
Post: #9 Title: Re: يا جماعة كيف اندى رويز المترهل قدر يهزم ا� Author: Osman Musa Date: 11-30-2019, 01:01 PM Parent: #8
الدرعية تستعد للنزال التاريخي
Post: #10 Title: Re: يا جماعة كيف اندى رويز المترهل قدر يهزم ا� Author: معاوية المدير Date: 11-30-2019, 01:50 PM Parent: #9
يا عثمان جشوا عالمياً مشهور أكتر من أندي إضافة لإنوا مسلم ؤ حا يلعب في السعودية، لكن أنا شايف أندي أحرف وأذكى من جشوا إضافة للسرعة، مشكلتو إنو قصيّر ؤ مترهل ...
Post: #11 Title: Re: يا جماعة كيف اندى رويز المترهل قدر يهزم ا� Author: Osman Musa Date: 11-30-2019, 05:12 PM Parent: #10
بس يا معاوية انا شايف في نزال السعودية جوشواء ،مستعد اكتر وحيدقليك اندى دق العيش . حيكيلو خطافية من قولة تيت . ده تحليل سمعتو من حلبة ملاكمة الدافوري في التن افينيو .
Post: #12 Title: Re: يا جماعة كيف اندى رويز المترهل قدر يهزم ا� Author: Osman Musa Date: 12-05-2019, 12:59 PM Parent: #1
السبت 7 تستعد الدرعية لارسال صورتها للعالم
Post: #13 Title: Re: يا جماعة كيف اندى رويز المترهل قدر يهزم ا� Author: معاوية المدير Date: 12-06-2019, 11:05 AM Parent: #12
Post: #14 Title: Re: يا جماعة كيف اندى رويز المترهل قدر يهزم ا� Author: معاوية المدير Date: 12-06-2019, 11:59 AM Parent: #13
كدي يا عثمان أسمع تحليل تدي آتلس دا، جميل جداً كالعادة ...
Post: #15 Title: Re: يا جماعة كيف اندى رويز المترهل قدر يهزم ا� Author: معاوية المدير Date: 12-06-2019, 12:15 PM Parent: #14
يا عثمان الجاموس دا ضارب فاصوليا ؤ تكيلآ ؤ جاي هايج جشوا لو ما عمل حسابو الكرير بتاعتو بتنتهي، المبارأة بالنسبة ليهو مصيرية ...
Post: #16 Title: Re: يا جماعة كيف اندى رويز المترهل قدر يهزم ا� Author: Osman Musa Date: 12-06-2019, 03:48 PM Parent: #15
يا معاوية العنسيد اندى قال قبال جيتو للسعودية كان معسكر تلاته شهور . وجبتو في البريك فاست 3 قراصة عيش ريف بي عسل جبلي مع جالون لبن . طبعا المكاسيك عندهم قراصة زينا . بس بي العيش ريف . حصص تدريبو جر حبل وتشعلق حبل وجر لساتك تراكترات و جري وسباحة وتقطيع شجر بي فاس ميت وملاكمة وشيل حديد . تعال شوف الوجبات . عان كمية السلطة وعان كمية اللحمة والسمك والترمس والمنقة . ههههها . هو صاحبك ده قايل نفسو في الجنة ؟ غايتو يوم باكر العجاجة حتقوم .
Post: #17 Title: Re: يا جماعة كيف اندى رويز المترهل قدر يهزم ا� Author: Osman Musa Date: 12-07-2019, 09:33 PM Parent: #16
يا معاوية قوم باقي لي الحرابة ساعة بس . قوم حضر ليك دجاجة ليها عكفات مع شوية فول سوداني وانتظر الكماج . جوشواء ح يجندل ليك المربرب ده في الجولة السابعة بي خطافيتين واحدة في الضلعة و التانية في الفك الاسفل . بعدها ح يطيح المربرب ويرقد هامد زي لوح الابلكاش . وح يقبض جوشواء في النزال ما يعادل 80 مليون دولار كاش في شنطة عليها سيفين ونخلة .
Post: #18 Title: Re: يا جماعة كيف اندى رويز المترهل قدر يهزم ا� Author: Osman Musa Date: 12-08-2019, 02:45 AM Parent: #17
يا معاوية ياخ مليون مبروك للفنان جوشواء اندى اكل جلدة زي السم .
Post: #19 Title: Re: يا جماعة كيف اندى رويز المترهل قدر يهزم ا� Author: معاوية المدير Date: 12-08-2019, 03:09 AM Parent: #18
Post: #20 Title: Re: يا جماعة كيف اندى رويز المترهل قدر يهزم ا� Author: معاوية المدير Date: 12-08-2019, 03:13 AM Parent: #19
Post: #21 Title: Re: يا جماعة كيف اندى رويز المترهل قدر يهزم ا� Author: علي عبدالوهاب عثمان Date: 12-08-2019, 01:47 PM Parent: #20
الاحباب عثمان ومعاوية .. تحيااتي شكراً عثمان من البوست دا بدأت اهتم بالمباراة وأتابع اخبارها جوشوا يذكرنا بكلاي .. وجد تعاطف كبير جداً من السعوديين وحتى السعوديات لهن حضور =================================== منقول من موقع الاخبار السعودي :
استعاد ملاكم الوزن الثقيل البريطاني أنطوني جوشوا لقبه العالمي بفوزه على الأمريكي من أصول مكسيكية أندي رويز بالنقاط في نزال "الدرعية" التاريخي بالعاصمة السعودية الرياض فجر الأحد. ونجح جوشوا في استعادة ألقاب الرابطة العالمية للملاكمة WBA، ومنظمة الملاكمة العالمية WBO، والاتحاد الدولي للملاكمة IBF، والتي فقدها في يونيو الماضي بنيويورك بخسارته أمام رويز بالضربة القاضية خلال الجولة السابعة. وبعد المواجهة تحدث جوشوا إلى معجبيه، وشكر كل الجماهير التي حضرت العرض، قائلا في بداية حديثه:أريد أن أشكر الله .. وأريد أن أقول بسم الله. وأعرب جوشوا عن توقه للمزيد من النزالات والانتصارات. وسيحصل البريطاني جوشوا حامل ذهبية أولمبياد لندن 2012، على نحو 60 مليون جنيه إسترليني أي ما يعادل 79 مليون دولار، قيمة جوائز مباراة الإعادة فيما سيتحصل رويزعلى 13 مليونا. وأقيمت المباراة الثأرية في حلبة تتسع لـ15 ألف شخص، تم بناؤها لاستضافة الحدث في الدرعية على مشارف العاصمة الرياض.
====================== السعودية آخر انفتاح .. 79 مليون دولار .. يستاهل ( لاحظ بدأ بالشكر لله .. وباسم الله ))
Post: #22 Title: Re: يا جماعة كيف اندى رويز المترهل قدر يهزم ا� Author: osama elkhawad Date: 12-08-2019, 04:58 PM Parent: #21
اهلا عثمان
كنت استمتع بالملاكمة إلى أنْ بدأت أشاهد الفنون القتالية المختلطة MMA، فتحو~لت الملاكمة عندي إلى رياضة مملة..
شوف آثار الضربة القاضية لملاكم من سورينام في "المين افنت" Main Event، في "يو اف سي" UFC، امس في العاصمة واشنطن ، في ملعب "كابيتال ون":
يُمنع دخول أصحاب القلوب الرقيقة:
Post: #27 Title: Re: يا جماعة كيف اندى رويز المترهل قدر يهزم ا� Author: Osman Musa Date: 12-10-2019, 02:57 AM Parent: #22
سلامات شاعرنا الخواض عندنا يا اسامة اخ شاب سوداني كان من الابطال في كمال الاجسام عرفنا عليه اخونا البطل هاشم بدر الدين . الشاب ده خلاف اشغالو ك مرافق حراسة لي بعض المشاهير في نيويورك . كان برضو بيشتغل مع بطل العالم في الوزن التقيل في ديك الايام . الملاكم هولوفيلد . يوم في التدريق كان ماسك لي هولوفيلد الكيس حق الملاكمة الكبير داك . قامت في لكمة جات في صباع الشاب السوداني الماسك لي هولوفيلد الكيس . وصباع الشاب انكسر . كع . تصدق يا اسامة هولوفيلد دفع لي علاج الشاب ده 400 الف دولار حق العملية . اها صاحبك الشلوفتو انشرطت ده اظن محتاجلو مليون للعلاج لكن هو الحيدفع . طبعا الملاكم في الحلبة الوحيد الممكن يكتل ويمرق ساكت .
Post: #23 Title: Re: يا جماعة كيف اندى رويز المترهل قدر يهزم ا� Author: Osman Musa Date: 12-08-2019, 04:59 PM Parent: #21
الاخ معاوية سلامات انا كان متوقع جوشواء ينبلو بي خطافية في الجولة السابعة . لكن ما عارف الحصل شنو . جوشواء في السابعة كان شوية ليزي . احتمال جوشواء كان داير يجرجرو لاحدي ال 12 وهو عارف زيادة وزن اندى ممكن تقلل من سرعتو بعد الجولة ال 12 . .
Post: #24 Title: Re: يا جماعة كيف اندى رويز المترهل قدر يهزم ا� Author: Osman Musa Date: 12-08-2019, 09:31 PM Parent: #21
اخونا علي عبدالوهاب سلامات اكيد البارح قضيت سهرة ممتعة مع عراك الابطال شايف الابطال والمنظمين طلعوا من السعودية بي انطباع جيد واندهشوا من شكل الحلبة ومتابعة الشعب السعودي للملاكمة
Post: #25 Title: Re: يا جماعة كيف اندى رويز المترهل قدر يهزم ا� Author: Osman Musa Date: 12-09-2019, 01:52 AM Parent: #24
يا معاوية زولك المربرب طلب ينازل جوشواء تاني وفي السعودية كمان
Post: #26 Title: Re: يا جماعة كيف اندى رويز المترهل قدر يهزم ا� Author: محمد على طه الملك Date: 12-09-2019, 06:50 PM Parent: #25
Post: #28 Title: Re: يا جماعة كيف اندى رويز المترهل قدر يهزم ا� Author: Osman Musa Date: 12-10-2019, 09:58 PM Parent: #26
اخينا استاذ محمد ع طه الملك سلامات والف شكر علي السهر معانا في حلبة الرياض . كان تحدي و حاجة كانت مهمة و جميلة من المنظمين انهم استطاعوا نقل النزال الضخم والمكلف لي السعودية . والنزال ده اكيد ح يفتح باب عريض للرياضة ورهانات الرياضة .
Post: #29 Title: Re: يا جماعة كيف اندى رويز المترهل قدر يهزم ا� Author: osama elkhawad Date: 12-12-2019, 02:07 AM Parent: #28
وبهذه المناسبة ندعو عشّاق الفنون القتالية المختلطة MMA،
إلى نزال النيجيري عثمان كمارو في دفاعه عن لقبه في منافسة اليو اف سي UFC، يوم السبت القادم الرابع عشر من ديسمبر.
عثمان كمارو الملقّب ب"الكابوس Nightmare " ،
هو أول افريقي يصبح بطلاً في منافسة اليو اف سي UFC:
Post: #30 Title: Re: يا جماعة كيف اندى رويز المترهل قدر يهزم ا� Author: معاوية المدير Date: 12-12-2019, 12:34 PM Parent: #29
Quote: النيجيري عثمان كمارو
بالمناسبة يا أُسامة جشوا برضو من أصول نيجيرية ...
Post: #31 Title: Re: يا جماعة كيف اندى رويز المترهل قدر يهزم ا� Author: علي عبدالوهاب عثمان Date: 12-12-2019, 04:29 PM Parent: #30
الحبيب عثمان تحياتي .. جوشوا في صورة معبرة مع ولي العهد السعودي محمد بن سلمان متوفرة في القوقل طبعاً ما عارف أنزل الصور
بالمناسبة صورة معبرة جداً
تحياتي الحبيب عثمان
Post: #32 Title: Re: يا جماعة كيف اندى رويز المترهل قدر يهزم ا� Author: Osman Musa Date: 12-13-2019, 05:02 PM Parent: #29
اخونا الشاعر الخواض سلامات بتخيل النيجيري عثمان كمارو ده احسن لو ما يهابش في امريكا . شكلو ممكن يندق دق العيش . الامريكان صعبين في اللعبة دي بتخيل .
