Post: #1
Title: الواثق وعثمان ذو النون ، لقاء الكواريك والفضائح
Author: أحمد محمد عمر
Date: 11-21-2019, 09:42 AM
08:42 AM November, 21 2019 سودانيز اون لاين
أحمد محمد عمر-
مكتبتى
رابط مختصر
والضرب تحت الحزام
أحضروا واحكموا براكم
عثمان ذا النون غادر الاستديو نهاية اللقاء وقال دي ساعة ضايعة
بالنسبة لي ما ضايعة
|
Post: #2
Title: Re: الواثق وعثمان ذو النون ، لقاء الكواريك وا�
Author: أحمد محمد عمر
Date: 11-21-2019, 10:53 AM
Parent: #1
الواثق ما كان مهني ولا محايد
بل حاول توريط ذا النون ومحاوطته بفضائح جاية من قوالات
لغته العربية تعبانة وصوته عالي شديد وبقاطع كتير
كإعلامي محترف مفروض تكون أدلته كلها جاهزة موش ينتظرها أثناء الحلقة وضيفه على الهاتف يكون في شغله
ذا النون عامل فيها سياسي محترف لكن شرب المقلب وجاء لي زول واضح إنه مستهدفه وعنده معاهو تاريخ كانوا ساكنين في سكن واحد أيام الثورة يعني عارف عنه أي حاجة
كان مرتبك جداً في إجاباته مرة يقول ما بجاوب عشان ما أورط ناس وبعديها بدقايق يذكر الناس بأسماءهم وسكنهم وحتى أهلهم الشغالين في السوق
لاحظت أثناء اللقاء لما يركزوا عليه الكاميرا أثناء كلام الواثق بكون نفسه قايم بديني إحساس إنه خايف من أسئلة جاية
فقد رباطة جأشه في اللحظات الأخيرة لما غادر قدام الكاميرا في حركة ما مهذبة نهائي وقبلها حاول استفزاز الواثق والواثق ما قصر استجاب للاستفزاز وبقى في حالة دفاع عن نفسه
|
Post: #3
Title: Re: الواثق وعثمان ذو النون ، لقاء الكواريك وا�
Author: محمد البشرى الخضر
Date: 11-21-2019, 01:03 PM
Parent: #2
زعلني الواثق و الله و برغمي تعاطفت مع ذو النون
حركة تبتز الناس دب ما ظريفة وقالها للزول بتاع التلفون رجالة ساي ماف! شنو يعني قطعت تذكرة لزول تجي تذله بيها!
غايتو حلقة تافهة و الاتنين خسروا و المشاهد الضيّع زمنو كمان
و البوست دا زاتو ضياع زمن
|
Post: #4
Title: Re: الواثق وعثمان ذو النون ، لقاء الكواريك وا�
Author: Biraima M Adam
Date: 11-21-2019, 03:06 PM
Parent: #3
لا حول ولا قوة إلا بالله ..
يا أخوانا .. التابلويد بتاع الغرب وصل السودان ولا شنو؟ ..
بريمة
|
Post: #5
Title: Re: الواثق وعثمان ذو النون ، لقاء الكواريك وا�
Author: أحمد محمد عمر
Date: 11-21-2019, 03:21 PM
Parent: #4
والله حلقة مؤسفة وفضائحية جداً يا بريمة
يا البشرى أنا والله استفدت كتير وعرفت ممكن لي ياتو حد تصل الخصومة السياسية
وآمنت بأكذوبة ذا النون أكتر
الواثق ضرب تحت الحزام ضرب ما قانوني نهائي
انت كإعلامي ما ممكن تروج لشائعات .. يا إما عندك حاجة موثقة أو تسكت
يعني قصة ذا النون ابتز بنت بي صور دي ما حاجة تتقال سمبلا كدة
ثانياً اتكلم في خصوصيات ما عندها أي معنى غير تشكيل ذا النون كنسوانجي
يعني شنو عشم بنات بالعرس؟ دي علاقتها بالسياسة شنو؟
حتى مع محاولة الواثق جعلها كنتاج لكونه بقى بطل سياسي برضو الحب والعرس ما قرار سياسي
بنت اتغشت في عريس دي مشكلتها الشخصية
|
Post: #6
Title: Re: الواثق وعثمان ذو النون ، لقاء الكواريك وا�
Author: أحمد محمد عمر
Date: 11-21-2019, 03:23 PM
Parent: #5
ذا النون بقول إنه المتصل من امريكا حرامي وشال قروش عشان يحولها للثوار وما حولها
قال كدة متين؟ بعد اتعصر
لكن قبلها قال اتصل بيه وطلب منه حق التذكرة في نفس يوم السفر
طيب مادام انت عارفه حرامي بتطلب منه قروش لي شنو؟ داير تتقاسم معاهو الغنيمة؟
|
Post: #7
Title: Re: الواثق وعثمان ذو النون ، لقاء الكواريك وا�
Author: أحمد محمد عمر
Date: 11-21-2019, 03:25 PM
Parent: #6
النقطة المهمة في الحوار كلو واللي ضيعها الواثق بي طلاشته حتة إنه ذا النون جاء السودان بعد اتصال من البرهان وحميدتي
قال إنه عندو عليها أدلة ومستندات لكن الكواريك نسته الموضوع
لقاء عثمان بي حمدوك يوم سفره كان ممكن يدعم الزعم دة
|
Post: #8
Title: Re: الواثق وعثمان ذو النون ، لقاء الكواريك وا�
Author: جمال ود القوز
Date: 11-21-2019, 08:29 PM
Parent: #6
حلقة كارثية ونشر لغسيل وسخان ..
زول أمريكا ماقطع تذكرة ذا النون ..
لكن كمان ذا النون دون جوان ..
الحلقة كشفت أبعاد متعددة لشخصية ذا النون ..
النرجسية الطاغية صفة لازمة للدون جوان ..
ذا النون تم استخدامه بارادته أو دونها لمهمة محددة
اكتملت المهة وحين الحصاد وجمع الغنائم ..
بتظهر الفايلات والسيديهات يا قولة المصريين
السيدي بتاعك عندي ..
فخروج فايلات ذا النون المدكّنة في الوقت ده
استمرار للازمة الابتزاز الجنسي والاخلاقي
الحاصل من بعض تنظيماتنا السياسية
صحي البيرقص مابغطي دقنو
والداير يشتغل سياسة في السودان
لازم يكون نضيف لا شق لاطق
والا الجماعة بيمرقوا ليك فايلاتك القذرة
|
Post: #9
Title: Re: الواثق وعثمان ذو النون ، لقاء الكواريك وا�
Author: أحمد محمد عمر
Date: 11-21-2019, 08:53 PM
Parent: #8
غايتو أخلاقياً ما عندي فكرة عن ذا النون
لكن الأكيدة إنه كان كادر عنف كيزاني وركاني وكان مشهور بالتلميحات الجنسية في حق المعارضات
Quote: بتظهر الفايلات والسيديهات يا قولة المصريين
السيدي بتاعك عندي |
يا حليلو ملك السيديهات مرتضى منصور
طلعوا ليه السي دي بتاعه واريتو كان ما طلع
سي دي السواد .. معاهو ولد طاشرات كدة والاتنين كما خلقتني
المصريين شماتة شديدة سموهو مرتضى بسكليتة يعني عجلاتي
طبعاً في احتمالية إنه الفيديو يكون مفبرك بس رده المرتبك بتاع أنا جاتني معلومة إنه الفيديو جاي من تركيا وديل ناس قطر وما عارف شنو بخليني أميل لحقيقته
|
Post: #10
Title: Re: الواثق وعثمان ذو النون ، لقاء الكواريك وا�
Author: nour tawir
Date: 11-21-2019, 09:29 PM
Parent: #9
لقاء السواد و الرماد..
ذا النون اتزنق زنقة كلب فى حارة تكارين
|
Post: #15
Title: Re: الواثق وعثمان ذو النون ، لقاء الكواريك وا�
Author: أحمد محمد عمر
Date: 11-22-2019, 03:19 PM
Parent: #10
Quote: لقاء السواد و الرماد..
ذا النون اتزنق زنقة كلب فى حارة تكارين |
اتزنق بس مع الأسف المعركة ما كانت فير
الواثق ضرب بتشفي وقصد وسوء نية
لكن رغم كدة لو عثمان ذا النون كان رب السياسة زي ما بقول ما كان اتهز كدة
الخوف والارتباك كان واضح شديد فيه
|
Post: #11
Title: Re: الواثق وعثمان ذو النون ، لقاء الكواريك وا�
Author: جمال ود القوز
Date: 11-21-2019, 09:29 PM
Parent: #9
بي ضهرو ياهو لكن لامن النور ضربو في وشو ياهووو ذاااتو ..
تاني غايتو ما اظن تقوم ليهو قايمة بعد بسكليته دي ...
اصلا الزول الجعجاع الباحث عن مخازي وسقطات الآخرين
الزي مرتضى منصور ده لازم يكون عنده منقصه ..
واهو آخرو ظهر الينفجخ أبو بسكليته العفن المنحرف ..
اصلا مابدورو وحاسي انه نهايته حتكون بنفس سلاحه ..
الفيديوهات القذرة الاتسربت في الفترة الاخيرة
عندي احساس انه هو وراها كذراع قذر للنظام
واهو جاهو السم القدر عشاهو ابو بسكليته ده .. هههه ...
ماتكون شفت بسكليتتنا كمان ياشقي .... .....
|
Post: #12
Title: Re: الواثق وعثمان ذو النون ، لقاء الكواريك وا�
Author: محمد البشرى الخضر
Date: 11-21-2019, 11:53 PM
Parent: #11
| Quote: بسكليتة يعني عجلاتي |
لا ياخ انت فاهم غلط
عجلاتي دي عندنا احنا
هم البسكليتة بركبوها العيال!
فتش على فيديو لسما المصري باسم ضاضا طلع بسكليتة
|
Post: #13
Title: Re: الواثق وعثمان ذو النون ، لقاء الكواريك وا�
Author: أحمد محمد عمر
Date: 11-22-2019, 02:58 PM
Parent: #12
| Quote: بي ضهرو ياهو لكن لامن النور ضربو في وشو ياهووو ذاااتو |
أنا غايتو من خلال خبراتي الحياتية عرفت إنه مسألة الاتهامات المتعلقة بالجنس دي بتكون إسقاط نفسي
أي نسوانجي لاقاني في حياتي بكون مقتنع بإنه كل النسوان كعبات لأنه بشوف من زاويته بينما الما بعمل كعب صعب جداً تقنعو بإنه فلانه دي كعبة بقول ليك يا زول ما تتهم ساي انت شفت بي عينك!
مرتضى منصور طوالي في حالة اتهام بالشذوذ لي خصومه كان واضح إنه عندو مشكلة في الجانب دة
|
Post: #14
Title: Re: الواثق وعثمان ذو النون ، لقاء الكواريك وا�
Author: أحمد محمد عمر
Date: 11-22-2019, 03:12 PM
Parent: #13
زمان كنت شغال في جامعة ولائية
صحينا الصباح في الميز على خبر إنه في طالب اقتصاد قبضوهو مع غفير المحكمة
الطالب قال للجماعة في الجامعة إنه لقى الغفير تعبان وحنسو قال ليه ماكلاني فاضطر يريحه
معانا دكتور اقتصاد أهبل أهبل ليترالي ما مجازاً .. جانا داخل الميز لقى معانا استاذ من أولاد المنطقة وقعد يدور فيه
أصلاً نحن أولادنا ديل جايبينهم بعثة (هناي) هييييع الليلة الغفير بكرة وكيل النيابة بعد بكرة بنرفع ليكم القاضي ذاتو
الاستاذ بعاين فيه سااااي قال ليه كملت؟ يلا النقول ليك .. من زمنا الصغار في منطقتنا دي الشفع بحذروهم من تلاتة حاجات البحر والظلط وغفير المحكمة
بتاع الاقتصاد فنقل عيونه قال ليه يعني كيف!
قال ليه يعني ولدكم مضروب يا دكتور
|
|