Post: #1
Title: قوم لف بلا كبدة اسكندراني بلا بلوط
Author: Osman Musa
Date: 11-20-2019, 05:00 PM
04:00 PM November, 20 2019 سودانيز اون لاين
Osman Musa-
مكتبتى
رابط مختصر
(adsbygoogle = window.adsbygoogle || []).push({});
يعلم الله صحن بوش في امدرمان شارع الابراج ولا الاسكندرية كلها .
ياخ مصري براي شابكني ليك .
انا ح افتتح اجمل مطعم متخصص في الكبدة الاسكندراني .
ياخ هو انتو عندكم كبدة ؟
قول لي المصري البراي ده في السودان في نوع تيران
الثور بكون راس وضنب وباقي جسمو كلو كبدة بس .
يعني السودان بلد الكبدة فاهم .
|
Post: #2
Title: Re: قوم لف بلا كبدة اسكندراني بلا بلوط
Author: Osman Musa
Date: 11-20-2019, 10:46 PM
Parent: #1
عاملين ليها دعاية عجيبة .
كبدة اسكندراني . تسمع الدعاية تقول الله يوريني .
الشغلة ما اكتر من جلافيط بي الزيت مع فلفل اخضر .
مع بصل مع بهار .
حاجة كدا زي البلاستيك .
تعال شوف كبدة الضان الحمري في سوق الناقة .
الكبدة البترجف في الصاج . الحاجة البتحير .
مافي في العالم كلو اي لحمة بترجف في الصاج
خلاف اللحمة السودانية .
حصل لاقتك لحمة مصرية بترجف في الصاج ؟
السبب شنو ؟
|
Post: #3
Title: Re: قوم لف بلا كبدة اسكندراني بلا بلوط
Author: mohmmed said ahmed
Date: 11-21-2019, 06:14 AM
Parent: #2
هههههه
تسميات الاكل مرات بتعمل خلعة ساى
مرة فى مطعم فلفلة فى القاهرة
اللستة فيها زى 20 نوع فول
فول بالطحينة فول بالخلطة المصرية فول مع بيض وباسطرمة فول ...فول ام درمان
قلتا للجرسون بس جيب فول امدرمان
طلع فول مقطعة فيهم طماطمات
يقوليك فتوش تطلع
بقدونس مرمى فيهو عيش ناشف
تبولة تطلع سلطة بقدونس مقطع صفار وطماطم وبرغل
باباغنوج
تسمع كبر الاسم يطلع سلطة اسود
والله سلطة الدكوة لو لقينا ليها اسم دولى كدة ما بتتصاقع
|
Post: #4
Title: Re: قوم لف بلا كبدة اسكندراني بلا بلوط
Author: Osman Musa
Date: 11-21-2019, 06:13 PM
Parent: #3
الاخ محمد سلامات
ياخ بوبار الزول ده وكلامو الخارم بارم عن الاكل
المصري . زهجني . شديد .
يوصف ليك في الكبدة الاسكندراني دي ساعتين .
والمضحك انو هم ما عندهم كبدة زاتو .
|
Post: #5
Title: Re: قوم لف بلا كبدة اسكندراني بلا بلوط
Author: نادر الفضلى
Date: 11-21-2019, 11:59 PM
Parent: #4
سلام عثمان
الكبدة الإسكندرانى أنا ما أكلتها لكن من وصفة طبخها خلطبيتة
طبعا هم ما بقصدوا الكبدة فى ذاتا إسكندرانية، ولكن مقصود
طريقة طبخها. معظم الكبدة فى مصر كبدة بقرى ومستوردة
أو محلية أيضا بقرى او جاموسى. كبدة الضانى ما بيعرفوها
لكن النصيحة فى القاهرة بعض عربات الكبدة الحايمة ديك رغم المحاذير
الريحة تشهى تضطر تقيف وتطلب سندوتشين تلاثة ويتكون طاعمة
لاحظت السر فى طريقة تقطيع الكبدة ودا برضو لاحظتو فى مطاعمنا
بالسودان .. سر الكبدة فى تقطيعها أولا تكون رهيفة وثانيا نجاضها
بتشويحها مع عند اللزوم أضافة زيت شمومة لتجنب إحتراقها ..
وطبعا البهارات والتوم .. الكبدة بأعتبر طهيها إمتحان نساء
كتار بيرسبوا فيهو
أما عن إسكندرية ذكرتنى أيام كنت مغترب بالسعودية مشيت صيفت
فى إسكندرية إكتشفت ليك مطعم فى محطة الرمل إسمه محمد أحمد
متخصص فول عنده كم صنف فى واحد إسمو فول محبش لذيذ جدا
كنت باكل فيه يوميا الثلاث وجبات. ذكرنى فول أبو العباس
رجعت للسعودية حكيت عنه لزميل عمل مصرى فاجأنى قائلا
أعرفو ممتاز بس ما يحصلش فول أبو العباس بالخرطوم ..
طلع كان درس سنة بجامعة القاهرة فرع الخرطوم وأدمن فول أبو العباس!
|
|