يا اولادنا..يا شباب.. ويا حتي كبار السن .. ليه كده!!

06:09 AM November, 20 2019

سودانيز اون لاين
Ashraf El Bagir-دبى - الأمارات
مكتبتى
رابط مختصر

ليه تجعلو مشكلة المواصلات تسيطر عليكم؟
ساعتين تلات واقف في الهجير والشمس منتظر المواصلات!

معظمكم شايل موبايل ثمنو اكتر من 10 مليون

بيع موبايلك واشتري عجلة

رياضة .. راحة.. تنفيس للطاقة

تصل مدرستك بسهولة.. مشاوريك الداخلية وتوفر حق الرقشة .. حتي مشاويرك الطويلة لو اتكربتا بتقضيها ليك

في الماضي القريب كانت هناك في الخرطوم مواقف مخصصة للعجلات في المصالح الحكومية واماكن العمل

كل العمال كانو بيتحركو بالعجلات مع توفر الباصات الاهلية

نصيحة لاولادنا
بيع موبايلك واشتري ارخص موبايل بس للمكالمات والتواصل وشوف ليك عجلة انشاء الله مستعملة

ياريت العجلاتية يفتحو دكاكينهم ويرجعو تاني


ياريت

سلامات
فكرتكدى قد تفيد شريحه محدوده فى العاصمه اللى اصبحت مختلفه عن العاصمه القديمه الممكن تمشى من اقصاها لاقصاها على اقدامك ناهيك عن العجلات.
الخزطوم الان عاصمه ممتده لدرجه لايمكن تصورها.والسكن اصبح قيد حس اللحاله الاقتصاديه وقيمه الايجارات بالتالى صعوبه توفر سكن قريب من مكان العمل
هل تعلم انو فى حى من احياءامدرمان اسمو الحله الجديده لكن عشان ماتصلو تمشى مشوار بالسياره تحس انكدخلت حدود ولايه شمال كردفان

سلام اخونا عاصم

صحيح الخرطوم اصبحت ممتدة وليست كالسابق ومن الصعوبة تركب عجلة مثلا من الصالحة حي سوق الخرطوم

ولكن كما ذكرت سابقا .. العجلة تساعد فئية مقدرة من الناس في تحركاتهم الداخلية والمشاوير القريبة

انا من سكان الامتداد وكنا في الزمن السابق نستخدم العجلة للمدرسة وللمناطق المجاورة مثل الصحافة والسجانة والديم والقوز والشجرة حتي سوق الخرطوم في بعض المرات بنمشيهو بالعجلة.

طبعا المشاوير الطويلة بنستخدم المواصلات

العجلة اكيد تخفف وتساهم وتساعد في حل مشكلة المواصلات بالاضافة للفائدة الصحية خاصة مع انتشار امراض السكري و الضغط وسط الشباب


يديك العافية

متملق سفارة نيويورك اشرف الباقر.

ياهو ده حلك للمشكلة؟

طيب ماذا عن الاطفال والنساء والذين لا يملكون أجهزة تلفون زكية وغالية؟؟

أختشي على دمك.

بالمناسبة! وين رفيقك في الإنتهازية والتملق للنظام حسن حماد؟

يا اسامة خلف الله

أنتو الظاهر ماشايفين شغلكم مع الكيزان والإنتهازيين في نيويورك.

دينق سلامات الزول البتتكم عنو ده ما انا انا اشرف الباقر مقيم في الامارات

نيويورك بنشوفها بس في التلفزيون

اعتقد تشابه اسماء

هل معقول يكون هنالك تشابه في الصورة برضو !

يديك العافية

وبعدين يا دينق انا قلت العجلة تساهم وليس تحل مشكلة المواصلات

بالاضافة للفوائد الصحية

واكيد انت شايف الامريكان بيركبو عجلات كيف خاصة الطلبة والشباب

وبعدين لاعتقد تكلفة عجلة مستعملة تكون اكتر من تمن موبايل حديث

دينق

انت مطالب بالاعتزار لوصفي بالكوز

زميل المنبر اشرف الباقر ... شكرا جزيلا لنصيحتك واستأذنك في ان أقول لك أنها نصيحة مستفزة لمن يعانون في نهارات ومساءات الخرطوم

هاني
ليه نصيحة مستفزة!


كتير من الناس عندهم عربات واعتقد انت منهم

المشكلة شنو في محاولة اقتناء عجلة ؟

شكرا على حسن الظن ..،
لا امتلك عربة ولم أفكر في ذلك ،،،
دربنا الوحيد في التنقل هو المواصلات او المشي

الحبيب أشرف .. تحياتي ..
نعم ممكن الناس الأقرب يستخدموا العجلات رغم ثقافتي المتواضعة عن العاصمة
ولكن حسب زمان .. ممكن من وسط الخرطوم حتى حلة حمد وخوجلي والدناقلة ( حسب زمان)
أحيانا البص يكون ماشي الدروشاب يركبوا ناس حمد وخوجلي وغيرهم
يا جماعة انا اتحدث عن خرطوم زمان
المهم يمكن أن يوجد حل حتى لو 5% برضو مفيد جداً

تحياتي الحبيب أشرف

مشكور اخونا علي عبدالوهاب علي المداخلة

معظم المدارس علي بعد كيلومترات قليلة من سكن الطلاب يعني البتدفعو رسوم ترحيل ممكن تشتري عجلة

ما عارف الناس هنا رابطة موضوع المواصلات فقط بالذهاب للعمل!!

هنالك الكتير من المشاوير الداخلية القريبة نوعا ما وبنستخدم فيها المواصلات

الفوائد الصحية لركوب الدراجات الهوائية:


خلونا نفترض انها لا تساعد ولو نسبيا في حل مشكلة المواصلات وننظر للفوائد الاخري



تعمل على تحسين صحة القلب، ويعزز من صحة الأوعية الدموية،
كما أن ركوب الدراجات الهوائية يزيد من تحسين من مستوى لياقة الجسم.
يساعد على زيادة مرونة عضلات الجسم، كما يساعد ركوب الدراجات الهوائية على الخفض من نسبة التوتر، والحد من الشعور بالاكتئاب، كما أنها رياضة مميزة للتحسين من تنسيق قوام الجسم.
مفيد للحفاظ على قوة العظام، كما تعمل على خفض مستويات الدهون بالجسم.
لها القدرة على الوقاية من الإصابة بالأمراض المختلفة، كما تساعد على حرق نسبة كبيرة من السعرات الحرارية، وتزيد من معدل ضربات القلب.

تم تصنيف ركوب الدراجات الهوائية كواحدة من أفضل 5 تمرينات هوائية وفقاً لعيادة كليفلاند كلينيك، مثل رياضات السباحة، والمشي، والرقص، والركض، فهي تخفف من آلام المفاصل، كما تعمل على التحسين من صحة كلٍ من القلب والعضلات، هذا وينصح بركوب الدراجات الهوائية كأفضل خيار لممارسة التمرينات الهوائية الصحية.


يا جماعة المساجد كلها بقت كراسي


..

هذا هو الذي استفذني لطرح هذا الموضوع

https://www.emaratalyoum.com/life/four-sides/2019-10-30-1.1267650https://www.emaratalyoum.com/life/four-sides/2019-10-30-1.1267650


لاحظ سكان أبوظبي في الفترة الأخيرة انتشار عدد كبير من الدرّاجات الكهربائية (السكوتر)، ذات اللون البرتقالي، على أرصفة شوارع العاصمة، خصوصاً في الشوارع الرئيسة مثل الكورنيش، بالتزامن مع زيادة ملحوظة في عدد مستخدمي هذا النوع من الدرّاجات في التنقل في المدينة. وتوفر باقة «سرْك» الشهرية ذات الـ1000 دقيقة، ما يعادل 100 رحلة، أي ثلاثة دراهم لكل رحلة، وأكثر من 30 دقيقة يومياً، وهو ما يكفي لرحلة يومية ذهاباً وإياباً.

الواقع أن هذه الدرّاجات تأتي ضمن خدمة تم إطلاقها في أبوظبي تحت شعار «الميل الأول والأخير»، التي تهدف إلى تمكين أفراد المجتمع من الوصول إلى وجهتهم النهائية بطريقة سريعة واقتصادية، باعتبار الدرّاجات الكهربائية وسيلة تنقل فاعلة وسهلة وصديقة للبيئة للتنقلات اليومية القصيرة للعمل والترفيه، وتربط بين مواقف حافلات النقل العام والمراكز التجارية والتسويقية والخدمية والسكنية والترفيهية، وتطبيقاً لهذه المبادرة، تم تحديد مواقع استراتيجية في منطقة الكورنيش، وبالقرب من مواقف النقل العام ومواقع «صف وتنقل»، وذلك لتسهيل الرحلات متعددة الوسائط، وتولت شركة «سرْك» بوضع درّاجاتها الكهربائية في تلك المواقع.

شواراع الخرطوم غير مصممة للمشي حتي ...ناهيك عن العجلات ....
لو عايز تنتحر سوق عجلة ولا موتر في الخرطوم ..كان ماضربتك عربية بطقك سحائي ..

سلام اخونا محمد

Quote: شواراع الخرطوم غير مصممة للمشي حتي ...ناهيك عن العجلات .... لو عايز تنتحر سوق عجلة ولا موتر في الخرطوم ..كان ماضربتك عربية بطقك سحائي ..

ما ضروري تسوق العجلة في شارع الظلط وممكن تصل مشوارك من خلال الشوارع الداخلية للاحياء

وبعدين السحائي ده ما طقه الناس الواقفة ساعتين في الشمس منتظره المواصلات
ما اظن مشوار 30 دقيقة (10 كيلو) ممكن ياثر فيها

يديك العافية

يعني ممكن تستاجر عجلة ب 10 جنية لمشوار تدفع فيهو 100 جنية لرقشة ماشي وجاي

ممكن ده يكون مشروع للناس الطموحة

العجلة لاتحتاج لمصاريف تشغيل مع القليل جدا من مصاريف الصيانة

Quote: مشكور اخونا علي عبدالوهاب علي المداخلة معظم المدارس علي بعد كيلومترات قليلة من سكن الطلاب يعني البتدفعو رسوم ترحيل ممكن تشتري عجلة!! ما عارف الناس هنا رابطة موضوع المواصلات فقط بالذهاب للعمل هنالك الكتير من المشاوير الداخلية القريبة نوعا ما وبنستخدم فيها المواصلات

عين العقل. أتفق معاك تماما الأخ اشرف على هذه الفكرة. العجلة اقتصادية، صديقة للبيئة، قليلة الأعطال وبتســاهم فعلا في حل مشكلة المواصلات في العاصمة.

نعم الكثير من السكان وبالأخص التلاميذ وأصحاب الحرف،،الخ، مشاوريهم بتكون قصيرة لا تزيد عن 10 كيلو، وهي مسافة مقدور عليها بالعجلة.

نحتاج إلى إعادة إحياء ثقافة ركوب الدراجات الهوائية. أنظر إلى دولة زي هولندا، فرغم ثرائها وتنوع وسائل المواصلات: بصات، مترو، سيارات خاصة،،

تجد أن معظم سكان المدينة في هولندا يستخدمون العجلات في مشاوريهم بلا أدنى حرج، فتجد الطالب والاستاذ الجامعي يصلون إلى الجامعة باستخدام العجلات.

العجلة هي الحل لجزء معتبر من أزمة المواصلات في الخرطــوم.

التحية.

طة داوود يديك العافية ياخي

مشكور علي المداخلة القيمة وده الكلام المنطقي العلمي مش ذي ناس "تكسير المجاديف و بعارضك بس"


بحكم عملي قمت بزيارة الكثير من البلدان الاوروبية والعربية وامريكا وحتي الدول الافريقيا جنوب الصحراء

اين ما ذهبت كانت العجلة موجودة في تنقل الناس

اتمني ان تساهم العجله ولو حتي ب 5% كما ذكر اخونا عبد الوهاب .. برضو خير وبركة
بالضافة للفوائد الصحية

هنالك بعض الحلول التي تساهم بشكل او باخر بتقليل مشاكل الموصلات وفاتورة البترول منها السيارات الهجين Hybrid

السيارة الهجين تعمل بالبطارية ما دامت السرعة اقل من 60 كيلو في الساعة وعندما تزيد السرعة عن 60 كيلو يشتغل نظام البنزين.

كل سيارات التكسي هنا في ابوظبي ودبي والشارقة من نوع تايوتا كامري هجين Hybrid

الوكيل هنا بيعطيك 8 سنوات ضمان للبطارية
كورلا 2020 عادي ب 72000 درهم
كورلا 2020 هجين ب 87000 درهم

لو الحكومة هنا اعطت تفضيل وتسهيلات في الجمارك لهذا النوع من السيارة يعني 20% جمارك اقل مع الزام اصحاب وكالات السيارات المعنية بتوفير الخبرات والاسبيرات الضرورية

في النهاية .. عجلة + سيارات هجين + قطار + ...+ ....

والمشكلة بتنتهي انشاء الله

الحبيب اشرف .. تحياتي بوست جميل
صدقني يا أشرف انا لليوم الا اعرف قيادة العجلة
لأننا ناس اعماق دنقلا ضواحي الدينا
هنا في السعودية الفلبين خطيرين في ركوب العجلة
طبعا بعد العمر من الصعب التدريب
كمان نسيت الهنود ما شاء الله وسط سرعة السيارات يتحكموا في العجلة
بكفاءة عالية .
نشر هذه الثقافة في السودان يحتاج إلى اعلام مكثف
مثلا المشاهير وحتى افراد الحكومة يطلعوا كمجموعة مع تصور تلفزيوني من الجنسين
مع التحية الحبيب اشرف

Quote: دينق سلامات الزول البتتكم عنو ده ما انا انا اشرف الباقر مقيم في الامارات نيويورك بنشوفها بس في التلفزيون اعتقد تشابه اسماء هل معقول يكون هنالك تشابه في الصورة برضو ! يديك العافية

الاخ أشرف الباقر

سلام وتحية.

فعلا أن هنالك تشابه تام بين الاسماء، وفعلا أن الصورة تختلف، ولكن كما تعلم أن هنالك عدد كبير من الاعضاء لا يضعون صورهم الشخصية على البروفيل وأنا منهم.

وهنا أنا أتقدم لك بكامل الاعتذار وأرجوا منك أن تتقبله.

أسف للتاخير في الرد وذلك للمشغوليات والسفر.

Quote: فعلا أن هنالك تشابه تام بين الاسماء، وفعلا أن الصورة تختلف، ولكن كما تعلم أن هنالك عدد كبير من الاعضاء لا يضعون صورهم الشخصية على البروفيل وأنا منهم. وهنا أنا أتقدم لك بكامل الاعتذار وأرجوا منك أن تتقبله.

.
..
.
العذر الأقبح من الذنب ...
.
.
.

سلام دينق

ياخ انت انسان راقي وردك الجميل يثبت ذلك

يديك العافية

سلام اخونا علي عبد الوهاب

Quote: هنا في السعودية الفلبين خطيرين في ركوب العجلة طبعا بعد العمر من الصعب التدريب كمان نسيت الهنود ما شاء الله وسط سرعة السيارات يتحكموا في العجلة بكفاءة عالية .

برضو عندنا هنا في الامارات الهنود والبنغال يستخدمون العجلة في مشاويرهم وتنفيذ مهام اعمالهم خاصة في المناطق الصناعية يستخدمون العجلة في تحركاتهم من منطقة الي اخري ومن والي دكاكين الاسبيرات وغالبا تكون بعيده نسبيا مع العلم انو السخانه هنا في الامارات اكتر من السودان ومعاها رطوبة كمان

برضو تستخدم العجلة هنا بكثرة من قبل الشباب بغرض ال diet and body shaping

ليس هنالك مستحيل او صعوبة كبيرة للحصول علي عجلة مستعملة في السودان .. ياخ انا اول عجلة حصلت عليها زمان كانت من خلال "كرتلة"

كتير من العمال والمكنيكية وعمال البناء يمكن يستفيدو كتير من العجلة لان تحركاتهم في الغالب من حي الي حي ومن منطقة الي اخري

انا متاكيد مليون في المئة انو هنالك الكتير من الناس بمقدورهم شراء عجلة وان هنالك نسبة مقدرة منهم مصاب بالضغط والسكري (شفاهم الله) .. اقول لي ديل لو بس سقت العجلة يوم الجمعة ومشيت سوق السجانة او السوق المركزي او سوق الجمعة او اي سوق قريب نسبيا من منطقتك واشتريت اغراض البيت وختيت القفة في السرج الخلفي ذي ما كنا زمان نعمل .. مشوار مشوارين تاني في العصر تكون ظبط السكري والضغط حتي لو كنت ما مصاب بالسكري والضغط تكون عملت لياقة وحماية