طارق لو كان اتفرغ للغناء من البداية كان بقى حاجة كبيرة. مطرب بمعنى الكلمة. ما فيه كلام ... صوت وتطريب ... حتى لو غنى لإبليس.
Post: #13 Title: Re: وين عضو البورد (خدر) ؟ زهرة السوسن ، طرب لل Author: النصرى أمين Date: 11-16-2019, 03:26 AM Parent: #12
والله العظيم يا قبانى ؛ لو سالتنى امس بتعرف فنان اسمه عبدالله الحاج؟ لاجبتك بالنفى، الغنية دى فتحت ملفات مهجورة عشرات السنين . اذكر و نحن طلية فى الثانوى كنا نعشق الفنان محمود على الحاج ينافسه محمد احمد عوض ؛ محمود عمل غلطة استراتيجية فى سبيل زيادة العداد بإضافة الآلات الموسيقية، مع اول عزفة كمان و نقرة جيتار فى فرقة محمود على الحاج هجرناه و لم نرجع له ابدا ليسيطر محمد احمد عوض على الجو سيطرة كاملة .
بينما السودان كله يتغنى لترباس كنا نحن اولاد امدرملن ما شغالين كتير بترباس ؛ محمد احمد عوض و بس .
اها فى أثناء المنافسة بين محمود و محمد احمد عوض ظهر عبد الله الحاج برائعته زهرة السوسن ؛ قلنا خلاص المنافسة ثلاثية بين ثلاثة عمالقة ليهم نفس الاسلوب ، للاسف زهرة السوسن طلعت فرمالة و بعد القوقلة اتذكرت اغنية ثانية لعبدالله الحاج (شوف كم زهرة فى ايدى)؛
المهم لم يستطع عبدالله الحاج مواصلة الإنتاج و المنافسة و اظنه اختفى من الساحة لينفرد محمد احمد عوض على الساحة حتى خروجى من السودان بداية التسعينات
Post: #14 Title: Re: وين عضو البورد (خدر) ؟ زهرة السوسن ، طرب لل Author: النصرى أمين Date: 11-16-2019, 03:35 AM Parent: #13
يا الملك ياخ انا بقيت لا أطيق الآلات الموسيقية السودانية لدرجة بقيت أتضايق من اغانى وردى و محمد الامين بسبب اذعاج الآلات الموسيقية خاصة الكمان و الساكسفون . الحالة دى سببها شنو ؟
هل بسبب الشد العصبى الذى نتعرض له فى حياتنا اليومية؟
بقيت زول عود (و بالكتير بنقز على خفيف او جيتار هادئ)
و الله والله ....الغنية دى بخليها شغال صوت منخفض وانوم عليها ؛ تاخدنى لعالم جميل قديم . امبارح نمت بيها و اليوم برضه نومة الضهرية برضه نمت بيها شكرا يا خدر
Post: #15 Title: Re: وين عضو البورد (خدر) ؟ زهرة السوسن ، طرب لل Author: النصرى أمين Date: 11-16-2019, 03:44 AM Parent: #14
اهلا اميرة ؛ بينما كنت انوم على دندنات خدر ؛ اليوم حصلت حاجة ظريفة. دخلت المطبخ اعمل فول مظبط (عندى وصفة سحرية اكتشفتها قبل سنوات طويلة و نشرتها هنا فى المنبر) المهم و انا بعمل فى الفول(يحتاح حوالى عشرين دقيقة) شغلت الاغنية بصوت عبدالله الحاج والله قعدت ارقص براى فى المطبخ ، نفس طريقة رقيص 1985 ؛ عاينت يمين شمال ما يكون واحد من الاولاد شاف والدهم الوقور و هو يرقص و يتعاور ... لمن لقيت مافى زول حولى واصلت الرقيص لغاية نهاية الاغنية. لحظات جميلة بجد
Post: #16 Title: Re: وين عضو البورد (خدر) ؟ زهرة السوسن ، طرب لل Author: النصرى أمين Date: 11-16-2019, 03:50 AM Parent: #15
اهلا احمد يسن اتخايل الاسلوب ده كان عند محمود على الحاج و محمد احمد عوض و لحد ما النور الجيلانى. ياخ ده كان غنا بجد. موش مرات بتشوف فيديوهات لفنانين عالميبن مثل مايكل جاكسون و تشوف المعحبين/المعجبات يصلوا لحالة هستيرية و اغماءات ...و الله نحن (او انا عل الأقل) فى حفلة محمد احمد عوض نصل لمرحلة شبيهة بس ضغوطات ناس الحفلة ترجعنا لحالة الوعى .
Post: #17 Title: Re: وين عضو البورد (خدر) ؟ زهرة السوسن ، طرب لل Author: النصرى أمين Date: 11-16-2019, 03:51 AM Parent: #16
والله يا ابوذر ماقلت الا الحق ، الزول ده مطرب حقيقى ؛ بعدين بختار اغانى بتضرب فى العصب و بتجهجه امثالنا من الصحراويين
Post: #18 Title: Re: وين عضو البورد (خدر) ؟ زهرة السوسن ، طرب لل Author: النصرى أمين Date: 11-16-2019, 03:53 AM Parent: #17
مية المية يا شنتير
Post: #19 Title: Re: وين عضو البورد (خدر) ؟ زهرة السوسن ، طرب لل Author: عمر أبوعاقلة Date: 11-16-2019, 10:19 AM Parent: #18
تحياتي يا النصري .. طارق رحل من المنبر دا مع كثيرين .. نأمل عودتهم اسمع الأغنية دي منه مع شوية مزيكا .. فيها شغل حلو والله
Quote: ديل امتداد حقيقى ل طرب وابداع ناس كرومة وبرهان
ابوذر ... عليك ربك اسمع كلام بادي في بداية التسجيل بس و كيف انو الغنا مفروض يتغنى !
قال الشباب بغنوا الغنا القديم بطريقة غير صحيحة و كان دايرين يغنوهوا .. يغنوهوا بي طريقتو القانونية كرومة سرور و الامين برهان يغنوها ليهم زي يوم ما ( انزلوها) ... شفت يوم ما انزلوها دي ادت قدسية كيفن للغنا ؟ :)
اوكى يا اميرة المحتويات فول صحن متوسط (انا استخدم علبة فول مثل ماركة Cedar) طماطم (حوالى اثنين طماطماية كبيرة) جبنة (ودى لازم تكون زى جبنة السودان؛ غير كده انسى ، حتفشل الوصفة) كمية الجبنة كبيرة . نصف ليمونة كبيرة . شمار (كمية كبيرة) شطة (من غير شطة الوصفة ما بتنجح شديد) ملح.
لازم الإلتزام الدقيق بالخطوات.
تختى الفول فى نار عالية جدا و يكون فيهو موية ؛ تقلبى الفول باستمرار الا ان تختفى الموية كلها (اوع يحرق و يمسك فى الحلة) ؛ تماسك الفول تكون زى تماسك العسل ، من غير موية.
فى الأثناء دى تكونى قطعت الطماطم قطع صغيرة قدر الإمكان.
اضافة الطماطم للفول و مواصلة تقليب المحتوى ؛ الطماطم تبدأ تذوب فى الفول و تااااانى الموية ترجع للفول و تااااااانى نقلب الفول لغاية الموية تختفى و الفول يصبح شبه جاف.
اضافة الملح ..
تطفئ النار ؛
اضافة الملح و الشمار و الشطة .
وهنا ياتى دور الجبنة ؛ لازم تكون سودانية (اوع من الجبنة الكريم و البلغارية) الكمية تكون مكعب فى حجم يد رضيع ، كسرى الحبنة و فتفتيها جيدا قبل اضافتها للفول .
الخطوة الأخيرة نصف ليمونة كبيرة (او ليمونة كاملة صغيرة)
بعدها طوالى على الصحن و طربيزة السفرة . الرغيف برضه يفضل يكون افرنجى (اوع من عيش العرب pita bread
والله يا يحى ؛ انا عندى مشاكل حقيقية مع الغنا السودانى ؛ و كم مرة دخلت فى مشكلة مع ناس. من قمت ما بحب بادى و افضل عليه خلف الله حمد و عوض الكريم عبدالله .
اريت المشكلة لو وقفت هنا . اكره ابوداوود و حسن عطية. كراهية عدييييييييل هههههه. مرة كتبت الكلام ده فى الفيسبوك ؛ قريبنا من عشاق الفن السودانى العتيق ؛ قرب يفكنى بالحوقة المجهولة دى.
مرات بحس ان الزول ما يكون outspoken فى حاجات زى دى لا تخدم غرض.
و انا طفل ستة او سبعة سنة ؛ عمى رسلنى بقالة محمد الحسن الشايقى جوار دكاكين الطاهر. ادانى طرادة (خمسة و عشرين قرش) قال لى اشترى صابونه. انا سمعتها صعوط. مشيت لبتاع الدكان وقلت ليه ادينى صعوك بطرادة ...صاحب الدكان استغرب و فتش اكبر كيس عنده و ردم لى صعود يمكن اتنين كيلو . لمن رجعت البيت؛ عمى نهرنى و قال لى رجع التمباك ده انا داير صابونه حمام واحدة.
الغريبة فى كندا هنا فى سودانيين كتيرين بستعملوا التمباك لكن نهائى لم أشاهد احد يستعمل الحقه كلهم بستعملوا اكياس . سرطان لسرطان مافارقه ..اخير فول العلب بتاعى ده
اكره ابوداوود و حسن عطية. كراهية عدييييييييل هههههه. الليلة يا النصري زعلت منك زعلة جد ... "زعلة الكديس الدفق لبنو". انت خليت شنو يا زول بعد ديل؟ حتى بادي القال "زي ما أنزلوه" كمان بتكرهو؟.
طريقة فولك دي ذاتها ما سمحة (ما عاجبك العاجبنا، نحن ما عاجبنا العاجبك ... حفاظاً على ميزان القوى). الليمون أنا بالنسبة لي بيخرب أي حاجة ... ما عدا موية الليمون أو أقرشو قرش، وممكن شوية في الشطة. انت تقوم تكب ليمون في الفول؟ وهو ذاتو فولك فول علب ما بتعرف هل هو فعلا فول حقيقي وللا فول بلاستيك معدّل جينياً!!! ياخي أنا بعتبر الفول دا كان علامة نحس عندما انتشر في السودان. قاتله الله ؛ قاتل الفول مش السودان. أنا لو لقيت جنب الفول دا أي حاجة صالحة لأكل ابن آدم ... حأرمي الفول للكلاب. ثم ثالثاً ... أبعد من فول العلب (الشي دا carcinogenic بلا منازع). لو بتحب الفول جيب فول حب ويكون عندك حَلّة برستو (اسمها كدا هي؟) وأظبط فولك من مرحلة الحبوب إلى مرحلة الأكل. وأبعد من الليمون في الفول دا عليك الله. ليمون؟ مع إني والله لا أحب الفول نوووهائيّتن.
المهم فولك كعب وما حتاخد عليه أي درجات، إلا بعد تراجع كلامك عن العتاة ديل القلت بتكرههم.
Post: #37 Title: Re: وين عضو البورد (خدر) ؟ زهرة السوسن ، طرب لل Author: Ahmed Yassin Date: 11-17-2019, 00:01 AM Parent: #36
Quote: اريت المشكلة لو وقفت هنا . اكره ابوداوود و حسن عطية.
النصري يا حبيب ...
معليش ما تزعل مني ... ممكن افهم حسن عطية و عثمان حسين لانهم عايزين ذائقة فنية و سماعية معينة ...
اما ابو داؤود ده فيدخل القلب بدون استئذان ...
فياريتك تديني فرصة ادخلك عالم ابو داؤود السحري ... و من بعده عالم أبو علي ... و حأبدا ليك بأشياء تطربك ان شاء الله ...
هاك اول درس في رحلة ابوداؤود ...
نبدا بمساء الخير يا أمير ... و مساء الخير عندها قصة ... حسب المتداول ... ان ابوداؤود كان مدعو في حفل زواج في بربر ... و كان هناك فنان صغير بغني في الحفل ... بدأ الفنان بالبيت القائل مساء الخير يا الأمير ... و لما شاف عبد العزيز وقف الاغنية ... خاف تعجب عبد العزيز يشيلها ... اها ابو داؤود عجبو البيت الاول و شالو وفات عطبره للشاعر علي ابراهيم و اتفصلت الأغنية ... اسمع بي رواق يا نصري ...:)
نعرج لاغنية عبيد عبد الرحمن يا عين بتخافي مالك ... ابوداؤود و برعي على العود ... في البداية دخل عليهم د. علي المك رحمه الله فسألوه وين يا دكتور فرد و قال ( ما جيت اسمع التلاوة دي )
و نختنم درس اليوم بتحفة فنية ... يظهر صوت ابو داؤود صافي دون ضوضاء و تظهر قدرته على اخراج كل حرف كما يجب ان ينطق ...
رمية ... ثم الياذة الخليل فلق الصباح ...
رحم الله سيدي عبد العزيز داؤود ...
Post: #41 Title: Re: وين عضو البورد (خدر) ؟ زهرة السوسن ، طرب لل Author: النصرى أمين Date: 11-17-2019, 01:10 AM Parent: #40
هههههه هههههه و الله أتوقعت رد فعل عنيف لكن الظاهر عليكم ناس راقيين خاصة قبانى الذى بدأ رحلة تعبئة و recruitment هههه. لسه ما سمعت المقاطع يا قبانى لكن اوعدك اسمع و أقرأ بقلب مفتوح اصلا انا زول راسى خفيف .
بس فى حاجة مهمة لازم تنتبهوا ليها .. الإنسان ابن بيئته .. و الله العظيم انا من طفل صغيرونى لغاية دخلت الجامعة ما صاحبت زول بحب أبوداود او حسن عطية... ناس بيتنا كلهم و الاسرة الممتدة ما مر على معجب بحسن عطية.. اصحابى فى الحلة لعشرات السنين بكرهوا حسن عطية و أبوداود.
احتمال كبير العيب ليس فينى ؛ العيب فى المجتمع الصغير الذى عشت حوله.
وبالمناسبة عثمان حسين كان فى القائمة السوداء لغاية قام بثورة البكاسى فى 1980 لو تذكرونها كان ايضا من أبطالها ابراهيم عوض حيث صار ملك عداد الحفلات لولا تلك الثورة كانت يكون مدمر مع أبوداود و حسن عطية... على كل حال و سأقوم و بنية صافية آخد الكورس بتاع قبانى لانى والله خايف اكون قاعد على كنز و ما جايب خبر
Post: #42 Title: Re: وين عضو البورد (خدر) ؟ زهرة السوسن ، طرب لل Author: أبوبكر عباس Date: 11-17-2019, 01:27 AM Parent: #40
داير أقول شنو؟ أنا بقيت معجب ببوستات النصري دا. نحن كلمة إعجاب دي ما بنوزعها ساي يا عملات أبو ذر. في كود خفي في البوستات بخليك تتابعها زي قراصة التمر على قول علي المك يستحيل تغلط عليك هسّ كلام الإزعاج في موسيقى الألحان السودانية بقولو زول عادي لو داير تعرف ازعاج الآلات دي شوف تأثيرها على أولادك المربيين برّة لا يتفاعلون معها إطلاقاً تسمع في محمد الأمين وأنت منتشي وهم منزعجين جداً من اللحن فشنو؟ لو عايش في بلاد برّة وقاعد تسمع في وردي؛ وطي الصوت رفقاً بالعيال
غايتو يالنصرة عشان تستفيد من محاضرات اخونا قبانى لازم تغيّر سلوكك الغذائي و فطورك يكون بيض محمّر باللحمة المفرومةمع الزبدة المدهونة قشطة و شوربة عضام و تختم بى كمثرى الغداء كستليتة مع شريجة يطاطا و طبق سلطة و تختم بى سلطة فواكه العشا كافيار مع شرم على شوربة كوارع مع مشهيات و جبنة مضفرة لكن لو واصلت فى الفول ... و فول العلب كمان ... يبقى صعب عليك تستوعبا
. أبوذر بابكر يا مطر عز الحريق..توضيح بسيط..الفنان طارق أبوعبيدة عندو غناء خاص أذكر مثلاً أغنية (أرمي ليّ مطار)..كلمات خطاب حسن أحمد..وألحان طارق...و غنوة يقول مطلعها (البنات....البنات..ألطف الكائنات).. تاني في اتنين تلاتة رايحات لي.. .
Quote: فياريتك تديني فرصة ادخلك عالم ابو داؤود السحري
تدخل منو؟ ياخي ما تتعب روحك وتقوم نفسك ساي. دا الظاهر ما عنده اضنين.. قال ليك كان شادي فول في المطبخ وبرقص.تجي تقول ليهو سحري !!؟
Post: #47 Title: Re: وين عضو البورد (خدر) ؟ زهرة السوسن ، طرب لل Author: علي عبدالوهاب عثمان Date: 11-17-2019, 01:34 PM Parent: #46
حبيبنا أحمد ياسين .. تحياتي .. بمناسبة حبيبنا النصري استحضرت حكاية في البلد في عام 1967م تقريباً وردي كان في زيارة للمنطقة ومع على ابراهيم وأبوعركي والعازفين واحد مشلح نسيت الاسم وقريبنا شديد حمزة سعيد بدري عازف كمان بالمناسية قريب خليل فرح بدري ديل جزء من أهلنا البدريات وساكنين في جزيرتنا .. المهم بعد أن غني وردي وعلى ابراهيم كانوا مقبولين جداً والناس في قمة الطرب جاء دور ( أبوعركي ) كان شاب وسيم جداً وأنيق عندما بدأ في أغنية إذا لم تخني الذاكرة ( بكرة أهديك دبلة الحب والخطوية ) احتج الجمهور ( الناس ترابلة طبعاً ) ومتعودين على الطرب العالي جداً ( ناس المديح السلاد وأنغام الاروتي .. إلخ ) والغريبة عندنا في البلد أي فنان وصوتو ما جميل يقال له ( حمد أراقيه ) أراقية المقصود به الطعم المر ( العرقي ) وتناغم مع إسم ( أبوعركي ) وهم نطقوا الاسم ( أبو أراقيه ) .. بعد الفاصل ظهر وردي وخاطب الناس بالنوبية .. واقسم لهم بأن هذا الشاب الجميل سوف يكون أحسن فنان في السودان زمان في أصوات الناس لم يكونوا يستسيغونه إلا أمثال ابراهيم عوض ( من قساك) وصلاح بن البادية ( الليلة سار )
التحية الاحباب .. أحمد ياسين ، النصري ، وأجمل زول قباني .. أفتكر في اصوات فنانين لكي تطرب لها تحتاج إلى نوع من الابعاد المكتسبة أو منافذ معينة للطرب غير متوفرة في كل الناس ..
تصويب :- جاء فى عدد الامس من البوست ان فى عام 1980 قامت ثورة البكاسى ؛ الصحيح ان الاسم للثورة هو ثورة الكوامر و كان بقيادة ابراهيم عوض و عثمان حسين والى حد ما الكحلاوى ؛ الاسم جاء عندما سئل الفنان أبوداود عن ظاهرة الفنانين البرنسات (بكاسى) مثل الفنان عزالدين عبد الماجد (كانت اغنية سكر فى التوب شارت ؛ اجاب ابوداوود خلوهم البرنسات ديل ؛ شوفوا الكوامر العمروهم ديل ؛ جدير بالذكر ان اغنية سلوى لإبراهيم عوض و ناس لا لا لعثمان حسين فى top chart فى تلك الأيام.
نرجع نهاية اليوم لبرنامج إعادة التاهيل الذى بديناه مع قبانى
Quote: سلوى لإبراهيم عوض و ناس لا لا لعثمان حسين فى top chart فى تلك الأيام.
صحي؟ ياخي ابعد من حكاية التصنيفات والتاريخ .. كمان ما فضل ليك الا تتكلم في بنقز مقدم واكورديون وهبة ابو بشرى لاعب المريخ
Post: #50 Title: Re: وين عضو البورد (خدر) ؟ زهرة السوسن ، طرب لل Author: النصرى أمين Date: 11-18-2019, 04:14 AM Parent: #49
معذرة يا قبانى ؛ غلبنى والله. فتحت التسجيلات و بيضت النية و نويت اسمع بدون حكم مسبق ؛ غلبنى اكمل التسجيل الأول ، حاولت التانى ؛ برضه نفس المشكلة ، فلق الصباح قدرت اصل النص لكن بعد داك غلبنى. ما فى امل ؛ ال damage حصل من فترة طويلة و لا يمكن إصلاحه.
فى البداية كنت مفتكر يحصل نفس الحصل لى مع مصطفى سيد احمد ؛ طوال وجودى فى السودان كنت اكرهه جدا ؛ كنت مستغرب و نحن طلبة فى معهد الكليات التكنولوجية بعض الأصدقاء (يسكون) حفلات مصطفى سيد احمد من مسرح لمسرح ؛ كنت اقول ليهم الزول ده ما بغنى ، الزول ده بقرأ فى كتاب او جريدة و مافى طرب نهائى.
لمن جيت أمريكا حصل تغيير كامل وكأنى hit by a train بقيت اسمع لمصطفى سيد احمد و اقرب ابكى ...كنت بصروف قروش كتيرة على بطاريات Walkman التى تشغل شرائط الكاسيت .
ما عارف سبب التغيير شنو!! امكن لان الغربة كانت صعبة على فى البداية. و احتمال اخر حفل لى كان فى منزل اولاد محسى (مجدى و مجتبى) و كان الفنان يغنى لمصطفى سيد احمد مع فرقة مصطفى كاملة (اظن من ضمنهم عضو المنبر الصاوى).
اقترح انه خدر ولانه يملك مقدرة على التطريب ؛ يغنى لابوداوود او حسن عطية (بشرط بالعود فقط ) و كده نعمل كبرى يوصلنا لعالم أبوداود أبوداود السحرى .
Quote: والله حرقتنى الكلمة دى حرقة لغاية ما طيرت لى الاستمتاع باداء حسن عطية .
معناتها الدوا جاب نتيجة ... هههه
Post: #55 Title: Re: وين عضو البورد (خدر) ؟ زهرة السوسن ، طرب لل Author: Ahmed Yassin Date: 11-18-2019, 06:03 AM Parent: #54
استاذنا وحبيبنا علي
Quote: فنان وصوتو ما جميل يقال له ( حمد أراقيه ) أراقية المقصود به الطعم المر ( العرقي ) وتناغم مع إسم ( أبوعركي ) وهم نطقوا الاسم ( أبو أراقيه ) .. بعد الفاصل ظهر وردي وخاطب الناس بالنوبية .. واقسم لهم بأن هذا الشاب الجميل سوف يكون أحسن فنان في السودان
والله القصة الحصلت دي مفروض تعمل ليها كتاب وتدخل التاريخ الفني شوف عظمة وردي...ولحساسية الموقف اتكلم بالرطانة..عشان ابوعركي وبالفعل بعد سنوات قليلة جدا يعني في السبعينات عركي اتربع على القمة مع زيدان. وردي ما مان برحم اي عازف في اداء الالة ..كلن عنده تسجيل في الاذاعة والفرقة كلها جوة الاستديو ..ماعدا عازف الكمنجة الكبير حسن خواض..واقف برة ومنتظر اضاءة النور الاحمر معلنا بدء التسجيل...وبعد فترة جاء داخل الاستديو..وردي رفع يده وهو يضم اصابعه ما عدا السبابة...وقال ليهو اتفضل محل ما كنت ..خليك واقف برة وسط ذهول الخواض واعضاء الاوركسترا و..فنيي الاذاعة.
Post: #56 Title: Re: وين عضو البورد (خدر) ؟ زهرة السوسن ، طرب لل Author: Ahmed Yassin Date: 11-18-2019, 06:24 AM Parent: #55
Quote: دي لو غلبتك
افتح ليك علبة فول يا زول
يا يحي دي بقت محو امية فنية لايمكن ...زول ضيع متعة كبيرة زي دي طوال عمره. تعلم ليك زول كبير . مصطفى سيداحمد بغني والناس ولا بقرأ؟ يمكن ما مان عاجباهو الوقفة. الواحد بزعل لمن تسمع يقول ليك الفن اذواق ....الكلام دا غلط الذوق في اللبس والالوان والاثاث والديكور واكل الفول بالطماطم المقطعة صغار وسلطة الاسود بالطحينة.....لكن اي نوع من الفنون هو احساس عالي الجودة انا متاكد بتاع الفول دا عمره ما دخل معرض فني. اها...المدام طبعا في بداية مشوارنا عاملة بتحب الموسيقى الكلاسيك .. يوم من ايام مهرجان الموسيقى الكلاسيكية. .كانت الفرقة الروسية...سقتها معاي ..وبتقول لي يا سلااااام الايام الفاتت انت كل يوم بتمشي . مافكرت تسوقني ليه؟ قلت ليها انحن فيها. يلا اول ما بدات الفرقة العزف ودخلت مغنية الاوبرا ومع اول حرف ...والصوت الاوبرالي المدام اتخلعت وطيرت عيونا وكنكشت في يدي وقالت . بسم الله الرحمن الرحيم
Post: #57 Title: Re: وين عضو البورد (خدر) ؟ زهرة السوسن ، طرب لل Author: النصرى أمين Date: 11-18-2019, 06:42 AM Parent: #56
غايتو يا احمد يسن ؛ لسبب ما ؛ ما قادر اتخيلك زول فنان .
Post: #58 Title: Re: وين عضو البورد (خدر) ؟ زهرة السوسن ، طرب لل Author: Ahmed Yassin Date: 11-18-2019, 06:58 AM Parent: #57
القال ليك انا فنان منو
Post: #60 Title: Re: وين عضو البورد (خدر) ؟ زهرة السوسن ، طرب لل Author: Ahmed Yassin Date: 11-18-2019, 11:50 AM Parent: #58
ياخي انا شنو كمان انت لا ابوداؤد لا حسن عطية امير العود ما بتعتبرهم فنانين تجي تقول لي احمد ياسين!!؟ عموما الواحد ممكن يتقبل اي اساءة جات لنفسه مهما كانت لكن الموضوع لو وصل لصاحب الثنانية اوزان من اوزان الحنجرة العشرة دا المامقبول ولا بنسمح به.