Post: #1
Title: غازي- ملاحقة مدبري انقلاب 89 تصفية للخصومة وتغطية لفشل كبير
Author: زهير عثمان حمد
Date: 11-14-2019, 11:30 AM
10:30 AM November, 14 2019 سودانيز اون لاين
زهير عثمان حمد-السودان الخرطوم
مكتبتى
رابط مختصر
وجه رئيس حركة "الإصلاح الآن" في السودان غازي صلاح الدين العتباني، انتقادات عاصفة الى الحكومة الانتقالية ودمغها بالفشل ، كما رفض بشدة مسلكها الرامي لمحاكمة المسؤولين عن انقلاب 1989 وعدها محض محاولة لتصفية خصومة سياسية.
وقال غازي الذي يعتبر أحد أبرز قادة التنظيم الإسلامي في السودان لـ "سودان تربيون" الخميس إن فكرة المحاكمات بهذه الصورة "جد غبية" لعدة أسباب أجملها في أن المادة التي ترتكز عليها "تمييزية بصورة فاضحة تجسد سوء النية في أسوأ صورها".
وأعلنت اللجنة القانونية لقوى تحالف الحرية والتغيير يوم الثلاثاء أن النيابة العامة حررت أوامر بالقبض على مخططي ومنفذي انقلاب 89 الذي أطاح بحكومة الصادق المهدي ونصب الرئيس المعزول عمر البشير رئيسا بتدبير من تنظيم الجبهة الإسلامية وقتها.
وخاطبت النيابة طبقا للتصريح سلطات السجون لتسليم المتهمين، عمر البشير، وعلي عثمان محمد طه، ونافع علي نافع، وعوض أحمد الجاز.
وأشارت كذلك إلى صدور أوامر قبض في مواجهة كل أعضاء مجلس قيادة انقلاب الإنقاذ، العسكريين الأحياء.
وأفاد غازي أن الفكرة في مجملها تخرق مبدأين مهمين في القانون، أحدهما مبدأ أن القانون يطبق بحسن نية.
وتابع " ومن الواضح أن حسن النية غير متوفر بأي درجة في هذه المادة، فهي مقصود منها استخدام القانون لملاحقة الخصوم السياسيين، وهذا يقدح في أصل القانون حيث أنه قانون شرّع بسوء نية ويراد له أن يطبق بسوء نية أيضاً".
كما انها تخرق حسب قوله مبدأ عدم المساواة وفيها "تمييز بلا حياء".
وأضاف " هذا القانون لا يساوي بين المواطنين فهو عملياً يقول: الطائفة (أ) من المواطنين تعاقب على الجرم(س) بينما لا تسأل الطائفة (ب) من المواطنين لدى ارتكابها لذات الجرم دون توضيح أسباب هذا التمييز.. إذا أردنا المحاسبة حقاً فلتكن البداية هي الاستقلال بحيث ينطبق القانون على الجميع".
واعتبر صلاح الدين الحديث عن محاكمة مدبري الإنقاذ ليس سوى "محاولة بائسة لصرف الأنظار عن الفشل التاريخي لأسوأ حكومة منذ الاستقلال".
وقال " الأولى هو الانصراف إلى معالجة أزمات المعاش الطاحنة، وتحقيق السلام وهو ما فشلوا فيه حتى الآن، وهذا هو رأي الشارع الذي سننصاع لمبادئه وأولوياته".
|
Post: #2
Title: Re: غازي- ملاحقة مدبري انقلاب 89 تصفية للخصومة
Author: محمد على طه الملك
Date: 11-14-2019, 11:54 AM
Parent: #1
معليش يا دكتور اتحملوها لو جات عليكم ..
الثورة هذه المرة لن تكرر أخطاء أكتوبر وإبريل ..
لأن تبعات أنقلاب الأنقاذ أهلكت العباد وأفلست البلاد ..
ووضعت السودان في ذيل شعوب الأرض بكل إرثة التاريخي .
|
Post: #3
Title: Re: غازي- ملاحقة مدبري انقلاب 89 تصفية للخصومة
Author: Osman Musa
Date: 11-14-2019, 12:08 PM
Parent: #2
هو زي غازي ده كيف كيف حايم علي كيفو ويكتب كمان ؟
غازي والمتلو مفروض زمان يكون اتحكموا اي قيادي شارك
مع الانقاذ مكانو السجن .
|
Post: #4
Title: Re: غازي- ملاحقة مدبري انقلاب 89 تصفية للخصومة
Author: Abdullah Idrees
Date: 11-14-2019, 12:13 PM
Parent: #2
Quote: وقال " الأولى هو الانصراف إلى معالجة أزمات المعاش الطاحنة، وتحقيق السلام وهو ما فشلوا فيه حتى الآن، وهذا هو رأي الشارع الذي سننصاع لمبادئه وأولوياته".
|
معاش الناس عند وزارء الزراعة والمالية والتجارة والصناعة ، اما انتو يا جزم فمسئول منكم السلطة القضائية
مالك ومال الشارع انت؟ الشارع ذاتو لو ما حاكموكم حيجيكم في بيوتكم يقطعكم حتة حتة عشان كده ارحم ليكم
كوبر والقضاء..
طيب قول عفوكم من الانقلاب وقلنا في ناس قبليكم عملوا انقلابات ، اها بقية الجرائم حتعملوا فيها شنو ؟
علي فضل ومجدي وطارق وسليم والتاية ومجزرة العيلفون ومحارق الجنوب وكجبار وبورتسودان
ودارفور وسبتمبر لحد قتلى ديسمبر وفض الاعتصام .. سيبك من الجرائم بتاعة انتهاك الحقوق والتعذيب
والاغتصاب في السجون ومناصرة الارهاب حول العالم وبن لادن وكارلوس والتسبب في العقوبات الامريكية
ونهب موارد الدولة وتسخيرها لفئة معينة ، ياخ انتو والله عندكم جرائم لا نحن عندنا اعمار نحاكمكم بيها كلها
ولا انتو عندكم اعمار عشان تتحاسبوا عليها كلها.
ارضو بالجاياكم واحمدو الله ..
|
Post: #5
Title: Re: غازي- ملاحقة مدبري انقلاب 89 تصفية للخصومة
Author: النصرى أمين
Date: 11-14-2019, 01:02 PM
Parent: #4
بالله كلبشوا لى الزول ده ما دايرين اذعاج و وجع راس
|
Post: #6
Title: Re: غازي- ملاحقة مدبري انقلاب 89 تصفية للخصومة
Author: ترهاقا
Date: 11-14-2019, 01:09 PM
Parent: #5
يضرب راسه في الحيط
|
Post: #7
Title: Re: غازي- ملاحقة مدبري انقلاب 89 تصفية للخصومة
Author: قلقو
Date: 11-14-2019, 02:30 PM
Parent: #6
QUOTE : واعتبر صلاح الدين الحديث عن محاكمة مدبري الإنقاذ ليس سوى "محاولة بائسة لصرف الأنظار عن الفشل التاريخي لأسوأ حكومة منذ الاستقلال".
حقا رمتنى بدائها وإنسلت .
الفشل ماركة مسجلة بأسمكم يا كيزان .
|
Post: #8
Title: Re: غازي- ملاحقة مدبري انقلاب 89 تصفية للخصومة
Author: Mohd Ibrahim
Date: 11-14-2019, 03:24 PM
Parent: #7
افشل سياسي مر علي تاريخ السودان المعاصر ...
|
Post: #9
Title: Re: غازي- ملاحقة مدبري انقلاب 89 تصفية للخصومة
Author: Omer Abdalla Omer
Date: 11-14-2019, 03:37 PM
Parent: #8
قال بلا حياء!
والله لكن إنت مفروض آخر من يتكلم عن الحياء.. الحبل على الجرار قول ليهو جاييك الدور يا دكتور!
|
Post: #10
Title: Re: غازي- ملاحقة مدبري انقلاب 89 تصفية للخصومة
Author: جمال ود القوز
Date: 11-14-2019, 05:41 PM
Parent: #9
أصلا لو هناك عدالة ناجزة مع الانقاذ ..
التي عشش الفساد في كل سنواتها ورموزها ..
زي غازي ده وغيرهم من جماعة الشعبي
ولا دايرين ليهم حجة زي انقلاب 89
ديل تقدر من طرف تجرهم توديهم كوبر
لكن نرجسية المدنية عدمت الثورية بالمره
هسه زي غازي ده حايم لي هسه بره ليه ؟ ..
وكمان بيتكلم ويتفاصح ـ لقد أمنوا العقوبة تماما
وعرفوا أن هناك من يحميهم فزادت جرأتهم
الجوه سجن كوبر ذاااتهم بما فيهم المخلوع ..
بعد شوية بيمرقوهم لعدم وجود أدلة على فسادهم ..
الفساد الكان راقد هبطرش هسه بقى مالاقين ليهو دليل ..
|
Post: #11
Title: Re: غازي- ملاحقة مدبري انقلاب 89 تصفية للخصومة
Author: adil amin
Date: 11-16-2019, 01:22 PM
Parent: #10
الانقلابات في السودان كلها وسخة ورجس من عمل الامريكان=المخابرات الامريكية والاقليمية
1958 و1969 و1989 وهسة الصجة دي برضها انقلاب 2019
|
|