الرجاء القاء نظرة علي متجري "اونلاين" daqmna.com المتواضع ولكم الشكر

09:40 AM November, 14 2019

سودانيز اون لاين
محمود الدقم-England
مكتبتى
رابط مختصر

https://daqamna.com/؟key=eefd0da41f37a299e3db26a7dcfff35488839bea684ffb1d962818378e45c29chttps://daqamna.com/؟key=eefd0da41f37a299e3db26a7dcfff35488839bea684ffb1d962818378e45c29c
قمت بتصميمه ورفعت كل المنتجات
السوق المستهدفه:
هي الولايات المتحدة الامريكية واستراليا وكندا والماننيا وبريطانيا
العملة:
الدولار
المنتجات:
عام
رايكم يهمني وخصوصا من له علاقة بالتسويق الالكتروني، ومن يرغب في تصميم موقع تجاري مع كل المنتجات عليه الاتصال بنا علي [email protected]
في حال عدم ظهور الموقع معك الرجاء عمل بيست ثم الذهاب الي غوغل وفي اداة البحث اعمل كوبي وسيظهر لك الموقع كاملا
عواصف الشكر

.daqamna.com

ول ابا الدقم،

بالتوفيق ...
أنقر في الوصلة التالية .. أو أعمل كوبي أند بست

https://daqamna.com

بريمة

شغل ممتاز يا محمود .

يا ريت تضيف السلع السودانية ،
ايضا واحدة من أكبر مشاكل التسوق الألكترونى (خاصة عندنا نحن السودانيين) عملية الدفع الكرديت الكرديت كارد وال PayPal..
الناس هنا فى كندا تفضل الدفع بال debit او التحويل بالايميل اسمه Interac


انا عملت شغل اونلاين very unique قبل سنتين لكن لظروف السودان ، شغال على نطاق ضيق جدا .



يمكننا ان نتعاون مع بعض

Quote: يا ريت تضيف السلع السودانية ، ايضا واحدة من أكبر مشاكل التسوق الألكترونى (خاصة عندنا نحن السودانيين) عملية الدفع الكرديت الكرديت كارد وال PayPal.. الناس هنا فى كندا تفضل الدفع بال debit او التحويل بالايميل اسمه Interac انا عملت شغل اونلاين very unique قبل سنتين لكن لظروف السودان ، شغال على نطاق ضيق جدا . يمكننا ان نتعاون مع بعض

الاخ النصري سلامات وشكرا كتير علي المداخلة الهادفة، نعم مشاكل السودان فيما يتعلق بالدفع اللاكتروني ماساة حقيقة اذكر عام 2014 مشيت الخرطوم وكان عندي مشروع تجاري بعتمد بشكل اساسي علي Paypal
وقابلت مدير البنك شخصيا والله طلع ما بعرف البيبال دا شنو؟ والموضع طرشق طبعن.
المنتجات السودانية شغل طويل وعايز راس مال كبير وجمارك السودان بضبحوا الزول عديل بهرقوك بالضرائب والتراخيص الوارد والصادر ومكتب وسجل تجاري وعدد موظفين الخ، معظم شغلي قائم علي البيع بالعمولة
بما فيه المتجر المعروض في البوست دا.
اكثر من سبعين منتج ما دفع فيهم ولا تعريفة كلوا شغل قانوني بطريقة معينة وبقبض من الزبون وبدفع للتاجر، واهلا بك نتعاون معاك طوالي ومع اي اخ واخت راغب يدخل الجنة دي :) وتسلم كتير

الاخ بريمة امورك واخبارك وشكرا ليك كتير حاولت اكثر من مرة لكن بجيني الرابط مكرر اشكرك شديد ياخ وتسلم وادينا رايك برضو

خطوة مباركة إن شاء الله ، افترح إنك تركز لينا في
المنتجات السودانية واللي صعب الحصول عليها هنا في أمريكا والعكس لناس السودان

سلام اخ ترهاقا وشكرا جزيلا علي مداخلتك الثرة بخصوص المنتجات السودانية صعب العمل فيها داخل الولايات المتحدة او كندا استراليا بريطانيا لانك لازم اولا تعرض هذه المنتجات علي مؤسسات الجودة التابعة لهذه البلدان مثل الكركدي او القنلقز وعموم المننتجات الغذائية والناس ديل ما عندهم رحمة لو لقو اي شائبة حتكون فيها سين وجين وممكن تنتهي بالمحاكم.

ولو سلمت منهم وطلع شغلك نضيف فانت عايز راس مال ضخم عشان تشحن بكميات تجارية وهنا كتائب الظل في السودان ما بترحم نهائي بيخادو منك ضرائب باهظة ليس من باب الدفع للخزينة بل من باب الانتقام، ولو حاولت تشتغل مراكب=احذية جلد نمر واصله الخ - فناس الرفق الحيوان ح يطاردوك قانونيا ودي غرامات اخير منها الموت :)
لذلك انا شايف حتي اخونا الكبير حمدوك يصلح الامور الناس تبدا تشتغل علي قدر ميزانتها وشكرا لك كثيرا

بالتوفيق إن شاء الله يا الدقم..

وين المنتجات السودانية ؟

الاخ الهادي شكرا لك المنتجات التي هي متجرنا اللاكتروني المتواضع هي اما من الصين او من داخل الولايات المتحدة باعتبار انا شغلي مؤقتا محصور في الولايات المتحدة باعتبارها اضخم سوق في الكوكب طيب لو عايز اي منتج سوداني الي اميركا مثلا قل الكركدي فانت لو عايز تشتغلوا بكمية تجاريه لابد من اذن Food and Drug Administration" FDA" وهي منظمة اميركية تعني بجودة الاطعمة والادوية وخلوها من اي اختلاطات مضرة بصحة المواطن، ولو نفد منهم بجلدك سالم بتدخل في موضوع الترخيص داخل اميركا والضرائب الخ، مضافا الي ذلك انت حتشحن بكم من السودان كما ونوعا؟ والتخزين وتكاليف الشحن غير تراخيص السودان الفظيعةالامر ينطبق علي الجلود والصمغ العربي والماكؤلات الخ.موضوع المنتجات السودانية فكرت فيهو عام 2008 بس وجع قلب، لانو يحتاج لراس مال فوق ربع مليون دولار لذلك حصرت شغلي في المتاجر اللكترونية ودا واحد منها حيث لا مكاتب لا شحن ولا غيرو شغلي كلوا من البيت من الحديقة من الطائرة من ايب مكان الا السودان لانوا ما عندما خدمة البيبال.شغل الجلابيب والتياب السودانية ما ذو جدوي في الغرب مافي زول بلبس جلابية الا في الاعياد وحتي التياب النسائية الا في المناسبات فقط حيث طبيعة المناخ والبرد او العمل لا اعتقد بتسمح للمراة السودانية مثلا في بيرطانيا او اميركا استراليا الخ تمشي الشغل بتوث سودانيشكر لك كثيرا

لا لا ..انا ما قاصد الدفع الألكترونى لسودانيين فى الداخل. انا قاصد السودانيين فى الخارج .يعنى مثلا يكون عندك فى المتجر الإلكتروني ده ركن للمنتجات السودانية فى كندا و أمريكا. يعنى لو انا داير اشترى جلاليب سودانية و تصلنى فى منزلى فى كندا ؛ ادفع أونلاين. تياب سودانية ؛ بهارات سودانية الخ ...باختصار كل العملية تتم فى كندا بس البضائع سودانية المنشأ. انا عملت متجر الكترونى لكن الدفع بالواتساب لناس كندا فقط .تدفع لى دولارات كندية فى كندا ؛ اسلم اهلك فى السودان بضائع سودانية.

والله يا محمود والنصري كانكم بتتكلموا كلام الطير في الباقير (مع اني ما بعرف المثل ده جاي من وين ، وطير الباقير ده مختلف ولا شنو)..ولكن عاوزة اعرف هل انتو عملتو شركة زي امازون وتبيعوا أي شئ الكترونيا وتوصلوا البضاعة عندي لغاية قدام الباب ولا الحكاية شنو ...كدي أشرحوا لينا خطوة خطوة ...

جميل والله بس يا ريت تعمل صور للاثار السودانية كاكسووارات وكمان مكتبه لبيع الكتب السودانية
في شكل صالة عرض كتب للقراءة بالدفع المسبق او الشراء
ايضا عبر البريد والدي اتش ال

Quote: جميل والله بس يا ريت تعمل صور للاثار السودانية كاكسووارات وكمان مكتبه لبيع الكتب السودانية في شكل صالة عرض كتب للقراءة بالدفع المسبق او الشراء ايضا عبر البريد والدي اتش ال

سلام اخي عادل الاكسسورات السودانية فكرة جميلة فعلا طبعن عايزة شوية بحث وتقصي واعتقد انها مربحه ايضا اما الكتب السودانية الا تكون رقمية فممكن شكرا كتير لك

العزيزة امتثال عواصف الود والتقدير، نعم انا شخصيا عملت الموقع الذي بين ايديك - للاسف كل ما احاول اكتب اللنك بجيني ملخبط مش عارف ليه- بس طبعا مش زي امازون الذي يرتاده اكثر من مليار شخص اسبوعيا ، لو ما اكتر
كل ما عليك هو انك تطلبي او تشتري منتج معين وتكملي اجراءات الدفع عبر البيبال ومهمتي ان اقوم بشحن المنتج الي عنوانك علي ان يصلك المنتج في غضون اسبوع الي ثلاث اسابيع عمل.

بفكر اعمل ويبنار ندوة عبر الانترنت اعرف فيها الناس ما هي التجارة اللكترونية وكيف تؤسس ليك متجر الكتروني، وماهي المعايير التي تدل علي قوة المنتج تنافسيا، وشحنه من والي وابرز شركات الشحن والموردين وكيف تتعامل معاهم وتراسلهم
وكيف ترسل لهم محققين يحققوا ليك اسم الشركة التي تتعامل معاها ويتحققو عن جودة المنتج الخ.
شكرا كتير لك

شكرا محمود على الشرح والتوضيح..
لكن تحيتك "عواصف الود والتقدير " تحية اوسكار...وعجبتني شديد
..ولك عواصف الشكر والامتنان ...

الصورة فتلت البوست لتعديل مقاس الصورة .

تحياتى الدقم

الف مبروك وبالتوفيق

الاعلان والترويج للمتجر مهم لكسب الذبائن .

سلامات محمود ومبروك الموقع ونتمنى يترفع السودان من قائمة الدول الداعمة للإرهاب عشان تتفتح الأسواق الالكترونية

بالنسبة لموقعك واضح لي إنك عامله داخل
Shopify
باشتراك شهري 29 دولار وباستخدام قالب
Brooklyn
المجاني.
طيب مبدئياً كدة القالب تعبان لأنه ما بيتيح ليك كبينة عرض كبيرة تعرض فيها أكبر قدر من المنتجات. ومع الأسف ما عارف لي قالب شوبيفاي كويس
ورغم إنه شوبيفاي بتوفر ليك الأمان وإدارة السيرفر وبتريحك من تفاصيل تقنية كتيرة، بس إذا بتقدر تنتقل لي برمجية تانية أنا شايف أبرك ليك لأنه إذا المتجر كبر ما بتقدر تواصل بي موظفين بس وحتحتاج تدفع 79 دولار
برضو أنا ما عارف هم بيدوك تحكم في البرنامج لأي مدى لأنك حتحتاج إضافات في الموقع زي اللايف شات مثلاً فهل بسمحوا ليك بتنصيب برمجيات خارجية أم لا دي حاجات مفترض تفكر فيها
ثانياً عشان تبدأ قوي لا بد إعلانات على قوقل وفيسبوك وتويتر يعني تطلع أقلاها 5000 دولار شهرياً للاعلانات
وقبلها لا بد من عروض تخفيضات مغرية للزوار الجدد

المهم
دي حاجة سريعة كدة وانا شغال يمكن ارجع ليك تاني لاحقاً

مبرووك - شغل جيد وربنا يوفقك يا دقم .....

Quote: مبرووك - شغل جيد وربنا يوفقك يا دقم .....

الاخ الكرم جمال ودالقوز شكرا لك انت ايضا كتير وكتر خيرك ودعواتك وتسلم علي الكلام الطيب يا اصيل

Quote: سلامات محمود ومبروك الموقع ونتمنى يترفع السودان من قائمة الدول الداعمة للإرهاب عشان تتفتح الأسواق الالكترونية بالنسبة لموقعك واضح لي إنك عامله داخل Shopify باشتراك شهري 29 دولار وباستخدام قالب Brooklyn المجاني. طيب مبدئياً كدة القالب تعبان لأنه ما بيتيح ليك كبينة عرض كبيرة تعرض فيها أكبر قدر من المنتجات. ومع الأسف ما عارف لي قالب شوبيفاي كويس ورغم إنه شوبيفاي بتوفر ليك الأمان وإدارة السيرفر وبتريحك من تفاصيل تقنية كتيرة، بس إذا بتقدر تنتقل لي برمجية تانية أنا شايف أبرك ليك لأنه إذا المتجر كبر ما بتقدر تواصل بي موظفين بس وحتحتاج تدفع 79 دولار برضو أنا ما عارف هم بيدوك تحكم في البرنامج لأي مدى لأنك حتحتاج إضافات في الموقع زي اللايف شات مثلاً فهل بسمحوا ليك بتنصيب برمجيات خارجية أم لا دي حاجات مفترض تفكر فيها ثانياً عشان تبدأ قوي لا بد إعلانات على قوقل وفيسبوك وتويتر يعني تطلع أقلاها 5000 دولار شهرياً للاعلانات وقبلها لا بد من عروض تخفيضات مغرية للزوار الجدد المهم دي حاجة سريعة كدة وانا شغال يمكن ارجع ليك تاني لاحقاً

الاخ احمد محمد عمر سلامات واشكرك كثيرا علي القراءة الممتازة بس خليني اختلف معك شوية في القالب بروكلين حيث يعتبر من اجود القوالب المتاحة مجانا للمستخدمين وعليها طلبات عالية جدا من قبل المستخدمين
وفي ناس كتير جدا حققت ارباح ممتازة من وراء هذا القالب.

تكمن اهمية القالب في ممكن تستخدم لعدة Niche " مجال معين تتاجر فيه" سواء كان مجال منتج واحد منتجات الاطفال مثلا او منتجات عامة متعددة زي ما في متجري المتواضع، المتجر حتي لو عملت ليهو upgrade مستقبلا ودفعت ال 79 دولار اكيد بتكون في مزايا اخري مرافقة، حتي بروكلين فيهو خدمات وتطبقيات مجانية توصلك مع الجمهور وفي تطبيق auto response الرد التلقائي للزبائن
بخصوص الدعاية نعم مهمة جدا لكن ممكن تدفع اعلانات ب 150 دزلار وتعود ليك ب 890 دولار صافي ربح والعافية درجات واشكرك شديد مرة اخري علي المداخلة المهمة جدا تسلم

Quote: تحياتى الدقم الف مبروك وبالتوفيق الاعلان والترويج للمتجر مهم لكسب الذبائن .

الاخ العزيز علاء احترامي الكبير وتسلم كثير ا نعم الاعلان والترويج دا المحك الاساسي لاي بزنس خصوصا الاونلاين بزنس عايز جهد ومال ودراية وتجريب كتير دعواتك وياريت لو عندك اي اقتراحات وتسلم مرة اخري

الاخ محمود.. سلام
زرت الموقع و التصميم جيد.. و طبعا البضائع دى فى شركاتها ما مخزنة عندك و شركتك عندها اجر المناولة بس. بعدين صفحة about us ادتنى خطإ 404 (الملف لم يوجد)! بس لقيت المعلومة فى الصفحة الرئيسية.. و حاجة تانية ما فى عنوان الشركة حقتكم. او الإيميل.. معليش اصبر معاى.
يمكن انا استعجلت فى القراية و فاتت على.
1. ما شفت سياسة الإسترجاع return policy
2. ما شفت سياسة الخصوصية privacy policy
اخيرا سؤال:
هل متاكد الشحن مجانى لكل وجهات العالم.؟

تحياتى

سلام الاخ ابوالريش
المتجر ما اكتمل بالصورة النهائية المطلوبة لقد قمت بتصميمه وبتشغل فيهو وبشوف البرامج المتاحة شنو الخ، نعم الشحن مجانا لكل انحاء العالم لكن تركيزي منصب علي الولايات المتحدة لانوا الشحن ليها في حدود
اسبوع الي ثلاث اسابيع عمل، طبعن تكاليف الشحن اصلا انا بشملها من داخل المنتج يعني مثلا انك عايز تشتري منتج معين ما فانا بشتريهو من الشركة ب خمسين سنت، وتكاليف الشحن الي الولايات المتحدة ب3.00$ بقوم ببيعو ليك ب 10.50 بكون هامش الربح بتاعي 7$
لدول الاتحاد الاوروبي نفس الشيء بس ممكن تسعيرة الشحن تزيد خمسين سنت او تنقص خمسين سنت، برضو ربحان من اجل ذلك قلنا الشحن مجانا لانحاء العالم
باختصار تكاليف الشحن بتاعت شركات الشحن بدفعها الزبون وانا بدخلها ضمن السعر العام للمنتج وبخصم لاحقا الربح وهكذا شكرا لك كثيرا

شغل جميل وموفق ومسدد يارب
طيب لو ممكن الواحد عاوز يعرض منتجات عبر المنصة حقك كيف الطريقة
وكيف الاستلام والتسليم علما انه خارج الولايات المتحدة
تحياتي

https://www.0zz0.com

الاخ كرمبا امورك واحاويلك وزارتنا البركات وشكرا علي تصوير الصفحة بتاعت الموقع احتراماتي المهولة التي تعلم وارقد عافية

Quote: شغل جميل وموفق ومسدد يارب طيب لو ممكن الواحد عاوز يعرض منتجات عبر المنصة حقك كيف الطريقة وكيف الاستلام والتسليم علما انه خارج الولايات المتحدة تحياتي

شكرا مرة اخري اخ عمر وومكن لو سمحت رسل لي هذه المنتجات عبر البريد الالكتروني [email protected] وان شاءالله ادرسها وافيدك تسلم