حان الوقت للتاشيرة السياحية فى المطار لحاملى الجوازات الاجنبية / الأجانب

05:43 AM November, 12 2019 سودانيز اون لاين
النصرى أمين-كالغرى, كندا
مكتبتى
رابط مختصر

(adsbygoogle = window.adsbygoogle || []).push({});التاشيرة فورية فى المطار، 200 دولار (دعم لميزانية الدولة)الدفع كاش ، دولار حى . لا كرديت كارد لا فيزا ، كااااااااااش مطار الخرطوم نهاية اليوم فيهو مئات الآلاف من الدولارات ابصلعة.

أخونا النصري صباح الخير
كلامك صحيح مية المية و فكرتك صائبة..

لكن أظن حقه في الأول نصلح خدمات المطار و خدمات السياحة بتوفير الكتيبات الإرشادية في المطار و غيره

و توفير المواصلات للاماكن السياحية...البجراوية على بعد حوالي 200 كلم من العاصمة لا تجد لها مواصلات مباشرة و لا حافلة و لا غيره...

الموقع الأثري ذهبت قبل 3 سنوات...لا أجد أي شخص فيه سوى عدد من المعيز...

أما في البجراوية الشرفية وجدت موظفة و موظف دون أي خدمات أو معينات..و حوالي 3 جمال باركات..

لا توجد نقطة اسعافات أولية لو وقع شخص أو أصيب( من ركوب الجمل السياحي) و لا سيارة اسعاف و لا أي سيارة..

دعك من الكاميرات و الاستراحات و ...تحياتي

يا ناس الحكومة الذين يتاوقون البورد نتمنى دراسة الفكرة و سرعة التنفيذ.
السعودية ؛ اصعب دولة فى استخراج تاشيرة السياحة ؛ بدات قبل اسابيع نظام التأشيرة السياحية فى المطار .

اهلا محمد
كله جاى بس اول نطلع من الحفرة (الخندق) الرمانا فيها البشير دى

يا نصري، فكرتك دي غير مدروسة وغير ممكنة لدولة مثل السودان.

السعودية لم تفتح التأشيرة على عماها
فتحتها لمواطني الدول الغنية الذين لا يمكن أن يكسروا ركبة

فكرتك دي ح تفتح باب هجرة غير شرعية من الفقراء من حولنا ونحن ما ناقصين،
لكن معليش ممكن تحدد دول بعينها يسمح لمواطنيها بالدخول بتأشيرة من المطار زي السعودية
زي كل الدول الغربية ودول آسيا الغنية،
مواطني الدول الفقيرة ياخدوا التأشيرة من السفارات
وبس

بتبالغوا

بالله الزول يدفع 200 دولار عشان يجي يسيح وين؟
ينوم وين؟
يتوصل بياتو شارع؟


دي ما بنقدر عليها الا نحن البشيلو مننا 200 دولار لمان نمرق منها

تمام با ابوبكر
خلاص نبدا بالدول الغنية
امريكا و كندا و الدول الاوربية و دول الخليج و باقة من دول اسيا.

ناس تشاد و هاييتى و موزمبيق ياكلو نارهم

المقصود يامحمد السودانيين حاملى الجوازات الجوازات الاجنبية و ديل بالملايين . اما الأجانب الحقيقيين من الدول الغنية غالبا زياراتهم السودان بسبب العمل او الاستثمار.


ما اظن خلال الفترة الانتقالية الحكومة راجيه خير من السياحة لاسباب معروفة ؛ عشان
كده الحكومة تكد كدتها من التأشيرة

محمد الشيخ
٢٠٠ دولار ما كتيرة على التأشيرة...لان حامل الجواز الأمريكي بيمشي السفارة السودانية التأشيرة ب ٥٥ دولار ، ويكون ركب مواصلات ب٨٠ دولار ، وعذاب الانتظار في استقبال السفارة لحين الحصول على التأشيرة نقدرها مثلا ب١٠٠ دولار ، وإذا قالوا ليك تعال استلم الجواز اليوم التالي ضيف ٨٠ دولار للمواصلات مرة ثانية، وإذا جيت بعربيتك وتطلع من السفارة تلقى غرامة ب ١٠٠ دولار بانك واقف غلط في الشارع....يلا احسب شوف تكون خسرت كم !!؟؟مش احسن تمشي المطار وتسافر وتدف ٢٠٠ دولار في مطار الخرطوم و تريح نفسك من وجع الرأس...

نحن هنا فى كندا يا امتثال ؛ التاشيرة بمئة دولار كندا (لو مازادت السنين الأخيرة) و ترسلها بالبريد المسجل و تتصل تليفونيا أول يتاكدوا انك سودانى؛ زمان كان يطلبوا جنسية سودانية الخضراء ديك ؛
رسوم مئتين دولار ندفعها والله حامدين شاكرين عشان عيون حمدوك

خلاص ممكن تخفضوها الى 150دولار .. بس تلغوا العوارة الاسمها تسجيل الأجانب دى

لا كدى معليش
انا فاكر دايرين نستقطب اجانب

Quote: التاشيرة فورية فى المطار، 200 دولار (دعم لميزانية الدولة) الدفع كاش ، دولار حى . لا كرديت كارد لا فيزا ، كااااااااااش مطار الخرطوم نهاية اليوم فيهو مئات الآلاف من الدولارات ابصلعة.

فكرة صائبة جداُ ستدر على الخزينة العامة مبالغ طائلة الدولة فى جاجة ماسة لها .

تنفيذ الفكرة تتوقف على الدعم اللازم من وزارة الخارجية والسفارات :
مثلاُ سفارة السودان فى امريكا او بريطانيا او اى دولة اخرى تقوم بالترويج للتأشيرات السياحية
فى بروشورات وبعمل اعلانات فى الصحف الاكثر مبيعا فى الدولة المعنية .

كيف حالك يا النصري؟
يسوحوا وين حاملو الجوازات الأجنبية الشقيانين ديل؟ في السودان!!!! ياخوانا بلاش شطح ونطح. نحن مطار ما عندنا ... خليك من التسهيلات والخدمات التانية. علي "الغسم" لو الأمر بإيدي إلا أقفل السودان دا في وجه جميع الأجانب لمدة أقلها سبع سنوات لحد ما يبقى بيشبه الدول على الأقل. السودان مفروض يتقفل نهائي لحد ما يتنظّم ويتنضّف ويستعدل. في زول نصيح بيجي يسوح في بلد لم يُبارح عهد سيدنا شعيب بعد!!!!.
خبوبنا دا ما تخلوا الناس التانيين يشوفوه. أبقوا عشرة على خبوبكم.
نحن بعيدين بعد شديد يا النصري. بعيدين عن كل شيء يلمنا لمصاف الدول الجديرة بتعريف دولة. يا ريت أكون غلطان في نظرتي دي.

يا علاء ..ان شآء الله الحكومة تسمع الكلام و تنفذ.
سمعنا قالوا ناس الحكومة ديل ما بستشيروا زول

يا شنتير ؛ صلحنا العنوان و اضفنا كلمة (المطار) حتى المعنى يوضح .
كلمة سياحية دى لاوزت بالناس ؛ انا قصدى انه لزيارة السودان تحتاج لتاشيرة عمل او سياحية، فيزا دخول ...
ما كنت اقصد الجانب السياحى من القضية...
لكن طالما الكلام جاب الكلام ..اقول ليك حاجة....
لى عدة سنوات اتابع شركة سودانية متخصصة فى تنظيم رحلات الصيد للخليجيين ؛
ما بتتخيل الرسوم بتاعتهم قدر شنو..
شوف الاعلان ده كمثال :


https://ibb.co/Ypqj74H