الأمين العام للمؤتمر السوداني يصعد: الشيوعي لا يغير سكرتيره بعد أربعين عاماُ الا بالوفاة
دعا الأمين العام لحزب المؤتمر السوداني خالد عمر سلك، الحزب الشيوعي الى الخروج من تحالف قوى الحرية والتغيير حتى يكون الشيوعي متسقاً مع خطاب سكرتيره محمد مختار الخطيب، الذي اتهم حلفائه بالخيانة.
وقال سلك، في ندوة سياسية بجامعة الخرطوم نظمها ” مؤتمر الطلاب المستقلين ” الاثنين أول من أمس” الخطيب موجود في تحالف الحرية والتغيير، ويتهم رئيس الوزراء نفسه، عبد الله حمدوك، ويتهم الحرية والتغيير بأنها خونة وعملاء” وزاد ” الشيء الوحيد لكي تتسق مع خطابك لأنهم حلفاء وعملاء اخرج من التحالف وامضي كون تحالفك بدلاً أن تقول لهم تباً لك” وتدور داخل تحالف الحرية والتغيير حرباً شرسة بين مكوناته الأساسية متمثلة في الحزب الشيوعي من جهة، والمؤتمر السوداني، وحزب الأمة القومي ، من جهة أخرى. ويتهم الشيوعي حليفيه بقيادة خط الهبوط الناعم وتحويل مسار الثورة عن طريقها، وشن الخطيب هجوماً كذلك على رئيس الحكومة الانتقالية عبد الله حمدوك، واتهمه بالمشاركة في مؤتمر سري ترعاه مؤسسة ” تشاتم هاوس” البريطانية وتعمل ضد السودان، مثلما اتهم دول السعودية والامارات العربية المتحدة بدعم العسكريين لوقف تحقيق أهداف الثورة السودانية. وكان رئيس حزب الأمة القومي الصادق المهدي، رد بعنف على تصريحات الخطيب، واتهم الحزب الشيوعي بالسلفية والتخلف ودعم الدكتاتوريات.
وفي ذات السياق واصل الأمين العام للمؤتمر السوداني، طريق التصعيد مع الشيوعيين، ووصف الحزب بالدكتاتورية، وقال ” الماركسية اللينينية ضد الديموقراطية البرجوازية” وأضاف” لينين قال إن الانتقال من الدولة الرأسمالية الى الدولة الاشتراكية تتم عن طريق القمع ولم يقل عن طريق الديموقراطية” مشيراً ” أن الفكرة الشيوعية ضد الديموقراطية” وذكر سلك، أن الممارسة تثبت ذلك، فالأحزاب الشيوعية حكمت بالقمع والحزب الشيوعي السوداني أيضا نفذ انقلابين عسكريين، وأن سكرتيره أكمل أكثر من أربعين عاماً إلى أن توفى”.
للذين يتطاولون علي الحزب الشيوعي لن يدركوا أنه مدرسة المناضلين الشرفاء وعرين للوطنيين الانقياء لن تبلغوا شَأَوْه متي ولد حزبكم بالامس القريب كان نصف قيادات حزبكم من كوادر هذه الحزب العريق # وأنتم بذلك تعلمون أين أدب الزمالة ومنطقية الاختلاف
Post: #2 Title: Re: خالد سلك يدعو الشيوعي السوداني للخروج من � Author: علي دفع الله Date: 11-13-2019, 05:26 AM Parent: #1
Quote: دعا الأمين العام لحزب المؤتمر السوداني خالد عمر سلك، الحزب الشيوعي الى الخروج من تحالف قوى الحرية والتغيير
ههههههههههههههههههههه (بصوت محمد مصطفى عبد القادر والله صحي)
انت يا سلك لمن الحزب الشيوعي السوداني أسس قحت مع بعض الثوريين من الاحزاب ومنظمات المجتمع المدني وتجمع المهنيين انت وحزبك وحزب الامة كنتوا في اديس مع حزب المؤتمر الوطني تتناقشوا في رؤية 2020 والهبوط الناعم ولمن شفتوا الشارع كرب جيتوا جري على التوقيع على ميثاق الحرية والتغيير ما رفضناكم برغم حاجات كتيرة تجي انت يا جدادة الخلاء تطردنا من حاجة نحن اسسناها وحا نظل نعدل دفتها المميلة يا لك من حتة هابط ناعم
Post: #8 Title: Re: خالد سلك يدعو الشيوعي السوداني للخروج من � Author: إحسان عبد العزيز Date: 11-13-2019, 09:50 AM Parent: #2
للذين يتطاولون علي الحزب الشيوعي لن يدركوا أنه مدرسة المناضلين الشرفاء وعرين للوطنيين الانقياء لن تبلغوا شَأَوْه متي ولد حزبكم بالامس القريب كان نصف قيادات حزبكم من كوادر هذه الحزب العريق #
وهل هذا يعطيه الحق فى أن يتهم حلفائه أو غير حلفائه بالخيانة والتأمر!!!! الحزب الشيوعى بالامس ليس هو الحزب الشيوعى اليوم.ز وهذه هى الحقيقة
Post: #3 Title: Re: خالد سلك يدعو الشيوعي السوداني للخروج من � Author: Salah Zubeir Date: 11-13-2019, 05:45 AM Parent: #1
ابو الزوز ... صباحاتك بيوض ... خالد سلك قال :-
Quote: دعا الأمين العام لحزب المؤتمر السوداني خالد عمر سلك، الحزب الشيوعي الى الخروج من تحالف قوى الحرية والتغيير حتى يكون الشيوعي متسقاً مع خطاب سكرتيره محمد مختار الخطيب، الذي اتهم حلفائه بالخيانة.
Quote: الماركسية اللينينية ضد الديموقراطية البرجوازية
Quote: لينين قال إن الانتقال من الدولة الرأسمالية الى الدولة الاشتراكية تتم عن طريق القمع ولم يقل عن طريق الديموقراطية” مشيراً ” أن الفكرة الشيوعية ضد الديموقراطية
Quote: الممارسة تثبت ذلك، فالأحزاب الشيوعية حكمت بالقمع والحزب الشيوعي السوداني أيضا نفذ انقلابين عسكريين، وأن سكرتيره أكمل أكثر من أربعين عاماً إلى أن توفى”.
يا زهير خالد سلك طرح قضايا فكرية تعيب الحزب الشيوعي إذا كان يؤمن بها ... الي متين حا تظلو تهربو منها ... هسع هتافك دا تفتكر انو رد مناسب لمجموعة الحقائق التي ذكرها خالد سلك ولا الفهم شنو ....
Quote: للذين يتطاولون علي الحزب الشيوعي لن يدركوا أنه مدرسة المناضلين الشرفاء وعرين للوطنيين الانقياء لن تبلغوا شَأَوْه متي ولد حزبكم بالامس القريب كان نصف قيادات حزبكم من كوادر هذه الحزب العريق # وأنتم بذلك تعلمون أين أدب الزمالة ومنطقية الاختلاف
Post: #4 Title: Re: خالد سلك يدعو الشيوعي السوداني للخروج من � Author: MOHAMMED ELSHEIKH Date: 11-13-2019, 08:17 AM Parent: #3
Quote: الهبوط الناعم
اعتقد الهبوط الناعم شارك فيه الجميع دون فرز منذ عام 2005م بعد تم التخلص من "سلم تسلم"
تحياتي للاخ علي دفع الله والبقية
Post: #5 Title: Re: خالد سلك يدعو الشيوعي السوداني للخروج من � Author: علي عبدالوهاب عثمان Date: 11-13-2019, 09:16 AM Parent: #4
التحية للحبيب زهير .. الاحباب الكرام .. سياسة هكذا لا توجد ثوابت وكل حزب له مصحلة خاصة قبل سنة تقريباً الانقاذ سمح للحزب الشيوعي عقد مؤتمر لا أذكر في قاعة الصداقة أو قاعة أخرى .. المهم كان في وجود مكثف للانقاذيين بقيادة نافع على نافع
هكذا السياسة تبادل للمواقف حسب مصلحة الحزب وما يراه مناسباً الاختلاف في وجهات النظر والقراءات والنقد مهم جداً لإظهار الحقائق وتنوير المواطن
مع التحية للاحباب
Post: #6 Title: Re: خالد سلك يدعو الشيوعي السوداني للخروج من � Author: علاء سيداحمد Date: 11-13-2019, 09:18 AM Parent: #4
Quote: خالد سلك يدعو الشيوعي السوداني للخروج من الحرية والتغيير
الموضوع مكاواة ليس الا ,, سلك عايز يرد على الهجمة الشرسة التى مورست عليه خلال الايام السابقه بخصوص تصريحه المثير للجدل شعار " اى كوز ندوسو دوس " اقصائى .
Post: #7 Title: Re: خالد سلك يدعو الشيوعي السوداني للخروج من � Author: Abdullah Idrees Date: 11-13-2019, 09:40 AM Parent: #6
Quote: وفي ذات السياق واصل الأمين العام للمؤتمر السوداني، طريق التصعيد مع الشيوعيين، ووصف الحزب بالدكتاتورية، وقال ” الماركسية اللينينية ضد الديموقراطية البرجوازية” وأضاف” لينين قال إن الانتقال من الدولة الرأسمالية الى الدولة الاشتراكية تتم عن طريق القمع ولم يقل عن طريق الديموقراطية” مشيراً ” أن الفكرة الشيوعية ضد الديموقراطية” وذكر سلك، أن الممارسة تثبت ذلك،
لا اعرف هل خالد سلك غير مطلع على تطور الاحزاب الشيوعية حول العالم ام انه يضرب تحت الحزام ، ما تحدث عنه سلك هنا هو تاريخ الحركة الشيوعية ، الفكري او الحركي على السواء ولا يمكن اسقاطه على واقعنا الحالي في السودان او خارجه. التنظير الشيوعي اصلا لم يتوقف وهنالك احزاب شيوعية كثيرة حول العالم تخلت عن الكثير من اساسيات الماركسية اللينينية منذ ايام ماتسي تونج مرورا وهذا تطور فكري انساني طبيعي لا يرمي باصل الفكرة لكنه يحاول تطويرها. الان هنالك احزاب شيوعية ديمقراطية متسقة مع مبادئها واعتقد ان الحزب الشيوعي السوداني من بينها رغم هيمنة النموذج السوداني للاحزاب على بعض ملامحه مثل مسألة تغيير القيادة والتي يمكن ان ننسبها الى تطاول فترات الشمولية او حتى النزعة البطريركية عميقة الجذور في التاريخ الاجتماعي والسياسي للاقليم.
Post: #9 Title: Re: خالد سلك يدعو الشيوعي السوداني للخروج من � Author: علي عبدالوهاب عثمان Date: 11-13-2019, 09:57 AM Parent: #7
مع التحية الاحباب قبل قليل كنت أقرأ مقال جميل للاستاذ عمر الدقير عن النخبة السودانية .. المقال طويل ونشر قبل ساعة فقط في موقع النيلين الاخباري وهذه الفقرة من المقال نالت أعجابي وهي :
(( هذه مناشدة صادقة لكل قوى المعارضة أن تُقَدِّم ما هو جوهري على ما هو ثانوي وتترفع عن صراعاتها البينية التي تُلْحِق الأذى بقضية التغيير ويتضرر منها الوطن وشعبه، وأن تعمد إلى حوارٍ صادقٍ وشفّاف لتجاوز الفرقة وإشكاليات العمل المشترك ليتم توجيه السهام من كل الكنانات نحو الهدف الصحيح الشاخص أمام أعين الجميع. واجب الساعة يفرض على كل قوى التغيير أن تعي أنها تمثل ضِفافاً لجُرْحٍ وطني واحد أحدثته سكينٌ واحدة.. ولا يمكن للجرحى الذين أصابهم نفس العدو أن يتركوا عدوهم وينصرفوا لمهاجمة بعضهم إلا إذا كانت إصابتهم في صميم الوعي.))
مع التحية الحبيب زهير ..
Post: #10 Title: Re: خالد سلك يدعو الشيوعي السوداني للخروج من � Author: جمال ود القوز Date: 11-13-2019, 10:13 AM Parent: #9
الناس ما تترك الفعل وتدين رد الفعل .. ليه خالد سلك قال كلامه ده ؟!! .. التهمة بالتآمر والتخوين دي تهمة ساهله كده يعني ؟ .. خالد سلك له حق يرد على الحزب الشيوعي .. الحق حق ........
Post: #11 Title: Re: خالد سلك يدعو الشيوعي السوداني للخروج من � Author: Abdullah Idrees Date: 11-13-2019, 10:28 AM Parent: #10
Quote: الحق حق ........
اكيد عندو حق ، لكن ما يلخبط الكيمان ويجيب كلام فارغ بتاع سياسيين بغطاء فكري مائع وما عندو معنى. الفجور في الخصومة ما شيء ايجابي ابدا ونحن ما ناقصينو في المرحلة دي بالذات.
Post: #12 Title: Re: خالد سلك يدعو الشيوعي السوداني للخروج من � Author: عبدالعظيم عثمان Date: 11-13-2019, 10:37 AM Parent: #11
انت يا سلك لمن الحزب الشيوعي السوداني أسس قحت مع بعض الثوريين من الاحزاب ومنظمات المجتمع المدني وتجمع المهنيين انت وحزبك وحزب الامة ------------ سلامات علي دفع الله الكلام الفوق دا جبتو من وين؟ يوم ١ يناير 2019 تم التوقيع علي إعلان الحرية والتغير الكتل الأربعة (بدون نداء السودان) الوقت على الإعلان فيهم ثلاثة اتحادين والتوقيع تم في بيت اتحادي كله عشان التأمين كيف الشيوعي أسس قحت؟
سلك ما خاتي عليكم تحياتي
Post: #13 Title: Re: خالد سلك يدعو الشيوعي السوداني للخروج من � Author: عبدالعظيم عثمان Date: 11-13-2019, 10:46 AM Parent: #12
انت يا سلك لمن الحزب الشيوعي السوداني أسس قحت مع بعض الثوريين من الاحزاب ومنظمات المجتمع المدني وتجمع المهنيين انت وحزبك وحزب الامة —------------------------------- الأربعة الوقعوا على إعلان الحرية والتغيير في اليوم الأول 1-محمد ناجي الأصم (تجمع المهنيين) 2-عزالعرب حمد النيل(التجمع الاتحادي المعارض) 3-عبدالرحيم عبدالله(الإجماع الوطني) 4-حامد نور(منظمات المجتمع المدني)
الاربعة الفوق ديل فيهم ثلاثة اتحادين الشيوعين سلبطتكم دي ما بتخلوها كله كله
كيف يكون الحزب الشيوعي هو الأسس قحت
Post: #14 Title: Re: خالد سلك يدعو الشيوعي السوداني للخروج من � Author: محمد البشرى الخضر Date: 11-13-2019, 11:24 AM Parent: #13
نقطة أن يحترم عضو التحالف زملاؤه و لا يخوّنهم أو يترك التحالف مع من يراهم خونة من اليوم الأول بح صوتي بها منذ ايام بيانات الشيوعي الصبيانية التي كان يفاوض باليمين و يصدرها بالشمال! كلام سلك سليم, ان كان الشيوعي يرى في حلفائه خونة فليترك التحالف معهم أو ليطردهم من التحالف ما الذي يجبرك ان تضع يدك في يد الخونة!
لكن بصفة عامة ما يجري من صراعات اليوم مؤسف ولا يصب في صالح الثورة و العهد الانتقالي بل في صالح من يتمنون اعادة عقارب الساعة للوراء.
Post: #15 Title: Re: خالد سلك يدعو الشيوعي السوداني للخروج من � Author: Yasir Elsharif Date: 11-13-2019, 11:55 AM Parent: #14
Quote: لكن بصفة عامة ما يجري من صراعات اليوم مؤسف ولا يصب في صالح الثورة و العهد الانتقالي بل في صالح من يتمنون اعادة عقارب الساعة للوراء.
سلام للجميع وشكرا يا محمد البشرى
دي الخلاصة المهمة
السؤال هو كيف يمكن لقوى الحرية والتغيير أن تعيد الوحدة واللحمة بين فصائل التحالف؟؟ حقو واجب الثوار يكون الإجابة على هذا السؤال!!
Post: #16 Title: Re: خالد سلك يدعو الشيوعي السوداني للخروج من � Author: Elhadi Date: 11-13-2019, 11:56 AM Parent: #14
باستثناء الحزب الشيوعي السوداني
فكل قوى الحرية والتغيير عبارة عن ... راء ليس إلا
والحزب الشيوعي زاتو لو وافق على المهزلة الماشة دي يكون زيهم سواء بسواء ـ
لكن مواقف الحزب الشيوعي لحدي الآن أرى ومن وجهة نظري الشخصية كزول مواطن ساي وغير منتمي سياسياً لأي جهة أرى انها معقولة وملتزمة جانب الجماهير وشعارات الثورة الأساسية
والكيزان أساساً ومعاهم باقي عواليق الانقاذ لا يقيموا وزن لأي قوى سياسية عدا الحزب الشيوعي، حتى حزب الأمة صاحب القاعدة الجماهيرية الأكبر من بين الأحزاب السودانية الكيزان بيعرفوا يسيروهو كويس
أما ما يسمى بالسنابل فديل في تقديري عبارة عن ظاهرة صوتية ليس إلا.. وفقاعة لا أكتر ولا أقل..
خالد سلك شنو كمان العاوز يخت رأسو بي رأس الحزب الشيوعي ـ انتو جادين ؟؟ ـ خالد سلك يدعو الحزب الشيوعي ؟؟ هزلت ـ والله العظيم هزلت
Post: #17 Title: Re: خالد سلك يدعو الشيوعي السوداني للخروج من � Author: محمد البشرى الخضر Date: 11-13-2019, 12:00 PM Parent: #16
انت يا الهادي ليك كم من السودان؟
Post: #18 Title: Re: خالد سلك يدعو الشيوعي السوداني للخروج من � Author: Elhadi Date: 11-13-2019, 12:04 PM Parent: #17
يعني الزول البرة ما عندو رأي ولا شنو يا ود البشرى ؟؟
ما الحاصل ده حاصل قدامنا وكلنا شايفنو ومتابعين تفاصيلو
Post: #20 Title: Re: خالد سلك يدعو الشيوعي السوداني للخروج من � Author: محمد البشرى الخضر Date: 11-13-2019, 12:23 PM Parent: #18
لا العفو يا الهادي كيف ما عندك راي ما كل الناس دي برة ومتابعة, لكن قصدي اذا انت طوّلت من السودان ما حتكون متابع انتشار حزب المؤتمر السوداني في اوساط الشباب الحزب كان تقريبا الوحيد الناشط على مستوى الشارع وكذلك حركة كفاية قبل اندثارها في الفترة الأخيرة كلامك فهمت منو انك محتفظ بالصور الانطباعية الزمااااان ديك عن الحزب الشيوعي المؤتمر السوداني هو حزب المستقبل و لو قارنت بمتوسط اعمار عضويته مع الحزب الشيوعي ح تعرف المستقبل لمنو
Post: #19 Title: Re: خالد سلك يدعو الشيوعي السوداني للخروج من � Author: Hafiz Bashir Date: 11-13-2019, 12:13 PM Parent: #16
Quote: ” الماركسية اللينينية ضد الديموقراطية البرجوازية” وأضاف” لينين قال إن الانتقال من الدولة الرأسمالية الى الدولة الاشتراكية تتم عن طريق القمع ولم يقل عن طريق الديموقراطية” مشيراً ” أن الفكرة الشيوعية ضد الديموقراطية” وذكر سلك، أن الممارسة تثبت ذلك، فالأحزاب الشيوعية حكمت بالقمع والحزب الشيوعي السوداني أيضا نفذ انقلابين عسكريين، وأن سكرتيره أكمل أكثر من أربعين عاماً إلى أن توفى”.
إذا إفترضنا يا سلك إنو الإتساق بيستدعي أن يعلن الحزب الشيوعي خروجه من قحت بعد أن وصف بعض مكوناتها بأنهم حلفاء وعملاء، فالإتساق أيضاً يا سلك هو أن لا ترضى أنت ولا حزبك من البداية الدخول في تحالف يضم الحزب الشيوعي إذا كنت ترى الحزب الشيوعي السوداني بمثل وصفك أعلاه.
يعني ببساطة إذا دي نظرتكم للحزب الشيوعي السوداني يا مؤتمرجية، من البداية داخلين معاهو في تحالف واحد مالكم؟
Post: #21 Title: Re: خالد سلك يدعو الشيوعي السوداني للخروج من � Author: عبدالعظيم عثمان Date: 11-13-2019, 12:26 PM Parent: #19
ستبدأ حفلات الشواء والنبيشة، الشيوعين حيمشوا فداسي ينبشوا ورا سلك عشان يحرقوا شخصيته لأنه هبش الحزب الشيوعي وحتعفروا كيف الأيدلوجيا تعمي أبصار الشيوعين سلك ستتم استباحته وحتتفرغ فيه سموم الدنيا والعالمين
Post: #23 Title: Re: خالد سلك يدعو الشيوعي السوداني للخروج من � Author: محمد البشرى الخضر Date: 11-13-2019, 12:53 PM Parent: #21
Quote: ستبدأ حفلات الشواء
بدت يا عظمة أولريدي الفيديو قبل يومين المن تسعة او عشرة شهور و تم نشره منزوع من السياق و مبتور لرفض سلك لشعار اي كوز ندزسه دوس كان أحد الشوايّات! قصة خالو جمال الوالي برضو وما تنسى التهمة العبيطة بتاعة قبض 17 مليون دولار من الامارات هسي ينفضوا الغبار عنها من تاني
Post: #22 Title: Re: خالد سلك يدعو الشيوعي السوداني للخروج من � Author: محمد البشرى الخضر Date: 11-13-2019, 12:50 PM Parent: #19
دا كلام شنو يا مولانا!! انا اتحالف معك على هدف معيّن لا دخل له برأيي فيك وفي سياستك ومنهجك, الخلاف بيننا ليس هذا محله طالما تواضعنا و اتفقنا على هدف واحد, دا لسان حال خالد مع الشيوعي لكن لا يمكن تظل على تحالفك المرحلي محدد الاهداف معي وانت تراني خائنا لهذه الأهداف! ودا لسان حال الشيوعي لذا لا تستقيم مقارنتك يا مولانا
Post: #24 Title: Re: خالد سلك يدعو الشيوعي السوداني للخروج من � Author: عبدالعظيم عثمان Date: 11-13-2019, 12:54 PM Parent: #22
إذا عاوزين تحاصروا سلك شخصيا جيبوا ليه كلامه عن إنتخابات 2020 والاندغام في النظام السياسي بتاع البشير حاصروه بي مواقفه وابعدوا عن شخصيته
Post: #25 Title: Re: خالد سلك يدعو الشيوعي السوداني للخروج من � Author: Hafiz Bashir Date: 11-13-2019, 01:31 PM Parent: #24
سلام يا ود البشرى
Quote: طالما تواضعنا و اتفقنا على هدف واحد
هو ما هدف واحد. هو عدة أهداف نص عليها إعلان قوى الحرية والتغيير من بينها إسقاط النظام السابق وهو هدف مشروع لتحالف كليهما
ولكن هنالك واحد من الأهداف متعلق بالانتقال من نظام شمولي يتحكم فيه حزب واحد إلى نظام تعددي يختار فيه الشعب ممثليه. بالتأكيد لن أتحالف مع حزب يستند إلى فكرة ضد الديمقراطية لتحقيق هذا الهدف وخصوصاً إذا كانت هذه الفكرة تدعمها الممارسة كما قال خالد سلك
.
Post: #27 Title: Re: خالد سلك يدعو الشيوعي السوداني للخروج من � Author: Elhadi Date: 11-13-2019, 01:56 PM Parent: #25
Quote: , لكن قصدي اذا انت طوّلت من السودان ما حتكون متابع انتشار حزب المؤتمر السوداني في اوساط الشباب الحزب كان تقريبا الوحيد الناشط على مستوى الشارع وكذلك حركة كفاية قبل اندثارها في الفترة الأخيرة كلامك فهمت منو انك محتفظ بالصور الانطباعية الزمااااان ديك عن الحزب الشيوعي المؤتمر السوداني هو حزب المستقبل و لو قارنت بمتوسط اعمار عضويته مع الحزب الشيوعي ح تعرف المستقبل لمن
كان زمان يا محمد وقت انحنا شفع في حاجة اسمها ( حزب البعث العربي الاشتراكي ) أيام بدر الدين مدثر وتيسير مدثر وشوقي ملاسي.. في التمانينات أيام الديمقراطية
وكانوا مدعومين دعم تقيل من صدام حسين ونظام البعث في العراق ـ أيام كان العراق فيها قروش ديك ـ ومجلة الدستور وبتاع .. فشنو انحنا قلنا الليلة البعثيين ديل يكتسحوا الانتخابات بقروشهم الكتيرة دي
وبرضو نفس كلامك ده حصل ليهم زي انتشار وسط الشباب ـ المهم ده الكنا شايفنو الوقت داك (على جهلنا وصغر سننا).. وجات الانتخابات الحرة والنزيهة ـ الناس دي ما فازوا ولا بي دائرة واحدة ـ
لا دوائر جغرافية ولا خريجين ولا أي شيء ـ هزيمة كاسحة .. ساحقة ـ ماحقة يعني عبر صناديق الاقتراع..
وده نفس الحا يحصل للسنابل حتى لو كانوا مدعومين من الإمارات ولا غيرها، يمكن البعث كان مستند على فكرة القومية العربية ( غض النظر عن رأي ورأيك فيها)..
لكن السنابل ديل شنو أو بيمثلوا شنو ؟؟ .. ده حزب لا بلا لون ولا طعم ورائحة وسريعاً ما سيتبخر في الهواء ـ وانت في وأنا في
Post: #26 Title: Re: خالد سلك يدعو الشيوعي السوداني للخروج من � Author: علي عبدالوهاب عثمان Date: 11-13-2019, 01:36 PM Parent: #24
التحية للاحباب .. دائماً ما يتم شخصنة الخلاف السياسي قبل أيام كنت جالس في جمعيتنا في جدة مع الشباب كانوا متحمسين جداً نقاش حاد .. طبعاً نحن لم نشارك لعامل السن .. القصة حول ( كوز ندوسو دوس ) واعتراض خالد سلك أرجعوا سبب كلام خالد سلك ( لأن خالو جمال الوالي كوز ) عندما اعترضت على الموضوع فتح التلفون وقرأ لي كلام منشور عن خالد سلك خالد سلك خالو ( جمال الوالي ) ما عارف المحامي أديب ( كان مستشار قانوني لقوش ) و الأصم ( والده كان رئيس لجنة انتخابات البشير )
واشياء من هذا القبيل ..
ليتنا نترك الشخصنة .. ونتجه نحو برنامج سياسي نفس الذي كان يحصل أيام الديمقراطيات السابقة كنا نستمتع بكارتيرات عزالدين .. والمناكفات السياسية رغم صعوبة الحصول على الصحف في الاقاليم البعيدة وهكذا ضاعت الفترة الاولى والثانية للديمقراطية .. الله يهون
\
Post: #28 Title: Re: خالد سلك يدعو الشيوعي السوداني للخروج من � Author: كمال عباس Date: 11-13-2019, 02:40 PM Parent: #26
خالد سلك متواضع القدرات الفكرية وأبرز دليل علي ذلك تعليقه في عز الثورة والقمع عن شعار أي كوز ندوسو ندوس ! ولكن الأخطر تصريحه قبل ثورة ديسمبر 2018 بشهور قليلة مشككا في إمكانية قيام ثورة بالسودان بل طاعنا في الفعل الثوري الجمعي - مافي حاجة إسمها جماهير وإنما في أفراد ورؤي فردية - حيث جعل الفرد مقابل الجماهير ومتجاوز لها - وهو قول سطحي غرق في السذاجة فلا يطعن في المزاج العام والحراك الجماعي والواعز الجماهيري إلا شخص يائس لايستطيع إستقرأ الواقع وتحليل الظواهر الإجتماعية ! فعل هذا كمنصة للدفاع توجهه الداعي لخوض أنتخابات 2020 الإنقاذية بإعتباره الخيار الوحيد للتغيير
Post: #29 Title: Re: خالد سلك يدعو الشيوعي السوداني للخروج من � Author: كمال عباس Date: 11-13-2019, 03:27 PM Parent: #28
تحياتي أخ عبد الله إدريس لا اعرف هل خالد سلك غير مطلع على تطور الاحزاب الشيوعية حول العالم ام انه يضرب تحت الحزام ، ما تحدث عنه سلك هنا هو تاريخ الحركة الشيوعية ، الفكري او الحركي على السواء ولا يمكن اسقاطه على واقعنا الحالي في السودان او خارجه. كلامك سليم فخالد سلك - إما أن يكون جاهل بهذه الأبجديات الفكرية والمفاهيمية وإما أن يكون مدلس - ومُضلل - ففي عز المد الشيوعي والإشتراكي في الخمسينات والستينات - كانت هناك مدرسة في أوربا الغربية - إشتراكية ديموقراطية - وأحزاب شيوعية وماركسية ديموقراطية في إنجلترا وفرنسا وإيطاليا الخ * ممكن جدا أن تتبني المنهج الماركسي - الجدلي دون أن تلتزم كعقيدة بإستنتاجات مر كز حول ضمور الدولة وديكتاورية البولتاريا أو حتي أن تكون لينينيا ! أو بشرط التمسك بأقوال ماركس الشاب ! * الديموقراطية الغربية ليست عقيدة جامدة - وإنما هي إطار ووعاء يمكن أن تطرح عبره إقتصاد رأسمالي خالص أو إقتصاد إشتراكي أو إقتصاد مختلط * ثانيا يمكن أن تكون ديموقراطي تعددي من دون أن تكون ليبرالي - فالليبرالية تقوم علي الحرية الفردية والشخصية المطلقة والإقتصاد الفرد المنفلت والواقع أن التيار الليبرالي - يعد تيار محدود يقع يسار الحزب الديموقراطي في أمريكا ومعظم المحزبيين غير ليبراليين! ثالثا الحزب الشيوعي السوداني يحكم عليه عبر برنامجه وأدبياته الخاصة - فهو الآن لايتبني اللينينية ولكنه يأخذ بالمنهج الماركسي منفتحا علي منجزات الإنسانية والفكر البشري - متبنيا الديموقراطية التعددية كخيار إستراتيجي
Post: #30 Title: Re: خالد سلك يدعو الشيوعي السوداني للخروج من � Author: adil amin Date: 11-13-2019, 03:43 PM Parent: #29
والله احسن خبر يطلع من ق ح ت ويشوف قوى ديمقراطية نظيفة سودانية حقيقية ينضم اليها جايو السؤال يا سجم الرماد بعد الاستقلال من من تضرر احزب الشيوعي الضرر الفادح والحقيقي والمدمر طرد النوب من القوى الرجعية المرتبطة بالاستعمار الختمية والانصار ولي من ادوات المخابرات الكصرية الناصريين والبعثيين في انقلاب مايو 1969 وادوات التنظيم الدولي للاخوان المسلمين والترابي الرخيص وبيوت الاشباح من 1989-1999؟ قلنا الحزب الشيوعي قدم تضحيات جسيمة احسن يخرج من قح ت دي فعلا ويعمل اذاعة FM ,وبخاطب الشعب السوداني بي برنامجو هو فقط ويتحالف بس مع قوى ديمقراطية وحركات محترمة ذى الحركة الشعبية شمال الاصل والاتحادي الديمقراطي الاصل وحركة تحرير السودان عبدالواحد نور وموسي هلال صحوة القبائل ...احسن يخرجو فعلا لان برنامجهم بقى اقرب لبرنامج الهامش وليس النخبة السودانية وادمان الفشل ويختي والعروبيين الكيزان ديل ويرجع لي علم الاستقلال وقبل يمرقو (يقولو الحمد لله الذى رحمني وعفا عني ذنوبي ) عايزين شنو بي عقاب مخابرات مصرية اشيد بموقف الشيوعي لاخراج الجنود السودانيين من اليمن ولبييا وعليه جعلها وعي جماهيري في هذه المرحلة خالد سلك ده مش خالو جمال الوالي ياخ ناس ق ح ت ديل نصهم كانو في الحكومة ومن عوائل المركز وعمرهم ما يخدمو قضايا الهامش او يحققو عدالة حقيقية في السودان
Post: #31 Title: Re: خالد سلك يدعو الشيوعي السوداني للخروج من � Author: Asim Ali Date: 11-13-2019, 03:44 PM Parent: #29
Quote: تستضيف قناة سودانية 24 اليوم الاربعاء الموافق 13 نوفمبر 2019 الأمين العام لحزب #المؤتمر_السوداني خالد عمر بجانب فتحي فضل الناطق الرسمي للحزب #الشيوعي_السوداني وذلك عند الساعة التاسعة مساءاً .
Post: #32 Title: Re: خالد سلك يدعو الشيوعي السوداني للخروج من � Author: Nasser Amin Date: 11-14-2019, 09:08 AM Parent: #31
Quote: Quote: تستضيف قناة سودانية 24 اليوم الاربعاء الموافق 13 نوفمبر 2019 الأمين العام لحزب #المؤتمر_السوداني خالد عمر بجانب فتحي فضل الناطق الرسمي للحزب #الشيوعي_السوداني وذلك عند الساعة التاسعة مساءاً .