كرنفال أشرف الكاردينال ! غايتو جنس محن

00:14 AM November, 12 2019

سودانيز اون لاين
abdalla elshaikh-MEMPHISE-TN-USA
مكتبتى
رابط مختصر

كرنفال أشرف الكاردينال ! غايتو جنس محن
رماني ريموت التلفزيون في حوش قناة النيل الأزرق فإذا بالشاشة مليئة بالحضور ~ بنات طالعات و مارقات شيب وشباب أشكال وألوان يتوسطهم زول لابس ليهو كسكته قدر الضربه زي عمّة حسين خوجلي ~ وهاك يا تكريم كان سبعين شهادة تكريم ولاّ كان ألف ~ فتساءلت من هو هذا الرجل فأجابتني المذيعه إنه أشرف الكاردينال ~ فتشهدت جهراً وقلت دي محنه جديده حاتواجه حكومتنا الوليده !

أهلنا الشايقيه عندهم مثلبيقول ~ قدر الله بِجيك حتي إن كان دخل في حُقْ !
فيا كاردينال الخزانه الأمريكيه وراك حتي لو دخلت القبُر !

تعرف يا كاردينال تهمة آكل مال دافع الضريبه الأمريكي قد تعني المساس بالأمن القومي الأمريكي وهو مفهوم تقذّمت أمامه وكادت تتلاشي معه مفاهيم السياده الوطنيه للدول الأعضاء بالمنظمه الأمميه !

هسّع حكومتنا المسكينه دي والبتفتش ليها حبّة دولارات لو قامت أمريكا وقالت ليها سلمونا الكاردينال ! أها يا كاردينال حاتكون دخّلت الحكومه في هناي وِزّه ! أو العكس تكون دخّلت الوِزّ في هِناي الحكومه ! غايتو يا كاردينال إنت و حسين خوجلي الله لا بارك فيكم !