لا للإنبراش يا حمدوك

07:05 PM November, 11 2019

سودانيز اون لاين
محمد بشير عبادى-السودان/ولاية الخرطوم/أمبدة
مكتبتى
رابط مختصر

في معرض رده حول إستفسار عضوة البرلمان الأوروبي ذات الأصول (البوركينافاسوية) مساء اليوم الإثنين في جلسة البرلمان الأوروبي بشأن السودان،في رده حول الزواج القسري للفتيات دون سن الثامنة عشرة في السودان والذي يصل نسبته كما أفادت الى 29% مستشهدة بحادثة مقتل زوج على يد زوجته ليلة دخلته عليها لأنه قام بإغتصابها،أجاب د.عبدالله حمدوك رئيس الوزراء الإنتقالي، أنه يؤيدها في كل ما ذكرته وأنه من هذا المنبر (منبر البرلمان الأوروبي) يدعو الأمم المتحدة لدعم تعليم الفتيات لزيادة الوعي ومن ثم القضاء على ظاهرة الزواج القسري للفتيات في السودان،الجدير بالذكر أن عضوة البرلمان الأوروبي قالت بانها سمعت أي أنها تستشهد بما تقرأه على وسائل التواصل من شائعات ومستشهدة كذلك بدولتها الأم(بوركينافاسو)،حيث تصل نسبة الزواج القسري للفتيات فيها ل50%
في إعتقادي ان إجابة حمدوك هنا حمالة أوجه ،فإما أنه برد دبلوماسي أراد رد الكرة إلى ملعب عضوة البرلمان الأوروبي لإستدرار عطف المجتمع الدولي لدعم تعليم الفتيات في السودان أو أن يكون الوجه الآخر هو إستجابة للضغوط الأجنبية حتى يقوم بعملية تغيير في القوانين السودانية الخاصة بالأحوال الشخصية ،فالمعروف في الإسلام أن البلوغ هو شرط رئيس من شروط الزواج للزوجين ولم يحدد عمرا محددا لذلك،بعكس الغرب الذي حدد سن الثامنة عشرة دون شرط البلوغ أو غيره بإعتبار أن هذه السن هي سن التكليف،عموما هنالك جدل فقهي وقانوني حول ذلك لا نريد الخوض فيه،ما يهمنا هو لما يصر حمدوك على جلب الدعم الخارجي من الغرب في شكل منح تستجدى؟؟!! وهو يعلم جيدا أن أوروبا قارة عجوز مواردها ناضبة ووقفت نهضتها عند سقف محدد وحتى أمريكا نفسها بدأت علامات الإفلاس تظهر عليها ومديونيتها بلغت مليارات الدولارات وهي تقوم بسياسة إبتزاز الدول الأخرى حتى تستحلب أموالها وما تصريحات (ترامب) حول دول الخليج وثراءها ببعيدة عن الأذهان.
أن يقوم حمدوك بجولات ماكوكية حول العالم وأن يضطلع بجهود متصلة لرفع إسم السودان من قائمة الدول الراعية للإرهاب لعمري هو عمل جيد نثمنه ونقدره،لكن لا أن يتم هذا العمل في إطار الإستجداء(حد الإنبراش) كما كان يفعل النظام السابق ،نريد لحمدوك أن ينطلق من أرض صلبة ومواقف قوية ،فالنظام السابق بسمعته السيئة دوليا قد زال والسودان بموقعه الجيواستراتيجي بما يملكه من ساحل طويل على البحر الأحمر وبمجاورته لسبع دول أفريقية هذا الموقع كفيل أن يجعل حمدوك في الوضع المريح لاي تفاوض دولي ،فالمجتمع الدولي لا يريد السودان الدولة المنهارة امنيا لان ذلك يهدد مصالحه بتوقف الملاحة الدولية على البحر الاحمر إذا اضطرب السودان وكذلك ستتهدد اوروبا جراء الهجرة غير الرسمية إليها من أفريقيا فالسودان دولة معبر كما عرف تاريخيا فكافة الأزمات المهددة للأمن الأوروبي ستصدر عبر السودان من تهريب للاسلحة والبشر والمخدرات وستتخذه الجماعات الإرهابية وكرا تنطلق منه لكل العالم ،لكل ذلك وغيره ،فالسودان المستقر الغني القوي خير للمجتمع الدولي من السودان المنهار أمنياً وسياسيا وبالتالي إقتصاديا،إذا لا داعي للإستجداء و(الإنبراش) فنحن في السودان نملك كل (كروت الضغط) في اللعبة الدولية كما نملك كافة مقومات الدولة القوية التي يحتاجها الآخرين ولا حاجة لنا بهم.
يجب ان تتغير عقلية ساستنا السلبية وأن تتحول إلى العقلية الإيجابية المبادرة لا المستسلمة،فالعالم لا يعترف إلا بالقوي ونحن في الواقع أقوياء

كلامك جميل وصحيح ويا ليت رئيس وزرائنا يعمل به
ولا يحاول بحث الحل من ميدان العلاقات الخارجية
سيأتينا الخارج والعالم خاضعا لرغباتنا لو بحثنا عن الحل
من الداخل أو كما ذكرت أنت .

إنت يا كوز لا دين بتعرف ولا أخلاق بتعرف

Quote: المعروف في الإسلام أن البلوغ هو شرط رئيس من شروط الزواج للزوجين ولم يحدد عمرا محددا لذلك

الإسلام نا وضع البلوغ كشرط للزواج ولا يوجد حتى إختلاف بين الفقهاء في ذلك.
في إختلاف في شروط الرضاء والولي في ما يسمى بزواج الجبر للصغيرة، ولكن لا يوجد إختلاف حول جواز زواج الصغيرة التي لم تبلغ.
ويا كافي البلاء وحائد المحن إنت يا كوز سورة الطلاق دي حكومتك البائدة وضعتها في المناهج مقررة للحفظ في سنة رابعة أساس
ما مرت عليك الآية: "وَاللَّائِي يَئِسْنَ مِنَ الْمَحِيضِ مِن نِّسَائِكُمْ إِنِ ارْتَبْتُمْ فَعِدَّتُهُنَّ ثَلَاثَةُ أَشْهُرٍ وَاللَّائِي لَمْ يَحِضْنَ ۚ وَأُولَاتُ الْأَحْمَالِ أَجَلُهُنَّ أَن يَضَعْنَ حَمْلَهُنَّ ۚ وَمَن يَتَّقِ اللَّهَ يَجْعَل لَّهُ مِنْ أَمْرِهِ يُسْرًا"
اللائي لم يحضن ديل منو؟ وإذا ما إتزوجوا كيف يقع عليهن طلاق وتكون عليهن عدة؟

Quote: لكن لا أن يتم هذا العمل في إطار الإستجداء(حد الإنبراش) كما كان يفعل النظام السابق

إنت النظام السابق دا مالك ما عبرت عن رفضك لإنبراشتو لمن كان حاكم؟
قليل من الأخلاق يا كوز بتخليك عندك شوية إتساق

هو يا حافظ الكوز دا بفهم انجليزى

Quote: ،أجاب د.عبدالله حمدوك رئيس الوزراء الإنتقالي، أنه يؤيدها في كل ما ذكرته وأنه من هذا المنبر (منبر البرلمان الأوروبي) يدعو الأمم المتحدة لدعم تعليم الفتيات لزيادة الوعي ومن ثم القضاء على ظاهرة الزواج القسري للفتيات في السودان

انت كنت عايزه يقول ليها.. الحسي كوعك ولا كلكم تحت جزمتي؟. اخسن تشوف ليك شغلة تانية لانه شكلك بقى بايخ جدا و انت بتتربص بالخكومة الانتقالية

Quote: انت كنت عايزه يقول ليها.. الحسي كوعك ولا كلكم تحت جزمتي؟. اخسن تشوف ليك شغلة تانية لانه شكلك بقى بايخ جدا و انت بتتربص بالخكومة الانتقالية

تحياتى جبرة وانت شفت ليك كوووز بختشى هذا الكووز ما عند حاجة الا الفبركة
لايستحى ابدا

يا مولانا حافظ،
حسب صياغة الآيات وبعيد عن كتب التفاسير،
ما هي في نظرك مدّة العدة للائي لم يحضن؟

Quote: في إعتقادي ان إجابة حمدوك هنا حمالة أوجه ،فإما أنه برد دبلوماسي أراد رد الكرة إلى ملعب عضوة البرلمان الأوروبي لإستدرار عطف المجتمع الدولي لدعم تعليم الفتيات في السودان أو أن يكون الوجه الآخر هو إستجابة للضغوط الأجنبية حتى يقوم بعملية تغيير في القوانين السودانية الخاصة بالأحوال الشخصية ،فالمعروف في الإسلام أن البلوغ هو شرط رئيس من شروط

حمدوك اكتشف إنو السيدة السائلة التي تحدثت عن بوركينو فاسو، ، لا تعلم أي شيء عن السودان ، وسؤالها وكأنها بتسأل وزير خارجية بوركينو فاسو
شنو قصة الزوجة العاشرة ، وكم بقرة ، حقيقة استغربت إنو تكون في واحدة بالغباء والجهل زي السيدة دي،
الدكتور حمدوك أجاب على الاسئلة بكفاءة عالية افتقدناها ولمدة اكثر ثلاثين سنة ، كنا تحت قانون فقه الحيض والنفاس
والقتل ونهب اموال الشعب ، مسلمين آآل

نعم ترهاقا ..واضح أنها لا تعلم شيئا عن السودان وكل معلوماتها يبدو انها غير موثقة وعبر وسائل التواصل..مصيبتها انها اسقطت تجربة بلادها على السودان
فبوركينافاسو تصل نسبة الزواج القسري وسط الفتيات الى 50% ..هكذا هي عاداتهم وتقاليدهم كما يبدو..السودان غير..
فعندما يوافقها حمدوك على ذلك جملة وتفصيلا فانه يكون قد اجحف في حق بلاده..بل اعتبرها انهزامية وانبراشا لاستجداء الدعم الاوروبي

محمد بشير عبادي..حبابك يا صديق
كتر خيرك على اشراكنا في هذه التفاكير..
انت افضل يا صديقي ممن يتحدثون عن قميص حمدوك او اكله للعصيدة بمعلقة..وطريقتهم تجعلنا نتحسس انفسنا حينما نطالب بالحرية والديموقراطية لأهل امسودان..
بدءا لك الحق يا صديقي ان تحذر المسئول الأول في امسودان (السيد رئيس وزراء امسودان) بان لا يرهن قرار السودان لإي جهة كانت وهذه مناصحة طيبة ومقبولة من مواطن حريص على وطنه واهله ومصالح الوطن ووجاهة الوطن (الآن عندنا وطن وجيه يا صديقي)..!
ولكن..!
لم افهم بالضبط مأخذك على ما حدث في زيارة رئيس الوزارء السوداني (عبد الله حمدوك) الى الإتحاد الأوربي ، وهي زيارة لم يستجديها حمدوك ، وانما الإتحاد الأوربي تقديرا للمصالح المشتركة دعى (خط خطين بالإحمر تحت دعى) حمدوك لزيارة الإتحاد في اوربا ، وسبق ذلك بعض الوفود من الإتحاد الأوربي التي زارت الخرطوم واجتمع مع المسئوليين والمسئولات في امسودان..فماهو المأخذ؟
موضوع السيدة التي سألت حمدوك ، واجابت حمدوك اجابة عقلانية وصادقة للغاية ، فما هو التخوف؟ هل تريد ان تقول لنا ، مثلا ، ان السودان ان اراد التوقيع على بعض الإتفاقيات الدولية سيكون ذلك استجابة لضغوط (طبعا النظام السابق لغاية يونيو 2018 كان مجتهد على التوقيع على اتفاقية اناء كل التمييز ضد المرأة المعروفة باسم سيداو ، وادرك انه نظام مرفوض وملفوظ وقدم التنازلات العديدة ولم يستطيع التواءم والتوافق مع العالم)؟
وحتى لا اتهمك بصحفي التابلويد (محبي الإثارة) ألم ترى في كل زيارة حمدوك سوى سؤال البوركينافاساوية دي؟..
حينما رأيت فيديو عن زيارة حمدوك للإتحاد الأوربي ، وكلام زولة تانية (الحمد له! انها ليست افريقية او مسلمة ، وانما خواجية احتمال تكون كافرة عدييل) دمعت عيني يا محمد بشير يا اخوي ، ليس لأنها اوربية ، وانما لحضور السودان بعد غياب طويل في المحافل الدولية ، وحضور رئيس وزراء يحترمه الجميع (محليا واقليميا ودوليا ) ويعتقدون فيه الخيار الأفضل للثورة السودانية..!
المعيار يا صديقي ، مافي دولة في العالم اليوم تعيش لوحدها ، وجربنا ذلك تحت حذاء النظام السابق الذي كان يدعي الإستقلال فأضعنا ثلاثين سنة من عمر السودان الحضاري..تلاتين سنو ضاعت سمبلا يا صديقي بسبب المكابرة والعنجهية..!
اهلك البقارة يا محمد ، عندهم مثل بيقول : الكلمة الطيبة بتمرق الدبيب من جحرو (يعني مبدأ التفاوض والمباصرة) ، فشنو مشيها يااااااااااخ..نحن في مرحلة مباصرة ليس خوفا او استجابة لضغط وانما (لأننا راقدين ، كسودانيين ،فوق رأي)..!
مشكلة الزواج القسري دي سكة تانية ، ولو سببك لفتح هذا الخيط و هذه المشكلة قول لينا عووك عشان نتناقش في نقطة محددة..!
ودمت طيبا..
كبر

كتب ابوبكر عباس:

Quote: يا مولانا حافظ، حسب صياغة الآيات وبعيد عن كتب التفاسير، ما هي في نظرك مدّة العدة للائي لم يحضن؟

ول ابا ابكر الطويل..حبابك يا صديقي
حتى لا نكسح بفكرة اخونا محمد بشير عبادي..
يا ريت تفتح خيط في هذا الموضوع..
لأنو عندي فكرة جديدة: الطب تطور ، والمرأة المطلقة او المتوفى عنها زوجها ، ممكن عادي تجيب شهادة طبية موثقة بانها غير حامل ، فهل ده ممكن يغير طريقة نظرتنا للعدة وحكمة تشريعها؟..

ولا الناس ح تجي نكر لينا المبدأ الأصولي البيقول (الدين يسر وليس عسر..!!)

غايتو ، عندي حكاية اعتبار الشهادة الطبية نوع من انواع اليسر..!!
كبر

سلام يا مستنير
الآية ذكرت تلاتة فئات
اللائي يئسن من المحيض، واللائي لم يحضن، وأولات الأحمال.
حاولت أخلي ليك اللائي لم يحضن ديل مبتدأ لجملة جديدة وأعطف عليهم أولات الأحمال
لكن أبت تلفق خالص
حسب صياغة الآية مافي طريقة غير تعطف اللائي لم يحضن للائي يئسن من المحيض.
تقرأ الآية حكمياً كالآتي "واللائي يئسن من المحيض واللائي لم يحضن من نسائكم إن أرتبتم فعدتهن ثلاثة أشهر، وأولات الأحمال أجلهن أن يضعن حملهن"

وقفتني اللائي لم يحضن ديل هل بالضرورة يكون مقصود بيهن الصغيرة؟
ولّ ممكن يكون المقصود الكبيرة التي لم يأتيها الحيض (Primary amenorrhea)؟

سلام يا كبر

Quote: حتى لا نكسح بفكرة اخونا محمد بشير عبادي.. يا ريت تفتح خيط في هذا الموضوع.. لأنو عندي فكرة جديدة: الطب تطور ، والمرأة المطلقة او المتوفى عنها زوجها ، ممكن عادي تجيب شهادة طبية موثقة بانها غير حامل ، فهل ده ممكن يغير طريقة نظرتنا للعدة وحكمة تشريعها؟..

مالو أفتح بوست جديد عن العدة
الآية هنا جبناها ليس بسبب الحكم الوارد فيها عن العدة
الموضوع هنا زواج الصغيرة
فشنو ما تمرق من موضوع البوست
او أقول ليك امرق ياخي، هو أصلاً من متين محمد بشير عبادي كان عندو فكرة في بوستاتو عشان ما نكسح بيها

عجبتني دي يا مولانا الطبي

Quote: إنت يا كوز لا دين بتعرف ولا أخلاق بتعرف

ياخ قلنا ليكم الزول دا جنريتر هههههههه
يا عبادي انت مفروض تغتس كما غتس اخوتك الآخرون من بني كوز
انا ما عاوز اجيب اسماء ناسك لانهم ما اعضاء معانا هنا
هم اكتفو من الغنيمة ب الاياب

سلام يا خضر

Quote: ياخ قلنا ليكم الزول دا جنريتر هههههههه

متابع كلامك عن الزول دا
وخايف بدغوتاتك ليهو دي يقوم يطفش
ياخي الزول دا دا غنيمة إسفيرية من مخلفات المعركة مع النظام المنقرض
فشنو خليهو لينا مرة مرة يونسنا ويضحكنا بسذاجته

أنا عقلي ودر في (ورشة) خدر
لسه يا خدوري محتفظ بشنطة النجارة وللا رميتها كما رميت بشاربك لأجل اللوك الجديد
مالك شردت من البوست البيغادي
ياخي عفيناك من حكاية الشهادات والمؤهلات
طلتك ساي بتذكرنا أيام التلفزيون والأخبار ودجلك ومغامراتك الطفولية ومناكفاتك غير البريئة

أظهر وبان يا خدر يا ثعلبان عليك الامان
(بوست الكتاب باين من عنوانه)
https://sudaneseonline.com/board/500/msg/%D8%A7%D9%84%D9%83%D8%AA%D8%A7%D8%A8-%D8%A8%D8%A7%D9%8A%D9%86-%D9%85%D9%86-%D8%B9%D9%86%D9%88%D8%A7...9%87-1573115877.html

كتب حافظ بشير:

Quote: مالو أفتح بوست جديد عن العدة الآية هنا جبناها ليس بسبب الحكم الوارد فيها عن العدة الموضوع هنا زواج الصغيرة فشنو ما تمرق من موضوع البوست او أقول ليك امرق ياخي، هو أصلاً من متين محمد بشير عبادي كان عندو فكرة في بوستاتو عشان ما نكسح بيها

المهم ، صادق الإعتذار لصديقنا ، صاحب البوست ، محمد بشير عبادي..من حقك تضحك وتخلف رجلك كمان يا محمد ، وتقول ، كما قالت اهلك من دارفور: مرافعين كن اتداوسو ، هيا ترا كي بخت حملان ذاتو..!!..شرحوا :جاتك في قبولك يا محمد..!!

كاااااااااااااااااااااااااااااااااااك ، وتاني..كاااااااااااااااااااااااااااك..!!!!!

ده شنو يا حافظ؟

علي الأقل ، محمد بشير عبادي اكتر اتساقا منك يا حافظ ، لأنو عندو فكرة وساكيها وداير يبشر بيها..انتا شنو يا حافظ؟ فكرتك شنو يا قريبي؟؟.. ياخي فضحتنا قدام السلفيين..!!

انا ما داير افتح بوست يا حافظ..وكلامي قلتو في خيط خاص بي عن سيداو..والخيط موجود..وهنا طلبت من ابكر الطويل يفتح بوست ، مش عشان حافظ بشير ، وانما عشان اختبار افكار جديدة (ابوبكر عباس مهتم بيها وجايطة في راسو..المانع شنو الناس تقدم ليهو يد المساعدة عشان يرسى على بر؟؟)..
ياتو اية الجبتها يا حافظ ؟..انت كضاب يا حافظ وما جبت اي اية في الخيط ده.. ولا انت قايل الأيات زي اشعار بتاع زحلة القالها قبال احمد شوقي؟
انتا يا قريبي ما جبت اية ، ولو بتقدر هسع جيبها تاني..واوعى تطلع اياتك بيوت شعر ساكت..!!
اهو القران قاعد يا حافظ ، جيب اية بتتكلم عن زواج الصغيرة؟..ما قدرت تجيبها ح نوديك التوج..زنديق شرف ليك ، وح ينالك ما اهوابعد منها..!!
جيب الأية البتتفاصح بيها يا حافظ بشير..!
ولوعندك قران ناجرو من راسك قول لينا عووك..!!
انا ما مرقت من موضوع البوست ، زي مرقتك المركوكة الماقدر تحدد حدها يا حافظ بشير ، والواعي ح يميز..!
انت جاي مهزوم من قولة تيت ، بتشتم في محمد بشير عبادي ، من غير تفهم الزول بيقول في شنو ، وداير يمشي علي وين..!!..وبرضك داير تخمنا ، كضبا ساكت ، بايات..؟؟!!
اللئامة لزومها شنو يا حافظ بشير؟
انت كذاب يا حافظ بشير ، وما عندك اخلاق بالمرة ، وبلطجي زي قبضايات الرقصات في زقاقات القاهرة..!
جيب الأية البتتكلم عنها..!!
نصيحتي ليك: اوع تتكلم عن القران والقانون والطب كمان..!!

كبر

Quote: لصديقنا ، صاحب البوست ، محمد بشير عبادي..

نعم هو صديقك هذا الكوز ..
انتو الاتنين جنريترات

شكرا يا ابوبكر عباس..
اهلنا قالوا: في المخادة بيبين الكوك..!
شكرا على فضح كيزان التقية: حافظ بشير وخضر الطيب..!!
عجزوا ان يدافعوا عن رئيس وزراء الثورة..وحاولوا يخلقوا ملهاة كوميديا..!
كضابين: لا يعرفون القران ، لا يعرفون الثقافة ، ولا يعرفون السودان..!
افضل منهم وضوح محمد بشير عبادي..!
وصدق من قال: ربي احميني من اصدقائي ، اما اعدائي فاني كفيل بهم..!!
كبر

شكرا الاخ كبر على مداخلتك الموضوعية
لو راجعت صدر البوست تجدني اثمن مجهودات دكتور حمدوك وجولاته الخارجية الماكوكية لرفع اسم السودان من قائمة الارهاب وزيارته لبروكسل تأتي في هذا الاطار
ولكن ماخذي عليه مشيه على آثار من سبقوه من ساسة سودانيين في استجداء الغرب وقد تغير الزمان ،فالسودان لديه كروت للضغط ،هم يحتاجوننا اكثر من حاجتنا..لما لا يكون خطابنا معهم اكثر ايجابية ومبادرة لا التسليم باقواله..ثم انك تعلم ان الغرب اليوم ليس لديه ما يمنحنا اليه ولو فعل سيكون بشروط مقيدة

المؤتمر الصحفي لحمدوك في بروكسل كان منقولا على الهواء في عدة قنوات فضائية ومترجما باللغة العربية ترجمة مباشرة

هو يا حافظ الكوز دا بفهم انجليزى
----------------------------
هو ذاتو حمدوك يتكلم بالإنجليزي ليه؟؟ عشان نفهمه وللا لا..ده ذاتو إنبراش منه بل وأد للسيادة الوطنية ،فاللغة الانجليزية هي ليست لغتنا الأم
وبالتالي عليه وهو يمثل السودان في محفل دولي أن تكون كلمته وإجاباته للأسئلة بالعربية هكذا يقول البروتوكول وهكذا تحفظ سيادة الدول.

حياك الله الأخ منتصر
فكرة البوست هي ان السودان يملك مقومات القوة التي تؤهله ليستجاب لمطالبه العادلة من المجتمع الدولي،هي دعوة لتغيير الخطاب السياسي الانهزامي لساستنا في مثل هكذا مواقف
دعوتي هي ليست حفزا للردود الجافة الخالية من الحصافة الدبلوماسية وإنما لعرض قضية السودان بلهجة قوية ورفع لسقفنا الحواري التفاوضي دون مواربة مخلة.

ياخضر زولك ده لسه بوزع في الجهل
ياكويز كلام حمدوك ده كلام القانون السوداني وقع عليهو المخلوع بتاعك هو مخلوع من الكرسي وانت مخلوع من يوم جريتك في العمليات حسب رواية خضر
وفقا لنص المادة 4 من قانون الطفل 2010 - الطفل (يقصد به كل شخص لم يتجاوز سن الثامنة عشر) لا بلوغ ولا هم يحزنون حتقول لي ده بختلف عن تعريف القانون الجنائي وقانون الاحوال الشخصية
طوالي نرجعك لنص المادة 3 من ذات القانون (تسود أحكام هذا القانون على اي حكم في اي قانون اخر يتعارض معه تأويلا لمصلحة الطفل الى المدى الذي يزيل ذلك التعارض )

ههههه..
حتى انتا يا خالد عباس؟..
مشغول بالكوويز محمد بشير عبادي ، وبتبصم على كضبات الكوز الكبير خضر الطيب؟
متذكر يا خالد مرة سألتني عن سيد حامد؟
ديلك يا ابوي شرامة السودان الصح ، وهسعي دي امشى اسال أي زول من الدويم درس الجامعة (جامعة الخرطوم) في اواخر الثمانينات وبداية التسعينات عشان يقول ليك خضر الطيب شنو!!
فعلا صدق من قال يا خالد:
لا تحلموا بعالم سعيد ، فخلف كل قيصر يموت ، قيصر جديد..!!
كبر

استاذنا كبر اها عاد نخلي الكويز ده يوزع في الجهل ابوالسيد استاذي طبعا ههههههههههههههههه

يا حافظ بشير يا ما مولانا،
لو اللائي لم يحضن يا دوب وقفتك، زي ما قال ليك عاطف عمر بتاع الفيس رجع لعبادي الكوز قروشو،
وتحدي كبر ليك يبقى قائم
ونحن نتفرج

قليل من الأخلاق يا كوز بتخليك عندك شوية إتساق
....
المستنير الختير والإتساق
كدي ما تحشي لينا من اتساقك داك ببتاع بوست البوشي,,احشي لينا منه ساندويتش يغنينا من عيوش ريقان ومن قمح (الشحودية) ولبن (اليهودية)*
أها يا بتاع الإتساق قلتا شنووو :
خروج البت شأن أُسري يناقش داخل البيت!!
هههههههههههههههههههههههههههههههههه
أنا أخو حرية التنقل المضمنة في ميثاق حقوق الإنسان!!
ههههههههههههههههههههههههههههههههههه...عرض المزيد
أعجبني · رد · منذ ١٠ س

Atif Omer Mohamed Ali
ولكن لا يوجد إختلاف حول جواز زواج الصغيرة التي لم تبلغ.
https://sudaneseonline.com/cgi-bin/sdb/2bb.cgi؟seq=msg...

هههههههههههه
شنوووو (الوثوقية )دي يا مستنير؟؟
من راسك ولا من كراسك؟؟
ههههههههههه

((وقال ابن شبرمة من الفقهاء المعروفين: لا يجوز أن يزوج الصغيرة التي لم تبلغ أبداً؛ لأننا إن قلنا بشرط الرضا فرضاها غير معتبر، ولا نقول بالإجبار في البالغة فهذه من باب أولى، وهذا القول هو الصواب، أن الأب لا يزوج بنته حتى تبلغ، وإذا بلغت فلا يزوجها حتى ترضى.))...عرض المزيد
أعجبني · رد · منذ ١٠ س

Atif Omer Mohamed Ali
المستير دا لقا ناس الناقة أٌم بيض وعلاء شتارة
والغشاش الغباش,,فسرح ومرح معاهم!!
هههههههههههههههههههههههههههههه
كورتوا (الحبة) الزمان ديك فكت!!
والله صحي!!
غايتوا جهله بميثاق حقوق الإنسان أو تجاهله له
في بوست البوشي بتاع حرية البنت في الخروج لميدان القيادة,,وبلعه الناشف لركن ركين وأصل أصيل من (بنيان) حقوق الإنسان(حرية التنقل),,وضح لي المأساة
التي يعيشها العلمانيون والمستنيرون ومن (تبعهم)
بإفتنان!!
هههههههههههههههههههههههههههههههه
أعجبني · رد · منذ ١٠ س

Atif Omer Mohamed Ali
لو إبن شبرمة ما عجبك
ولا حسيت بيهوا ما (مقاسك)
أدينا خبر
عندنا من السلف والخلف
فقهاء وعلماء حا يحرجوك مع (وثوقيتك)
ويشتتوو ليك (عيشك) البتضري فيهوا في هواء
الجهل وريح الخيال!!!
والله صحي!!
أعجبني · رد · منذ ١٠ س

Atif Omer Mohamed Ali
وقفتني اللائي لم يحضن ديل هل بالضرورة يكون مقصود بيهن الصغيرة؟
ولّ ممكن يكون المقصود الكبيرة التي لم يأتيها الحيض (Primary amenorrhea)؟
https://sudaneseonline.com/cgi-bin/sdb/2bb.cgi؟seq=msg...
.....
ما مرت عليك الآية: "وَاللَّائِي يَئِسْنَ مِنَ الْمَحِيضِ مِن نِّسَائِكُمْ إِنِ ارْتَبْتُمْ فَعِدَّتُهُنَّ ثَلَاثَةُ أَشْهُرٍ وَاللَّائِي لَمْ يَحِضْنَ ۚ وَأُولَاتُ الْأَحْمَالِ أَجَلُهُنَّ أَن يَضَعْنَ حَمْلَهُنَّ ۚ وَمَن يَتَّقِ اللَّهَ يَجْعَل لَّهُ مِنْ أَمْرِهِ يُسْرًا"
اللائي لم يحضن ديل منو؟ وإذا ما إتزوجوا كيف يقع عليهن طلاق وتكون عليهن عدة؟
https://sudaneseonline.com/cgi-bin/sdb/2bb.cgi؟seq=msg...
ههههههههههههههههههههههههههههه
طيب ما ترجع لي عبادي قروشوا
لحدي ما (تراجع) زيت وموية عربية الإستنارة!...عرض المزيد
أعجبني · رد · منذ ١ س

Atif Omer Mohamed Ali
1/
ولكن لا يوجد إختلاف حول جواز زواج الصغيرة التي لم تبلغ.
اللائي لم يحضن ديل منو؟ وإذا ما إتزوجوا كيف يقع عليهن طلاق وتكون عليهن عدة؟
2/
وقفتني اللائي لم يحضن ديل هل بالضرورة يكون مقصود بيهن الصغيرة؟
هههههههههه
......
وقفتك بتين يا اللخو؟
ههههههههههههههه
أعجبني · رد · منذ ١ س

Atif Omer Mohamed Ali
المستنير الختير عايز يخش(بالبرايماري) ويطلع
(بالسكندري)
هههههههههههههههههههههههههههههههههههه
الرفيق وقت الضيق
ههههههههههههههههههههههههههههههههههه
المستنير (العباسي) ما بعرف (يواسي)!!
هههههههههههههههههههههههههههههههههه

اللخو دا من عينة ال FFR
والله صحي!!...عرض المزيد
أعجبني · رد · منذ ١ س

Atif Omer Mohamed Ali
يا خضر (الطيب)
مقتبس تشجيعك لفريق ابن لادن خبرووووو شنووووو؟؟
شايف حيدر عمل نايم منو
المناسبة شنووو؟؟
أيوة
لقيتوا مع مقتبسات المستنير ود بشير لمن كان (بباري) الجمهوريين!!!
وهسه نكر مباراتهم حطب!!
ههههههههههههههههههههههههههههههههههههه
عرفناك يا خضر خايف من وصمة الإرهابي!!
أها المستنير ود بششير دا مالووووو ؟؟؟...عرض المزيد
أعجبني · رد · منذ ١ س

Atif Omer Mohamed Ali
. ياخي فضحتنا قدام السلفيين..!!
ههههههههههههههههههههههههه
وقدام الجمهوريين
والله صحي!
هههههههههههههههههههههههه

أعجبني · رد · منذ ١ س

ـــــــــــــــــــــــــــــــــــــــــــــــــــــــــ

البلدوزر عاطف السلفتوتي صحبي من الفيس

ولنا أجر المناولة

تحياتي أستاذ عبادي و المرور

Quote: فالنظام السابق بسمعته السيئة دوليا

هل دا رأي السيد عبادي النهائي في النظام السابق ؟ تمام
ما بحب مساككة الناس باشياء قالوها سابقا بسبب ظرف زمكان معين .

ان كان هذا رأي الأستاذ المحترم( انا عندي محترم جدا بما قدمه ويقدمه من خلال مهنته ) فاقول ليه مرحبا بك في صف الحرية والتغيير.

وبماانك ركبت معنا في قطار الثورة والتغيير اسمح لي ان اداعبك وأقول ليك :
" انت داير حمدوك معناتا يصرف للفاسية دي بركاوي ؟

(الفاسية بكسر السين وتشديد الياء)

يا عبادى كلام حمدوك دا مالو .. كدى عيبو لى ؟

Quote: أجاب د.عبدالله حمدوك رئيس الوزراء الإنتقالي، أنه يؤيدها في كل ما ذكرته وأنه من هذا المنبر (منبر البرلمان الأوروبي) يدعو الأمم المتحدة لدعم تعليم الفتيات لزيادة الوعي ومن ثم القضاء على ظاهرة الزواج القسري للفتيات في السودان

مشكلة زواج القاصرات تنحصر فى قانون الاحوال الشخصية السودانية لعام 1991م
وهذا القانون قانون معيب بمعنى الكلمة فمثلا هذا القانون يقنن سن زواج الفتيات ب عشر سنوات ..
هذا هو القانون الذى وضعه : السلفيون وانصار السنة والكيزان ..

وكانت هناك مطالبات بتحديد سن زواج الفتيات ب 18 سنة ولكن فى ظل النظام البائد لم يتم ذلك
وقد حان الآوان لغربلة قانون 1991م وتعديل قانون الاحوال الشخصية والقانون الجنائى كذلك لعام 1991م

لم تسقط بعد .

سلام يا مستنير

Quote: يا حافظ بشير يا ما مولانا، لو اللائي لم يحضن يا دوب وقفتك، زي ما قال ليك عاطف عمر بتاع الفيس رجع لعبادي الكوز قروشو، وتحدي كبر ليك يبقى قائم ونحن نتفرج

عليك رب مجراتك يا مستنير طلع لي متين أنا قلت يا دوب.
او أي كلمة أنا قلتها تدل على إني يا دوب وقفتني اللائي لم يحضن دي.
أنا أخشى عليك يا مستنير من القراءة الرغبوية
أنت سألت سؤال وأنا جاوبت ليك وأضفت التعليق بتاع وقفتني دا عشان أنبهك لأنو في سؤال أفضل من سؤالك في إثارة الجدل.
بس قصدت أنبهك بطريقة تليق بإستنارتك.

غايتو يا مستنير بعد رجعت من وقفتك ديك مستوى لياقتك بقى تعبان
ولو دا مستوى أداءك، أنا حأخليك لي كبر يساعدك. عشان فرق المستوى وكدا.
شايفو قال راسك جايط ومافي مانع يساعدك عشان ترسى على بر😂
___________

وعاطف عمر بتاع الفيس دا شنو؟
وعلاقتو بالموضوع شنو؟

Quote: Atif Omer Mohamed Ali .... .... البلدوزر عاطف السلفتوتي صحبي من الفيس ولنا أجر المناولة

أهاااا

جزاكم الله خير الجزاء أخونا علي دفع الله
__________________

ورب المجرات يا مستنير مستواك بقى في الحضيض
قراءة سمعية وكمان سمع من عاطف عمر بتاع الفيس😞😞😞

النقطة المهمة لو عطفت اللائي لم يحضن على اللائي يئسن من الحيض هي الريبة ولازم تقع على اللائي لم يحضن
وبالتالي لم هنا لا تعني أنهن لم يحضن بالمرّة في الماضي
عشان كدا لازم تدي عبادي قروشو

Quote: النقطة المهمة لو عطفت اللائي لم يحضن على اللائي يئسن من الحيض هي الريبة ولازم تقع على اللائي لم يحضن وبالتالي لم هنا لا تعني أنهن لم يحضن بالمرّة في الماضي

وين المشكلة في أن تقع الريبة على اللائي لم يحضن بالمرّة في الماضي؟
إنت الريبة دي قايلها شنو؟

النص كدا انفتح على احتمال جديد وقوي
مثل امرأة مرضع

زمان يا على دفع الله
و على ايام دولة الفيس بوك الاولى و قبل ايقافها
المستنير الاول الصحى صحى
ما المستنير المتولهم
ابوبكر عباس الواحد ده عصرنى فى اتصال هاتفى
فى حتة عاطف عمر ده
و قررررب يقول لى انتا عاطف عمر
هسى مع الفشخ و الجلخ الحاصل ده
اخاف ان يسرح خيال المستنير المتولهم لى نفس الحتة
لذلك اعلى براءتى من عاطف عمر و فعايلو
براءة المولنة من المتولهم
____

Quote: وقفتني اللائي لم يحضن ديل هل بالضرورة يكون مقصود بيهن الصغيرة؟ ولّ ممكن يكون المقصود الكبيرة التي لم يأتيها الحيض (Primary amenorrhea)؟

{ اللائى لم يحضن }

السلفيون بأفكارهم البالية اشكلوا على المسلمين أفهامهم فى هذه النقطة حيث اعتبروا انها تتحدث عن الصغيرات ,,
فورب محمد انه لامر محير كيف لصغيرة لم تبلغ الحلم بعد ان تحيض !!؟؟

والسورة التى ورد فيها الاية المذكورة اصــــــلاُ تتحدث عن النساء لا عن الصغيرات :

Quote: يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ ۖ وَاتَّقُوا اللَّهَ رَبَّكُمْ ۖ لَا تُخْرِجُوهُنَّ مِن بُيُوتِهِنَّ وَلَا يَخْرُجْنَ إِلَّا أَن يَأْتِينَ بِفَاحِشَةٍ مُّبَيِّنَةٍ ۚ وَتِلْكَ حُدُودُ اللَّهِ ۚ وَمَن يَتَعَدَّ حُدُودَ اللَّهِ فَقَدْ ظَلَمَ نَفْسَهُ ۚ لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا

1 الطلاق

Quote: وَاللَّائِي يَئِسْنَ مِنَ الْمَحِيضِ مِن نِّسَائِكُمْ إِنِ ارْتَبْتُمْ فَعِدَّتُهُنَّ ثَلَاثَةُ أَشْهُرٍ وَاللَّائِي لَمْ يَحِضْنَ ۚ وَأُولَاتُ الْأَحْمَالِ أَجَلُهُنَّ أَن يَضَعْنَ حَمْلَهُنَّ ۚ وَمَن يَتَّقِ اللَّهَ يَجْعَل لَّهُ مِنْ أَمْرِهِ يُسْرًا

4 الطلاق

الآية تتحدث عن عدة النساء : المرأة التى يئست من الحيض لكبر سنها - وأو - التى لا تحيض لسبب الرضاعة - وأو - الريبة فى عدم الحيض لظروف
مثل الحمل او المرض او نسيان احصاء العدة .

و أصلا المقصود من النساء فى القرآن الكريم هو : المرأة البالغة التى تحيض ولا تعنى بحال التى لم تبلغ لقوله تعالى :

Quote: وَيَسْأَلُونَكَ عَنِ الْمَحِيضِ ۖ قُلْ هُوَ أَذًى فَاعْتَزِلُوا النِّسَاءَ فِي الْمَحِيضِ ۖ وَلَا تَقْرَبُوهُنَّ حَتَّىٰ يَطْهُرْنَ ۖ فَإِذَا تَطَهَّرْنَ فَأْتُوهُنَّ مِنْ حَيْثُ أَمَرَكُمُ اللَّهُ ۚ إِنَّ اللَّهَ يُحِبُّ التَّوَّابِينَ وَيُحِبُّ الْمُتَطَهِّرِينَ222 البقرة

{ واللائى لم يحضن }

واللائى لم يحضن : أى هى بمنزلة الـــكــبـيـرة التى قد يئست عدتها ثلاثة أشهر . تفسير الرازى .

تفسير ابن عادل ( ت 880هـ )

قوله: {وَٱللاَّتِي لَمْ يَحِضْنَ}.
مبتدأ، خبره محذوف، فقدره جملة كالأولى، أي: فعدتهن ثلاثة أشهر أيضاً، والأولى أن يقدر مفرداً، أي: فكذلك أو مثلهن.
ولو قيل: بأنه معطوف على "اللاَّئِي يَئِسْنَ" عطف المفردات، وأخبر عن الجمع بقوله: "فعدَّتُهُنَّ" لكان وجهاً حسناً، وأكثر ما فيه توسُّطُ الخبر بين المبتدأ وما عطف عليه. وهذا ظاهر قول أبي حيان: و{وَٱللاَّئِي لَمْ يَحِضْنَ} معطوف على قوله "واللاَّئِي يَئِسْنَ"، فإعرابه مبتدأ كإعراب "واللائي".
قوله: {وَأُوْلاَتُ ٱلأَحْمَالِ} مبتدأ، و"أجَلُهُنَّ" مبتدأ ثانٍ، و"أن يَضَعْنَ" خبر المبتدأ الثاني وهو وخبره خبر الأول.
والعامَّة: على إفراد "حَمْلَهُنَّ".والضحاك: "أحْمَالهُنَّ".} اهـ

تفسير ابن عاشــور :

Quote: وقوله تعالى: {واللائي لم يحضن} عطف على {واللائي يئسن} والتقدير: عدتهن ثلاثة أشهر. ويحسن الوقف على قوله: {فعدتهن ثلاثة أشهر}. {وَأُوْلَـٰتُ ٱلأَحْمَالِ أَجَلُهُنَّ أَن يَضَعْنَ حَمْلَهُنَّ}. معطوفة على جملة {واللائي لم يحضن} فهي إتمام لأحوال العدة المجمل في قوله تعالى: { وأحصوا العدة } [الطلاق: 1] وتقدير الكلام: وأولات الأحمال منهن، أي من المطلقات أجلهن أن يضعن حملهن. فحصل بهذه الآية مع التي قبلها تفصيل لأحوال المطلقات وحصل أيضاً منها بيان لإِجمال الآية التي في سورة البقرة. {وأولات} اسم جَمع لذاتٍ بمعنى: صاحبة. وذات: مؤنث ذو، بمعنى: صاحب. ولا مفرد لـ{أولات} من لفظه كما لا مفرد للفظ (أولو) و{أولات} مثل ذوات كما أن أولو مثل ذَوُو. ويكتب {أولات} بواو بعد الهمزة في الرسم تبعاً لكتابة لفظ (أولو) بواو بعد الهمزة لقصد التفرقة في الرسم بين أولي في حالة النصب والجر وبين حرف (إلى). وليتهم قصروا كتابته بواو بعد الهمزة على لفظ أولي المذكر المنصوب أو المجرور وتركوا التكلف في غيرهما. وجعلت عدة المطلقة الحامل منهَّاة بوضع الحمل لأنه لا أدل على براءة الرحم منه، إذ الغرض الأول من العدة تحقق براءة الرحم من ولدٍ للمطلِّق أو ظهور اشتغال الرحم بجنين له. وضمّ إلى ذلك غرض آخر هو ترقب ندم المطلق وتمكينه من تدارك أمره بالمراجعة، فلما حصل الأهم أُلغي ما عداه رعْياً لحق المرأة في الانطلاق من حرج الانتظار، على أن وضع الحمل قد يحصل بالقرب من الطلاق فألغي قصد الانتظار تعليلاً بالغالب دون النادر، خلافاً لمن قال في المتوفى عنها: عليها أقصى الأجلين وهو منسوب إلى علي بن أبي طالب وابن عباس. وبهذا التفسير لا تتعارض هذه الآية مع آية عدة المتوفى عنها التي في سورة [البقرة: 234] { والذين يُتَوَفَّون منكم ويذَرون أزواجاً يتربصن بأنفسهن أربعة أشهر وعشراً } لأن تلك في وادٍ وهذه في وادٍ، تلك في شأن المتوفى عنهن وهذه في شأن المطلقات.

تفسير عبدالرزاق الصنعانى ( ت 211 هـ )

228]سألوا النبي صلى الله عليه وسلم، فقالوا: يا رسول الله، أرأيت التي لم تحضْ؟ والتي يئست من المحيض؟ فاختلفوا فيه فأنزل الله تعالى: {إِنِ ٱرْتَبْتُمْ}: [الآية: 4]، يَقُولُ: إنْ سألْتُمْ فعدتُهُنَّ ثلاثة أشهر، واللائي لم يحضن بمنزلتهن: {وَأُوْلاَتُ ٱلأَحْمَالِ أَجَلُهُنَّ}: [الآية: 4].

اصلا ما فى اى علا قة بين ( واللائى لم يحضن ) والبنت التى لم تبلغ بعد ..

Quote: اصلا ما فى اى علا قة بين ( واللائى لم يحضن ) والبنت التى لم تبلغ بعد ..

إذن مولانا اتلخ!
رجّع القروش يا زول

المشكلة يا بشرى، لسّ كبر ما صحى

Quote: فورب محمد انه لامر محير كيف لصغيرة لم تبلغ الحلم بعد ان تحيض !!؟؟

عشان كدا يا علاء الدين الصغيرة التي لم تبلغ الحلم بعد دي قالوا عليها اللائي لم يحضن.
ما عرفتك محتار في شنو؟

Quote: إذن مولانا اتلخ!

هه
يلخوا منو؟
والبلخ منو؟
المي حار ولا لعب قعوي

إحتياطينا من اللغة العربية ساي يكفينا أن نخرسهم

Quote: المشكلة يا بشرى، لسّ كبر ما صحى

يا مستنير كنت داير أقول ليك
لما كبر يصحى أديهو قروشو وقول ليهو ينزل من البص دا؟ الزول بيركب أي بص ساي بدون ما يقرا

المدعو جلالدونا

إطمئن خالص
إنت والمدعو عاطف عمر خارج دائرة إهتمامي تماماً
ولا أظن أن يصل بي عدم الموضوع للتفكير والبحث في أنكم شخص واحد او تلاتة

وإحتياطياً كدا داير اقول ليك
رغم إنو عاطف عمر كتاباتو مكرورة وماسورة محلوجة ومنطلقاتو خاطئة
لكن فايتك ببعض خفة الدم في كتاباتو.

Quote: عشان كدا يا علاء الدين الصغيرة التي لم تبلغ الحلم بعد دي قالوا عليها اللائي لم يحضن.ما عرفتك محتار في شنو؟

سلامات يا مولانا حافظ بشير

انا محتار كما ذكرت فى بداية المشاركة فى انّ السلفيين قالوا بأن المقصود من { واللائى لم يحضن } الصغيرة التى لم تبلغ بعد ..
وهذا التفسير خاطئ ينسبة 100% لان سياق الاية من بداية الاية رقم 1 وحتى الاية رقم 4 تتحدث عن النساء لا عن الصغيرات .وقد تم شرح ذلك فى المشاركة هناك .

وانا لا اقصدك انتا تحديدا يا صديقى لانه ليست بيننا عداوة ولكن انا بقصد السلفيين عديمى الفكر .

Quote: النقطة المهمة لو عطفت اللائي لم يحضن على اللائي يئسن من الحيض هي الريبة ولازم تقع على اللائي لم يحضن وبالتالي لم هنا لا تعني أنهن لم يحضن بالمرّة في الماضي

ما جاوبت لي سؤالي يا مستنير
ما المانع من أن تقع الريبة على من لم تحض؟
وكيف بالتالي لم لا تعني التي لم تحض بالمرة؟

وبالمناسبة التي حاضت وإنقطع حيضها إما أن توصف بأن حيضها تأخر او يئست من المحيض.
المرضع من اللواتي قد يتأخر حيضهن.

لمان اخوي داير يعرس النسوان جايبات الشنطة في السبعينات
ومفرتكات الهدوم حبة حبة وكل مرة يجي زول يوروه توب معين
يدخلوه بفتحة الدبلة ويمرقوه بهناك وهكذا.
يقوووم يجي ابوي رحمه الله اها اتبرعت بت عمي ست نور
لعمل التجربة المثيرة امام الوالد وفعلا نجحت التجربة.
الوالد كان تعليقو:" افرض دخل بجاي ومرق بي هناك اها الحكمة شنو؟"


هسي انا بقرأ من فووووق لا تحت لقيتها البت حاضت وما حاضت

داير اعرف الحكمة شنو؟

كتب التفاسير القديمة جاء فيها بأن اللائي لم يحضن ..
مقصود بهن الصغيرات اللائي لم يحضن ..
وتم زواجهن والدخول بهن فإن تم طلاقهن ..
يكن بحكم اليائسات من المحيض ..
وده الأغلب من التفاسير ..
نعم هناك من ذهب من المفسرين ..
إلى أنه من الممكن أن تكون التي تم الدخول بها ..
وتم طلاقها لم يأتيها الحيض لأي سبب ..
يتم معاملاتها بنفس الحكم السابق ..
لكن القول هذا لم يلقى الرواج إلا مؤخرا مع إنه موجود ..
لكن حين تم تأويله وكأن الاسلام يبيح زواج الأطفال ..
من الفتيات في سن الطفولة تم ترجيحه ..
الباب هذا فيه متسع فالجزم بأنه فقط لصغيرات السن فيه قول ..
أها زرة حافظ بشير وقعت للبعض في جرح فتكأكأو عليه ..
وأياها غلطة الشاطر ــ غايتو أنا مارضيتا لحافظ بشير ..
مع إني ماشايفها بالحيل كده كونها هي الدارج في التفاسير ..

ــــــــــــــــــــــــــــــــــــــــــــــــــــــــــــــــــــــــــ

أصحاب الجبادات الرامين سنانيرهم لحافظ بشير .
ما كنت قايلهم كتار كده ..
ليس أمام حافظ بشير إلا أن يرجع للكوز عبادي قروشه ..

ما ظنيت انو الزوج بجامع زوجتو الطفلة قبل أن تأتيها دورتها الأولى
صحي عملياً ممكن البت تحمل قبل الدورة الأولى،
لكن حسب معرفتي من ونسات أهلنا الكبار الرجال في السودان كانوا بتزوجوا البنات صغار، لكن لو ما جاتنا الدورة الأولى ما كان بجامعها

في الغالب الدورة الأولى للبنات بتكون في سن طفولة ١٠ - ١٢ سنة

Quote: ما ظنيت انو الزوج بجامع زوجتو الطفلة قبل أن تأتيها دورتها الأولى صحي عملياً ممكن البت تحمل قبل الدورة الأولى، لكن حسب معرفتي من ونسات أهلنا الكبار الرجال في السودان كانوا بتزوجوا البنات صغار، لكن لو ما جاتنا الدورة الأولى ما كان بجامعها

ههه
يعني نقتك دي كلها مبنية غلى ظنك الخاص واقصى مصادر معرفتك هي ونسة اهلك الكبار؟
يعني هسه إنت كل المنظور بتاعك من التأريخ الإجتماعي هو حدود أهلك الكبار الإتونست معاهم؟
وفي تأريخ طويل بقول غير كدا

طيب الفقهاء الزمان والكانوا قريبين من زمن صياغة الآية دي ما ظنوا كدا والممارسة في مجتمعهم كانت مختلفة
و ظنك المنفصل عن الواقع دا ما عبروه لما قالوا يجوز الدخول عليها إذا أحتملت الوطء وليس يشترط البلوغ.
يعني تفتكر الفقهاء ديل وبعيداً عن معارفهم الفقهية وصحة رأيهم الفقهي او عدمه، وإعتماداً على معرفتهم بعادات وطبيعة وممارسات مجتمعهم الذي عاشوا فيه، ممكن يجوزوا شيء أصلاً غير ممارس وغير متوقع الحدوث.
تقول لي ونسات أهلي الكبار؟
أهلك الكبار ديل يمكن شافوك ولد صغير وما دايرين ينداحوا قدامك في مغامراتهم النكاحية.
وهسه أنا ذاتي بقيت أشوفك ولد صغير ما مفروض تتكلم في الحاجات دي😟😟😟

Quote: ما ظنيت انو الزوج بجامع زوجتو الطفلة قبل أن تأتيها دورتها الأولى

كده يا مستنير ح تسوقنا لى فقه المفاخدة

Quote: أصحاب الجبادات الرامين سنانيرهم لحافظ بشير . ما كنت قايلهم كتار كده .. ليس أمام حافظ بشير إلا أن يرجع للكوز عبادي قروشه ..

أنا ذاتي والله يا قوازي ما كنت قايل أصحاب الغباين😂 كتار كدا

لكن كيفن أرجع لعبادي قروشو؟
عبادي قال المعروف في الإسلام أن البلوغ هو شرط رئيس من شروط الزواج للزوجين
ولو قرأ عبادي الآية التي تدرس في سنة رابعة أساس كان عرف إنو رأي الفقهاء (ولما نقول الفقهاء الناس العندهم قليل معرفة بالفقه بيفهموا إنو المقصود جمهور الفقهاء) هو جواز زواج الصغيرة التي لم تبلغ الحلم.
ودا بغض النظر عن صحة او خطأ رأي جمهور الفقهاء وبغض النظر عن صحة إستدلالهم او خطأه وبغض النظر عن رأيه ورأيك ورأيي في قول الجمهور.
المهم لو قرأ الآية كان عرف خطل كلامه وما كان قال المعروف في الإسلام.

المستنير سأل عن دلالات الصياغة
وبعدها بدأ ينطط والواضح إنو هو نفسو ما كان فاهم معني سؤاله عن الذي حدده برأيي في الصياغة
والصحيح أن صياغة الآية تدل على الصغيرة تدخل في مجمل معنى التي لم تحيض وأن الصياغة تقول بعطفها على اللائي يئسن من المحيض وهو الفهم الذي فهمه جمهور الفقهاء.
السؤال عن الصياغة وليس عن شئ آخر. كون أن يكون هنالك تأويل مخالف فذلك لا يدحض دلالات الصياغة لأن التأوبل أصلاً هو بيان باطن النص بينما الصياغة تدل على معنى ظاهر الكلام.

كبر ما فاهم الموضوع وما فاهم ذاتو أنا شايت وين
ومتخيلني بقول في رأيي في مسألة زواج القاصرات
بينما انا أعرض آراء بعض الآخرين من غير أن أقول رأيي فيها.
ويكفيني من الإستدلال هو وجود هذه الآراء وليس إتفاقي او إختلافي معها.

بعد مداخلتي الأولى غيّرت خطتي زي ما وصح حافظ و قدر ما حاولت ألقى للآية مخرج؛ ما لقيت!


صياغة الآية ما عاجباني لسّ

المهم
حافظ يحتفظ بالقروش والآية تجيز تزوج الطفلات دون البلوغ

Quote: لكن كيفن أرجع لعبادي قروشو؟

رجيع القروش عشان جزمك ثم استدراككـ ..
دي النقطة بالتحديد ..

انت زول تقيل ياحافظ بشير وغمزة جبادتك تقيلة ..
ما نقرات خفيفة زي الشلباية ..
ممكن تتمولص منها وتفلت وما تلقى كبير اهتمام من الصيادين ..
عشان كده ابان جبادات ماصدقوا يجروا هامور كبير زيك ..

بحسب بنك السودان المركزي تقدر ديون نادي باريس (معظمها دول أوروبية) بنحو 15.7 مليار دولار نحو -31.5%- من إجمالي الدين الخارجي كثاني أعلى مدين.
وحصاد زيارة حمدوك الاخيرة الى بروكسل هي منحة ب55مليون يورو تقدم كمساعدات بواسطة منظمات وخبراء اوروبين ..يعني لا ديون حتتسدد ولا عقوبات سترفع
يعني (انبراشة) حمدوك ما جابت حقها..علما بانه الاتحاد الاوروبي (وعد) قبلا ب200مليون يورو كدعم للثورة السودانية ما شفنا منها حاجة.
كان اولى لحمدوك ان ياتي بما اتى به وهو في موقف قوة ..كان يمكنه القول للاوروبيين ،اذا لم تدعمونا فلا تسألونا عن سيول الهجرات الافريقية المتدفقة اليكم ولا المخدرات ولا تجارة البشر
لا تسألونا عن أمن البحر الاحمر ..لا تسألونا عن امن جيراننا حلفاؤكم..فالسودان غير المستقر امنيا وسياسيا واقتصاديا يمكن ان يجر عليكم كل ذلك.
اما فيما يختص برفع اسم السودان من قائمة الدول الراعية للارهاب،فالامر يحتاج الى حملات جماهيرية ووقفات احتجاجية مثل تلك التي كان تقام ضد النظام السابق امام الكونغرس الامريكي او البيت الابيض او الامم المتحدة او غيرها من العواصم العالمية المؤثرة..الامر يحتاج لحشد رأي عام عالمي ،امريكا دولة مؤسسات كما يعلم الجميع لابد من التأثير على تلكم المؤسسات باستخدام جماعات الضغط والاعلام،لا بزيارات المسؤولين والساسة فحسب.

هل ثبت الاغتصاب بوجهة النظر الغربية ؟
والمعاشرة دون رضاها بوصفنا نحن
حين قال حمدوك بوجه غير نضير يقول:

Quote: Quote: ،أجاب د.عبدالله حمدوك رئيس الوزراء الإنتقالي، أنه يؤيدها في كل ما ذكرته وأنه من هذا المنبر (منبر البرلمان الأوروبي) يدعو الأمم المتحدة لدعم تعليم الفتيات لزيادة الوعي ومن ثم القضاء على ظاهرة الزواج القسري للفتيات في السودان

والله إن الله لسائلكم يوم القيامة
لأنكم سمعتم من طرف واحد وصدقتم روايته
واعلموا ان قتل النفس المؤمنة لا جزاء لها عند الله إلا النار
ومن يقتل مؤمنا متعمدا فجزاؤه جهنم خالدا فيها وغضب الله عليه ولعنه واعد له عذابا عظيما
اتقوا الله في هذا الانسان فقد مات مقتولاً فلا تلاحقوه بعار لم يغترفه
من اراد كرامة هذا الوطن فليتحول لانسان منتج وهو اقصر الطرق لنحفظ كرامتنا من سؤال الناس اعطونا او منعونا

والا يكب الناس يوم القيامة إلا حصاد السنتهم؟

والله إن الله لسائلكم يوم القيامة
لأنكم سمعتم من طرف واحد وصدقتم روايته
واعلموا ان قتل النفس المؤمنة لا جزاء لها عند الله إلا النار
ومن يقتل مؤمنا متعمدا فجزاؤه جهنم خالدا فيها وغضب الله عليه ولعنه واعد له عذابا عظيما
اتقوا الله في هذا الانسان فقد مات مقتولاً فلا تلاحقوه بعار لم يغترفه
من اراد كرامة هذا الوطن فليتحول لانسان منتج وهو اقصر الطرق لنحفظ كرامتنا من سؤال الناس اعطونا او منعونا

والا يكب الناس يوم القيامة إلا حصاد السنتهم؟
--------------------
لا فض فوك الاخ علي الكنزي...حياك الله