نزول سعر البصل من 7 مليون للشوال لي مليون ونص للشوال

07:35 AM November, 11 2019 سودانيز اون لاين
Osman Musa-
مكتبتى
رابط مختصر

(adsbygoogle = window.adsbygoogle || []).push({});

حتي قبل اسبوع كانت القيامة قايمة في سوق البصل .
لي الدرجة الحصلت فيها اعتقالات بين التجار والسماسرة في سوق البصل .
تعال شوف الليلة تساب البصل .
وده كلو بي سبب وقوف مصانع تجفيف البصل .
وموتان سياسة الصادر وعدم فهم الافندية في الحكومة .
وجهل المزارعين .
بلد فيها بصل زي التفاح ولحمة زي الشوكلاتة .
وكلو رايح ساكت .

كل المنتجات الزراعية تمر بفترة هبوط متعمد في سعرها في موسم الانتاج. يتسبب التجار والسماسرة في هذا الهبوط الدوري ليشترو المحصول من المزارعين بأبخس ثمن. وبعد أن يصبح المنتوج كله بين أيديهم وتخلو مخازن الفلاحين منه يبدأ المضاربون الجشعون في رفع الأسعار بصورة خرافية حتى يحين الحصاد القادم

الاخ هاني سلامات
بلد عجيبة . تتفقد السلعة من الناس تفتش ليها ما تلقاها .
ينزل المطر يرقد السمسم تفتش لي شوال الخيش للتعبية ما تلقاهو .
يجي يوم سعر حبة البصلة تعادل سعر ربع الكيلو لحمة .
ويجي يوم تتوزع فيه اللحمة بالمجان .

حبيبنا عثمان موسى ,الكلام ماقاله الأخ هانى عربى ,فأن المزارع أو المنتج الحقيقى لايجد أى فائدة من زيادة الأسعار ,لأن هذه الزيادة لاتحدث إلا بعد أن يخرج المحصول من يده وتقع فى أيدى السماسرة الذين تتوفر لهم السيولة اللازمة للشراء والتخزين . وهذه الممارسات هى ممارسات كيزانية بأمتياز , فلم نشهد لهم أى الكيزان بأنهم يشاركون فى عملية الأنتاج الزراعى وما تعتريه من مخاطر ,فهم وبما توفره لهم البنوك المسماة زورا وبهتانا بنوك إسلامية من تمويل يقومون بشراء المحصول جاهزا بتراب القروش من المزارع المسكين الذى يكون مضطرا لبيع محصوله لتسديد ديونه وإلتزاماته , ثم تقوم تلك الأفاعى بتخزين المحاصيل التى يكونوا قد احتكروها لأنفسهم وأخراجها بقدر معلوم حفاظا على الأسعار الى يفرضونها على المواطن .

مشكلة البلد في السماسرة

أي زيادة ما ليها مبرر

العقارات ، السيارات ، العملة

للأسف حتى الخدمات الطبية دخلوا فيها

الله المستعان

الاخوان الكرام جميعا سلامات
زمان زمن كان مصنع تجفيف البصل شغال كان المزارع
يبيع قدر المحتاج يبيعو للمصانع ويقوم بي تخزين كمية
البصل البتحمل التخزين في رواكيب مخصصة للتخزين
لي فترات محدودة .
وكان كل السلع محافظة علي نفس سعر ايام الامتاج
وكانت السكة حديد الناقل الوطني تنقل السلع لي اي
مكان بي اسعار معقولة . حتي الحاويات تنقل من
بورتسودان لي اي مكان .