Post: #1
Title: إشاعة تم تكذيبها: الدولا100جنيه
Author: Abureesh
Date: 11-11-2019, 03:21 AM
02:21 AM November, 10 2019 سودانيز اون لاين
Abureesh-أمريكا
مكتبتى
رابط مختصر
(adsbygoogle = window.adsbygoogle || []).push({});اخر خبر سمعته اليوم من شخص موثوق
|
Post: #2
Title: Re: الدولار = 100 جنيه
Author: جمال ود القوز
Date: 11-11-2019, 05:40 AM
Parent: #1
شيل = دي بره يا أبو الريش ..
لأنه البوست ما حيتفتح للعايز يشوف المحتوى ..
بالحالة العلينا دي حيفوت السما ..
الغرب وأمريكا رفضوا يشحّدونا ..
وانتاج ما عندنا ..
وحتى خطط للنهوض بالانتاح بدون تشحيد صعبة ..
الحل البلد تتعصر جوه ومن دقنه وأفتلو ..
والحاجة الكويسة أنه زمن الحرامية انتهى ..
مافي الناس الكان بيلغفوا وبيودوا قروشنا بنوك بره ..
ربنا يصلح حال البلد يارب ..
عشان المواطنين التعبوا وغلبهم اليعملوهو ..
معيشة بقت صعبة وقاسية جدا
|
Post: #3
Title: Re: الدولار 100 جنيه
Author: ABUHUSSEIN
Date: 11-16-2019, 05:44 AM
Parent: #2
😂😂😂😂😂😂😂
لو كان ما موثوق كان قال ليك وصل 200 ؟؟؟؟
|
Post: #4
Title: Re: الدولار 100 جنيه
Author: ABUHUSSEIN
Date: 11-16-2019, 06:06 AM
Parent: #3
شلتو حال علي الكنزي ساااااي ...
قلتو عليه ناقل الكذب .. 😂😂😂😂
|
Post: #5
Title: Re: الدولار 100 جنيه
Author: Ali Alkanzi
Date: 11-16-2019, 09:35 AM
Parent: #4
يا سلام عليك يا ابوحسين
وانت تقول:
Quote: شلتو حال علي الكنزي ساااااي ...
قلتو عليه ناقل الكذب .. 😂😂😂😂 |
عارف في السودان الناس بتحب الكلام الحلو والوعود الزائفة وتهرب من الواقع
ولسا ح نشوف
قلتا ليهم يا ناس نعمل بمواردنا ونرفع انتاجية الزراعة والانعام والصناعات الخفيفة والمتوسطة
ونصبر على حالنا كدا ونصرف قدر ما نكسب
لكن لأنو الكنزي ناقل للكذب على قولهم فمن يصدقه؟
شكرا حبيبنا ابوحسين
بالمناسبة ثاني ابنائي اسمو الحسين
|
Post: #6
Title: Re: الدولار 100 جنيه
Author: ABUHUSSEIN
Date: 11-16-2019, 09:58 AM
Parent: #5
اخونا الكنزي
كدي خلينا نشوف البشرية الاتلمت عشان تجرمك بنقل الكذب حا تجي هنا و تجرم ابو المصدر الموثوق دا و ل حا يعملو رايحين ...
شايف البوست الكذب فيه و قال عندو دليل و جاء في اول مداخلة قال مشغول اتسحب ... !!!!!
|
Post: #7
Title: Re: الدولار 100 جنيه
Author: Ali Alkanzi
Date: 11-16-2019, 11:18 AM
Parent: #6
يا اخوي ابو حسين
الراجل هرب؟
وهي شيمتهم منذ ظهورهم
قولك هذا خلاني
ارفع طرحي ليطلع عليه مرة فمرة
ليحصد المر
|
Post: #8
Title: Re: الدولار 100 جنيه
Author: ABUHUSSEIN
Date: 11-16-2019, 01:14 PM
Parent: #7
البوست قاعد لو ما رسلو لي بكري لحذفه
و كل يوم حا ارفعو ليه علشان تشهد عليه امة محمد بنقل الكذب
قال شخص موثوق ....... !!!!!!!
|
Post: #10
Title: Re: الدولار 100 جنيه
Author: Abureesh
Date: 11-16-2019, 02:32 PM
Parent: #9
استوثقت كن المصدر..
الخبر غير صحيح.. و اسف على التسرع فى إيراده.
و الخطأ كان منى و ليس من راوي الخبر.. راوى الخبر تحدث
بالتلفون عن كم وتمانين جنيه ثم قال خلاص وصل مية جنيه.. فهمتها
على انه بالفعل وصل 100. اعتذر بشدة عن الخطأ و شكرا لأبى حسين على التنبيه.
سبحان من لا يخطئ.
|
Post: #11
Title: Re: الدولار 100 جنيه
Author: Biraima M Adam
Date: 11-16-2019, 02:46 PM
Parent: #10
الباشمهندس نستأذنك في شيئ واحد بس .. نرد لود القوز
ود القوز
متى أنتهي زمن الحرامية؟
| Quote: والحاجة الكويسة أنه زمن الحرامية انتهى .. |
مش أمبارح في واحد أسمه حبيب العبيد بتاع قحت عايز يسّرق الوزير 145 مليون جنية من خزينة الشعب السوداني .. أنت يا أخوي نايم وين؟
بريمة
|
Post: #12
Title: Re: الدولار 100 جنيه
Author: Ali Alkanzi
Date: 11-16-2019, 06:11 PM
Parent: #11
بس الكنزي ما بشرك من زمان يا ابوالريش بالانجليزي
انو الدولار سيرتفع وامريكا لن تتخلى عن عقوباتها للسودان
والدولار في طريقة للمئة جنيه قبل نهاية هذا العام خاصة بعد تصريح حميدتي وليس حمدوك
برضو تصريحات حمدوك رفعت الدولار
لأنه جاء بخفي حني بعد زياراته المكوكية لامريكا وباريس وبروكسل
وحتى الان
الامر يمشي كما تنبأت له الكنزي
وليس كما تنبأ الاستاذ محمود
شاهت الوجوه
|
Post: #13
Title: Re: الدولار 100 جنيه
Author: MOHAMMED ELSHEIKH
Date: 11-16-2019, 06:17 PM
Parent: #12
اعتبرت الموثوق ابو حسين
كمان معاه طبلة
|
Post: #14
Title: Re: الدولار 100 جنيه
Author: Ali Alkanzi
Date: 11-16-2019, 06:36 PM
Parent: #13
انتو مالكم كلكم بالانجليزي كدا يا اخ محمد الشيخ
قلتا لي معاهو طلبة ؟
يا اخي دي طبلة بجنزيرا كمان شفتا عمائل الجمهوريين؟
قال مية قال؟
ليه هو متراجع منها
ما الدولار في تصاعد مستمر على مدار الساعة وليس اليوم
وسيصل للمئة قبل نهاية العام
خاصة بعد تصريح حميدتي وهو يقول:
Quote: كشف حميدتي لدى لقائه مع سياسيين وناشطين في العمل المدني عن إيقاف كل من الإمارات والسعودية الدفعة الثانية من المنحة المالية التي كانتا قد التزمتا بها خلال زيارة مشتركة لرئيس مجلس السيادة ورئيس الوزراء مؤخرا للسعودية.
وقال المصدر إن قرار الدولتين جاء احتجاجا على انتقادات طالتهما من قوى الحرية والتغيير مؤخرا.
وخلال اللقاء قال حميدتي بحسب المصدر إن جهات لم يسمها إنتحلت هوية الدعم السريع وقامت بفض إعتصام القيادة العامة وإنه يملك أدلة على ذلك.
وأبدى حميدتي وفقا للمصدر استياءه من عدم تقدير قوى الحرية والتغيير لجهوده في توفير الدعم المالي للحكومة بعلاقاته مع بعض الدول المانحة، وقال إنه قرر رفع يده عن ذلك وسيكتفي بحماية البلاد من أي أخطار محدقة بها.
|
|
Post: #15
Title: Re: الدولار 100 جنيه
Author: أبوبكر عباس
Date: 11-16-2019, 06:38 PM
Parent: #14
تاني يا أبا الريش، بوست خوري؟
لفح تقيل
|
Post: #16
Title: Re: الدولار 100 جنيه
Author: Abureesh
Date: 11-16-2019, 06:44 PM
Parent: #14
"ليه هو متراجع منها
ما الدولار في تصاعد مستمر على مدار الساعة وليس اليوم
وسيصل للمئة قبل نهاية العام"
إتراجعت منها لأنى علمت انها خطأ.. موش زى الناس الذين تاخذهم العزة بالإثم فيبحثون عن إمكانية ارتفاع سعره مستقبلا فيقدمون ذلك دليلا على كلامهم (بأثر رجعى).. بدل
يتواضعوا و يعتذروا. و المسلم يعرف ما هو عقابه لو نازع الله فى رداء الكبرياء.
كون الدولار سيرتفع لا يعنى انه ارتفع و اليوم يساوى 100 جنيه.
|
Post: #17
Title: Re: الدولار 100 جنيه
Author: محمد أبوالعزائم أبوالريش
Date: 11-16-2019, 08:13 PM
Parent: #16
يا أبوريش، لو ما حابي تسحب البوست، يا ريت تغيّر العنوان، لأنو في ناس بيكتفوا بقراءة عناوين البورد أو ما بيدخلوا كل البوستات ... عشان ما يتعرّضوا للتضليل بس.
شكراً
|
Post: #18
Title: Re: الدولار 100 جنيه
Author: Abureesh
Date: 11-16-2019, 08:20 PM
Parent: #17
شكرا يا أبوالريش:
تم القيام بالواجب
|
Post: #19
Title: Re: الدولار 100 جنيه
Author: محمد أبوالعزائم أبوالريش
Date: 11-16-2019, 08:23 PM
Parent: #18
سلمت
|
Post: #20
Title: Re: الدولار 100 جنيه
Author: أبوبكر عباس
Date: 11-17-2019, 02:03 AM
Parent: #19
حننتني
|
Post: #21
Title: Re: الدولار 100 جنيه
Author: Abureesh
Date: 11-17-2019, 03:01 AM
Parent: #20
"حننتني"
و دا حالك يقولوا عليك مستنير!
عارف مستنير معناها شنو؟ إليوميناتى
سيدها تصرفاته نابعة منه و من نهجه فى الحياة و اسلوبه..
ما فى زول يستخفه و لا يلتفت للمدايد الحارة .. اذا أخطأ
يعتذر و لا يستجيب للناس الشايلة المديدة الحارة و حايمة فى المنبر.
لا يعيش فى عقول الاخرين و لا يسير خلف القطيع.
هذا هو الرجل المستنير.
|
Post: #22
Title: Re: الدولار 100 جنيه
Author: أبوبكر عباس
Date: 11-17-2019, 03:40 AM
Parent: #21
البعد الاستناري في مداخلاتي دي يا أبا الريش، لا تدركه.
نحن نختلف عن الواتساب والفيس بوك والأخبار هنا لا بد من التأكد منها،
أنت مثلاً رجل عاطفي تنفعل مع ما تسمعه بسرعه وتنقله هنا دون أن تكلف نفسك جهد التأكد وهي ليست المرّة الأولى أو الثانية،
السخرية الشديدة منك والمساككة من الاستاذ أبو حسين نوع من التدريب الصعب لك
|
Post: #23
Title: Re: الدولار 100 جنيه
Author: جلالدونا
Date: 11-17-2019, 03:44 AM
Parent: #22
حبوبتي ليمياء بتقول الصعب عليك
شكلها ما مستنيرة
|
Post: #24
Title: Re: الدولار 100 جنيه
Author: Abureesh
Date: 11-17-2019, 05:35 AM
Parent: #23
هذه ثقافتكمِ. اقصد الذين ينتظرون حذف البوست.
الرجل الحر يتحمل مسؤولية خطئه و لا يهرب.. الطفل هو الذى يتهرب من مسئولية عمله. يكسر الكباية و لما تسأله يقول ليك ما فى زول كسرها.. نفس سلوككم.. الواحد فيكم لما يغلط يجرى لبكرى عشان يمسح.
لا يريد أن يعتذر و ينشر الاعتذار فى نفس المكان الذى نشر فيه الخطأ ِ. مثلما تعمل المطبوعات .. و لا يهرب بأن يحذف البوست.
قد اكون أخطأت مرة او مرتين من قبل.. و لكن جيب مرة واحدة لم اتحمل فبها مسؤولية الخطأ و اصححه. او اعتذر عنه. و انا غير معصوم من الخطأ. قد أقع فيه .. و لكن العبرة كيف تتصرف بعد ان تخطئ..حتى نبينا عليه الصلاة و السلام أخطأ حين عبس و تولى من الاعمى. ثم عاد و لم يهرب من قراءة الآية التى صححتهِ.. والحديث يقول إن لم تخطئوا و تستغفروا فسيأتى الله بقوم يخطئون و يستغفرون فيغفر لهم. البسوو فيه مع الاسف حركات ساكت ... اكبروا!
التمرين دا صعب عليك.
|
Post: #25
Title: Re: الدولار 100 جنيه
Author: قلقو
Date: 11-17-2019, 11:47 AM
Parent: #24
حتى لو وصل الدولار 1000 جنيه ,فالكيزان لن يعودوا , والشعب سيلتف حول حكومته الديموقراطية حتى يعبروا به إلى بر الأمان فلستوب .
|
Post: #26
Title: Re: الدولار 100 جنيه
Author: Ali Alkanzi
Date: 11-17-2019, 02:21 PM
Parent: #25
يا اخ قلقو
والله لن يسعدنا تصاعد سعر الدولار مقابل الجنيه
ولكنه واقع لا يمكن الفرار منه إلا بالاعتماد على الذات
والبلد مليانة بالموارد والقوى البشرية
وناس البشير تاني يشموها قدحة
وحتى حق التطلع لحكم السودان مرة ثانية
دونه خرط القتاد
ولكن علينا ان نواجه الواقع دون مواراه
|
Post: #27
Title: Re: الدولار 100 جنيه
Author: خضر صيام
Date: 11-17-2019, 03:43 PM
Parent: #26
مافي تفاؤل نهاي كدا
|
|