Post: #1
Title: لأول مرة في التاريخ، يوجد ناطقيين رسميين... على من تضحكون؟
Author: Deng
Date: 11-10-2019, 08:18 AM
07:18 AM November, 10 2019 سودانيز اون لاين
Deng-
مكتبتى
رابط مختصر
العميد عامر محمد الحسن هو المتحدث الرسمي للقوات المسلحة القوات المسلحة.
العميد جمال جمعة هو المتحدث الرسمي لقوات ما يسمى بالدعم السريع.
إذا كانت قوات ما يسمى بالدعم السريع تابعة للقوات المسلحة فلماذا هي لديها ناطق رسمي خاص بها؟
|
Post: #2
Title: Re: لأول مرة في التاريخ، يوجد ناطقيين رسميين..
Author: Deng
Date: 11-10-2019, 09:48 AM
Parent: #1
الفوضى التي تحدث في السودان بواسطة العسكريين والجنجويدي حميدتي في مجلس السيادة هي الثورة المضادة بيعينها، لأنهم يقومون بتهديد التحول الديمقراطي في السودان والذي يدعوا الى دولة مدنية طابعها السلام والعدالة.
وما تقوم به قوات الجنجويد (قوات الدعم السريغ) من فوضى في البلاد سوف يؤدي الى تقويض كامل لأي تحول ديمقراطي حقيقي في السودان.
|
Post: #3
Title: Re: لأول مرة في التاريخ، يوجد ناطقيين رسميين..
Author: جمال ود القوز
Date: 11-10-2019, 10:24 AM
Parent: #2
سلامات يادينق ..
وتأكد لن يفسحوا المجال للحكومة المدنية إن أتى أوان فترتهم للحكم ..
بل سيتم طردهم أو اعتقالهم واعلان استيلاء الجيش والجنجويد على الحكم ..
هذا الخليط القذر ثعبان أرقط ينتظر الانقضاض على فريسته ..
فقط ينتظر الوقت المناسب بعد أن تهدأ يقظة الثوار للاستفراد ..
بحكومة مدنية ضعيفة وهشة ولابرامج لها ولاتبصر أبعد من تحت أقدامها ..
كل تفكيرهم محصور في سفاسف الأمر وتوافهها وسيدفع الثوار الثمن
كما دفعوه حينما أتوا بهؤلاء الضعاف ..
نعيش ونشوف غايتو ......
|
Post: #4
Title: Re: لأول مرة في التاريخ، يوجد ناطقيين رسميين..
Author: adil amin
Date: 11-10-2019, 11:12 AM
Parent: #3
تحركهم مصالح الدول الوسخة دي مصر السعودية الامارات وقطر وتركيا ديل كلهم دلالين المشروع الامريكي في المنطقة والسودان والدور المزدوج شوفو ودا ليبيا وين
لو الناس في ق ح ت او المجلس العسكري عندهم رؤية ديمقراطية الفدرالية اشتراكية حقيقية كانت ظهرت زمان من اول يوم
وانت لسه ما شفت حاجة
|
Post: #5
Title: Re: لأول مرة في التاريخ، يوجد ناطقيين رسميين..
Author: Deng
Date: 11-10-2019, 04:37 PM
Parent: #4
Quote: سلامات يادينق ..
وتأكد لن يفسحوا المجال للحكومة المدنية إن أتى أوان فترتهم للحكم ..
بل سيتم طردهم أو اعتقالهم واعلان استيلاء الجيش والجنجويد على الحكم ..
هذا الخليط القذر ثعبان أرقط ينتظر الانقضاض على فريسته ..
فقط ينتظر الوقت المناسب بعد أن تهدأ يقظة الثوار للاستفراد ..
بحكومة مدنية ضعيفة وهشة ولابرامج لها ولاتبصر أبعد من تحت أقدامها ..
كل تفكيرهم محصور في سفاسف الأمر وتوافهها وسيدفع الثوار الثمن
كما دفعوه حينما أتوا بهؤلاء الضعاف ..
نعيش ونشوف غايتو ...... |
مرحبا يا عادل أمين.
كلامك الفوق ده هو السيناريو المحتمل، وكل المؤشرات تقود اليه.
وهذه مشكلة حقيقية.
|
Post: #6
Title: Re: لأول مرة في التاريخ، يوجد ناطقيين رسميين..
Author: علاء سيداحمد
Date: 11-10-2019, 04:45 PM
Parent: #5
| Quote: وما تقوم به قوات الجنجويد (قوات الدعم السريغ) من فوضى في البلاد سوف يؤدي الى تقويض كامل لأي تحول ديمقراطي حقيقي في السودان. |
و حزبى الامة القومى وحزب المؤتمر السودانى سيكونان مسئولان مسئولية مباشرة فى فوضى قادمة من لدن الدعم السريع
|
Post: #7
Title: Re: لأول مرة في التاريخ، يوجد ناطقيين رسميين..
Author: Deng
Date: 11-10-2019, 08:12 PM
Parent: #6
فووق
|
Post: #8
Title: Re: لأول مرة في التاريخ، يوجد ناطقيين رسميين..
Author: عماد الدين الطيب عمر
Date: 11-10-2019, 09:38 PM
Parent: #7
حبيبنا دينق
تحياتي
القالو ود الفوز دا الحا يحصل و قبل كدة انا قلتو
ح تنتهى فترة العسكر
و ح يقوموا على المدنيين ضرب و قتل و سحل و اخفاء قسري
و ح يعملوا كل البقدروا عليه عشان يمسكوا السلطة
يعني معقول بالساهل كدة يسلموا رقابهم للمدنيين
و الثورة اصلا يا دينق انتهت
انتهت بمجرد وجود ١٧~١٨ كوز من عسكري ل مدني في كوبر
و الباقيين فيهم من تم تسهيل هروبه و فيهم من سافر عينك عينك
و فيهم من هو موجود الان و يواصل نشاطه
بل يهدد و يتوعد و حتى من قبضوا عليه في كوبر كانت و ما زالت محاكماتهم صورية
لا تسمن و تغني من جوع
و يجوك ناس قحت يقولوا ليك قانون و مثالية
حمدوك و وزراءه خارج التغطية
و كل مرة نسمع بتكوين لجنة قانونية لإحداث القيادة
و كل اللجان دي كلام فاضي
يا اخي الكيزان هم الوحيدين المسموح ليهم بحضور محاكمة البشير
و يهتفوا و ما زالوا يرفعوا في اصابعهم و يهللوا و يكبروا
و ناس الدفاع الشعبي يهددوا و يتوعدوا
الغلط كان من الاول
بعد مجزرة القيادة قعاد مافي مع القتلة
لكن ديل سووها عديييل
و ما تنسى كمان احتفال أعضاء السيادة مع الجنجويد
شوف الكلام دا حاجة ترفع الضغط
بلا ثورة بلا قحت
ديل امتداد للكيزان في توب جديد
قحت لا تمثلني
قوموا إلى ثورتكم
|
Post: #9
Title: Re: لأول مرة في التاريخ، يوجد ناطقيين رسميين..
Author: منتصر عبد الباسط
Date: 11-10-2019, 10:02 PM
Parent: #8
والله حاجة عجيبة الموضوع الفارغ دائما الناس تتكالب عليه بصورة عجيبة وتجاري صاحبه
كل الموضوع متعلق فقط بمتحدثين عن .كذا وكذا....
والله الدعم السريع وقائده ما كانو ليتمكنوا في هذه المرحلة ويأخذوا هذا الحجم
إلا حينما سفهنا القوات المسلحة وأعلنا عليها الحرب منذ 12 ابريل .
ونأتي الأن لنورجغ فيما صنعناه بأيدينا
سطحيتنا تمنعنا من قراءة ما ينتجه ويعكسه الحال ونتمسك فقط بظواهر المقال
لحال صنعناه بأيدينا.
|
Post: #10
Title: Re: لأول مرة في التاريخ، يوجد ناطقيين رسميين..
Author: منتصر عبد الباسط
Date: 11-10-2019, 10:06 PM
Parent: #9
الثلاثة أنظمة العسكرية كان وراؤها مدنيين وأحزاب مدنية
تاني الكذب لزومو شنو ؟!
الكيزان وجدوا في غباؤنا ضالتهم فأشاعوا فينا الكذب.
|
Post: #11
Title: Re: لأول مرة في التاريخ، يوجد ناطقيين رسميين..
Author: ايوب عبدالرحيم
Date: 11-11-2019, 05:18 AM
Parent: #10
Quote: الفوضى التي تحدث في السودان بواسطة العسكريين والجنجويدي حميدتي في مجلس السيادة هي الثورة المضادة بيعينها، لأنهم يقومون بتهديد التحول الديمقراطي في السودان والذي يدعوا الى دولة مدنية طابعها السلام والعدالة.
وما تقوم به قوات الجنجويد (قوات الدعم السريغ) من فوضى في البلاد سوف يؤدي الى تقويض كامل لأي تحول ديمقراطي حقيقي في السودان |
|
Post: #12
Title: Re: لأول مرة في التاريخ، يوجد ناطقيين رسميين..
Author: محمد عبد الله الحسين
Date: 11-11-2019, 05:49 AM
Parent: #11
بشكل عام
الأمور غير مطمنة
و الرؤية غير واضحة
و العوائق كتيرة و الأعداء كثر..
و لا تستطيع بشكل مؤكد معرفة العدو من الصديق
و لا تستطيع معرفة الأجندات الخفية لجميع الأطراف..
هذا ملخص للمشهد الحالي
|
Post: #13
Title: Re: لأول مرة في التاريخ، يوجد ناطقيين رسميين..
Author: عماد الدين الطيب عمر
Date: 11-11-2019, 07:31 AM
Parent: #12
حبيبنا عبد الله
تحياتي
الجميع عندهم أجندة
لكن ما خفية زي ما قلت
دي أجندة واااااضحة وضوح الشمس
سكات الجميع عن ما دار في باب القيادة من مجازر و اغتصاب
و اخفاء و إغراق جثث
إضافة ل سيناريوهات محاكمة البشير
و تسهيل هروب و خروج الكيزان بأموال الشعب
دا كله موش بوضح ليك الأجندة المخفية عنك
نشاط المؤتمر الوطني الان دا برااااهو ح يوضح ك ما سبق
و المسألة مسألة زمن ليس إلا يا محمد
و شبهينا و اتلاقينا
قحت و المؤتمر الوطني وجهان لعملة واحدة
و ما عايز اقول حتى يثبتوا العكس
لانو مافي اجندتهم عكس اساسا عشان يثبتوه
دماء الشهداء اتبخرت و تحولت ل لجان للدراسة
اموال الشعب تم تسهيل خروجها من البلد
يا راجل عوض الجاز لقوا عندو تراكتور و احمد هارون عندو موتى
تاني في أجندة أوضح من كدة؟
|
Post: #14
Title: Re: لأول مرة في التاريخ، يوجد ناطقيين رسميين..
Author: Deng
Date: 11-11-2019, 08:28 AM
Parent: #13
Quote: سلامات يادينق ..
وتأكد لن يفسحوا المجال للحكومة المدنية إن أتى أوان فترتهم للحكم ..
بل سيتم طردهم أو اعتقالهم واعلان استيلاء الجيش والجنجويد على الحكم ..
هذا الخليط القذر ثعبان أرقط ينتظر الانقضاض على فريسته ..
فقط ينتظر الوقت المناسب بعد أن تهدأ يقظة الثوار للاستفراد ..
بحكومة مدنية ضعيفة وهشة ولابرامج لها ولاتبصر أبعد من تحت أقدامها ..
كل تفكيرهم محصور في سفاسف الأمر وتوافهها وسيدفع الثوار الثمن
كما دفعوه حينما أتوا بهؤلاء الضعاف ..
نعيش ونشوف غايتو ...... |
مرحبا يا ود القوز.
منذ البداية والكل يعلم من هم العسكر بالمجلس العسكري ومن هو قائد الجنجويد حميدتي وما هو تاريخهم في دعم وحماية النظام البائد وتنفيذ سياساته القذرة في السودان. وهم بعد كل ذلك يعتقدون أن هؤلاء من الممكن أن يتغيرون، ولكن التغير المنشود في هؤلاء المجرمين سقطوا فيه عندما قاموا بفض الاعتصام بالقوة ومارسوا مع الثوار نفس الممارسات التي كانوا يمارسونها في دارفور وجبال النوبة ومن قبلهما جنوب السودان، وهي القتل والاغتصاب.
|
Post: #15
Title: Re: لأول مرة في التاريخ، يوجد ناطقيين رسميين..
Author: adil amin
Date: 11-13-2019, 03:38 AM
Parent: #14
لا حمدوك شخصيا عنده مشروع تحول ديمقراطي حقيقي قدمو للشعب ولا ق ح ت ايضا عندها رؤية وقلنا التحول الديمقراطي مسار process وليس اشخاص فلان او علان
وانت فتحت بوست كبير قلت انا شايت وين هسة حولو لي قحطيين البورد يا دينق الراسبين في السياسة الاقليمية والدولية رغم التوعية الجبارة التي نبذلها هنا
وقلت ليك نحن نزح من الخمسة ديل اول حاجة مصر والسعودية والامارات وقطر وتركيا وديل دلالين المشروع الامريكي المدمر في المنطقة ووواااااااااااااااااااااااااااااااضح
نرجع لي صبة جون قرنق القوية 2005-2010 ونمسك درب جديد يهيكل السودان ويخلي الشعب يختار حاكم الاقليم وبرلمان الاقليم ثم برلمان المركز ثم رئيس الجمهورية
العمل في مناخ ديمقراطي افضل قبل يضيع الهامش الديمقراطي ذاتو
ونصحت الشيوعيين يعملو اذاعة FM من هسة ويشرحو رؤيتهم للشعب السوداني كله ويطلعو من قوقعة النخبة السودانية وادمان الفشل المسماة ق ح ت دي
من امحاصصة الانتهازية وسفالة الانقاذيين وفي 18 ولاية والهرولة الي الخليج وامريكا والبنك الدولي
بالله دي ثورة شنو دي والله يرحم ايام هوشي منه وماو العظيم وجلويس نايريري
|
|