طرب حقيقى

طرب حقيقى


11-07-2019, 11:35 PM


  » http://sudaneseonline.com/cgi-bin/sdb/2bb.cgi?seq=msg&board=500&msg=1573166109&rn=0

Post: #1
Title: طرب حقيقى
Author: أبوذر بابكر
Date: 11-07-2019, 11:35 PM

10:35 PM November, 07 2019

سودانيز اون لاين
أبوذر بابكر-
مكتبتى
رابط مختصر



عليكم الله اسمعو

و اطربو

https://youtu.be/KTmcvT0m9UYhttps://youtu.be/KTmcvT0m9UY

انا غايتو بسمع و أقرب أطير والله
Post: #2
Title: Re: طرب حقيقى
Author: أبوذر بابكر
Date: 11-07-2019, 11:38 PM
Parent: #1

يا إخوانا اللنك ده شغال ؟

ولا انا ما عرفت ليهو
Post: #3
Title: Re: طرب حقيقى
Author: أبوذر بابكر
Date: 11-07-2019, 11:39 PM
Parent: #1

لا لا شكلو ما ظابط كويس

كيف طيب الطريقة الصحيحة ؟
Post: #4
Title: Re: طرب حقيقى
Author: Mohd Ibrahim
Date: 11-07-2019, 11:55 PM
Parent: #3

right click then copy the URL code
بعدين اضغط ال URL الفوق دي(جنب اقتباس) ولصق الكود فيها
Post: #5
Title: Re: طرب حقيقى
Author: جلالدونا
Date: 11-08-2019, 01:21 AM
Parent: #4



سلام يا أبو ذر
أعمل رايت كليك على الفيديو
تظهر ليك المنيو دي



أعمل كليك على copy embed code
أعمل بيست للكود في البوست مباشرة بدون أي إضافات
حيظهر ليك الكود بالشكل الآتي بدون الدوائر الحمراء

أعمل كليك على شاهده قبل نشره
يمكنك التحكم في حجم الفيديو بتغيير الأرقام بعد كلمتي width و height والموسومة هنا بالدوائر الحمراء

وبعدها ما تدي فرصة لنوع جلالدونا دا يقفل ليك البوست بكود خاطئ



مولاكم حافظ بشير
____________________
فعلاً في شي ما تمام خالص
واللخبتة بيني وبين المدعو جلالدونا ما حبابها
يا بكري تعال فسر
Post: #9
Title: الردود وين ؟
Author: أبوذر بابكر
Date: 11-08-2019, 07:18 AM
Parent: #1

فى شى ما تمام فى الموضوع ده

الردود بتاعتى ليه ما بتظهر ؟
Post: #11
Title: Re: طرب حقيقى
Author: أبوذر بابكر
Date: 11-08-2019, 08:38 AM
Parent: #1

الشى ده اتلخبط لخبطة عجيبة

على باليمين ما فاهم اى شى

هههههه
Post: #12
Title: Re: طرب حقيقى
Author: Hafiz Bashir
Date: 11-08-2019, 08:53 AM
Parent: #11



شكلي بقيت هاكر كبير

ما عارف ليه لما انزل الكود الصحيح للفيديو
مداخلتي بتنزل في محل مداخلة جلالدونا
Post: #13
Title: Re: طرب حقيقى
Author: أبوذر بابكر
Date: 11-08-2019, 08:58 AM
Parent: #12

ازيك يا حافظ


تعرف احسن حل نلغى البوست تماما و نعمل واحد تانى

يا ريت لو بكرى يساعدنا فى الشى ده

آب صلعه تلقاهو نااااائم هسى
Post: #16
Title: Re: طرب حقيقى
Author: Hafiz Bashir
Date: 11-08-2019, 09:07 AM
Parent: #13


سلام أبوذر تاني
كدا البوست ما فيهو مشكلة غير إنو مداخلتي نزلت في محل مداخلة المدعو جلالدونا الكانت قافلة البوست
لو مسحت مداخلتي النزلت في محل مداخلة جلالدونا البوست بتقفل وكل الردود بعد جلالدونا ما بتظهر

طبعاً أنا متضرر جداً من اللخبتة بيني وبين جلالدونا
وقد أطالب بكري بتعويض على إشانة السمعة
Post: #20
Title: Re: طرب حقيقى
Author: أبوذر بابكر
Date: 11-08-2019, 10:01 AM
Parent: #16

اصلك ما تخليهو

جلجل الأرض تحت اقدامنا
ههههه

انا برضو داير تعويض

إلا ينزل لينا اغنية

حبيب عمرى انت لى كل شى

و بالعود على شرط

المهم انت ما تخليهو كلو كلو
Post: #15
Title: Re: طرب حقيقى
Author: أبوذر بابكر
Date: 11-08-2019, 09:01 AM
Parent: #1

حالتى قلت تانى أقبل على أبوداود بعد أبو على

لكين عدم العرفه مصيبة طبعا

كنت داير الملم كنوز و جواهر الطرب العجيبة دى كلها هنا

بالعود بس

بعمل لى بوست تانى
Post: #17
Title: Re: طرب حقيقى
Author: Hafiz Bashir
Date: 11-08-2019, 09:16 AM
Parent: #15


Quote: بعمل لى بوست تانى

أينما تكون ستتحفنا بجواهر الطرب

ومتابعين
Post: #18
Title: Re: طرب حقيقى
Author: جمال ود القوز
Date: 11-08-2019, 09:26 AM
Parent: #17

Quote: تعرف احسن حل نلغى البوست تماما و نعمل واحد تانى


مش ضروري تفتح وست جديد يا اباذر ..
البوست ده استعدل خلاص
كود الفيديو بتاع جلال عمل الربكة دي ..
انا من شفت المداخلة امس عرفت الحاصل
لكن شكلو مولانا المستنير الكبير حافظ بشير ..
بقى هكر ليهو ضل ..
كيف دخل على أكواد مداخلة جلالدونا ..
وظبط معاهو البوست تاني ..
عملت شنو ياعمك ... خخخخخخ
Post: #19
Title: Re: طرب حقيقى
Author: جمال ود القوز
Date: 11-08-2019, 09:28 AM
Parent: #18

(ب) ... ...
Post: #22
Title: Re: طرب حقيقى
Author: أبوذر بابكر
Date: 11-08-2019, 10:08 AM
Parent: #18

وين يا قوازى

فى القوز ما نسينا
وللقوز ليس نجهل
فيهو وجدنا قيمه
وفيهو وردنا منهل

مولانا بقى قانقستر خطير

دخل ليك لى جلال بى خوجلي و مرقو ليك بى حمد

والله حقو نسجلو قلب دفاع فى برشلونة
Post: #21
Title: Re: طرب حقيقى
Author: أبوذر بابكر
Date: 11-08-2019, 10:04 AM
Parent: #17

لا لا خلاس

ود القوز افتانا بمواصلة الزحف الطربى هنا

لكين أصبر ليهو المجلجل

ههههه
Post: #23
Title: Re: طرب حقيقى
Author: Hafiz Bashir
Date: 11-08-2019, 10:30 AM
Parent: #21



Quote: عملت شنو ياعمك ...


يا قوازي القصة دي ما ساهلة ودايرة شرح كتير
وتحتاج بوست منفصل من نوع ابو 6 او 7 صفحات داك عشان اشرح فيهو قليل من كثير كمقدمة بس
😂😂😂
Post: #24
Title: Re: طرب حقيقى
Author: جمال ود القوز
Date: 11-08-2019, 10:38 AM
Parent: #23

تسلم أباذر يا شاعرنا الجميل على روعة ردك وحسك المرهف ...

ــــــــــــــــــــــــــــــــــــــــــــــــــــــــــــــــــــــــــــــــــــــــ

يا حافظ يامستنير قلت لي عايز ليك بوست طويل وكده .. هههههه
عفيناك منو ياصاحب ..

هاكـ بياضي في ارتشاف الطرب ..
نعيم الدنيا دي غنيتنا الأثيرة في القعدات ..
في المساءات والقمر في ليلة تمه ..
أو في الليالي المعتمه سيان ..
فهذه الأثيرة تضفي على لمتنا أجواء ..
يقتبس القمر منها طروبا نورا واشعاعا .....

دمتما .........
Post: #27
Title: Re: طرب حقيقى
Author: أبوذر بابكر
Date: 11-08-2019, 11:01 AM
Parent: #24

يا امانى حياتى
البيك نور اقليمك

يا قوم ياخ والله نعيم الدنيا دى فعلا ياها النعيم المقيم

ده أظنه عمنا عمر البنا كان ما أخاف المصب

لكين الشى لامن يبقى عند برعى و ابوداود

ببقى كلام تانى

داير اقول ليك شنو

كدى عليك شوف يا عين بتخافى مالك

بتاعة عبيد عبد الرحمن

وشوف ابوداود ويرعى بسوو فى شنو
Post: #25
Title: Re: طرب حقيقى
Author: أبوذر بابكر
Date: 11-08-2019, 10:39 AM
Parent: #23

حافظ هوكينز

هههههه

يا زول تستاهل والله

Hold the weather

الترجمة يعنى أقبض الجو

دى من قاموس

Cut the road
Post: #26
Title: Re: طرب حقيقى
Author: Amira Hussien
Date: 11-08-2019, 10:46 AM
Parent: #25

اراك فى الحقيقة معانيك رقيقة وكلك شعور
مافى أجمل من كده
شكرا طربنا كتير
Post: #28
Title: Re: طرب حقيقى
Author: أبوذر بابكر
Date: 11-08-2019, 11:09 AM
Parent: #26

ازيك يا اميره

المعانى و الكلام طبعا شى بديع

انتى شوفى الأداء و طريقة تطريب حسن عطية و امتزاج الصوت مع العود

والله يطرب الحجر

Post: #29
Title: Re: طرب حقيقى
Author: جلالدونا
Date: 11-08-2019, 11:16 AM
Parent: #26

سلام اباذر و ضيوفك الكرام
و سعيدين بالعودة الجميلة دى
و اعتذار شديد على قفلة البوست الجابت لولوة مولاهم
____
و يا مولاهم كيفك ياخ
الغريبة مشيت على كود التعديل فى المداخلة بتاعتى و عفصتو
جانى الرد عديل كده انت ما سيد المداخلة و ما عندك حق التعديل
هسى ده ما تعدّى و سطو مسلّح .... كمان عامل فيها زعلان من اللخبتة
و تخبّت فى الطشاشة و الحِلل
مشكور على استعدال البوست و ان جات على حساب سمعتى
Post: #30
Title: Re: طرب حقيقى
Author: جمال ود القوز
Date: 11-08-2019, 11:19 AM
Parent: #29
Post: #31
Title: Re: طرب حقيقى
Author: جمال ود القوز
Date: 11-08-2019, 11:53 AM
Parent: #30



ثانية الأثافي ومنوسرة جرحنا القديم زهرة الروض الظليل ...
جمعتكم مباركة ..
يا أهيف ياذو الطرف الكحيل ..
يا صدركـ عالي وخصرك نحيل ..
ـــــــــــــــــــــــــــــــــــــــــــــــــــــــــــــ

يا جلال الكاشف أخونا ده سطا على مداخلتك ..
وسدّر حبس الدرب .....
Post: #32
Title: Re: طرب حقيقى
Author: جلالدونا
Date: 11-08-2019, 12:53 PM
Parent: #31

جمال يا حبيب ... كيفك ياخ
مولاهم شايفو فرحان لكن باكر بضرب الرورار
ح أقوم اخش فى اى بوست لى أبو حسين و اردمو ردم الجن
و اى كانى مانى بقول المداخلة كتبًا مولاهم
٠٠٠٠
يا ابوذر فتشت طلبك لفيتو بالموسيقى بس
عشان كده ح أستعين بى مولاهم التانى قبانى عشان ينزلا ليك بالعود
Post: #34
Title: Re: طرب حقيقى
Author: أبوذر بابكر
Date: 11-09-2019, 08:25 AM
Parent: #31

تعرف يا قوز

زهرة الروض دى اكتر اغنية بتكتلنى عند كرومه

برضها حقت عمر البنا

كرومه و عمر البنا كانو مسافرين شندى وفى القطار فى الطريق كرومه حكى ل عمر البنا حكاية عشق زهرة الفى امدرمان
و عمك عمر طوالى ظبط القصيدة و كرومة حفظها و غناها فى شندى فى نفس اليوم

مناى فى الدنيا قبل الرحيل
أرى شخصك لكين مستحيل
زاد وجدى
و نوم عينى أصبح قليل

أبوداود وريث حقيقى ل سيدنا كرومه

Post: #33
Title: Re: طرب حقيقى
Author: أبوذر بابكر
Date: 11-09-2019, 08:19 AM
Parent: #29

جلالدونا يا مارادونا

غايتو انا و انت بقت علينا حكاية المثل داك

الما بتعرف شنو كده بتسوى شنو كده

نسيتو ياخ

لكين فيهو حريق غايتو

ههههههه
Post: #35
Title: Re: طرب حقيقى
Author: ياسر السر
Date: 11-09-2019, 09:09 AM
Parent: #33

إنا لله يا حبيب ياخ ده كلام عجيب ,,,, كدي واصل في نبش هذه الدرر الله يرضى عليك فقد ارحتنا راحة جميلة ...


تحياتي : ياسر العيلفون ...
Post: #36
Title: Re: طرب حقيقى
Author: Amira Hussien
Date: 11-09-2019, 10:24 AM
Parent: #35

Quote: انتى شوفى الأداء و طريقة تطريب حسن عطية و امتزاج الصوت مع العود

تطريب عالى وغنا مقعد وأداء بى فهم .......رحم الله امير العود
Post: #37
Title: Re: طرب حقيقى
Author: أبوذر بابكر
Date: 11-09-2019, 10:50 AM
Parent: #35

ازيك يا ياسر

بتواصل كان الله مد فى الايام

العود ده مع أنه ما حقنا
لكين ناسنا انصهرو معاه و خلقو لينا عوالم عاليه من الطرب العالى
Post: #38
Title: Re: طرب حقيقى
Author: Ahmed Yassin
Date: 11-09-2019, 03:44 PM
Parent: #37

ابوذر وشركاه
حسن عطية ..ذلك الخرطومي الانيق
اديكم سر...
اكاد اجزم انه في صلة قرابة ما بين حسن عطية وابوذر
اسمعوا العود ..وكيف حسن عطية دا بعمل كوبري من ال (صول)
الى (الري).. دي ماعملها الا كابلي
مع انه العود ما حقنا لكن اتسودن
Post: #39
Title: Re: طرب حقيقى
Author: Amira Hussien
Date: 11-09-2019, 04:06 PM
Parent: #38

كابلى من مدرسة حسن عطية والتأثر واضح فى الاداء التطريبى والاعتماد على جمال الصوت وحتى فى بعض المفردات
Post: #40
Title: Re: طرب حقيقى
Author: Abureesh
Date: 11-09-2019, 04:18 PM
Parent: #39

حسب تجربتى ال embede يظهر فى الكمبيوتر فقط. لا يظهر فى الموبايل.. و على اى حال ما ممكن تعمل كلك باليمين لان الموبايل ما فيه ماوس اساسا
Post: #41
Title: Re: طرب حقيقى
Author: حمد إبراهيم محمد
Date: 11-09-2019, 04:28 PM
Parent: #40


اخونا ابوذر - الاخوة المشاركين - سلام كتير ...
قلت اساهم بجهد المقل :



Post: #42
Title: Re: طرب حقيقى
Author: حمد إبراهيم محمد
Date: 11-09-2019, 04:36 PM
Parent: #41


طرب حد الادمان :


Post: #43
Title: Re: طرب حقيقى
Author: Amira Hussien
Date: 11-09-2019, 05:33 PM
Parent: #41

الله الله من اجمل الاغنيات
Post: #47
Title: Re: طرب حقيقى
Author: أبوذر بابكر
Date: 11-09-2019, 07:08 PM
Parent: #41

شكرا يا حمد

حبيب عمرى دى أيقونة بديعة جدا

و جوهرة نادرة و ثمينة فى كنز أبو على

غير الإبداع الادائي طبعا و سحر الصوت و الطرب الباذخ

بيكلو موسى أحمد إبراهيم عمل شغل مميز و ملفت

زى الشغل العمله فى اغنية الوسيم القلبى راده
بتاعة أحمد المصطفى
Post: #46
Title: Re: طرب حقيقى
Author: أبوذر بابكر
Date: 11-09-2019, 07:03 PM
Parent: #40

فعلا كلامك صحيح يا أبا الريش
Post: #45
Title: Re: طرب حقيقى
Author: أبوذر بابكر
Date: 11-09-2019, 07:01 PM
Parent: #39

فعلا يا اميرة

كابلى عاشق ل حسن عطية و متأثر بيه جدا

و ردد كتير من أغنيات أبو على

حبيبى ناوى الرحيل
كيف تسيبنى
ده كلام مستحيل

و برضو

لو انت نسيت انا ما نسيت
Post: #44
Title: Re: طرب حقيقى
Author: أبوذر بابكر
Date: 11-09-2019, 06:57 PM
Parent: #38

ازيك يا ابو حميد يا موسيقار

مافى قرابة دم
يمكن نكون أهل بعض فى الوجدان

غير كده أسرة حسن عطية و اسرة والدنا كانو جيران فى الخرطوم عموم زى ما كانو بسموها
أو الخرطوم وسط حاليا شمال السكة حديد مباشرة
حسن عطية فى حى المراسلات وناس الوالد فى حى الترس


هم و اسرة المطرب حسن سليمان الهاوى و أخوه عبد القادر سليمان زى ما حكى لى الوالد عليه رحمة الله

حتى خليل فرح كان قريب منهم تقريبا فى نفس الحى
Post: #48
Title: Re: طرب حقيقى
Author: أبوذر بابكر
Date: 11-10-2019, 09:31 AM
Parent: #1

معلومة جميلة :

الإنسان الوحيد البغنى أغنيات حسن عطية زى ما أبو على بغنيها

هو عمنا و أستاذنا النو

والد الموسيقار و الصديق البديع عثمان النو

أستاذ النو كان لما يغنى أغنيات حسن عطية مباشرة بتتخيل انه حسن عطية هو البغنى

والأجمل انه أبو على كان على صلة وثيقة وعلاقة جميلة مع عمنا النو

ناس مدنى عموما وناس ود أزرق خصوصا عارفين الشى ده