انتاج السمسم السنة دي ما حصل في التاريخ .. دا حظ حمدوك

11:29 AM November, 04 2019

سودانيز اون لاين
Osman Musa-
مكتبتى
رابط مختصر

كراع حمدوك الرجل النضيف اكيد خضراء .
زول ود حلال . والحاجة دي بانت في امطار السنة وانتاج السنة .
والله يا جماعة شوف عين ما ساكت .. انتاج يرحمن . الزول الما مرحمن .
ستة ساعات وانت بي السيارة ماشي في حقول السمسم تفتكر نفسك
في براري استراليا . ما شاءالله .
بس لو ما انقبضوا الحرامية . برضو ما حتقوم للبلد قايمة . ديل مصيبة

كلاامك صاح يا عثمان
لاحظت ان اهلنا في النيل الابيض اتجهو لزراعة السمسم
لانو داير امطار خفيفة
وانتاجو في فترة اقصر من الذرة
واسعارو افضل بكتثير من الذرة

الشعب السوداني يا كنزي يستحق المجد .
مشيت زيارة لي منطقة الباجا الغنية . حكاية ولا في الافلام .
وقلب الانتاج الرهيب في مناطق قبيلة البزعة في كردفان .
سمسم زي السمسم .
حدثنى واحد من اهل المنطقة قال لي السنة دي حتي
السيدات المزارعيات الزرعن حيركبن اخر موديلات اللاندكروزر .
ودي والله حقيقة يا كنزي .

منطقة قبيلة البزعة السنة دي ولا وادي قبقبة . ولا جبل عامر
زاتو . ماشاءالله وربنا يحفظ ويبارك

وحالتو لسع سمسم القضارف عليه شوية
وعيش الحمري والدبر والفيتريتا والمقد والعيش ريف في الطريق .
وبي جاي الدخن والقمح وحب البطيخ .
سنة الناس تحمد وتشكر الكريم وربنا يخلي حمدوك .

هذه دماء وأرواح الشهذاء .. قرابين طاهرة أتت بالخير والبركة