ودي بداية لي عودة السينماء والمسارح والمكتبات العامة ومعاهد تعليم اللغات .
Post: #2 Title: Re: البارح الناس كانت فرحانة بي عودة سينماء ق� Author: جلالدونا Date: 11-02-2019, 01:23 PM Parent: #1
يا سلااااام ياخ ده خبر جميل و الله
Post: #4 Title: Re: البارح الناس كانت فرحانة بي عودة سينماء ق� Author: Osman Musa Date: 11-02-2019, 03:33 PM Parent: #2
اخونا جلال سلامات ومبروك العودة . الدار دي الناس حبوها من يوم الافتتاح كانت حاجة مختلفة . وانشاءالله الباقيات . زي الوطنية عطبرة . وكلوزيوم الخرطوم
Post: #3 Title: Re: البارح الناس كانت فرحانة بي عودة سينماء ق� Author: هشام الدرديري Date: 11-02-2019, 01:36 PM Parent: #1
ياسلام وتعود الايام الجميلة ومؤسسة الدولة للسينماء وترجع دور العرض الي سابق عهدها قبل التدمير والمسرح والمعارض والمكتبات والندوات والاماسي الشعرية والمنتديات تذكرت الإعلانات في سوق الخضار بحري وفي الجريدة أين تسهر هذا المساء
خارج النص اخونا جلال ياخي مشتاقين والبركة فينا وفيكم في الاموات
Post: #5 Title: Re: البارح الناس كانت فرحانة بي عودة سينماء ق� Author: النصرى أمين Date: 11-02-2019, 03:56 PM Parent: #3
ياخ ده خبر لايقل عن خبر البشير فى السجن. ان شآء الله فى زيارتى المرتقبة للسودان اعزم كل الاصحاب فيلم جديد فى قاعة الصداقة و يا ريت للوقت داك يدخلوا تقنية الابعاد الثلاثية 3D
Post: #6 Title: Re: البارح الناس كانت فرحانة بي عودة سينماء ق� Author: Osman Musa Date: 11-02-2019, 04:59 PM Parent: #3
ولدنا هشام زول الدامر سلامات . اين تسهر هذا المساء ؟ المدن السودانية كانت تعج بي البرامج المختلفة . والسينماء كانت من البرامج المهمة بالنسبة للسودانيين . كانت مدرسة تربط الناس بي الحاصل في العالم .
Post: #7 Title: Re: البارح الناس كانت فرحانة بي عودة سينماء ق� Author: Osman Musa Date: 11-03-2019, 05:04 PM Parent: #6
وفي مدني الناس متحمسة زيادة لي عودة السينماء . وحديث الناس كلو عن انو البلد حتنعنش تاني . واي كوز ح ن....
Post: #8 Title: Re: البارح الناس كانت فرحانة بي عودة سينماء ق� Author: جلالدونا Date: 11-03-2019, 07:05 PM Parent: #7
اووو هشام الدرديري كيف آزول رحم الله موتانا و موتاكم و موتى المسلمين اجمعين و الرحمة و المغفرة لآخر الراحلين زينة شباب الحلة اشرف عبدالله بالمناسبة اخوهو البدري عبدالله و عمهم عبدالرحمن عبد المجيد معانا هنا بس فى حالة غياب تام
Post: #9 Title: Re: البارح الناس كانت فرحانة بي عودة سينماء ق� Author: علاء سيداحمد Date: 11-03-2019, 07:41 PM
عثمان موسى يا حبيب اخبارك يا زول
انا من هواة السينما ومشاهدة الافلام و كنت ادخل دور عرض الخرطوم كل يوم خميس كلزيوم - الوطنية غرب فى شارع الحريةفى المقرن عند ستاد الخرطوم والنيل الازرق مع اصدقائى . وكنت ادخل سينما قاعة الصداقة مع العائلة ولا انسى تلك الليلة الليلاء ليلة من ليالى الفن والطرب مع الفنان الكبير الكابلى حيث حضرت فى قاعة الصداقة حتى الصباح تلك الليلة مع اعز اصدقائى فى مربع 7 عودة دور العرض السينمائى مرة اخرى الى الشارع السودانى تعنى : عودة الــروح السودانى من جديد.
دور السينما في السودان تستعيد امجادها | صباح النور :
المجلس العسكري يقرر فتح سينما الصافية، النيل الازرق و كلوزيوم و المسارح التي اغلقها الاخوان المسلمين :
Post: #10 Title: Re: البارح الناس كانت فرحانة بي عودة سينماء ق� Author: mohmmed said ahmed Date: 11-04-2019, 04:49 AM Parent: #9
خبر جميل
القاعة ملك الشعب اقترح ان تؤجر بنصف السعر للعروض المسرحية
Post: #11 Title: Re: البارح الناس كانت فرحانة بي عودة سينماء ق� Author: محمد أبوالعزائم أبوالريش Date: 11-04-2019, 05:28 AM Parent: #10
سلام يا أهلنا، تصدقوا بالله ما كنت منتبه لي إنو السينما ما شغالة ... أو واقفة من متين؟ مش لأني غير مهتم بالسينما والمسرح .... لكن جزء من طمام البطن والإحساس إنو البلد مسروقة مننا والإلتفات للأولويات لدرجة إنو أعلى سلطة في البلد يعيّر الناس بإنو علمهم أكل الهوت دوغ .... في حين برنامج السينما عندي شخصياً وعند كتيرين، جزء منه ساندويتش المارتديلاّ أو البيض بالباسطرما. العبيط بتاع الهوت دوغ ما بيكون سمع بالباسطرما.
Post: #12 Title: Re: البارح الناس كانت فرحانة بي عودة سينماء ق� Author: Osman Musa Date: 11-04-2019, 08:54 AM Parent: #9
الاخ علاء سلامات كلو حيرجع متل اول . والمسارح حتدفق بي المتابعين . وحتشوف اعلانات الافلام الامريكية والايطالية في الشوارع .
Post: #13 Title: Re: البارح الناس كانت فرحانة بي عودة سينماء ق� Author: ياسر السر Date: 11-04-2019, 09:54 AM Parent: #12
خبر جميل اخي الأستاذ عثمان ولكن اعتقد انو سينما كلوزيوم اشتراها بنك فيصل الإسلامي وحولها لاحد فروعه .. والله اعلم
تحياتي : ياسر العيلفون ...
Post: #14 Title: Re: البارح الناس كانت فرحانة بي عودة سينماء ق� Author: أمير فرح Date: 11-04-2019, 11:19 AM Parent: #13
سلام اخ عثمان موسى ، السودان يحتاج قاعات سينما جديده ، بعد فك الحظر من امريكا بس الحكومه تتعاقد مع شركات السينما الامريكيه زي AMC والأرباح بالنسبه زى ما عملت السعوديه الآن يتم بناء ٣٠٠ سينما تضم ٢٠٠٠ شاشة عرض احدث الافلام ، وقد بدأت بعضها في العروض الآن في الرياض
Post: #15 Title: Re: البارح الناس كانت فرحانة بي عودة سينماء ق� Author: Osman Musa Date: 12-20-2019, 06:23 PM Parent: #14
اخونا محمد سيد احمد سلامات الفرحة عمت العاصمة ولي قدام