الرئيس المخلوع مهدّد بالعمى😎 داخل كوبر

02:17 PM October, 31 2019

سودانيز اون لاين
عمر التاج-KHT
مكتبتى
رابط مختصر

كشفت صحيفة الصيّحة الصادرة اليوم”الخميس” عن تفاصيل الزيارة الطبية التي قام بها الرئيس السابق عمر البشير إلى مركز السودان للعيون بالخرطوم الأيام الماضية، لإجراء فحوصاتٍ طبية هناك وسط حراسة أمنية مشدّدة بمعية”17″ عربة لاندكروزر للتأمين.

وأكّد طبيب لصحيفة الصيّحة ـ فضّل حجب اسمه ـ أنّ البشير عانى في الفترة الأخيرة من ضعفٍ في النظر بسبب درجات الحرارة العالية، لافتًا لارتدائه نظارة طبية منذ عدة سنوات.

وقال إنّ الفحوصات التي أجريت على البشير أكّدت وجود حالة التهابية في عينيه، مما استدعى إجراء كشف نظر كامل له.

وحذّر الطبيب من أنّ عدم التعامل بجدية مع تلك الحالة والتي قال ربما تقود إلى فقدان البشير لنظره وإصابته بالعمى في المستقبل.
منقول بي نظارته.

العمى بألبو خيو هو لسه عنده مستقبل

أخشى يا منتصر أن يخرج علينا أحد لجان المحاكمة ويفرج عن البشير تحت شعار ( ليس على الأعمى حرج)

"عمى الدِّبَبَة" إن شاء االله.
لا ، و كمان خلي يجي دكتور بتاع عِضام
محمد نور يطالب بالإفراج عنو ، بي سبة
سيحان ركبينو المكلوَجات ديل الليهن سنين ؛
و يقول لينا ليس:( على الأعرج حرج ). يا ود
تاي العزيز ياخي جيدن جيتا؛ و الله ليك
جنس وحشة ؛ و البنبر براك صقيعة.

قال اصدق القائلين :

... فانها لا تعمى الابصار ولكن تعمى القلوب التي في الصدور

فليس له ولا من آذره قلوب يعقلون بها
أو اذان يسمعوب بها
فعمي الابصار ليس بغريب عليه

دا نظام عاطفة و حنان يا ناس, يعني؟

دا الشخص الوحيد الما ممكن يتعاطف معاهو انسان

و الحمد لله على نعمة التكنولجيا كل شئ محفوظ

من مسمار د. علي فضل مرورا بناس مجدي و جماعة انقلاب رمضان

و انتهاء بشهداء ثورة ديسمبر.

عمى كباسة (والله ما عارفو يعني شنو؟)

هسي قوقلت و عرفت ...شفتا النعمة دي

(خشى يا منتصر أن يخرج علينا أحد لجان المحاكمة ويفرج عن البشير تحت شعار ( ليس على الأعمى حرج))

ههههههههههههههههههه

شكرا جميلا للاحبة
ود الاصيل
ود الكنزي
ناصر امين
وجعفر اسماعيل
والعمى زي ما قلتم عمى البصيرة،
فالسلطة تعمي القلوب التي في الصدور
ولكن المشكلة مشكلة الجنون، وزي ما قالوا الجن بتداوى، كعب الجن الزي دا..

Quote: *تفشي حالات الجنون والامراض النفسيه وسط الكيزان* صرح الدكتور سمير عبد العاطي اخصائي الامراض النفسيه والعقليه بمستشفى التجاني الماحي للامراض النفسيه ان حالات الجنون وسط اتباع النظام السابق بدأت بالانتشار منذ سقوط النظام وما زالت في ازدياد مستمر حتي الآن وقال ان أكثر النزلاء النفسيين بالمستشفي حاليآ هم من اتباع المؤتمر الوطني او الكيزان كما يطلق عليهم الشعب السوداني ... وأكد دخول الأستاذ النائب الأول السابق في حالة إكتئاب شديد يلازمه الخوف ( أب كباس ) وعزا ذلك لما آل إليه النظام بالسقوط ، وتوقعهم المحاسبة، بل بعض المجانين منهم بالمستشفى تغلب عليه هيستريا ذكريات أعمالهم القهرية للناس ولازمهم البكاء المستمر. منقول

شكرا ود الاصيل لفقدك لنا، شوية زنقة وتعدي ونعود نستمتع بما تكتبون.

▪الجن بتداوى يا ود التاج و لكن قالو: ترا كعبة اللندراوة.
و أما عمى كباسة للبيسأل عنو زاتي ناقش معناه طشاش
علا العارفنو تب إنو (دواه اللُّماصة) لماصة العجين الواحدي
دي ، يلا بدل مكابست الدكاترة خليه بجاي العرجا قالو : لي
مراحا؛ و كتين فارق وداد دي يمش يحرس فاطنة خالد هناك
في شلعوها الكيزان و هي بتعوس في الدوكة يدنقر ليها
تلتخ ليه فُكَّامة عجين تجلبط ليه خلقتو (يرتد بصيرا ).

سلام للكل
اتمنى له عاجل الشفاء حتى يحاكم على جرائمه ويشوف بعيونه فرحة ضحاياه واهلهم بعقابه على ما اقترفت يداه في حق اهل دارفور والنيل الازرق وجنوب كردفان والشرق والشمال

انت ياود الأصيل الإنداروة دي شنو

Quote: عمى بألبو

المقصود قلبه

Quote: عمى الدِّبَبَة

Quote: عمى كباسة

Quote: عمى القلوب التي في الصدور

Quote: نظام عاطفة و حنان يا ناس

Quote: دواه اللُّماصة ، لماصة العجين الواحدي دي

Quote: عمى بألبو

غايتو لقيتكم صعبين خلاس يا ناس سودانيز
الراجل داير يعمى تقوموا تعموه زيادة
وبخلاف دعوة شيخ يوسف الظاهرها رحمة وباطنها عذاب
واحد فيكم دعا له بالعافية ولا (لاهاي) ساكت مافي !
والله الراجل ده تدعوا عليه بالطريقة دي يقوم يموت ليكم ويكسر ليكم الدش في حكومتكم دي ..
..
..
أخونا منتصر، أنا لست عالم أو خبير،
ولكن يمكن أن افسر لك معني الاندرراوه بمقدار ..
أصل كلمة اندرواه من الفعل (اندرى)
يقولون اندرى الرجل، واندرت المرأة
والجمع اندروا و اندرن ، واسم الفاعل منها الانداري
والمثنى والجمع، اندريا فهم مندرون
هذا ما توصلت اليه من تصريف الكلمة، لكن معناها الا يجيك الموسوعة الصينية الشعبية ود الأصيل فيكمل المعني

مشا وخلي ليكم سرطان الاخوان المسلمين يا علمانيو بواسطة مخابرات دول الجوار حرصا علي مصالحها الرخيصة في السودان
اختزال نظام في شخص ده ذاتو عايز ليه علاج في الوعي العاطل لسائد في السودان نتيجة لوجود السودان المزمن في العالم العربي وفلان وعلان
الدولة مؤسسات
والثورة الحقيقة تمشي في الانقاذ دي بالاستيكة من الدعم السريع لحدي بنك فيصل الاسلامي
ده علاج السرطان الوحيد وليس مسكنات ق ح ت وحمدوك وخلو السيدة وشالو حرم

سعادتو منتصر يا حبيب، ما يدقسك
ود التاج دا خبير آي تي و البيشرح فيها
دي نظام ( أندرويد ) الظاهر بيعمل ليه دعاية
لسامصونغ. فما تشتغلبو . و لو داير اللندراوة
تعال لي في الخاس و جيب معاك مسحت
شنب. أيوة لأنو الشي بالشي، و كدي.

Quote: وبخلاف دعوة شيخ يوسف الظاهرها رحمة وباطنها عذاب

اتمنى يا ود التاج كل الكيزان المساجين يعالجوهم ويكونوا في اتم الصحة والعافية
عشان يتحاكموا بلا رحمة وياخدو عقابهم كامل مكمل
وما يجو فلول الكيزان ويقولوا تخاكموا كبار سن ومرضانين

لية يودوهو مستشفي خاص ..خليو يمشي ابراهيم مالك ولا واحدة من مستشفيات امبدة دي عشان يتعالج كويس ..

عمى كباس اليكبسو مستقبل شنو كمان الليهو ..
عزرائيل يجرو من اضنينو الكبار ديل ..
الانداروه دي مابعرفا ..
ربما حاجة تبع نظام الاندرويد وكده
لكن الاندراوه أياها الموت ..
كما يقول المثل الجن بيداوى لكن الموت ما عنده دواء ..
ياود الاصيل ماتعشم من منتصر ده في كدّه ..
منتصر مدردح ومقرّم مابتفوت عليهو الإندراوه دي
عايز يمسك بيكم زمن ساي .. خخخ ..

Quote: لية يودوهو مستشفي خاص ..خليو يمشي ابراهيم مالك ولا واحدة من مستشفيات امبدة دي عشان يتعالج كويس

خلاص قنعتوا منه يا ابراهيم وعايزين تقرضوه؟
خلوه يطلع لينا شوية من قريشات البترول وبعدين يروح ابراهيم مالك

حيا الله أستاذي جمال القوز ، و الله أنت ياكا
اللي أبدعت بتفسيرك لللندراوة بالموت ؛ و فعلن
أوسكار أوسكار خمسة نجوم ؛ لأنو يكمت الحاجة
الوحيدة الما ليها دواء. و اما منتصر زوالنا تب و
ح يكون ماسك بينا زمن ، و نحن معرجين لحد
ما يمرقنا سمبهار بلغة الكشاتين للفهموها سمح.

يجب العمل علي منع ذلك بكل الوساٸل المتاحۃ
توفير العلاج و تحسين وضع محبسه حق اساسي حتي لا يفقد بصره

الرٸيس المخلوع عمر البشير هو من ساهم في الوضع اللا انساني في السجون السودانيۃ لأنه راٸد التنكيل لحكام هذا القرن لكن رغم كل ذلك يجب معاملته بطريقۃ كريمۃ ۔
و ذلك كسياسۃ عامۃ لتحسين اوضاع سجون السودان۔


الرب يمهل و لا يهمل يا البشير

مرحبا دينق

Quote: توفير العلاج و تحسين وضع محبسه حق اساسي حتي لا يفقد بصره

أي مسؤول في العالم الثالث خاصة، يجب أن يضع اعتبار ليوم نزوله وحبسه

شقيق البشير في مقابلة تلفزيونية لمحطة خارجية
شكى من قسوة السجن وسخونته والذباب والبعوض
وقال ان شقيقه كان بريئا وعفيفا
لدرجة أن أحدهم جاءه في القصر الجمهوري وأهداه باغة عسل أصلي
إلا أن الرئيس طلب أن توزع على الحراس، ولم يعط منها شقيقه شيئا