Post: #1
Title: الاحباب في أمريكا .. عندي هدية بالجنيه سوداني 630 مليار الإيميل من عندكم
Author: علي عبدالوهاب عثمان
Date: 10-29-2019, 04:44 PM
Parent: #0
04:44 PM October, 29 2019 سودانيز اون لاين
علي عبدالوهاب عثمان-جدة
مكتبتى
رابط مختصر
مؤسسة غلوبال ترست فورتشن (G.T.F)
الموقع: الولايات المتحدة والمملكة المتحدة.
عزيزي مالك البريد الإلكتروني ،
يسر مؤسسة Global Trust Fortune (G.T.F) أن تعلن أنك الفائز بمنحة قدرها855000 دولار ، لأغراض إنسانية.
إذا كان لديك أي أسئلة ، يرجى الاتصال بنا عن طريق البريد الإلكتروني: mailto:[email protected]@gtfnews.org
تفضلوا بقبول فائق الاحترام
السيد هيري لويك
منسق
|
Post: #2
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-29-2019, 04:50 PM
Parent: #1
حبيبنا هيري لويك ده ما قصر معاي
يعني لو صرفت مليار في الشهر أعيش 50 سنة
طيب أنا حسب عمري ما ممكن خمسين سنة
خلي في الشهر 2 مليار جنيه (25) شهر أبقى في عمر جمي كارتر
طبعاً عزومة يومية لأهلي الترابلة وعمرة كمان وحج
حبيبنا هيري لويك .. زول جميل .. خلاني في عالم الخيال
أرجوكم ما في واحد يقول لي الزول ده نصاب
أنا طبعاً لسع ما رديت عليه ..
يعني في الدنيا الواسعة ما لقى غيري .. ناس ضواحي الدنيا
أها أقول أرزاق ..
|
Post: #3
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-29-2019, 05:02 PM
Parent: #2
حبيبنا هيري لويك .. العالم ده 6 مليار كيف وصل لي
أنا هنا في السعودية أدخل سحب في المولات يمكن أقل من 50 الف مشترك
لم أفز يوماً ولا بالمركز العاشر = 500 ريال
يكون هيري لويك .. من قرية أسمها دنقلا في أمريكا .. كان كتب عتها الهباني الحبيب قبل كده
اجتمال يكون من عندينا .. يمكن :
دنقلا مسمى في قرية صغيرة في امريكا- ولاية الينوي.
دنقلا اسم مدينة في امريكا حتى عربات الشرطة مكتوب فيها اسم دنقلا .
دنقلا مسمى على كلية في امريكا
يعني نقول : ووو هيري أمبس سيرناقمي
|
Post: #4
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-29-2019, 05:06 PM
Parent: #3
شكراً هيري أمبس ..
في عمرنا ده الاحلام كويسة
احلام البقظة ( ما عرف صح أو خطأ )
الحاجة كان سمعت حتصدق على الطول
بس الحمدلله ما عندها قضية بالتكنولوجيا
|
Post: #5
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-29-2019, 05:09 PM
Parent: #4
أول مرة في سودانيز أكلم نفسي
الله يخرب بيتك يا هيري
احتمال تكون عايز الايميل
أو رقم الحساب البنكي
طيب يعني قول 1000 دولار مثلاً
يا أخي انت حرامي لكن ما ذكي
تخاطب كل الدنيا كأنهم أمريكان ( مرطبين )
|
Post: #6
Title: Re: الاحباب في أمريكا .. عندي هدية بالجنيه سود�
Author: Ali Alkanzi
Date: 10-29-2019, 05:32 PM
Parent: #5
يا اخوي ابوعلوة
حرامي شنو
الله يقطع طار بلكلنتون
لو ما العقوبات الفرضا على السودان
كان طلبت منك تديني الجائزة واديك الف دولار وفاتحة وعشرة عجول للتربالة بتاعنك
شفت الحظ بعاكس كيف؟
|
Post: #8
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-29-2019, 05:49 PM
Parent: #6
يا اخوي ابوعلوة
حرامي شنو
الله يقطع طار بلكلنتون
لو ما العقوبات الفرضا على السودان
كان طلبت منك تديني الجائزة واديك الف دولار وفاتحة وعشرة عجول للتربالة بتاعنك
شفت الحظ بعاكس كيف؟
==============
حبيبنا الجميل الكنزي ..
تستاهل الحبيب .. أهلي الكنوز عندنا في البلد كانوا أكبر التجار
ما شاء الله عندهم عقلية تجارية .. ما كان يشتغلوا ترابلة
تحياتي .. نعمل أيه الحبيب الكنزي مع زهج الغربة
مودتي ..
|
Post: #10
Title: Re: الاحباب في أمريكا .. عندي هدية بالجنيه سود�
Author: Ali Alkanzi
Date: 10-29-2019, 06:21 PM
Parent: #8
يا حبيبنا ابوعلوة
Quote: حبيبنا الجميل الكنزي ..
تستاهل الحبيب .. أهلي الكنوز عندنا في البلد كانوا أكبر التجار
ما شاء الله عندهم عقلية تجارية .. ما كان يشتغلوا ترابلة
|
عارف حسب قولك الفوق دا انو اهلنا تجار
ودي اول سقطاطي وسقوطي
زمان عامل فيها مقددا في اواخر الثمانيات
علمتا رحلة لابوظبي دبي والعين والدوحة عشان الولد قايل نفسو بجيبا من قرونا
ودخلت في تجارة الثياب التصنيع السويسري في كانتون سانغلان
وقوم يا اصدام اغزي الكويت وطير علي الكنزي وراسمالو
اها لمن جيبت نهائي السودان في اغسطس ٢٠١٥
دخلت مع اخوي التاجر في ادوات الكهرباء شراكة لتشغيل رأسمالي لصالح اسرتي في السودان
انقر القروش اي رأس المال بارباحو ما جاب تلث الدولارات الدفعتها
اسا السنة دي اخوك تربالي في الشوال
زرعت عيش وبحضر للقمح
وعايز ازرع خضروات
في جنينتي التي كانت مزروعة اشجار بان وليمون وجوافة وموز
كنتا مديها لزول من القرية لمن جيت راجع ليقت ليك شجر الكتر والمسكيت غابة وسط اشجار الفواكه
مما اجبرني لتنظيفها كلها ٢٦ فدان
وخسرت مليارات عشان ارجعا ارض جرداء
تصدق؟
فأنا فاشل كمستثمر
عشان كدا محتاج لقورشك الباردة دي عشان تعوضني خاسرتي الفادحة
قول يا لطيف
|
Post: #15
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-30-2019, 07:04 AM
Parent: #10
حبيبنا الكنزي .. تحياتي يا جميل ..
ما شاء الله عندك مغامرات وخبرة في التجارة
خليك في الزراعة .. خاصة القمح .. مربحة جداً .. ما تحتاج أي فلسفة
في الشمالية عندنا مضمون 100% ربح .. بسبب فصل الشتاء والأرض مستوية
والمياه الجوفية قريبة ..
يقال عندنا الكنزي حسينون جاء في البلد في مجاعة سنة ستة أيام المهدية
وكان لديه قدرة مالية ما شاء الله اشترى سواقي بالجملة .. وكان لديه أسطول مراكب
شراعية .. يبدو لي أن الموضوع وراثة أحفاده كذلك ..
تحياتي الكنزي .. خليك مع الزراعة ..
|
Post: #7
Title: Re: الاحباب في أمريكا .. عندي هدية بالجنيه سود�
Author: امتثال عبدالله
Date: 10-29-2019, 05:34 PM
Parent: #5
تأكد يا عمنا و أستاذنا علي عبد الوهاب أن المال ده نصاب وحرامي ، زي ناس نظام اللصوص والحرامية، وهو فقط عاوز يعرف ال email بتاعك ، وبعد داك هو عنده التكنلوجيا الكافية عشان يعرف كلمة المرور لفتح البريد الاكتروني ويعرف كل حساباتك في البنوك وأرقام كروت البنك والارقام السرية ،، وبعد يومين فقط ما حتلقى في حسابك ولا سنت واحد....
|
Post: #9
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-29-2019, 05:51 PM
Parent: #7
الابنة الاميرة امتثال .. تحياتي ..
شكراً كثير على التوضيح .. إذا كده الناس ديل أخطر البشر
شكراً على المعلومة ..
أنا كنت مفتكر ناس غسيل الأموال
هيري لويك ده خطير يخرب بيت أهله
|
Post: #11
Title: Re: الاحباب في أمريكا .. عندي هدية بالجنيه سود�
Author: محمد على طه الملك
Date: 10-29-2019, 10:10 PM
Parent: #9
علي أمبس ياخي أنت مكانتك رفيعة ..
أها خاطبوك الامركان يمكن عشان أشتغلت معاهم خاتنك في بالهم كان بالكضب كان بالصاح ..
لكين تعال شوف المراسل أخوك ..
| Quote: انا وداد بابكر زوجة الرئيس المعزول عمر البشير لدي مبالغ مالي قدره عشرة ملايين دولار اعطاها لي زومجي وابحث عن من يستثمرها معي وقد دلنى اشخاص يثقون بك واعطوني ايميلك أرجو أن تكاتبني على هذا الايميل |
|
Post: #12
Title: Re: الاحباب في أمريكا .. عندي هدية بالجنيه سود�
Author: Deng
Date: 10-29-2019, 10:14 PM
Parent: #11
أعمل حسابك ديل محتالين.
|
Post: #13
Title: Re: الاحباب في أمريكا .. عندي هدية بالجنيه سود�
Author: Biraima M Adam
Date: 10-30-2019, 02:53 AM
Parent: #12
ول أبا الحبيب علي،
سلام ..أعمل highlight للأيميل و أنقر في dropdown في الأيميل جوار كلمة Junk .. في صفحة الأيميل .. أختيار phishing ثم أرسله .. حيتم حظر هذا الأيميل علي نطاق العالم ..
وهذا أجر وثواب لك ..
أي واحد يلقي إيميل ما عارف طبيعته شنو لا تفتحه أبداً .. أبداً.. وأنقر علي junk ..
تذكروا نظافة البيئة .. هذه بيئة أيضاً فيها كثير من التراش .. وبأخذ باندوتس ويسرقوا حق الناس .. أبقوا جزء من المكافحة وينوبكم ثواب بإذن الله.
بريمة
|
Post: #18
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-30-2019, 07:31 AM
Parent: #13
سلام ..أعمل highlight للأيميل و أنقر في dropdown في الأيميل جوار كلمة Junk ..
في صفحة الأيميل .. أختيار phishing ثم أرسله .. حيتم حظر هذا الأيميل علي نطاق العالم ..
===================
الحبيب بريمة .. يا سلام ياجميل .. إنت مبدع
عندما تكتب عن التراث عن أهلنا البقارة أتخيلك على ظهر بقرة ولم تفارق تلك الحاضنة
تكتب عن التكنولوجيا .. بعمق ومعرفة وعلم ( بيل غيتس ) ما شاء الله أينما حللت متوفق
طبعاً سوف أقوم بالتجربة حسب ما ورد في مداخلتك .. ولكن صعب جداً بالنسبة لي
شكراً أديبنا بريمة ..
|
Post: #17
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-30-2019, 07:26 AM
Parent: #12
حبيبنا دينق .. تحياتي ..
شكرا دينق .. صدقني يا الحبيب أحياناً بقت رسائل في الجوالات
هنا عندنا ما في قانون خصوصية .. عادي تستلم عشرات رسائل الترويجية في الجوال
تحياتي الحبيب دينق
|
Post: #16
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-30-2019, 07:20 AM
Parent: #11
ها خاطبوك الامركان يمكن عشان أشتغلت معاهم خاتنك في بالهم كان بالكضب كان بالصاح ..
لكين تعال شوف المراسل أخوك ..
Quote: انا وداد بابكر زوجة الرئيس المعزول عمر البشير لدي مبالغ مالي قدره عشرة ملايين دولار اعطاها
لي زوجي وابحث عن من يستثمرها معي وقد دلنى اشخاص يثقون بك واعطوني ايميلك أرجو أن تكاتبني على هذا الايميل
=================================
الملك أمبس .. تحياتي ..
أيام جميلة في القاعدة العسكرية تتخيل يا ملك كان ممنوع دخول أي جنسية عربية غير السودانيين
يخرب بيتك يالبشير ضيعت سمعتنا ..
هم ناس حلوين جداً في زمالة الشغل .. الظاهر صاحب الايميل ( عربي ) أشعر أنه من الشوام
لأن اللغة والطريقة تشعر أنه نصاب بالوراثة
============
عشرة مليون دولار .. عرفنا الامريكان محترفين تكنولوجيا .. نحن الحرامية عندنا أميين
تحياتي الملك أمبس .. كنا منتظرنك في الحكومة .. تعال الانتخابات بإذن الله أكيد نصوت ليك
|
Post: #14
Title: Re: الاحباب في أمريكا .. عندي هدية بالجنيه سود�
Author: الطيب عباس
Date: 10-30-2019, 05:21 AM
Parent: #5
Quote: أول مرة في سودانيز أكلم نفسي
الله يخرب بيتك يا هيري |
حبيبنا ابو علوه ليك وحشه ..
البلوك واجب كما قال بريمة .. دا حرامي ودقوسة كمان
|
Post: #19
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-30-2019, 07:38 AM
Parent: #14
حبيبنا ابو علوه ليك وحشه ..
البلوك واجب كما قال بريمة .. دا حرامي ودقوسة كمان
======================
يا سلام على الاخوة حبيبنا الطيب .. إن شاء الله ما تشوف وحشة يا جميل
أنا طبعاً ( زيرو ) تكنولوجي .. منتظر زميلي في المكتب لتطبيق كلام بريمة
لكن بصراحة يا حبيبنا الطيب .. بغض النظر .. الايميل خلاني في عالم آخر عالم (لو)
الخواجة النصاب ما قصر .. أحلام البقظة فيها صحة ولو مؤقتة
تحياتي الطيب
|
Post: #20
Title: Re: الاحباب في أمريكا .. عندي هدية بالجنيه سود�
Author: قلقو
Date: 10-30-2019, 07:54 AM
Parent: #19
QUOTE : يعني لو صرفت مليار في الشهر أعيش 50 سنة ...
يا على عبدالوهاب سيب الأنانية . أين زملاء البورد ورفاقه ؟ ( ديل أنحنا) .
|
Post: #21
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-30-2019, 08:05 AM
يا على عبدالوهاب سيب الأنانية . أين زملاء البورد ورفاقه ؟ ( ديل أنحنا) .
=====================
قلقو الحبيب .. كيفك أننقا..
ناس البورد معظمهم مرطبين ( أمريكا و أوروبا والخليج )
قول أهلنا في البلد والحاج اليوسف والدروشاب والعودة الطوعية إلى البلد
لازم كمان تأسيس منظومة ( دعم سريع نوبي ) بقيادة ( أوشي)
تحياتي الحبيب قلقو ..
|
Post: #22
Title: Re: الاحباب في أمريكا .. عندي هدية بالجنيه سود�
Author: علي عبدالوهاب عثمان
Date: 10-30-2019, 09:47 AM
Parent: #21
هي دي أمريكا .. ( مش الحرامي هيري لويك
شكراً ماما أمريكا
وصلت ميناء بورتسودان
=============
وصلت إلى ميناء بورتسودان شحنة مساعدات أمريكية جديدة مقدمة من الوكالة الأمريكية للتنمية الدولية عبر برنامج الأغذية العالمي التابع للأمم المتحدة.
وبحسب بيان عن البرنامج تلقته “سودان تربيون”، فإن المساهمة الأميركية تهدف إلى دعم 2.2 مليون شخص في كل أنحاء السودان.
وتبلغ القيمة الإجمالية لمساهمات الولايات المتحدة 102 مليون دولار، وستدعم الاحتياجات الغذائية المتزايدة للنازحين داخلياً واللاجئين والمجتمعات الضعيفة من خلال مجموعة متنوعة من المشروعات التي ينفذها برنامج الأغذية العالمي.
وأضاف البيان: “هذه أكبر مساهمة يتلقاها البرنامج في السودان من جهة مانحة واحدة خلال السنوات الأخيرة. وهذه هي أول شحنة من ثلاث شحنات متتالية قادمة من الولايات المتحدة إلى ميناء بورتسودان، وتحتوي على الحبوب وزيت الطعام والبقوليات”.
وقالت مديرة مكتب الوكالة الأمريكية للتنمية الدولية في السودان هيلين باتاكي: “إن الوكالة تقف دوماً بجانب الشعب السوداني وقت الحاجة”، وأضافت: “نأمل أن يساهم هذا الدعم في التخفيف من معاناة السودانيون حتى يواصلوا رحلتهم نحو الديمقراطية والازدهار”.
===================
|
|