Post: #4 Title: Re: البنت ام شعفورة ريان الساتة في لقطة راقصة Author: حمد إبراهيم محمد Date: 10-28-2019, 09:02 PM Parent: #3
سلام اخونا عثمان - سلام قالوا تجيب خبر - لا صورة .. لا اثر... هههه
سلام اخونا ابوذر - سلام ..
هلت بشائرنا بقدومك ..
ودام الفرح لينا بتهويمات سفرك
وعفوية اسعاد الاخرين بمزحك وشدوك.
*** خلينا نفرح شوية مع الفيديو - على الرغم من الانتقادات المتوحشة لعاصم ؟!
Post: #5 Title: Re: البنت ام شعفورة ريان الساتة في لقطة راقصة Author: Osman Musa Date: 10-29-2019, 05:29 AM Parent: #2
اخونا اب ذر سلامات وينك يازول الفيديو مشكور الاخ حمد جابو . انزل تحت . لكن مع الهلولة وضجة الناس صعب تسمع كويس .
Post: #6 Title: Re: البنت ام شعفورة ريان الساتة في لقطة راقصة Author: محمد عبد الله الحسين Date: 10-29-2019, 08:07 AM Parent: #5
يا ابو عفان كيفك يا حلو خليت الطلح مولِّع بهناك و نحن منتظرين بره؟ و جبت لينا سيرة البت الشعفورة دي جينا جاريين نشوفها... أول مرة أسمع الكلمة دي عشان كده جيت جاري عشان أشوف الشعفورة لكن ما لقيت حاجة... واحدة بتغني و بترقص.. و ود البنا متحيّر.. إمكن في فيديو تاني ؟ ننتظر و الا خلاص على كده؟
Post: #10 Title: Re: البنت ام شعفورة ريان الساتة في لقطة راقصة Author: Osman Musa Date: 10-29-2019, 12:29 PM Parent: #6
اخونا استاذ محمد عبدالله الحسن سلامات وزي ما قال ود البناء ما عرفنا السمحة ياتا . ام شعفورة دي ظهرت وكبت في الساحات زي مطرة الضهراوي . اهو الناس بين مخلوعة وبين معجبة .
Post: #7 Title: Re: البنت ام شعفورة ريان الساتة في لقطة راقصة Author: Osman Musa Date: 10-29-2019, 08:17 AM Parent: #5
الاخ حمد سلامات قبل كم يوم مشينا لي كرامة اخ انقلبت الشاحنة السفرية حقتو في طريق بورتسودان . في الديوان كان في صاحب الدعوة وعمو صاحب حافلة في خط الثورة بي النص و اخ محاسب وطبيب شاب . و مساعد الشاحنة . وجات سيرة . البنية الحلوة ام شعفور العاملة هلولة . طوالي نطة صاحب الحافلة وقال : والله انا من انصار عاصم البناء في انو بي الطريقة دي بيرفع معنويات الشابة دي . المحاسب قال : اي يزول يهرج في حركات البنية دي يكون زول متزمت ساكت . مساعد الشاحنة قال : والله يا جماعة الناس مع تعب اليايات و اللساتك و صفوف الجاز بتكون محتاجة لي شوية هجيج وحبة بهجة عشان الفيوزات ما تضرب ههههههها .
Post: #8 Title: Re: البنت ام شعفورة ريان الساتة في لقطة راقصة Author: أحمد محمد عمر Date: 10-29-2019, 09:06 AM Parent: #7
دي ياها المدنية الدايرينها ؟!! كلو من حمدوك ووزراء قحت العلمانيين دعاة الفسوق والعصيان
وأححيي يا لطيف
Post: #9 Title: Re: البنت ام شعفورة ريان الساتة في لقطة راقصة Author: أحمد محمد عمر Date: 10-29-2019, 09:10 AM Parent: #8
Quote: عاصم البناء في انو بي الطريقة دي بيرفع معنويات الشابة دي
أنزلني الدهر وأنزلني حتى قيل البرقص مع ريان الساتة دة منو!
________ ولولا السر قدور ريان ذاتا ما كانت عرفتو
.
Post: #11 Title: Re: البنت ام شعفورة ريان الساتة في لقطة راقصة Author: Osman Musa Date: 10-29-2019, 06:09 PM Parent: #9
اخونا احمد سلام رايك الواضح شنو يا اخوي ؟ انت مع مشاطرة عاصم للبنية . ولا ضد ؟ دا النقاش الداير الان في برلمان حكومتنا الانتقالية .
Post: #12 Title: Re: البنت ام شعفورة ريان الساتة في لقطة راقصة Author: Osman Musa Date: 10-30-2019, 06:26 AM
لو ملاحظين ام شعفورة دي عندها استايل عجيب . استايل في اللبس وقص الشعر والحناء . لاحظ الحناء في الاصابع . شغلانة تخلي الناس تفكر زي البتحل في كلمات متقاطعة . البنية دي من وين جات ؟ وكانت وين ؟
Post: #13 Title: Re: البنت ام شعفورة ريان الساتة في لقطة راقصة Author: ياسر السر Date: 10-30-2019, 09:39 AM Parent: #12
No Comment
ازيك اخونا عثمان ..
تحياتي : ياسر العيلفون ....
Post: #15 Title: Re: البنت ام شعفورة ريان الساتة في لقطة راقصة Author: Osman Musa Date: 10-30-2019, 10:45 AM Parent: #13
حبيبنا عثمان ياخي : ما بيغباك شغفي عليك متى اصباك تزيدني هيام . ود الرضي ده كلامو براه يا عثمان والله غلبنا عدييييييل ... لكن انت واصل كفاحك ونحن معكم قلبا وقالبا ...
تحياتي : ياسر العيلفون ...
Post: #14 Title: Re: البنت ام شعفورة ريان الساتة في لقطة راقصة Author: صديق مهدى على Date: 10-30-2019, 09:41 AM Parent: #12
ود موسى الحاقد دى حكومة الشفافية تانى ما فى رقيص خاص بالكيزان امرق امرق جلدك ياكوز يا معفن موت بغيظك
Post: #16 Title: Re: البنت ام شعفورة ريان الساتة في لقطة راقصة Author: أحمد محمد عمر Date: 10-30-2019, 12:11 PM Parent: #14
ديني أنااااااااااا
عاطف عمر بتاع الفيسبوك لقيتك متاااااااااابع يا خوي اطلع بي فوق ساي بعد دة
لا لا عايزين مدنية المدرسة الساكا ليها حلبي وجيه!! أها ممكن سعال تعسفي: المدرسة دي وووين وساكوهووو لي شنوووو؟؟
أها وعندي سعال تاني: بت خالك السمحة* ديك بتفهم من عاصم البنا؟؟ اسألها وتعال (نور) لينا المنبر دا هههههههههههههههههههههههههههه
* سمحة دي صفة كاشفة تكشف حال المدرسة الخرتومية الساكا الحلبي الوجيه!! والله صحي!!
Post: #18 Title: Re: البنت ام شعفورة ريان الساتة في لقطة راقصة Author: دينق عبد الله Date: 11-01-2019, 09:16 PM Parent: #16
well- equipped
--------------- و بحالي انصار سنة
Post: #19 Title: Re: البنت ام شعفورة ريان الساتة في لقطة راقصة Author: Abureesh Date: 11-02-2019, 03:58 AM Parent: #18
Epidemic Hamed Syndrome
شنو المشكلة؟ ناس فرحانة و تغنى و ترقص.. و البنا لابس بدلة كاملة و كرفتة.. و اكيد لابس جزماتو فى رجلينو. فى الزمن الرديئ دا لو لقيت واحد يغنى واللا يرقص المفروض تديه جائزة
Post: #20 Title: Re: البنت ام شعفورة ريان الساتة في لقطة راقصة Author: Abureesh Date: 11-02-2019, 03:59 AM Parent: #19