Post: #2 Title: Re: معاكم الف سلامة يا جماعة Author: Abdullah Idrees Date: 10-24-2019, 10:21 AM Parent: #1
الجادين ديل منو ؟ فهمت من كلامك انك زعلان ، ما ليك حق والله شخصيا بقرا بوستاتك كلها وبلقا فيها افكار كويسة ومواكبة للحاصل تانيا ياخي المنبر ده سوق ، كل زول بعرض بضاعتو والناس بتشتري البعجبا العايز مواضيع جادة والعايز يتونس والعايز اي حاجة بلقاها وكلهم احرار وكلهم صح زعلتنا منك والله ، لييه ياخي ؟
Post: #3 Title: Re: معاكم الف سلامة يا جماعة Author: Ali Alkanzi Date: 10-24-2019, 10:24 AM Parent: #2
اخ عثمان موسى طول بالك والله ان قايلك بتودع في حكومة حمدوك
Post: #4 Title: Re: معاكم الف سلامة يا جماعة Author: Gafar Bashir Date: 10-24-2019, 10:37 AM Parent: #3
نحن مشترين ياخ لو طلح ولا فيزياء نووية
Post: #5 Title: Re: معاكم الف سلامة يا جماعة Author: اسماعيل عبد الله محمد Date: 10-24-2019, 10:50 AM Parent: #4
Post: #6 Title: Re: معاكم الف سلامة يا جماعة Author: اسماعيل عبد الله محمد Date: 10-24-2019, 10:57 AM Parent: #5
معقولة يا ود موسى
أنا متابع جيد لبوستات المزز الطاعمات,,
ما تخلينا ندشن ليك مليونية كاربة ,,,
Post: #7 Title: Re: معاكم الف سلامة يا جماعة Author: بابكر قدور Date: 10-24-2019, 12:07 PM Parent: #6
وأنا أيضاً من قرائك يارجل .... طول بالك شوية وماتزعل لأنها ما بتستاهل .... كن معنا ولا تتركنا
Post: #8 Title: Re: معاكم الف سلامة يا جماعة Author: علي عبدالوهاب عثمان Date: 10-24-2019, 01:14 PM Parent: #7
حبيبنا الجميل عثمان .. بالنوبية ( اسمان أمبس ) الحبيب عثمان أسوأ شيء عندي عندما يفارق أي شخص هذا المنبر مهما كان فما بالك حبيبناعثمان .. سوف يفقد المنبر الجمال والاخوانيات الرائعة
تحياتي خليك معانا ..
Post: #9 Title: Re: معاكم الف سلامة يا جماعة Author: Mohd Ibrahim Date: 10-24-2019, 01:20 PM Parent: #8
انت زول مية مية .....بس عيبك مابتنزل صور تشحتف الناس ساي ...
Post: #10 Title: Re: معاكم الف سلامة يا جماعة Author: جلالدونا Date: 10-24-2019, 01:25 PM Parent: #9
معقولة يا ود موسى بالبساطة دى داير تمشى اوجد العذر لأخيك الذى اخطأ فى حقك
Post: #11 Title: Re: معاكم الف سلامة يا جماعة Author: علاء سيداحمد Date: 10-24-2019, 04:10 PM Parent: #10
Quote: نفسح المجال للجادين من الكتاب . ومع السلامة .
افا يا ابوعفان الحاصل شنو !؟ اوع واحد يكون خاشنك . يازول استهدى بالله وخذ المسألة ببساطه , وبصراحة ماشاء الله ليك شعبيه فى المنبر وخارج المنبر وعين الحسود فيها عود .
يازول مافى زول جادى زيّك . ارح واصل .
Post: #12 Title: Re: معاكم الف سلامة يا جماعة Author: muntasir Date: 10-24-2019, 04:38 PM Parent: #11
المشكلة في ناس بشوفوا إن رأيهم هو الصاح وأنه الكتابة في المنبر مفروض تكون وفق ما يهوون وشنو المفروض يتقال وشنو المفروض ما يتقال ، الكنزي والله عندك قوة عين يعني ما عارف عثمان غادر لي شنو على الأقل عبدالقادر إعتذر انت سايق الدين علىالشيطنة وانت يا ودموسى ما عندك شغلة كان حتغادر عشان رأي ناس فيما تكتب
Post: #13 Title: Re: معاكم الف سلامة يا جماعة Author: أبوبكر عباس Date: 10-24-2019, 04:43 PM Parent: #12
غايتو حسب تجربتي مع روحي؛ لمان أكنب بوست زي دا ويا ما كتبت؛ بكون داير الناس تحنسني عشان أقعد وفي نفس الوقت أشوف شعبيتي بالمنتدى
Post: #14 Title: Re: معاكم الف سلامة يا جماعة Author: علي عبدالوهاب عثمان Date: 10-24-2019, 04:49 PM Parent: #13
حبيبنا المستنير .. تحياتي غيابك كان مؤثر وأنا فتحت بوست من أجل رجوعك يعني كان استفتاء ما كنت زعلان
تحياتي يا جميل ..
Post: #15 Title: Re: معاكم الف سلامة يا جماعة Author: علي عبدالوهاب عثمان Date: 10-24-2019, 04:52 PM Parent: #14
الحبيب عثمان .. لو أمر بيدي كنت رجعت كل الاخوان حتى ناس المؤتمر الوطني لأن سودانيز اهم حاجة فيها الاخوانيات .. لدرجة أنني أرجع أحياناً أقرأ بوستات ( ودالباوقة ، ودنيق ، ومعاوية الصائم ) ====================== هذه المداخلة لي نقلتها من البوست الرئيسي للحبيب عثمان
لموضوع مهم جدا لكنه لم يطرح بصورة جادة. أولا الطلح مثله مثل الأبانوس و المهوقنى و غيره من الأخشاب الجيدة فى صنع الأثاثات و ربما الأدوية، يجب ان يكون لها قانون خاص للقطع دع عنك التصدير.. ======================== أعلاه مداخلة أبوريش .. وضح لنا الأمر جلياً بعدها رجعت لقراءة بوست عثمان مرة أخرى
الحبيب عبدالقادر .. عثمان عرض الموضوع بطريقة ساخرة وشر البلية ما يضحك .. اليوم أكثر المواضيع المؤثرة هي تطرح عن طريق السخرية حتى في القنوات العالمية ..
معليش الحبيب عبدالقادر والحبيب عثمان .. لا بد أن تسمو الاخوة فوق كل شيء
رسالتي للحبيب عثمان .. خليك معانا .. صدقني غربة وزهج وكفيل وقرارات .. سودانيز بالنسبة حاضنة نلجأ اليها أحياناً 5 ساعات يومياً ..
Post: #16 Title: Re: معاكم الف سلامة يا جماعة Author: أبوبكر عباس Date: 10-24-2019, 04:54 PM Parent: #14
يا علي عبد الوهاب، الوقفة الأخيرة كان بكري موقفني يا أخي، الكتابة هنا مرضّة زي الإدمان ما بتقدر تسيبها بقرار سريع زي بتاع عثمان دا
بالمناسبة توسط لي بفك الحظر جلادونا بكري لا يطيقني
Post: #17 Title: Re: معاكم الف سلامة يا جماعة Author: حامد عبدالله Date: 10-24-2019, 05:00 PM Parent: #16
Quote: وأنا أيضاً من قرائك يارجل .... طول بالك شوية
Post: #18 Title: Re: معاكم الف سلامة يا جماعة Author: جمال ود القوز Date: 10-24-2019, 05:17 PM Parent: #17
الخطأ وارد مافي زول معصوم ... ممتاز اعتذار أخونا عبد القادر .. التحية لعثمان موسى تفهمه للأمر .. مافي زول عنده استنادرد الكتابة بالمنبر ,, كل زول يكتب مايشاء ... إن اردت فاقرأ وان شئت امتنعت ,, الدنيا كده حب الناس مذاهب ..
انا غايتو أحب كتابة عثمان موسى وأقرأها .. مرات أعلّق ومرات لا .. حسب المزاج وانجذابي للموضوع المطروق .. لكن لا حجر على حرية أي أحد في الكتابة بالمنبر ..
Post: #19 Title: Re: معاكم الف سلامة يا جماعة Author: عمر نملة Date: 10-24-2019, 05:19 PM Parent: #17
سلام يا ابوعفان بحبك في الله.. وبوستاتك لازَمة لازالة التوتر في المنبر وفي حياتنا.. وقدورة غلطان ومطلوب يذبح عمبلوق.. واستخدامو لكلمة تافه ما اظنو قاصد معناها الحرفي... ايام الجامعة صديقنا زكي يعزف العود بإتقان... ويغني لود الأمين تحلف تقول هو.. واحد صاحبنا اول مره يسمعوا وكان مسنسن.. واقف قدمو وتف ليه في وشو وقال ليهو تاف وحقير يا ابو الزيك.. طبعا البنية والكراسي.. واطلب الأمر وقت لافهام زيكو دي طريقة الراجل في التعبير عن اعجابو... عليك كل حسناوات الكاريبي اقعد وانا اجيب قدوره يقول دي طريقته في التعبير عن حفاظو على الثورة وخايف الضغط يخف عن الكيزان ياخ سألتك بذكرى المرحوم د محمد اخوي ما تمشي
Post: #20 Title: Re: معاكم الف سلامة يا جماعة Author: امتثال عبدالله Date: 10-24-2019, 05:31 PM Parent: #19
عثمان موسى بلاش تفارق .... سمعت اغنية رائعة لي وردة الجزائرية بهذا العنوان بس ما قدرت انزلها ليك هنا ... وكمان اسمع تعليق عبد الله إدريس الاوسكار ....لكن برضه ما تنسى تعليق محمد ابراهيم....هههههههه....
Post: #21 Title: Re: معاكم الف سلامة يا جماعة Author: Ali Alkanzi Date: 10-24-2019, 06:27 PM Parent: #20
نفس الشعور كنتُ اريد تنزيلها ولكن في الخرطوم ما ممكن تركز عشرة دقائق متواصلة عندما عدتُ للسودان بصفة شبه نهائية نصحني صديق رحل له الرحمة والمغفرة قال لي عندك موضوع مع اي زول مسئول او غير مسئول عندك التلاتة دقائق الاولى وبعد داك شبكتو بطش وللاخ عثمان اهدي تضامنا مع الاستاذة امتثال وآخرين اغنية وردة الجزائرية والسماع لها بعد الدقيقة ٦
Post: #22 Title: Re: معاكم الف سلامة يا جماعة Author: Ali Alkanzi Date: 10-24-2019, 06:49 PM Parent: #21
الاخ منتصر اراك تقول في مداخلتك اعلاه:
Quote: الكنزي والله عندك قوة عين يعني ما عارف عثمان غادر لي شنو على الأقل عبدالقادر إعتذر انت سايق الدين علىالشيطنة وانت يا ودموسى ما عندك شغلة كان حتغادر عشان رأي ناس فيما تكتب
اوعا اكون من احد الاسباب؟ لو كدا اعتذر ولو كان من غيري فلا ادري
Post: #23 Title: Re: معاكم الف سلامة يا جماعة Author: امتثال عبدالله Date: 10-24-2019, 09:35 PM Parent: #22
يعني بقيت خبرة في التكنلوجيا يا علي الكنزي وبقيت تنزل حتى اغاني اجنبية، ،،ويعني المذاكرة نفعت تمام ...نحن المذاكرة ودروس التقوية ما نفعت معانا حتى الآن والاغاني السودانية ما بنقدر منزلها.... المهم اعتذارك لعثمان وحتى بدون ما تعرف انت السبب ولا لا ....اوسكار ولا شك ...
Post: #24 Title: Re: معاكم الف سلامة يا جماعة Author: tasneem Date: 10-25-2019, 02:16 AM Parent: #23
اخي عثمان بالجد مواضيعك خفيفة ولطيفة لاتحرمنا منها. تحياتي وتقديري
Post: #25 Title: Re: معاكم الف سلامة يا جماعة Author: Mahjob Abdalla Date: 10-25-2019, 02:53 AM Parent: #24
في واحد من نواحينا زمان اشترى راديو ( ده قبل المسجل) و كل العندو بس اذاعة امدرمان قبل ضربة 76 كانت بتصل كل السودان. بقول: بى الله ما اشتريت الرادى الا عشان ود البادية و اولاد مصطفي الاثنين و يقصد صلاح مصطفي و احمد المصطفي.
___________ هسي انا بقوليك انت و واحد ابوصلع كدا من نواحي كندا, عندكم بصمة كتابة كدا لا يضاريكم فيها احد.