Post: #1
Title: ياوزيرة الخارجية ووزير الثقافة والاعلام تعالو ورونا الملحقين الاعلامين والثقافين بسو شنو وبكلفو كم
Author: بدر الدين الأمير
Date: 10-23-2019, 01:28 PM
01:28 PM October, 23 2019 سودانيز اون لاين
بدر الدين الأمير-دولة قطر
مكتبتى
رابط مختصر
المهمن والمحن الكيزانية
داخل السفارات لاحصر لها
|
Post: #2
Title: Re: ياوزيرة الخارجية ووزير الثقافة والاعلام �
Author: بدر الدين الأمير
Date: 10-23-2019, 01:33 PM
Parent: #1
وبرضو يادينق
تلوم المتبطل
مايكنكش فى وظيته
وعقد عمله مع البشير
|
Post: #3
Title: Re: ياوزيرة الخارجية ووزير الثقافة والاعلام �
Author: بدر الدين الأمير
Date: 10-23-2019, 01:39 PM
Parent: #2
كدى احسبها
من الشوش الى خالد المبارك
وسؤ خاتمتهم ونجى للباقين
الكرونكى على الاقال كان ابن
تنظيم القتلة شلتوهو دا موضوع
تانى
|
Post: #4
Title: Re: ياوزيرة الخارجية ووزير الثقافة والاعلام �
Author: بدر الدين الأمير
Date: 10-23-2019, 02:03 PM
Parent: #3
طبعا مابتكونو سمعتو بباقي الملحقين
ملحق مالى ملحق ادارى وملحق شنود كدا
وديل كلهم بجو فى وظايف ومخصصات
اعزب لانو ود اخت فلان وقريب علان
يمنحو إقامات ويصرفو رواتب بعضهم بالكون
عارف من هو السفير ولابهمو يعرف
|
Post: #5
Title: Re: ياوزيرة الخارجية ووزير الثقافة والاعلام �
Author: علي عبدالوهاب عثمان
Date: 10-23-2019, 02:12 PM
Parent: #4
الحبيب الامير
كمان بعد 4 سنوات يخرج بسيارة وبدون جمارك
والناس 40 سنة وأكثر ضرائب ورسوم ما في اعفاء
واصل الامير ..
|
Post: #11
Title: Re: ياوزيرة الخارجية ووزير الثقافة والاعلام �
Author: بدر الدين الأمير
Date: 10-27-2019, 02:17 AM
Parent: #5
على يابوب
تأمل واحد زى الكوز السلفى عبدالاله ابوسن
يطرد من المركز الثقافى
قريبك الفنان الكبير محمد السنى دفع الله
وجريرة محمد السنى ورغم مشاغله الكتيرة
كان عندو حصة اسبوعية لاكتشاف مواهب الاطفال
فى مجال الدراما من تمثيل وحركة وغناء
وبصبر ايوب يقوم بتدريبهم لدرجة ان الامهات والآباء
بستنو عطلة نهاية الأسبوع عشان ياخدو أطفالهم
لمحمد السنى ليدربهم ويكتشف مكامن الموهبة عندهم
والسنى عندو قناعة راسخة انو اي طفل لديهى موهبة
بس كيف نكتشها ونطرها و لدى السنى خبرة لعشرات
السنين كمدرس تربية مسرحية بالمدارس القطرية
واكتشف اسماء فى مجال الدرما بقطر والان
هم نجوم يشار لهم بالبنان واكاد اجزم بقولى
ان اكتر سودانى عندو جماهيرية ومحبة لدى
القطرين على كل المستويات هو محمد السنى
والسنى كان بقدم خدماته مجانا جاء ابو سن وطرد
السنى وقال حايجيب موظفين برواتب
والسنى مع انه دنقلاوى فشنك اى مابرطن
لكنه مليان ومتعنصر للحضارة النوبية القديمة
يعنى مثلا يقولك النيل فى الحضارة النوبية القديمة
مش بنطق بهذه الطريقة يقوم يكعوج لسانو وينطق
لك اسم النيل ثم يضيف ودا بعنى انه الإله الذى يشرب
اقوم اسخر منه عشان كدا عبدالاله ابو سن طردك
|
Post: #6
Title: Re: ياوزيرة الخارجية ووزير الثقافة والاعلام �
Author: بدر الدين الأمير
Date: 10-23-2019, 02:19 PM
Parent: #4
واحد فى انتهازية محمد محمد خير ورخصه
يكون ملحق الاعلامى فى دبى تارة والدوحة
تارة اخرى
وأحد بجهل وسلفية عبدالاله ابوسن
يكون ملحق ثقافى ومدير مركز ثقافي فى الدوحة
أسس على اتفاقية ثقافية لم يقرأ سطر منها
وهو عدؤ للفن والفنانين
|
Post: #7
Title: Re: ياوزيرة الخارجية ووزير الثقافة والاعلام �
Author: بدر الدين الأمير
Date: 10-26-2019, 09:54 AM
Parent: #6
ومن ثم
|
Post: #8
Title: Re: ياوزيرة الخارجية ووزير الثقافة والاعلام �
Author: أبوبكر عباس
Date: 10-26-2019, 10:05 AM
Parent: #7
أرشح معاوية الزبير ملحقاً ثقافياً بالدوحة خلفاً "للجاهل" أبسن
|
Post: #9
Title: Re: ياوزيرة الخارجية ووزير الثقافة والاعلام �
Author: محمد عبد الله الحسين
Date: 10-26-2019, 11:29 AM
Parent: #8
ود الأمير يا أنيق
شكلك بزيك الأنيق و السيجارة و انت بتردم في ابوسن و بقية الأرزقية
ناوي على ملحقية ..لأنه البوفيه ض]ذ على مقاسك..
أردم ساهي ما تخلي مندس..
و الله حتى ضباط الجوازات....
|
Post: #10
Title: Re: ياوزيرة الخارجية ووزير الثقافة والاعلام �
Author: بدر الدين الأمير
Date: 10-27-2019, 01:31 AM
Parent: #9
ياود عبدالله
متى اخر مرة شفت مركز عبدالاله ابوسن
ينعق فيه
البوم وبقى عبارة عن مكب للنفايات
|
Post: #12
Title: Re: ياوزيرة الخارجية ووزير الثقافة والاعلام �
Author: MOHAMMED ELSHEIKH
Date: 10-27-2019, 11:54 AM
Parent: #10
اين الظلامي من كل هذا العبث ؟
ما تسألني من العبث ياتو
|
Post: #13
Title: Re: ياوزيرة الخارجية ووزير الثقافة والاعلام �
Author: بدر الدين الأمير
Date: 10-27-2019, 01:01 PM
Parent: #12
ياود الشيخ
الظلامى جضما معود على التكفت
ابوسن بعد ماطرده مرتين من المركز الثقافى
واوقف له ليالى السمر قام الظلامى اتفوجج
وملاء السافر كاواريك وقال تانى
مابعمل ليالى سمر بالمركز الثقافى
الاسبوع المضى كانت عندو ليلة سمر
وبحضور ابو سن
|
Post: #14
Title: Re: ياوزيرة الخارجية ووزير الثقافة والاعلام �
Author: MOHAMMED ELSHEIKH
Date: 10-27-2019, 10:02 PM
Parent: #13
يعلم الله لو الطريق سالك كنت وصلتكم
غايتو راس السنة الا الواحد يمشي الكويت
|
Post: #15
Title: Re: ياوزيرة الخارجية ووزير الثقافة والاعلام �
Author: mohmmed said ahmed
Date: 10-28-2019, 05:04 AM
Parent: #14
الملحق الثقافى
وظيفة مهمة للتعريف بثقافة البلد ومتابعة الوفود والمشاركة فى الملتقيات الفنية
مثلا فى الامارات
عشرات الوفود والفرق فى مجالات الشعر والمسرح والغناء والتراث تصل ولا نجد ملحقا ثقافيا يتابع العروض او حتى يسمع عنها
فى عهد الانقاذ جيرت وظيفة الملحق للترضيات والرشوة
|
Post: #16
Title: Re: ياوزيرة الخارجية ووزير الثقافة والاعلام �
Author: بدر الدين الأمير
Date: 10-28-2019, 06:41 AM
Parent: #15
يامحمد
كل دول المهجر عندنا فيها
فنانين وكتاب ومثقفين يمكنهم
القيام بهذا الدور على اكمل وجه
وبلا مقابل كما كان يفعل محمد السنى
بالمركز الثقافى والعلاقات الشخصية
مع اهل البلاد ممكن تقدم خدمات جليلة
للوطن اوزى مابقولو الدبلوماسية الشعبية
|
Post: #17
Title: Re: ياوزيرة الخارجية ووزير الثقافة والاعلام �
Author: عبدالأله زمراوي
Date: 10-29-2019, 05:50 AM
Parent: #16
هلا وغلا بأميرنا البدر المكتمل...المركز الثقافي يجب ان تتم فيه تغييرات جوهرية؛ تُنتزع إنتزاعاً كما ينتزع الان الثوار في السودان بايديهم مخابئ الكيزان. كمالا يملك ابو سن او غيره الحق في ابعاد حبيبنا الفنان الكبير السني دفع الله.
هذا المركز الكبير ذو المبنى الجميل والمسرح الكبير لا بد من عودته للشرفاء ويكون مديره زول فنان زي السني او الفنان عادل التيجاني الفنان المبدع الرزين...عليكم انتظار السفير الجديد لتبدأ رحلة كنس الكيزان الذين لا يملكون شيئاً مفيدًا يقدموه للمغتربين او المقيمين في الوطن فقد ولّى عهده للأبدوسقط ابو سن واي كوز بائس..
|
Post: #18
Title: Re: ياوزيرة الخارجية ووزير الثقافة والاعلام �
Author: بدر الدين الأمير
Date: 10-29-2019, 09:05 AM
Parent: #17
حبيبنا مولانا زمراوى
جالية بكاسى الكيزان
مكنكشة فى الجالية
لانو المسالة فيها ماكل
وبرضو خايفين من المحاسبة
رئيس الجالية سافر السودان
وبعث باستقالته بالنت
وسبق لبعض الاخوة
توجيه رسالة لشون الغريب
عن طريق السفارة للمطالبة
بعودة الروابط وقيام انتخابات
على ساس قانون الجالية لعام ٢٠٠٥
القامو الكيزان تغيرو وفصلو قانون
على مقاسهم صدق الكيزان وبدولتهم
العميقة عطلو الرد وفى منقال الخطاب
زاتو غتسو حجرو لكن هيهات
|
|