|
|
|
 Re: أبو اللميييييييييين يا 😹 يا معلم يا معلم (Re: أحمد محمد عمر)
|
كيف اصبحتو؟
___________
جارهم اتوفى آخر الليل قال والله دة لا برد مقابر لا حاجة وهو ذاتو البفرزني منو في الضلام دة! أمشي الصباح زي الكنت بايت معاهم
الصباح شال سيرمس الشاي ومشى لأولاد المرحوم في الصالون خت الشاي وقعد، قال ليهم كيف اصبحتو؟ قالوا ليه اصبحنا أبونا ميت قوم أدينا فاتحتنا
| |
 
|
|
|
|
|
|
|
|
Re: أبو اللميييييييييين يا 😹 يا معلم يا معلم (Re: Ahmed Yassin)
|
هههههه سمح قوم بارك لينا ثورتنا و كفّر لينا على سرقتها ووطلّع لها لينا ملعوبية من قوش و ناسه و هنينا على الحكومة المدنية و بخّسها لينا و طلّعهم طراطير في نفس الوقت عشان تكون كابرت البورد كلو
المع ود الأمين دا زميلنا عمر عشاري يالمناسبة و الفيديو دا من منتدى دال الثقافي
ليك وحشة والله يا ابوحميد, كل مرة بلخبط بينك وبين الزميل أحمد عمر محمد كل ما ألقاه كاتب اخش عليه فاكرو انت القاه جادي و بناقش وكدا بتخارج براحة 
| |
|
|
|
|
|
|
|
|
Re: أبو اللميييييييييين يا 😹 يا معلم يا معلم (Re: عمر نملة)
|
Quote:
و بخّسها لينا و طلّعهم طراطير في نفس الوقت
|
الليلة من الصباح صحيت على صوت ترانيم الكفار هم بطوفوا حول الاصنام (نحن قرابى عبد) قالوا الحكومة المدنية حتكفر بالله وتوقع على اتفاقية سيداو
إطلعت على إفادات مثقفي قروبات الفيسبوك والواتساب وفهمت إنه بمجرد التوقيع معناها تاني الهنك والرنك - يا قول ود الريس - حيكون في صينية المرور
غايتو ما لقيت غير اشاركهم بالصورة دي واكتب تحتها
سيدااااااااااااااااااااااااااااااااااو
منديااااااااااااااااااااااااااااو
| |
|
|
|
|
|
|
|
|
|
Re: أبو اللميييييييييين يا 😹 يا معلم يا معلم (Re: أحمد محمد عمر)
|
طبعا ..ابواللمين لمن كان بجي داخل اتحاد الفنانين..كان.بمشي طوالي على ..الموية
اول شىء يوميا بشوت اخر كرسي وبترتح ..دا معناتو انه هو ( تمام) التمام وعال العال
بمشي يشيل موية ويبلبل صلعتو بالموية الباردة . نظام تبريد خارجي
وبجي يقعد.....اها مرة اول ماقعد ( بشرى) السمين عازف البنقز قال لمحمدالامين (وهو ياشر على ساعة مدورة ..كبيرة شديد لابسها في يده الشمال) الساعة دي جاتني هدية يا استاذ ..رايك شنو فيها باللاي يا استاذ؟ الاستاذ مارد عليهو.. قام مال على الاستاذ وقرب ليهو الساعة قريب من عيونو وهو بأشر عليها رايك شنو باللاي يا استاذ؟ جاتني هدية من ... ابواللمين جاب عيونو قريب شديد من الساعة وبقى يكشف قام قال: انا ارى انه اي زول فعلا نفروض يلبس ساعة تكون قدر (.....) .. وانفجر الاتحاد كلو بالضحك...اخونا اسامة المبارك عازف الكمنجة بضحك لى هسي
| |
|
|
|
|
|
|
|
|
|
Re: أبو اللميييييييييين يا 😹 يا معلم يا معلم (Re: أحمد محمد عمر)
|
الله يسامحك يا ود البشرى
ياخ قريت مداخلتك قعدت اضحك بصوت مرتفع جنبي موظف
هندي استغرب سبب الضحكة اللي جاءت من غير ما حد يكلمني
لكن غلبني ابرر ليهو واشرح ليهو السبب الضحكني
الغريبة انك طلعتني جادي مع اني شايف حاجاتي كلها مخستكة
والحمدلله على السلامه يا احمد محمد عمر
| |
|
|
|
|
|
|
|
|
|
Re: أبو اللميييييييييين يا 😹 يا معلم يا معلم (Re: جمال ود القوز)
|
قالوا مرة ماشي يعمل حفلات في امريكا فكل اهله و جيرانه و معارفه طلبوا منه يجيب ليهم ملايات امريكية فالقصة زهجتو فقال ليهم يا خوانا انا ماشي الولايات المتحدة مش الملايات المتحدة .
حكي لي احد اصدقائي وهو فنان معروف قال مرة قاعدين في الاتحاد بعدين جاء واحد بيحكي لابو الامين انه جاء من القضارف وانه المطرة صابة من القضارف لحدي الخرطوم والغريبة لمن جينا مدني ولا نقطة .. ابو اللمين قال ليه غريبة زمان كان فيها نقطة في النون
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Ahmed Yassin
محمد البشرى الخضر
عمر نملة
احمد عمر محمد
Nasser Amin
Hafiz Bashir
جمال ود القوز
فيس بوك
تويتر
انستقرام
يوتيوب
بنتيريست