معقول جوز الكوارع ب ٣٥٠ جنيه في السودان

Post: #1
Title: معقول جوز الكوارع ب ٣٥٠ جنيه في السودان
Author: بلدى يا حبوب
Date: 10-22-2019, 09:47 PM

09:47 PM October, 22 2019
سودانيز اون لاين
بلدى يا حبوب-kahrtoum
مكتبتى
رابط مختصر

كانت وجهتي سوق بحري المشهور بالعديد من دكاكين بيع اللحوم والمعروفه بزنك اللحمه كان أمامي كمية من كرعين البقر المعروفه بالكوارع المهم سال العاب للشراء وبعد تحسس ما بقى في كيس القروش ولا اقول محفظة لانو المحفظه تحفظ وانت في السوق مطلوب منك هدر المال وشراء بعض الأشياء بمادة العيون وهي التمتع بالنظر حتى تصبح الصورة في العقل الباطن تحكي اي اشتريتها
أمام عازف الكدارين تسمرت وانا استرق السمع لسماع ما يقوله العازف لمن يقف قبلي ولكن اهتز جسدي وتسمرت حين باغتني الكوعرجي وسيفه المسلول يسبق حروفه ايوه يا استاذ كم جوز داير بيني وبينكم كلمة استاذ جعلتني استعجل الاجابه بالموافقه وانتفخت بس ما اتهورت ولكن كنت متلهفا لمعرفة السعر وحينها ظهر زبون وباغته بكم الجوز لتهتز طبلتي الأذن برقم ما توقعته وهو ٣٥٠ جنيه بالجديد و٣٥٠ الف بالقديم أصبحت المخارجه واجبه وحتى الجنيهات التي كانت موزعه في الجيوب وشوشتني محتجه وعلى نظام الفنان عادل امام في مثل هذه المواقف اتخارجت وانا اتكلم في التلفون خلاص انا جاي لانو جوز الكوارع من اليوم انا ليه مفارق

Post: #2
Title: Re: معقول جوز الكوارع ب ٣٥٠ جنيه في السودان
Author: النصرى أمين
Date: 10-22-2019, 09:56 PM
Parent: #1

يفترض تكون مجانى عديل ..
ليش الغلاء ده ؟

Post: #3
Title: Re: معقول جوز الكوارع ب ٣٥٠ جنيه في السودان
Author: خضر الطيب
Date: 10-22-2019, 11:31 PM
Parent: #2

مرحب حبيبنا الشريف
هسي عليك الله الكوارع دي كان ادوني ليها مجاني معقول اكلا؟
البقر و الخرفان ديل بجو من دارفور قاطعين 1600 كيلو كداري
تجي تاكل كوارعم في الخرطوم ؟ ههههه
مرة والد صديقي جانا هنا شايل ليهو كرتونة مليانة كوارع بقر مجمدة
طبعاً وقفوهو هنا ساعة في المطار عشان يشوفو دا ضابح ليهو زول و لا الحاصل شنو
لما مشيت لزيارتو اداني اتنين استحيت اكسف الرجل شلتهن
اديتم لاصحابي احمد القوصي و نادر ابوجنة
غايتو الفرحة الشفتها في عيونم لسه ما شفتها في عيون زول
كت آوت :-
كتير من السودانيين الخروف دا عندهم مافيهو شئ بترمي في الكوشة
من المرارة و ام فت فت و الكوارع و الراس و حتى الجلد بسوهو مصلاية
و القرون بعلقوها في خشم الباب نظام ديكور شييييت
اها الخروف دا يوم القيامة يقوم بشنو ؟ هههههه

Post: #4
Title: Re: معقول جوز الكوارع ب ٣٥٠ جنيه في السودان
Author: muntasir
Date: 10-23-2019, 00:00 AM
Parent: #3

أي أصلها كرعين جيجي حديد

Post: #5
Title: Re: معقول جوز الكوارع ب ٣٥٠ جنيه في السودان
Author: Asim Ali
Date: 10-23-2019, 00:07 AM
Parent: #4

ههههه
انت البوديك تكابس شنو ؟
انا تقريبا بقيت نباتى لما اجى مارى بالجزارين مابعاين ذاتو خليك من السؤال .
السوق بقى فالت فلته عجيبه . زمان لما تقول ليهم دا غالى يقول ليك الدولار , هسى بقى ماشغالين السوق حير الدولار ذاتو

Post: #6
Title: Re: معقول جوز الكوارع ب ٣٥٠ جنيه في السودان
Author: Mahjob Abdalla
Date: 10-23-2019, 03:47 AM
Parent: #5

Quote: يفترض تكون مجانى عديل ..

سلام النصرى
قريب ده اشتريت كوارع. عند الوزن طلع 12$

Post: #7
Title: Re: معقول جوز الكوارع ب ٣٥٠ جنيه في السودان
Author: النصرى أمين
Date: 10-23-2019, 07:18 AM
Parent: #6

يا محجوب
قد نجد العذر الكوارع غالية فى كندا لان 99% من كوارع البقر الكندى يتم التخلص منها او ادخالها فى صناعات ثانوية اخرى لكن فى السودان ماهو السبب انه جوز الكوارع بخمسة دولارات أمريكية؟
معقول كل كوارع الذبيح اليومى تذهب للاستهلاك الادمى ؟
لو كده !! لينا حق أمراض الفلب و الكوليسترول تكتر وسط الناس .
غايتو انا باكل كوارع لكن بمعدل جوز كل خمسة سنة ؛ موش لانى عامل ريجيم لكن بسبب انها الزول بكش منها بسرعة

Post: #8
Title: Re: معقول جوز الكوارع ب ٣٥٠ جنيه في السودان
Author: Mahjob Abdalla
Date: 10-23-2019, 07:34 AM
Parent: #7

النصرى يا اخوى انت مستهون بالكوارع.
لو عايزك ركبك 100% مية, عليك بالكوارع. تاني حتقعد في الجيم 5 ساعات بدل 5 دقايق :)

بخصوص السودان, بعد ما شفت الناس بتاكل كوارع جداد, امنت انو الوضع فوق التصور.

Post: #9
Title: Re: معقول جوز الكوارع ب ٣٥٠ جنيه في السودان
Author: النصرى أمين
Date: 10-23-2019, 08:06 AM
Parent: #8

يا محجوب ؛ بحمد لله زمن الجيم زاد من خمسة دقائق الى عشرة دقائق.
بعدين الكوارع دى ما عندها اى علاقة بالركب ..دى عبارة عن شحوم و دهون تجرى فى الشرايين
وتقيف فى بوابات القلب و تعسكر هناك و تعمل اعتصام و تغنى
نحن ناس بنحب الجرجرة ..
So عليك الله ما تشكر لى الراكوبة فى الخريف .

(بالمناسبه ..بما انى خبير فى صناعة السجك ، اكتشفت ان ال casing بتاع السجك الصناعى معمول من الكوارع ...

الساعة واحدة صباحا و ماجايينى نوم ولازم اصحى خمسة صباحا ؛ الله يلعن نومة الضهرية

Post: #10
Title: Re: معقول جوز الكوارع ب ٣٥٠ جنيه في السودان
Author: Asim Ali
Date: 10-23-2019, 09:07 AM
Parent: #9

سلام عليكم
يا النصرى هسى تجى بالليل خاصه فى احياء القريبه من الاسواق او المواقف وعلى الشوارع الرئيسه زى ديوم بحرى تلقى مره تعمل عشاء احاجات دسمه خاصه من جنس اللحوم الحمراء فته الكوارع وشوربتها والكباب ....الخ ناس تجى شله تضرب وتدفع ولايرمش ليهم جفن من قيمه الوجبه.

Post: #11
Title: Re: معقول جوز الكوارع ب ٣٥٠ جنيه في السودان
Author: احمد حمودى
Date: 10-23-2019, 09:55 AM
Parent: #10

Quote: ديوم بحرى تلقى مره تعمل عشاء

دى بتشطب قبل صلاة العشا طبعا الناس بتكون لاطة

Post: #12
Title: Re: معقول جوز الكوارع ب ٣٥٠ جنيه في السودان
Author: muntasir
Date: 10-23-2019, 02:10 PM
Parent: #11

رحم الله الفنان محمد أحمد عوض كان عنده أحسن كوارع في مطعمه في الساتة

Post: #13
Title: Re: معقول جوز الكوارع ب ٣٥٠ جنيه في السودان
Author: دفع الله ود الأصيل
Date: 10-23-2019, 05:54 PM
Parent: #12

Quote:
الجلد بسوهو مصلاية
و القرون بعلقوها في خشم الباب نظام ديكور شييييت
اها الخروف دا يوم القيامة يقوم بشنو ؟ هههههه

♤ قلت شنو يا خدوري؟ إت آجنا ماك نصيح؟
الظاهر آجنيات طفشان بلادي برة دا حنكشكم ساي.
ياخ دا بعملوه (كجور ) موش ديكور تظام دَقُر يا عين
لكف العين الخارة و لحَّاضة. و هدا جدي ود اللصيل
يسمع فيك ، مستفيد من جلد عصعوص الضنب
مضبب بيه (حنكولو ) أبو قرينات قاعد يجبدنا
بيه لامن نكاويه و نجر منو مسمنو (حنكلوت
جبدوت) على وزنة الريموت كنترول !!