الجمارك السودانية تفرج عن حاوية ويسكي سفارة السويد الشقيقة

07:45 AM October, 22 2019

سودانيز اون لاين
Osman Musa-
مكتبتى
رابط مختصر

بعد شوية تلتلة قدرت سفارة الشقيقة السويد تحل مشكلة الحاوية
ال 40 قدم . والبتحمل ما زنتو 30 طن من الوسكي وبعض المواد .
وزيرتنا وزيرة الخارجية كلها فهم . قدرت تحرر خطاب يولول
للجمارك . طبعا الجمارك ماليا بتتبع للخارجية .

دا استهلاك لكم من الزمن؟
سنة يا الحيطة

اخونا الكنزي سلامات
قلت لي دا استهلاك لي كم من الزمن ؟
اهلنا ناس السويد ديل ياخ اهل الجود والكرم .
هسع عليك الله لو جيتك زيارة في قريتك ما بتكي لينا
عنبلوك ؟
اها نفس الشي لو جابك الدرب تطايب اهلك في السفارة
لابد من خرتاية كاربة من البتاع .
ولو ما عندك فيه نفس انشاءالله تخللو هههههها

يا جماعة كتيرة السفارة تقعد شهرين بدون شربوت .
بس الكويسة انو السفارات الغربية دي بتتعامل مع
بعض في الافراح والاتراح والزنقات .
وعلي قول الراحل حميد
هي ايه الدنيا غير
لمة ناس في خير
او ساعة حزن .

اتفرجت علي الحاوية الكانت متمحنة في حر جمارك سوباء .
ومرق ال swedish whisky . المشهور .
في ركن نقاش في شارع ال 32 مع البرودوي كل عصرية يوم
سبت بيجتمع فيه لفيف من عشاق الويسكي الفاهمين يخطبوا
ويحكوا عن تاريخ الويسكي وعن العمالقة اهل كندي الايرش الصنعوا
الويسكي .
اذكر في حسناء لابسة شورت مشروت مسكت المايك وقالت ليهم
هي يا ناس الاسكوتلندي ده بقي موضة قديمة . عليكم بي
حق الشقيقة السويد . قالت ليهم في نوعية سويدية جديدة
اسمها spirit of hven يجنن .
غايتو لو حق حاوية سوباء فيه الاسبرايت اوف هافين تكون
وزيرتنا الفاهمة قلبت هوبة .

حاوية ويسكى السفارة وعرفناه دخل كيف . عايزين كمان نعرف كيفية دخول عشرات حاويات المخدرات والتى ضبطتها سلطات الجمارك فى بورتسودان والخرطوم ومن هم الذين استجلبوها ؟ وهل حقا لبعض نافذى النظام السابق صلة بالقضية ؟ .

Quote: طبعا الجمارك ماليا بتتبع للخارجية .

دا كلام شنو يا قريبك!!
سنة 96 أو 97 ما متذكر وفي عز المشروع الحضاري و نط الحيط و صيف العبور في جمارك سوبا الواحدة كنا بنستلم كونتينر عفش لعمنا نلقى المركز يضرب يقلب الدورة دي كونتينر للسفارة الايطالية فيه سوزوكي الـ SUV الصغيرة ديك وخرتمية علبة بيرة هانيكان, الراجل بتاع السفارة مركز مع العربية و عايز يتخارج و الجماعة على حس البيرة راسهم ضرب وموقفين الشغلانة نهائي المهم بعد تلفونات و قوم واقعد قالوا خلاص نصادر البيرة و نديهم العربية, قلنا خير, المهم يعد كم يوم جينا نخلص الاجراءات ونستلم سمعنا الشمار حايم قال ليك الخواجة دق جرس و جاهم تلفون كبير أوي طلعوا ليه بيرته لكن ناقصة كم صندوق قالوا "ابادوها" ههههه

اخونا محمد البشرى سلامات
قلت لي ابادوها ؟
بكون ابادوها بي السكوتي .
الناس ديل 30 سنة مادايرين يتعلموا دبلوماسية .
حاجات السفارات والمنظمات دي ليها قوانين خاصة .
لكن يا ود البشرى بقنية الشعير الايطالية رهيبة .
وبتشيل اي التهابات في الحر .

اخونا قلقو سلامات
في قضية الحاويات الستة لسع التحقيقات ما انتهت .
قريب حتظهر الحقايق يا اخ قلقو .
طبعا ديك قضية مختلفة . ديك مخدرات اعوذ بالله .

الحبيب عثمان .. تحياتي ..
مالك يا الحبيب تثير الشجون والذكريات ..
حسب خبراتك (طبعا نحن خلف التاريخ ) ويسكي سويدي
يعني أطعم من الاسكتلندي .. بحكم أننا انقطعنا منذ سنوات طويلة جدا
يا عثمان الحبيب نحن لاعبين في زمن الضائع .. يا رب المغفرة

تحياتي يا جميل ..

افو يا ابوعلوة
اوعا يكون ضغتها من قبل
إن الله يغفر الذنوب جميعا

الحبيب الكنزي .. تحياتي ..
عندنا زمان .. زمان بعيد .. كان يستخدم ( العرقي للعلاج)
مثال ذلك عندما يظهر على الشخص أعراض الدودة الشريطية
ما عارف أهلنا كان يعرفوا كيف .. كان يمعنعوا الشخص من الأكل
لفترة محددة وغالباً الفطور .. وعلى الريق كان يعطى جرعة من عرقي التمر
بعد ساعات كانت الدودة الشريطية تسقط .. هي ربما أتت من تجارب مع مرور الزمن
كان يقولوا المعدة عندما تكون خالية الدودة تفتح فمها وتتقبل أو شيء ينزل المعدة
فكانت جرعة ( العرقي ) حاجة بسيطة جداً وحسب كلامهم أن هذه الجرعة تخدر الدودة ولا تستطيع المقاومة
وتدفعها المعدة مع البراز إلى الخارج ..
ربما موروث نوبي قديم .. ده كان زمان قبل وخاصة في الجزر المغلقة
كنا عندنا معلم زميل ايام زمان كان يقول أهلنا أخذوا الحاجة دي من المسيحية كان يردد

قال المسيح عليه السلام (( القليل منه يشفي المعدة ))

الحبيب عثمان .. بوست .. خطير خلينا ندخل في الزمن البعيد
يوم الجمعة عمرة إن شاء الله

تحياتي للحبيب عثمان صاحب البوست ..

كان كدا راحت علينا
لانو اهلنا في النيل الابيض لا يعلموا بذلك
احكي ليك قصة طريفة
عندنا خالنا طبيب في المانيا
وتزوج بالمانية وجاهو اخوه من السودان في زيارة
بعدين الدكتور قام شرح لاخوه أنو التلاجة فيها جناحين اليمين اسلامي حقو هو اليسار لزوجته المسيحية
زمان ما كان في محطات تلفزيون خارجية وكانت في محطة انجليزية تبث من المانيا
ولمن الخال يكون براهو لاو الاخر ذهب للشغل
خالنا الجاي من السودان يقعد امام التلفزيون يقع في التلاجية اليمين قرض خاصة شرائح اللحم الشرائح المطبوخة على البخار
المهم يوم لقى الجناح اليمين ما فيهو التكتح
ووقع اللحوم المبخرة في الجانب اليسار
واسرف في الاكل
ولمن جاء الدكتور اكتشف ان الاستهلاك في الجانب اليسار غير عادي
وسأل الخال الجاي من السودان إن اكل من لحوم الجانب الايسر
واجابوه بلحيل
وحلف انها احلى لحمة ياكلها
واجابة الدكتور لا حولا دا لحم خنزير
فغضب الخال القادم من السودان وصرخ فيهو
قايل لي ليه ما تخليني على جهلي
مودتي لصاحب الطرح

اخونا علي سلامات
ياخ كان يخلي الخال في جهلو .
كتير من جماعتنا تضهبوا في زي دي الافلام .
زي زولنا الفتح الدولاب وتعطر بي فتيل الريد ليبول
الصغير . وجري علي المترو .

اخونا علي عبدالوهاب سلامات
بشهادات شلل من الاجانب اهل المعرفة انو عرقي التمر هو ملك الجنوب
والشمال والشرق والغرب .
عرقي التمر قوة لا تضاهيها قوة . دي شهادات خواجات .
لكن عندنا اخ من جنوب السودان قال لي عندنا نوعية اسمها ام تلاتة
وام تلاتة هي عبارة عن طاعمية معمولة بي عرقي تمر بكري مركز . قال لي تاكل
حبة طاعمية واحدة من ام تلاتة دي بتكون سكران من يون 25 في
الشهر لاحدي يوم 32 في الشهر ما انو مافي شهر فيه 32 يوم .

اخونا العزيز علي عبدالوهاب عثمان سلامات . ياخ شجونك وذكرياتك كانت حتطق بي الحنين لو كنت حاضر ركن نقاش جودة مشروب البقنية السويدية . ياريتك لو كنت حاضر الحسناء ذات الشورت المشقوق و ذات اللكنة المسيسيبية . ياريتك لو كنت حاضر كيف لفحت المايك بي ديك الطريقة المسرحية . ياخ عادل امام شنو و سمية الخشاب بتاعت فنيلتك ؟ ناس المسيسيبي ديل اهل الحجة والكلام . عندهم لسان ضواق من الدرجة الاولي . يازول طلعت ليك الاسكوتلنديين ديل بتاعين حلومر ساكت هههههها
. .
هسع زي بت المسيسيبي دي لو جات ناقشت في ركن نقاش في السودان .
عن ليه السودان بيصدر الشعير خام ما انو الشعير السوداني هو
اجود نوع شعير العالم حيقوم ينطليك واحد رمتالي يقوليك دي
بت شيوعية ساكت .

يا ود موسى مع انه السكر توفيق والقصة أذواق فقد خدعتكم الحسناء يقول الراسخون رغم أن أجود الويسكي هو الإسكتلندي حتى أصبح لا يعرف فأنت لا تطلب من النادل ويسكي بل يكفي أن تقول سكوتش ولكن يقال أن الأفضل إيرلندي أما اخوتي في السويد فقد هزوا السوفيت في عقر فودكاهم ب ابسلوت فودكا والتي تقدل حذو النعل مع سميرنوف والقراي قوس أما أفضل الرم والذي عرفه قراصنة الكاريبي هو الجمايكي وأفضله ماركة أخت لنا في العرق تدعى نقيريتا كفيلة بأن تريك نجوم الظهر أما أفضل الكونياك هو عشقه السودانيين حيناً وهو الكورفوازير وين ناس عمو هناي وعمو هناي

سلامات اخونا منتصر سلامات
الكوروفزير ؟
في ديك الايام السودان كان محسوب من اكتر البلدان الفيها فلوس وفيها سلع صادر
. اذكر يا منتصر والله منتصف الستينات واذكر تلال الفاصوليا المصدرة لي
ايطاليا .
واذكر مطامير الفيتريتا . واذكر حديث اهلنا عن الجنيه السوداني ابو 3 دولار وربع
كانت الحياة رخية علي الشعب . وكانت الامة مثقفة . في منتصف الستينات يا منتصر
نحن طلاب صغار في الخلوة في قريتنا في الشمالية ويا دوبك داخلين المدارس . لكن
كان الواحد بي سهولة يشوف مجلة روزاليوسف عند اخوانو الكبار .
الكورفوزير الليلة في السودان انقلب محلبية بعد ما وصل شوال البصل لي سبعة مليون .
العرقي الحرقان الليلة هو القابض الجو .
اخونا علي عبدالوهاب قاليك زمان عرقي التمر كان علاج . الليلة العرقي اسرع وسيلة
للانتحار . عرقي مخلوط بي موية بطارية العربية كاس واحد تدور وتضرب فيوزات
وما تقيف الا في حمد النيل . ههههها .
ح اجيك راجع للسويد الشقيقة ولي رقة التعامل الدبلوماسي وفن التفاوض في مشكلة الحاوية
ومعرفة الحقوق .
اكيد متذكر فضايح الدبلوماسيين في نيويورك قبل سنتين تلاتة .

فايت مروح وين
ما لسه الزمن بدرى
حبيبنا على عبدالوهاب لسه لم يبح بكل ما عنده
و نحن بالانتظار
تقول لى مع السلامة ... السلامة تتبعك اينما كنت
لكن هنا ( سودانيز) خليك قاعد ...
ما تفارق الحلة و اولاد الحلة
مع كل تقديرى و احترامى
يا حبيب الكل عثمان مؤسى

حبيبنا محمد بدرالدين أمبس .. وينك يا جميل ..
صدقني عثمان الحبيب لو غادر المنبر يكون كارثة
نحتاج لمليونية
=========================
إهداء للحبيب عثمان .. والحبيب محمد بدرالدين .. هذه الخواطر كتبتها قبل 3 سنوات تقريباً
وأنا أعبر كبري دنقلا السليم نزلت من العربية وأقسمت أن أعبر ( كداري ) فكانت جزيرة مقاصر على مرمى من البصر
سوف أختصر المقال :

خواطر من كبري دنقلا وأنا تأمل في مقاصر جزيرة الصفوة :

قبل اشهر قليلة في اجازتي السنوية كنت اعبر كبرى دنقلا على قدمي .. ووقفت على منظر جزيرة (مقاصر) موطن توفيق صالح جبريل وكذلك صلاح احمد ابراهيم وأهل والدة خليل فرح فتأملت هذه الجزيرة من على الكبري ووقفت لفترة طويلة أطوي الزمن واستحضر الجمال .. حيث هنا كانت خيول الشيخ ( صالح جبريل ) الذي وصف انه كان ميسور الحال وعلاقة طبية بملوك ارقو .. وقيل ان سلالة خيوله كانت من خيل دنقلا الاصلية ووصلت الى بريطانيا .. ثم كانت امدرمان .. وبنى منزل فاخر بمقياس ذلك الزمان .. ( القلعة ) .
ظلت الغيد والقوارير صرعى
وأباريق بتن في اطراق
توفيق في هذه القصيدة تفوق على كل شعراء الخمريات حتى زعيمهم ابونواس .. ومن عشقه للمكان والظرف الذي كان فيه لم تؤثر فيه كؤؤس الخمر .. لقد أتى على كل الموجود منه حتى صارت الاباريق خاليه .. بل وصفها بالاطراق وهو وصف أبلغ من ( فارغ ) ويعني أن الاناء خالي حتى من العوالق .. وكأن الشخص يسمع أزيز الهواء داخله .. ورغم ذلك فهو يطلب المزيد :
إتني بالصبوح با بهجة الروح
وأسقني إن كان في الكأس الباقي
والصبوح هو خمر الصباح ومقابلها في العامية السودانية ( كوفار ) والكوفار كان ينشط البدن ويذهب بوعثاء الخمر الذي تناوله الشخص طوال المساء .. ولكن مع شاعرنا حتى ( الصبوح ) او الكوفار فيه شك ( إن كان في الكأس باقي ) .. ومن سحر تلك الليلة لم يتركوا ما يكفي للصبوح ..
وفي عهد ما في السودان كان تناول الخمر عادة .. في المناسبات الافراح والحصاد والنفير والجلسات والولائم والاخوانيات ولم تكن تكتمل الجلسات إلا بأن تدار الكؤوس لأن ذلك كان بمثابة تتويج للجلسات الاخوانية .. وكان هذا الاسلوب متبعاً عندنا في اقاصي الشمال (بوقانا) .

===============
احياناً المكان أهم حيث أنه يطوي الزمان طياً

من داك اليوم المنعوا المريسة، السودان ما شاف عافية. ما بعرف دي صُدفة ولًا شنو؟. كل البلاد الراشدة تترك الخلق للخالق، والحكومة تحفظ الأمن بالكامل. من يريد العبادة فهذه دور العبادة، ومن أراد العربدة فهذا دور العربدة، ومن أراد غير ذلك فهو متوفر ... والأمن واقف ديدبان لمَن يُخل بالأمن. السفارات حقها مفروض يجي بالطريق العديل بدون اعتراض من أحد (شغل هيئات دبلوماسية ومعروف).

يا جماعة

يلهو كلام شانتير ده فيهو الحكمة.

السودان ده لم يخرب إلا بعد أن تم إغلاق البارات.

بوستك دا جاني في قروب شلتي ناس البلد (بلدنا)

قلت ليهم دا كاتبو واحد مطيليق من السارة
معرفتو للسكر زي معرفتو لرفع الصور والفديوهات في سودانيز اونلاين

لكن قلت لي :

حاوية عدييييييل
الخرابة
دي تكون الحقيبة الدبلماسية حقت سيدنا نوح؟

الحبيب عثمان .. تحياتي ..
بعد اغلاق البارات بفترة وجيزة في الثمانينات
ظهرت موجة من أزمات السكر وغيرها ..
وبدأت المظاهرات ضد نميري ..
سأل عمر محمد الطيب عن السبب فرد عليه .. الناس كانوا في عالم ثاني
ورجعوا للوعي ..
===================
طبعاً ناس ( موية التمر ) لا يميلون إلى شرب الشاي أو الحليب أو السوائل الحلوة
وبعد إنقطاعهم عن ( موية التمر ) لجأوا إلى شرب الشاي والقهوة .. وبالتالي ازداد استهلاك السكر
والحليب ..

تحياتي عثمان ..

Quote: وبعد إنقطاعهم عن ( موية التمر ) لجأوا إلى شرب الشاي والقهوة

لا لا
جماعتنا نحن طبعا مشهورة بلدنا بالقريب فروت(القرين)
اها بيقوم الواحد يدي القرين فروتاية حقنة بتاعة خميرة ويخليها في شجرتها مدلدلة أسبوع كدى
ثم يجهز المزز وكدى

ودالشيخ يا جميل .. تحياتي ..
الحبيب الجميل يا أخي عندنا في الشمالية القريب فروت عادي عشان عندنا شتاء والموالح بالكوم
أهم حاجة التمر ( النخلة )
شكراً الحبيب ودالشيخ .. بوست خفيف الظل

مودتي للحبيب عثمان ..