Post: #1
Title: زول يشاركنى نرجع احذية باتا للسودان
Author: النصرى أمين
Date: 10-21-2019, 05:32 PM
Parent: #0
05:32 PM October, 21 2019 سودانيز اون لاين
النصرى أمين-كالغرى, كندا
مكتبتى
رابط مختصر
شركة سويسرية محترمة و ذات تاريخ عريق.
عندها فروع فى ثمانية دول إفريقية منها يوغندا و كينيا و وتنزانيا.
احذية ممتازة و اسعارها معقولة .
|
Post: #2
Title: Re: زول يشاركنى نرجع احذية باتا للسودان
Author: النصرى أمين
Date: 10-21-2019, 05:35 PM
Parent: #1
|
Post: #3
Title: Re: زول يشاركنى نرجع احذية باتا للسودان
Author: النصرى أمين
Date: 10-21-2019, 05:37 PM
Parent: #2
و بعد ..داك ..نعمل مصنع محلى ..يصنع كل منتجات باتا فى السودان و نصدر لدول الجوار
خاصة عندنا المواد الخام و العمالة الرخيصة المدربة .
|
Post: #4
Title: Re: زول يشاركنى نرجع احذية باتا للسودان
Author: muntasir
Date: 10-21-2019, 05:59 PM
Parent: #3
أحذية توموشيك للمرأة العاملة والرجل الشيك
|
Post: #5
Title: Re: زول يشاركنى نرجع احذية باتا للسودان
Author: muntasir
Date: 10-21-2019, 06:00 PM
Parent: #4
وسلوى بوتيك ومجلة سمر يا نصري
|
Post: #6
Title: Re: زول يشاركنى نرجع احذية باتا للسودان
Author: النصرى أمين
Date: 10-21-2019, 06:08 PM
Parent: #5
و توتو كورة كيا فى عبدالحى
|
Post: #7
Title: Re: زول يشاركنى نرجع احذية باتا للسودان
Author: osama elkhawad
Date: 10-21-2019, 07:10 PM
Parent: #6
أثنّي وأثلّي وأربّع ههه
مع توسيع قائمة منتصر لتشمل مواتر فيسبا والكازرزر والاندروس.
وحتى لا نُتهم بالكومبرادورية نضيف قبل ذلك :
الراسمالية الوطنية السودانية.
|
Post: #8
Title: Re: زول يشاركنى نرجع احذية باتا للسودان
Author: علاء سيداحمد
Date: 10-21-2019, 09:01 PM
Parent: #7
وما تنسى يا النصرى منافستها فى السودان شركة لاركو للاحذية
آه يازمن .
|
Post: #9
Title: Re: زول يشاركنى نرجع احذية باتا للسودان
Author: osama elkhawad
Date: 10-21-2019, 10:36 PM
Parent: #8
"بيت الجاك"،
نسخة محدّثة من الصلحي.
|
Post: #10
Title: Re: زول يشاركنى نرجع احذية باتا للسودان
Author: Abureesh
Date: 10-21-2019, 10:39 PM
Parent: #9
و نطالب القراى يرجع الكشكول
|
Post: #11
Title: Re: زول يشاركنى نرجع احذية باتا للسودان
Author: النصرى أمين
Date: 10-21-2019, 11:05 PM
Parent: #10
حرم يا الخواض اول مرة تمر على الكلمة دى.
ان شآء آلله تكون حقيقية و تشرحها لينا الايام دى مركبين مكنة (باحث عن الحقيقه)
|
Post: #12
Title: Re: زول يشاركنى نرجع احذية باتا للسودان
Author: امتثال عبدالله
Date: 10-22-2019, 01:08 AM
Parent: #11
يعني بكلامك ده كان في السودان مصنع للاحذية وبتصنع احذية جميلة زي الجبتها انت في الصورة هنا ، وزي الأحذية البنشوفها في payless .!!؟؟واذا كانت موجودة زمان ، فهل نظام اللصوص والحرامية هم القفلوا المصنع ، ولماذا!@
|
Post: #13
Title: Re: زول يشاركنى نرجع احذية باتا للسودان
Author: النصرى أمين
Date: 10-22-2019, 02:46 AM
Parent: #12
اهلا امتثال ؛ اعمامك الفوق العلقوا على البوست ده عاصروا سودان جميل
جدا و سهل ...
احذية باتا كانت منتشرة جدا فى السودان زى
Payless Shoes فى مولات شمال أمريكا.
احذية اقتصادية متينه و متيسرة لجميع طبقات المجتمع ..
للاسف الانهيار فى السودان بدأ قبل الإنقاذ بكثير بداية من تأميم نميرى( الشيوعيين🙂) للمصانعو الشركات ؛ كان فى عدد مقدر من الاغريق و اليهود شغالين فى السودان و كانت فى توكيلات شركات عالمية ؛ بعد التأميم ، الجماعة كلهم اتخارجوا ...قبل سنوات و بالصدفة قابلت احد هؤلاء الاغريق فى سوبرماركت فى تورنتو ؛ قال لى بلهجة سودانية مكسرة انه طلع من السودان فى بداية السبعينيات و انه السودان كان حلو شديد (الوصف من عندى).
المهم من بداية الثمانينيات التدهور الحقيقى بدا ، نميرى يتقلب يمين و شمال و جات قوانين سبتمبر ؛ و الباقين من اليهود و الاغاريق و عدد كبير من الهنود اتخارحوا و تركوا وراهم اعمالهم التجارية التى تبخرت مع مرور الزمن .....
المهم احذية باتا اعتقد طلعت من السودان بداية الثمانينات وغالبا السبب سياسيات الدولة نحو الشركات الأجنبية.
لو عندك رأسمال انا جاهز بالفكر الثاقب (رأسمالى الوحيد)
|
Post: #14
Title: Re: زول يشاركنى نرجع احذية باتا للسودان
Author: Hassan Makkawi
Date: 10-22-2019, 07:07 AM
Parent: #13
Quote:
اعمامك الفوق العلقوا على البوست ده عاصروا سودان جميل
|
العجايز بعد شوية حيطلبوا "بزيانوس"
|
Post: #15
Title: Re: زول يشاركنى نرجع احذية باتا للسودان
Author: فيصل محمد خليل
Date: 10-22-2019, 07:25 AM
|
Post: #16
Title: Re: زول يشاركنى نرجع احذية باتا للسودان
Author: قلقو
Date: 10-22-2019, 07:35 AM
Parent: #15
سلامات يا نصرى ,
شايف الكوامر والخرد جو ناطين وكل يغنى على ليلاه . ما أدروب ولوف وكده .
(باتا) دى يا صديقى زمانا فات وغنايا مات بالرغم من تعاطفى القديم معها , لكن رايك شنو يا حبيبنا فى الأديداس والنايكى او ما قد يكون قد استجد ونحن ما عندنا خبر ؟ خليك مواكب يا نصرى .
|
Post: #17
Title: Re: زول يشاركنى نرجع احذية باتا للسودان
Author: بابكر قدور
Date: 10-22-2019, 12:36 PM
Parent: #16
يالنصري إعتبرني واحد من المساهمين في الشركة
من أجل إرجاع جزمة "الكموش" وشبط "حيدر"وجزمة
باتا لزوم الطلبة ....
|
Post: #18
Title: Re: زول يشاركنى نرجع احذية باتا للسودان
Author: يحي قباني
Date: 10-22-2019, 01:22 PM
Parent: #17
| Quote: يعني بكلامك ده كان في السودان مصنع للاحذية وبتصنع احذية جميلة زي الجبتها انت في الصورة هنا ، وزي الأحذية البنشوفها في payless .!!؟؟واذا كانت موجودة زمان ، فهل نظام اللصوص والحرامية هم القفلوا المصنع ، ولماذا!@ |
هههههه
امتثال يا بتنا ... اندهاشك بي جزم Payless ذكرني اندهاش جماعة زمان ايام ازمة البارات
البيرة انعدمت و الناس البتعرف البيره تجي تسأل من الهينيكين و البكس و الأمستل و الكارلسبيرج ...
جو جماعة اظنهم جديدين في القصة ... سألوا سيد البار عندك بيره ( فيكس ) و الفيكس دي طعمها زي ورق الجرايد دايما بايره ... زي المغشوشة ...
اها لما قالوا لي سيد البار عندك بيره فيكس و قال ليهم آيي ... اندهشوا زي دهشتك من Payless دي ههههه ...
معليش ياخ بس القصة حبكت ... وحقيقة باتا فعلا كانت حاجة بالنسبة للسودان ... و كبك باتا لا يعلى عليه ....
اها ما تجي تقولي لي كان في بارات في السودان ؟
اها ازيدك من الشعر بيت ... كنا بنعرف عيد رمضان اعلنوهوا لما نسمع صوت ابواب البارات الزنكي بفتحوها ...
كان ما مصدقة اسألي عمك النصري و اهمامك الفوق ديل .. ههه
|
Post: #19
Title: Re: زول يشاركنى نرجع احذية باتا للسودان
Author: النصرى أمين
Date: 10-22-2019, 02:10 PM
Parent: #18
معليش يا اخوانا حاضطر افط
تعرفى يا امتثال و يحى
سنة 80طلعت الرخصة و فرحان بيها شديد..
قريبى اكتشف الحاجة دى و بقى كل يوم يرسلنى البار امشى اشترى البيرة
و انا فرحان بالسواقه.
اذكر البكس كان موديل السنة 80 المهم
الحكاية استمرت و انا مبسوط بمشاوير البيرة كل يوم
لغاية اخوى الكبير اكتشف الحاجة دى
ادانى محاضرة و طار المشوار الممتع بالبكس
|
Post: #20
Title: Re: زول يشاركنى نرجع احذية باتا للسودان
Author: حسن محمد عمر
Date: 10-22-2019, 02:20 PM
Parent: #19
وماتنسوا الكافينول والأندروس وصابون فونا وبطارية إفريدى وعييييييييييييييييك القائمة طويلة وقبل الحاجات دى كلها رجعوا لينا جنوب السودان لأن خريطة السودان الحالية شينة شديد نطالب بإرجاع جنوب الوطن وأبناء الجنوب الحلوين والله وحشنا عربى جوبا يخرب بيت السياسة
|
Post: #21
Title: Re: زول يشاركنى نرجع احذية باتا للسودان
Author: امتثال عبدالله
Date: 10-22-2019, 03:26 PM
Parent: #20
يحي ود قباني
انت عارف اني مسكينة وما بشتري إلا من المحلات الرخيصة زي payless , عشان اوفر حق ال Starbucks في العطلة الأسبوعية، وما زي البرجوازية بسمات بت عطبرة لأنها بتشتري فقط من Bloomigdale و Saks Fifth Ave. و Barnry's Madison Ave. ...ومرة مشيت معاها Barney's عشان هي عاوزة تشتري فستان...وقابلنا داخل المحل الممثلة الشهيرة جوليا روبرتس ...وايه رايك كمان سلمنا عليها واتونسنا معاها لمدة دقيقتين عن فيلمها Beautiful woman...المهم علينا للأسعار داخل الفترينات ( طبعا الفترينات )في كثيرين ما بكون سمعوا بيها ...ووجدت أسعار الفساتين تتراوح ما بين ١٠ الف دولار و ٢ دولار...وقلت للمسنوحة البرجوازية انتي عاوزة تشتري من هنا زي ناس جوليا روبرتس البتمثل الفلم الواحد ب ١٠ مليون دولار ...ولكنها اصرت وأشترت الفستان من هذا المحل...بكم !!!؟؟والله ما بقول ليكم ...لكن من اليوم داك انا ما بدفع حق ال Starbucks....هههههههههه....
وهسه فهمت من كلامكم ان السودان زمان كان من الدول ذات الرفاهية وفيها مصانع وشوارع نظيفة ،،ومرة شفت طالبات صورة لطالبات مدرسة الكمبوني وهن لابسات لبس أنيق وجميل وبيعزفن على الموسيقى ويلعبن تنس وباسكت بول ....
|
Post: #22
Title: Re: زول يشاركنى نرجع احذية باتا للسودان
Author: احمد حمودى
Date: 10-22-2019, 04:43 PM
Parent: #21
يا نصرى مصنع باتا فى بحرى جوار مصنع النسيج السودانى اذا جيت ماشى بجوارهم
تتمغص من الدمار الحصل ليهم مصنع باتا والنسيج كانوا شغالين 3 ورديات الله يلعن الكيزان واحتمال
كمان يكون الكيزان باعوا ارض المصانع
|
Post: #23
Title: Re: زول يشاركنى نرجع احذية باتا للسودان
Author: النصرى أمين
Date: 10-22-2019, 05:40 PM
Parent: #22
سلام يا قلقو
| Quote: (باتا) دى يا صديقى زمانا فات وغنايا مات بالرغم من تعاطفى القديم معها |
بالعكس ؛ باتا شغالة تش خاصة فى الهند و افريقيا لان منتجاتها رخيصة و الجودة معقولة ..
ما عارفك انت عايش وين ؛ لكن باتا عندها نفس ال business Model بتاع محلات احذية مشهورة هنا فى أمريكا الشمالية اسمها Payless Shoes رخيصة و معقولة لكن لانتافس الماركات العالمية زى أديداس و نايكى و بوما لكن ديل سوقهم بختلف عن سوق باتا .
باتا موجودة فى تسعة دول افريقية و ناجحة جدا .
السودان يناسب تماما متتجات باتا لان مستوى الفقر عالى جدا و الناس تحتاج لسلع تقضى الغرض و بس ؛ باتا ممكن تستفيد من السوق الضخم ده تكتفى بهامش ربح صغير و كده تبيع ملايين الاحذية.
صدقنى ؛ انا عملت دراسة جدول و عارف تماما جدوى رجوع باتا لأسواق السودان
|
Post: #24
Title: Re: زول يشاركنى نرجع احذية باتا للسودان
Author: امتثال عبدالله
Date: 10-22-2019, 06:08 PM
Parent: #23
وعشان انت قلت احذية باتا رخيصة زي احذية payless انا بثني اقتراحك ترجعوا لاحذية باتا في السودان ...واذا انت عاوز مساهمين للشركة بتاعتك لإنشاء مصنع لي باتا اعتمد معاك بت عطبرة بسمات وممكن تساهم معاك...
وخلى البرجوازيبن يشتروا أديداس ونايكي ....
|
Post: #25
Title: Re: زول يشاركنى نرجع احذية باتا للسودان
Author: محمد عبد الله الحسين
Date: 10-23-2019, 06:50 AM
Parent: #24
عيييك! ده شنو يا النصري زي المغنطيس لميت كل الجلاكين و الكوامر
بس ما سمعوا شبيك لبيك و طوالي طلعوا
اها كمان يا الكوامر ما تقولوا عايزين ترجعوا جنبرت و بابا كوستا و قهوة الزيبق
و قهوة يوسف الفكي و باصات العظمة و أبو رجيلة ؟
عشان أقوم أنادي ليكم كتشنر هسه و الا مستر سمسم؟
مين زكي جمعة ده؟
تحياتي لكل الكوامر دركسون يمين.
|
Post: #26
Title: Re: زول يشاركنى نرجع احذية باتا للسودان
Author: النصرى أمين
Date: 10-23-2019, 05:11 PM
Parent: #25
ايوه ما محمد يا محمد عبدالله..
الخرد كلهم اتلموا ..بصورة عامة معظم عضوية البورد أعمارهم فوق الخمس واربعين.
و ذكريات مثل باتا و لاركو و كافينول تضرب بيهم وتر حساس .
ياخ انا اغنية اسماعيل اب سم (هودنا يا هودنا) بنوم بيها كل يوم لمدة شهر ..
نحن جيل منتهية نعيش حاضر صعب و متعب و مستقبل مجهول .
ما عندها غير الماضى ..نردح فيه بس
|
|