|
Re: مصير العاصمة الخرطوم تتحول زي ما اتحولت ل (Re: Osman Musa)
|
اثني نقيم في العاصمة لأن بها مدارس افضل لابنائنا نقيم في العاصمة لأن فيها رعاية صحية افضل لاسرتنا ولكن العاصمة مدينة طاردة لا تصلح لحياة الانسان فمن الافضل أن نبحث لمكان آخر التعليم فيه اقل نوعية من تعليم العاصمة وكذا الرعاية الصحية خاصة إن كان مصدر عيشك لا يرتبط بالخرطوم وانا ان شاء الله صادي إلى الريف مع عائلتي وليتهم يرضون بذلك فإذا عزمت فتوكل على الله
| |
|
|
|
|
|
|
Re: مصير العاصمة الخرطوم تتحول زي ما اتحولت ل (Re: Ali Alkanzi)
|
Quote: نقيم في العاصمة لأن بها مدارس افضل لابنائنا نقيم في العاصمة لأن فيها رعاية صحية افضل لاسرتنا |
برضو حتبقى مركز لهدره الجميع الى العاصمه بحثا عن الخدمات والرفاهيه. مالم تتغير عقليه ان العاصمه هى وجهه مواطنى البلد كلو بحثا عن ماذكرت فالنتيجه واحده.والافضل الصرف على تنميه مدن اخرى كعواصم نوعيه بدل الصرف على مدينه كعاصمه سياسيه يكون مصيرها كسابقتها. الحل تطوير عقليه المجتمع لمفهوم العاصمه النوعيه وخطا انو العاصمه السياسيه هى كل شىء. شوفو الولايات المتحده ميامى ولوس انجلس ونيويورك و....الخكل واحده قبله لدور مختلف عن الاخرى
| |
|
|
|
|
|
|
Re: مصير العاصمة الخرطوم تتحول زي ما اتحولت ل (Re: Asim Ali)
|
أخ عاصم كيف يتطور مفهوم المجمتع ؟ الحكومات المتعاقبة لم تلتفت لتنمية الريف. قريتنا الشوال مثالاً هجرت تماما بعد انشاء مشروع المناقل عام ١٩٦١ ولم يبق من سكانها إلا القليلون واطرف تعبير قاله واحد مصري لمن شافا بعد حرب ١٩٦٧ قال انتو اثار الحرب مع اسرائيل وصلتكم هنا؟ الان وبعد دخول الكهرباء والماء تقاطرت الانفس نحو الشوال وانتشر السكن العشوائي لان بها كهرباء وماء ومدارس ومركز صحي الناس تبحث عن الخدمات الافضل وكلها توجد في العاصمة مريضنا في القرية يأتي إلى الخرطوم وكلو شئ في الخرطوم محل الطيارة بتقوم والرئيس بنوم
| |
|
|
|
|
|
|
Re: مصير العاصمة الخرطوم تتحول زي ما اتحولت ل (Re: Ali Alkanzi)
|
سلام الكنزى ماهو لن ينزل علينا تغيير وتنميه (مائده من السماء) وانما لازم نقوم بدورنا كناس عندنا نوافذ مخاطبه للناس ووعيهم عبر الوسائط (المنبر مثالا) وترويج مفهوم الهجره العكسيه عشان الناس تبدا التنميه وتكون جزء ترقيه الخدمات فى المنطقه.ودور الدوله بيحقيق الاهداف الحقيقيه لفكره الدوله الاتحادىه والولايات /الاقاليم وتشجيع انشاء الخدمات الخاصه فى التعليم والصحه والصناعه فى الولايات بالتالى تشجيع العاملين فى مجال الصحه والتعليم بالعمل فى الولايات طالما توجد فرص عمل اضافى فى القطاع الخاص بجانب الحكومى ودا كلام اظن اتكلمت عنو اكتر فى بوست مشابه للاخ هاشم كارورى وبرضو فى بوست التعليم العالى والجامعات. اما الخدمات (الطاقه والماء) دى مسئوليه ندعو الحكومه لتطبيق مبداءتنويع مصادر الطاقه ووالانفتاح على الطاقات المتجدده تحياتى
| |
|
|
|
|
|
|
Re: مصير العاصمة الخرطوم تتحول زي ما اتحولت ل (Re: Ali Alkanzi)
|
اخونا علي سلامات زمن الانجليز كانت المدارس القوية والمحترمة في السودان كلها خارج المدن الكبيرة . والمدارس زاتها كانت عبارة عن مدن . كانت منارات عظيمة تضاهي المدارس في السويد والنرويج وبريطانيا . وكانت عندها رابط بي المدارس في بريطانيا . داير اقوليك يا اخ علي انو التعليم خارج المدن الصاخبة والكبيرة احسن مليون مره من المدن الكبيرة . التعليم في المدن الكبيرة مكلف وصعب صعب جدا .
| |
|
|
|
|
|
|
Re: مصير العاصمة الخرطوم تتحول زي ما اتحولت ل (Re: Osman Musa)
|
عشان كدا اخ عثمان وانت تقول:
Quote: اخونا علي سلامات زمن الانجليز كانت المدارس القوية والمحترمة في السودان كلها خارج المدن الكبيرة . والمدارس زاتها كانت عبارة عن مدن . كانت منارات عظيمة تضاهي المدارس في السويد والنرويج وبريطانيا . وكانت عندها رابط بي المدارس في بريطانيا . داير اقوليك يا اخ علي انو التعليم خارج المدن الصاخبة والكبيرة احسن مليون مره من المدن الكبيرة . التعليم في المدن الكبيرة مكلف وصعب صعب جدا . |
عشت في جنيف ما يقارب الاربعين عاما وعدتُ للخرطوم في اغسطس 2015 وبعد مرور اربعة سنوات تكونت لدي قناعة جازمة ان العيش خارج الخرطوم ولو قرية بدائية خير من الخرطوم لالف سبب وسبب وان شاء الله إني عائد لمسقط رأسي قرية الشوال ولاية النيل الابيض ولكن من يقنع العيال؟ اسأل الله التوفيق
| |
|
|
|
|
|
|
Re: مصير العاصمة الخرطوم تتحول زي ما اتحولت ل (Re: Osman Musa)
|
الحبيب عثمان .. تحياتي يقال أن سكان عاصمة قبل 45 سنة عددهم حوالي نصف مليون واليوم تقريباً عشرة مليون .. المؤكد أن أمبدة حوالي مليون وستمائة الف ضعف سكان الولاية الشمالية التي تبلغ بالكاد 800 الف . السبب من زمان هو توزيع الاراضي السكنية هكذا بدون أي معايير وبدون التدقيق في امكانيات الشخص هل يستطيع البناء حسب مواصفات المدن .. إلخ والامتداد الافقي .. تخيل ملايين الناس الدولة تمنح كل واحد 20 ×20متر .. حوش عريض كان ممكن كعمارة يسكنها 100 فرد .. الامتداد الافقي صعب جداً توصيل المرافق وامتداد الكهرباء والمجاري .. إلخ حتى الامن مشكلة تغطية الشرطة لكل هذه المساحات .. ( حسب كلام خبير في التلفزيون قبل فترة ) الخبير يقول ما في حل للعاصمة إلى أن تقوم الساعة إلا عاصمة جديدة ومازال الوضع إلى الأسوأ رغم ذلك الأرض في الخرطوم أغلى بكثير من جدة في السعودية أحياناً هنا الشقق 190 - 150 الف ريال ولا حوش فاضي في الحاج يوسف .. اختي باعت حوش في الدروشاب 2 مليون ( 2 مليار ) حوالي 140 الف ريال سعودي
أنا زول ضواحي الدنيا .. أتمنى يجي واحد من العاصمة ويشرح لينا الوضع ..
| |
|
|
|
|
|
|
Re: مصير العاصمة الخرطوم تتحول زي ما اتحولت ل (Re: Ali Alkanzi)
|
ممكن حل هذه المشكلة عن طريق التعليم وكذلك كل المشاكل الاقتصادية والاجمتاعية التعليم ومناهجه العقيمة لها الدور الكبير جدا وما اسموه بثورة التعليم العالي وأكثر من سكن في الخرطوم كان عشان الجامعات لابد من تصحيح مسار التعليم العام ما قبل الجامعي ليهتم بالبيئة والزراعة والثروة الحيوانية والحرف والصناعة ليربط الإنسان بالريف واحترام الأرض والبيئة النظيفة البكر فهذه مشكلة مرتبطة بضعف الوعي الثقافي الذي يعالج بالتوعية بجمال البيئة الريفية التي تغرس منذ الصغر ومرحلة الصبى الباكر فلننظر لعلاقتنا بالماء والنيل والأشجار سنجد أنها علاقة سيئة جدا وإذا جعل المواطن محب للإنتاج والعمل بالتعليم الفعال والواقعي سيساهم هذا الإنسان في تحسين بيئة الريف ويرتبط به ولا يجعل قبلته للعاصمة
| |
|
|
|
|
|
|
Re: مصير العاصمة الخرطوم تتحول زي ما اتحولت ل (Re: منتصر عبد الباسط)
|
الاخ عثمان قولك:
Quote: خونا علي الكنزي معقولة ياخ من جنيف لي قرية الشوال ؟ والله حقو الواحد يشتكيك لي ناس الدعم السريع ههههههعا . والجابك من جنيف شنو ؟ |
شقيقي عمر الذي يأتي بعدي قال لي انت زول محظوط كنت اعمل بسفارة قطر بالخرطوم الامتداد شارع ١٥ تم نقلي لجنيف في نهاية يوليو ١٩٧٩ واقمت هناك حتى اغسطس ٢٠١٥ للبقاء بالقرب من زوجتي الثانية رحمة الله عليها وقد توفت بعد عام من وصولي وهي في اتم صحة وشباب وتركت من خلفها ثلاثة اطفال اكبرهم في سن ١٢ سنة وحبست نفسي معهم وقمت باعادة تعمير منزل ابي محمد يس علي الكنزي بقرية الشوال حيث نمضي اجازات الصيف مع الابناء واتشوق للعودة للجذور بالمناسبة كنت اسكن بري شارع المعرض وفي صباح باكر نزلت لاذهب لصلاة الصبح راجلا في تلك اللحظة كان جاري في الواجهة يهم بتحريك سيارته ولما رأني طلب مني ان ارافقه للمسجد وقلت له افضل المشي في الصباح والمسجد لا يبعد إلا دقائق معدودات ولكنه اصر ان ارافقه لادرك تكبيرة الاحرام وفعلت. ونحن في الطريق للمسجد سالني قائلا: سمعت انك جيت من جنيف لتستقر هنا هل هذا صحيح؟ اجبته بنعم قام قالي :يازول انت مجنون؟
| |
|
|
|
|
|
|
Re: مصير العاصمة الخرطوم تتحول زي ما اتحولت ل (Re: Ali Alkanzi)
|
علي الكنزي والله انت ما مجنون ولكنك أعقل زول، اخترت الوطن الحبيب، والعيش مواطن درجة أولى، وفي جو اجتماعي صحي.... ...وانت من قرية الشوال ...واحتمال تكون عندنا قرابة معاكم ....والسفرية الجاية حنزوركم في الشوال .... وسمعنا ان سويسرا دي أغلى بلد في الدنيا ...صحي!!!!
| |
|
|
|
|
|
|
Re: مصير العاصمة الخرطوم تتحول زي ما اتحولت ل (Re: امتثال عبدالله)
|
الاستاذة امتثال اعتذر لتأخري على الرد على تعليقك الذي يرفع الروح المعنوية ويطمئن وانت تقولين:
Quote: علي الكنزي والله انت ما مجنون ولكنك أعقل زول، اخترت الوطن الحبيب، والعيش مواطن درجة أولى، وفي جو اجتماعي صحي.... ...وانت من قرية الشوال ...واحتمال تكون عندنا قرابة معاكم ....والسفرية الجاية حنزوركم في الشوال .... وسمعنا ان سويسرا دي أغلى بلد في الدنيا ...صحي!!!! |
ارحب بك يا استاذة وهذا وعد منك وارحب بكل اعضاء المنبر بزيارتنا لايام في الريف وسيجدوا ما يفرحهم اما احتمال ان تكون هناك قرابة بيننا فهذا امر غير مستبعد خاصة وان ابي تزوج من النساء عدد وذلك لوفاة الزوجة الاولى ثم الثانية ثم الثالثة وذهب وترك وراءه ثلاث نساء جميعهن انجبن لهذا انتشر رحم ابي من الجيلي والتسعين وامدرمان والشوال والكنوز ومن قبل رحمنا هو هذا الدين والوطن والانسانية لك شكري واكرر الدعوة لك ولكل البورداب
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|