ورد في الوسائط امس الخبر التالي بالصيغتين أدناه (وراء بعض):
Quote: #هام_وعاجل
في الوقت الذي يعقد فيه رئيس الوزراء عبدالله حمدوك ورشة خاصة ويشيد ويثمن دور جهاز المخابرات العامة (جهاز البطش الدموي) ويكيل له المديح والثناء ودوره في حفظ الامن القومي وتأسيس العلاقات الدولية ومكافحة الارهاب ، وتامين الوطن والمواطن من المهددات الداخلية والخارجية : ( نثق في احترافية ومهنية جهاز المخابرات العامة )
يأتي الرد سريعاً من قبل (جهاز البطش الدموي) بمقتل المواطن التاجر : محمد صديق ابراهيم تحت الضرب والتعذيب في معتقلاته .
Quote: محمد صديق ابراهيم من مواليد ولاية شمال دارفور_كتم هو تاجر في سوق ٦الحاج يوسف عندو دكان يوم ١١/١٠/٢٠١٩ تم إعتقالو بالحاج يوسف واقتادوه لقسم الدوحة امدرمان وتلفيق التهم له مع منع زيارة له +رفض الضمانة وقعد في القسم ٨ يوم تحت التعذيب يوم الجمعه أمس بعد التعذيب ووصوله لمرحلة حرجة وعشان يتخلصو منو فكرو انو يتصلو لاخوه ويوديهو المستشفي وكدة حيطلع من يدهم واتصلو لاخوه وقالو ليهو تعال استلم اخوك دا عيان وديهو المستشفي ولمن مشي لقي اخو في حالة فقدان وعي تام ورفض أن يستلم وبعد داك تم نقله لمستشفي الشرطة-بري وبعد ساعة وبضع دقائق فارق الحياة والشرطة حاولت التنصل من الجريمة لكن وقفة وصمود الناس اجبرو بتحويل الميت للمشرحة وتم تحويله لمشرحة مستشفي امدرمان وتم إجراءات التشريح سبب الموت +حصل مراوغة من قبل قسم الشرطة بعد قرار الطبيب بخصوص رفع وإحالة الإجراءات للنيابة العامة لتحويل المادة ٥١ ل مادة ١٣٠ وقبض الجناة لذا تم تحريك موكب الساعة ١ اليوم نهارا لمقر النيابة العامة وبعد ممارسة الضغط لهتافات الدم قصاد الدم ما بنقبل الدية اتت النيابة و تم تحويل المادة الي ١٣٠وإرفاق اسم الشاكي من اولياء الدم بدل الشرطة ومواصلة الاجراءات القانونية. نمور العباسية #القصاص_للشهداء
رحم الله - الشهيد بإذن الله - محمد صديق إبراهيم وانتقم له من قتلته وممن يريد المتاجرة بدمه أيضا!!
Post: #2 Title: Re: عقلك في أذنيك!! Author: خضر الطيب Date: 10-20-2019, 10:50 AM Parent: #1
من متين يا شطرطون انت كنت بتكتب بوستات ذي دي ؟ صدقني ما بتشبهك احذف البوست عشان ماتكون عبرة و ارخي جسمك عشان ما تموت كت آوت :- ناس الغرب عندهم مثل بقول ( تلصق الطين في الكرعين ما ببقى نعلين ) عليه لا تتلصق بالشرفاء خليك في رماديتك المعهودة و زوووط بتاعتك
Post: #3 Title: Re: عقلك في أذنيك!! Author: محمد البشرى الخضر Date: 10-20-2019, 11:50 AM Parent: #2
يا واطي ما تستعجل على رزقك جايي بالنموذج بتاعك قلت لي منظمة العمل الدولة توقف عضوية السودان!! هههه طبعا يا بليد ما فهمت البوست عن شنو مع أنو الموضوع من العنوان واضح آآآآ سوري نسيت نسيت! دا انت الواطي ابن الواطي, ما بتفهم زي الناس الطبيعيين ولازم نشرح ليك العنقريب طيب ولا يهمك, تابع الشرح الجاي عسى ولعل: العنوان مأخوذ من قصيدة أحمد شوقي و القائل فيها
Quote: اسمع الشعب ( ديون) كيف يوحون إليه ملأ الجو هتافا بحياة قاتليه أثر البهتان فيه وانطلى الزور عليه ياله من ببغاء عقله فى أذنيه
قصّرت معاك! حمّرتها ليكم كمان يلاّ دو ذا ماث بعد دا! اذا ما وقعت ليك اسمح لي ما عندي قدرة (أنزل) أوطى من كدا عشان اصل مستواك, بس انت حاول بيت
Post: #4 Title: Re: عقلك في أذنيك!! Author: محمد البشرى الخضر Date: 10-20-2019, 10:17 PM Parent: #3
في زمن الميديا و توفر وسائل التواصل يسهل الوصول و التحقق من اي معلومة أو ميزانها بميزان المنطق و العقل أو على الاقل السؤال و الاستعانة بآراء و قراءة وتحليل الآخرين قبل اللفحي و الاستعجال على النشر أو ترديد والمشاركة كأن ما قرأت أو سمعت حقيقة كونية لا يأتيها الباطل من بين يديها! هذا هو الجانب المضيئ لمسالة تطور و سهولة الوصول لوسائل الميديا و النشر لكن الجانب المظام بالطبع هو ايضا سهولة اختلاق الأخبار و نسبتها لمصادر معروفة وذات اعتمادية ومصداقية و ايضا سهولة تزوير الصور و السكرين شوتس وغيرها لكن هذا لا يعفي اللافح من قليل من التريث قليلا, ومحاولة الوصول لأصل الحساب المأخوذ عنه أو المنسوب له التصريح و الحديث لا اعتقد ان البحث عن حساب فلان الفلاني في تويتر أو الفيس أو غيرها لقراءة ما جاءك منسوخا أو مصورا في مظانه الصلية أم عسير, ففي نفس الأداة التي تنشر و تشارك من خلالها أو تردد ما قرات أو سمعت من اكاذيب سواء أكان تلفون أو تابلت أو كمبيوتر يمكنك وبنقرات قليلة لا تأخذ الكثير من الوقت التأكد قبل أن تنشر أو تردد ما قد يتضح انه أكاذيب صيغت بعناية لخدمة أجندات معينة لا تكون ببغاء عقلك في اذنيك و يسبق اصبعك عقلك في الفوروورد و التشيير و افتراع البوستات و التعليقات هنا وهناك قليل من التريث لا يضر, وكن غلبك خالص التحقق وما ليك حيل بحث, اسأل ... بتلقى البجاوبك
النماذج كثيرة لهبالات و سذاجات واكاذيب منشورة ومعاد نشرها ومنها ماهو ساذج وبليد لدرجة أستحي من الاشارة إليه فا شنو... النماذج حسب المزاج وكدا, قد وقد لا أجيبها
Post: #5 Title: Re: عقلك في أذنيك!! Author: Salah Zubeir Date: 10-20-2019, 10:31 PM Parent: #4
يا رب (ما) يستحي ويشير لي لستة الضباط ...
Post: #6 Title: Re: عقلك في أذنيك!! Author: Asim Ali Date: 10-20-2019, 10:32 PM Parent: #4
سلام عليكم الخبر الموثوق مفروض يكون متضمن اجابه على علامات الاستفهام الاربعه (متى؟ واين؟ ولماذا ؟وكيف؟) وبيسهل عمليه التاكد البحث عن صحتو . طبعا مع الوسائط والنفل كوبى بيست او المواد المصوره بواسطه افراد مساله تاكيد الخبر من مصادر مختلفه صعبه شويه لانو احيانا عندنا الاعلام (الاجهزه) متاخر غالبا عن الاعلام الشعبى وكمان ماتنسى ناس انا هسى هناك
Post: #7 Title: Re: عقلك في أذنيك!! Author: محمد البشرى الخضر Date: 10-21-2019, 10:12 AM Parent: #6
ههههههههههههه ما تتحسس يا ود الزبير, ديك كانت دقسة منك ساي, بس لا تعيدها عشان ما تبقى "ترند"
يا عاصم ابدا لا اتفق معك في صعوبة التأكد من صحة الخبر, القاعدة بسيطة ومريحة ويمكن لكل من يسعى الحقيقة أن يتبعها, ببساطة افترض كذب الخبر و فبركته للوهلة الأولى و ابدأ البحث عن الثغرات فيه من ناحية صياغة أو آثار فبركة على الصورة مثلا و منطقية و من ناحية تواريخ و أحداث سابقة واربط بينها وهكذا واستعمل عقل الناقد, لو ما لقيت ثغرة برضو ما تستعجل في النشر وإعادة المشاركة قد يظهر نفي من آخرين الفكرة هنا أنّنا لا ننظر للخبر كخبر مجرد, بل كيف يخدمنا او العكس, لو كان مريح وعلى هوانا حتى لو عواه وكذبه بائن برضو بنصدقه و نعيد نشره ودي المشكلة خذ مثلا المثال في اول البوست, من كتب المداخلة الأولى التقول زميلنا الهادي بس من شده تحامله على حمدوك و محاولة اظهاره بمظهر الفاشل بل و الخائن للثورة, لكن العيب ما عليه, العيب على الببغاء الاعاد نشر كلامه وفي نفس الوقت نشر الحادثة كما جرت ولم يكلف نفسه عناء قراءتها حتى ليبدو له و يفهم ان لا علاقة للامن و المخابرات بالحادثة!
Post: #8 Title: Re: عقلك في أذنيك!! Author: Asim Ali Date: 10-21-2019, 10:40 AM Parent: #7
ود البشرى ما اشرت ليهو انت صحيح لكن الناس الحريصه للحته دى ماكتيره وعندك الشباب احيانا فقدهم للخلفيات تاريخيا مثلا او جغرافيا اخيانا او فكريا ودا شوفو فى الفيس وتويتر تلقى الواحد متبنى وجهه نظر على اساس معلومه خاطئه وطبعا المتابعين يعلقو ويشيرو بضغطه زر . الشباب اكتر تعامل مع الوسائط واقل صبرا للبحث فى المصادر الحقيقيه /الموثوقه كان التزم بعلامات الاستفهام الاربعه يكون ماقصر تحياتى
Post: #9 Title: Re: عقلك في أذنيك!! Author: محمد البشرى الخضر Date: 10-21-2019, 10:45 AM Parent: #8
ما الشباب براهم يا عاصم بل يمكن كمان ظلمت الشباب الى حد ما مقارنة بكهول و شيوخ في سودانيزنا دي مثلا
كدي دا كلو خليهو.. .. بس شوف بالله مدير المناهج الجديد د . القراى ومحارته لدين الله :)
Post: #11 Title: Re: عقلك في أذنيك!! Author: محمد البشرى الخضر Date: 10-21-2019, 01:07 PM Parent: #10
هههه حلوة وملعوبة يا ود الزين و دي نهلة بتاعة القناة الرابعة مش كدا
Post: #12 Title: Re: عقلك في أذنيك!! Author: Asim Ali Date: 10-21-2019, 09:28 PM Parent: #11
قبيل فى نشره تلاته كان فى حوار بمناسبه ثوره اكتوبر مشاركين فهوا. عبدالرسول اللنور واكاديمى ومحلل سياسى د.عصام دكين. عصام دكين بتكلم وصف فى مقارنه اكتوبر مع ديسمب ان اكتوبر قدمت شهيد واحد هو القرشى مقارنه بشهداء ديسمبر ولولا مشاركه عبدالرسول النور وتصحيحو للمعلومه بلطف وذكرو للشهيد ابكر حسن عبدالحفيظ وشهداء القصر الجمهورى (كثير من الناس لايعلم سبب تسميه ساحه الشهداء وحداائق الشهداء لاحقا) شوف مثال لاكاديمى بدرجه دكتوراه ويقع فى خطا تاريخى وعلى موجات جهاز اعلامى واسع الانتشار.
Post: #13 Title: Re: عقلك في أذنيك!! Author: وليد محمود Date: 10-22-2019, 08:31 AM Parent: #10
Quote: <كدي دا كلو خليهو.. .. بس شوف بالله مدير المناهج الجديد د . القراى ومحارته لدين الله :) :)
الذى يظهر فى هذا الفيديو هو الدكتور محمد محمود المقيم فى بريطانيا وليس الدكتور عمر القراى
تحياتى لكما
Post: #14 Title: Re: عقلك في أذنيك!! Author: محمد البشرى الخضر Date: 10-22-2019, 10:47 AM Parent: #13
معلوم يا وليد, هذا نموذج للفيديوهات التي يسوّقها اصحاب الاجندة ويعمل على نشرها الببغاءات دون ادنى تفكير لو الواحد قرا التعليق أو الوصف تحت الفيديو لبدا له جليا اسم محمد محمود
يا عاصم صدّق اول مرة اعرف المعلومة دي! المؤرخين لم يوفوا شهداء اكتوبر حقهم
Post: #15 Title: Re: عقلك في أذنيك!! Author: Asim Ali Date: 10-22-2019, 04:31 PM Parent: #14
Quote: المؤرخين لم يوفوا شهداء اكتوبر حقهم
حقيقه انو شهذاء اكتوبر مظلومين .شخصيا لولا الفضول وسؤال بعض الكبار فى الاسره واذكر منهم خالى-عليه رحمه الله- كان وقتها طالب بجامعه القاهره الفرع وضمن من شاركوا لاحقا ضابط بالقوات المسلحه وضمن من تمت احاله للصالح العام عد كارثه الانقاذ. على النت وجدت توثيق لاسمائهم على سودانيزاونلاين ح افتح بوست عنهم برابط البوست وقائمتهم حتى يكون احتفال بالثوره ومزيد من التثيق والتعريف بهم .والدعوه مفتوحه لكل من له اضافه عنهم.
Post: #16 Title: Re: عقلك في أذنيك!! Author: محمد البشرى الخضر Date: 10-22-2019, 10:03 PM Parent: #15
قبل كم يوم طلع ذو النون في لايف من ابوظبي و قال فيه كلام غريب انا رب السياسة وانا شنو ما عارف, ما علينا, المهم في خضم هرتلته وكلامه الساي و اساءاته و كذبه على الحرية و التغيير قال انو وزيرة الشباب و الرياضة عينت حبيبها وكيل للوزارة, الكلام دا تقريبا قبل اسبوع او اكثر, طبعا خفاف العقول التي هلوها في آذانهم يعجبوك في اللفحي و ترديد الكلام كانه حقيقة منزلة من السماء لا يأتيها الباطل من بين يديها! في حين لم يكلف احدهم نفسه للبحث عن هذا القرار في اي من الوسائل الاعلامية او ان شاء الله في قوقل, فحينها لم يكن صدر قرار بإعفاء الوكيل وتعيين وكيل ديد للوزارة يادووووب الليلة يوم 22 اكتوبر بعد كم يوم من فرية ذو النون صدر القرار بتعيين وكيل للوزارة هو أيمن سيد سليم نجل الراحل سيد سليم مدرب المريخ وأهلي مدني والفريق القومي الاسبق
تاني .. ذو النون بي عذره موتور و حاقد وعايز يثير اي غبار على الحرية و التغيير و الحكومة حتى يجد له موطئ قدم ببغاءات الأسافير مالهم!!
Post: #17 Title: Re: عقلك في أذنيك!! Author: Abdullah Idrees Date: 10-23-2019, 08:05 AM Parent: #16
Quote: الشباب و الرياضة عينت حبيبها وكيل للوزارة
بالحيل مر علي بذات الابتذال ونفس المفردات الغبية والحمار طبعا ما عارف مين بعين وكلاء الوزارات وما عارف انو وكيل الوزارة لازم يكون مهني مش سياسي والعايز يصدق امانيهو ما ممكن يكلف نفسو بالتروي والتحقق .. لكن المشكلة هي خداع عقول البسطاء والتلاعب بهم. الكيزان طبعا اغبياء جدا وما بعرفو يظبطو الاشاعة لكن تدني الوعي بشكل عام يجعل الكثير من مساعيهم تنجح .
