Post: #1
Title: هروب القيادي بحزب المخلوع حامد ممتاز ومصادر تكشف مفاجأة حول فراره عبر مطار الخرطوم
Author: زهير عثمان حمد
Date: 10-17-2019, 07:58 AM
07:58 AM October, 17 2019 سودانيز اون لاين
زهير عثمان حمد-السودان الخرطوم
مكتبتى
رابط مختصر
قالت مصادر صحفية في الخرطوم ان القيادي بالمؤتمر الوطني وزير ديوان الحكم الاتحادي السابق حامد ممتاز فر هاربا من السودان نهائيا الى اسبانيا عبر الخطوط التركية .
وقالت المصادر ان القيادي في حزب المخلوع غادر فجر الاحد ووصل الى العاصمة الاسبانية مدريد وفق جريدة اخر لحظة الصادرة اليوم حيث افادت ان حامد تفأجا بانه ليس من الموقوفين او الذين حركت في مواجهتهم بلاغات رغم استدعائه في وقت سابق والتحقيق معه حول قضية تمس قيادات عليا بالنظام السابق ما دفعه لطلب تأشيرة بشكل مباشر من السفارة الاسبانية في الخرطوم .
زغادر حامد عبر صالىة الخرطوج العامة ولم يتم اعتراضه من قبل السلطات وكان ممتاز اعلن مؤخرا عن تواجده ف يالسودان وانه لم يهرب وموجود بمنزله ومن يريده فليحصر اليه في منزله في تموية قبل فراره
|
Post: #2
Title: Re: هروب القيادي بحزب المخلوع حامد ممتاز ومصا
Author: قلقو
Date: 10-17-2019, 08:48 AM
Parent: #1
ليس فقط حامد ممتاز ولكن كل روؤس الكيزان الهاربة الذين اعتقدوا أنهم قد صاروا فى مأمن من يد العدالة والقانون , يمكن إسترجاعهم بواسطة ( الأنتربول), ولكن فى المبتدأ يجب أن تكون هناك مذكرات توقيف قانونية ضدهم , وهنا يكون دور النائب العام والمنظمات الحقوقية السودانية التى تنتمى للثورة ولقوى الحرية والتغيير ق ح ت .لقد صار العالم اصغر من قرية بل واصغر من زقاق , فأين المفر ؟
ما رأى زملاء المنبر من القانونيين لأنى غير قانونى وكلامى الفوق ده مجرد أجتهاد .
نريد رأيا قانونيا متخصصا .
|
Post: #3
Title: Re: هروب القيادي بحزب المخلوع حامد ممتاز ومصا
Author: دينق عبد الله
Date: 10-17-2019, 08:58 AM
Parent: #2
وين ميادۃ سوار الدهب؟؟😉
لو إتخلفت معناه بفهم
زي ما قالت انها اتزوجت منه بفهم
هههههه
|
Post: #4
Title: Re: هروب القيادي بحزب المخلوع حامد ممتاز ومصا
Author: علاء سيداحمد
Date: 10-17-2019, 09:34 AM
Parent: #3
ح يرجع
ادوها صنّه بس
|
Post: #5
Title: Re: هروب القيادي بحزب المخلوع حامد ممتاز ومصا
Author: مرتضي عبد الجليل
Date: 10-17-2019, 03:44 PM
Parent: #4
دقس مشى اسبانيا ....
اويد كلام الاخ قلقو انو مذكرة جلب واحدة كفيلة بحاله مكبلا اليدين ،ذليل حاسر ..
والله يا الكيزان الا تشوفوا كوكب خارج المجموعة الشمسية وبعد دا بنلاحقكم بواسطة الانتربول الخاص بالكاىنات الفضائية..هه مافى مفر .
|
Post: #6
Title: Re: هروب القيادي بحزب المخلوع حامد ممتاز ومصا
Author: جمال ود القوز
Date: 10-17-2019, 04:57 PM
Parent: #5
اين المفر يا كيزان ؟
|
Post: #7
Title: Re: هروب القيادي بحزب المخلوع حامد ممتاز ومصا
Author: Gafar Bashir
Date: 10-17-2019, 08:50 PM
Parent: #6
\
هو زول كان في السودان ونهب ما نهب .وقعد شهور بعد سقوط البشير زول سالو مافي .. وطلع بي المطار معزز مكرم تاني انتربول يجيبو لي شنو؟
|
Post: #8
Title: Re: هروب القيادي بحزب المخلوع حامد ممتاز ومصا
Author: jini
Date: 10-19-2019, 00:52 AM
Parent: #7
اشاعة لتمكينه من الهروب مثل ود الخدر على الأرجح
جنى
|
Post: #9
Title: Re: هروب القيادي بحزب المخلوع حامد ممتاز ومصا
Author: Omer Abdalla Omer
Date: 10-19-2019, 10:51 AM
Parent: #8
هاي! والله اللهم لا شماته!
خلى عوينا و عرد! جع!
أنا قل الزول بلبس الكاكي لكن بتان عرد!
|
Post: #10
Title: Re: هروب القيادي بحزب المخلوع حامد ممتاز ومصا
Author: Abdullah Idrees
Date: 10-19-2019, 11:38 AM
Parent: #9
Quote: لو إتخلفت معناه بفهم
|
ديل ناس "عميغين" يا دينق ياخ
كل شيء عندهم بعملوهو بي عمغ وفهم
ممتاز شرد نعم ، لاكين بي عمق
|
Post: #11
Title: Re: هروب القيادي بحزب المخلوع حامد ممتاز ومصا
Author: دينق عبد الله
Date: 10-19-2019, 12:14 PM
Parent: #10
الله يفتح عليك اخي Abdullah Idrees
ياخي راحت لي كلمۃ ”عميق” مثل ما راح لي قريبي اسم اللقيمات
عوضه بي جنا رغيف ممسح بزيت
هههه
آيوه اتزوجت بفهم عميق
بنفس الفهم العميق أكلوا قروشنا و افقروا بلدنا و شرخوا نسيجنا الاجتماعي
|
Post: #12
Title: Re: هروب القيادي بحزب المخلوع حامد ممتاز ومصا
Author: Ahmed Yassin
Date: 10-19-2019, 12:24 PM
Parent: #11
المثل المصري بقول
اللي يروح....ما يرجع
عمركم سمعتوا او شفتوا ..ضرس اتخلع ورجع تاني؟
انتربول شنو ...قال ليك اخد تاشيرة شينغن من قنصلية اسبانيا
وقال ماشي يحضر الكلاسيكو...لكن عشان كراعو حارة اتأجل
الكيزان الطلعوا من البلد كتار. والقروش الاندفعت للطلوع والهروب
تغطي احتياجات البلد لسبعة او ثمانية اشهر حسوما
والقروش الطلعت من البلد..تكفى البلد والدول المجاورة حاى يوم البعث
|
Post: #13
Title: Re: هروب القيادي بحزب المخلوع حامد ممتاز ومصا
Author: قلقو
Date: 10-20-2019, 01:39 PM
Parent: #12
يا ناس البلد لم يكن فيها رئيس قضاء ولا نائب عام ليتولى التحريات فى مثل هذه القضايا وطبعا المكون العسكرى فى مجلس السيادة كان وراء هذه اللفلفة وهذا الدوران .
أما الآن وهناك نائب عام فسوف يقوم بفتح بلاغات ضد كل اولئك الهاربين خارج البلد والموجودين داخل البلد على حد سواء والقانون سوف يأخذ مجراه . ولن يطول الزمن كثيرا وسوف ترون كل اولئك المجرمين فى اقفاص الأتهام .
اللهم آمين
|
Post: #14
Title: Re: هروب القيادي بحزب المخلوع حامد ممتاز ومصا
Author: Asim Ali
Date: 10-20-2019, 01:52 PM
Parent: #13
انتو لسه مفتكرين المسار القانونى حيعتدل ويكون حاسم وجزء من المتهمين غلى قمه االحكم .
الناس دى ماخده راحتها بشكل يخليك تشك انو حصلت ثوره على نظام دموى حكم 30 سنه والمجرمين خايمين برا السودان وقاعدين جوا السودان ومستمتعين باموال الشعب المنهوبه ويتبجحوا ويعيدو ترقيع واجهاتهم السياسيه
معقول دا ؟؟؟ !!!!!!!
الشغله البتحصل دى نيه ومابتودى لوصول حتى عشر اهداف الثوره
|
Post: #15
Title: Re: هروب القيادي بحزب المخلوع حامد ممتاز ومصا
Author: قلقو
Date: 10-20-2019, 02:00 PM
Parent: #14
طول بالك يا عاصم فالموضوع صعب ومعقد لكنه ليس بمستحيل .بس لازم الفريق القانونى بالنائب للعام يكون مكرب ولابد من المنظمات الحقوقية والقانونية تكون حاضرة وجاهزة . عندئذ سوف ترى كل اوائك اللصوص امامك .
|
|