Post: #2 Title: Re: يامسافر جبا... دينق يمتنع Author: Deng Date: 10-16-2019, 06:44 AM Parent: #1
"جبا" دي وين جنب أربجي؟
Post: #3 Title: Re: يامسافر جبا... دينق يمتنع Author: محمد عبد الله الحسين Date: 10-16-2019, 06:55 AM Parent: #2
بدر الدين...إنت لذيذ والله صباح الخير و للأخ دينق و إن امتنع.. و دينق رد عليك بسؤال يحتمل كافة التأويلات تحياتي دينق
Post: #5 Title: Re: يامسافر جبا... دينق يمتنع Author: بدر الدين الأمير Date: 10-16-2019, 11:09 AM Parent: #3
يا محمد كيف انك دينق مقدور عليهو بس مايجينا الحوثى الشرير عادل امين شايل سيديهو ويشبكنا اتقاقية الميرغنى قرنق
Post: #4 Title: Re: يامسافر جبا... دينق يمتنع Author: بدر الدين الأمير Date: 10-16-2019, 11:05 AM Parent: #2
يادينق قصدك ار بى جي 7 المهم الحلو يقول أرضا سلاح
Post: #6 Title: Re: يامسافر جبا... دينق يمتنع Author: دينق عبد الله Date: 10-16-2019, 11:14 AM Parent: #4
احياناً التحديد مهم دينق ال انصار سنة و لا الحبشي؟
Post: #7 Title: Re: يامسافر جبا... دينق يمتنع Author: بدر الدين الأمير Date: 10-16-2019, 11:17 AM Parent: #6
دينق يا عبدالله المقصود دينق حنكوش العمارات
Post: #8 Title: Re: يامسافر جبا... دينق يمتنع Author: دينق عبد الله Date: 10-16-2019, 11:27 AM Parent: #7
يا بدر الدين قلت تكحلها عميتها
أنا مولود في الكويت و ساكن في العمارات من 27 سنة
فتش خيارات أخرى للتصنيف!!
Post: #9 Title: Re: يامسافر جبا... دينق يمتنع Author: بدر الدين الأمير Date: 10-16-2019, 11:38 AM Parent: #8
انتو ياحناكيش العمارات مالكم بتتلصقو فى سم دينق
Post: #10 Title: Re: يامسافر جبا... دينق يمتنع Author: دينق عبد الله Date: 10-16-2019, 11:46 AM Parent: #9
يا بدر الدين سمتني حبوبتي الحاجة أشول بت أقوير ال حتى بعد الحج ما غيرت رأيها في المصريين
Post: #11 Title: Re: يامسافر جبا... دينق يمتنع Author: بدر الدين الأمير Date: 10-16-2019, 01:37 PM Parent: #10
يادينق الكويت والعمارات انا جدتى لابى اسمها الشول بت بلول ويجى فلان او علان يقول لك فحص المايتسماش دى إن تلقوها عند الغافل نحن عرب العرب او كما قال صلاح احمد ابراهيم الختم حياته كوز انقاذى عروبى كيتا فى منصور خالد على فكرة وزير الثقافة الحالى عندو اغنية غنتها فرقة عقد الجلاد فى مقطع منها بقول دينق زايد محمد احمد شوف هذا المستلب بقدم اسم دينق على محمد احمد كدى كوس لينا وين العم البشاشة قبل مايجينا الحوثى
Post: #12 Title: Re: يامسافر جبا... دينق يمتنع Author: دينق عبد الله Date: 10-16-2019, 02:02 PM Parent: #11
كتب بدر الدين ((ويجى فلان او علان يقول لك فحص المايتسماش دى إن تلقوها عند الغافل نحن عرب العرب او كما قال صلاح احمد ابراهيم الختم حياته كوز انقاذى عروبى كيتا فى منصور خالد على فكرة وزير الثقافة الحالى عندو اغنية غنتها فرقة عقد الجلاد فى مقطع منها بقول دينق زايد محمد احمد شوف هذا المستلب بقدم اسم دينق على محمد احمد كدى كوس لينا وين العم البشاشة قبل مايجينا الحوثى))
الكلام ده ح يجيب ليك التنظيمات الإرهابية بسودانيز اونلاين ياخي ناس لابسة احزمة ناسفة و لافة من بوست لي بوست
أظنك تعرفهم ---------- أنا مشيت ههههه
Post: #13 Title: Re: يامسافر جبا... دينق يمتنع Author: عماد الدين الطيب عمر Date: 10-16-2019, 02:45 PM Parent: #1
حجم يا بدر الدين فترنا النهار كلو شغالين حجز قالوا الحجاز بدون عكاز شيل شيلتك مع حبيب دينق
تخريمة دينق ما تقصر مع الراجل
Post: #14 Title: Re: يامسافر جبا... دينق يمتنع Author: بدر الدين الأمير Date: 10-16-2019, 04:02 PM Parent: #13
ياعماد الدين او لا بتبادى حدد دينقك وبعدها سردب للبطان عالم يستهويها التحشر بين ماما اميرة وخالتو تراجى
Post: #15 Title: Re: يامسافر جبا... دينق يمتنع Author: بدر الدين الأمير Date: 10-16-2019, 04:40 PM Parent: #14
اكيد سلفا ضبح ليهم كم تور بس بكون دقس لوما فهم انو ضيوفو ديل لوماقدم لهم ام فتفت بكون كانو ماضبح ليهم وام فتفت اهما حاجة فيها الدكوة والدكوة دى بالتحديد عشان تظبط ام فتفت لازم يتفق على مقاديرها عبدالعزيز الحلو والفريق الماممكن ركنه حميدتى وبعداك نجى لقصة بندقتى وبندقتك وناس قريعتى راحت
يعني انت برجوازي يا دينق ...ساكن في العمارات ٢٧ سنة !!! ..ويا ود الأمير..هم بدون حميدتي بيقدروا يتحركوا أي حركة ،، مش هو المسيطر على المجلس السيادي...ولا واحد غيرو ...!!
Post: #17 Title: Re: يامسافر جبا... دينق يمتنع Author: بدر الدين الأمير Date: 10-16-2019, 05:27 PM Parent: #16
امتثال ياخى كيف انك صدقى الدينقين طلعو حناكيش واولاد العمارات دينق الاول بعرفو تماما بس دينق التانى جانا مطفر شكلو بكرى كان مقرشو ليوم ذبح التور الاحمر ويا امتثال ياخى ما تعصرى علينا شديد حميدتى شاطر فى تهريب الابل قصدى بعرف يظبط كبدة الابل والدكوة هى القاسم المشترك مش فول سودانى..... هل تعلمى ان ام فتفت وكبدة الابل لو التقو فى وجبة واحدة الكل حايموت بالتسمم
Post: #18 Title: Re: يامسافر جبا... دينق يمتنع Author: دينق عبد الله Date: 10-16-2019, 06:37 PM Parent: #17
امتثال اختي سلامات يعني ما عارفة في عمارات تحت التشييد من 30 سنة؟؟ و لا ده تحريض ضريبي _________ غايتو المرة دي اتحليت منك
Post: #19 Title: Re: يامسافر جبا... دينق يمتنع Author: دينق عبد الله Date: 10-16-2019, 06:46 PM Parent: #18
يا بدر الدين انا منتظر العضوية لمدة سنتين يعني شنو ؟ ساكن في المنبر بالايجار.
ممكن اسمّع ليك بوستاتك ال بدون بروفايل(السيجارة) هههه
Post: #20 Title: Re: يامسافر جبا... دينق يمتنع Author: دينق عبد الله Date: 10-16-2019, 08:06 PM Parent: #19
انا طبعاً ال جابني في البوست اسم دينق المكتوب بالعربي كان تكتب Deng يمتنع عشان نعرف المقصود دينق بتاع كي جي بي
Post: #23 Title: Re: يامسافر جبا... دينق يمتنع Author: دينق عبد الله Date: 10-17-2019, 05:21 AM Parent: #21
يا Deng خفف الكربون ياخي ذكرتني ببلدياتنا الاصر يعرف موضع عمليۃ البواسير من اخوه و في المواصلات اضطر يقول ليهو في العين !!
جبا دي بين الفطيس و اللعوتۃ انت يا حنكوش(بشهادۃ بدر الدين) ما قاعد تمشي ولايۃ الجزيرۃ ولا النيل الابيض ---------------
Post: #24 Title: Re: يامسافر جبا... دينق يمتنع Author: Deng Date: 10-17-2019, 07:02 AM Parent: #23
يا ربي تكون جنب الغرافة؟
Post: #25 Title: Re: يامسافر جبا... دينق يمتنع Author: دينق عبد الله Date: 10-17-2019, 07:17 AM Parent: #24
كتب Deng (يا ربي جنب الغرافۃ؟)
قررربت علي قول عبد المطلب الفحل بس اوعك تمشيها في الجٌمعات
Post: #26 Title: Re: يامسافر جبا... دينق يمتنع Author: بدر الدين الأمير Date: 10-17-2019, 07:34 AM Parent: #25
الدينقات الحناكيش انتو بتقولو فى شنو
Post: #27 Title: Re: يامسافر جبا... دينق يمتنع Author: دينق عبد الله Date: 10-17-2019, 07:50 AM Parent: #26
يا بدر الدين مش تشكر ربنا نحنا ماسكين ليك البوست و انت متفرغ لأخبار جيسيكا ألبا ؟
Post: #28 Title: Re: يامسافر جبا... دينق يمتنع Author: بدر الدين الأمير Date: 10-18-2019, 06:38 AM Parent: #27
الدينقات اولاد دولة جنوب السودان حناكيش الرياض تعالو ادونا الزيت وتفاصيل مايحدث فى جبا مع انكم مستلبين او كما يقول بشاشة بس نحن فى دولة الحرية والسلام والعدالة بنسمع حتى من المستلبين
Post: #29 Title: Re: يامسافر جبا... دينق يمتنع Author: دينق عبد الله Date: 10-18-2019, 07:08 AM Parent: #28
هو Deng رحل الرياض؟ قريب ده كان في العمارات
Post: #30 Title: Re: يامسافر جبا... دينق يمتنع Author: بدر الدين الأمير Date: 10-18-2019, 08:03 AM Parent: #29
نحن عرب الجزيرة مابنفرق بين الرياض والعمارات ولا ابوظبى والرياض كلو عند العرب صابون الاهم قالو حميدتى جاطها والحلو حردل جبا
Post: #31 Title: Re: يامسافر جبا... دينق يمتنع Author: دينق عبد الله Date: 10-18-2019, 08:19 AM Parent: #30
بعدين نسيت الدوحة و أنقرة و لا خليتها لزوم تطبيع
------ الليييييلة
Post: #32 Title: Re: يامسافر جبا... دينق يمتنع Author: بدر الدين الأمير Date: 10-18-2019, 12:15 PM Parent: #31
يادينق العربى عفوا قصدى دينق بالعربى اسالك عن جبا تقولى أنقرة والدوحة طيب محمد بن سلمان ومحمد بن زايد هل تضعهم مقابل اوردغان وتميم خلينا نشوف جبا مالا علينا
Post: #33 Title: Re: يامسافر جبا... دينق يمتنع Author: دينق عبد الله Date: 10-18-2019, 12:48 PM Parent: #32
كتب بدر الدين ((طيب محمد بن سلمان ومحمد بن زايد هل تضعهم مقابل اوردغان وتميم))
مش احسن اضعهم مقابل: - المنشار و استانبول و خاشيقجي - الطاٸرۃ الشراعيۃ و الرباط و احمد بن زايد ؟