Post: #1
Title: إذا نجحت الحكومة الانتقالية سينقسم الحزب الشيوعي واذا فشلت سينقسم السودان!
Author: محمد جمال الدين
Date: 10-15-2019, 08:21 PM
08:21 PM October, 15 2019 سودانيز اون لاين
محمد جمال الدين-
مكتبتى
رابط مختصر
إذا نجحت الحكومة الانتقالية سينقسم الحزب الشيوعي واذا فشلت سينقسم السودان.. ليس تنجيم وإنما منطق الواقع.. فالحزب العريق لن يقبل بحكومة توالي أمريكا وعندها جيش يحارب مع الخليجيين وحتى لو أدى ذلك إلى التحالف مع قطر وايران وتركيا وروسيا طبعا وعقد حلف معلن مع المؤتمر الشعبي "مثال".. الأمور في المستقبل القريب ربما تسير في هذا الاتجاه.. فإرث الحرب الباردة وأدب الاقطاب المتنافرة غابة كثيفة لا يمكن العبور فوقها ببساطة.. فالايدولوجيا امر عظيم لا يمكن تجاوزها دون تحطيم العظم!.
ومقترحي للحل: ضم الحزب الشيوعي إلى مفاوضات السلام بجانب الحركات المسلحة.. عل الناس كلها تصل لحتة في النص.
---
التحية للمناضلين الشيوعيين لهم الاحترام ونعلم كم هي صعبة المعادلة!
|
Post: #2
Title: Re: إذا نجحت الحكومة الانتقالية سينقسم الحزب
Author: محمد جمال الدين
Date: 10-15-2019, 08:22 PM
Parent: #1
بوست من الفيسبوك.. أحببت أن أشركه الاخوة والأحباب والرفاق والأشقاء وال"كموريدز" والشباب والزملاء في سودانيزأونلاين وبعتذر إذا نسيت زول
|
Post: #3
Title: Re: إذا نجحت الحكومة الانتقالية سينقسم الحزب
Author: صديق مهدى على
Date: 10-15-2019, 08:29 PM
Parent: #1
سلام محمد جمال اصلا الشيوعيين كراع برا وكراع جوة وهم فى نفسهم منقسمين منذ مدة يعنى ما تخاف
الحزب الشيوعى اصبح حاجة كدى يعنى ممكن تسميه الحزب البين بين هههخخ
يعنى بالواضح هذا الحزب زى ....كلب السرة ههههت
|
Post: #4
Title: Re: إذا نجحت الحكومة الانتقالية سينقسم الحزب
Author: محمد جمال الدين
Date: 10-15-2019, 08:32 PM
Parent: #3
سلام صديق مهدى على .. كنت أتمنى منك مداخلة أكثر جدية
|
Post: #5
Title: Re: إذا نجحت الحكومة الانتقالية سينقسم الحزب
Author: صديق مهدى على
Date: 10-15-2019, 08:48 PM
Parent: #4
هو فى جدية اكثر من كدى
يا ود جمال
بس ارخى الحبال
للقارب ما يصطدم بالجبال
دا حزب مكشوف حال
لا لامى فى الجهاد ولا
النضال
وزى ما بقول المثل
الحرب سجال
فما تستعجل
وتخليك زى المال
تعمل للاضينة بال
كدى تفقد اعضاء
الحزب الشيوعى
فى هذا المنبر
تجدهم قمة الجهل
والانحلال
قوموا الى ثورتكم
الحصة وطن
فاتركوا المجال
للناس الشوقها
للوطن طال
عشان يشتغلوا
دون انفعال
ولا شنو يا محمد
جمال؟
|
Post: #6
Title: Re: إذا نجحت الحكومة الانتقالية سينقسم الحزب
Author: مرتضي عبد الجليل
Date: 10-15-2019, 10:27 PM
Parent: #5
يا صديق ،بوست محمد جمال ،الجميل ما مفروض تكون انت اول زول ،تشيل عويشك وتجى ...متابع يا صاحب و على الشيوعيين السودانيين الاستعداد لهزة حزبية قادمة ستكون مدمرة على وخاصة إذا تمترس الحزب فى مربع الايدلوجيا .. هى اسي روسيا شغالة بايدلوجيا؟الايدلوجيا لو عجزت أن تجيب على أسئلة الشارع المباشرة اعمل بيها شنو !طبعا مع احترامى وتقديرى الكامل لارث الحزب الشيوعى ونضاله الشرس عبر التاريخ ..اذا تحالف الحزب الشيوعى مع المؤتمر الشعبى ،وهذا مستبعد جدا ،اظنه سيحفر قبره بيديه لا بيد غيره..تحياتى
|
|