إنتو صحي عبدالحي يوسف مُخنث و ملاط به بحسب شكواه ضد البوشي؟

Post: #1
Title: إنتو صحي عبدالحي يوسف مُخنث و ملاط به بحسب شكواه ضد البوشي؟
Author: abdalla elshaikh
Date: 10-15-2019, 01:11 AM
Parent: #0

01:11 AM October, 14 2019
سودانيز اون لاين
abdalla elshaikh-MEMPHISE-TN-USA
مكتبتى
رابط مختصر

الخرطوم: الصيحة الآن

شرع الداعية الإسلامي المعروف وإمام مسجد خاتم المرسلين بجبرة الشيخ د.عبد الحي يوسف، في تدوين عريضه لدى المحكمة الدستورية حيث حملت العريضة الرقم 327 لسنة 2019م لرفع حصانة وزيرة الشباب والرياضة ولاء البوشي، ليتمكن من تحريك إجراءات قانونية ضدها لإشانة السمعة والتحريض وإثارة الكراهية والإرهاب والإخلال بالسلام العام حسبما أوردته العريضة كوقائع.

واستندت عريضة الشيخ عبد الحي على ما دونته البوشي سابقاً في صحفتها الرسمية على تطبيق التواصل الاجتماعي الأشهر (فيسبوك) وأورد منه مقدم العريضة اقتباسات من لايفات وتدوينات سابقة للبوشي، منها عبارة (الكوز الني) في إشارة لعبد الحي، وعللت العريضة بأن كلمة (ني) تعني في العرف السوداني (المخنث) و(الملاط به) حسبما جاء في العريضة .

وجاء في العريضة التي تقدم به المحامي مصعب أحمد بابكر اليوم (الإثنين) وحصلت (الصيحة الآن) على نسخة منها، إن الطلب يأتي بموجب نصوص المواد والمرسوم الدستوري، وذلك على خلفية نشر الوزيرة على صفحتها بالفيس بوك بتاريخ 20 ابريل 2019م بأن: (عبد الحي من الشيوخ الذين كان على رأسهم شايف الكيزان 30 سنة يقتلوا فينا وكان قاعد معاهم على طاولة واحدة وحسي يقول نفدي الدين ده شيخ سلطان).

وقالت العريضة إنه بتاريخ 20 أبريل أيضاً نشرت البوشي بصفحتها تقول: (إن عبد الحي يوسف قد اجتمع بالفريق عمر زين العابدين عضو المجلس العسكري). ورصدت العريضة بتاريخ 26 ابريل 2019م حديثاً للبوشي قالت فيه بالفيس بوك: (إن نصرة الشريعة في شريعة عبد الحي يوسف تعني نصرة من يقتل العزل وينهب الأموال، من يشيع الفتن والعنصرية ويقسم البلاد ويشرد العباد .. أكبر عدو للدين الإسلامي هو عبد الحي يوسف ومن شابههم بخطابهم الدموي العنيف حيكرهو الشباب في الدين إلى الأبد .. البعمل فيهو عبد الحي والمعاهو ده شق الصف والجماعة وإشاعة الفتنة).

وقالت العريضة إنه بتاريخ 17 مايو 2019 نشرت ولاء على الفيس بوك : (في مقدمة ركب الدجالين والكذابين بإسم الدين الذين يقودهم الطيب مصطفى وعبد الحي يوسف ومحمد عبد الكريم). وبتاريخ 17 مايو أيضاً بحسب العريضة قالت ولاء البوشي في الفيس بوك: (مسيرة نصرة الشريعة القادها عبد الحي وأشباهه فيها كثير من كتائب الظل والأمن الطلابي من جامعات مختلفة والكوادر العنيفة ..). وقالت العريضة إن البوشي نشرت بتاريخ 17 يونيو 2019م على صفحتها بالفيس بوك التالي: (أكثر حاجة ريحتني في فيديو العرس الغناية بتقول عبد الحي الكوز الني يسقط بس، غايتو دا أحسن عقاب، غناية وصوتها عورة وفي حفلة الكوز الني يسقط بس). وأضافت العريضة إنه بتاريخ 21 يونيو 2019م نشرت البوشي على صفحتها بالفيس بوك: (أي زول صلى وراء عبد الحي اليوم هو داعم للمجزرة والاغتصابات). وأضافت العريضة إنه بتاريخ 30 يونيو 2019م قالت البوشي: (غايتو بعد مليارات الليلة مافي قرد يجيب سيرة رقصاء تاني، الشارع اليوم قال كلمتو .. عبد الحي المقرف والجزولي الداعشي).

وقالت العريضة إن المشكو ضدها أشانت سمعة الشاكي عندما وصفتة بكلمة (ني) وهي بحسب العريضة تعني في عرفنا السوداني (المخنث أو الملاط به) وهو وصف تأباه الأنفس الكريمة، كما قامت الشاكية بإساءة وسباب الشاكي قاصدة اهانته بحسب ما ورد في العريضة.

Post: #2
Title: Re: إنتو صحي عبدالحي يوسف مُخنث و ملاط به بحسب
Author: abdalla elshaikh
Date: 10-15-2019, 01:14 AM
Parent: #1

هسّع في داعي للفضائح دي يا شيخنا ؟

Post: #3
Title: Re: إنتو صحي عبدالحي يوسف مُخنث و ملاط به بحسب
Author: ترهاقا
Date: 10-15-2019, 02:47 AM
Parent: #2

ده زول عواليق، مستهبل وحقير ، لابس طاقية الدين واستهبل بيهو كمية من البسطاء

Post: #4
Title: Re: إنتو صحي عبدالحي يوسف مُخنث و ملاط به بحسب
Author: abdalla elshaikh
Date: 10-15-2019, 02:52 AM
Parent: #3

إلي أهل الإختصاص
خضر الطيب وهباني وبدر الدين الأمير !
مامعني ملاطٌ به ؟

Post: #5
Title: Re: إنتو صحي عبدالحي يوسف مُخنث و ملاط به بحسب
Author: خضر الطيب
Date: 10-15-2019, 04:02 AM
Parent: #4

مرحب حبيبنا كارلوس

Quote: مامعني ملاطٌ به ؟

يعني عبد الحي ههههههه

الملاط لغة هو المونة بتاعة البياض
دي ممكن تكون مراقة :)

Post: #6
Title: Re: إنتو صحي عبدالحي يوسف مُخنث و ملاط به بحسب
Author: muntasir
Date: 10-15-2019, 05:16 AM
Parent: #5

عبدالله خلي عبدالحي كيف أهل الإختصاص😂

Post: #7
Title: Re: إنتو صحي عبدالحي يوسف مُخنث و ملاط به بحسب
Author: عبدالحفيظ ابوسن
Date: 10-15-2019, 05:44 AM
Parent: #6

اول امس اكلت لي ملاح بامية ملاط به 😆😆
بي الله دي عقلية دي
واحد قال لي واحد تاني
تحليلك دة ملاط به 😆
اذا ساءت فعال المرء ساءت ظنونه
وصدق ما يعتاده من توهم
تحياتي للجميع هنا

Post: #8
Title: Re: إنتو صحي عبدالحي يوسف مُخنث و ملاط به بحسب
Author: خضر الطيب
Date: 10-15-2019, 05:50 AM
Parent: #7

Quote: عبدالله خلي عبدالحي كيف أهل الإختصاص😂

دا شئ ما بخسك
هههههههه

Post: #9
Title: Re: إنتو صحي عبدالحي يوسف مُخنث و ملاط به بحسب
Author: دفع الله ود الأصيل
Date: 10-15-2019, 05:54 AM
Parent: #6

Quote:
الملاط لغة هو المونة بتاعة البياض
دي ممكن تكون مراقة :)

سلام لأخونا عبد الله الشيخ أولن بالمناسبة عاتب عليك إني حصل
تداخلت معاك و طنشتني ، إن شاء بس المانع خير و ما نكون مزعلنك
بحاجة و الرُّضا أهم شيء و بمناسبة بخت الرُّضا جابني تعليق خِدِر دا فعل
شُغُل اختساس عرب أقحاح. يعني (الملاط) في النهاية حاجة كدا لخوخة و
(مجيجية) و قبل يويمين حكينا لود التاج حاجة قريبة من كدا.برضك ذكرتني
بيها غايتو حاحات من حياة أهلنا العُريان مع {السعية} في بادية البطانة.
و هي نكتة قديمة دايرلا بس زولن غنامي مقرقح متل ولدنا الشاعر ود بادي ؛
شان يفهم في مصطلحاتنا الغميسة دي في ثقافة {الحلب و الصر}.

¶ فديل وليد و أختو قاعدين يلعبو{العيتنوبة} ينقزو {يقلبو الهوبة} فوق سدر
جدهم. فقام الوليد مرق طهارتو و قاللو يابا هاك صررني. جدو ماخدو على
قدر عقلو ختف لو تلقون شرطو و بلاهو بشوية بزاغ و ربط للشويفع طرف
الهناية {الحميميسة} و قاللو يلا خلاس صرررناك ، أها قوم ا نكشح.

¶ و لاهاااا، هنا عاد البنية إخيتو نهشتا الغيرة. و للشلاقة ليها و على حسب
جهلا و غباها، جات جارية من هنووووك فاتحة (حاجاتا) و أصرت و ألحت
ستين يمين بالتلاتة، مرقت حاجتا في الصقيعة و قالت :علا حتنا يصررني
متل ما سوو لفلان أخوي. لحد ما دخلت عمك الجولكين ظاطو في حيصة بيصة.
قعد يتلفت منها جاي وجاي و قال لها: والله عاد يا بنيتي المتلك إنتي ماني عارف لك
صِرفة، علا بس كان يخمجو لك شوية بعر{يلوطوك} بيه ساااه؛ و ننفك من شبكتك.
¶ فيا خِدِ ر ويا منتصر ، بالله بس ما تخذلنا. دي نكتة متكلفة و متعوب عليها ؛
جبناها ليكم هنا مخسوس ، شان تفرو الكشمة تورونا بياض ا لثلج.

Post: #10
Title: Re: إنتو صحي عبدالحي يوسف مُخنث و ملاط به بحسب
Author: muntasir
Date: 10-15-2019, 06:37 AM
Parent: #9

يا ود الأصيل أمس شفت لي ڤيديو في الواتس بنات صغار بيلعبو كورة واحدة محجبة انضربت في رأسها عشان تشوف الضربة جو اتحاوطنها أربعة من الشافعات الما محجبات عشان تصلح حجابها وشعرها ما ينكشف منو يفهم عبدالحي وأمثاله من الملاطيين فكرياً إنه الدين معاملة ما زفارة لسان وسرقة وعلقنة وإنه بي سببهم في ناس بتكفر وناس بتلحد وناس بتمرق من دينها مرقة السهم من الرمية

Post: #11
Title: Re: إنتو صحي عبدالحي يوسف مُخنث و ملاط به بحسب
Author: دينق عبد الله
Date: 10-15-2019, 07:45 AM
Parent: #10

حرؔم انا كان زول قال لي الكلمۃ الفضيحۃ دي و ما في زول سمعها امررها ليهو
و ألبت ليهو في موضوع آخر عشان اشيل حقي منو

ياخي عبد الحي ده غبي
و المحامي اغبي منه

Post: #12
Title: Re: إنتو صحي عبدالحي يوسف مُخنث و ملاط به بحسب
Author: عمر نملة
Date: 10-15-2019, 07:50 AM
Parent: #11

سلام

واستندت عريضة الشيخ عبد الحي على ما دونته البوشي سابقاً في صحفتها الرسمية على تطبيق التواصل الاجتماعي الأشهر (فيسبوك) وأورد منه مقدم العريضة اقتباسات من لايفات وتدوينات سابقة للبوشي، منها عبارة (الكوز الني) في إشارة لعبد الحي، وعللت العريضة بأن كلمة (ني) تعني في العرف السوداني (المخنث) و(الملاط به) حسبما جاء في العريضة
هي كتبت الكلام دا في صفحتها... اذا كان صحيح.. له الخق في مقاضاتها.. .

Post: #13
Title: Re: إنتو صحي عبدالحي يوسف مُخنث و ملاط به بحسب
Author: قلقو
Date: 10-15-2019, 07:56 AM
Parent: #11

فليسأل عبدالحى الكوز النى آآآى نى ..فليسأل عن مصادر ثروته منذ أن جاء للسودان مطرودا من الأمارات وحتى الآن . أظن لو تمسكنا فقط بهذا السؤآل ( من اين لك هذا ) لكفت عبدالحى أن يمكث فى السجن إلى يوم أن ينفخ فى الصور .ما رأى اعزائى زملاء المنبر من القانونيين ؟

Post: #14
Title: Re: إنتو صحي عبدالحي يوسف مُخنث و ملاط به بحسب
Author: adil amin
Date: 10-15-2019, 08:05 AM
Parent: #13

مش قلنا ناس مدنايوو ديل ناس سفاهة ساكت
هسة معقول يا عبدالله الشيخ ترجع لاغتيال الشخصية بتاع الشيوعيين الزماااااااااااااااااااااان داك ده اتفنس وترويج الاشاعات الجنسية والمثلية في كوادر الحزب المنشقين وهل في اميركايو المثلية عيب ؟؟ ولعب الكورة هو الناقص نساء السودان المحرومات من اشياء كثيرة في قانون الاحوال الشخصية
هل ازمتنا مع عبدالحي ده في مؤخرتو لي ددماغو وعايز يرفض علينا السلفية ومشروع السعودية الحولو ين سلمان لحزب البهجة
ولا يمكن بنت جمهوري تكتب في صفحتا الكلام ده وصفحات الفيسو بوك ذاتا ما دليل جنائي علي ان صاحب الاسم يملك الصفحة
واضح يا ناس علمانوو وناس واسلامايوو مشين تدخلو السودان في جحر ضب خرب
وما عندكم موضوع
ق ح ت لمة بلا مشروع

Post: #15
Title: Re: إنتو صحي عبدالحي يوسف مُخنث و ملاط به بحسب
Author: Deng
Date: 10-15-2019, 08:11 AM
Parent: #14

الإرهابي عبد الحي يوسف ما عندو سالفة.

Post: #17
Title: Re: إنتو صحي عبدالحي يوسف مُخنث و ملاط به بحسب
Author: ABUHUSSEIN
Date: 10-15-2019, 08:23 AM
Parent: #15

دي ما ألفاظ وزيرة في حكومة بعد ثورة شعبية إتكلم و أشاد بيها العالم كلو ....
كمان وزيرة شباب ....
أظن في أشياء كتيرة ممكن يتحاكم بيها أما ني أو نجيض دي كلام إنفعال ساكت ....

Post: #18
Title: Re: إنتو صحي عبدالحي يوسف مُخنث و ملاط به بحسب
Author: Abdullah Idrees
Date: 10-15-2019, 08:25 AM
Parent: #15

عمر نملة كيفك
Quote: أكثر حاجة ريحتني في فيديو العرس الغناية بتقول عبد الحي الكوز الني يسقط بس، غايتو دا أحسن عقاب، غناية وصوتها عورة وفي حفلة الكوز الني يسقط بس)

البوشي ما وصفتو بانو ني ، قالت هي اتكيفت من الاغنية السمعتها في حفلة حسب المقتبس
بالتالي ما عليها اي حاجة ، شمتانة فيهو بس

Post: #16
Title: Re: إنتو صحي عبدالحي يوسف مُخنث و ملاط به بحسب
Author: علي عبدالوهاب عثمان
Date: 10-15-2019, 08:22 AM
Parent: #14

وعللت العريضة بأن كلمة (ني) تعني في العرف السوداني (المخنث) و(الملاط به) حسبما جاء في العريضة

==================
حبيبنا عبدالله تحياتي ..
قبل كل شيء لا بد لنا من شيء مهم ( نظرة الشعب السوداني لمثل هذه الالفاظ)
عموماً هي غير مقبولة خاصة لو صدرت من المرأة ( ليس هذا رأي ولكن احساس العامة )
لاحظ هؤلاء الكيزان المجرمين ركزوا على هذه النقطة لكسب التعاطف أو على الأقل إثارة الناس
لم يكن في الصالح الوزيرة أن تثير مثل هذه المشاكل لأنها تصرف الناس من دائرة الحساب على السرقات والنهب
إلى اشياء شخصية ومثل هذه القضايا يفضلها الكيزان عن قضايا السرقات والنهب والفساد ..

كما قال الحبيب قلقو كان المفروض يتم التدقيق في أموال عبدالحي ومواقع الفساد في ماله

يا جماعة .. في السودان .. الناس يغفروا لكل شيء .. ما عدا السرقة ..
القتل ربما يتم تبريره وأحياناً يعتبر رجاله .. ولكن السرقة أكبر عيب
ومن أشبع الألفاظ مثلاً يقال للشخص ( ابوك أو جدك كان حرامي)
لاحظ ما حدث للبشير بمجرد اعترافه أصبح حتى لدى أقرب مؤيديه تهشمت صورته

عبدالحي من الذكاء يريد أن يحصر الموضوع في الشتائم والشخصنة
بعيداً عن الفساد وتلفزيون طيبة ... إلخ

حبيبنا عبدالله .. على الثوار التركيز على السرقات .. وإذا ثبت ذلك
سوف لن يصلى في مسجده ..صدقوني ..

تحياتي الحبيب عبدالله ..

Post: #20
Title: Re: إنتو صحي عبدالحي يوسف مُخنث و ملاط به بحسب
Author: قلقو
Date: 10-15-2019, 08:37 AM
Parent: #16

QUOTE : عبدالحي من الذكاء يريد أن يحصر الموضوع في الشتائم والشخصنة
بعيداً عن الفساد وتلفزيون طيبة ... إلخ
عزيزى على عبدالوهاب فلنفرض أن الدجال عبدالحى حصر قضيته مع بت البوشى فى موضوع الشتائم والشخصنة فهذا لن يفيده كثيرا فى مقبل القضايا التى سترقع ضده من كثير من منظمات المجتمع المدنى والمنظمات الحقوقية بخصوص اصل ومصدر ثروته المتضخمة والمتورمة .وحينها نسأل لعبدالحى الثبات .
ده تقريبا نفس الكلام يصلح لحالة المخلوع عمر البشير الذى اراد محامييه أن يحصروا القضية فى اموال وجدت فى خزينة منزله ولكنها فضحت الكثير والمثير عن كيف كانت تدار دولة السودان والغريق لسع قدام لأنه نفس المنظمات سالفة الذكر ستطارد المخلوع ومن تبعه بغير إحسان بمزيد من القضايا النى ترد للشعب السودانى كل قرش سرق منه .

Post: #19
Title: Re: إنتو صحي عبدالحي يوسف مُخنث و ملاط به بحسب
Author: Hafiz Bashir
Date: 10-15-2019, 08:33 AM
Parent: #14

Quote: هي كتبت الكلام دا في صفحتها... اذا كان صحيح.. له الخق في مقاضاتها.. .

سلام يا عمر نملة
البوشي ما قالت عبد الحي ني، البوشي وحسب الدعوى قالت (أكثر حاجة ريحتني في فيديو العرس الغناية بتقول عبد الحي الكوز الني يسقط بس، غايتو دا أحسن عقاب، غناية وصوتها عورة وفي حفلة الكوز الني يسقط بس).
وصف عبد الحي بالني أطلقته الغناية و البوشي نقلته ضمن النص المُغنىو عبرت عن إعجابها بالحدث ككل وليس بكلمات الأغنية فقط.
لو عبدالحي داير يقاضي يقوم يقاضي الغناية
وما حيكسب القضية لأنو كلمة ني عندها اكثر من تخريج
وفي سياق الأغنية اقرب تخريج هو أن عبدالحي ني في كوزنته ولا علاقة بالكلمة هنا بما ذهب إليه ذهن عبد الحي

غايتو لو أنا القاضي في الحتة دي بالذات بحكم علي عبد الحي بعشرين جلدة بتهمة عدم الموضوع

Post: #21
Title: Re: إنتو صحي عبدالحي يوسف مُخنث و ملاط به بحسب
Author: HAIDER ALZAIN
Date: 10-15-2019, 09:55 AM
Parent: #19

Quote: غايتو لو أنا القاضي في الحتة دي بالذات بحكم علي عبد الحي بعشرين جلدة بتهمة عدم الموضوع

جعلك ربي الكريـم الليلة دي قاضي وتترقى عقاب اليوم التاني من مولانا لجنابو :)

Post: #22
Title: Re: إنتو صحي عبدالحي يوسف مُخنث و ملاط به بحسب
Author: محمد البشرى الخضر
Date: 10-15-2019, 10:23 AM
Parent: #21

Quote: دي ما ألفاظ وزيرة في حكومة بعد ثورة شعبية إتكلم و أشاد بيها العالم كلو ....
كمان وزيرة شباب ....
أظن في أشياء كتيرة ممكن يتحاكم بيها أما ني أو نجيض دي كلام إنفعال ساكت ....
حسب التواريخ المذكورة البوستات دي كانت قبل تعيينها وزيرة
أيّامها الكانت عنقالية بتفسبك ساي زيّك كدي انت ووهبة

Post: #23
Title: Re: إنتو صحي عبدالحي يوسف مُخنث و ملاط به بحسب
Author: اسامة محمد ابوبكر
Date: 10-15-2019, 08:44 PM
Parent: #22

Quote: يا ود الأصيل أمس شفت لي ڤيديو في الواتس بنات صغار بيلعبو كورة واحدة محجبة انضربت في رأسها عشان تشوف الضربة جو اتحاوطنها أربعة من الشافعات الما محجبات عشان تصلح حجابها وشعرها ما ينكشف منو يفهم عبدالحي وأمثاله من الملاطيين فكرياً إنه الدين معاملة ما زفارة لسان وسرقة وعلقنة وإنه بي سببهم في ناس بتكفر وناس بتلحد وناس بتمرق من دينها مرقة السهم من الرمية

Post: #24
Title: Re: إنتو صحي عبدالحي يوسف مُخنث و ملاط به بحسب
Author: Hafiz Bashir
Date: 10-15-2019, 09:55 PM
Parent: #23

Quote: دي ما ألفاظ وزيرة في حكومة بعد ثورة شعبية إتكلم و أشاد بيها العالم كلو

سكاتك ولا الكلام الني

الالاف درجن ولداً نجيض موك ني .. البجرجر في ام صقير وحدي
هسه في ذمتك دي تور بقر الجواميس الرقادن لخ بشكروه بإنو ما ملاط به؟
تمساح الكواني الضارب اللية يشكروه بإنو ما ملاط به؟
يعني معقول وصل الحال في الهلالية إنو الزول لو ما ملاط به تبقى ليهو شكرة تسير بها الركبان ويتغنى بها الشعراء وترقص على ترانيمها أمات وضيب
وحات ابوي الشيخ الطيب ود المرين درب الكلام النجيض راح منك

Post: #25
Title: Re: إنتو صحي عبدالحي يوسف مُخنث و ملاط به بحسب
Author: Hafiz Bashir
Date: 10-15-2019, 10:04 PM
Parent: #24

Quote: جعلك ربي الكريـم الليلة دي قاضي وتترقى عقاب اليوم التاني من مولانا لجنابو :)

😂😂😂
مولانا ديمقراطي ياخي
نزولا على رغبة الجماهير خليناهن 40 جلدة قياساً على حد السكر
لأنو جنس كلامو دا لو الواحد شرب جردل عرقي ما يقولو

Post: #26
Title: Re: إنتو صحي عبدالحي يوسف مُخنث و ملاط به بحسب
Author: osama elkhawad
Date: 10-16-2019, 02:04 AM
Parent: #25

Quote: غايتو لو أنا القاضي في الحتة دي بالذات بحكم علي عبد الحي بعشرين جلدة بتهمة عدم الموضوع

أوسكار ...

منتهى المرح والفكاهة الفورية هههه

Post: #27
Title: Re: إنتو صحي عبدالحي يوسف مُخنث و ملاط به بحسب
Author: abdalla elshaikh
Date: 10-16-2019, 02:04 AM
Parent: #25

ألأحباب بلغة ناس حزب ألأمه!
متشكرين علي إثراء البوست بوجهات نظر مختلفه وعبركم أقول للأخ دفع الله ود الأصيل يا أصيل أنا بزور المنبر كل أربعه وعشرين ساعه لأني قاعد لي في بلد لا ترحم والزمن فيها قروش بتتحرك بالثانيه والدقيقه ! يعني طوالي مزنوق ! مرّه ي ودالأصيل وأنا جديد لنج شغال في شركه أمريكيه سألت واحده زنجيه جارتي في الشغل عن الزمن فمدت لي يدها التي بها الساعة ! فإندهشت من هذا السلوك ! فقالت لي في أمريكا لا تسأل عن الزمن فقط أقتله بالعمل ! فقلت لها في سري! تعرفي يا أُم إيداً حرشاء ~ الزمن عندنا في السودان يزيد و يفيض زي مطر القضارف !

Post: #28
Title: Re: إنتو صحي عبدالحي يوسف مُخنث و ملاط به بحسب
Author: abdalla elshaikh
Date: 10-16-2019, 02:23 AM
Parent: #27

الأشقاء بلغة ناس سيدي علي وأبوهاشم !
لعلكم لا حظتم الضعف البائن في طرائق صياغة هذه المذكرة القانونية والتي أوقعت هذا المحامي البائس في إجتراح عبارة ملوط ٌ به من عبارة عبدالحي ألنّي ألأمر الذي يجعلني متسائلاً هل تلقي هذا المحامي تدريباً جيدا علي يد أحد المحامين زوي الخبره أم أنه إمتهن المهنه علي طريقة دفن الليل أبو كُراعاً برّه ؟
وعلي ذكر هذا المحامي ! تعجبت متسائلاً عن هيئة الدفاع بتاعة عمر البشير وهي تستوجب شاهد دفاع جاءت به لمناصرة قضيتها ويدلي بشهاداتٍ ليست في صالح موكلها ؟ فشاهد الدفاع المعني يتبع للمراجع العام ~

Post: #29
Title: Re: إنتو صحي عبدالحي يوسف مُخنث و ملاط به بحسب
Author: osama elkhawad
Date: 10-16-2019, 02:50 AM

Post: #30
Title: Re: إنتو صحي عبدالحي يوسف مُخنث و ملاط به بحسب
Author: بدر الدين الأمير
Date: 10-16-2019, 03:59 AM
Parent: #29

ود الشيخ ياصعلوق ياصنو الزنديق عمر دفع الله
شنو يلاط ومايلاطبه
القصة ومافيها درون الأولية
هسى زى الرطانى على عبدالوهاب
كيف ممكن يترجمو ليهو درون الاولية
هو بكون فاكرها نظرية دارون

Post: #31
Title: Re: إنتو صحي عبدالحي يوسف مُخنث و ملاط به بحسب
Author: abdalla elshaikh
Date: 10-17-2019, 02:33 AM
Parent: #30

زوار البوست و مشاركي فضله !
سلام عليكم !
هنالك مهن تخضع لتدريب دقيق كالتعليم والطب والمحاماه ! فمثلاً أخطاء مهنة التدريس تصيب المعلم بلقب يلتصق به طول العمر زي أستاذ بسطونه أو أستاذ ليمونه أو أستاذ أشول وهذه الألقاب تأتي من تصرفات الأستاذ أمام التلاميذ ! أذكر كنّا في السنة النهائية بمعهد التربيه الدلنج وهي سنة تدريبيه بحته داخل فصل لا يتعدي عدد تلاميذه خمسطاشر تلميذ بمصاحبة الطلبه المتدربين والأستاذ المشرف علي التدريب ٠ ويجب علي من يناط به تدريس الحصه إعداد خطته تربوياً وتعليميا بشرط أن لا تزيد مدتها أو تنقص خمس وأربعين دقيقه ٠ فصادف ذلك اليوم زميلنا توفيق ليقوم بتدريس مادة نواقض الوضوء فأعد كراسة التحضير جيداً بمشاركةٍ منّا ٠ فدخل الفصل وبدأ التدريس وعندما وصل إلي واحدة من النواقض والتي تقول إذا لامس الرجل ذكره بيده ! طرح سؤالاً علي التلاميذ مستفسراً أتعرفون ما معني الذكر؟ وليته تجاوز السؤال ولكنه ردده كذا مرّ فرفع تلميذ مشاغب إصبعه فقال يا فندي أنا عارفو لكن ما بوريك ليهو ! فساد الفصل حالةٌ من الإرتباك فتصبب توفيق عرقاً وبدلاً من يظبط الحاله مسح وجهه بمسّاحة السبوره فإمتلأ وجهه بالطباشير الأبيض فإنفجر التلاميذ بالضحك و فشلت الحصه فشلاً زريعاً !
فمحامي عبدالحي وبجهل فاضح قد يوقع عبدالحي تحت سلطة الزائقه الشعبيه وهي زائقه قد تطلق رقصة عبدالحي الني ~ أو توب عبدالحي الني ~ ولاّ حفرة دخان بي طلح عبد الحي الني !! ففي هذه الحاله لا قانون بينفع ولا مسيرات نصرة الشريعه بتنفع !