مالك عقار رئيساً للسودان

09:13 AM October, 14 2019

سودانيز اون لاين
محمد عبدالقادر سبيل-UAE
مكتبتى
رابط مختصر

هذا لن يكون رجما بالغيب ، وإنما استشراف لمستقبل بناء على معطيات واضحة كالشمس.
الاتفاق السياسي بين قحت والمجلس العسكري قضى بأقتسام فترة ترؤس المجلس السيادي خلال الفترة الانتقالية
الفترة الأولى للجيش برئاسة البرهان
فمن سيترأس المجلس ويمثل قمة السيادة من بين الاعضاء المدنيين ياترى.
نقطة سطر جديد
التوجه الآن نحو التسوية السلمية مع الجبهة الثورية في جوبا وسيتمخض عن ذلك تخصيص تمثيل للقوى المسلحة داخل مجلس السيادة ليتوسع من 11 الى 15 عضو كما اظن
مالك عقار من اقوى المرشحين لعضوية المجلس
بعد ان تكتمل كوكبة ال 15
حينها سنجيل النظر في الاعضاء لنتوقع
من هو رئيس المجلس القادم من جانب المدنين بعد انتهاء استحقاق البرهان
لجملة حيثيات تجسدها قيادة الرجل للحركة الشعبية ( شمال) وقيادته الجبهة الثورية لفترة طويلة في ظل تمتعه بكاريزما عالية، ولخبراته الواسعة كوال سابق ووزير اتحادي سابق ولكونه منتخبا شرعيا من الشعب واليا باشراف دولي ولم يستكمل فترة ولايته
وفي ظل عزوف عبد العزيز الحلو المعروف عن المناصب
فإن حظوظ مالك عقار اير تصبح اكثر وفرة من غيره
وهذا في الحقيقة سيحقق انجازا وطنيا ضخما
حيث سيترأس السودان للمرة الاولى رجل من عمق الهامش
وتلك ستكون لحظة تاريخية ظل يعمل من اجلها الكثير من السياسيين
مرحبا بمالك رئيسا للسودان

Quote: حيث سيترأس السودان للمرة الاولى رجل من عمق الهامش

؟

مالك عقار تجيبه الانتخابات في 2022

اما الان فهو متمرد و عنصري

Quote: مالك عقار تجيبه الانتخابات في 2022 اما الان فهو متمرد و عنصري

هل التمرد صفة سلبية
اذا كانت سلبية بحسب سياق كلامك، فهل كل خروج على نظام الدولة ومؤسساتها والسعي لاسقاط الحكومة والدستور الذي تهتدي به يعتبر تمردا مرفوضا

سلام اخ محمد سبيل
السيد مالك عقار كان آخر منصب تقلده في ظل النظام البائد
هو والي و لاية النيل الأزرق
اذا اجمع المجتمعون على تولي عقار للفترة القادمة
فما المانع عن ذلك ؟
انحنا عاوزين سلام و السلام لن يأتي الا بتوافق كل الاطراف
ولى زمان التهميش فالسودان يجب ان يكون وطناً يسع الجميع
كلو عندو دين كلو عندو راي


عشة كلمينا ميري ذكرينا
ـــــــــــــ


عَشّه .. كلّمينا
ميرى .. ذكّرينا
كل سُنكى أحسن
يبقى .. مسطرينا
نحن شعب أسطَى
يلا .. جيبو مونا
نبنى .. نبنى نبنى
مسرحاً .. ونــــادى
مصنعــاً .. وبوسته

***

حرب لا لا لا لا
كبرى .. استبــاليه
صالــه للثقــافــه
تســرح الغزاله
جنبها ... الزرافه
ركَ قمرى طار
قيره قيره قيره
نطَط الصغار
صفّق الترولى
طمّن .. القطار
حلّقت .. وحلّقت
حمامة المطار

***

كلّ طلقه .. بينّا
نحن تبقى وفرا
سمسماً .. وبفره
سكراً وشاى
تترا سايكلين ..
جاى وجاى وجاى
مافى حاجه ساى
كلّو عندو دِين
كلّو عندو راى
بور.. وبورسودان
بارا .. والجنينه
عبرى .. ولاّ واو
حاجه مش كويسه
كلّ زول براو
هى سودانا بكره
من سودانا ناو

***

تكتب انت تقرا
تعرف السياسه
فى محل حراسه
حجرة الدراسه
تمشى انت تلقى
فى الضلمه .. لمبه
ألف ضحكه حلوه
تسندك بجنبه
بى تمن طبنجه
أحسن الكمنجه
أحلى شتل منقه
أحسن الحليب

***

إيد .. وإيد وإيد
نزرع الجديد
غابة النشيد
إيد .. وإيد وإيد
مافى بينا سيد
إيد .. وإيد وإيد
نلحق البعيد

***

نحنه مش مرقنا
حته واحده جينا
جينا لى السرقنا
حقّّنا .. وعصينا
دمّنا .. وعرقنا
ولّعوا الرتينا

لن يكون منافسا له في منصب عضوية مجلس السيادة ورئاسة الدولة بعد ذلك سوى
جبريل ابراهيم
فمن الاوفر حظا
الشق العسكري بالمجلس سيدعم دكتور جبريل كما اعتقد

الاخ محمد عبد القادر سبيل
لك تحية
قبل حوالي عشر السنوات، اي في عام 2009 كتب زميل المنبر د.حامد برقو على موقع سودانايل المقال التالي
لكن بمررات و حيثيات مختلفة ، رغم تطابق العنوان



مالك عقار رئيساً للجمهورية ....نعم نستطيع



نعم نستطيع ....شعار التغيير الذي حمله الرئيس باراك اوباما لم يعد شعارا امريكيا صرفا انما هو عنوان كل من يحلم بيوم افضل.
لذا اصبح ايقونة المتظاهرين من طوكيو الي سان فرانسيسكو لكن من المؤكد ليس مرورا بالرياض و دمشق او الخرطوم.


في سؤال للصحفي الجميل صلاح شعيب ( و الذي ينجز مشروعا وطنيا طموحا في هذه الايام و ذلك باستطلاع اراء مختلف الوان اللطيف السوداني بغرض ايجاد مخرج مما نحن فيه) عن امكانية المعارضة السودانية في الحاق الهزيمة بحزب المؤتمر الوطني في الانتخابات القادمة: قلت و بالحرف الواحد " ان اي فوز لنظام الانقاذ يعتبر كارثة لأنه سيعجل بإنفصال الجنوب و تفكير اجزاء اخرى في الانفصال وذلك لصعوبة العيش في ظروف العقدين الماضيين مرة اخرى .لذا فإن تكوين تحالف عريض يضم كل قوى الخيرليس ضروريا فحسب انما الواجب يقتضي لإنقاذ الوطن لمنفعة جميع اهل السودان بما فيه المؤتمر الوطني نفسه"
انه و من الحكمة ان يكون مرشح المعارضة او التحالف من جنوب السودان او جنوب النيل الازرق شريطة ان يكون من ابناء الحركة الشعبية. و لو كان مسلما (رغم انه ليس ضروريا ) سيكون عاملا رادعا لاي تعبئة خاطئة يقوم بها حزب المؤتمر الوطني وسط بعض شرائح المجتمع و اعني بها ضحايا الآلة الاعلامية للنظام الشمولي القائم وهي فئة معتبرة يجب عدم الاستهانة بها.هذا اذا ما تمت العملية الانتخابية في ظروف صحية- من تعداد امين و اشراف من قبل لجان قومية واخيرا مراقبة دولية لصيقة.

تبدو الفكرة و كأنها ميكافيلية لكنها ليست كذلك – ببساطة اننا في مرحلة مفصلية لانتاج وطن يسع الجميع من عدمه اي من اللا وطن لذا يتعين علينا وضع الاعيب من يعبث بمصير السودانيين في الحسبان ولا اعني مجاراته.

في مثل هذه الاجواء و الاهوال المحدقة بالوطن على الخيريين ان يفكروا في انسان هذه المرحلة- شخص يحظى بقبول اهل الجنوب و الشرق و الغرب و الشمال و بالطبع الوسط و لو في حدوده الدنيا. شخص يتفهم المشكل السوداني و يشعر بمتطلبات المرحلة.

رغم احترامي لمؤسسات الحركة الشعبية و بالتاكيد مؤسسات الاحزاب الوطنية الاخرى في اختيار من تراه مناسبا للترشح لذاك المنصب في هذا الظرف الدقيق من تاريخ امتنا الا انه في اختيار الفريق مالك عقار مناعة ضد انهيار الوطن و تقسيمنا الي دويلات و اقاليم و محافظات متحاربة.

للفريق مالك عقار (و دون الخوض في التفاصيل) سمات شخصية –و تنظيمية – عوضا عن اخرى ثقافية تجعل منه الرجل المناسب لانقاذ سفينة السودان من الامواج التي تحاصرها من كل صوب .
الفريق عقار رئيسا للجمهورية ... نعم بإذن الله نستطيع


د. حامد برقو عبد الرحمن
[email protected]

لجملة حيثيات تجسدها قيادة الرجل للحركة الشعبية ( شمال) وقيادته الجبهة الثورية لفترة طويلة في ظل تمتعه بكاريزما عالية، ولخبراته الواسعة كوال سابق ووزير اتحادي سابق ولكونه منتخبا شرعيا من الشعب واليا باشراف دولي ولم يستكمل فترة ولايته
وفي ظل عزوف عبد العزيز الحلو المعروف عن المناصب
فإن حظوظ مالك عقار اير تصبح اكثر وفرة من غيره
وهذا في الحقيقة سيحقق انجازا وطنيا ضخما
حيث سيترأس السودان للمرة الاولى رجل من عمق الهامش
وتلك ستكون لحظة تاريخية ظل يعمل من اجلها الكثير من السياسيين
مرحبا بمالك رئيسا للسودان
...

الاخ الفاضلمحمد عبدالقادر سبيل

الحركة الشعبية تذخر بكوادر مؤهلة ووطنية مخلصة رغم الاخطاء الكثيرة التى صاحبت مسيرة الحركة شمال..
أما مالك عقار فهو جاهل اولا..يعنى محدود التعليم و حتى الخبرة العسكرية..
فاسد كما الكيزان..
لا يتمتع بأى كاريزما وانما اعطاه المولى عز وجل بسطة فى الجسم...
أرعن بمستوى البلطجة..
لا يصلح بأن يقود السودان فى أى مرحلة من مراحله السياسية..
و ما يؤكد كلامى هو ان ينزل فى الانتخابات المقبلة ويحسم امره بصناديق الاقتراع..
أبحثوا عن شخص اخر..
فالحركة شمال مليئة بالكوادر المؤهلة و الوطنية المخلصة و لم تمارس أى نوع من الفساد...

الاستاذۃ نور تاور
تحيۃ طيبۃ
أدق الكلمات عن مالك عقار

هو لا يصلح لأي منصب غير عضويۃ برلمانات النوم

مالك عقار وجبريل إبراهيم!!
يا أستاذ سبيل ياخوي مافي خيار آخر؟

Quote: لجملة حيثيات تجسدها قيادة الرجل للحركة الشعبية ( شمال) وقيادته الجبهة الثورية لفترة طويلة في ظل تمتعه بكاريزما عالية، ولخبراته الواسعة كوال سابق ووزير اتحادي سابق ولكونه منتخبا شرعيا من الشعب واليا باشراف دولي ولم يستكمل فترة ولايته

ما ح اقول انو يصلح او لا يصلح ،لكن يمكنني القول بأن ما ورد اعلاه كلام غير مؤسس ويفتقر للدقة.
اولا ليست لديه خبرة واسعة في الادارة المدنية بالاشارة الى فترة ولايته لانها كانت قصيرة جدا وعاصفة في فترة شابها عدم الاستقرار في ذات الولاية وذات الظرف التاريخي.
ثانيا لسنا على بينة من كاريزماه العالية ، الراجل اصلا ما ورانا وشو غير فترة قصيرة وقضى كل حياته السياسية ثائرا ينتمي لتنظيم مسلح افتقد للتنظيم والكاريزما بعد وفاة جون قرنق ولم يحقق مالك او تنظيمه اي مكاسب سياسية او تفاوضية منذ 2005 اي وفاة جون قرنق.

فلان وعلان
الدولة مؤسسات يا موطن
الشعب سجل 18 مليون في انتخابات 2010 ما في مشكلة في الشعب ولا خياراته الدينية والسياسية والانتخابية من مشو الانجليز
لكن الننخب ناس قريعيتي راحت ديل الشيوعيين والبعثيين والناصرييين والكيزان والسلفيين في انتخابات حرة نزيهة وحتي لو بعد الف سنة ضوئية منو ؟؟
الازمة في الوهم الخمسة ديل
يلفو ويدور بي المحاصصة ساكت ويضيوعو في الزمن
بلا جبريل بلا فتة معاكم
هسة كان عملت ليه فيش وتشبيه يالمحكمة الدستورية بلقاه دباب وجزء من النظام بتاع 30يونيو 1989
اول حاجة نتجاوز النظام ده كلو من 30 يونيو1989 لحدي الليلة ونرجع لي الاقاليم الستة والانتخابات الاقليمية ونجي لرئيس الجمهوربة دي اخر حاجة

المؤسسات دى يا عادل امين محتاجة ناس بمؤهلات عالية و قيم اخلاقية رفيعة عشان يديروها..

Quote: المؤسسات دى يا عادل امين محتاجة ناس بمؤهلات عالية و قيم اخلاقية رفيعة عشان يديروها..

يا نور
سلام
انا واعي بما اكتب تماما وبعرف قيمة السودان والسودانيين وحضارة السودان والديمقراطية والفدرالية الحقيقية
يختراهم الشعب بالانخابات طوالي بعد الفحص والفيش والتشبيه بالمحكمة الدستورية في السودان و مهمتا معروفة
1- تغيير التسعة القضا ة الساقطين في المحكمة الدستورية بتسعة قضاة محترمين ينتهي 90% من نظام الانقاذ المرجم
انا واعي تمام بما اكتب وعارف لي قدام بحصل شنو لو استمرينا بي الطريقة دي وعندي خارطة طريق اوضح من الشمس
المحاصصة لا بتجيب الانظف ولا الاذكي ولا الاوعي كمان لان الوعي ما الجيد ما البعثيين الشيوعيين والناصريين
وعدم احترام خيارات الناس الانتخابية او الدينية ايضا ليس حكرا علي السلفية والاخوان المسلمين ..ديل ناس مدناييو ما عايزين الناس يكونو ختمية وانصار او ختمية وفقل لقنااعاتهم الدنية
اتحدي اي بعثي شيوعي ناصري في البورد يجي يقنعني بي عبدالناصر وصدام حسين احسن من جون قرنق ومحمود محمد طه واالسيد علي والسيد عبدالرحمن

Quote: المؤسسات دى يا عادل امين محتاجة ناس بمؤهلات عالية و قيم اخلاقية رفيعة عشان يديروها.

محتاجين فقط محكمة دستورية تقيم الناس
مش ق ح ت البتحدد اخلاق ومؤهلات السياسيين في السودان
كدي وريني الاخلاق في شنو في اهانة رجال الادارة الاهلية والقبائل في السودان
هل القبيلة عيب ولي الادارة الاهليةة عيب ولي السودان ده بس الخرطوم
https://up.top4top.net/

انا من شمال السودان =الاقليم الشمالي عرفت دي صورة المرحوم بكري احمد عديل لاني واعي بكل السودان بتاع 1يناير 1956 وكل نظار القبائل في كل السودان والقصة وعي بالسودان اول حاجة
شوفي سفاهة ق ح ت وجهلها السياسي بالاقاليم والقبائل ودتهم وين ..دي صفحتهم في تويتر او منسوبين لهم
وينا الاخلاق البتقولي فيها دي
بتو اسماء زعلت لاهانة والدها ناظر الحمر بهذه الطريقة
لذلك ق ح ت لا تمثلني اطلاقا وانا حدي بس الحركة الشعبية رؤية جون قرنق التي لا تموت ما فايتا شبر
واقعدو صوتو ذى ما عايزين لحدي تصلو الميس ونشوف اخرتا

الزميل الكريم دينق عبد اللهلعل هذا هو الرابط الذي تعنيه

https://sudanjem.com/2009/07/%D9%85%D8%A7%D9%84%D9%83-%D8%B9%D9%82%D8%A7%D8%B1-%D8%B1%D8%A6%D9%8A%D8%B3%D8%A7-%D9%84%D9%84%D8%AC%D9%85%D9%87%D9%88%D8%B1%D9%8A%D8%A9%D9%86%D8%B9%D9%85-%D9%86%D8%B3%D8%AA%D8%B7%D9%8A%D8%B9/https://sudanjem.com/2009/07/%D9%85%D8%A7%D9%84%D9%83-%D8%B9%D9%82%D8%A7%D8%B1-%D8%B1%D8%A6%D9%8A%D8%B3%D8%A7-%D9%84%D9%84%D8%AC%D9%85%D9%87...A%D8%B7%D9%8A%D8%B9/

كويس يا اختنا نور انت حرة بتشوفي وتحاوري
في ناس صمم وعمي ايدولجي وفاتحين بوستات طويلة عريضة حاصل فارغ
الجبهة الثورية دي كلها مجرد اشخاص مستهلكين
ما في زول يقعد في راسنا بدون انتخابات ابدا لا في الاقاليم ولا المركز وديل الهسة بس يوصلونا الانتخابات بس
ما جابتك صناديق اقتراع ما عندك شرعية دستورية حقيقية لو بقيت انشتاين ودي علمونا ليها الانجليز من 1956 والبلد كانت عاوفي وكل الانقلابات وما افرزتهم من حثالة سياسية هم سبب ازمة السودان والمحاصصة ما بتخليك الانظف والاذكي والاوعي في السودان ابدا

يا عادل امين
مافى زول اتهمك بالجهل..
اكتب كلامك بدون حساسيات كما يفعل الجميع..

Quote: هو لا يصلح لأي منصب غير عضويۃ برلمانات النوم

هههههههههها يا دينق هو برلمان الثورة برضو حيكون للنوم . .!