قبل كده شرح لنا الخبراء بالتفصيل الدقيق وبالصور كيفية نقل الفيديوهات والصور من اليوتيوب الإنترنت إلى المنبر العام ...ولكن نسينا كل شئ ...واظن ان اسهل واحدة هي نقل الفيديو من اليوتيوب إلى المنبر كما شرح لنا عمر التاج ..ولكن نحن بنحتار كيف كوستاوي بينزل الصور الصورها بكاميرا الجوال إلى المنبر العام...وقبل كده صور لينا شوارع واشنطن بتلفونه الجوال ونزل الفيديو هنا في المنبر العام ...كيف !!!؟ والسؤال الثاني هل ممكن تنقل صور وفيديو من الواتساب إلى المنبر .... أسئلة تحتاج للخبراء للرد ...وهذه المرة سوف نطبع البوست ونعمل ليه ملف للمذاكرة...
Post: #2 Title: Re: كيف نستطيع أن ننقل الصور والفيديو من الان� Author: ترهاقا Date: 10-13-2019, 00:52 AM Parent: #1
عليك بكوستاوي حتى ولو تعلق بأستار الكعبة
Post: #3 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-13-2019, 02:46 AM Parent: #2
ترهاقا حتى ولو تعلق باستار الكعبة دي وصينا بيها وزيرة الشباب والرياضة عشان ما تخلي الارهابي المتاجر بالدين عبد الحي حتى ولو ذهب الى مكة وتعلق باستار الكعبة ،، لكن كوستاوي حنلح ونلح معاهو عشان يشرح لينا بالتفصيل الممل هذه التكنلوجيا الصعبة والما بتتهضم ... وقرات في بوست سابق من عضو في المنبر ويقول انك موسيقار مشهور يشار اليك بالبنان ،،،وبالمناسبة انا عندي هواية في الموسيقى وبعزف على الات كثيرة ولكن متخصصة ساكسفون ....
Post: #4 Title: Re: كيف نستطيع أن ننقل الصور والفيديو من الان� Author: ترهاقا Date: 10-13-2019, 03:23 AM Parent: #3
Quote: وقرات في بوست سابق من عضو في المنبر ويقول انك موسيقار مشهور يشار اليك بالبنان ،،،وبالمناسبة انا عندي هواية في الموسيقى وبعزف على الات كثيرة ولكن متخصصة ساكسفون ..
الاستاذة امتثال كيف حالك؟ الساكسفون من الآلات الجميلة المعبرة ، وبحب استمع للآلة دي كصولو، أما عن شخصي الضعيف ، فأنا خريج معهد الموسيقى آنذاك وقضيت معظم وقتي عازفا مع الراحل المقيم محمد وردي كعازف كيبورد في السودان وحتى في كاليفورنيا ، وعندنا حفلات مشهورة في اليمن وبالتحديد في عدن والكويت وليبيا وقطر والسعودية وواشنطن ونيويورك واريزونا وشيكاقو وايضا تعاملت مع الصديقين العزيزين جدا الكابلي وأبوعركي والمرحوم ابن البادية ، ولمن كنت في مدرسة عطبرة الثانوية عزفت مع القامة المرحوم حسن خليفة العطبراوي وكان زي ولي أمري وكنت في عمر إبنه خليفة حسن خليفة اما الآن ، فأنا قاعد في مدينة كل أفراد السودانيين تقريبا خمسة عوائل عزيزة ، وأنا الآن زي شبه بعيد موسيقيا من الزملاء الخريجين وربنا يجمعنا بيهم في وطنا الحبيب السودان
Post: #5 Title: Re: كيف نستطيع أن ننقل الصور والفيديو من الان� Author: Ahmed Yassin Date: 10-13-2019, 04:10 AM Parent: #4
Quote: متخصصة ساكسفون .
وانا اقول البت دي فيها حاجة .. اتاريك ما هينة .. بتتعاملي مع (20) فتحة ومجموعة مفاتيحها بى ستة اصابع بس ؟ الساكس دا عجيب .. (2 ونص اوكتاف) زائد مفتاحين (تعلية وتخفيض) الاوكتاف دا غير النفخ عموما مع اندهاشنا وتقديرنا واعجابنا الشديد بالموهبة الصاعدة .. وفعلا حاجة تفرح الزول مع دا برضو نناشد الاخوة الاعضاء الاعزاء انه ما يوروها تنزيل الفيديو خاصة كوستاوي وعامة جميع الاعضاء حلفتكم
Post: #6 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-13-2019, 03:56 PM Parent: #5
احمد ياسين أظنك متخرج من معهد الموسيقى...والموسيقى لغة عالمية ...لا يحتاج الفرد فيها إلى مترجم ...ولولا الموسيقى لانفجرت شرايينا من ضغوط الحياة الصعبة ، ومن أحوال السياسة المايلة في وطنا الحبيب ...والموسيقى تهدئ نفوسنا .... وبعدين عندك غلطة مطبعية في السطر الرابع قبل الأخير..في "ما" زائدة...اشطبها ... اما كوستاوي فهو رجل هميم و very helpful و اكيد حيساعد..
Post: #7 Title: Re: كيف نستطيع أن ننقل الصور والفيديو من الان� Author: عمر سعيد علي Date: 10-13-2019, 05:00 PM Parent: #6
Quote: وقضيت معظم وقتي عازفا مع الراحل المقيم محمد وردي كعازف كيبورد في السودان وحتى في كاليفورنيا ، وعندنا حفلات مشهورة في اليمن وبالتحديد في عدن والكويت وليبيا وقطر والسعوديةوواشنطن ونيويورك واريزونا وشيكاقووايضا تعاملت مع الصديقين العزيزين جدا الكابلي وأبوعركي والمرحوم ابن البادية ، ولمن كنت في مدرسة عطبرة الثانوية عزفت مع القامة المرحوم حسن خليفة العطبراوي وكان زي ولي أمري
العزيز ترهاقا . .كان كده نحن قاعدين مع ناس ما هينين . . ياخي وردي ده بتكون قاعد مستمع في حفلتو وانت خايف انك تكون قاعد غلط خلي بتعزف معاه . . بعدين العزف ع وردي ومحمد الامين ده يخيل لي زي البتلعب في الهلال و المريخ . .
تحية للاخت امتثال ونحن برضو عايزين نعرف طريقة انزال الصور والفيديوهات . .
Post: #8 Title: Re: كيف نستطيع أن ننقل الصور والفيديو من الان� Author: بابكر قدور Date: 10-13-2019, 05:49 PM Parent: #7
Quote: وبعدين عندك غلطة مطبعية في السطر الرابع قبل الأخير..في "ما" زائدة...اشطبها ...
أوسكار في اللغة ياإمتثال
Post: #9 Title: Re: كيف نستطيع أن ننقل الصور والفيديو من الان� Author: Salah Zubeir Date: 10-13-2019, 06:40 PM Parent: #8
تحياتي امتثال ... في بوست لي اخونا الغائب ملهم كردفان ربنا يطراهو بالخير خليني افتشو ليك فيهو شرح وافي لما تطلبين واكتر ... معليش يا امتثال اللعيبة الكبار عملو رايحين ...
Post: #11 Title: Re: كيف نستطيع أن ننقل الصور والفيديو من الان� Author: Salah Zubeir Date: 10-13-2019, 06:48 PM Parent: #9
غايتو لو قدرتي تخشي عليهو من هنا اوكي او شيلي العنوان البي العربي دا وقوقليهو ...
Post: #10 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-13-2019, 06:46 PM Parent: #8
عمر سعيد والله زي ما قلت نحن قاعدين مع ناس ما هينين ...زول عزف مع وردي وود الأمين، قامتي الفن في السودان ، اكيد زول ما ساهل ...واكيد وردي ومحمد الأمين ما ممكن يخلوا عازف ما متمكن من شغله يعزف معاهم ....لكن قولك أنه الواحد حتى بيخاف يقعد غلط في حضرة وردي...اوسكار ..اوسكار ... اها ونقول لخبراء التكنلوجيا ونقول لي كوستاوي ما براي العاوزة مساعدة ..معاي عمر سعيد ..يلا همتكم ....
Post: #12 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-13-2019, 08:09 PM Parent: #10
بابكر قدور شكرا على المرور والتعليق البهي .. مرورك براه أوسكار وتعليقك أوسكار خمس نجوم ..
Post: #13 Title: Re: كيف نستطيع أن ننقل الصور والفيديو من الان� Author: بدر الدين الأمير Date: 10-13-2019, 08:09 PM Parent: #10
امتثال لك ولضيوفك كل الود وهو انت فاكرة ان العم كوستاوى هو البنزل الفيديوهات والصور ياستى عمك كوستاى بالكتير يشغل الكمرا ويخليها تصور وبعداك يجى يكره بنياتو الشاطرات واحدة للمنتاج والتانية لرفع الصور وكان شفتى الكواريك غيرى وبدلى ما عامل فيها مخرج هسى ربنا ريحهن الدكتور منعو من التصوير النظر خلاص باقى فيهو خط واحد
Post: #14 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-13-2019, 08:16 PM Parent: #13
صلاح زبير شكرا كتير على اللنك ... المهم دربنا من هنا لي ستاربكس عشان نقعد مع القهوة والفرابتشينو ونجرب اللنك ...واذا فشلنا أو وجدناه معقد نديك خبر ...عشان تدينا واحد اسهل ..واذا نجحنا حنطبق النظرية هنا في البوست ..
Post: #15 Title: Re: كيف نستطيع أن ننقل الصور والفيديو من الان� Author: Ahmed Yassin Date: 10-13-2019, 08:56 PM Parent: #14
بابكر قدور
Quote: اوسكار في اللغة يا امتثال
اذا حذفنا الـ (ما) زي ما قالت (ام اوسكار ) دي .. حتكون بالشكل دا
مع دا برضو نناشد الاخوة الاعضاء الاعزاء انه ما يوروها تنزيل الفيديو نهائياً خاصة كوستاوي وعامة جميع الاعضاء .. حلفتكم
تم حذف حرف العلة والفاعل في محل رفع مبني للمعلوم وكوستاوي والاعضاء في محل مناشدة بعدم فعل الفعل وهم في محل (تورية)
Post: #16 Title: Re: كيف نستطيع أن ننقل الصور والفيديو من الان� Author: علاء سيداحمد Date: 10-13-2019, 10:59 PM Parent: #15
يا امتثال الموضوع سهل وبسيط خالص :
نقل الصور :
اولاُ : الدخول الى اى موقع لتحميل الصور برابط مباشر وبدون تسجيل مثال موقع : ( مركز تحميل الصور, تحميل الصور, مركز تحميل صور) .
بعد الدخول الى الموقع قم بالضغط على : Browse واختر الصورة المراد نقلها من الجهاز ثم اضغط Open ثم اضغط على : رفع الملفات اضغط على رابط الصورة المباشر وانسخ الرابط تعال المنتدى " اضغط على ايقونة : اضف صورة فى مربع المشاركات قم بمسح المكتوب فى المستطيل وبعد داك قم بلصق ما تم نسخه . ثم اضغط على ايقونة : شاهده قبل نشره .. بعد المعاينة والتأكد اضغط : اضف رد -------------------- بالنسبة لصور الجوال لا بد من وجود وصلة يو اس بى لربط الجوال بالاب توب بعد انزال الصور فى الجهاز قم باجراء ما تم ذكره سابقا وبالنسبة لفيدو الجوال لا بد وان يكون لديك قناة فى اليوتيوب او اى موقع رفع فيديوهات ومشاهدتها لرفع الفيديو الى القناة من اللاب توب بعد انزال الفيديو من الجوال اليه . --------------- تحميل الفيديو من الانترنت الى سودانيز :
شغل الفيديو تعال فى منتصف الفيديو اضغط زر الماوس الايمن ثم اضغط Copy embed code كما هو واضح هنا فى هذه الصورة :
بعد نسخ عنوان الفيديو تعال الى مربع المشاركات فى سودانيز واضغط على لصق Paste ثم اضغط على شاهده قبل نشره وبعد التأكد اضف رد .
Post: #17 Title: Re: كيف نستطيع أن ننقل الصور والفيديو من الان� Author: علاء سيداحمد Date: 10-13-2019, 11:15 PM Parent: #16
مكرر
Post: #18 Title: Re: كيف نستطيع أن ننقل الصور والفيديو من الان� Author: علاء سيداحمد Date: 10-13-2019, 11:24 PM Parent: #17
Quote: وبالنسبة لفيدو الجوال لا بد وان يكون لديك قناة فى اليوتيوب او اى موقع رفع فيديوهات ومشاهدتها لرفع الفيديو الى القناة من اللاب توب بعد انزال الفيديو من الجوال اليه .
أو :بعد انزال الفيديو من الجوال الى اللاب توب يمكن :انزال الفيديو الى صفحة الفيس بوك ب :- اضغط على ايقونة صورة / فيديو وقم بانزال الفيديو الى الفيس بوك ..
وبعد تحميل الفيديو الى الفيس بوك نقوم بتحميل الفيديو الى سودانيز :
- الضغط على اعلى المشاركة يسار على الثلاث نقاط كما هو واضح فى الصورة :
ثم اضغط على تضمين كما هو واضح فى الصورة :
قم بلصق ما تم نسخه فى تضمين فى المشاركة فى سودانيز ( حسب ما تم شرحه فى المشاركة السابقة )
Post: #33 Title: Re: كيف نستطيع أن ننقل الصور والفيديو من الان� Author: Mannan Date: 10-15-2019, 08:28 AM Parent: #3
الكنداكة امتثال اول مرة أعرف انك فنانة موسيقار... نزلي لينا بعض أعمالك الموسيقية لو سمحتي مع الشكر هنا او في الفيسبوك
Post: #61 Title: Re: كيف نستطيع أن ننقل الصور والفيديو من الان� Author: Ashraf Tatay Date: 10-19-2019, 10:22 AM Parent: #2
ووووين كوستاوي
Post: #19 Title: Re: كيف نستطيع أن ننقل الصور والفيديو من الان� Author: ترهاقا Date: 10-14-2019, 00:11 AM Parent: #1
يا علاء ، ضغطت على أضف رد الصورة جاتني في المشاركة ما في البروفايل
Post: #20 Title: Re: كيف نستطيع أن ننقل الصور والفيديو من الان� Author: خضر الطيب Date: 10-14-2019, 01:44 AM Parent: #19
حبيبنا ابو صلاح كيفنك
Quote: في بوست لي اخونا الغائب ملهم كردفان ربنا يطراهو بالخير خليني افتشو ليك فيهو شرح وافي لما تطلبين واكتر ... معليش يا امتثال اللعيبة الكبار عملو رايحين ...
و كتها اخونا ملهم كردفان اجتهد اجتهاد كبير في المسألة دي في متغيرات حصلت في مسألة ادراج الفيديوهات و الملفات الصوتية لكن الاساسيات موجودة في بعض الاخوان هنا متمكنين في مسألة شرح المسائل الفنية دي و ياريت اخونا الباشمهندس بكري ابو بكر كل فترة يكلف واحد يفتح بوست للشرح فتح النوع دا من البوستات ما ساهل بحتاج وكت كبير لكن المردود بكون اكبر للأعضاء الجدد و القدامى
Post: #21 Title: Re: كيف نستطيع أن ننقل الصور والفيديو من الان� Author: علاء سيداحمد Date: 10-14-2019, 08:30 AM Parent: #20
سلامات يا ترهاقا
لازم قبل اضافة رد تعمل مشاهدة للتأكد من وجود الصورة بالضغط على ( شاهده قبل نشره كما فى الصورة ادناه )
Post: #22 Title: Re: كيف نستطيع أن ننقل الصور والفيديو من الان� Author: علاء سيداحمد Date: 10-14-2019, 08:40 AM Parent: #21
Quote: يا علاء ، ضغطت على أضف رد الصورة جاتني في المشاركة ما في البروفايل
(عدل بواسطة ترهاقا on 10-14-2019, 00:12 AM)
الرابط المباشر للصورة : كما هو واضح فى الصورة ادناه :
Post: #24 Title: Re: كيف نستطيع أن ننقل الصور والفيديو من الان� Author: بابكر قدور Date: 10-14-2019, 08:46 AM Parent: #22
Quote: تم حذف حرف العلة والفاعل في محل رفع مبني للمعلوم وكوستاوي والاعضاء في محل مناشدة بعدم فعل الفعل وهم في محل (تورية)
أحمد يس هذا بدوره أوسكار في أصعب فروع اللغة....
Post: #23 Title: Re: كيف نستطيع أن ننقل الصور والفيديو من الان� Author: Asim Ali Date: 10-14-2019, 08:44 AM Parent: #19
Quote: ضغطت على أضف رد الصورة جاتني في المشاركة ما في البروفايل
Post: #25 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-14-2019, 01:38 PM Parent: #23
جاياكم برواقة لأنه يبدو أن تطبيقاتكم دي بتتطبق فقط في اللاب توب وليس في الجوال ...وبعد أن اجرب التطبيقات في اللاب توب ،نشوف الصعوبات وين .... ولكم الشكر والامتنان والتقدير ... وكل ثورة وانتم بخير
Post: #26 Title: Re: كيف نستطيع أن ننقل الصور والفيديو من الان� Author: عمر التاج Date: 10-14-2019, 03:25 PM Parent: #25
تحياتي امتثال وضيوفها ، بكري أبوبكر مهندس برمجة مقتدر و مصمم شاطر يخلط في منبره أدوات الكثير من البرمجيات من أجل تطوير الموقع وتعزيز أمنيته ، و لذلك نجد بعض أكواد لغات البرمجة والتصميم مثل HTML و وجافا سكريبت و ASP لا تعمل في المنبر مباشرة ولذا كان من الأفضل اللجوء للأكواد التي خصصها للمنبر والموجودة في اخر ايقونة في صفحة المداخلة .. استخدام الأكواد سهل جدا في حالة ارفاق أي ملف (فيديو، صوتي، صورة، نص ..الخ) من خلال وضع عنوان الملف في مكان العنوان مباشرة، ويسهل ذلك في حالة استخدام اللابتوب أو الموبايل .. في السابق كان الموقع يتضيف الصور والملفات الصوتية في مكتبات خاصة ولكن نسبة لما تأخذه من مساحة ذاكرة ترك بكري الفرصة للاعضاء لرفعها على المواقع المجانية المتخصصة المتوفرة بالمئات لاستضافة الفيديوهات والصور والملفات الصوتية ، وأصبحت هذه الملفات تمنح ضيوفها ومشتركيها عناوين ملفاتهم واكواد منتدياتهم بكل سهولة .
Post: #28 Title: Re: كيف نستطيع أن ننقل الصور والفيديو من الان� Author: محمد عبد الله الحسين Date: 10-14-2019, 03:46 PM Parent: #26
الكنداكة امتثال كيفك ما شاء الله بوستات أوسكار الايام دي عيني باردة.. و الله موضوع رفع الفيديوهات ده لازمني من زمان... كويس انك كتبتيه...بس خلينا ارتاح شوية كدي و اجي اجضموا ليك.. الشكر ليك و لكل من ساهم في الموضوع ده. بالله ما تنسي تحياتنا الحارة لي بت السيد.
Post: #27 Title: Re: كيف نستطيع أن ننقل الصور والفيديو من الان� Author: Nasser Amin Date: 10-14-2019, 03:44 PM Parent: #25
سلامات امتثال
نقل الصور من الفيس أو الفيديوهات من اليوتيوب من الجوال يتطلب فتح الفيس من خلال متصفح زي قوقل كروم مثلا و فتح اليوتيوب ايضا من خلال متصفح و ليس من خلال ابليكشن و لكن برضو في صعوبة في المنبر تحديدا.
مثلا نقل فيديو أو صورة من الفيس للمنبر في ... 3 نقاط في الركن الاعلي الايمن تضغطي عليها
بيظهر خيارات من بينهاEmbed
تضغطي علي خيار Embed
ممكن تظللي المستطيل البتظهر في بدايته iframe > وتعملي كوبي و تجي تلصقي في مداخلتك في المنبر
في حالة الفيديو فيهو تعليق و ما عايزه التعليق يظهر مع الفيديو...تضغطي Advanced Settings المشار لها بالسهم و بتفتح معاك و فيها Check Box وفيهو Include full post [؟] لو عايزة البوست كامل تعملي check box او العكس ثم تضغطي Get Code
بتظهر صفحة الاكواد تختار في الاعلى IFRAME
ظللي الكود المشار بالسهم و تجي تلصقى في بوست المنبر
... .. .
Post: #29 Title: Re: كيف نستطيع أن ننقل الصور والفيديو من الان� Author: Nasser Amin Date: 10-14-2019, 04:00 PM Parent: #27
رفع الفيديوهات و الصور من مواقع زي مثلا https://www.4shared.com. بعد التسجيل في الموقع ..البداية برفع الافلام و الصور من الجهاز بتضغط على upload لتحميل اي ملف
بعد التحميل ...اسفل الصورة أو الفيديو أو اي ملف مراد نقله للمنبر تظهر اسفل المادة المراد نقلها 👇
بيظهر ليك الصندوق دا👇 و تضغطي More Options
تظللي الكود اسفل HTML Code مباشرة وتعملى كوبي و الصاق في بوست المنبر
... .. .
Post: #30 Title: Re: كيف نستطيع أن ننقل الصور والفيديو من الان� Author: Nasser Amin Date: 10-14-2019, 04:15 PM Parent: #29
بالنسبة للملفات الصوتية في مواقع مثل https://soundcloud.com. بترفع الملف الصوتي في الموقع اسفل الملف الصوتي بتضغط على المربع الفي النص حيث يشير السهم👇
بتضغط على Embed المشار لها بالسهم👇
تظلل الكود كله و تعمل كوبي و بيست في البوست كما يمكن التحكم في الطول و العرض لو لاحظتو في الصورة ادناه حتي يناسب البوست و ما يفتلوا. ... .. .
Post: #31 Title: Re: كيف نستطيع أن ننقل الصور والفيديو من الان� Author: Asim Ali Date: 10-14-2019, 04:32 PM Parent: #30
اضافه لكلام ناصر بالنسبه لعمليه التضمين من الفيس او يوتيوب احيانا فى متصفحات بتجد صعوبه فى التضمين اعتقد العمليه سهله فى انترنت اكسبلورار ---------- انا برضو عندى استسفار صعوبه التضمين من تويتر عندها حل ؟؟؟
Post: #32 Title: Re: كيف نستطيع أن ننقل الصور والفيديو من الان� Author: Nasser Amin Date: 10-14-2019, 04:41 PM Parent: #31
سلام عاصم
من تويتر صعب جدا التضمين للمنبر..
الحل اسكرين شوت وترفع للمنبر. بالنسبة للمتصفحات زي غوغل كروم ممكن تشتغل و تقبل التضمبن و هسي شغال بيهو ...بس في اجراء بتعملوا ..
الشورت كت بتاع قوقل في سطح المكتب كلبك يمين و تمشي Properties يفتح معالك صندوق فيهو تاب اسمو Shortcut اول خانة فيهو اسمها Target بيظهر الخانة و فيها الاتي C:\Program Files (x86)\Google\Chrome\Application\chrome.exe تضيف الكود -disable-xss-auditor ويصبح كالاتي: :For 64-bit Chrome "C:\Program Files\Google\Chrome\Application\chrome.exe" -disable-xss-auditor"
:For 32-bit Chrome "C:\Program Files (x86)\Google\Chrome\Application\chrome.exe" -disable-xss-auditor" ودا لعلاج المشكلة البتظهر لمن عايز تعمل "مشاهدة قبل النشر" بتظهر صفحة فيها : "This page isn't working
Post: #34 Title: Re: كيف نستطيع أن ننقل الصور والفيديو من الان� Author: علاء سيداحمد Date: 10-15-2019, 02:31 PM Parent: #32
Quote: انا برضو عندى استسفار صعوبه التضمين من تويتر عندها حل ؟؟؟
تحياتى الاخوين عاصم و ناصر
بالنسبة لى تحميل المواضيع والصور من تويتر في غاية البساطة و انا بستخدم دائماُ
برنامج تصوير الشاشة : Screenshot من اى متصفح قوقل كروم - فايرفوكس او اكسبلورر وطبعاُ في ويندوز 10 تصوير الشاشة مدمج مع الويندوز واسمو Snip وطبعاُ كل متصفح له ميّزة تختلف عن الأخرى وفى الامن والسلامة شخصياُ افضل فايرفوكس على غيرها
وطبعاُ تصوير الشاشة في المتصفحات الثلاثة يتم تثبيته بالذهاب الى Add-Ons
مثلا في الفايرفوكس :
انقر على زر القائمة في اعلى المتصفح يمين كما في الصورة :
Post: #36 Title: Re: كيف نستطيع أن ننقل الصور والفيديو من الان� Author: Asim Ali Date: 10-15-2019, 02:43 PM Parent: #34
شكرا ناصر وعلاء المشكله اللى اظن ما ليها حل تضمين فى تويتر هى الفيديوهات
Post: #37 Title: Re: كيف نستطيع أن ننقل الصور والفيديو من الان� Author: علاء سيداحمد Date: 10-15-2019, 02:58 PM Parent: #34
اضغط على : Add-ons ثم اضغط على Extensions كما فى الصور :
اكتب فى مربع الحوار - الكتابة - اعلى صفحة Extensions
screenshot ثم قم باختيار ما يناسبك واضافته .
هنا صورة مصغرة ل screenshot
بعد تحديد الموضع الذى تريد تصويره اذهب الى save واضغط على الايقونة توجد مباشرة يسار علامة X كما فى الصورة اعلاه
ثم قم بتحميل الصورة الى سودانيز كالمتبع .
وهنا نموذج بعد تجريب البرنامج .
Post: #35 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-15-2019, 02:37 PM Parent: #32
الشكر والتقدير والامتنان لكل المرور وهؤلاء الذين شرحوا كيفية نقل الفيديوهات والصور إلى المنبر العام ...وبدات المذاكرة ومحاولة التطبيقات في اللاب توب ...لان كلامكم ده كله مستحيل ينطبق على الجوال..وتذكرت أن علاء بيقول لا بد من وصلة USB ...وبعد أن اتحصل على الوصلة نجرب من الجوال..لكن حتى الآن ما في أي نجاح ..وسالت الزميلات هنا القى الوصلة دي وين قالن ما في الا في wall mart ...وقالت واحدة منهن أنه ما في wall mart الا في مكان بعيد اسمه white plain .....المهم بعد القهوة نرد على منان ...
Post: #38 Title: Re: كيف نستطيع أن ننقل الصور والفيديو من الان� Author: علاء سيداحمد Date: 10-15-2019, 03:05 PM Parent: #35
Quote: شكرا ناصر وعلاء المشكله اللى اظن ما ليها حل تضمين فى تويتر هى الفيديوهات
شكر على واجب يا حبيب
الفيديوهات لازم تنزلها اول على جهازك ببرنامج تنزيل الفيديو من تويتر : مثال :
اكتب فى المتصفح عندك :
تحميل الفيديو من تويتر اونلاين اتش دي
قم بتحميل الفيديو الى جهازك ثم بعد ذلك قم بتحويله الى صفحتك فى الفيس او الى قناتك فى يوتيوب ثم بعد ذلك انقله الى سودانيز .
Post: #39 Title: Re: كيف نستطيع أن ننقل الصور والفيديو من الان� Author: علاء سيداحمد Date: 10-15-2019, 03:37 PM Parent: #38
هنا صورة للموقع :
Post: #40 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-15-2019, 03:55 PM Parent: #39
عزيزنا الفاضل والراكز منان اولا نقدر وقوفك الصلب ومواقفك الراكزة ضد نظام اللصوص والحرامية حتى هوى النظام كاعجاز نصل خاوية ...حيث كان كبيرهم هبل يتبجح ويقول ، البيقدر يقلعنا بالقوة يجي يقلعنا ...ولكن قلعهم الشعب بدون قوة ولكن بسلام وإرادة صلبة وتحت شعار سلمية ..سلمية ..وحرية وسلام وعدالة ، وهم الذين كانوا لا يعرفون الحرية ولا السلام ولا العدالة ولكن يعرفون فقط القهر وسفك الدماء ونهب وسرقة المال العام ، مال الشعب ... اها نجي لحكاية الموسيقار دي ..انا ما موسيقار ولا حاجة ولكن هاوية موسيقى ولكن تعلمت العزف على الساكسفون واحب العزف والموسيقى ..وبعدين حكاية انزل أي عمل لي في المنبر..انت براك شايف تعقيدات انزال الصور والفيديوهات كيف!!، وارجع لفوق واقرأ الشروحات المعقدة دي كيف....وبعدين انت تخلى جهابذة الموسيقى العزفوا مع عمالقة الفن وردي وود الأمين، زي ترهاقا ،،و تجي تطلب منى انا المسكينة الهاوية ....لكن طلباتك أوامر..بس خلينا نتعلم تكنلوجيا الفيديوهات والصور ... وبعدين هل ترهاقا هو الفنان عبد الهادي الذي كان العزف مع وردي لاني متذكرة مرة حضرنا ليه حفل غنائى... مع اطيب تحياتنا ....
Post: #41 Title: Re: كيف نستطيع أن ننقل الصور والفيديو من الان� Author: Ahmed Yassin Date: 10-16-2019, 07:34 AM Parent: #40
مجهود جبار ومقدر من الاخوين علاء سيداحمد و ناصر امين يستحقوا عليه جائزة نوبل بالتساوى في الفيزياء صراحة من هسي على الاتية اسمائهم الاستعانة باستاذ كرسي بدرجة بروفسور في اللوغرثمات اول واحد طبعا التربال. علي عبدالوهاب عثمان الموسيقار. احمد ساطور. الشهير ب ترهاقا الاستلذ مخمد عبدالله الحسين الباحث في التراث بابكر قدور عازفة الساكس (الالطو) امتثال عبدالله..طبعا راسها جاط زيادة و عمر التاج قال استعينوا بحساب مثلثات بكري الاسمها قتا ..جتا ..ظتا ..ظا و واحد على الجزر التكعيبي ل: قا قتا ظا ظتا -١ واطلق عليها ( اكواد) مجازا.... والله انا شايف انه نحن نستعين بالصبر والصلاة
Post: #42 Title: Re: كيف نستطيع أن ننقل الصور والفيديو من الان� Author: عبدالله ود البوش Date: 10-16-2019, 08:26 AM Parent: #41
يا امتثال بتي عايني لي جاي وقبل كل شي سلام عليك وعلي خيتاك اميرة وبسمات ان شاء الله طيبين وجركم ملان عجين كلام المختص لا يفهمه الا مختصا اها اخوانا ناس علاء سيد احمد وناصر امين ديل مختصصين شديد خلاص وانتي وناس عبدالله الحسن ديل دايرين ليكم قرفة بصلة تسوا بيها ملاح لوبا وتشوفوا مشهادكم اها هاكم ليها الفيديو من اليوتيوب أولا بالتبادي افتحي اليوتيوب واختاري أي اغنية مثلا ابوعبيدة حسن اغنية والله ما رضيناها ليك واهديها لي انا دا خلي الاغنية شغالة ما بخساك بيها واعملي كلك يمين تنسدل لك قايمة اختاري منها copy embed code دوسي عليها دوسة خفيفة حلو ؟ وتعالي للمنبر زي كانك عايزة تعملي رد على البوست بفتح معاك المستطيل البكتب فيهو انا دلوكتي وانا مسميهو الدلجة في نص الدلجة دي سوي كلك يمين وpaste كدا خلاص ملاح لوبتك قضا نادي الشفع وابوهم ياكلوهو بالهنا وكان لقيت فرقة في الزمن الكعب دا بجي صادي اوريك الصورة في امان الله
Post: #43 Title: Re: كيف نستطيع أن ننقل الصور والفيديو من الان� Author: عمر سعيد علي Date: 10-16-2019, 08:42 AM Parent: #42
Post: #44 Title: Re: كيف نستطيع أن ننقل الصور والفيديو من الان� Author: Ahmed Yassin Date: 10-16-2019, 10:10 AM Parent: #43
اها شايفين ( الفيديون) بتاع عمر سعيد علي... شغال تمام التمام ..واضح صوت وصورة( سلما) بس وشغال نظام looping توماتيكي اها دي اخرة البمشي ورا علاء وناصر
Post: #45 Title: Re: كيف نستطيع أن ننقل الصور والفيديو من الان� Author: Nasser Amin Date: 10-16-2019, 12:55 PM Parent: #44
Quote: دي اخرة البمشي ورا علاء وناصر
😂 جداد قحت دا بودي الكوشة سلام عليكم في موضوع iframe ودا بيسهل نقل الدراسات وملفات PDF و المواقع للمنبر مع خاصية scroll down الكود رقم 1 يعرض موقع البي بي سي و رقم 2 لملف PDF ويمكن التحكم في الطول و العرض بتغيير الارقام ليناسب البوست. حقو الناس تجرّب
موقع بي بي سي
ملف PDF
... .. .
Post: #46 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-16-2019, 04:42 PM Parent: #45
عبد الله ود البوش ،ذكرتني بالبوست الروعة الكتبتو زمان أميرة بت السيد بعنوان : "ود ابو سن ، ود البوش ، ود شيقوق، ود المنسي :انتو ناس سمحين"". في البوست داك متذكرة ان ود ابو سن قال عنكم :ود البوش ود المنسي وود شيقوق، ناس سودانيين جد ..وإخوان بنات وإخوان رجال، ..وقالوا في الأمثال:اخوك كان كتلك بجرك للضل"".والطيب شيقوق قال:"عندما سئل البروفيسور عبد الله الطيب عن مواطن اللغة العربية رد قائلا: في القرآن الكريم وفي البادية، ،وانت كلامك هنا ياهو كلام البادية الواضح السمح و المفهوم....وشرحك واضح ...لكن النقطة الشرحتها دي هي النقطة الوحيدة الفهمتها من شروح الإخوان الأعزاء الذين مروا بالبوست ..وهسه بحاول افهم نقل الصور والفيديوهات من الانترنت ومن الجوال إلى المنبر العام...وهذا أصعب شئ ومحتاجة ادخل فصل تقوية في علوم التكنلوجيا والكمبيوتر ...وضروري في نيويورك عاصمة العالم في معاهد تقوية في العلوم دي..وبالمناسبة المسنوحة بسمات طابعة بوست بت السيد ..وبتتعلم منه كلام البادية الكتبوها المارين بالبوست ومنهم ابو سنينة، وود عبيد .. .وشكرا ليك ما قصرت...ياخيي ... وكل ثورة وانت بخير ....
Post: #47 Title: Re: كيف نستطيع أن ننقل الصور والفيديو من الان� Author: Asim Ali Date: 10-16-2019, 11:29 PM Parent: #46
طبقت على تويتر كالاتى استخدمت twitter video down loader لتحميل فيديو ثم رفعو على فيس بوك ثم تضمينو فى المداخله دى (فيديو انبطاح)
Post: #48 Title: Re: كيف نستطيع أن ننقل الصور والفيديو من الان� Author: ترهاقا Date: 10-16-2019, 11:43 PM Parent: #47
Quote: اول واحد طبعا التربال. علي عبدالوهاب عثمان الموسيقار. احمد ساطور. الشهير ب ترهاقا الاستلذ مخمد عبدالله الحسين الباحث في التراث بابكر قدور
والله يا استاذ أحمد ياسين عزّلتنا جنس عزييل انا ومعاي ناس الكاشف دييل ناس خرمجة في التكنلوجيا تغيير صورة البروفايل اللي جابو اخونا ملهم ما اظن موجود حسع
Post: #49 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-17-2019, 01:41 AM Parent: #48
احمد ياسين تب ما كضبت ..فعلا راسي جاط زيادة ...وزي ما قلت لود البوش بنفتش في دروس تقوية في التكنلوجيا في إحدى المعاهد المتخصصة...
Post: #50 Title: Re: كيف نستطيع أن ننقل الصور والفيديو من الان� Author: Ali Alkanzi Date: 10-17-2019, 02:16 PM Parent: #49
شكرا يا امتثال ايه رايك وراي اهل المنبر نديك لقب اوسكار فاظنك انت التي ابتدعتي هذا التعليق في المنبر وصار في افواه بعض الاعضاء المهم دخلت عشان اقول ليك شكرا لاني قدرت ارفع صورة الكنزي في البروفايل بس ما تسأليني عملتها كيف ؟ والله اظن لو قالو لي اعيد التجربة ما اظن انجح بس تابعت الارشادات بتحميل صورتي في M9C ,ونقلت عنوان الينك في البروفايل حقى ولم تظهر الصورة فورا ولكنها ظهرت بعد ايام اظنها كانت في طور الشرنقة شكرا ليك ولكل متداخل شرح او نصح
Post: #51 Title: Re: كيف نستطيع أن ننقل الصور والفيديو من الان� Author: Ahmed Yassin Date: 10-17-2019, 02:37 PM Parent: #50
Quote: لاني قدرت ارفع صورة الكنزي في البروفايل
ما ياهو دا الانا كنت خايف منو
Post: #52 Title: Re: كيف نستطيع أن ننقل الصور والفيديو من الان� Author: Ali Alkanzi Date: 10-17-2019, 03:22 PM Parent: #51
يا ابوحميد بالله دا كلام تقولوا لعمك الكنزي
Quote: ما ياهو دا الانا كنت خايف منو
بالله بس رايك شنو في الصورة دي ؟ ما ابداع؟ لسا شباب مش؟ عارف القميص دا اسا مباريني من زمن طويل والله ممكن يكون اكبر سنا من صاحبة الطرح وكدا علي الكنزي ما بكون شخصبة مجهولة الهوية كل البيانات منزلة
Post: #53 Title: Re: كيف نستطيع أن ننقل الصور والفيديو من الان� Author: Ahmed Yassin Date: 10-17-2019, 03:41 PM Parent: #52
Quote: بالله بس رايك شنو في الصورة دي ؟ ما ابداع؟ لسا شباب مش؟
شوف يا شيخ علي....اديك راي زول خبير موسيقى تصويرية.. يعني لمن تشاهد عمل درامي فيلم ...مسلسل .. ..تمثيلية ..... اللقطات التعبيرية كلها مرتبطة بالموسيقى والمؤثرات الصوتية دي صراحة صورتك لقطة .....وجميلة جدا جدا ازيدك ....وبكل صدق وامانة واحساس صورتك دي ادتك ( بعدا ثالثا)
Post: #54 Title: Re: كيف نستطيع أن ننقل الصور والفيديو من الان� Author: Ali Alkanzi Date: 10-17-2019, 04:19 PM Parent: #53
يا ابوحميد بالله الكلام دا كلو (فوكي) ؟
Quote: شوف يا شيخ علي....اديك راي زول خبير موسيقى تصويرية.. يعني لمن تشاهد عمل درامي فيلم ...مسلسل .. ..تمثيلية ..... اللقطات التعبيرية كلها مرتبطة بالموسيقى والمؤثرات الصوتية دي صراحة صورتك لقطة .....وجميلة جدا جدا ازيدك ....وبكل صدق وامانة واحساس صورتك دي ادتك ( بعدا ثالثا)
يا زول البعد الثالث دي ذاتا اطاحت باوسكار امتثال يالله صفقو كلكم لك ممتن وشاكر عارف بنتي جات قبل ايام من جنيف وقالت لي والله يا ابوي منور صحة ما شاء الله وبهذه المناسبة دعني ادعو لامي التي علمتني ان احمل قلبا ابيضا اللهم ارحمها وتب عليها وحرم جسدها على النار وادخلها الجنة مع الابرار في غرفتها لا توجد صورة بالحائط غير صورة (ابوعلوة) شفت البعد الثالث دا ودانا وين ؟ اكرر شكري
Post: #55 Title: Re: كيف نستطيع أن ننقل الصور والفيديو من الان� Author: Ahmed Yassin Date: 10-17-2019, 10:45 PM Parent: #54
شيخ ابوعلوة
Quote: وبهذه المناسبة دعني ادعو لامي التي علمتني ان احمل قلبا ابيضا اللهم ارحمها وتب عليها وحرم
الله الله ....الله على ام ابوعلوة. ربنا يرحمها برحمته الواسعة ويدخلها جنة النعيم .. ويرحم امهاتنا جميعا .
Post: #56 Title: Re: كيف نستطيع أن ننقل الصور والفيديو من الان� Author: Osman Musa Date: 10-18-2019, 12:59 PM Parent: #55
يا امتثال يا بنيتي بلاي ضروري تعلمونا نقل التصاوير وتفانين نقل الفيديوهات . ياخ قدر ما خرمجنا في الداهية دي ما جات معاي .
Post: #57 Title: Re: كيف نستطيع أن ننقل الصور والفيديو من الان� Author: محمد عبد الله الحسين Date: 10-18-2019, 03:09 PM Parent: #56
, و الله يا أحمد ياسين أنت زول خطييير و عزّال
و
Quote: صراحة من هسي على الاتية اسمائهم الاستعانة باستاذ كرسي بدرجة بروفسور في اللوغرثمات اول واحد طبعا التربال. علي عبدالوهاب عثمان الموسيقار. احمد ساطور. الشهير ب ترهاقا الاستلذ مخمد عبدالله الحسين الباحث في التراث بابكر قدور عازفة الساكس (الالطو) امتثال عبدالله..طبعا راسها جاط زيادة و عمر التاج قال استعينوا بحساب مثلثات بكري الاسمها قتا ..جتا ..ظتا ..ظا و واحد على الجزر التكعيبي ل: قا قتا ظا ظتا -١ واطلق عليها ( اكواد) مجازا.... والله انا شايف انه نحن نستعين بالصبر والصلاة
*************************************************************************** زي ما قال اخونا ترهاقا... و أنا عن نفسي بعترف إنه ما عندي في الفنيات دي و لا عندي ليها روح... لكن التانين ما بعرفهم ..يلا كل واحد منهم يعترف أو يقدم اعتراض مشفوع بالأدلة. و هسه كلامك الفوق ده حاولت أتصبر شوية و أفهمه...في الأول مشيت كويس و تاني الموضوع كبسا كبسا...
Post: #58 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-18-2019, 11:53 PM Parent: #57
تراكا يا علي الكنزي انتصرت وقدرت تنزل صورتك في البروفايل ...اظن عندك صبر شديد ... أما نحن وزي ما وصانا أحمد ياسين بنستعين بالصبر والصلاة حتى نلحق مرحلتك الوصلت لينا دي وبقيت تنزل الصور في البروفايل ..وبعد كده امشي للمراحل الثانية التنزيل في مربع الردود في المنبر....
Post: #59 Title: Re: كيف نستطيع أن ننقل الصور والفيديو من الان� Author: Ahmed Yassin Date: 10-19-2019, 05:31 AM
Quote: تراكا يا علي الكنزي انتصرت وقدرت تنزل صورتك في البروفايل
اتاريه ..كان بذاكر من وراكم
Post: #60 Title: Re: كيف نستطيع أن ننقل الصور والفيديو من الان� Author: عماد الدين الطيب عمر Date: 10-19-2019, 10:02 AM Parent: #1
تعرفي يا امتثال احسن حاجة اعملها اني ابعد من بوستك دا قدر الفهم الفاهمو بعد دخلت بوستك دا الفهم طار انا ما ناقص جوطة راس احسن نبقى عشرة على الكتابة و كوبي بيست و بس و لو الله قدر عايز فيديو صورة اي حاجة احسن استعين ب صديق
Post: #62 Title: Re: كيف نستطيع أن ننقل الصور والفيديو من الان� Author: Ali Alkanzi Date: 10-19-2019, 10:35 AM Parent: #60
Quote: تراكا يا علي الكنزي انتصرت وقدرت تنزل صورتك في البروفايل
وانت تضيف قائلاً:
Quote: اتاريه ..كان بذاكر من وراكم
بصراحة كدا جاءتني الفكرة ان اطرح بوست بطلب المساعدة لرفع الصورة وكنتُ متردد في فتور الاجابة وعملتا نايم فطلب امتثال التي لا يرد لها طلب جاني وقيعة في الصقيعة استجابة لدعوة امي
ولبدت ليك وابيت ادخل في طرح امتثال واعبر عن رغبتي خوفا من ان يحجم المتدااخلون من اعطاء المعلومة وفضلت لابد واطبق في النصائح والمساعدة ولم تجد فتيلا وقمت صهينت عن الموضوع لأنني اعتبرت نفسي فاشلا، فبعد يومين تفاجئني صورتي في المنبر وافرح فرحا عظيما بالنصر المبين وكمان انت رفعتا معنوياتي للسماء ومنتظر الموسيقى التصورية التي ترافق الصورة حتى يتم الابداع
Post: #63 Title: Re: كيف نستطيع أن ننقل الصور والفيديو من الان� Author: Ahmed Yassin Date: 10-19-2019, 12:14 PM Parent: #62
شيخ على ..بالمناسبة انت زول حلو وكريم اصل ضحكت حتى انتفخت اوداجي من لبدتك ومحاولاتك اليائسة والمستميتة والمتكررة من اجل رفع صورة بروفايلك ونجاحك بالصدفة رب ..رمية من غير رام. وانا من هذا المنطلق اعلن عن رصد جائزة قيمة للاتية اسمائهم في حال قام احدهم برفع صورته مثلما فعل على الكنزي مصادفة وبعد تلاتة ايام فوحىء بصورته وهو للان غير مصدق ولا يعلم ان بكري اب صلعة لقى ثقل في الباندوث وعرف مصدرها وحن قلبه وكاد ان يبكي ..فقام بوضع صورتك الهايف عليها. ..هم: علي عبدالوهاب عثمان...التربال من اقاصي الدنيا ترهاقا...استاذنا وملهمنا..هو الوتر السابع محمدعبدالله الحسين....الاستاذ والاديب امتثال عبدالله الشهيرة ب امتثال اوسكار والبقية تاتي
Post: #64 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-19-2019, 01:00 PM Parent: #63
عماد الدين ما في صديق يساعدك، الزمن ده زمن صعب ، زي يوم القيامة كل زول بيقول نفسي، ،نفسي ..ولازم تعتمد على نفسك وتتعلم التكنلوجيا المعقدة دي.. وخليك زي علي الكنزي، ،صابر ومصطبر وكان بيذاكر من ورانا لغاية ما نجح ...والحاجة الغريبة بسمات بت عطبرة اتعلمت نقل الصور ،،وقالت ساعدوها في التعلم أهل عطبرة في المنبر نفس الشهامة والمروءة ..وهسه نست كل شئ حتى ابسط شئ وهو النقل من اليوتيوب ما بتقدر عليه .... المهم انا عملت محاولة باللاتوب لنقل الصورة البروفايل وانتظر الثلاثة ايام بتاعة على الكنزي..واذا الصورة نزلت ..نكون نجحنا وتعلمنا ..والا ...نرجع المذاكرة تاني ..وانا صبورة وما بخلي الموضوع ده الا اكون خبرة واساعد ناس كوستاوي اذا احتاجوا لمساعدة....البوست مستمر إلى حين ذاك الوقت...واحسبه قريبا وانتم ترونه بعيدا ...
Post: #65 Title: Re: كيف نستطيع أن ننقل الصور والفيديو من الان� Author: Ahmed Yassin Date: 10-19-2019, 01:14 PM Parent: #64
Quote: المهم انا عملت محاولة باللاتوب لنقل الصورة البروفايل وانتظر الثلاثة ايام
ياسلام..انا احي فيك روح الكفاح والاصرار والالحاح بعد تلاتة يوم انا خايف تجينا صورة عبدالله ودالبوش وهو طالع فوق بعيره
Post: #66 Title: Re: كيف نستطيع أن ننقل الصور والفيديو من الان� Author: Ali Alkanzi Date: 10-19-2019, 01:22 PM Parent: #65
بالله اسا دا كلام اتقال يا امتثال؟
Quote: عماد الدين ما في صديق يساعدك، الزمن ده زمن صعب ، زي يوم القيامة كل زول بيقول نفسي، ،نفسي ..ولازم تعتمد على نفسك وتتعلم التكنلوجيا المعقدة دي
يا اخي دي اسهل من موية الماسورة ولسا في اصدقاء اوفياء بس جربيهم مثلا عمك علي الكنزي رسلي ليهو تذكرة RETURN TICKET مع فيزا شوفي كان ما اجيك واوريك كيف بنزلو الصورة جربي كان ما مصدقة؟ بالله ما كلام يا احمد ياسين منطق مقنع جدا جدا وادي طلبنا دفرة بالله
Post: #67 Title: Re: كيف نستطيع أن ننقل الصور والفيديو من الان� Author: Nasser Amin Date: 10-19-2019, 01:48 PM Parent: #66
Quote: المهم انا عملت محاولة باللاتوب لنقل الصورة البروفايل وانتظر الثلاثة ايام بتاعة على الكنزي..واذا الصورة نزلت ..نكون نجحنا وتعلمنا ..والا ... نرجع المذاكرة تاني ..وانا صبورة وما بخلي الموضوع ده الا اكون خبرة واساعد ناس كوستاوي اذا احتاجوا لمساعدة....البوست مستمر إلى حين ذاك الوقت... واحسبه قريبا وانتم ترونه بعيدا ...
سلام امتثال في طريقة سهلة لانزال صورة في البروفايل و من اي موقع الفيس , قوقل الخ... تضغطي على الصورة العايزاها و تعملي كليك يمين بتجيك خيارات من ضمنها Copy image address تضغطي على الخيار دا و تجي المنبر تفتحي اليروفايل حقك و تمشي لخانة "صورتي" وفي المربع الجنبو مكتوب Select an image تعملي Paste و تضغطي Change Profile
Post: #68 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-19-2019, 05:30 PM Parent: #67
علي الكنزي اذا كان على ال return ticket ...فدي ساهلة ما دام ما ذهاب واياب ، وبقت على الاياب فقط ... لكن المشكلة في الفيزا...لأنك ما بتقدر تحصل على الفيزا الا عام ٢٠٢٠ م بعد أن يترك طرمبة مقعد الرئاسة ....بعد الانتخابات لأنه مستحيل يفوز تاني..وبعد أن يتولى الديمقراطيون الإدارة الأمريكية ويسمحوا للسودانيين الحصول على الفيزا دون تعقيدات....
Post: #69 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-19-2019, 05:37 PM Parent: #68
ناصر أمين جربنا التجربة دي مرات كثيرة ولكن بنلقى اللنك مكتوب زي ماهو وبدون أي صورة ونضطر نمسح ....لكن جربنا أخيرا ما أشار إليه علاء وفي انتظار الثلاثة ايام ..ونشوف اذا الصورة نزلت ....والا عدنا للمذاكرة والتجارب....وبعد ذلك دروس التقوية في المعاهد المتخصصة ...
Post: #70 Title: Re: كيف نستطيع أن ننقل الصور والفيديو من الان� Author: Emad Ahmed Date: 10-26-2019, 09:24 AM Parent: #69
فوق للفائدة العامة
Post: #71 Title: Re: كيف نستطيع أن ننقل الصور والفيديو من الان� Author: Ali Alkanzi Date: 10-26-2019, 07:03 PM Parent: #70
الاستاذة اوسكار امتثال اراك تردين على اقتراحي قائلة:
Quote: علي الكنزي اذا كان على ال return ticket ...فدي ساهلة ما دام ما ذهاب واياب ، وبقت على الاياب فقط ... لكن المشكلة في الفيزا...لأنك ما بتقدر تحصل على الفيزا الا عام ٢٠٢٠ م بعد أن يترك طرمبة مقعد الرئاسة ....بعد الانتخابات لأنه مستحيل يفوز تاني..وبعد أن يتولى الديمقراطيون الإدارة الأمريكية ويسمحوا للسودانيين الحصول على الفيزا دون تعقيدات....
طيب الفيزا والرتيرن تكت على تعالي الشوال وجبي اللاب توب بتاعك في قريتنا الشوال شوفي كان ما انزل ليك الصور العايزاها بس اتذكرت خسارة الريف ما فيهو نت عشان كد برضو انتظري سنة سنتين لمن يصل النت القرى وهي الاكثر حوجة لذلك الاخ احمد يس برجع اليك بكرة ان شاء الله الحمدلله ضحكتك وما زعلتك اكثر المتداخلين منفوخين من الكنزي مع انو الغنامية تاكل عشاهو غنسان طيبان زي امو
Post: #72 Title: Re: كيف نستطيع أن ننقل الصور والفيديو من الان� Author: MOHAMMED ELSHEIKH Date: 10-28-2019, 06:48 AM Parent: #71
البوست دا فلت مني كيف
يكون أيام البيات الاكتوبري بتاعي؟
المهم نرفعو يستفيدو منو ناس عثمان موسى
الأستاذة صاحبة البوست قالت بتعزف على الساكس سبحان الله
عمك سنتين بحاول ينفخ عشان يطلع منو صوت ما قدر
Post: #73 Title: Re: كيف نستطيع أن ننقل الصور والفيديو من الان� Author: امتثال عبدالله Date: 10-28-2019, 06:39 PM Parent: #72
محمد الشيخ انت نفسك بيقوم لمن تنفخ لان نفسك قصير ...والظاهر عليك كسلان وما بتمشي نص ساعة في اليوم على سبيل الرياضة وتلقاك راكب عربيتك ٢٥ ساعة ، حتى ولو مشوار نص كيلومتر جاري على العربية.....عليك برياضة المشي نص ساعة في اليوم ، وبعد داك مش بس تنفخ في الساكسفون ولكن في البوق الكان يستعملوه التتار في الحروب.....
