طرد زميل المنبر الصحفي ابراهيم بقال من دار صحيفة التيار

04:07 PM October, 11 2019

سودانيز اون لاين
عمر التاج-KHT
مكتبتى
رابط مختصر

الفيديو المتداول يظهر زميل المنبر وهو يخرج مطرودا من دار صحيفة التيار تطارده لعنات الحضور في برنامج لقاء كباية شاي مع محمد ضياء الدين .

مالو اتزنق ما لقى ليه حيطة وطلع ليهم المسدس ولا سردب ليهم

كان ما اخاف الكضب يا منتصر، سمعت بين الأصوات البتطرد فيه بره بره،صوت واحد بذكر فيه بالمسدس، إلا الظاهر المحتفي به داسيوه لليوم الأسود..

الفيديو نقلا عن صفحة الصديق حيدر الزين ..

والعقبى لملاسي

تاني بال في الحيطۃ؟؟

هو عاوز شنو من محل الصحفيين😉

سلام ود التاج
يستاهل هذا النذل( البغل ) المتملق ان يطرد من اي مكان
هو و بتاع موائد السلطان ملاسي (الحربوية)
و الصادق الرزيقي (المرفعين )
تباً لهم منبوذين

ابحثوا عن فضولي

اين كان المسدس؟؟

تحياتي الاخوة، دينق عبد الله وخضر الطيب..
تجدون أدناه مقال الضحية كاملا مزلزلا..

Quote: 💥 *رؤية مشاهد*💥 ⚡✍ *إبراهيم بقال سراج* 💫 *هرج ومرج قطيع " قُحْـــت " في ندوة البعثي محمد ضياء أن أنكر الأصوات لصوت الحمير .. !!* 🔅✍ تعد السفاهة من الصفات المذمومة بين الناس ، فهي نقيض الحلم وتعني الجهل والطيش وخفة العقل ، فالإنسان العاقل يتجنب مجالسة السفهاء ، ولولا الإستاذ عثمان ميرغني الذي أكن له خالص الود والتقدير والإحترام لما قبلت دعوة حضور ما يسمي بكباية شاي في صحيفة التيار وهو بحسن نية دعاني للحضور ولم يكن يعني شي او أي هدف ، تحدث محمد ضياء في الندوة وجلست لأكثر من ساعتين ونصف الساعة وعند فتح باب الإسئلة رفعت يدي وطلب فرصة وأمسكت بالمايك لتوجيه السؤال فطلبت مني المنصة بتعريف إسمي " فقلت الصحفي إبراهيم بقال سراج " وقبل توجيه السؤال حدث الهرج والمرج من القطيع بعبارات " دا كوز ، دا كوز ، ما يتكلم " فقلت لهم نعم *" أنا كوز وافتخر* وبعدها حدث جوطة وفوضي من القطيع وأكرر بأن هؤلاء ما هم سوي قطيع يقودهم الراعي وشوهوا معاني وقيم الثورة ولا يعرفون ماهي الثورة سوي ترديد شعارات واهية وعبارات براقة ولا يعرفون معناه ، يقولون حرية سلام وعدالة ويمارسون التكبيل علي الأخرين ويضيق صدورهم بقبول الرأي والراي الأخر ، يعتقدون أنهم بصراخهم والهرج والمرج وعلو الصوت يصنعون ثورة هم بعيدون كل البعد عن الثورة ، تركت لهم المايك وهم يصرخون ودخلت مع بعض العقلاء الي مكتب عثمان ميرغني ، ليس خوفا بل تعقلا ، لا يعجبن أحد رأني حافيا ، أبلت نعالي ألسن السفهاء ولا يساوي هؤلاء جذع نعل بقال ، لا تكن ممن يجمع علم العلماء وحكم الحكماء ويجري مجري السفهاء ، اعتناق الصمت أمام السفهاء ، لو كان العقل علي قدر كلام الرجل لكان الثرثار أكبر للناس عقلا ولو كان العلم علي قدر حفظ المسائل لكان التلميذ أوسع من أستاذه علما ولو كان الجاه علي قدر الفضائل لما كان للأشرار نفوذ ، خدعونا بالوطن القادم بالأشعار لن يطلع صبح للجبناء ولن تنبت نهر في الصحراء ، لن يرجع وطن في الحانات بأيدي السفلة والعملاء ، لا تناقش السفهاء فيستدرجونك الي مستواهم ثم يغلبونك بخبرتهم في النقاش السفيه ، ندوة في مكان عام وليس في بيت إيجار ولا في دار خاص بل في مقر صحيفة عامة ويقولون *الكوز دا الجابه هنا شنو ؟* ركبت سيدة سمينة جدا في الباص فصاح أحظ الراكبين متهكما وقال : لم أعلم أن هذه السيارة مخصصة للفيلة ! فردت السيدة بهدوء هذه السيارة كسفينة نوح تركبها الفيلة و الحمير أيضا ، لم أكن أعلم بأن الندوة مخصصة فقط للقطيع ليقودهم الراعي والكوشة بتلم الاوساخ . 🔅✍ قلة من النشطاء والقطيع لا علاقة لهم بالثورة ومعانيها سوي الهتافات وعلو الصوت والهرجلة والعبارات التافهة والقبيهة ، أن أنكر الأصوات لهو صوت نهيق الحمير لما فيه من العلو المفرط عند ممارسة عملية التنفس من الشهيق والزفير . *"أن أنكر الأصوات لصوت الحمير "* وهذا قرآن .. قلتها من قبل في قناة أمدرمان الفضائية وأقولها الأن وفي كل مكان بملئ الفم *" كوز وحركة إسلامية ومؤتمر وطني وافتخر"* فمن الذي يعطي الحق ليكون هو بعثي وذاك شيوعي والأخر ناصري وعروبي ويرفض الأخر ؟ .. والغريب في الأمر محمد ضياء قال نصا في الندوة "الكيزان المفروض يلبدو جوة بيوتهم وكمان جايين يتكلموا في الندوات " وقال ايضا أن تمديد قانون الطوارئ ليس الهدف منه سجن رموز النظام وقال نصا " رموز النظام بالطوارئ وبدون الطوارئ وبالقانون وبدون قانون وبالرجالة سيكونون بالسجن هذا نص حديث محمد ضياء البعثي .. وهذا ما يتعارض مع كل الشعارات الوهمية الزائفة والحرية والعدالة ودولة القانون والمؤسسات وحيادية العدالة والنائب العام ورئاسة القضاء ، شخص يقول بالقانون وبالرجالة وبأي طريقة لن يخرج أحد من السجن ؟؟ صحيح والله الحكمة التي تقول *"ليست شجاعة من الحمار ولكن الوضع الذي فيه الأسد جعل الحمار يتطاول عليه* وهكذا تفعل قحت والبراميل الفارغة أكثر ضجيجا . 🔅✍ طلب محمد ضياء أمهال الحكومة وعدم التسرع في الحكم عليها وهي في بداياتها وقال نصا *" لو جبنا الصحابة وزراء في الحكومة في شهر ما بعملوا حاجة "* انتقده أحد الحضور بأن يعتذر عن كلمة " لو جبنا الصحابة " وفي رده محمد ضياء علي السؤال قال بأنفعال انت عاوز تهددني ولا شنو ؟ ما بعتذر ولو جبنا انبياء ورسل وصحابة ما يفعلوا شي ، والقطيع يهتف في وجه السائل دا كوز ، مدنيااااو وياااو وهكذا ، أختتمت الندوة بالهرج والمرج وانتهت بسقوطهم في إمتحان الحرية وإمتحان الرأي والرأي الأخر والديمقراطية والسلام والعدالة والحرية وكلها مجرد شعارات وهمية لا مكان لها في الواقع وللخم السياسي فقط ، والمؤسف في الأمر أن من هتفوا مع القطيع جزء منهم صحفيون في صحيفة التيار ونشروا أخبار في صفحاتهم بالفيس بوك " طرد الصحفي بقال من ندوة التيار " وهم فرحون بهذا ولا يدرون أن في هذا إساءة لهم وفشلهم في إمتحان الديمقراطية والرأي والرأي الأخر ؟ كسب بقال وخسر حزب البعث الذي لا يملأ في عضويته واحد فقط من بصات الوالي ؟ وموت البعث شي مستحيل ؟ أن كان للبعث حياة وقد عاش قوم وهم بين الناس أموات ، فرحانيين بالحكومة وطوال عمرهم لم يتقلد أحدهم وظيفة الفة فصل ولا محصل في وحدة إدارية ؟ وصحافيوا التيار جرفتهم تيار الخداع بالشعارات الوهمية من تجمع وهمي وللأسف انقادوا لهم كالقطيع يقودهم الرأعي حيث يتواجد العشب والكلاء والماء . لم أكن إعرف أن بقال قد هز أركانهم واغلق منام الصفوة ، اذا بقال يسير في الاتجاه الصحيح وهذا شر الهزيمة وانهزموا في عقر دارهم وفرتقوا ندوتهم بالهتافات والهرجلة ، " قحت تطبز عينها بنفسها " حارد لكم ألم أقل لكم أنهم قطيع ! ؟؟ 🔅✍ *بقلم إلاستاذ .إبراهيم بقال سراج* ✍ *الخميس 10 أكتوبر 2019 م*

طالما هو صحفي فمن حقه ان يمارس عمله بدون اعتراض وعوارض
كل الصحفيين السودانيين كانوا مؤتمر وطني
يتغنون بانجازات الحكومة الفارغة
ورحلات الرئيس المخلوع للخارج خير دليل
بالاضافة المهرجانات السياحية التي تجري في عواصم الولايات خاصة بورتسودان وواليها إيلا
وكثير من الصحفيين تغنوا وغنوا لبعض زعامات المؤتمر الوطني وبعض الولاه
وعلى رأسهم روؤساء تحرير الصحف التي ما زالوا يرأسونها
لم اجد صحفيا واحدا مصادم غير الدكتور زهير السراج

الاخ Ali Alkanzi
قد ظلمت الكثير من الصحفيين الشرفاء الذين قاوموا دولۃ الظلم و البطش لثلاث عقود

Quote: طالما هو صحفي فمن حقه ان يمارس عمله بدون اعتراض وعوارض

فى عهد الانقاذ كان اى زول مامنظم او مامطبل وعامل بطاقه مؤتمر وطنى يتم استهدافو وحرمانو من حقوقو واعاقه اداء واجباتو وداكلام زول بيوصف معاناتو.
اما الاعلاميين المنتمين للنظام هم من شريحه ابواق الفتنه وممارسه المسكنه والمظلوميه لما انقلبت الامور .هم كانو يستغلون قوه السلطه والان الرفض شعبى فى محفل فير حكومى
تحياتى

لم اجد صحفيا واحدا مصادم غير الدكتور زهير السراج
-------------------------------------------------------------------
الكنزى لا تظلم الناس من طرف هناك صحفيون تعرضوا للسجن وهناك من تعرض للضرب كعثمان ميرغنى على سبيل المثال لا الحصر

Quote: الضحية

و الله في الحقيقة الضحايا انحنا
بالله دي كتابة صحفي ؟
موضوع القيد الصحفي دا لازم تتم مراجعتو
و سحبه من امثال هذا البائس

طبعاً يا ود التاج انت مستهدف مرارتنا و فشفاشنا !
اذن مفروض عنوان البوست يكون ( طرد بغال ..بوست فقع مرارة و فشفاش و كمونية و ام فتفت و كوارع)
قال عزموهو كباية شاي .. ممكن يكون شرب الشاي و كمان اكل اللقيمات وسط كل الناس لانو مافي زول في الناس ديل
بعرف النكرة دا و حتى لما مسك المايك مافي زول عرفو الا لما قال اسمو
في نهاية المقال دا لو جازت التسمية كاتب الاستاذ ابراهيم بقال
ياخ دي موبالغة تضخم في الانا من نوع ما حصل مرا علي
اطردوا هؤلاء البجم من كل الفعاليات المحترمة
النظافة من الايمان

Quote: و الله في الحقيقة الضحايا انحنا

التضحية دي حارة من حارات الثورة الجديدة يا خضر..
اتحمل ا بس انتو اتحملتوا الكتير يا اخي هههه
طبعا استاذ دي لقيتها كده في المقال وماعارف والله الاستذه منو؟
بس في العنوان قلنا نكون موضوعيين ونسميه صحفي لحدي ما الجماعة يراجعوا قيده الصحفي..
الملاحظ ورغم هفوات بقال وجرأته على الباطل، هو عنده قدره عجيبه على استعداء الناس..
وما خطاب الكراهية الذي يوجهه ثم يواجهه الا دليل علي انه كاتب متبري من قلمه..

الناس ديل زي البقصدوا المواقف المستفزة دي وعارفين ردود الفعل عليها عشان يطلعوا يتباكوا على الديمقراطية وشعارات الثورة
زي موضوع عبد الحي. أكثر من صحفي انقاذي عديل او ماسك العصاية من النص ينتقد في تصريح فيصل تضامن المجلس مع الوزيرة!!
هسي واضح ان بقّال استفز الحضور بتكراره كوز و افتخر و جرهم جر لطرده عشان يكتب مقاله دا وينال من الشعارات!
اتوقع الكثير من مثل هذه الحركات و الحديث عن الاقصاء و غيره في الايام القادمة خاصة وانه مع تعيين نائب عام ورئيس قضاء الكلام دخل الحوش وتاني الملاحقة بالقانون و كل من ارتكب جريمة اليبل راسه!

وصف ابراهيم بقال بالصحفي فيه الكثير من الاهانۃ لمهنۃ الصحافۃ
بقال مازال يعاني من ابسط قواعد اللغۃ العربيۃ
هو لديه مشكلۃ في التأنيث و التذكير

بعدين عجبتني حكايۃ (قبيهۃ)



ما يكون طلع ليهم المسدس ال فيهو بول

Quote: ولا يساوي هؤلاء جذع نعل بقال

هل كان الأستاذ بقال ينتعل شجرة؟

Quote: هل كان الأستاذ بقال ينتعل شجرة؟

هههههههههههههههه
ملاحظة ذكية لفتت انتباهي
فعلاً ينتعل شجرة المؤتمر الوثني يا بيلي

للأسف ابراهيم بقال لا حركۃ اسلاميۃ (كوز )و لا بطيخ
هو فقط ظاهرۃ
و يجب التعامل معه علي هذا الاساس

سلامات يا كنزي،

Quote: طالما هو صحفي فمن حقه ان يمارس عمله بدون اعتراض وعوارض

فرق كبير بين ان تمارس عملك أو تمارس السفالة المجتمعية
ما كان يمارسه متسول موائد السلطان ملاسي وما يمارسه بقال لا يخرج من كونه استحقار سخيف لا يرضاه المجتمع السوداني
وبعدين يا اخ حتى في الصلاة تكره امامة من يكرهه العوام فما بالك بالصحافة

تحيات عطرات محمد البشري؛

Quote: الناس ديل زي البقصدوا المواقف المستفزة دي وعارفين ردود الفعل عليها عشان يطلعوا يتباكوا على الديمقراطية وشعارات الثورة

حب الظهور والسلطة بعمل أكثر من كده،
يعني الزول لو ظل يمارس مهنته بكل موضوعية ومهنية غض النظر عن توجهه الفكري، فأكيد ما في زول بيتجاوز البكتبه ويتعدي على شخصه، مثل هذه الكتابات المتطرفة والمستفزة قد يدفع الكاتب ثمنها غاليا..

سلامات الفاضل دينق

Quote: بقال مازال يعاني من ابسط قواعد اللغۃ العربيۃ هو لديه مشكلۃ في التأنيث و التذكير بعدين عجبتني حكايۃ (قبيهۃ) ما يكون طلع ليهم المسدس ال فيهو بول

بقال حالتو دي اتطور جدا من حيث اللغة
زمان في المنبر ده الواو الضكر من الإنتاية ما كان بعرفه
اما حكاية مسدسه داك، فمتوقع يكون صادروه منه، وكان طلع التاني برضه بصادروه.

توم وشمار
يستاهلوا كوز اصلي

ابراهيم بقال بيحب الظهور وعايز يظهر ويكون حديث الناس ..
حتى لو ينطرد ويتدقا وتتمرمط كرامته بقال شخصيته كده ..
واصلا هو عايز الهيلمانة دي تقوم عشانه وعارف إنه ده حيحصل ..
فلمن شاف الناس ما انتبهت لوجوده وما اشتغلت بيهو ..
قام طلب فرصه للنقاش وجاب للناس حكاية كوز وافتخر دي ..
زول عجيب ونفسيته منتهية خالص ..

لو زول متزن ونفسيته كويسه كان اصلا ما حضر ..
لندوة هو عارفه إنه الناس فيها مشحونين ضد الكيزان
يجي يقوم يقول ليهم كووز وافتخر كمان ..

يا جمال
هو للأسف لا كوز و لا يحزنون
مجرد مريض ظهور و خاٸب رجاء
الكيزان و رغم سوءاتهم لن يقبلوا ان يتحدث عنهم امثال ابراهيم بقال
بس المشكلۃ تواري الكيزان التماسيح عن الانظار و المنتديات و المنابر - لأنهم اصلا كيزان .لذا حق علي الورل ان يقدل بإسمهم
كل ما في الموضوع !!





بقال ظاهرۃ
و يستحسن التعامل معه علي هذا الاساس

Quote: بقلم إلاستاذ .إبراهيم بقال سراج*

ياخي تخ

Quote: ياخي تخ

هههههههه
شفتا السودان بقى عامل كيف يا احمد في ظل الكيزان؟
موووبالغة
واحد عنكبوت ذي دا استاذ في الصحافة
دا اتجاوز عبد الله رجب و رحمي سليمان و فطاحلة الصحافة السودانية بمليون سنة ضوئية
تباً له بكل اللغات

هذا ما كتبه بقال عن نفسه في نهايۃ مقال منشور بجريدۃ الصيحۃ يوم 25 مايو 2019
👇👇
((✍ بقلم إلاستاذ .إبراهيم بقال سراج
كاتب صحفي
وخبير إعلامي))



ههههه
كاتب صحفي و خبير اعلامي


هو اطلاقا ما غلطان
غلطانين نحنا فاضين الشغلۃ

Quote: هل كان الأستاذ بقال ينتعل شجرة؟

يا محجوب دي نخلة عديييل (خليك زول قرآني)!

أتفهم لماذا تم طرده ولا أستذيقه
لكن في رأي أن هنالك صحفيون معروفون بإنتمائهم للكيزان
لا يتعرضون لما يتعرض له بقال
إذن المشكلة فيك يا أخوي بقال
حاول راجع نفسك وشوف شنو قاعد تعمل فيه غلط
واحدة من الحاجات الشخصياً خلتني لا أطيقك
هي شعور قوي داخلي بأنك إنتهازي وصاحب وجهين
هل تذكر كيف كنت توهمنا في سودانيز أونلاين بأنك من المناضلين
ضد سلطة الكيزان وما يفعلوه في أهلك بدارفور
ثم فجأة نراك عندما سنحت لك فرصة للخلاص الذاتي
أصبحت مستشار الوالي كبر الصحفي
يا أخوي بقال
عندما يقول عنك أخوك شقيقك بأنك إنتهازي فماذا تتوقع
أن يكون شعور الآخرين عنك
فكر في سلوك ومارس النقد الذاتي والإعتذار
وستجد معاملة مختلفة لو ربك هوّن

،،،،كل الصحفيين السودانيين كانوا مؤتمر وطني
يتغنون بانجازات الحكومة الفارغة،،،،
دى كذبة منك يا كنزى . اعرف المئات من الصحفيين فى الداخل والخارج ،كانو فى الصفوف الأولى لمقاومة عسف الكيزان والإسلاميين .هل كان الصحفى بهرام مؤتمر وطنى ؟

تحياتي لجميع المتداخلين دون فرز، ويبدو ان ابو الشباب وقع وما سمي..
الأخوة الاشتغلوا في تشخيص المشكلة اعتقد قدموا لبقال فائدة عظيمه عندما اهدوا له عيوبه..
هذه الفائدة وهذه الوصفة قد تبعد بقال عن المشاكل اذا امعن فيها واتبعها..
وأخص حديث اخونا جمال عن نفسية الكاتب و حبه الظهور..
وحديث الأخ عبد الصمد عن الانتهازية..

Quote: واصلا هو عايز الهيلمانة دي تقوم عشانه وعارف إنه ده حيحصل .. فلمن شاف الناس ما انتبهت لوجوده وما اشتغلت بيهو .. قام طلب فرصه للنقاش وجاب للناس حكاية كوز وافتخر دي .. زول عجيب ونفسيته منتهية خالص ..

Quote: حاول راجع نفسك وشوف شنو قاعد تعمل فيه غلط واحدة من الحاجات الشخصياً خلتني لا أطيقك هي شعور قوي داخلي بأنك إنتهازي وصاحب وجهين هل تذكر كيف كنت توهمنا في سودانيز أونلاين بأنك من المناضلين ضد سلطة الكيزان وما يفعلوه في أهلك بدارفور ثم فجأة نراك عندما سنحت لك فرصة للخلاص الذاتي أصبحت مستشار الوالي كبر الصحفي يا أخوي بقال عندما يقول عنك أخوك شقيقك بأنك إنتهازي فماذا تتوقع أن يكون شعور الآخرين عنك

Quote: تركت لهم المايك وهم يصرخون ودخلت مع بعض العقلاء الي مكتب عثمان ميرغني ، ليس خوفا بل تعقلا ، لا يعجبن أحد رأني حافيا ، أبلت نعالي ألسن السفهاء ولا يساوي هؤلاء جذع نعل بقال

.
الماشاف الفيديو الفوق يصدق كلامك في صدر المقتبس هذا يا بقال
اما كلمة الجذع في خاتمة المقتبس، يابيلي وكل من علق عليها في البوست
نذكر بانها قد تعني أيضا بالإضافة لما اوردوه.. (جذع البقلة) كما هو معرف في مختار الصحاح

Quote: الجَذَع من الخيل والبقر والبقال: ما استكمل سنتين ودخل في الثالثة

الأخ عمر التاج والأخوة المتداخلون .
فليطرد ابراهيم وأشباهه من فصيلة اللبلاب.
ولأجل هؤلاء وأمثالهم هناك شيئ إسمه مزبلة التاريخ .
فهناك المكان اللائق بهم .

.

شسع

:)

.

بقال لا ينافسه في مرمطة اللغة العربية و بهدلتها الا المدعو سراج النعيم الذي يكتب في جريدة الدار....

يودون أن يتنفسوا بحرية وفي أيامهم كتموا أنفاس الناس .

أحرام على بلابـله الدوح حلال للطير من كل جنس؟

أرفعوا اقلامكم عن بقال
هههه

الفيــديو نقلاً عن صفحة الصديق بدر الدين الطائف .. :)

وكان ما عندك طبنجة يا عمر التاج بدل اسفزاز من عينة بتاع وصحفي وأستاذ وخبير وهلمجرا .....

تستفز كدة وبعديـن كان جاتك البولة تبقى ليك حارة :)

تحياتي للأصدقاء :
muntasir
دينق عبد الله
خضر الطيب
Ali Alkanzi
Asim Ali
Hassan Farah
محمد البشرى الخضر
محجوب البيلي
MOHAMMED ELSHEIKH
جمال ود القوز
ترهاقا
محمد الأمين موسى
عبد الصمد محمد
مرتضي عبد الجليل
قلقو
الطيب بشير
Osama Siddig
ولياب
مزمل خيرى
HAIDER ALZAIN
وشكرا جميلا على المشاركة واثراء البوست
في الحقيقة كنت أود إيجاد بعض العذر للمحتفى به من خلال خطاب الكراهية الذي وجده في الحفل ، ولكن كلماتكم ومداخلاتكم وتيار الكراهية في البوست كان أقوى من أي تبرير، فيا بقال ، طالما انت عضو في المنبر ده وكاتب بوستين غليدين قبل شهر ، نرجو كريم مقدمك الميمون لتبرر بنفسك ، أو ما تورط نفسك في حتات ضيقة زي دي مرة ثانية..