Post: #1
Title: مصير مدينة البشير الطبية شنو . والرافعات وجبال الاسمنت دي حتروح وين ؟
Author: Osman Musa
Date: 10-11-2019, 03:30 PM
03:30 PM October, 11 2019 سودانيز اون لاين
Osman Musa-
مكتبتى
رابط مختصر
(adsbygoogle = window.adsbygoogle || []).push({});
رافعات ضخمة منصوبة وجبال اسمنت ورمال و مساكن عمال واشغال هندسية مهولة . قامت في المساحة المنهوبة من مساحة السلاح الطبي . انا خايف جبال المواد دي تتنهب زي ما اتنهبت مواد برج بن لادن بعد خروجو من السودان واختلافو معاهم .
الاختلاف المشهور . وكلامو عنهم . و وصفو ليهم بي انهم ديل (خليط بين السياسة والجريمة المنظمة )
بعدها طوالي طلع من. السودان .
بعد طلوعو من السودان . حاجات كتيره راحت . اموالو وحاجاتو ما اتعرفت .
وكل جبال الحديد والاسمنت الخاصة بي البرج اتسرقت .
في رمشة عين للمعمورة والرياض وكافوري . اتوزعت زي كيمان المراره . ..
خلي بالك يا حكومة حمدوك . هم لسع قاعدين .
|
Post: #2
Title: Re: مصير مدينة البشير الطبية شنو . والرافعات و
Author: Osman Musa
Date: 10-11-2019, 04:24 PM
Parent: #1
الشغلة دي حتتسرق . يعني حتتسرق .
وهم لسع تسعين في المية منهم مطلوقين في السهلة .
وطبعا خبرة تلاتين سنة في السرقة دي خبرة ولا عند
كلاتشينو فيرايرا .
كلاتشينو فيرايرا ده حرامي اجدع من عباس بانك بتاع ود مدني .
فيرايرا من قرية صغيرة في غواتيمالا كان عندو مزرعة تربية حمير .
لكن اتحول من تربية الحمير . لي سرقة البنوك الصخمة . بدوم ما يفك
ولا رصاصة واحدة .
علي كل حال ما عندنا شغلة بي فيرايرا . همنا ردووم المدينة الطبية
الهامل ده .
|
Post: #3
Title: Re: مصير مدينة البشير الطبية شنو . والرافعات و
Author: Osman Musa
Date: 10-13-2019, 08:40 AM
Parent: #2
ريالة المراسيل سايلة و هم حايمين حول الموقع بي العربات الدبل كاب .
كلهم استعداد عند تحديد لحظة الهجوم .
كتير منهم قرمانين للسيخ المتين .
|
|