صورتك الخايف عليها: لمحة انطوت من علاقاتنا العاطفية

06:08 AM October, 10 2019 سودانيز اون لاين
محمد عبد الله الحسين-
مكتبتى
رابط مختصر

(adsbygoogle = window.adsbygoogle || []).push({});صورتك الخايف عليها: لمحة انطوت من علاقاتنا العاطفيةأو بمعنى أكثر علمية و أقرب للوصف الاكاديمي الجاف ‏صورتك الخايف عليها: ‏مرحلة انطوت من التطور المجتمعيبالرغكم من ان تعبير( التطور المجتمعي) تعبير ليس دقيق، و ‏لكنه تعبير مؤقت على الأقل حتى اجتاز إشكالية العنوان.‏ممكن يكون التعبير الصادق ( صورتك الخايف عليها ...صفحة ‏انطوت من رومانسية المجتمع، أو من العلاقة العاطفية..فهي كلها ‏تعبيرات تؤدي المعني و لا تُفسده..‏اعتقد ذلك...

رغم استمتاعي الدائم بترديد كلمات الأغنية، و حتى لحنها إلى ‏حد ما
( لأني لا اميل لطريقة غناء البعيو و لكنه رغم ذلك أعتقد ‏أنها أفضل اغانيه..‏
و يرجع سبب عدم تفضيلي له أنه يهرجل معنى الأغنية..أي أغنية)‏

طيب في الأول مش حقو نكتب الكلمات التي صاغها ‏الشاعر حسن الزبير في صدق تنضح به كلماتها؟

هي كلمات تجبرك على أن تتماهى معها حتى و إن ‏كنت خالي القلب..أو خليّ القلب كما يقولون.‏

هي كلمات تذكرك عهدا مضى كانت فيه الصورة أعز ‏ما يمكن أن يتبادله العشاق..و تعادل غلاوة الصورة و ‏قيمتها الجنيه الدهب...‏

صورتك الخايف عليها

كلمات حسن الزبير‎
صورتك الخايف عليها ونحن ماخايف علينا‎
‎
هاك بي تذكارها شيلها وشيل معاها الفي عينينا‎
‎
فيها أيه إنسان بعزك لما يحفظ ليك صوره‎
‎
فيها قامتك وابتسامتك وسحر عينيك الخجوله‎
‎
فيها راحه وفيها واحه كل ما يتعب يزورها‎
‎
فيها مايملاهو عينو وكيف يخلي عيون تطولها‎
‎
انت لو صادق في ريدك زي صدق ريدتنا ليك‎
‎
انت زينا لو تساهر لو بطول الليل عليك‎
‎
كان بفوت فرحك فرحنا يوم نشيل شوقنا ونجيك‎
‎
وكنت مابتبخل علينا حتى لو نطلب عينيك‎
‎
أنت صورتك ما أمانه كيف نفرط نحن فيها‎
‎
وقلنا نلجأ لي أمانها من قسى الأيام وتيها‎
‎
مهما قلت وأعتذرت غايتو أنت بخلت بيها‎
‎
وهاكها بي تذكارها شيلها صورتك الخايف عليها‎ .‎

كل ذلك يجعلنا نتساءل :‏
ما الذي تغير في العلاقات العاطفية بين الشباب من الجنسين؟
‏
من الفترة التي كانت الصورة الشخصية هي اختبار لقوة الارتباط و العلاقة و بين العصر الحديث

الذي صارت فيه الصور متاحة مثل الهواء و النسيم المار...‏
و صارت السيلفي يتباهى به الناس كما يتباهون في السابق بخصالهم الأخلاقية و ربما قيم الأسرة ..‏

إن التحولات التي حدثت في المجتمع بأسره أحدثت بالطبع تغيرات في طبيعة العلاقة بين الجنسين..‏

و لكن هل نستطيع أن نقول بأنها تغييرات إيجابية؟ أو أكثر واقعية؟ أم أن هناك رؤىً أخرى؟؟

فضلاً و ليس أمراً

يا ريت واحد ينزل لينا فيديو الأغنية الرصينة دي..

صباح الخير يا كوستاوي رحجل المهمات الفنية.

حتى تكتمل الصورة في انتظار شخص يتكرم علينا بتنزيل الأغنية..‏
نواصل: الأغنية أو القصيدة ليست مجرد أغنية أو مجرد كلمات ..‏
كما أنها ليست خطاب بين شخصين فقط أو مجموعة..‏
و لكن الأغنية عبارة عن لحظة تاريخية توثق فيها التاريخ و توثق ‏لحركة المجتمع و تحمل مضامين فكرية كما تحكي عن منظومة العلاقات ‏الإجتماعية و القيم السائدة..‏
و هذا ما نجده في هذه الأغنية التي لا تختلف في مدلولاتها الاجتماعية و ‏الثقافية عن أي أغنية أخرى.‏

رحم الله شاعرنا الجميل حسن الزبير هذا الرجل المرهف الشفيف لحد الشفة والرهافة رجل تهش عند لقاءه ويغيب عنك فتشتهيه فقد كان رجلا شفيفا رهيف المشاعر لدرجة لا نتخيلها فقد سطر ارق الأغاني واجملها , لا تمل من الجلوس معه فيخجلك بادبه الجم وباسلوبه الجميل الراقي ..
ومتع الله استاذنا الجميل عبد الله عبد القادر البعيو بالصحة والعافية وول العمل ، الذي استطاع ان يوصل مشاعر حسن الزبير لكل ارجاء السودان بمختلف اطيافه وانسانه في كل مدنه وقراه وحلاله وفرقانه ... فقد كانت اغنية معبرة عن جيلنا الذي كانت فيه الصورة تعبير صريح عن ،،، الحب ،،،، الثقة ,,, الأمانة ،،،، الأمان ،،، المشاعر المتبادلة ..... فكان زمنا جميلا بكل ما يحمله من تفاصيل حياتية يومية ..... ليته يعود ذاك الزمن اخي الأستاذ محمد عبد الله ....
ولي عودة اذا شاء الله ...

تحياتي : ياسر العيلفون .....

الرجل الجميل ياسر

شكرا على مرورك الأنيق و ذوقك الرفيع
دائما في انتظارك و تشرفنا بالتأكيد

Quote: رحم الله شاعرنا الجميل حسن الزبير هذا الرجل المرهف الشفيف لحد الشفة والرهافة رجل تهش عند لقاءه ويغيب عنك فتشتهيه فقد كان رجلا شفيفا رهيف المشاعر لدرجة لا نتخيلها فقد سطر ارق الأغاني واجملها , لا تمل من الجلوس معه فيخجلك بادبه الجم وباسلوبه الجميل الراقي .. ومتع الله استاذنا الجميل عبد الله عبد القادر البعيو بالصحة والعافية وول العمل ، الذي استطاع ان يوصل مشاعر حسن الزبير لكل ارجاء السودان بمختلف اطيافه وانسانه في كل مدنه وقراه وحلاله وفرقانه ... فقد كانت اغنية معبرة عن جيلنا الذي كانت فيه الصورة تعبير صريح عن ،،، الحب ،،،، الثقة ,,, الأمانة ،،،، الأمان ،،، المشاعر المتبادلة ..... فكان زمنا جميلا بكل ما يحمله من تفاصيل حياتية يومية ..... ليته يعود ذاك الزمن اخي الأستاذ محمد عبد الله ...

طبعا في الأول مريت على بوستيك الرائع عن الذات ووسائل التواصل

يا سلام عليك يا ود الملك و على ذوقك
و اريحيتك.. شكرا على الفيديو
و كمان شكرا على المرور في البوست الاخر...

لقد اتيت بنا يا ودعبدالله الحسين الى مورد صعب
وولا اظن اننا سنوفي هذا الراحل المقيم حقه ولو جمعنا كل (الصور) في قصائده وكيف تغطي الصورة صورة
او حتى رسوماته الابداعية بالكلام (القليب الراسمو حنة)
حسن الزبير دا هو التفرد والتميز وجنون الكلمة والتصوير الخلاّق .. وكل قصائده
تبعد عن (التطويل) ممكن ان يكون صدر وعجز البيت من ثلاثة كلمات فقط
عاين ما الشبه باين
كبرنا وكبرت احزانا
وفي:
القليب الراسمو حنة
يبدو من قلبك اجنّ
دا هو البخلي كل قصائده ترسخ في الوجدان لانه ببساطة عرف كيف يصف احوال العشاق
و(حركة) العاشقين .. كان حسن الزبير هو تريبادور الرومانس السوداني الاصيل
في (ما بنختلف) التزم بحرف (الفاء) في القافية مع انه من الحروف الصعبة والنادرة والعصية على القوافي حتى في الشعر الجاهلي
مثل حرف (الظاء) العصي على الشعر ولكن حسن الزبير كسر كل قواعد وبحور الخليل بن احمد الفراهيدي
لاحظوا لهذا التكرار في حرفي الشين والفاء (شفافْ وشوفتك شفا و زعلك يشفقْ)
من قصائده المغناة:
ما بنختلف، أنا فاكرك معايا - صياد النجوم- ست اللهيج السكري - كلم لي عيونك- الحب المحال - يا مدهشة – ساعة فرح – الحب يا ام سماح – الريدة - لا الصابر ولا الباكي – اميرة

طيش الحقيبة
دا كان لقب الشاعر حسن الزبير المولود في اللاماب سنة 1944 ورحل سنة 2004 عن عمر(60) عام
اشتهر وعرف ببساطة الاسلوب الممتع ورغم بساطة وتلقائية الكلمة كانت ولازالت راسخة في تاريخ الشعر السوداني المغنى وشوفو ذكاء
و ألمعية هذا الرجل العجيب كان يستشف من الامثال السودانية العامية قاعدة لبعض قصائده ويدخلها في القصيدة زي :
المابتلحقا جدٍّعا – زعل الدهب خدو المجمر - حسادك أجاويد - هوالزوق برا لا هي آية ولا مراية ولا قراية ولا مقدرة - يا السيدو شايلو ومشتهي
يا مبدعــــة
يا سمع وشوف
يا شعــشعــــة
يا الفوق خيال فكري الوعى
يا الما بتلحقها جدعه
سمعت عنه قصة رواها لنا فنان كبير قال حسن الزبير لمن كان شاب يافع وابتدأت قصائده تظهر ، عمالقة شعراء الحقيبة اتحدوه بأن ياتي لهم بقصيدة
تشبه شعر الحقيبة (حقتهم) وبنفس الاوزان والبحور بشرط ان تكون منتهية بقافية الحرف الاخير فيها حرف (الضاد) طبعا الفطاحلة كانوا دارسين
خلاوي وحافظين للقرآن الكريم وشاربين الشعر الجاهلي والعباسي شراب ، المهم قبل ان ينفض السامر وفي نفس الليلة حسن الزبير سلمهم:
الحب يا أم سماح مو بالغنا و عرضة
مكتوب فوق رقاب اليابا و اليرضا

الأخ أحمد ياسين شكرا جزيلا
و الله اتحفنا بمعلومات عن حسن الزبير لم نكن نظنه بهذه
الشعرية.. له الرحمة و المغفرة و لك من الشكر أوفره.
و لا زلنا نطمع في المزيد

كانت هناك (مجادلات) ومساجلات بين الشاعرين حسن الزبير و د.احمد فرح شادول بسبب قصيدة حسن الزبير
(ان شاءالله القيامة تقوم) ودي ليها قصة كما رواها الراحل حسن الزبير :
كان جالس في مكتبه وفجأة دخل عليه احد زملاءه وهو في حالة ارتباك شديد لدرجة انه ماقادر يتكلم .. حسن الزبير
ساله مالك ؟ خير !!! في شنو ؟
زميله: ياخي انا عايز اخطب (فلانة) وعايزك تتوسط لي
حسن: دقيقة ...دقيقة ، انتوا في الاول متفقين؟ ومتفاهمين على كل حاجة ؟
زميله : ايوة متفقين ومتفاهمين
حسن: خلاص باذن الله انا حاكلمها بى رغبتك وبى طلبك دا . وفعلاً في نفس اليوم حسن الزبير كلمها وهي قالت..
فلانة: والله يا استاذ حسن كدي اديني فرصة لى بكرة اشاور اهلي وارد عليك لانو انت عارف المواضيع دي....
حسن: (مقاطعاً) جدا خدي وقتك واديني ردك.

يوم بكرة
حسن : اها فكرتي كويس واديتي اهلك خبر ؟ وان شاءالله كلهم موافقين؟
فلانة: (بتردد) ودون ان تنظر في وجه محدثها: والله بصراحة كدة انا فكرت كويس ومن امبارح ما نومتا
وبصراحة الزول دا انا ما دايراهو ما بنفع معاي.
حسن: (مخلوعا) طبعا دي حياتك انتي واختيارك انتي .. لكن الزول دا عشان ما تحصل ليهو مصيبة انا حاقول
ليهو اهلها رسلوا خبر للبلد عشان يشاوروا ابن عمها (الكان خاطبها) ورفض والامور اتعقدت.
فلانة: والله طالما الزول دا جاك انت وطلب منك انت .. اتصرف وشوف الطريقة المناسبة عشان تبلغه.
- بعد ربع ساعة –
دخل زميله وهو اشد ارتباكا وتوترا من الامس وهو يفرك يديه ويرفعهما عاليا ويخفضهما ويلف حول نفسه
زميله: اها الحصل شنو ؟ كلمتها؟ وافقت ؟ خلاص ؟؟؟ وقالت شنو .. ردها شنو ؟ وقالت ليك متين ؟ ....
حسن: كدي اقعد اقعد روق المنقة.. تشرب شاي ولا بارد ؟ انا في رايي بارد احسن
زميله :منقة شنو انا ما بشرب شاي ولا منقة .. وريني قالت شنو وابتدأ يحكحك في رقبته.
حسن: امبارح اهلها رسلوا لى ابن عمها الكان خاطب .....
زميله: (وهو يقفز (مقاطعاً) ابن عمها ياتو .. ودا دخلوا شنو ؟ والجابوا شنو ؟ وكان خطبها متين ؟؟؟ ووو
حسن : بامانة وصراحة ابن عمها دا يبدوا انه متمسك بيها وانت عارف الــ ...
زميله : ضرب الطربيزة بقوة وشتت الورق حق حسن الزبير وهاج (يعني ما حتتزوجني؟؟)
حسن: نعم
زميله: ضرب الطربيزة مرة تانية ولكن بقوة اشد وقال في حسرة والم شديدين
(ان شاءالله القيامة تقوم) والناس تتلخبط كدة و(شبك اصابعه العشرة) ودا مايفرز دا من دا.
حسن الزبير التقط جملة (ان شاءالقيامة تقوم) وعمل منها قصيدة مداعبة وهظار لطيف لزميله
وكانت سبب في المجادعات والمساجلات بينه وبين احمد شادول
يتبع -

حسن الزبير قلنا كتب القصيدة دي (مداعبة) لزميله ولى محبوبتو الابتو

إن شـاء الـلـه الـقـيـامـه تـقــوم عـشـــان ريـــدِك مـعـــاى مـابـْــدوم
نــاس سـهــــرانــه طـــــوَّالــى ونــاس طــُـــول الـلـيـالــى تــنــُـــوم
وأشـوف أنا كـيـف حـسـابــِك يـطـول عـلى الـوعْـد الـدوَام مـمْـطـول
أنـا الـشـايـف كـتـيــر أحـبــاب بــِعـيـشــو الـريــده عَـرض وطــــول
أنـا الـشـــــــايـل دوَام هــمـِّــــــك وأريــــــدِك ريــــــده زى أمـِّـــــــك
وأغِـيـر مـن غِـيـرتـى ذاتــه عـلـيـك أخــاف أنـا يـالخـفـيـف دمـِّـــــك
إن شـاء الـلـه الـقـيــامـه تـقــُــوم وكـُـــلْ زول يـمـشـى فـى حـالـــو
عـشــــان مـاقـلـبـى يـرجـــع يـقــول حـــبـيـب الـدنـيـــا فـى بــالــــو
---
اها اول ما د. احمد فرح شادول عينوا وقعت على القصيدة دي وقراها وعرف قصتها ما صدقها
وقال للناس زميل شنو الاتوسط ليهو القصة دي حصلت ليهو هو شخصيا وهو (الابوهو) بس هو خجلان يعترف .. طوالي كتب
شــاء الـلـه الحــســادَه تـطـيـــر وتـمـتـــد الـسـعـــاده تـــدوم
والـضـــاق الـعـذاب فـى الـريــد بـُكــره يـعـيـش ويـشـبـَع نــــوم
وتـقـــول الـقـيــــامـه تـقـــــوم ؟!
عـشـــــــــان حـظـَّــــــك ................ شَــــقـِـى ومـشــــئــوم
وفـَـتـَحـَـنْ لـيـك بـنـات حـواء وجـافــاك لـيـلـه واحـــده الـنــوم
بـتـقـــول الـقـيـــامـه تـقــــــوم ؟!
أنـحـنــا لاعـِـرفـنــا الـريــــد ولا زيـَّـــــك عِـشـِـقـنــا الـغـِــيــــد
وحـبـيـنــا الـقــريـب وبـعـيــــد وراجـعـنـا الـقــديـــم وجــديـــد
ولاضـمـَّـانــا حـُضــن الـلـيــل مــع الـوجــه الـبـهـى وغـِـرِّيـــد
ولا لـلـيــل شـكـَيـنــا حــبـيـب إذا حــتـى الـعِـشـِـقــْـنـَـا عـنـيـــد
ولانـظـَمْـنــا فـى الحـِلــــوات غـُـنــا ومـــــــوَّال دُرر وقـصـيـــد
ولا لـيـنـــــا أبـنـعــــــوف غـَـنـَّــا لا الـصـابـــــــر ولا الـبــــاكى
خـيـالـِك عـِنــدى يـوماتـى صـبـاح خـيــرى ومـســـاء أفــراحـى
أعـِـد مـيـعــادو بـالـلحـظــات وسـهــرى معـــاهــــو صَـبــَّـاحـى
عـيـونــِـك فــــوق عـيـــونـى تـنــوم وفـــوق آلامـى تــرتــاحـى
وريـــدِك مـن عــواتـى الـريــح ألـِـمـُّـو وأضُـــم عـلى جـنــاحـى
وتـقـــول الـقـيــــامـه تـقـــــوم ؟!
أنـحـنـا مـع الـسـعـاده نـسـيـر مـواكـب فـرحـه هـــادره هــديــــر
نحـيـا ... نحـب ... نـعـيـش ونـغـيـر ونـعـلـن ثـــورة الـتـغـيـيـر
نأكـل حـُب ونشـرب حـُب ونلـبـس حـُب ونـفـرح بالمحبه نـطـيـر
نـعـيـش الـريـده عَـرض وطــُـول كـبـيـرنا مَـلِـك صغـيـرنا أمـيــر
وتـسـمع صـوت هـتـافـنـا يجـيـك إن شـاء الـلـه الحسـادَه تـطـيـر
وتـكـبــــــــر وتــنـســـــى ........................ يـازغـبـيــــــــر ،،

- يتبع -

القصيدة عملت عمايل في حسن الزبير وخلتوا يفكر في الدنيا والآخرة في الجنة والنعيم والحور العين
وهناك في الاخرة يوم القيامة في جنة ، مباشرة كتب رد لديقه احمد فرح شادول:
إن شـاء الـلـه الـقـيـامه تـقــوم وعـشـمى فـى الـلـه ما شــويـه
أدْخـُـــــل جـنــــة الـمـــــــأوى وهِـنـــــاك يــَـــــدُّونى حـُـــوريـه
إتـَّـكـِـى فـى الأرائــــك أنــــــوم بـكــــــل حــبــــــــور وحــــريـه
وإرتــاح مـن ده مـافـى وقــُـوم وأمِـشْ جـيـب لـَىْ وجـيـب لـيـَّـا
أفــــــــارق دنــيــــة الـمـعــــدوم وألــقـَـى مَـطــــالـبـى بـالـنـيـَّه
ولــو حَـنـِّيـت لـى لـحــم الـطـيــر تـجـيـنـى الـطـيـــره مـشــويـَّه
عـشـانـَـك كـَيـَّه يـادكـتـــور تـكـــــون حـُـــــوريـتـى خـمــــــريه
تـجــرجــر ديـســـا ده الـمــردوم ولـهجـتـَـه خـالـصــه عــربـيـه
أخــلـِّى لـيــــك بـنـــات حـــواء تـحــاحـى صـبـــاح وعـصــريـه
وتـبـقـى عــواطـلـى يـادكـتـــور هِـنـــاك لا مــرض ولا شــكـيـَّه
هِـنـــاك لا أُذن سـَـمِـعــت .............. ولا بـعـيـــونــا مـــرئـيـا
هـِنـــاك حــتـى الـرحــيــق مخـتـــوم وولـــدان طـايـفــه دوريـه
لاعـشـــــــوائـى فــى الخـرطــــــوم ولاصـفـقــــــات تـجــــاريـه
صَـفـِّى الـنـِّيــَّــه يامـهـجـــــوم بــــلاش هـجـمـــات هـبـــوبــيـه
وإن شـاء الـلـه الـقـيــامــه تـقـــوم وتـنـجـح مـيــه فـى الـمـيـَّه

برضو الكلام دا ما اقنع شادول واعتبر ان ديا (زوغان ) لانه يعرف حسن الزبير جيدا
ويعرف حبه للجمال ووصفه للجمال وقصائده السهلة الممتنعة العذبة والسلسة
فكتب :
- يتبع

مـامـقـبــولـــه أعـــــذارَك ....
ومـا معــروف مصـيــرَك ويـن
ومـاهـى صـالــح أعـمـالـَـك ؟؟
عـشـــان يــدُّوكَ حـُوراً عـِـيـن
لـو إنـتَ عـلى الصِّـراط مـاشـى
وشَــرَّكــوا لـيـــك بـى بــِـنـَيــَّه
حـا تـِخـْـتـَـل كـُـلْ حـسـابـاتــَـك
وحـا تـَحـَـتـِـل حـَـتـْـلـه أبـَديـَّـه
أمــا لـــــو ضـَــــرب حـَـظــَّــك
وجـابـوا لـيــك بـنـــات الحُــور
تـمـوت واقــــف عـلى طــولـك
ويـشـيـلـك حـِـيـلـك الـمـشـلـول
وتـتـلـفـَّــت يـمـيـــن وشِـمـــال
مـشـدُوه بـالجَـمَــال مَـبـْهـــور
وتحـتــار بـاقـى عـقـلـك طـــار
فـى مـَـنْ يـهـــوَى أو يخـتـــار
ديــك قــوَامـا سَـمْهَـر وطـُـول
وديـك دعَـج الـعـيـون مكحول
وديـك جَـمَـالا يـَسْـبـى عُـقـُول
وديـك مـن فـيهـا حـلـو القـول
وديــك خـلـيـهــا لـى شـــادول
وديــك شَـعَـراً كـمـــان خـَـلـِّى
قــَـدُر مـايــزيــد ... نـعُـومـه وطــُـول
عـذابـنـــا ولـيـلـنــا فـيـهـــو يـطـــول
وديـك خـِشِـيـمــا بــِنـَـقــِّط كــلام مـعـسـول
تـقـيـف مـشـدوه وتـفـوت الـقـيـامه عـلـيـك
واقــف إنـتَ تـِتـلـفـَّـت طــــرَب وذهــــول
حَـسَـن ........ دنـيــــاكَ لـلــــزى ديـــــل
وديــــل يـاصــــــاحـبـى هـُــــم دنـيــــاك
يـَـودنـَّـــك ويـجـيـبـنــَّــك
ويخـتـنــَّـك ويـشـيـلـنــَّـك
يجـلـبـنــَّــك ويـبـيـعـنــَّـك
يغـسـلـنــَّـك ويـشـرنــَّــك
ويكـتـلـنــَّـك ويـدفـنـنــَّـك
يقـيــدو الـنـار يـشـدنــَّـك
ويـبـرن عـُودك الـمـسـلـوب يحــرقـنــَّـك
تـفــوح إنــتَ ويـزيــد دنــَّــك
وتـغـَـنـِّى الـدنـيــا بـى فـنــَّـك
ده حـال الـدنـيـــا مـابـتــــدوم
مــره تــُـلام ومــره تـَـلــُـــوم
ويـوم تـتـعـب مـره تحِــب وتـشْـبـَع حـُـب
ومــره تـحـِـب ومـاتـِنـْحـَـب
حـَسـَن خـلـيـهـم الـسـمـعـوك وأرجــع لـى حـلــو كـلامــك
معـقـــول الـقـيــامـه تـقــوم قــَبـُــل مـاتحـقــق أحــلامـــك ؟؟

الأخ أحمد ياسين
كتر خيرك يا عزيزي عن هذه المعلومات القيّمة التي لم اسمع بها من قبل..
فيب الحقيقة الشاعر حسن الزبير شاعر مطبوع يجري الشعر في كلامه بلغة سهلة و لكنها عميقة الدلالة..
الا رحم الله الشاعر حسن الزبير و أسكنه فسيح جناته..
و أكرر لك الشكر لإثرائك البوست فانت مساهم فيه باكثر من ثمانين بالمية..
فحدود معرفتي بالشاعر إلا ما ذكرته أنت، هذه الأغنية التي تحمل مضامين كثيرة
و تحمل في ثناياه الصدق و وضوع المعنى و المقصد بكلمات مباشرة و لغة ميسرة.