Post: #1
Title: البرهان وحمدوك الى الامارات في زيارة رسمية الاثنين
Author: زهير عثمان حمد
Date: 10-05-2019, 05:48 PM
Parent: #0
05:48 PM October, 05 2019 سودانيز اون لاين
زهير عثمان حمد-السودان الخرطوم
مكتبتى
رابط مختصر
كشفت صحيفة التيار الصادرة صباح اليوم السبت عن قيام رئيس المجلس السيادي الفريق اول عبدالفتاح البرهان ورئيس الوزراء الدكتور عبدالله حمدوك بزيارة رسمية الى الامارات العربية المتحدة يوم الاثنين المقبل .
وقالت الصحيفة ان الزيارة رسمية وتستغرق يوما واحدا يلتقيان خلالها ولي عهد ابوظبي الشيخ محمد بن زايد ال نهيان الاثنين المقبل .
من جانب اخر نقلت جريدة السوداني الصادرة اليوم السبت ان رئيس الوزراء الدكتور عبدالله حمدوك من المقرر ان يغادر اليوم الى العاصمة الاماراتية وقالت المصادر انه يتوقع يتلقى حمدوك دعما اماراتيا لتنفيذ بعض مشاريع الفترة الانتقالية لكن مصادر تحدثت لموقع اخبار السودان بأن رئيس الحكومة سيحضر اليوم اجتماعات سد النهضة في الخرطوم .
|
Post: #2
Title: Re: البرهان وحمدوك الى الامارات في زيارة رسمي
Author: امتثال عبدالله
Date: 10-05-2019, 06:04 PM
Parent: #1
ابو الزهور..
دائما بنقرا ونسمع بولي عهد ابو ظبي ، وفي عهد ابو ظبي استقبل ، ولي عهد ابو ظبي سافر ، ولي عهد ابو ظبي وصل..ولي عهد ابو ظبي .....
الدولة دي ما عندها رئيس أو ملك أو أمير...
|
Post: #3
Title: Re: البرهان وحمدوك الى الامارات في زيارة رسمي
Author: Ali Alkanzi
Date: 10-05-2019, 06:06 PM
Parent: #1
ابواب الغرب سدت امامنا
وكان حيث الرئيس الفرنسي ماكرون المتعاطف مع الثورة السودانية في مؤتمره الصحفي مع حمدوك
أنه من المستحيل تقديم مساعدات اقتصادية او استثمارات من الغرب
او جدولة الديون في نادي باريس
إلى ان يسبق ذلك كله رفع اسم السودان من قائمة الدول الرعاية للارهاب
لهذا لا عون يأتي إلا من دول الخليج
وسيكون شحيحا وبالقطارة
فالعرب هم الذين قالوا المثل:
جوع كلبك يتبعك
فسنظل نلهث كالكلب العطشان نبحث عن قوت يومنا
إلا ان يفيق هذا الشعب ويصبح شعبا منتجا
اي في كل بيت حركة انتاج ولو (مح جداد)
فعلتها الصين لعقود اصبحت اقوى قوى اقتصادية في عقدنا هذا
|
Post: #4
Title: Re: البرهان وحمدوك الى الامارات في زيارة رسمي
Author: حامد عبدالله
Date: 10-05-2019, 10:25 PM
Parent: #3
Quote:
إلا ان يفيق هذا الشعب ويصبح شعبا منتجا |
☝️☝️☝️☝️☝️
ممتاز 👌 .... 👏👏👏
|
Post: #5
Title: Re: البرهان وحمدوك الى الامارات في زيارة رسمي
Author: Dr. Ahmed Amin
Date: 10-05-2019, 11:51 PM
Parent: #4
شكرا على الكنزي... أتيت بالخلاصة.لايك كبير
|
Post: #6
Title: Re: البرهان وحمدوك الى الامارات في زيارة رسمي
Author: Mahjob Abdalla
Date: 10-06-2019, 01:38 AM
Parent: #5
نقول ارجع للعصيدة و الكسرة, قالو سوايتهم باخد زمن و الناس عايزة اى حاجة علي سريع.
|
Post: #7
Title: Re: البرهان وحمدوك الى الامارات في زيارة رسمي
Author: adil amin
Date: 10-06-2019, 03:22 AM
Parent: #3
اول مرة اشوف لي ثورة تباري الطواغيت وتشحد دول تنهب موراد السودان من الذهب والماشية ..وفي نفس خط الانقاذ الحقير
https://up.top4top.net/
السيسي يمثل نفسه ولا يمثل الشعب المصري اطلاقا
بن سلمان يمثل نفسه ولا يمثل الشعب السعودي
بن زايد يمثل نفسه ولا يمثل شعب الامارت وارث شيخ زايد العظيم
دول الخليج دمرت اليمن((العربية )) بي 3 ترليون دولار في حرب الابادة التي يقودها البنك الدولي وامريكا والغرب واسرائيل من وراء حجاب
وهسة عليكم الله المحتاج لي الثاني منو في هذه المرحلة
هل السودان محتاج للامارات والسعودية ومصر والي ديل محتاجين للسودان ؟؟ يا كعوك المركز الذليل والمزمن
ومحتاجين ليهم لي شنو ؟؟؟
هل الحبشة دي نهضت بي شحدة الخليج والبنك الدولي ...؟؟ هل السلطان قابوس قعد يحوم زيكم كده عشان يطور سلطنة عمان
الفرق شنو بين عائلة البشير النهبت نفط السودان من 1998(64 مليار دولار ) وبين عائلة حميدتي النهبت الذهب نص قبيلة المحاميد وشركاتهم الوهمية وفقد السودان 300 طن ذهب بسبب روسيا والامارات وتساوي 16 مليار دولار
وقبل من يجفف حمدوك منابع الفساد ونصهم قاعدين معاه فوق وقبل ما يفعل القضاء النزيه ويهيكل السودان ويرجعنا الي الدولة المؤسسات الكانت قبل نظام البشير الترابي الساقط مطية الخارج والبنك الدولي وحروب الموارد والابادة
يهرول هو جنرالات زمن الكوليرا الي الامارات ولي منو لي محمد بن زايد ...بالله اسالوه من الشيخ خليفة ولد الشيخ زايد الطيب وين ولد شيخ زايد الحر خليفة ؟؟
https://up.top4top.net/
الطلقة ما بتكتل البكتل سكات الزول
ق ح ت لمة با مشروع وقاعدين في راس الناس بالمحاصصة الانتهازية لحماية مصالح هذه الدول في السودان وفي الاقاليم تحديدا وما عارف الناس في الاقاليم حارسين شنو من ديل
https://up.top4top.net/
|
Post: #8
Title: Re: البرهان وحمدوك الى الامارات في زيارة رسمي
Author: adil amin
Date: 10-06-2019, 03:41 AM
Parent: #7
بالله شيوعي سابق يستدين من البنك الدولي شيلوك تاجر البندقية 2مليار دولار عشان وشنو ويختها وين وكيف نعرف انها صرفت في الاهم للشعب السوداني وفي
2000000 نازح في دارفور في العراء حتي الان ؟؟؟
1-لا قضاء نزيه وعادل= محكمة دستورية
2-لا اعلام حر ومسؤل = والسودان المظلوم والاحداث تاتي بها فضائية الجزيرة والواتس ومواقع التواصل والتهريب المستمر للموارد عبر المنافذ
3-ولا رجع الاقاليم القوية الستة ولغى الولايات المهترئة ال18
4-لا رجعت الجنسية ما قبل 1989 لزوم انتخابات
5-ولا خرج من حرب اليمن القذرة
6-ولا حل مشكلة الحركات المسلحة المحترمة عبدالواحد نور دارفور وعبدالعزيز الحلو كردفان ولي جبهة الشرق امنة ضرار يتسكع مع متسكعين الجبهة الثورية الفالصو وهم ايضا يلهثو بين الامارات وقطر
7-واما دولة جنوب السودان ليس هناك ما هو عملي وعلمي للحريات الاربعة والنفط مقابل الغذاء
2مليار دولار دي تمشي وين يختوها وين في بنك السودان ولي المكان بتاع ابو الجاز وتحوق وين ؟؟؟
وهتيفة وجوقة حمدوك في البورد يطممو البطن
اوعكم تقولو ما في برنامج تحول ديمقراطي واضح وما فاضح في البورد ومن 2005-2010 ولا في تنوير في البورد ده وخطاب واعي ومؤسس او رؤية جون قرنق التي لا تموت انتهت مثلا ؟؟
بس العقول زينة الرجال
https://up.top4top.net/
وانتو حاجة هلامية في المركز فقط حار الطب الحديث عن تشخيصها
المركز المرتبط بكل ما هو ساقط ورخيص في الخارج وليس كل ما نظيف ومحترم في الداخل اسسه الانجليز 1938-1956 بافضل السودانيين ومشو وجات الانقلابات المدعومة من المخابرات المصرية لوثتو عبر 60 سنة من الفجر الكاذب والمستمر
|
Post: #9
Title: Re: البرهان وحمدوك الى الامارات في زيارة رسمي
Author: adil amin
Date: 10-06-2019, 04:25 AM
Parent: #8
قبل الفاس يقع في الراس
مهاجمة مناجم الذهب والدعم السريع في كردفان
هذه القضايا ليس مؤجلة يجب ازالتها من الان وبدت الناس تهاجم موقع الذهب في الاقاليم
لازم ترجع الحكومات الاقليمية المنتخبة من الان ويرفع المركز يده عنها
اعادة الاقاليم والغاء الولايات من اختصاص هذه الحكومة او سينفجر الوضع في الاقاليم قبل تحققو اي حاجة
1- تفعيل المحكمة الدستورية
2- الغاء الولايات ال18 واعادة الاقاليم ال6
3- اعادة قانون الجنسية قبل 1989 ومراجعة اورق الثبوتية والهوية بعد 1989
4- خروج الجيش من اليمن وحلف الثالوث السيء السيسي بن زايد بن سلمان
5- الحركات المسلحة الفدرالية الحقيقة يرجع لها الاقاليم وتنافس في الانتخابات الاقليمية لحاكم الاقليم + برلمان الاقليم لو اصلا هي عندها مشروع فدرالي حقيقي من الاساس
6- التكامل الاقتصادي مع دولة جنوب السودان يرفع الحرج والشحدة من البنك الدولي او دول الخليج النفط مقابل الغذاء مع دولة جنوب السودان فقط يسعف المرحلة تحديدا
https://up.top4top.net/
السودان والعزلة المجيدة
الحل في الداخل وعبر المحاور الستة ديل وليس عند دلالين ترامب
احسن نصحى ونزح من مصر والخليج في هذه المرحلة قبل اليتفرج ما يشتريش وتسير بفتئحكم فضائية الجزيرة والركبان في معركة قطر مع الامارات
|
Post: #10
Title: Re: البرهان وحمدوك الى الامارات في زيارة رسمي
Author: خضر الطيب
Date: 10-06-2019, 04:36 AM
Parent: #9
Quote: دائما بنقرا ونسمع بولي عهد ابو ظبي ، وفي عهد ابو ظبي استقبل ، ولي عهد ابو ظبي سافر ، ولي عهد ابو ظبي وصل..ولي عهد ابو ظبي .....
الدولة دي ما عندها رئيس أو ملك أو أمير...دائما بنقرا ونسمع بولي عهد ابو ظبي ، وفي عهد ابو ظبي استقبل ، ولي عهد ابو ظبي سافر ، ولي عهد ابو ظبي وصل..ولي عهد ابو ظبي .....
الدولة دي ما عندها رئيس أو ملك أو أمير... |
ملاحظتك ذكية يا امتثال
رئيس دولة الامارات هو خليفة بن زايد آل نهيان
و هو مريض من سنوات طويلة
و محمد بن زايد هو القائم بأمور الدولة
ذي ما محمد بن سلمان قائم بأمر الدولة السعودية
لانو الملك سلمان كمان منتهي ,الناس ديل بحكموا حتى الممات حتى لو بالنظر
|
Post: #11
Title: Re: البرهان وحمدوك الى الامارات في زيارة رسمي
Author: امتثال عبدالله
Date: 10-06-2019, 03:47 PM
Parent: #10
خضر الطيب
شكرا للمعلومة ..واول مرة اسمع أن رئيس دولة الإمارات العربية اسمه خليفة بن زايد ،،يعني ولي العهد ده اخوه...طيب ما كان يجيبوا اسم الرئيس ده مرة مرة في صحفهم ويقولوا الرئيس مريض أو صحته أصلحت ...اما اذا كان لا يستطيع أداء مهامه الرئاسية يتنازل عن الرئاسة لأخيه محمد بن زايد ، وبدل ما يكون ولي العهد ينادوهو ب رئيس دولة الإمارات....لكن تقول شنو زي ما قلت الرؤساء العرب والافارقة يحكموا حتى الموت ...واصلوا ما سمعنا بلقب رئيس سابق، يا رئيس مقتول أو رئيس مسجون أو رئيس منفي ....وهذه مصيبة الدكتاتورية ....
وان شاء الله بعد كده في السودان يكون عندنا رئيس سابق يعيش معزز مكرم ومحترم بين الناس ويمشي في الأسواق ويكون مواطن عادي ....واظن الرئيس السابق الوحيد الكان عايش معزز مكرم هو المرحوم سوار الذهب...لكنه كان رئيس مؤقت لسنة واحدة فقط....
|
Post: #12
Title: Re: البرهان وحمدوك الى الامارات في زيارة رسمي
Author: Asim Ali
Date: 10-06-2019, 04:40 PM
سفر للامارات والسعوديه شايلين القرعه .
وتانى رحله الشتائ والصيف وربما عمره او حج معاها.
طيب عملنا شنو ؟؟
مش احسن الناس تشمر ضراعاتا وقفل بابها عليها وتبداء تنميه انشاءالله بالسواقى والشادوف احشن من الجرى لدول معروف اجندتها وماتفعله بالسودان.
|
|