Post: #1
Title: صحفي سعودي:هنيئا لنوبة السودان ..اصل الإنسان.
Author: امتثال عبدالله
Date: 10-05-2019, 05:14 PM
Parent: #0
05:14 PM October, 05 2019 سودانيز اون لاين
امتثال عبدالله-NYC - USA
مكتبتى
رابط مختصر
مقال اوسكار بحق السودانيين كتبه صحفي سعودي ، وهو مطلق العنزي ، في صحيفة اليوم السعودية ، ويقول في المقال :-
"لو أن عربيا فاز بجائزة التهذيب من بين عشرين عربيا فالارجح ان يكون سودانيا، ولو قيل ان عربيا فاز بجائزة نظافة اللسان من بين عشرين عربيا فالارجح ان يكون سودانيا، ولو قيل ان عربيا فاز بجائزة الوفاء بين عشرين عربيا فالارجح ان يكون سودانيا.
والشركات لا تعين مترجما إلا أن يكون سودانيا لاشتهارهم بالترفع عن إفشاء الأسرار، والمرضى في المستشفيات بتزاحمون على عيادات الأطباء السودانيين لأنهم يتسومون فيهم الشجاعة في مقاومة غرور النفس وعدم التجرؤ على ارتكاب اجتهادات مغامرة خطيرة فيما يجهلون ،،وعرب الخليج يميلون لتشغيل سائقين وطباخين ومرافقين من السودانيين لأنهم اقل جرأة على الانخراط في المؤامرات والخيانة ولأنهم اكثر الناس حفظا للأمانة والأسرار وحفظها الود ونظافة اللسان والملبس، ،،
السودانيون بكرمهم الهطال ومشاعرهم اللطيفة يجعلونك تحني راسك لهذا الجميل الذي لا يقاس ولا يوزن ولا يكال ..
واذا اضفنا إلى ذلك اكتشاف الحقيقة الأخرى المدعمة بالوثائق والوقائع والتي اكتشفها كل من البروفيسور عبد الله الطيب البروفيسور حسن الفاتح قريب الله بان هجرة صحابة رسول الله الأعظم الأولى والثانية كانت منطقيا وجغرافيا وتاريخيا إلى السودان الحالي وليس إلى الحبشة (والتي سوف أفرد لها مقالا لاحقا)،يكون السودان بذلك قد تبوا بالفعل مكانة تاريخية ودينية سامقة ،،فإذا أحسنت حكومته ومؤرخوه ومثقفوه ترويج هذه الاكتشافات عالميا وإسلاميا سيكون للسودان عشان عظيم لتحل اليقظة والريادة محل الدوامة المفجعة التي ظل يدور فيها منذ فجر الاستقلال في يناير ١٩٥٦م وحتى يومنا هذا ..فهنيئا لنوبة السودان ..اصل الانسان، ،،
....انتهى المقال...
شكرا مطلق العنزي فقد قلت واوفيت وكفيت وانصفت الانسان السوداني...
مقال اوسكار ...
|
Post: #2
Title: Re: صحفي سعودي:هنيئا لنوبة السودان ..اصل الإنس
Author: Yasir Elsharif
Date: 10-05-2019, 05:29 PM
Parent: #1
سلام وشكرا امتثال
والتحية لكاتب المقال مطلق العنزي
|
Post: #4
Title: Re: صحفي سعودي:هنيئا لنوبة السودان ..اصل الإنس
Author: امتثال عبدالله
Date: 10-05-2019, 05:54 PM
Parent: #2
ياسر الشريف
شكرا للمرور والتعليق...
بس يا ياسر انت ما شايف ان من تعرفها باللايفات البذيئة وفاحش القول خربت لينا نظافة اللسان دي ...
ان شاء الله ما يسمعها الصحفي السعودي ،،،،!!
|
Post: #3
Title: Re: صحفي سعودي:هنيئا لنوبة السودان ..اصل الإنس
Author: محمد محمد قاضي
Date: 10-05-2019, 05:53 PM
Parent: #1
إمتثال يا كنداكة ده كلام عاطفي ما عندو أي سند
وكتير بنسمع ونقرأ زي المقال الإنشائي ده والصالح
والطالح موجود عندنا كما عند الآخرين وحاليا نحن
بقينا في مؤخرة الشعوب في كل النواحي والمناحي.
وبعدين نحن ما عندنا في تاريخنا ملك إسمه النجاشي
وفي الحقيقة نحن ما محتاجين نسرق أو نستولي علي
تاريخ الآخرين وتاريخنا مليان كنوز لم تكتشف بعد
|
Post: #5
Title: Re: صحفي سعودي:هنيئا لنوبة السودان ..اصل الإنس
Author: علي عبدالوهاب عثمان
Date: 10-05-2019, 06:39 PM
Parent: #3
الابنة امتثال .. شكرا على نقل المقال
سلوكنا العادي فيه قيم وسلوكيات عالية جدا مقارنة بالحنسيات الاخرى
لأننا نخضع لقانون العيب
صحيح مقال السعودي
أذكر في ثمانيات عملت في قاعدة الملك خالد العسكرية في شمال المملكة
كان سلاح المهندسين الامريكي المسئول عن إنشاء القاعدة
كان ممنوع دخول أي جنسية عربية غير السودانيين
حتى الامن داخل القاعدة كان الشرط أن يكونوا سودانيين
حتى جاءت حكومة البشير وتأييدها لصدام حسين في احتلال الكويت
هنا تبدلت الحالة
السعوديون في اللاشعور يحملون محبة للسودانيين ولكن هناك البعض طبعاً له نظرة أخرى
التحية للابنة امتثال .. والتحية لباقي الاميرات
|
Post: #6
Title: Re: صحفي سعودي:هنيئا لنوبة السودان ..اصل الإنس
Author: امتثال عبدالله
Date: 10-05-2019, 07:02 PM
Parent: #5
محمد احمد
الكلام البيخص النجاشي والسودان الصحفي السعودي بيقول ده كلام البروفيسور عبد الله الطيب و البروفيسور حين الفاتح قريب الله
|
Post: #7
Title: Re: صحفي سعودي:هنيئا لنوبة السودان ..اصل الإنس
Author: امتثال عبدالله
Date: 10-05-2019, 09:00 PM
Parent: #6
وبعدين برضه يا محمد محمد قاضي ٣٠ سنة ظلم وقهر واستبداد ودكتاتورية بشعة وسرقة ونهب وسفك دماء ما حاجة ساهلة ولا شك ان هذه الدكتاتورية الغاشمة قد غيرت في سلوكيات الكثيرين من أفراد الشعب...لكن ما زال الشعب السوداني كما هو ومحافظ على عاداته السمحة وكرمه ومروءته وشهامته الا ما ندر ...ولعلك قرأت ردي على ياسر الشريف بعض مثال لهذا...ولذا اقضي علينا بالعدل يا محمد محمد قاضي، ..وش باسم ..
|
Post: #8
Title: Re: صحفي سعودي:هنيئا لنوبة السودان ..اصل الإنس
Author: محمد محمد قاضي
Date: 10-05-2019, 10:09 PM
Parent: #1
بالله ركزي معانا يا إمتثال ما تلخبطي القضاة هههههه
الحرامية واللصوص وفاحشة الكلام المقصودة
برضو سودانيين, نعم ما زال الخيرية موجودة
في الغالبية فينا لكن نحن برضو ما ملائكة
|
Post: #9
Title: Re: صحفي سعودي:هنيئا لنوبة السودان ..اصل الإنس
Author: adil amin
Date: 10-06-2019, 03:54 AM
Parent: #8
الحبشة حضارة ومحترمة من زمان وهسة ..ما دع لتدليس عبدالله الطيب والبحثت عن عروبة مستعارة
نحن ايضا حضارة اسمها كوش
https://up.top4top.net/
كانت عظيمة وهسة لا ؟؟
لا ننا لا نتبع الكوشيين الحقيقيية وبرنامجهم الراقية
الاستاذ محمود الحزب الجمهوري والفكرة الجمهوية
الدكتور جون قرنق والحركة الشعبية
ونتبع الطارئين علي السودان في المركز والهامش ومشاريع الصرف الصحي المصرية والعربية
|
Post: #10
Title: Re: صحفي سعودي:هنيئا لنوبة السودان ..اصل الإنس
Author: Abdullah Idrees
Date: 10-06-2019, 08:12 AM
Parent: #9
Quote: وبعدين نحن ما عندنا في تاريخنا ملك إسمه النجاشي
|
بس جبتها من الاخر
لا نريد ان نتسول تاريخ اي شعب او نسطو عليه فلدينا ما يكفي ..
تحياتي امتثال
|
|